الثلاثاء، فبراير 12، 2008

وبنحب مشاكله...

وبنحب مشاكلة...

وبرغم المشاكل الكتيرة جداً اللى سببها لينا الحب فى فترة الدراسة أو بعد التخرج حتى منقدرش نعيش بدونة لأن ببساطة محدش بيكون عايش وقلبو واقف وإحنا كلنا كدة بالظبط أو من المفترض يعنى إننا منقدرش نعيش بدون إحساس الحب الجميل أياً كان مصدرة مش ضرورى يكون بين ولد وبنت ممكن يكون من صحبتى الأنتيم أو صاحبى نرجع لحكاية مشاكل الحب واللى مبتنتهيش بدايةً بالكذب على الأهل لأنهم لو عرفوا حتبقى مصيبة طبعاً خاصةً للبنت ومرورا بالإهمال فى الدراسة ووصولاً فى بعض الحالات للرسوب أو محاولات الإنتحار وكلها أمور واردة جداً وشايفنها حوالينا بس طبعاً كلو يهون علشان خاطر أحلى عيون ..جميلة طبعاً الرومانسية وأجمل منها الإحساس بالحب الصادق+ الرومانسية بس اللى مش جميل إننا نعيش النهاردة وبس ويبقى محور حياتنا هو الحب وبس لأن دة معناة إنة لو حصلت أى مشكلة فى موضوع الحب أو الإرتباط حتبقى حياتنا إنتهت ومبقااش فيها أى هدف أو لازمة المهم من كل الكلام إنك لازم يكون ليك هدف أو على الأقل خطة لحياتك ومستقبلك ومش لازم أبداًلا تكون مرتبطة بالحب اللى انت عايشة لازم كمان تكون عندنا فكرة القبول بالبعد فى أى وقت لأى سبب عن الحبيب حتى لايكون البعد هو بداية النهاية من الآخر لازم يكون الحب مصدر قوة مش مصدر ضعف لأن قوة الحب هى اللى بتخلينا قادرين نكمل حتى لو لوحدينا القوة دى مش أى حد يقدر يوصلها إلا اللى بيحب بجد وكلمة بيحب بجد دى مهمة جداً لأن مش أى قصة حب تبقى حب حقيقى ...
دعاء عمرو


ورطة الحب...

والمشكلة اللى بجد فعلا واللى كتيير جداً بيوقعوا فيها إنهم يورطوا نفسهم فى قصة حب ويكتشفوا فى النهاية إن كل دة كان وهم وكلام فاضى أو بمعنى آخر مفيش مشاعر متبادلة مع الطرف الآخر اللى غالباً بيكون بيحب بصدق فى حين إنك بتكون واخد الحكاية مجرد تجربة لو حسيت بنفس المشاعر أوكى نكمل مفيش مشاكل أما بقى لو محسيتش يبقى أحلى باى باى للطرف التانى بدون أدنى شعور بالذنب تجاهة وهنا بقى تبدأ تحس إنك ورطت نفسك ياحلو ولازم تخلع مع أول تلكيكة والحكاية دى غالباً بتحصل مع الناس اللى بيدورا عن الحب بإستمرار وأعتقد إن حلها فى حاجة واحدة وبس وهى الصراحة التامة من البداية فى حالة عدم التأكد من المشاعر إننا نتفق على فترة للتأكد من المشاعر قبل أن نحيا الهيام والوله والذى منة وبكدة نبقى مظلمناش الطرف التانى معانا ولا ورطنا نفسينا ولا ظلمناها ومش فى الحالة دى بس اللى لازم يكون فية وضوح وصراحة لأ طبعاً لازم فى كل مراحل العلاقة وخاصةً بدايتها يكون فية شفافية تامة –بس مش من بتاعت الحكومة النظيفة طبعاً- ولو العلاقة كان اساسها الثقة التامة مع بعض الحذر يبقى مش هيحصل أى مشاكل خصوصا إن الصراحة والثقة تكون متبادلة بين الطرفين مش من طرف واحد وبس وكدة نتفادى تماماً ورطة الحب ووهم الحب كمان ...
دعاء مواجهات

هناك 4 تعليقات:

sigon_1977 يقول...

المشكلة غالبا ان الكثيرين لا يعلموا ان الحب الحقيقى لا يصنعة احد فيبحثوا عن الحب من اجل الحب فيواجهوا اوهام يسموها الحب وهى ليست اكثر من اوهام

dreem يقول...

قال الشاعر :
الحب فالارض بعض من تخيلنا .. لو لم نجده عليها لاخترعناه !
تحياتى

إبن الإسلام يقول...

ربنا يوفقك يا دودو ايه الحاجات الحلوه دى مدونه رائعه فعلا
يا ريت تضيفيها على منتدانا ده
WWW.AKAD.YOO7.COM

NoNa يقول...

السلام عليكم

اولا البلوج جميلة جدااااا ماشاء الله

ثانيا عن مشكلة الحب

انا معاكى فى كلامك بس بقى تقولى اية اليوهمك او يقول انة معجب ويلفت نظرك بى ويقولك انة معجب او بيحبك ولما تبدائى تفكرى فى يجى هو يكتشف انة تعوود او شعور كدة وراح لى حاله

ياستى سيبك بلا حب بلا وجع قلب ^_^

شكرا ليكى انك نورتى البلوج عندى