تحديث : نظراً للتفاعل والإنفعال والإندماج الشديد مع القصيدة قررت
إنشاء جزء ثانى لها من تأليف الأصدقاء.....
أفضل 2 هيتنشروا بأسماء أصحابهم
للإرسال(الميل الخاص بى الموجود فى البروفايل)
_____________________________________________
ماليش ف السياسة
ماليش ف السياسة
ماليش ف الخباثة
ماليش ف العوء
ولو مرة واحد
نادانى وسألنى
هقولوا
عبَط
ماليش ف السياسة
ولية بيسألونى؟؟
وجابونى
وخدونى
ورمونى
غلط
ماليش ف السياسة
غٌلبت أقولها
وبردو
طرَش
أصابهم ياعالم؟؟
ولا دا هبَل؟؟
ماليش ف السياسة
وبردو مصممين
ياتعترف
يإما تعترف
ولو مش هتعترف
يبقى لازم تعترف
كرَروها ياناس كتيير...
قولت أفتكر..
أدعبس ..
أدور..
يمكن ألاقى إنى
كنت يوم مٌستيس.؟؟
ماليش ف السياسة
وقعدت
أفتكر..
يوم مرة واحد
قاللى
ياعبدو
المَم غلِى
ورديت ساعتها
وقولت
ما يتغلى
بس ابقى ركز
لا يفوور ويتحرق
ماليش ف السياسة
ودى مش سياسة
ورجعت أفتكر...
ف يوم مرة صاحبى
قاللى الجاز غلى
قاللى النقل غلى
قاللى الهوا غلى
قاللى النوم غلى
رديت قولتلوا
ياعم رووح بعيد...
نووم إية اللى غلى
وشديت لحاافى
لجل ما أكدبة
ومن يوميها نايم
لجل ما أكدبة....
وجم هما فجأة صحونى
بيسألونى
يللا إعترف؟؟
ماليش ف السياسة
غلبت أقولها
وقالولى هتعترف
يعنى هتعترف...؟؟؟
______________________________________
الآن بوست مواجهاتى جديد على مدونة (على حريتنا) بعنوان
(رحلة البحث عن المجهول)
هناك 109 تعليقات:
كانت هذة القصيدة هى المفاجأة الأولى
لأنها أول قصيدة عامية أكتبها
وأتمنى تعجبكم....
اتكلموا براحتكم بكل صراحة..
تسمحيلى أكمل حته صغنونه:
ملقيتش قدامى غير انى اعترف
اعترف أنى خايف على موت البلد
بس نايم
أعترف انى خايف على ضياع الولد
بس تايه
أعترف انى رحلت وسبتهالكم صفرا
بلون الحرايق
بلون الشجر الدبلان فى الحدايق
بلون الملل
اعترفت وجاهز لحكمكم يا أوطى الخلايق
القصيده جميله جدا وتخللى الواحد غصب عنه يتفاعل معاها برغم دمها الخفيف واسلوب السخريه فيها بس كلها جديه...تحياتى ليكى على الأسلوب والفكره....شكرا
لا أنا مش هتكلم أصل يجى ولاد الإيه يودونى ورا إيه
أصل أنا مليش فى السياسة
خلينى ماشى جنب ....
تحياتى
دعاء
اخيرا اعترفتي ان ملكيش في السياسة
ده كمان اعتراف هيحاسبوكي عليه
القصيدة حلوة اوي بس كلنا لينا في السياسة مادام عايشين وبنحب البلد دي اللى عذبتنا ما بين حبنا لها وظلم اهلها لينا
بيدو
جــــــــــــــــامده موووووووووت
تسلم ايدك انا نزلت تحت ادور بتاعة مين بحسبك ناقلاها من حاجات الفاجومي
بس بجد فكرتها حلوه قوي
تسلم ايدك
سلاااااااااااااااااااااام
حلوة يا دودو وبتعبر عن خوف جوه الكتير قوى
موضوع جميل .. وواضح ان مالكيش في السياسة خااااالص
هههههه
برىء يا بية
ولو ......ولو.....
يرىء يابية
تحياتى يا افندم
اول مره
امال لو مش كانت اول مره كنتي عملتي ايه
بجد حلوه
ما شاء الله
تسلم ايديكي بجد
ما ليش في السياسة ...
طيب بجد سؤال ؟ ! يعني ايه سياسة ؟
هل المقصود اني ما أكونش مهتم بالسياسة... اني ما يكونش ليا رأي عن الخدمات العامة المتدهورة مياه ونور و كهرباء و مواصلات عامة وتعليم ...
