الجمعة، فبراير 29، 2008

أعلنت الحرب

أعلنت الحرب

أعلنت الحرب أنا

على اللحظات الغبية

والنظرات الغبية ومفردات

المعجم العشوائية

أعلنت الحرب

وسلاحى الأوحد عقلى

قررت أن أرفض

.... الغباء.......

ألا أكون من
السوقة والدهماء

قررت أن أبتعد

عن بائعى الأفكار

ومشتروا العقوول

ومحتكروا الأسواق

قررت محاربة

قتلة الأحلام

وائدى الافكار.....

أعلنت الحرب على كل ما فات

وكل ما هو آت......

فقد أمضيت دهوراً

فى التصديق الأبلة

إذا قال الوالى سمعت

و إذا نطق آمنت........

لم يكن مسموحا لى أن أرى

سوى ما يراة الوالى

ولا ان أسمع سوى ما يسمعة الوالى

إتخذنى دهورا.......
ريكوردرا.............

على الافراد

والآن فقط أيقنت بأنى

كنت مسخا للوالى

ولم أكن أبداً انسان
لا تتسرعوا أحبابى.........

وتحكموا ظلما على الوالى

فالعيب فيى أنا ان الذى وافقت

أن أدخل الغيبوبة

الفكرية راضياً آمناً

لم أرد يوما أن أدخل

غرفة الإفاقة الجبرية

وإخترت أن أذوب

فى كيان الوالى

وإتخذتة مذهبا وملاذاً

ولكل ما سبق وما هو آتى

أعلنت الحرب على غبائى

وعلى غباء الشعوب

ذلك السلاح الاوحد

فى يد الوالى

والرئيس والديكتاتور

نحن نصنع منهم

بغبائنا أبطالاً

ثم ننعى حظنا
تكراراً.........

فكفانا غباءً
وكفانا شعارات
وهمية...................
وكفانا خطباً عنترية......

دعاء عمرو



صفر يمين وصفر شمال



صفر يمين وصفر شمال صفر فووق وصفر تحت ياترى انت مين فيهم???

رغم عدم الوفاق بينى وبين الحسابات والرياضيات بشكل عام إلا أنى أقدر وبشدة رقم واحد فقط .......................
ويمكن كمان ميكونش رقم لأنة مش محسووب أصلا من ضمن الأرقام والرقم اللى ماهووش رقم أصلا دة هو ( الصفر) وبالرغم من الإستهانة بة إلا أنة يعطى قيمة كبرى لما يلية من أرقام ولاقيت إن فية علاقة قوية أوى بيننا كمصريين بسطاء( وهذا بإستثناء طبقة علية القوم)وبين الرقم اللى مهووش رقم آآة الصفر اللى بيمثلة شريحة عريضة من المجتمع المصرى أى الأفراد الغير مؤثرين فى القررات العليوى اللى بتخص الأرقاام اللى بجد بس تفتكر هما بقوا أصفار كدة برغبتهم أم بالقدر أم بفعل مباشر من السلطة .......
وبالتامل الفاحص لوجوة وأشخاص الشعب المصرى تجد أن عددهم فى الليمون أنا مش بحسد ولا حاجة طبعا لان شعبنا دا ما يجوزش علية حسد بس لاقيتنى بتخيل كل هذة الاشخاص والوجوة وكانها أصفار نعم أصفار أى شئ ملووش أى قيمة بس ياترى فعلا الصفر مالووش اى قيمة لاطبعا الصفر زية زى اى حاجة فى حياتنا لو اتحطت فى المكان الصح بيبقى ليها معنى صح يعنى الصفر على اليمين لا يمكن ان يتساوى باى حال من الاحوال بالصفر على الشماال فذلك يعطى قيمة كبرى وتلك لا قيمة لة وبالمثل تطبيقا على كل الاصفار المصرية الشخص الصح اللى فى المكان الصح بيكون لية قيمة وتأثير حتى وان كان محدودا فالمهم أن لة تأثير فى حياة من حولة وليس صفراً يساريا لاقيمة لة مش بس كدة لا دا كمان الاصفار أنواع منها من يملك ومنها من يحكم ومنها من جمع بين الاثنين ولكل تأثير حسب موقعة وسلطاتة ولكن التأثير هنا يكون جبرى وليس إختيارى رغما عن أنووف الأصفار جميعاً يمينها ويسارها ولكل صفر كبير الصفر الأكبر الذى يتحكم فى لعبة الأصفار من لايقال لة لا أو كيف أو لماذا لكن النتيجة فى النهاية أننا جميعا أصفار أمام اليد الكبرى المتحكمة ولكن بما أننا جميعا أصفار لما لانحول أنفسنا من أصفار يسارية لاقيمة لها إلى أصفار يمينية تعطى قيمة للرقم الذى يسبقها بس يا ترى دا مسموح ولا أصول اللعبة إن صفر الشمال يفضل شمال وصفر اليمين يفضل يمييين؟؟؟

دعاء عمرو

الجمعة، فبراير 22، 2008

علمنى غدرك..

