الاثنين، نوفمبر 09، 2009

تشـــويــــش...





لماذا الحب ...!!!

ولكن هل حقاً أجمل الأشياء حدوثاً لنا هى تلك التى تحدث دون وعى منا فتحيا بداخلنا مختبئة ترفض الإعلان عن وجودها ... لتتلون وتتشكل وتتهيئ فى هيئات اخرى ممعنةً فى تضليلنا ؟؟؟

ربما كان هذا القول صحيحاً فالأشياء الحقيقية تحدث لنا بحقيقية كاملة لاتشعرنا حتى بوجودها حتى تفاجأنا بما لم يخطر ببالنا

....

جميعنا يحتاج إليه ولا يمكنة الإستغناء عن وجودة فى عالمة نفسرة كيفما نشاء ونأبى أن نصدق اشارات القلب الواضحة خوفاً من تكرار تجارب قاسية
أو حتى من ذلك الضعف السرى الذى يمارسة بداخلنا

فنقتلة عمداً دون ذنب يذكر قد اقترفناه فى حق انفسنا ... نتذرع بالظروف والجوابات ولا تنتهى ابداً لنخرج قبل الدخول مرتكبين فى حق أنفسنا جرماً لا نكتشفة سوى بعد مرور الزمن …

التجربة وحدها خير دليل .. والخوف خير قاتل .. حين يجتمعان يصعب التفكير فى كلاهما كحل منطقى .. فلا مجال حتى للمنطق فى موقف كهذا

الدمار وحدة اسهل خيار نتخذة كأبسط الحلول تنفيذا وأقساها أثراً
فحين يتحتم عليك اتخاذ القرار وحدك تبحث عن داعم حقيقى يؤيدك فلا تجد يزداد الأمر صعوبة وتقل الخيارات ويسهل القتل

القوة نتلمسها فى أعين الآخر فيهرب منا لتبقى وحدك وسط رياح القرارات الصعبة ولا احد يعينك أو يقف معك

توشك على الفتك بنفسك فتوهمها بأن قرارات العقل أقدر على البقاء وأقل خسارة وتستعد لتجهز على جزء بات اساسياً منك ...

لماذا الحب !!!
سؤال يبدو هزلى يبحث عن اجابة مثالية تغمرها الرومانسيه تلك الكلمة التى تفشل المرأة دائما فى فهم معناها تخبطاً
ويفشل الرجل فى فهمها عمداً ...

حين نجلب الألم لأنفسنا لا يجدر بنا البحث عن سبيل لمداواتة..

وجودك يطمأننى أقولها وأهرب ...

هناك 20 تعليقًا:

فكرة من الزمن ده يقول...

اول تعليق

دودو ايه الحظ الجميل ده على الصبح وحشتيني

فكرة من الزمن ده يقول...

توشك على الفتك بنفسك فتوهمها بأن قرارات العقل أقدر على البقاء



للاسف لما بيكون الحب موجود
قليل اوي اللي بيعرف يمشي ورا قررات العقل فلا يبقى الا الفتك بالنفس

تحياتي

adel يقول...

حجب ايه علي الصبح بس

عموما الحب انا مش بحب اوصفه كد لوحده لانه ميتوصفش

انتي ممكن توثفي تجربة بين اتنين اوك
لكن الحب ككلمة اشمل و اعم من انها تتوصف اشاسا

----------
ميرسي علي السؤال بس كانت ظروف كده بقي

رحــــيـل يقول...

التجربة وحدها خير دليل .. والخوف خير قاتل .. حين يجتمعان يصعب التفكير فى كلاهما كحل منطقى .. فلا مجال حتى للمنطق فى موقف كهذا

كنت الاول بقول لازم التجربة طالما فى امل فئ شئ جميل ممكن يكون
بس حاليا ارى ان هناك امور كثيره يجب مراعتها حين نفكر بالحب
كلما ازددنا عمرا وسنا ومررنا بتجارب وخبرات كلما قلت رومانسيتنا ستلاحظينها حتما مع مرور الوقت

البوست جامد جدا بصراحه

Mohamed يقول...

" جميعنا يحتاج إليه ولا يمكنة الإستغناء عن وجودة فى عالمه ... "
يمكن علشان احنا بنعتبره خيط أمل ، حتى لو كان الخيط دا مقطوع بنظل متمسكين بالخيط دا ...

المثل القديم والمشهور " مرآة الحب عمياء " مقولة بتثبت صحتها أكثر وأكثر مع مرور واختلاف الزمان

بوست حلو وسطور جميلة جداً

سعدت بالمرور من هنا

تحياتي

رادار

صوت من مصر يقول...

