الجمعة، يوليو 25، 2008

أنا .. وطنى...


عن الأغنية الوطنية نتحدث ....


أيا وطنى جعلوك مسلسل رعب نشاهد أحداثة فى المساء فكيف نراك إذا قطعوا عنا الكهرباء؟؟؟؟


هكذا أوجز- نزارقبانى- الأمر والذى يتلخص فى تشيئ الوطن وتلخيصة وتحجيمة ووضعة فى إطار الكلمات والعبارات والشعارات العنترية أى نعم هكذا أصبحت الوطنية لدى رجالات حكومتنا الذكية مجرد كلمتين فى أغنيتين يخلوا العياال يسحوا دمعتين ويترعشوا رعشتين ويحبوا الوطن ويبقوا مصريين مأصلين


متجاهلين ما يحدث يومياً لهذا الشعب الفولاذى الذى شرب ومازال يشرب بل وعلى أتم الإستعداد أن يشرب أكثر مما شرب من قهر وذل وقمع منظم على مر السنين وليسمح لى السادة الأفاضل الأشاوس أن أقول لهم عذراً لم تعد هذة الكلمات تؤثر فيمن طحنهم الجوع فيمن أكل البرد أجسادهم فيمن فرمتهم الحياة فرماً


... حتى أنهم لم يعودوا يفكروا حتى فيما تعنية كلمة وطن وفيما تعنية كلمة - مصر- وهل هى إسم أم فعل أم مبنى للمجهول يسمع لهذة الأغانى المسماة مجازاً وطنية ويفكر فيها من هم مثلى خريجى الجامعات القابعون على رصيف الحياة منتظرين لأمل قد يأتى يوماً ما فى شغلة أو مشغلة يأملون منها الأمل ويتمسكون بها فى غد قد يكون أفضل وينفعلون بها ويرددونها عندما يرتفع إسم مصر عالياً لأى حدث رياضياً كان أو سياسيا ً أو إقتصادياً - مثلا يعنى – وساعتها نقوول هى دى مصر ....


آآة شربنا من نيلها آآة فكرنا نغنيلها من الأآآة مشينا ف حواريها آآة فرمتنا ف سواقيها آ’ دهستنا ف لياليها آة دوقنا ولسة هندووق من الألم والمر فيها بس بنحبها وبنمووت فيها وفى ترابها بكل ما تحملة وما قد لاتحملة هذة الكلمة من معانى لسبب واحد وبسييط جداً هو إنها مصر يا إخواانا ..... مصرررر .......


أما الأغنية الوطنية التى تأبى أذنى أن تستمع لسواها هى أغنية الدلوعة (شادية) (ما عدااش على مصر) ربما أملاً فى أن أرى أملاً فى عيون الولاد السمر الشداد يوما ً ما ..........

منشور بجريدة الدستور المصرية...

هناك 128 تعليقًا:

مع اصرارى يقول...

وحياة رب المداين
لازرع رملك جناين
وابنيلك قصر مرمر
يا بلدنا يا ست الحسن

مع اغلى تحياتى
السلام عليكم ورحمة الله

zOzO يقول...

مصر رغم الذل دا
اه بنحبها
بس كل حاجه وليها اخر
هههههههههههههههههه


ف كتير مطجون بمعني مطحون
وخصوصا ف الغلاء بتاع اليومين دول
واللي خلص وقاعد ع قهوه
ومش لاقي شغل
وغيره وغيره
وكمان اللي يغيظ اوي
حكايه انهم هيخصصوا المسشفيات الحكومي
ناويين يعملوا كدا
بلا وكسه
يا اختي
هههههههههههههههههه

تسلم ايديكي ع البوست
بيس

canary يقول...

بصى يا دعاء
الحب لازم يكون متبادل حتى مع الوطن
ايوة انا بحب مصر انا مش مجنونه عشان محبهاش لكن يهمنى كمان ان مصر تحبنى
تقدرى تقوليلى يعنى ايه مثلا انى ممكن اضحى بحياتى عشان مصر؟
عشان يفضل مبارك وابنه يحكموها مثلا ويذلونى اكتر مانا مذلوله؟
الاكيد الاكيد اننا عايشين فى ذل فى البلدومش اقل من ذل مطلق
وطبعا انتى مش مستنيه انى اعدلك مظاهر الاذلال دى
كل الاغانى الوطنيه اللى انتى بتقولى عليها دى متدخلش ذمتى بمليم كمان مش مستنيه حد يقولى احب بلدى ازاى
هما اللى محتجين حد يعلمهم دة

بطوط حبوب يقول...

مصر
مصر
عارفه هقولك على حاجه انا عايز اسيب مصر عشان توحشنى وساعتها يمكن اقولك انى كنت بحبها
انما دلوقتى مش عارف

بس الى عارفه انى مبحبش حد-مش مصرى - يجيب سيرتها بكلمه وحشه

المحارب المتيم يقول...

السلام عليكم

على اسم مصر التاريخ
يقدر يقول ما شاء

دى مصر عندى احب واجمل الاشياء

يالله على بلدنا اللى هى اجمل بلاد الدنيا

رغم انف الحكومة

جميل ما تكتبيه عن مصر

ودمت بكل ود

اعتذر عن عدم تعليقى على البوست السابق

مليش فى السياسة

بس انا قريته وهو رائع جدا

وبيدل على ان ليكى فى السياسة رغم برضو

تحياتى

همس الاحباب يقول...

رائع جدا يا دودو بجد
هى فعلا مصر وستظل مصر جوانا مهما فرمتنا سواقيها مهما دهستنا لياليها
مهما باع ترابها اولادها
مصر هى الوطن هى السكن
بارواحنا نفديها
تسلم ايديكى يا دعاء
تحياتى وتقديرى

ana ga3an يقول...

:)
علي الاقل في وطن نشتمة
طب و الغلابة اللي معندهومش وطن

wa7ed 2ensan wnsan يقول...