اني ما يكونش ليا رأي في الفساد المنتشر والبيروقراطية العفنة ...
اني ما يكونش ليا رأي فيمن يحكم بلدي ..
مش عارف ... فعلا .. هل كده الواحد متشائم .. لما يكون مش عاجبه الوضع .. لما يكون بيطالب بحقه ...
عارف انك زعلانه بس والله النت والكمبيوتر بيلاعبوني بس ان شاء الله هيتظبطوا في اقرب فرصه ..
المهم ان انا مليش في السوياسه وبحب امشي جوه الحيط
بس بجد دي او قصيده عاميه تكتبيها ؟؟؟
اوك بدايه جامده جدا
حلوة يا دودو كالعادة بس انت متاكدة انها اول قصيدة عامية تكتبيها؟؟؟؟
والله انت بترجعى لى الامل فى البنات كل ما ادخل مدزنتك ..........
اكتبى اكتبى على طووووووووووووووول
بطبق نظرية يا ما فى السجون مظاليم
تحياتى يا جميل
بجد بجد تحفه يا دعاء
جميلة ما شاء الله يا دعاء ، بس بجد و حقيقي ، ملكيش في السياسة خاااااااااالص. تحياتي...
حلوه يا دعاء جامده جدااااا
مليانه خوف و رعب من انهم ياخدوه
نام ياعيني علشان مش يتهموه بحاجه
و جولو برضه و هوه نايم
حلوه اوي
حلوة اوي يا دعاء
تسلم ايدك
ههههههههههههههههههه
واحنا ورانا غير السياسه الى خاربه بيتنا
انا بقى ليا فى السياسه
انا بسياس ابويا فى البيت وبسايس اخواتى وبسايس صحابى
مش دا كله سياسه
جميله والله انتى ليكى اسلوب جميل فى العاميه وغالبا الزجل هو المفهوم دلوقت
سلام عليكم
ماليش فى السياسه. وياريت يلحمولى جيبى اللى اتخرم.
ماليش فى السياسه. وليه ياقفايا واخدعالصرم.
ماليش فى السياسه. ماليش فى الحياه.
ماليش فى السياسه. ومبقولش أاااه.
ماليش انى اعيش ودايما مفيش.
بكل اختصار. بدون انفجار.
راح أخد قرار انى ابقى عدم.
كلمتين لسه طالعين سخنين من نفوخى
...انتى اللى اوحيتى ليه بيهم....
بجد انتى عصبتينى.
الى الامام دائما ومواضيع افظع وافظع.
مواضيعك متميزه ماشاء الله.
سلام عليكم
قمت اعترفت
وقولت انى سياسى قديم
ابويا كان راجل بيعارض
وعيلتى عيلة سياسية
غير انى عضو ف حزب معارض
وتنظيم
وحركة
وجمعية
وعندى فى البيت مليون منشور
وميثاق وخطة انقلابية
قام قالى : غور ياض انت يا واد
شكلك اساسا هجاص
هههههههه
:))
احمد
مش مصدقة انها اول قصيدة ليكى
حلوة جدا و دخلتها رائعة
هى بس الوزن و القافية عايزين شوية تظبيط صغنطوط اد كدة
بس كلامك جميل يا قمر بجد
و مش حتكون دى اخر زيارة ليا فى مدونتك الجميلة دى
محمد داوود
ياخبر على الكلام الجميل
الى بتمنى بس اكون استحق نصفة
التكملة بتاعتك جميلة اوى بجد
من اجمل التكملات اللى وصلتنى...
وانا مبسوطة جدا لتفاعل الجميل دة
نورت
محمد غاليا
مااشى ياعم ياللى مالكش ف السياسة انت
وكمان خاايف تقوول اسمهم
مااشى براحتك يابا
نورتنى
بيدو
لا يابيدو أهلها مبيظلمووش
كلهم مغلوبين على أمرهم
فبيطلعوا كل دا فى أى حجاة فى اى كلمة تصرف فعل غير مسئول كدة يعنى
الضغط يابيدو بيولد..
زى ما انت عااارف
نورتنى
الشنكوتى الكبير
كنت لسة بكلم الصباغ
وبقولوا احلى تعليق وصلنى
بتاع الشنكوتى
لأنة بيشبهنى بحد أسطورة
تحيااتى الجامدة لذووقك
مكهرب الدنيا ...
