الجمعة، نوفمبر 20، 2009

لن أغير الهوية ...




لن أغير الهوية

طالبونى بالأمس
أن أغير الهوية

طالبونى ولو للحظة
ألا أكون مصريــاً

أخبرونى أنها
حيلة ُ ذكية

كى أنجو بالحياة
وألوذ بعيشتى الهنية

بالأمس داستنى
نعال الأشقة الغبيه

بالأمس هينت
كرامة شعب
أدمن الخطب العنترية

بالأمس فقط علمتُ
أن الثمــــــن
لمن يملكون
الذهـــــــب

نعالٌ رماحٌ
سيوف حجارة
كانت كأول حرب
بربرية

لم يعرفها يوماً
تاريخ البشرية

قالوا إنها مباراة
كـــروية

وكيف لى أن أصدق
وفى الميدان
ألقونى

دون ما يسمونه
بالإنسانية

---------
أذكر عبدالناصر
أذكر ثورة يوليو

فتلوح فى وجهى
أسلحةٌ بيضاء
روعتنى ..هددت
أطفالاً ونساءً

فأكفر بالقومية العربية
أكفر بالحضارة والمدنية

أكفر بتاريخ لقنوه لنا
على مدار أزمنةٍ عتيه

كيف لى أن استرد
ما سلبوة منى بالقوة
الجبريه

فقد نسى الأباطرة أن يعلمونى
كيف أرد كرامتى من أخى
كيف أواجه ظلم أخى
كيف يقتلنى أخى
؟؟؟

ساومونــى
أن أتنازل
عن الهويه

فسحبت خنجراً
ورشقتة بقلبى
قبل أن يفعلها
من كـــــان يوماً
يمت لى
بصلةٍ أخويه
...

هناك 33 تعليقًا:

إسلام الدسوقى يقول...

حميل الأنفعال
والتجربة الشعورية
والكلمات كمان
رغم خلوها من حلاوة الشعر
بصورة وتشبيهات
لكنه نظم بإيقاع غجرى جميل
...................

أزيك يا دعاء

...................
تخيلى
تخيلتي ولا لسه ؟
المهم يعني
تخيلى بعد كل فترة القراءة دى
في السياسة والنظريات السياسية
والأطروحات والأشكاليات المعاصرة لتغيير شكل السلطة والنظام والكلام والمعاناة في الفقر والبطالة
والوكسة العاطفية والأجتماعية اللي بنعيشها
والنكسة الحضارية اللى بنعاصرها
والقضايا العربية الصعبة ( الأقصى وغزة ) ومشاكل تانية كتيييييييييير

ورغم أن اللى حصل أهانه أنا عن نفسي مش قابلها

لكن أنا عمرى ما تخيلت في حياتى
أن فيه يوم هييجى علينا
و الدنيا فى مصر هتتقلب عشان ماتش كورة
أه يا بلد
تحياتي
يا أستاذة

بدراوى يقول...

جميل اوووى يا دعاء
اللى حصل صعب اوووى

mohamed ghalia يقول...

لن يغير أحد الهوية
فليتخلوا هم عن عروبتهم إن أرادو

ماء تشرين يقول...

جميله اوى اوى يادعاء اعتقد انها عبرت كويس اوى عن الاحساس الجونا كلنا

تسلم ايدك ياقمر

Foxology يقول...

تسلم ايدك يا دعاااااء روووعة بجد واسمحيلى احطها عندى فى بوست جديدة او اشاور عليها من البلوج عندى ؟؟

تحياتى

يوميات شاب منوفى يقول...

تسلم ايدك فعلا الواحد بيفخر بمصريته وعمره مايكون غير مصرى وبس العرب جرب على راى السادات مع انى شايف ان الجزائريين اصلا مش عرب دول ابناء فرنسا
وولائهم لفرنسا

همس الاحباب يقول...

لن اغير الهوية
فحب الوطن من الايمان
وحبها ما زال فى الوجدان
مهما قيل عنها فمصر وطن الشجعان
تسلم الابداعات يا دعاء
تحياتى

donya يقول...

مساء الخير

قويه جدا

ولا عزاء لقاتلي القوميه العربيه

تحياتي

Sherif يقول...