بصي يا دعاء لو ركزتي في اغاني اليومين دول الوطنيه هتلاقي انها سبوبه وكله عمله اغنيتين وطنيتين وخلاص

بس برضه لو لاحظتي واكيد لاحظتي ان اي حد عمل اغنيه وطنيه دلوقتي بيقع من نظر الناس على طول اللهم الا الكينج بس هو اللي لسه محافظ على اسمه بعد ما عمل اغاني وطنيه


بيس

Amgad يقول...

المشكلة يا دعاء ان كل الاغاني الوطنية اللي موجوده دلوقتي موجهه
بمعني انها بتنزل في اوقات عشان تخفف احتقان في حاجات معينة
زي الطائفية وخلافة وطبعا معروف ان اسمها اغاني لجنة السياسات
زي بتاعة تامر ومدحت صالح وبتاعة الكيلاني والعسيلي التانية دي وغيرها
حتي شيرين غنت اغنيتها من هنا وراحت
خلفت بنتها ف امريكا من هنا
http://amdoga.blogspot.com/2008/06/blog-post_26.html

واللي يقولك ارمي حمولك عليا وهو هربان م الخدمة العسكرية
والتاني بتاع لو كنا بنحبها لازم نصون ارضها وهو هربان هو كمان
بجد حاجه تفقع

الوضع اختلف عن زمان
ومعدش حد بيحب البلد الا في ماتشات الكورة وهب هاتك يا اغاني وكل واحد عايش في دور العاشق
ولو جاله فرصة يولع فيها بعشرين حنية مش هيتاخر
انا عندي مخزوم جامد اوي في الموضوع ده
وكفاية كده عشان انا بتاثر بالسلب
لما بتكلم في كده

خالص تحياتي

فارس بلا جواد يقول...

أزيك يا دعاء
بصراحة انتي في الكتابات السياسية متفوقة قوي .. ومش غريب عليكي انك تكتبي في الدستور
بأتفق معاكي أن في محاولة لتحجيم مفهوم الوطنية بس في كلام الاغاني او لما المنتخب يكسب ماتش كورة .. وأي شخص ينقد وضع غلط يبقي ماعندوش وطنية ومش بيحب البلد
كنت كاتب شعر عندي بعنوان (سرقوك منا ياوطن) مش عارف قريتيه ولا لا .. بس كان يحمل نفس وجهة النظر
تحياتي وتنمياتي لك بالتوفيق في كل مواجهاتك

سنووايت يقول...

المواضيع الجامدة دي يا دعاء
انتي قريتي موضوعي قبل الاخير "البيوت اسرار" ابقي عدي كدة وشوفيه

عارفة انتي قلتي حاجة مهمة اوي في مقالك اننا حجمنا الوطنبة والانتماء ي مجرد كلام وشعارات , يعني اتكلم سواء باقول محاسن او باذكر عيةب وبانقد كدة بقيت وطني لكن الافعال صففففففر
مفيش افعال كلام وبس
وللاسف الكلام مش بيودي ولا بيجيب
يعني حتي الكلام كفاية عهليه كدة محتاجين نفكر ونعمل في صمت , لو بجد فقيه حد لسة قلبه علي البلد دي

غير معرف يقول...

مساء الخيييير
ازيك يادعاء أخبارك ايه
معلهش .. والله ما دخلت النت ده بقالي اكتر من اسبوع

أولا .. مبروك علي العمره .. وان ساء الله ربنا يتقبلها .. بس اوعي تكوني نسيتي تدعيلنا وانتي هناك

ثانيا .. أحب احييكي لانك بتقرئي نزار قباني .. فعلا اختيارك صائب جدا جدا .. أنا بحبه مووووووووت .. بس كويس اوي انك ما تأثرتيش بيه في شعرك .. لان دي بتبقي مصيبه كبري
ألف مبروك مجددا
سلام بقي .. انا عارف اني بقيت رغاي اوي

أحمد سلامه

نونو يقول...

بحبها رغم كل اللى فيها
ونفسى تتغير على اديينا
الله يمسيكى بالخير يا شادية
دودو ليكى وحشة
دايما مبدعة

رئـــــيسـة حزب الأحلام يقول...

رغم كل دة فعلا وهتفضل مصر فى قلوبنا
لان من الاخر مش مصر اللى عاملنا فينا كدة دوا اللى وكلينها والعة
وحشتينى باقمر

أبوعبيده يقول...

سلام عليكم
مصر ..
انتى باين عليكى بتتكلمى عن مصر بلدنا دى .صح؟! وألا انا غلطان .. طالما كده بقى ... بصى يا ستى
أنا بحب مصر جدا بس مش عاجبنى حالها وده حال معظم الناس يعنى انا مجبتش جديد.... بس أحنا ليه طريقتنا فى التعبير عن الحب عقيمه مش حب الوطن بس
أنا قصدى اى حب ... ليه؟
ليه منجعلش حب مصر وأى حب مرتبط بحبنا لله عز وجل عشان يبقى حب منضبط خالى من المخالفات . مساره فى اتجاه المصلحه الشخصيه والعامه...
يعنى مش عشان بحب مصر اسمع أغانى وموسيقى وطنيه واقول فى حب مصر ... يبقى خلل فكرى ومنهجى...أروج للمظاهرات والمعتركات مع السلطات وتتبهدل البلد اكتر وأكتر ويموت الشباب واقول فى حب مصر... بدون أى فزلكه وبكل بساطه ربنا سبحانه وتعالى اخبرنا فى القرءان الكريم عن الحل فقال عز وجل ( ولو ان أهل القرى أمنوا واتقوا لفتحنا عليهم بركات من السماء والأرض) أحنا ليه بنروج لأى حب غير حب الدين .. قال تعالى ( واعتصموا بحبل الله جميعا..... الايه)
ليه ميبقاش الدين منهج عملى مطبق على كل أنسان ؟ ليه كل الرويبضات وأسافل الناس من مطربين وممثلين وغيرهم ليهم مكانه عندنا . والعلماء وخاصه علماء الدين تحت الرجلين ...
لو كل مسلم فكر ربع ساعه فى قدوته. هيلاقى بدون مايشعر قدوته مطرب. مفكر معين مع احترامى لأى أنسان يبتغى الاصلاح.أى حد غير رسول الله صلى الله عليه وسلم... الكلام ده مش تنظير بارد وفزلكه نثريه . لكن ده دين . الدين اللى لما أعتصم بيه الصحابه سادوا العالم وجعلوا رايه التوحيد مناره ولواء العدل شعار .النبى هو القدوه
قال النبى صلى الله عليه وسلم( لو ان مو بن عمران حيا ماوسعه ألا أن يتبعنى... الحديث)
الطريق هو اتباع النبى وجعله القدوه والاسوه..
وحب الوطن من الدين وليس الدين كله ويجب ان نعى هذا الامر....
البوست جميل ... لازم نحب بلدنا
ومعلش طولت عليكى بس انتى اللى قلتى افتح براحتك..
مواضيعك متميزه .. الى الامام دائما
وسلام عليكم