آبى
أما آن لليل أن
ينقشع؟؟؟
(حلوة ينقشع دى)
صح؟؟؟
نورتى ياجميل
بس كل مرة تعليقكو ينقرض خايفة يتمنع خاالص......
unique
آآآآآآة مااالييش
كويس ان عندك قوة ملاحظة
اهم حاجة التركييز
نورتنى
kafrawy
هههههههههههههههههههههه
هو كداا بالظبط
عليك نووور
بيس
نورت
زوزو
يابنتى دى أقل
حاجة عندنا
هههههههههههههههههههههه
الله يكرمك
دا بس من ذوقك
منوراانى
- أحمد باشا هشام
اولا عاوزة اقولك شووف مدونتك مالها بقالى مليون سنة عاوزة اعلق ومش عاارفة....
____________________________
ثانياً بالنسبة للسياسة فهى أكلنا وشربنا ونومنا وصحاياننا
مفيش حد ملووش ف السياسة يابرنس
ولا انت شاايف اية
ثالثاً لا انت مش متشائم ولا حاجة لأن كل الحكاية انك حاسس بالواقع وملتحم فية اوى وبالتالى مهموم بية وبالتالى ايضا مش قاادر تسكت
يبقى اية
يبقى السياسة
نورتنى اااخر نووووور بجد
زيارة غالية.....
عبدالله غنيم
بص بقى يابيدو ياابنى انت مش غريب
وعلشان كدة حقولك الصراحة الصراحة يعنى
دى تانى واحدة بس الاولى انا مش حسباها لانها مش كوزيسة اوى يعنى
فبعتبر دى الاولى لأنى حساها اوى ومعجبة بيها كماان
نورتنى ياعم
ابقى اسال...
- إنجى
مدياانى ساايز جميل اوى
وكبيير اوى
اتمنى يجى على مقااسى ياارب
حااضر انا بتنفس بتشجيعكوا ليا بجد
نورتى
dsert cat
وانتى الصادقة ياقمر
ياما فى المظاليم
سجوووون
بيس
بلو وويف
سانكس يادكتور
نورت
منال مصطفى
عاوزة الجد
الحقيقى ولا الجد الهووزار
والجد الجداانى؟؟؟
حددنى مهى تفرق بردوو؟؟
نورتى
واحدة مفروسة
شوفتى يامفروسة ياحبيبتى
متااخد متااخد
اوعى تكونى اتفرستى؟؟؟
الحكاية مش ناااقصة اصلها
نورتى الحياة..
معاني
هم يضحك وهم يبكي
نظم القصيدة
جميل فب حتت حسيت انك محترفة فيها
وحتت حسيت عاوزة شوية تظابيط
بس بشكل عام
سيري سيري
D:
تحياتي
أربعين سنة استيوتند
ميرسى
اتمنى تكون على قدر الاعجاب فعلا
نورت..
عاوز حقى
صح كلاموو
السياسة هى فن التعامل
فكيف نحيا بلا تعامل
نورت
بيس
أبو عبيدة
إسمحلى انا بقى
اقولك انى مبسوطة جدت نم التفاعل الحى دة مع البوست وكلامة
ومبسوطة كمان للإنفعال لأن معناة انة عمل علامة كويسة
الكلام اللى طلع من نافوخك جاامد اوى
انا شكلى كدة هعملها جزء تانى من تأليفكوا نتوا
نورت
- أحمد باشا الصباغ
هههههههههههههههههههههههه
اة صح فعلا شكلك هجااص.........
اية ياعمنا الابداع اللحظى دة
الكلام دة وسام على اروقة مدونتى..
__________________---
فرشتلك الأنترية زى ما اتفقنا
خد راحتك
المدونة مدونتك....