علمنى غدرك

علمنى غدرك ما لم

يسطر فى الأوراق....

علمنى كيف أخون

وكيف أكون بلا آفاق..

علمنى غدرك ...

أن الحب سلاح خشبى

ينتظر أرق النسمات كى يكسر

مع سبق الإصرار

علمنى غدرك

كيف أضيع

وكيف أبيع بلا أثمان

علمنى غدرك

أن الوهم صناعة أيدينا

وأن القدر برئ ...

من الأحزاان...

علمنى غدرك

أن الوهم يكون

إذا شئنااة...

إذا أصررنا علية

وقبلنااة....

إذا بحثنا عنة ونقبنااة....

علمنى غدرك

أن الشوك لة ورد

وليس للوردة أشوااك ....

علمنى غدرك ما تعجز

عنه الأقلااام....

علمنى .. وعلمنى.. وعلمنى

علمنى أن الصدق

أذم الصفاات ...

أن التمثيل لم يخلق

فقط للنجمات ...

أن الأفلام ليست فقط

ما يشاهد بالشاشات...

تعلمت أن التمثيل

حق للجميع ...

والتأليف والإخراج

أيضاً ...........

حق للجميع

أشكرك فقد أخبرتنى بحقوقى

يا أوسكاراً ............

فى حياتى....

لك منى.....

تحيااااااااااااااتى
..............................................دعاء عمرو

الثلاثاء، فبراير 12، 2008

وبنحب مشاكله...

وبنحب مشاكلة...

وبرغم المشاكل الكتيرة جداً اللى سببها لينا الحب فى فترة الدراسة أو بعد التخرج حتى منقدرش نعيش بدونة لأن ببساطة محدش بيكون عايش وقلبو واقف وإحنا كلنا كدة بالظبط أو من المفترض يعنى إننا منقدرش نعيش بدون إحساس الحب الجميل أياً كان مصدرة مش ضرورى يكون بين ولد وبنت ممكن يكون من صحبتى الأنتيم أو صاحبى نرجع لحكاية مشاكل الحب واللى مبتنتهيش بدايةً بالكذب على الأهل لأنهم لو عرفوا حتبقى مصيبة طبعاً خاصةً للبنت ومرورا بالإهمال فى الدراسة ووصولاً فى بعض الحالات للرسوب أو محاولات الإنتحار وكلها أمور واردة جداً وشايفنها حوالينا بس طبعاً كلو يهون علشان خاطر أحلى عيون ..جميلة طبعاً الرومانسية وأجمل منها الإحساس بالحب الصادق+ الرومانسية بس اللى مش جميل إننا نعيش النهاردة وبس ويبقى محور حياتنا هو الحب وبس لأن دة معناة إنة لو حصلت أى مشكلة فى موضوع الحب أو الإرتباط حتبقى حياتنا إنتهت ومبقااش فيها أى هدف أو لازمة المهم من كل الكلام إنك لازم يكون ليك هدف أو على الأقل خطة لحياتك ومستقبلك ومش لازم أبداًلا تكون مرتبطة بالحب اللى انت عايشة لازم كمان تكون عندنا فكرة القبول بالبعد فى أى وقت لأى سبب عن الحبيب حتى لايكون البعد هو بداية النهاية من الآخر لازم يكون الحب مصدر قوة مش مصدر ضعف لأن قوة الحب هى اللى بتخلينا قادرين نكمل حتى لو لوحدينا القوة دى مش أى حد يقدر يوصلها إلا اللى بيحب بجد وكلمة بيحب بجد دى مهمة جداً لأن مش أى قصة حب تبقى حب حقيقى ...
دعاء عمرو


ورطة الحب...