اربعين سنة ستيوتند يقول...

مصر هي ...... مينفعش
امي قاعدة جنبي

enjy يقول...

يا جامد انت يا بتاع تشيىء الوطن...انت جامدة يا دودو ربنا يحميكى انا كمان بحب اغنية شادية بس انا بقى نفسى اصلا اشوف ولاد سمر فى الشارع مش اشباه تامر يللا عليه العوض

بنت النيل يقول...

السلام عليكم ورحمة الله وبركاتة

تعرفى انى فرحت اوى لما دخلت المدونة بتاعتك

وحسيت ان لسة فى خير وان لسة فى انسان بيتكلم عن بلدة بحب

سعيدة بيكى جدا

تحياتى لكى

لست أدرى يقول...

للأسف انا بحب مصر
بس نفسى اشكيلها كتير اوووووووى
بس ياترى هلاقيها لما احتاجها؟؟؟؟؟

Ahmed Al-Sabbagh يقول...

عسسسسسسسسسل

يا دع دع

والله جامدة ودايما كتاباتك فى الجووون

انتى احد اسباب حبى الشنييييع لجريدة الدستوووور

تحياتى وتقديرى

خالو احمد

nona يقول...

مصر بنحبها وزعلانين منها لكن منستغناش عنها من غيرها هنعيش ليه انا كنت اول حاجة اقراها ليكى المقال ده وعلى فكرة العدد الى نزلت فيه المقال ده لسه عندى جميل اسلوبك على طول يا دودو اما القصيدة اللى فاتت تحفة فعلا النت عندى كان غير متاح مؤقتا علشان كده قريت الموضوعين مع بعض والاتنين جامدين

GiGi يقول...

بجد بوست تحفه ومن اروع ماقرات
مدونتك جميله مبسوطه انى دخلت عندك
تحياااااااااااااااتي

دعاء مواجهات يقول...

- مع إصرارى

نورتنا

كلام جميل اوى

تعرف ان عاجبنى كلمة مع اصرارى دى اوى

اة بجد

فيها قوة كدة وعزيمة

وعليكم السلام ورحمة الله وبركاتة

دعاء مواجهات يقول...

zozo
عاوزة تقولى يعنى ان حبها دة

لية آخر فى قلبك او قلب اى حد

اتحداااااااااكى


نورتى ياقمر

دعاء مواجهات يقول...

كنااارى

(متقولش إية إدتنا مصر ؟؟ قوول هتدى إية لمصر)

ههههههههههههههههههههههه

______________________________

ياجااااااااااااامد

انت ياوااثق صح كلامك طبعا اننا مش محتاجين حد يعلمنا حب بلدنا

بس هما عندهم الوطنية يعنى أغنية

لحد ما خلااص الناس زهقت وملت كلامهم اصلا وحفظووة


نورت ياجميل
اتمنى دوام التواصل..

بييس

أحمد كمال يقول...

دعاء سيبك من كل الكلام اللي ممكن نقوله عن مصر ، حلو أو وحش ، و كمان كم السلبية و الأنانية اللي بتحصل من حوالينا ، كل ده من مكر الليل و النهار ، و حسبنا الله و نعم الوكيل ، لكن شوفي اللي حايحصل لو الناس عرفت تعمل إيه علشان بلدنا ، و الله ماحدش حايستخسر حياته فيها . سحر ؟ يمكن ، لكن هي دي مصر .

على فكرة أنا كمان باموت في أغنية شادية دي ..

حنين.. يقول...

بلادى بلادى لكى حبى واه من عذابى, تعبنا من مصر اوى وبرده بنحبها, بس تعبنا اوى وتعبانين اوى ولغيت امته هنفضل كدا وامته هنخف........تحيااااااااااااااااااااااتى لكى يا قمووووره, دمتى سالمه

دعاء مواجهات يقول...

- بطوط حبوب

يبقى بتحبها وتموت فيها يابرنس

بشكل مش عادى كمان

حتى بص ف المراية وانت تعرف..

نورتنى

دعاء مواجهات يقول...

المحارب المتيم

بدأت كلامك بأجمل ما كتب عن مصر فعلا

بحب الرباعية دى جدا

نورتنى

ورايك ع رااسى

بيس

دعاء مواجهات يقول...

همس الأحباب

أكيد طبعا ً

مهو لو نقدر نشترى وطن غيرها مكوناش اتأخرنا...........


ههههههههههههههههههه

ربنا يكرمك..

دعاء مواجهات يقول...

- أنا جعاان

ههههههههههههههههههههه

لية بقى ع أساس ان الوطن دا ملطشة الشعب سيادتك بقى ولا اية؟؟

عارفة انك اكيد بتهزر

صح بتهزر

نورتنى

بيس

دعاء مواجهات يقول...