بيس
ورود وأشواك
ياخبر
دا شرف كبير ليا طبعا
تنورينى
بس هى تعد التاية لكنى لااحسب التجربة الاولى
نورتى
النجمة الصامدة
اكيد لازم يكون فية نقاط ضعف طبعا
واشكرك على التوضيح
شرفتينى
صباح الخير فى البدايه كنت عايز اوضح شويه حاجات انا مش بتطفل عليكى فى المدونه لا انا بيوصلى دعوة انى اعلق زى اى واحد عالميل بتاعك رغم انى زى مابتقولى متعرفنيش بس يمكن انا اعرفك كدعاء اللى بتراسل الصحف ثانيا والله انا ماكنت اقصد انى اسكتك زى ماقولتى لا انا كنت عايز اخرج من جو الاشاده اللى بيصل للنفاق فى بعض التعليقات واعتقد ان الهدف من التعليقات هو الحوار ثالثا وده الاهم موضوع النقاب انا مكنتش باخد رايك فى النقاب هل هو فريضه او لا الموضوع واضح الكلام كان عن النقاب فى الحج والعمره وحديث ابن عمر عن النبى ص لا تنتقب المراه المحرمه ولاتلبس القفازين بس ممكن اكون خانى التعبير او مفهمتش كلامك وده وارد لكن مدامتى اتكلمتى فى موضوع كون الحجاب فريضه ام لا ولان الدين النصيحه وطبعا مفيش حاجه اسمها فضيله فالامور الشرعيه بتنقسم الى فريضه سنه اوبدعه والنقاب من الامور اللى فيها جدل وخلاف كبير ولكن الراجح انها فريضه لعده حجج اولا قوله تعالى , وازا سالتموهن متاعا فسالوهن من وراء حجاب , كزالك قوله تعالى.وليضربن بخمرهن على جيوبهن ولا يبدين زينتهن الا لبعولتهن,صدق الله العظيم ثانيا حديث ابن ام مكتوم حيث دخل على زوجتى الرسول ص ميمونه وام سلمه والنبى حاضر فقال النبى احتجبا عنه قالتا يارسول الله انه اعمى ولا يبصرنا فقال ص الستما تبصرانه ثالثا ماروته السيده عائشه عن نفسها فى حادثه الافك عندما راها صفوان ابن المعطل متخلفه عن الركب قالت راى سواد انسان نائم فاتانى فعرفنى حين رانى وكان يرانى قبل الحجاب فاستيقظت فعرفنى فخمرت وجهى عنه,رابعا حديث ابن عمر يدل على انه هناك حجاب مفروض تم تحريمه فى هزا الموقف فقط00000000000000000فى الختام اليكى اعتزارى مع وعد بعدم التعليق بعد اليوم والسلام عليكم ورحمه الله
ايه الجمال ده
احنا في ايام حتي اللي ليه في السياسه
بقى مالوش فيها ومش عارف ايه اللي بيحصل في البلد ده
امور كتييير متلخبطه
مفاهيم معكوسه
حكومه بتنفز سياسات ضد مصالحها
أو بلأصح ضد مصالح شعبها وبلدها
ربنا يرحمنا
ازيك يا حاجه دعاء
عامله ايه
وحشتينى بجد
وانا مش هسيبك الا لما اخد السبحه والطاقيه بتاعتى منك
ويا سلام بقى لو حتة جلابيه تبقى تمام
انا عاجبنى حماسك يا دعاء
واسلوب ادارتك لدعاية مدونتك
واعذرينى لو كنت مقصر لكن غصب عنى
انما الثابت انى بعتز جدا بمعرفتك
تحياتى يا جميل
من غير اشطاط
دؤدؤ حبيبي وحشاني كتيييييييييييييييييير
والله عارفه اني مقصرة معاكي بس انت كنتي عارفه ظروفي كويس من امتحانات وكده يعني ثم اي حاجه بعد كده بلاش تقوليها لعمرو الطاروطي انت عارفه ان عمرو الطاروطي وكاله اخبار عالمية
المهم انك وحشاني موووت مووووت
وقريب ان شتء الله اكلمك واشوفك
قصيده رائعه بجد فى انتظار الجزء التانى
قصيدة جميلة..
إنها السياسة فعلا
أن تعترف بأنك إنسان جئت إلى هذه الأرض
تبحث عن لقمة العيش
وتريد أن تعيش بأمان
وتمشي جنب الحيط وتقول يا ستار يا ستار مش عاوزين غير الستر والعيش
ورغم كل ذلك
لا يتركوك بحالك وعايزين الاعتراف!!
ربنا يسترها معانا
تحياتي لك
قصيدة تندرج تحت المواجهات ايضا
جمييييييلة ،، فيها قوة وإصرار على القرار
مالييش فى السياسة
ملاحظاية صغنونة
مالك حبيبى؟
ايه ضايقك؟
حد يضايق اجمل دعاء فى الدنيا؟
مش ممكن
يابخت اللى انتى وسطهم
عندهم أجمل انسانة
بحبك اوى اوى اوى
من هنا عندى لحد عندك
حضن كبيييييييير اوى خالص
ودعوة من قلبى
ربنا يسعد قلبك يارب
تحياتى وحبى
كاميليا
ربنا يخليكى ليا ياارب
ابدا بس شوية إكتئاب ع المااشى كدة
نفسى اعمل حاجة جامدة ومش بعمل حاجة
انا كسولة اوى
ومقصرة اوى
بيس ياجميل
قصيدة هجائيه ساخرة من الطراز الاول
تحياتى
حلوة يا دعاء اوي
بس ليه كدة؟!
