الجمعة، فبراير 29، 2008

صفر يمين وصفر شمال



صفر يمين وصفر شمال صفر فووق وصفر تحت ياترى انت مين فيهم???

رغم عدم الوفاق بينى وبين الحسابات والرياضيات بشكل عام إلا أنى أقدر وبشدة رقم واحد فقط .......................
ويمكن كمان ميكونش رقم لأنة مش محسووب أصلا من ضمن الأرقام والرقم اللى ماهووش رقم أصلا دة هو ( الصفر) وبالرغم من الإستهانة بة إلا أنة يعطى قيمة كبرى لما يلية من أرقام ولاقيت إن فية علاقة قوية أوى بيننا كمصريين بسطاء( وهذا بإستثناء طبقة علية القوم)وبين الرقم اللى مهووش رقم آآة الصفر اللى بيمثلة شريحة عريضة من المجتمع المصرى أى الأفراد الغير مؤثرين فى القررات العليوى اللى بتخص الأرقاام اللى بجد بس تفتكر هما بقوا أصفار كدة برغبتهم أم بالقدر أم بفعل مباشر من السلطة .......
وبالتامل الفاحص لوجوة وأشخاص الشعب المصرى تجد أن عددهم فى الليمون أنا مش بحسد ولا حاجة طبعا لان شعبنا دا ما يجوزش علية حسد بس لاقيتنى بتخيل كل هذة الاشخاص والوجوة وكانها أصفار نعم أصفار أى شئ ملووش أى قيمة بس ياترى فعلا الصفر مالووش اى قيمة لاطبعا الصفر زية زى اى حاجة فى حياتنا لو اتحطت فى المكان الصح بيبقى ليها معنى صح يعنى الصفر على اليمين لا يمكن ان يتساوى باى حال من الاحوال بالصفر على الشماال فذلك يعطى قيمة كبرى وتلك لا قيمة لة وبالمثل تطبيقا على كل الاصفار المصرية الشخص الصح اللى فى المكان الصح بيكون لية قيمة وتأثير حتى وان كان محدودا فالمهم أن لة تأثير فى حياة من حولة وليس صفراً يساريا لاقيمة لة مش بس كدة لا دا كمان الاصفار أنواع منها من يملك ومنها من يحكم ومنها من جمع بين الاثنين ولكل تأثير حسب موقعة وسلطاتة ولكن التأثير هنا يكون جبرى وليس إختيارى رغما عن أنووف الأصفار جميعاً يمينها ويسارها ولكل صفر كبير الصفر الأكبر الذى يتحكم فى لعبة الأصفار من لايقال لة لا أو كيف أو لماذا لكن النتيجة فى النهاية أننا جميعا أصفار أمام اليد الكبرى المتحكمة ولكن بما أننا جميعا أصفار لما لانحول أنفسنا من أصفار يسارية لاقيمة لها إلى أصفار يمينية تعطى قيمة للرقم الذى يسبقها بس يا ترى دا مسموح ولا أصول اللعبة إن صفر الشمال يفضل شمال وصفر اليمين يفضل يمييين؟؟؟

دعاء عمرو

هناك 5 تعليقات:

shahin يقول...

دائما واحد فقط الذى يحوز الرقم واحد ويتبدل بين فترات طويلة اما الاصفار فمنذ7000 عام هم الاصفار و ككل مرة الكتابات ممتازة انتظر انا و المعجبين المتابعين التتالى فى كتاباتك و بالمناسبة انا sigon_1977@yahoo.com

shahin يقول...

بالمناسبة اتمنى ان تتفهمى الا ياخذكالتدوين من الكتابات التى اعتدناعليها فعلى الرغم من التميز الواضح للمدونة الا ان الكتابة فى الدستور هامة و هى التى بداتى بها الكتابة

mostafarayan يقول...

علي فكرة انا كنت بقرأ لك الحاجات اللي كنتي بتبعتيها للدستور يعني تقدري تقولي متابع قديم لكتاباتك
مبروك المدونة فعلا احنا ممكن نبقي حاجةجامدة جدا فقط لو ارادنا لكن المشكلة اننا بجد محبطين وليس لدينا الرغبة علي فعل اي شيئ
تقدر تقولي اليأس اتملك منا
لكن لازم نواجهه ولازم نكون
تحياتي ليكي

دعاء مواجهات يقول...

mostafarayan
أشكرك ع المتابعة طبعا و زى ما قولت لازم نكون او حتى نحاول نكون

Mohamed Anwar يقول...

" يعطى قيمة كبرى لما يلية من أرقام "
معلش اصلي محاسب بقي مينفعش اطنش اي حاجه متعلقه بالارقام - الصح انه لما يسبقه من ارقام ... جل من لا يسهو ..
لكن المدونه جميله ومتنوعه وهتبقي احسن وزي ما قال أستاذنا أبراهيم عيسي المدون والصحفي مش بيتقدم الا بزيادة مشاكله لانها بتخليه عنده اهتمامات اكتر بالحياة المحيطه بيه ومن ثم بتتسع دائرة إدراكه يعني .. سو ربنا يكتر من ايه ؟؟؟