- عبدالله

اية حكاية يقع من عين الناس دى

ع اساس انة مأجر القرنية مفروش ولا إية؟؟

لا معتقدش

بس هى فعلا سبوبة

نورت بعد طوول غيااب

تعرف لوشفتك

ياويلك منى...

بيس وربنا يعينك.

دعاء مواجهات يقول...

amgad

ههههههههههههههههههههههه

يارااجل 20 جنية

طب خليهم 50 ياعم قوول 100

احنا ف أيام مش عارفينلها ولا باينلها أخر


متضايقش نفسك

فعلا كل الامثلة اللى بتغنى وطنى اليومين دوول

مش لايق معاها خالص ولا مع واقعها بس نقول اية بقى هو دا الموجود ف السوق

نورت .

دعاء مواجهات يقول...

فارس بلا جواد

ايوا طبعا شوفتوا

وفكراة كمان

التحجيم والتشيئ بقوا هما الوكن فى وجهة نظر الإعلام

نورت

قوس قزح يقول...

انا بحب وردة و اغنيتها حلوة بلادى السمرا

مصر جميلة بس دايما بتقع فى ايد من لا يرحم

دعاء مواجهات يقول...

سنو وايت


اة شوفتوا ياجميل

هو دا المفيد مين بيعمل ومين بيشتغل

دا حتى اللى بيعمل بيعايرنا ف الآااخر

نورتى ياجميل...

دعاء مواجهات يقول...

أحمد سلاامة

الرااجل الطيب

فينك من فترة مختفى اكتر من اسبوعين

مفتقدة مشاغباتك بشدة...

______________----

الله يسلمك

متقلقش دعيت لكل النااس بجد

نورت بعد غيااب

سلاام

دعاء مواجهات يقول...

نونو

طب ماهى بتتغير فعلا على ايدينا

ياقمر

بس للأسوء..

هههههههههههههههههههههههههه

نورت ياجميل

بيس

دعاء مواجهات يقول...

رئيسة حزب الأحلام

حمدلله ع سلامتك ياريس

كنا مفتقدينك اوى بجد

نورتى البلوج والبلوجات المجاورة

صح هما الى يولعوا اللى واكلينها والعة دوول


نورتى..

دعاء مواجهات يقول...

أبو عبيدة

تحليل ورصد اكتر من رائع

وموضوعى ومن زاوية لاينظر لها الكثيرين

تحيااتى لكلماتك الصح فعلا

لا يوجد كلمة توفى تعليقك حقة

تقبل تحياتى..

دعاء مواجهات يقول...

أربعين سنة إستيوتند


وما العلاااقة

اوعى تكون هتقوول حاجة خاارجة

نورتنى

دعاء مواجهات يقول...

إنجى


أى خدمة ياكبير

فصحى تلاقى عامى تلاقى هجص تلاااقى

هههههههههههههههههههههههههههههه

دورى كويس وانتى هتلاااقى..

ههههههههههههههههههههههههه

نورتنى ياجميل

دعاء مواجهات يقول...

بنت النيل

دا اقل واجب طبعا وياريت يوفى حاجة بالعكس

كل يوم الدين بيتقل علينا

ولا احنا دارين

نورتينى

يسعدنى التواصل

بيس

دعاء مواجهات يقول...

لست أدرى

لست ادرى.........


بيس

دعاء مواجهات يقول...

أحمد باشا الصباغ

مش عارفة ذوقك دا مودينى لحد فين بس

يعجز العقل عن التفكير

وتعجز الكيبورد عن التعبير


نورت مدونتك ومطرحك ..


اجمل بيس

دعاء مواجهات يقول...

nona

الف حمدلله ع سلااامتة

انا بفكر افتح شركة نت خاصة لكل المدونين ولامعلقين بدل البهدلة النتية دى

اة بجد بفكر

نورت ياقمر..

انت اصلا موجود ديما..

بيس

دعاء مواجهات يقول...

gigi

وانا مبسوطة اكتر من زيارتك الجميلة

وكلامك الرقيق

نورتينى


بيس

دعاء مواجهات يقول...

أحمد كمال

آآة سحر .. سحر الحب

تلاقت الأذواق

شئ يشرفنى طبعا ً


بجد زيارتك غالية عليا اوى....

اتمنى دوام التواصل

دعاء مواجهات يقول...

حنين

هنخف لما ناخد لادوا الصح

مش نفضل نتعالج يالسحر والشعوذة


دمتى بخير

نورتينى

دعاء مواجهات يقول...

قوس قزح

وانا كمان بمووت ف الأغنية دى

مش كدة وبس دا كمان بيعيش فيها من لايرحم هو وعيالة وعيلتو كلها

نوت ياجميل بعد غياب

سلااام

appy يقول...

دودو متعرفش النشيد الوطنى بتاعنا مين اللى نشله اصلى مبقتش اسمعه

egyboy يقول...

والله جميل المقال ده
كلام منطقى
معدناش بنسمع الأغنيه دى زى ما بنسمع مشربتش من نيلها

ياريت لو عندك رابط للأغنيه تحطيه علشان اللى عايزها ومش عارف يسمعها


تحياتى
مصطفى

الشنكوتي الكبير يقول...

خلاص يا بنتي مبقاش في اغاني هتهز مشاعرنا غير حاجه من اتنين يا اما اغاني الندم والحسره على مصر وعلى اللي راح يا اما الأغني اللي بنشتمم ونلعن فيها اللي عمل فينا كده

ده طبعا غير الأغاني اللي فيها هيفاء دي هترجعلنا الوطنيه فورا

-------------------

عموما متزعليش هيفضل جوانا امل ومادمتي لسه شايفه ناس بتصرخ حزنا على البلد دي يبقى لسه فيه امل


سلااااااااااااااااااااااااااااام

نونو يقول...

السلام عليكم
بحبها يا دعاء اوي رغم كل الوجع
بلدي هبيعها
ربنا يصلح الحال يارب
شرفتي مدونتي المتواضعة واتمنى دوام التواصل
تحياتي

قلب مصرى يقول...