دلوقتي لازم تعترفي ايه اللي خلاكي تكتبي القصيدة دي
جميله يادعاء جدا بجد
دمك شربات شربات
مبروك عليك اول قصيده عاميه بدايه موقفه جدا
هههههههههههههههه
فى انتظار الجزء التانى ان شاء الله
احسن حاجة
انا كمان مليش ف السياسة ووجع الدماغ :D
وشي مش في الأرض منك
لأ
ده تحت الأرض
ماتقوليش إنك مش زعلانة مني
لأني أصلاً زعلان من نفسي إني لحد اللحظة دي لسه ما قولتلكيش حمدلله على السلامة
بجد بجد بجد يا دؤدؤ أنا زعلان مني
بس و الله يا دعاء غصب عني
أخوكي كان طالع عينه في مشروع التخرج
و ما كانش بيفضي ربع ساعة يبص فيها على أي حاجة غير الشغل
و بعد ما ناقشت المشروع نمت 3 ايام و صبحت السبت و استلمت شغل عند دكتور من اللي كانوا مشرفين عليا و برده طالع عيني
10 ساعات شغل في اليوم يا دؤدؤ
و الله يا دعاء تقصيري ده مش بإيدي
بالله عليكي ما تزعليش مني بقى
انت عارفة انت غالية عندي قد إيه
بالنسبة للبوست
يا بنتي انت دماااااااااااغ
و عبقرية دعائية مواجهاتية فريدة
و أنا ماليش في السياسة
مش زعلانة مني ... صح؟
يلا سلام
بجد رائعة جدا
تسلم ايديكى
انتى بتعبرى بيها عن مشاعر واحلام الملايين والاغلبية المقهورة
والناس اللى بتظلم بدون ذنب
تحياتى وتقديرى وتمنياتى بمزيد من النجاح والتفوق
ههههههههههه
هتعترف يعنى هتعترف .. غصب عنك هتعترف
إحنا خلاص قبضنا على كل شراكائك
سياسة إنك ملكش فى السياسة هى بذات نفسها سياسة
جميلة يا دودو .. جميلة جميلة جميلة
والتجديد بتاع العامى رائع
ودمها خفيف مووووت
تسلم إيديكى
يا دودو .. معلشى صحيح نسيت
إعتذار بس لتأخيرى فى الرد .. علشان بس أنا مشغولة موووت الأيام دى
إدعيلى ربنا يقوينى ويعدى الأيام دى على خير
سلام يا جميل
بجد المعني بتاعها هايل
وانا حسيت انك جيتي ع الجرح الحقيقي فعلا
كل واحد فينا بيقول مليش دعوة مليش دعوة لحد مبتتطربق علي دماغنا
ولا اجد في الموضوع ده اروع من بيتين شعر قالهم نجيب سرور مش هينفع اقولهم طبعا
بس فعلا يا دعاء القصيده دي سامحيني غيرت رايي فيكي خالص
تقبلي خالص تقديري وتحياتي
دودو
ازيك
انا بس معدي طبعا استمتع بالعامي بتاعك واللهي تحفه
بس جاي جري عشان مينفعش ماجيش يومين واخلص امتحانات يومين بالظبطططططططططط
وارجعلكو بأه يا عالمي اللذيذ
وياصحابي يا حلوييييييين
هو بعد اللي انتي كتبتيه دا ممكن أصدق ان مالكيش في السياسه بس هايبئي بمزاجي ياقمر لأني متأكده ان ليكي في السياسة:(
لكن اللي ممكن ماعديهوش خاااااااااالص انك شاعرة جامدة جداا جدا
واتفاجئت بتعليقك وانتي بتقولي ان دي اول مرة تكتبي فيها شعر عامي
ربنا يوفقك كمان وكمان وتكتبي شعر تاني وتالت ورابع
فعلا يا دعاء كل حاجة غليت ماعادا النوم بقي رخيص جدا
علشان كدة كل الشعب نايم
ولكل واحد اسبابه
- بالنسبة للأخ غير المعرف
مااعرفه ان الحجاب بشروطه الشرعية
- مش الموضة اللي بيتلبس دلوقتي او الي بيتسمي احتشام - هو الفريضة والتي جاء ذكرها في القرآن اما النقاب فهو سنة او مستحب على اقصي تقدير وللعلامة الألباني كتاب في ذلم مسمي حجاب المرأة المسلمة