عزيزتى دعاء

لاتدعى انفعالا مهما خرج عن طوعه .. وغضبا مهما بلغ يزعزع ثوابتا لن تهربى منها .. تماما كمن يكره أمه لانها عاقبته .. فهل تستطيعين ؟

حينما كنت أحارب فى 73 كانت الفصيلة الوحيدة معى هى فصيلة معاونة جزائرية .. أيام بومدين

ولايغيب عنك أيضا اننا ساعدنا الجزائريين بما نملك وقتها حتى وفقهم الله وتحررواأيام جمال عبد الناصر

اعظم فيلم عملته ماجدة هو جميلة .. أرجوكى شوفيه تانى اذا كان فيه فرصه عشان ماننساش

عايزة تقارنى الزمن الجميل بالزمن الردئ اللى ماحدش بقى شايف فيه اى حاجة؟

دعاء .. اذا كان فاروق جويدة بيقول عن مصر هذه بلاد لم تعد كوجه بلادى .. هانلوم غيرنا على اللى بيعملوه ؟ نحن فى زمن الهمج والغوغاء .. زمن الالتراس وجماهير عجيبة لا تفهم فى الرياضة ولكن تفهم فى العنف وخلاص ..

لاتغضبى كثيرا .. ولعلها لحظة فارقة حتى نرى الى اين نحن ذاهبون بشكل اوضح .. قلبى معك

mado80 يقول...

اكيد اكيد كل المهزله اللي حصلت دي شئ مؤسف
بس ما تنسيش ان وسائل اعلام البلدين بغباء متناهي ساهمت فيما حدث
لا احد برئ من الجانبين

لكي مني كل التحيه والتقدير

حلم بيعافر يقول...

اشياء كثيرة امنا بها عن ظهر قلب
تستحق الكفر الان
تقبلى مرورى

واحد من البلد دى يقول...

السلام عليكم


ماتش كورة خلى مصر اتوحدت واتجمعت
والأغانى ف كل حتة بحب مصر لعلعت
واللى عينه مادمعتشى لماابوه مات..دمعت
يبقى ليه مااتوحدتشى لما غزة.....ولعت

وعجبى

وحشتونى كلكم أخوتى الأعزاء

الجبالى يقول...

السلام عليكم

تلتصق الهوية بالإنسان إلتصاق جلده به

ولكن ليست الهوية سوى ما يصنعه الإنسان لنفسه ومجتمعه من رقى

هى معنى آخر لكلمة الحضارة

ما قرأته هنا شعر أأنت شاعرة لا أظن

فالحس الشعرى تشوبه بعض ما نقول التقريرية الصحفيه رغم إنه حساس
اقبلينى

خالص مودتى

كيكى عوووووو يقول...

فقد نسى الأباطرة أن يعلمونى
كيف أرد كرامتى من أخى
كيف أواجه ظلم أخى
كيف يقتلنى أخى
؟؟؟
حطيلى على اخى دى 100 خط

الزنارى يقول...

مصر فوق الجميع دائما و أبدا
مصر مصر تحيا مصر
مع خالص الاحترام و التقدير
أحمد الزنارى

نشأت العمده يقول...

ازيك يا استاذه اسف على عدم المتابعه لاكن الواحد كان واخد غيبوبه من الدنيا كله لاكن حاليا احنا مش عارفين ايه الموضوع ولا ايه سبب الموضوع يا يمكن يكون ماتش كوره لا ابدا ولال للاسف نكون بقينا هايفيين اوى اوى

حـــــدوتـــــة يقول...

السلام عليكم

كل عام وانتم الى الله اقرب

وعيد اضحى مبارك

كيكى عوووووو يقول...

كل سنه وانت طيب ياباش يامطنش
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
*************************

لورنس العرب يقول...

تهانينا بعيد الأضحى المبارك
وكل عام وأنتم بخير

دعاء مواجهات يقول...

اسلام الدسوقى

كلمة التجربة الشعورية دى بتفكرنى بايام ثانوى بلاشها بليز

منور

دعاء مواجهات يقول...