نحن لا نحب الوطن لأنه شارع كبرنا فى جنباته، ولانحبه لأنه العائلة التى إحتضنتنا فى الصغر والكبر، ولا نحبه لأنه الأصدقاء وعشرة العمر.
نحن نحب الوطن لأنه مرسوم بالخريطة ((ليست خرائط الجغرافية)) ولكنى أتكلم عن الخريطة الجينية، فسمار البشرة، والعيون العسلية، والشعر الأسود شبه المجعد والقامة المتوسطة هى من جينات الوطن، فلو كرهته سأكره ملاحمه التى منحنى إياها وسأكره دمائه التى تجرى فى عروقى.
أنا أحبك يا وطنى، ولكننى أختلف مع المسئولين عنك.
أشكرك يا وطنى، وأشكرك يا دعاء من منحتنى هذه الفرصة للفضفضة.

kochia يقول...

أيا وطنى جعلوك مسلسل رعب نشاهد أحداثة فى المساء فكيف نراك إذا قطعوا عنا الكهرباء ؟؟

مين اللي جعلوه
الوطن وطن رغم كل شئ
ومش مفروض ننتظر حد يدعم عندنا حبنا ليه
والليى بيكره الوطن كذاب لانه كره فشله في الوطن مش الوطن
ولانه كره شخص في الوطن مش الوطن
اللي يكره الوطن يبقي كره نفسه
احنا منكرهش الوطن ابدا
حتي اذا كرهنا اشخاص قائمين عليه
ولازم في يوم هيرجع الوطن وطن
حتي لو الامر الشاذ طال امده
ابدا بنفسي داخل بيتي
وفي شغلي
وبين جيراني
لحد ما اقدر اقول
انا وطني بجد

تحياتي

مدحت محمد يقول...

جميل اسلوبك جميل موضوعك

اقلك حاجة يادعاء لما الاغنية تكون متناقضة كل التناقض مع الواقع تبقى مش اسمها اغنية وطنية ممكن نسميها نكتة بس بشكل جديد

زى نكتة لؤى كدة اللى انا حاططها كخلفية صوتية لمدونتى

عش مصرى تموت مذلول

عارفة انتى الحكومة بتعاملنا زى ايه

عارفة الطفل لما يقعد يزن يقوم تيجى مامته تغنيله عشان يسكت
بس هى مش قادرة تفهم ان بكاؤه ده سببه جوعه ومرضه

تحياتى وتقديرى لحضرتك

مدحت محمد يقول...

دعاء ده لينك مدونتى الجديدة اتمنى الزيارة وابداء الراى فى الفكرة
http://romantic-messages.blogspot.com/

دعوة للأمل يقول...

كلامك جميل و مهما حصل هتفصل مصر فى قلوبنا و انشاء الله يكون فى امل ان احنا نتغير و المدونة روعة
تحياتى لكى

دعاء مواجهات يقول...

appy

يعنى إية نشيد؟؟

دعاء مواجهات يقول...

egyboy

اوكى هدورلك علية واسيبو برة ف المدونة


نورتنى

دعاء مواجهات يقول...

الشنكوتى الكبير

ماشى ياعم يابتاع هيفاء

ومالو وجهات نظر بردوو

مش انت الشنكوتى بتاعنا بردو؟؟

نورت

دعاء مواجهات يقول...

نونو

دا ع أساس انها مش متباعة طبعا؟؟

نورت ياجميل


التواصل يسعدنى...

دعاء مواجهات يقول...

قلب مصرى

أنا اللى بشكر حضرتك جدا وبشدة

على الكومنت اللى مش بعتبرة كومنت


بعتبرة فلسفة فريدة من نوعها اتمنى ان يعتنقها جميعنا

تحياتى ليك

نورت مدونتى المتواضعة

اتمنى دوام التواصل...

دعاء مواجهات يقول...

kochia

بداية صحيحة وموفقة

واتمنها للجميع

بس تعرفة امتى نقول ان الشخص دا بيكرة وطنة

مش لما بيسافر او يهاجر او يشتمة

لا

لما يخونة..

دمتى سالمة نورتى

دعاء مواجهات يقول...

مدحت محمد

أخى العزيز

يمكن بردو لاضحك على مثل هذة النكت يكون ارحم كتير م البكا

عندى ملحوظة

انا بتضايق لما بشوف كلمة عيش مصرى تموت مذلول دى

لو مش عندك مانع غيرها

او فهمنى وجهة نظرك؟؟؟

نورتنى

دعاء مواجهات يقول...

دعوة للأمل

بما انك انتى ذات نفسك دعوة لأمل

فدا فى حد ذاتة مبشر ان فية امل فى يوم ما

نورتينى

كيكى يقول...

عووووووووووووووووووووووووووو انا جيت اتخديتى
..........................
ياواد انت يا خطر يا واد
اييييييييييييييييييييييية الكلام الجامد دة بس
...........................
يابنتى مش قلتلك قبل كدة مصر دى
ام احمد بالنسبة ليا
..........................
الى بيتغرب بيحس بيقمتها
اوووووووووووووووووووووووووووى
صدقينى مهما لعنها فيها ....
هتفضل وطنا
وهى امى رغم انفى
!
1
!
وهذا مصيرى
عووووووووووووووووووووووووووو

Mero.. يقول...

يا سلام
انا بحب بصراحة اللي بيقولي متحبش مصر..
وعلى فكرة انتي رديتي على تعليق اللي قبلي واللي بعدي في البوست اللي فات وانا لا لا لا..
نسيتي ولا نفضتي..هما امران احلاهما مر :)..
ههههه
تحياتي :) :)

mohamed hesham يقول...

no comment...

zOzO يقول...

لا مش كدا
انا بهزر طبعا
اكيد هنفضل نحبها مهما حصل
بس الواحد مضايق من حالنا الومين دول ولا ايه ؟
تحياتي

Gannah يقول...