وله ايضا كتاب يرد فيه بالأدلة الشرعية علة من يقول بفرضية النقاب ووجوبه
وفقنا الله للصواب
تحياتي لك
حلوة اوى القصيده
وحقيقيه جدا جدا
ومن الواضح انك مالكيش فى السياسه
احبسينا يا مواجهات
ودينا ورا الشمس علشان ترتاحى خالص
اعمل فيكى ايه بس
ارطك فى الستاره علشان متعمليلناش مشاكل
ههههههههههههههههه
حلوة اوى القصيده جميله جمال مالوش مثال
تسلم ايدك
تحياتى
دودووووووووووو واو بجد حلوة اوى اكتبى بالعامية تانى اسلوبك حلو اوى ما شاء الله اموااااااااااة
برغم انها عاميه بس بجد لذيذه انا احب النوع ده من القصائد اوى
اما عن الرابطه اللى نتمنى تشاركينا فيها فده مييلى لو حابه تعرفى عنها اكتر
maro_tatu@yahoo
بجد دى اول قصييدة عامية
بس حلوة هيبقى لييكى شان فى المدونات
يا بنتى
انا بحبك فى الله يا دودو بجد
وبتيجى فى دماغى كتيير
نادر
مش عارفة لية كل اللى انت عاملة دة واية الى حصل علشان تاخد الموضوع بالشكل دة ..
عموما انا لما كنت بتكلم كنت بتكلم عن النقاب وليس الحجاب والادلة اللى بتقول عليها انا اللى أعرفة منها الآية الكريمة(وليضربن بخمورهن على جيوبهن)
والآية مفسرة نفسها والجيب هو ماتحت العنق بمسافة
اما حديث الرسول لزوجاتة صراحة لا اعرف مدى صدقة واول مرة اسمعة
وعموما القليل من الشيوخ من ينادون بأنة فريضة وزى ما انت عارف إختلافهم دة رحمة لناس كتيير
وزى ما انت ذكرت بنفسك إن الإحرام لايجوز معة النقاب فأولى أن تنتقب المرأة فى أثناء أداء العمرة او الحج إذا كان فريضة زى مابتقول
وأولى بالفريضة أن تتبع
وعموما لكل رأية وانا لا افند حججك ولكن دة اللى اعرفة ولا ادعى العلم
الشامل الخالى من النواقص..
المدونة مفتوحة لكل الناس ولكل الحوارات الجادة ..
تحياتى ليك.
- أحمد
باتت المصالح الشخصية هى الاهم
تحياتى لمرورك
صالح سعيد
ازيك ياصاصا
منور البلوج والبلوجات المجاورة يارااجل
انا قولت أمل نستك الدنيا ومافيها..
وبعدين دى مدونتك وتيجى وقت ما تحب
وبالنسبة للهدية انت تؤمر
نورت.
يللا من غير إشطاط بردو..
حوبة
اولا كل سنة وانتى طيبة
وعقباال مليون سنة ياقمر
ثانيا اية حكاية عمرو دى انا اصلا ولا بكلموا من فترة ع الطاير كدة بس
وضحى قصدك؟؟؟
قلقانة عليكى.. غيابك طول
طمنى هيما كمان علشان قلقان اوى
نورتى ياقمرة..
بطوط حبوب
والله بقى الجزء التانى دة
متوقف على الجمهور نفسة
لانها هتكون من تاليفكوا انتوا
واتمنى دا يحصل ويعجبكوا
سلااام
شهرذاد
مهو الحيط دلوقتى
مبقاش يجيب همة ياقمر
نورتى
دودو حبيبتى وحشتينى جيت اشال عليييييكى
مع انى لسة كنت عندك بس رخامة بقى عاااااادى
وحشتينى
كنارى
هى ساخرة اة
بس مش متهيألى هجائية
انا مشتمتش حد فيها خاالص
نورتى
سنو وايت
ابدا ياجميل
تخريفاات الوحدة يعنى وانا قاعدة كدة لوحدى
مفيش سبب معين صدقينى
نورتى
رحيل
الله يبارك فيكى
ان شاء الله
قريبا
نورتينى
حمامة
فينك من زمااااااان
ليكى وحشة
نورتى بلوجك
نيجرو
مهو لو قولتلى الواحد يعرف يزعل
من نيجرو ازاى كنت زعلت.....