والمشكلة اللى بجد فعلا واللى كتيير جداً بيوقعوا فيها إنهم يورطوا نفسهم فى قصة حب ويكتشفوا فى النهاية إن كل دة كان وهم وكلام فاضى أو بمعنى آخر مفيش مشاعر متبادلة مع الطرف الآخر اللى غالباً بيكون بيحب بصدق فى حين إنك بتكون واخد الحكاية مجرد تجربة لو حسيت بنفس المشاعر أوكى نكمل مفيش مشاكل أما بقى لو محسيتش يبقى أحلى باى باى للطرف التانى بدون أدنى شعور بالذنب تجاهة وهنا بقى تبدأ تحس إنك ورطت نفسك ياحلو ولازم تخلع مع أول تلكيكة والحكاية دى غالباً بتحصل مع الناس اللى بيدورا عن الحب بإستمرار وأعتقد إن حلها فى حاجة واحدة وبس وهى الصراحة التامة من البداية فى حالة عدم التأكد من المشاعر إننا نتفق على فترة للتأكد من المشاعر قبل أن نحيا الهيام والوله والذى منة وبكدة نبقى مظلمناش الطرف التانى معانا ولا ورطنا نفسينا ولا ظلمناها ومش فى الحالة دى بس اللى لازم يكون فية وضوح وصراحة لأ طبعاً لازم فى كل مراحل العلاقة وخاصةً بدايتها يكون فية شفافية تامة –بس مش من بتاعت الحكومة النظيفة طبعاً- ولو العلاقة كان اساسها الثقة التامة مع بعض الحذر يبقى مش هيحصل أى مشاكل خصوصا إن الصراحة والثقة تكون متبادلة بين الطرفين مش من طرف واحد وبس وكدة نتفادى تماماً ورطة الحب ووهم الحب كمان ...
دعاء مواجهات

الأحد، فبراير 10، 2008

مواجهااااات .. مواجهااات

مواجهات ..مواجهات
أولا: أحب أعرفكم بنفسى أنا بنوتة مصرية عادية جدا بتحب البلد دى واللى بيحبها

بتحب بناتها وشابابها حلوين وحشين كبار وصغيرين بحبكم كلكم زى ما إنتوا كدة

وإسمى دعاء وأتمنى إنتم كمان تحبونى زى ما بحبكم 000 وبمناسبة كل كمية

الحب دى أنا حبيت أبدأ مدونتى بالكتابة عن الحب اللى هو أساس الحياة وأتمنى

تعجبكم000
دودى


ومدونتى إسمها مواجهااااااااااات
موااجهااااات للى
زعلانين مننا واللى زعلانين منهم للى بيحبنا واللى بنحبهم واللى

متغاظين مننا واللى متغاظين منهم للحاجات اللى بتضايقنا والحاجات

اللى بنضايقها المهم يكون فية مواجهااات وياريت متكونش تقيلة عليكم0000



لية بنحب؟؟؟؟؟؟؟

ياترى حد سأل نفسة يوم هو لية بيحب أو لية ديما محتاج للحب أكيد الحب فى أساسة إحتياج قبل أى حاجة تانية لكن ياترى لسة فية حب أصلا ولا خلاااص كانت موضة قديمة وانتهت أنا عن نفسى شايفة إنة فعلا كان موضة قديمة لكن ما إنتهتش ولسة شغاالة بس مش كل الحب بيكون حب بجد ودة طبعا بيرجع لينا إحنا وهدفنا من الحب دة إذا كان مجرد وقت لطيف ويعدى أو تغيير من الروتين اليومى والفراغ أو للهروب من الواقع اللى كلنا عارفينة وحافظينة واياً كان السبب يعنى بنسمية حب وخلاااص ومش مهم بكرة فية إية عارفة اننا مش عاوزين نشيل الهم ولا بنعتبر الحب مسئولية بس هو كدة فعلا واللى مش بيحس بمسئولية تجاة حبيبة يبقى مبيحبوش ومنقدرش نقوول علية بيحب أصلا لأن الإحساس بالمسئولية هو اساس نجاح أى مشروع والحب مشروع بردو مع الإحتفاظ ببعض الفرووق طبعا بين الحب والمشاريع التجارية طب إزاى تعرف إذا كنت بتحب او لأ؟؟؟المسألة بسيطة خااالص أولاً لما الواحد بيحب مش بيشووف غير مميزات حبيبة وبيكون عندة إستعداد يسامح وينسى أى غلطة كمان بيتمنى يكون معاة على طول وأهم من كل دة بيبقى عاوز فعلا يكمل معاة حياتة ويحس إن حياتة بدون الشخص دة ملهااش لازمة ومش ممكن تكمل بدونة 000