دودو الجميلة
ازيك؟؟؟
حاولت الاتصال بيكى الموبايل مش بيرد
هحاول تانى
وحشتينى
يا ريت بقى يبطلوا اغانى لاننا بطلنا نصدق
اه بنحبها بس على رأى عبد الرحمن الابنودى
حتى فى احضان الحبايب شوك
بقت كلها شوك
ربنا يرحمنا
تحياتى

واحد من الناس يقول...

يا سيدتى

مجتش من الاغانى على الاقل يفضل في حاجة تفكرنا بيها


moood

The Queen يقول...

فعلا الجيل الجديد اللي طالع مصر عنده اغنيه بيسمعها في وقت الانتخابات ونص كلامها بيتكلم عن الريس مش عن مصر وخلاص لكن هو شايف ايه مريح في بلده علشان يكون عنده انتماء زي الاول الله يكون في عون الاجيال اللي جايه

تحياتي لك

دكتور بهــدوء يقول...

دودو
انا خلصت
نياهاهاهاهاهاهاها
وجاي ع حب مصر
اكتر حاجه بحبها
بجدددددددددد
مصر
و اهل مصر
المصريين
الجدعان
مش التانيين
اللي حاسسين مصر
مش مالكين مصر
مصر اكبر م ان حد يفكر يسوئها او يكره اهلها فيها
المهم
شكلي بخرررف
بس مدركه طبعااااا
الواحد اما بيخلص
بيبأه مرتبك

سبهللة يقول...

بحبهااااااااااا
وبس

سبهللة يقول...

على فكرة مش عارفة اوصل للشيخة اللى بتفسر الاحلام
يمكن تكون مسافرة او فى عمرة
او ما اوصلها اكيد هاقولك

ahmed_k يقول...

الذهب لا يقل من قدره تراكم الغبار والرمال فوقه
وهكذا مصر لن يقلل من قدرها وحبنا لها تسلط بعض من يدعون الأنتماء لها
بدون اي رادع لهم
ولكن سيأتي حتما اليوم الذي تنكشف فيه الغمه ويظهر المعدن النفيس متألقا كما كان دوما

وتقبلي خالص تحياتي

abo salah يقول...

بعد السلام عليكم

عندك حق الاغانى الوطنية صلاحيتها انتهت بالنسبة للناس اللي بقوا اغراب فى بلادهم

وحتى الأغنية الوطنية الحالية بتنزل عشان تخدم أغراض سياسية بحتة ياأما لتسبح بحمد الحزب الوطنى ياأما وطنية تنزل لامتصاص غضب الشارع المصرى فى الأزمات

أحب احييكى على طرحك المميز للموضوع
وبجد استمتعت بقرايته
وكمان أنا من عشاق الدستور غير أنى عملت به صحفى تحت التدريب لفترة وأنا لسه في سنة تانية

اسجل اعجابى بمدونتك فى زيارتى الأولى
وأتمنى دوام التواصل

تحياتى

محمد مارو يقول...

مصر معدتش بتاعنا

لنا الله

حسن حنفى يقول...

اسف علي التاخير

بس مش هقول اكتر من اللي قبلي قالوه

هقول بس

ابتسمي انت في مصر

تقبلي مروري

ريمان يقول...

السلام عليكم


مدزنه لذيذه اوى


دى اول زياره ليا فى مدونتك


بوست جميل

واستايل جميل

تقبل مرورى

أسير الجراح يقول...

دعاء



صدقينى برغم القسى اللى فيها



بس هى من احلى من بلاد كتير



بس ياريت


هى تحس بينا




دومتى مبدعة



تحياتى لاختى الجميلة



اسير الجراح

دعاء مواجهات يقول...

كيكى

صح كلااامو ياقمر

اة طبعا اتخديت

هههههههههههههههه

نورت ياجميل

دعاء مواجهات يقول...

ميرو

هو ولا خيار منهم طبعا

لا نسيت ولا طنشت ولا اقدر كمان

انا اصلى بس ببقى مهيسة ساعات ومش مركزة

مش اكتر والله

اوعى تزعل منى

بيس

دعاء مواجهات يقول...

محمد هشام


ياترى لية؟

لأن لااحد يزايد على حبها عندك

ولا لأن الموضوع غير قابل للنقاش؟؟

عاوزة اعرف
نورتنى

دعاء مواجهات يقول...

zozo

عندك حق طبعا

ومين يعنى مش متضايق

بيس ياقمر..

دعاء مواجهات يقول...

جنة

حيااااااااااتى

وحشاانى بغبااء محصلش بجد

الحمد لله إتطمنت عليكى

نورتى بلدك..

دعاء مواجهات يقول...

- واحد من الناس

اية ياعم محمود بس

حاجة تفكرنا بيها

ع اساس اننا نسينها من مشاغل الحياة يعنى ولا اية بقى؟؟؟

نورت

اموت واعرف بتختفى فين.

دعاء مواجهات يقول...

- the queen

ويكون فى عوننا

احنا كمان

نورتينى

اتمنى دوام التواصل

بيييس

دعاء مواجهات يقول...

دكتور بهدوء

يابرنس

انت

تخرف براحتك

وتقوول براحتك خالص

انت منورنى بجد

وكفاارة يارااجل

حمدلله ع سلامتك

بيس

دعاء مواجهات يقول...

سبهللة

ياارب كل الناس تحبها مثلك كدة

اووكى ياجميل

تيجى براحتها بقى

نورتى

وميرسى انك لسة فاكرة..

دعاء مواجهات يقول...

- ahmed_k

تحيااتى لكلامك الجميل

اللى لو كلنا اقتنعنا بية بجد

هنعمل علشانها كتيير

نورتنى

دعاء مواجهات يقول...

أبو صلاح

رأيك فى الأسلوب والموضوع بجد

أسعدنى جدا

خاصة انك دستورجى

يعنى تقدر تميز صح

نورتنى ويسعدنى التواصل

سلااام

دعاء مواجهات يقول...