لماذا الحب
لان الحب عبارة احساس مثل لمسة يد طفل

احساس طفلة محبة للرومانسية بس واقعية يقول...

قرارات العقل أقدر على البقاء
متفقة معاكى بس متنفعش بدون مشاعر
زى ما المشاعر متنفعش بدون حدود وتعقل

هو الحب والرومانسية عالم والحياة الواقعية عالم اخر لازم نتعلم ازاى يمزج بينهم بين مشاعر وافكار احساس وقرارات مينفعش نستغنى عن شئ منهم

دمتى بكل خير
تقبلى مرورى

حبات التوت يقول...

حين نجلب الألم لأنفسنا لا يجدر بنا البحث عن سبيل لمداواتة..

وجودك يطمأننى أقولها وأهرب ...








لللاسف قليل اوى اللى يلاقى الحب ويحافظ علية

Unknown يقول...

انا جيت اقولك كل سنة و انتى طيبة بمناسبة عيد ميلادك و يارب تبقى سنة جديدة كل فرح و سرور و خير و سعادة و نجاح و تألق و كل شىء جميل ليكى

اصل انا قبلك بيوم فاكره
ههه
شهر نوفمبر شهر العظماء اللى انت منهم زى ما قولتى قبل كدة ههههه

و فى نفس الشهر تم اعدام ريا و سكينة
ههههههه

سنة سعيدة عليكى

☼♫♪ عمــاد الدين يــوسف ☼♫♪ يقول...

يمكن معظم الناس بتهرب من مجرد فكرة التعلق بشخص مش الوصول للحب ، بس في رأيي لو اي واحد مننا عايز يختار شريك عمره صح ، يبقى لازم يخوض تجارب الحب ، ينجرح مره ، ويفهم صح مره ، ويحب من طرفين مره
كده هيكتسب الخبره اللي تخليه يختار صح
مع تحفظي على الخوض في علاقات كل الغرض منها قتل الوقت والملل !!

دعاء مواجهات يقول...

فكرة من الزمن دة

انتى ديما وحشانى اكتر

نحاول ان نرفق بأنفسنا على قدر المستطاع

تحياتى ومحبتى

دعاء مواجهات يقول...

adel

مش عارفة لية ياابنى انت مبعرفش ازعل منك مع انك اشاسا مستفز

وبعدين احنا هنيجى اية جمب خبرتك فى عالم الحب وارومانسية

بيس

دعاء مواجهات يقول...

رحيل

لذا أخشى من الزمن

أخشى ا اتحول لكائن قاسى

تحياتى ومودتى

دعاء مواجهات يقول...

محمد

وممكن تكون مرآة الحب مبتشوفش غير الحبيب وبس

لا مجال لأى نواقص أو رتوش بها

تحياتى ليك

دعاء مواجهات يقول...

صوت من مصر

تفسير قد يندرج تحت لند المنظقية ياكيمو

تصدق ساعات بتقول كلام صح

نورت

دعاء مواجهات يقول...

احساس طفلة محبة للرومانسية

وهى دى المعادلة الى كتير اوى بتكون مستحيل تحقيقها

ودة اللى بيجيب القلق لخوف احيانا

تحياتى وحبى

دعاء مواجهات يقول...

ويللا

طب تفتكرى لية
هل احنا مثلا مش وش حب ولا منستاهلوش
ولا اية ؟؟

نورتى

دعاء مواجهات يقول...

بدراوى

وانت طيب ياراجل ياطيب

الجو العام ماخلانيش احتفل بيه ع المدونة السنة دى

يللا خيرها ف غيرها

المهم بجد ميرسى انك فاكر

نورت

دعاء مواجهات يقول...

عماد الدين يوسف

مش ديما الاسلوب دة بيكون هو الصح لان ف الغالب كلمة تجربة بيندرج تحتها كل حاجة سواء فشل او نجاح

انت مختفى فين؟

نورت

Sumaya Rabie يقول...

أنا بحبلك الحاجات النثرية أوي .. بتعرفي تعبري فيها حلو .. وتلمسي مناطق بتاعتك ..

حاسّة ان البوست من جوّه أوي .. ومعتمد على الجمل الصادمة شوية .. عجبني مزجك بين التجربة كخير دليل والخوف كخير قاتل .. ونتيجتهم

اديني من الحاجات ديه كتير بقى يا دودو ..

شكرا،