مااشى يامان
مقبولة منك
ولا يهمك
ربنا يعينك ويوفقك
وابقى حااول تفتكرنا.. حاول ..حاول
نورت
همس الأحباب
أستاذنا خالد
ربنا يكرمك
اتمنى كلامى يعجبك ديما
واكون قدر رايك دة
نورت مدونتك
- ميوشة
حبيب قلبى
اللى عايش فى دور الدكترة اليومين دول
ربنا معاكى ويعينك
نورتى
أمجد
ياترى غيرت رايك من انهى ناحية بقى؟؟
عاوزة اعرف بجد
وياريت تقول بيتين الشعر
نورتنى
دكتور بهدوء
منتظرينك يادكتور
عاوزينها عودة قوية
نورتنى واسعدتنى بالزيارة الخاطفة
انت اة مرديتش تشرب الشاى بس انا مقدرة
ربنا يعينك..
قلب ينبض لله
لا بجد انا كدة هتغر بقى
رايك دة بجد
اتمنى انى اكون استاهل نصفة
نورتينى
مصطفى ريان
أشكرك لرأيك
وردك على الاخ نادر
نورت البلوج
momken
اية ياعم انت جاى تسيح هنا ولا اية
احبسكم لية
دا اان حتى ماليش ف السياسة
بعد كدة تعلق بصوت واطى مش تلم علينا الجيران
نورت..
بيرى
مش عارفة لية بيجيلى احساس
انك بتكتبى وانتى واقفة
ومستعجلة
منورانى ديما ياقمر
محمد مارو
اكيد واحب اعرف تفاصيل اكتر
نورتنى..
نونو
بجد القلوب عند بعضها
انا كمان كتير بفتكرك
ميرسى ع النبؤة دى
اتمنى تتحقق
نورتينى
مليش في السياسه
يا عالم ياللي فوق
وماله طاب الطناش ؟
ده حتي كله ذوق !
مش عاوز ابقي رئيس
والناس تقوللي ياريس
بحب يوم الخميس
انزل بلدنا واهييس :) !
سياسة ايه يا جدع
روح هاتلي برجر وكاتشب :)
وطنا فيه البدع ...
بصراحه حاله مشقلب !
سياسة ام علي
هيا اللي ماشيه فبلدنا
سيبوكوا مالسياسه
وهاتولنا حاجه تفيدنا !
صدقني يا عم بوش
وغلاوة كونداليزا
سياسة كَفرنا
طعمه وحلوه ولذيذه !
الحزب اللي عملته
حزب الكشري بدقه
بصراحه اللي أكَلته
خلاني مقلشي لأه !
والشعب كله واكل
طبعا موش عالقفا :)
ومفيش حد عاطل
والامه مثقفه !
وهرجع اقولها تاني
مليش غير في الأغاني
سياسة يعني صداع
موش عاوز اوجع وداني :)
من وحي كلماتك ومواجهاتك
ليكوريكا
واسف عالتقصير بس بجد انا مقصر مع الناس كلها
سامحوني بقي
ويارب التفاعل ده يعجبك
سلام فور ناو
ليكوريكا
اولا هى حلوة جدا كبداية كتابة عامية
استمرى واقرى كتير ثانيا كموضوع بقى
مفيش حد مالوش فى السياسة بالذات فى مصر
لان احوال البلد تضطر اى حد انه يبقاله فى السياسة
بصى انا بس عايزة اعرف يعنى اية ماليش فى العوء الى انتى كاتباها اوك ثانيا عايزة اقولك حاجة هو من حق اى حد يعلق يشتم فى الى معلقين ؟ بليز اريد الرد على مدونتى مشمشة كامل سعد الدين
تصدقي بقى دلوقت بس اقتنعت إنك 10 على 10 في السياسة :)
عايزين نشوف تجارب كتير إن شاء الله
ايه الحلاوة دي ؟؟
بتكتبي شعر كمان ..ما شاء الله
انا كنت هنا قبل كدا بس اجلت التعليق شوية كدا عشان اتكيف بالقصيدة..
ربنا يحفظك..