محمد مارو

لا بقى اسمحلى اختلف معاك وبشدة

مصر بتاعتنا وهتفضل بتاعتنا

ومش المفروض نسمح لهم يسرقوها مننا

ولو حصل نقاتل لحد ما ترجع لنا

نورتنى..

دعاء مواجهات يقول...

حسن حنفى

اكيد لازم نبتسم

مش علشان احنا فى مصر

لااااا

علشان احنا بنحبها معندنا امل ان بكرة يكون احسن

نورتنى

دعاء مواجهات يقول...

ريمان

نورتينى بزيارتك

ولااازم تتكرر مراات


اتمنى ديما تعجبك

بييس

دعاء مواجهات يقول...

أسير الجرح

بتختفى كتير

وتظهر فجأة

وفعلا بلدنا احسن من غيرها كتير

ومحدش بيكتشف دا الا لما يجرب البعد عنها

نورتنى

Foxology يقول...

انا وطنى وطنى وبطنطن :))

مابلاش كلمة وطنى دى بتفكرنى بحاجات بجحة مزروعة فى بلدنا زى البطاطس اللى فيها سرطان دى

تحياتى :)

Mohamed Dawod يقول...

اتأخرت كتير فى التعليق على موضوع مهم وجميل زى ده بس عزائى الوحيد انى قفلت المية رد على الموضوع. على فكرك بعد بوستك اللى قبل الأخير اللى اعترفت فيه ولسانى وقع بدون ما أشعر انى ممكن اكون بكره حاجات كتير موجوده فى مصر من اللى حاكمينها واللى عايشين فيهابس بحب مصر جدا جدا واى كلام بقوله بيكون نابع من غيرتى عليها ورغبتى انها تبقى بجد وحق وحقيقى أم الدنيا....بعد كل ده مقدرش اقول غير.....يا حبيبتى يا مصر يا مصر....ونقضيها بقى أعانى وبلاش نشتغل بس حنعمل ايه ولاد اللذينا مش سايبين لنا فرصه نشتغل ليها......يا بخت جريدة الدستور بصحفيينه المتميزين.....نحياتى وشكرا

حسبي الله ونعم الوكيل يقول...

الوطنية مش كلمتين فى أغنية الوطنية فعل المسئولية

كرياكو يقول...

السلامو عليكم

احنا لسة هنغنى لمصر كفايا بقى

احنا عوزين اللى يغنى علينا


اسف على التقصير مش فى حق مدونتى لا على حقوكم انتو بس والله غصب عنى
ان شاء الله الظروف تتحسن وابقى متدايم معاكو

السماء الداميه يقول...

انا اسف انى اتاخرت فى التعليق بس بجد انتى اسلوبك جيد ممكن تزورى مدونتى واعرف رايك ونتبادل الروابط

الملاح التائه يقول...

ماشافش الأمل في عيون الولاد وصبايا البلد
لسه موجود الأمل؟
وهما فين الولاد وصبايا البلد
فين حبنا لنفسنا اللى يخلينا نحب بلدنا
فين الإيمااااااااااان
اللى من غيره عايشين ميتين
وهانفضل ميتين لحد مايصحى جوانا الإيمان
بالدين
بالوطن
بقيمة الحياة
ساعتها بس هانرجع للحياة
هانقدر نضحي
هانستحمل ظلم أمن الدولة لحد مانتعبهم ونوصل لخلق وطن يحترمنا
هانموت عشان نعيش
وولادنا تعيش
ده لو فيه إيماااااااااااان
اللى خلى زمان جيفارا يعمل اللى عمله
واللى خلى جنودنا عالضفه وفي سينا يعملوا اللى عملوه
واللى خلى الفرنسيين يقوموا بثورة تقلب الدنيا وتغير تاريخ فرنسا
الإيمان

ياترى هو فين؟

الضاحك الباكي يقول...

انتي بجد جيتي علي الجرح و كويتيه

الموضوع ده تاعبني جدا

بجد مش عارف اقول ايه

بس انا هافضل احب مصر حتي لو حصل ايه

الضاحك الباكي يقول...

انتي بجد جيتي علي الجرح و كويتيه

الموضوع ده تاعبني جدا

بجد مش عارف اقول ايه

بس انا هافضل احب مصر حتي لو حصل ايه

دكتور بهــدوء يقول...

اول بوست بعد نهايه الاكزام نزل يا دودي

حته مشاعير
وحنيه كده

ňįĝŗő يقول...

دؤدؤ
إزيك يا بنتوتة
أخبارك إيه؟
الواحد آه ممكن الشغل ياخده و يوديه و يطلع عنيه
بس استوحالة يقدر ينسيه حبايبه

--------------------------
مصر!! .. مصر!! .. مصر!!
مش فاكر أنا سمعت الإسم ده فين قبل كده
فين؟! .. فين؟! .. فين؟!
مش ده اسم طبيخ برده ؟


يلا سلام

Abu Shahin يقول...

والله انا كنت باقول زيك كده قبل ما يصدر الحكم بتبرئة ممدوح اسماعيل
بجد الحكم ده مش مجرد حكم لمحكمة وبس
بجد ده ترسيخ وتقنين للفساد
مش عارف الامل راح فين
واحلامنا هل هانقدر نحققها ف الوضع الراهن ده


على فكرة انا متابعك من زمان ف الدستور سواء ف راى او ف ضربة شمس
شكرا يا دعاء


عيش حلاوى

blue-wave يقول...

تفتكرى فيه امل يا دعاء؟
تفتكرى البلد دى اللى اتنهب خيرها واتسرقت منها حتى الأحلام هاتقدر تبقى بلدنا مرة تانيه؟
معرفش
بس انا اجابتى
لأ قاطعه

قلب مصرى يقول...