بدراوى

صعب ولكنة ليس مستحيل
عموما احنا شعب طيب وعاطفى وبينسى بالوقت وبسكوتة كوباية شاى
كل سنة وانت طيب

دعاء مواجهات يقول...

محمد غالية

صح الكلام ولا يعنينا فى ذلك شئ
منورنى

===============

ماء تشرين
مهم فعلا انها تكون معبرة عن شئ حقيقى جوانا

تحياتى لكلماتك

دعاء مواجهات يقول...

فوكس

رأيك بجد بيفرق معايا واى حاجة ف المدونة بتاعتك بدون كلام

كفاية انها عجيتك دا مهم ..

دعاء مواجهات يقول...

يوميات شاب منوفى

هو ا رأى السادات فعلا ؟؟ ولا كلمة سائدة وبس

عموما انا مش مع الكلمة دى لان معناها اننا نبعد عن اى عربى
ودا مش صح

نورت

دعاء مواجهات يقول...

همس الاحباب

تسلم ياغالى ويسلم مرورك ومتابعتك

كل سنة وانت طيب

========
دنيا

ولا عزاء للمصطلع ذاتة الذى ينم عن معانى مطاطة رمادية غير محددة

نورتى

دعاء مواجهات يقول...

شريف

اولا اشكر حضرتك على التوضيحات
اللى اكيد كل المصرين عارفينها وفاهمينها واللى بتعتبر نقطة الم مش العكس

كلامك دليل على كلامى بالبراهين التاريخية ولا يناقضة

نورتنى

دعاء مواجهات يقول...

مادو

اكيد لاأحد برئ ولا احد يعلم تماما اين تكمن الحقائق الكاملة

==============

حلم بيعافر

للأسف ....

دعاء مواجهات يقول...

واحد من البلد دى

كلامك جميل اوى وف الجوون بل ف الشبكة
انت كمان مفتقدينك

نورت

=========

الجبالى

المدونات ليست فقط لمحترفى الكتابة المدونة هى بيتى الذى يباح لى عمل كل شئ واى شئ فيه ما دام لايضر أحد

ولا يفترض ابدا ان اكون محترفة لأعبر عن شئ ما بالشعر بالرغم من ان الكثيرون يرون ذلك

وانا لست شاعرة ولم اقل ذلك بل ربما لا اسميها قصيدة وانما احساس كان يجب ان يخرج بطريقة ما تحددها الكتابة وحدها ولا شئ سواها ....

اتقبلك بشدة ...

دعاء مواجهات يقول...

كيكى عووو

واشطبيهم فوراً

منورة بيتك ياهانم

=============

الزنارى

اعتقد انها ليست مسيرة تظاهرية

نورتنى

دعاء مواجهات يقول...

نشأت

بقينا ...؟؟؟

حمدلله ع سلامتك

============

حدوتة وانتى طيبة وبخير ديما ياارب

دعاء مواجهات يقول...

كيكى ولورنس

كل سنه وانتوا زى ما بتتمنوا

ميرسى بجد

واحد من الناس يقول...

والله زمان
وحشتني الكتابات الجميله

انا طبعا مش هعلق علي اللي حصل لأن النظام اصطاد في الميه العكره ولاهي الناس عن حاجه هو بيعملها هي ايه الله اعلم اكيد هنعرف بعد المصيبه ما تنزل

المهم الشعر جميل جدا جدا جدا
غير المرات اللي فاتت

good يقول...

AV,無碼,a片免費看,自拍貼圖,伊莉,微風論壇,成人聊天室,成人電影,成人文學,成人貼圖區,成人網站,一葉情貼圖片區,色情漫畫,言情小說,情色論壇,臺灣情色網,色情影片,色情,成人影城,080視訊聊天室,a片,A漫,h漫,麗的色遊戲,同志色教館,AV女優,SEX,咆哮小老鼠,85cc免費影片,正妹牆,ut聊天室,豆豆聊天室,聊天室,情色小說,aio,成人,微風成人,做愛,成人貼圖,18成人,嘟嘟成人網,aio交友愛情館,情色文學,色情小說,色情網站,情色,A片下載,嘟嘟情人色網,成人影片,成人圖片,成人文章,成人小說,成人漫畫,視訊聊天室,性愛,a片,AV女優,聊天室,情色