بس كدا بقى لكي في السياسة
تحياتي :)
بصى اولا مرسية على تعليقك عندى بس انا زعلانة منك عارفة لية يا مواجهات
المواجهة الاولى حبيبتى لما تقولى فى تعليقك على مدونة على صوتك بالغنا فوقو بقى من الى انتم بتشربوة وانت هتعملهم علينا معناة تعليقك ان معلقين سهل يضحك عليهم بكدب عارفة يادعاء رغم انى اكبر منك بسنة بس عايزة اقولك كلمة انا مؤمنة بيها
الكدب اكتر حاجة بتتحس عارفة يادعاء فاتك حاجة مهمة اوى اوعى تحكمى على حد مش تعرفية الانسان الى بتردى علية حد صادق اقولك لية
دليل بسيط اوى حبيبتى لما حد يقول على نفسة انا بحب اكون فى يوم من الايام من الذين يظلهم الله بظلة حد بيتمنى الجنة هنقول بيرسم نفسة علينا بس حبيبتى ازاى ارسم نفسى على الخالق
ونقطة كمان عجبتنى بصراحة صاحب مدونة انة يقول انة غير مثالى يبقى حد صادق وبالاضافة كمان يادعاء انا زى اختك بردة مش يصح طلعينا اغبية او يضحك علينا وطلعى صاحب مدونة كداب لما هو كداب بتسلمى علية لية الطيور على اشكالها تقع صح ولالا دة مش هجوم حبيبتى بس عشان انا زى اختك بوضحلك بس بجد ربنا يكرمك وبلاش تقولى لحد اكبر منك واد انا سورى ماليش ادخل بس انا مش اعرف الراجل دة غير 70% بس صدقينى حسيت صدقة فى كلامة يادودو زى ماانا حسة انك امورة وهنبقى صحاب ياريت تعتبرى فرق سن دودو بليز وخصوصا لو حد صادق ياسياسية لاالة الا الله حبيبتى
دعاء
السياسة عندك بقت ملوخية
عموما انا بأكد للمرة المليون إن السياسة بتعمللي صداع في صباع زجللي الصغنن
ارحمو صباعي شوية
دودو
معلشى جيت متأخرة
بس تأتى متأخراً خير من أن لا تأتى أبداً
القصيدة حلوة جدا
بس الأحلى
فكرتها
أحييكى عليها
تحياتى يا حبيبتى
مدونة جديدة نرجو الزيارة وابداء الرأى
ليكو ريكا
اية الابداع الجامد دا بس ياراجل
ربنا يعينك
مقدرين مشغولياتك
نورتنا
بيس
مدحت محمد
اشكرك ع رايك
واكيد القراية اهم حاجة
نورتنا
مشمشة كامل
اولا: ماليش ف العوء يعنى اللف والدوران والطريق اللى مش سالك)
ثانياً: قولتلك طبعا انة مش من حق حد إنة يعمل كدة
ووضحتلك إن صاحب المدونة المذكورة أخ ليا وكلامى كان كلو هزار مش اكتر وكنت متخيلة إنة هيفهم دة بس للأسف دة محصلش
عاادى سوء تفاهم سوء تقدير للأمور عشم زيادة فى غير محلة..
كلها حاجات ممكن تداركها ..
وطوول ما إحنا عايشين بنتعلم ..
بيس..
afew good men
هههههههههههههههههههههه
ومالو ملوخية ملوخية
هو فية احلى من الملوخية
سلامة صباع رجلك الصغنن
نورتنا
فاتيما
القمر يجى وقت ما يجى
بس لازم تعرفى ان البوست مش بعتبرة نزل
الا لما بشوفك منورااة
بيس ياجميل
الهجاء مش يعنى شتيمه انتى بتهجى وضع
واعتقد ان الكلام معناة واضح هو ساخر من وضع وبيحمل الرفض والهجاء ليه
غيرت رايي للاحسن كتير بجد يا دعاء
بيتين الشعر مش مهم بقي
لاني بقولك نجيب سرور
خالص تحياتي
;cnary
اشكرك ع التوضيح
سورى اصلنا ف المدرسة اخدنا هجاء يعنى شتيمة
ههههههههههههههههه
نورتينى
amgad
الحمد لله انة للاحسن
بس ممكن اعر ف لية كان
رأيك مش احسن ف الاول؟؟
نورتنى
ميرو
كويس والله ان القصيدة كيفتك
بجد انا مردتش عليك ولا ع الى قبلك
زهايمر مبكر
هقولك لية
سلااام
إرسال تعليق