دعاء
أشكرك بشدة على إهتمامك بالرد على تعليقى وأشكرك على رأيك فى التعليق وعلى زيارتك لمدومنتى المتواضعة.
وأحب أن أستأذنك فى أن أضع رابط لمدونتك عندى.
اسمحى لى أخيراً أن أرد على تعليق (blue wave) والذى يرى أن مصر لن تصبح بلد مرة أخرى وهو يقول لأ قاطعة، أذكره بأن اليابان بعد الحرب العالمية الثانية لم تكن سوى جزيرة ليس بها أى شيء على الإطلاق سوى القوى البشرية فقط لا غير ولكن لأنهم يحبون بلدهم إنتقلوا بها وعها إلى ثانى أكبر قوة إقتصادية فى العالم ومازلوا يحققون نمواً إقتصادياً واضحاً، لا تيأس من مصر يا عزيزى فمازالت جينات (أحمد عرابى - مصطفى كامل - مصطفى مشرفة - سميرة موسى - أم كلثوم - عبد الوهاب - منير - فوزى - نجيب محفوظ - طه حسين) وغيرهم الآلاف مازالت جيناتهم جزء من تركيبتنا وليس مطلوب منا سوى أن نخلص فى حب مصر ونسعى لإعادتها لمكانها السليم.
آسف على طول التعليق
وشكراً

دعاء مواجهات يقول...

- فوكس

اوكى نخليها مصرى

تنفع؟؟؟

نورت

دعاء مواجهات يقول...

محمد داوود

ومالها الاغانى اهى بتفضفض عننا شوية

نورتنى بتعليقك الى فات فعلا

ع فكرة انا بيتنشرلى ف الدستور بس مش بشتغل فيها

سلااام

دعاء مواجهات يقول...

حسبى الله ونعم الوكيل

اة طبعا محدش قال

ان الوطنية اغنية

لأن دة معناة تحجيم لمعنى كلمة وطن

نورتينى

دعاء مواجهات يقول...

كرياكو

ربنا يعينك ياارب

انا حبيت مدونتك اوى

من ساعة ما قرات بوست صاحبك

نورتنى

اتمنى تكرار الزيارة

دعاء مواجهات يقول...

السماء الدامية

اكيد طبعا ممكن

ويكونلى الشرف الكبير

نورتنى

دعاء مواجهات يقول...

الملاح التائة

انا معنديش طبعا اى اعتراض على كلامك

ورغم تقديرى لجيفارا

الا ان جيفارا كان بلا دين

يعنى الايمان عندة لا يمكن ان نساوية بالايمان عند جنودنا..كان إيمانة ايمان بقضية.. وليس نابع عن تدين والتزام دينى ..

نورتنى

دعاء مواجهات يقول...

الضاحك الباكى

جميل اصرارك على حبها

والاجمل اننا نترجم الحب لفعل

نورتنى

دعاء مواجهات يقول...

دكتور بهدوء



علم وينفذ

دعاء مواجهات يقول...

نيجرو

لا دا اسم مسلسل

الساعة تسعة

نسيتو ولا اييييييييية.؟؟

دعاء مواجهات يقول...

أبو شاهين

نورت مدونتى ويسعدنى متابعتك

انا نفسى مش عارفة بس لااازم ندى نفسنا الامل

والا موتنا كمدا

دعاء مواجهات يقول...

- بلو وويف


معنى كدة قضاء تام وشامل عن كل ما يمت للأمل بصلة

ودا صعب اوى طبعا

تحياتى ليك

دعاء مواجهات يقول...

قلب مصرى

لا شكر ولا حاجة حضرتك

انا مش بجامل فى رايى

وانا اللى بجد بشكرك على ردك الجميل

نورتنى

واللينك والمدونة كلها تحت امرك

سلااام

Diyaa' يقول...

نزار عبقري
رغم الهوس الجنسي عنده لما بييجي يتكلم عن المرأة والحب
لكن في السياسة..الراجل ده بجد بيقول حكم وكونه كان في فترة غنية سياسياً
موهبته لقت التربة اللي ترمي بذورها فيها
بصي في كلمة
جعلوك
لخص فيها المسئولية في إيد المتحكم أو القوي..ولو إني أفضل إني أضيف عليها

وجعلنا منك جريحاً لا يجد الدماء

لأن المسئولية مشتركة بين جيل اتحكم وسرق ونهب وورث العملية للأجيال المنضمة للعصابة
وبين جيل العامة اللي قبلوا بمعادلة سيبهم يسرقوا وأسرق اللي أقدر عليه


وفي الآخر ما تبقي من المريض مجرد اسم وتاريخ ..وبقايا انسان

خالص التحية

دعاء مواجهات يقول...

- ضياء

كعادتك

تعليق ليس بحاجة للإضافة

او النقد

منورنى فعلا ومزود من جمال التعليقات

بييس

الملاح التائه يقول...

انا برضه ماقصدش الإيمان بدين
مش شرط اللى اقصده الايمان بقضيه ومبادئ وقيم يكرس حياته كلها عشانها ويادفع عنها بكب قوته ولحد النهايه
وده اللى مش شايفينه اطلاقا دلوقتي
وده شئ خطير جدا

دعاء مواجهات يقول...

الملاح التائة

كلامك صح جدا ومحدش يقدر ينكر دة

ويمكن دة موجود لأن الإنتماء للوطن نفسة قل اوى عند ناس كتير

فمبقتش تفرق ( سينا - من سونيا )

نورتنى

اشرف ابوالسعود يقول...

شيلتي يابلدي كثير أحمال ---------------------- وطمعوا فيكي حتي العيال
أصحي يامصري وشد الحيل -------------------- وأوعي عن عدل ربي تميل
وما تبقاش طماع واناني --------------------------- دا الانسان دايما فاني
وحايفضل سيرته وأعماله ------------------------- وورثه اللي سابه لأولاده

أذا ساب الخير--- حايلاقي الخير ----------- وأذا ساب الشر -- حايلاقي المر

مصر دي امانه من ربنا -------------------------------- ولازم نحميها بعمرنا