الجمعة، أكتوبر 30، 2009

هل تقتل الوحدة ..؟؟




أن تبعد فتكون وحيداً فتصاب بالملل .. فتعتاد الوحدة .. فتألفها وتألفك .. فيقتربون منك .. فيفسدون حياتك
تلك هى لعبة الحياة


أن تكون بعيداً فيفرض عليك البعد نوعاً من الوحدة والغربة يبدو لك الأمر فى بدايتة أشبة بمعاناه حقيقية تظل تحاول الهروب منها دون جدوى فإنهاء الأمور فى بداياتها لن يكون سهلاً تلك هى القرارات الصعبة ...

يتطلب اتخاذها منك مزيداً من التفكير والإستعداد للتنازل عن شئ ما آخر دفعك لإختيار هذة الوحدة

هكذا كنت فى البداية مراحل عدة مررت بها حتى ألفت البعد والفت الوحدة لحظات شعرت فيها بالخوف وأخرى بالقوة وأحيانا بضرورة التنازل عن كل شئ فى سبيل العودة لكن القرار ليس سهلاً لهذة الدرجة

فى البدايةكان قلق وخوف وتفكير مستمر فى جدوى ما أقوم به ينتهى دوما إلى حاجة فعلية لإتخاذ قرار ما دائما لا أتخذة

هل حقاً الوحدة قاتلة .. أسائلنى كثيراً فأقرر التجريب أولاً

بعد التجربة كان القرار مختلفاً فالأشياء غالباً ليست كما تبدو من الخارج .. أدركت أن الوحدة لاتقتل سوى من يستسلم لها فقط ويقضيها فى انتظار أشياء لا تأتى
الوحدة لا تعنى أبداً أن تحيا بمفردك فى مكان مغلق عليك وحدك دون أن يكون هناك من يشاركك لحظاتك ويهتم بك
الوحدة إحساس داخلى يتملكك حين يبتعد الجميع عنك وحين تتيقن أن لحظات إقترابهم لم تكن سوى لأهداف انتهت ب انتهائها
الوحدة المكانية قد تسبب الألم لكن الوحدة النفسية أكثر إيلاماً يحياها الكثيرون دون التعرف على توصيف دقيق لها

ربما يساهمون هم فى الوصول لها دون أن يدركوا ذلك .. لكن ما نتأكد منه حتماً بوع من الضيق لا نعى له سبباً

بعد فترة نعتاد الوحدة ونسعى إليها بل وربما نصاب بنوبات من الإكتئاب فى وجود الآخرين الذين باتوا أشبة بمصدر حقيقى للإزعاج نريد التخلص منه دون أدنى خسائر

يصبح القرب منهم عبئا تريد التخلص منة سريعا . يدفعونك لذلك دون أن تدرى ماذا تفعل يتحول لواقع لا تستطيع الهروب منة وأحاسيس سلبية تجاههم تلازمك رغما عنك بثرثرتهم اللامنتهية عن أحوالهم ومشاكلهم وقضاياهم التى يرون حتمية تحويلها لقضية راى عام تصبح انت أشبة بالبئر الذى يعمل الجميع دائبين لملئة بقازوراتهم .. فى الوقت الذى تبحث فية أنت عن بئر يحتويك بعيداً عنهم فلا تجد ..

تتلمس سبيلا للعوده لوحدتك فى أقرب فرصة وبالكاد تهرب منهم فى المحاولة لإيجاد نفسك التى يمحونها بتمعن ممل

فتدرك ربما فى الوقت الغير مناسب أن الوحدة لم تكن يوماً قاتلة بقدر ما هو الإقتراب من أشخاص بعينهم ...

فتنتهى إلى حيث بدأت ولكن بوجهة نظر مختلفة يملؤها الأمل فى البقاء وحيداً

هكذا هى لعبة الحياة دائما لا تريك قيمة ما تحياة إلا بعد أن تتشبع بالقدر الكافى من المعاناة التى تظهر لك قيمة الأشياء التى تملكها يديك ..

هناك 28 تعليقًا:

donya يقول...

مساء الخير

الوحده ذلك القال اللعين
شعرت بكل كلمه في البوست
وكأنك تتكلمين عني في اغلب السطور

تسلم ايدك


*تحياتي

بدراوى يقول...

ازيك يا دعاء
بوست رائع بجدالوحدة النفسية

على فكرة اصعب وحدة زى ما قولتى

كثير بحس وسط الناس بالغربة حتى لو اعرفهم كويس بحس انى وحيد و انا وسطهم حتى

احساس صعب قوى

اهم شىء اننا نحيا الحياة بشكل صح
لوحدنا او وسط ناس حقيقية و ناس بجد
مش مجرد شخصيات مزعجة ده يبقى افضل شىء

شكراً على لغتك الأدبية الثرية
و كتابتك الجميلة

لورنس العرب يقول...

الوحده

اسأليني عنها

بقالي حوالي 7 سنين فيها ومش عارف آخرتها ايه

لكن اصعبها هو الشعور بالوحده في وجود الناس
الناس جنبك لكن كله مكبر دماغه منك!

أميرة علي كوكب مهجور يقول...

البوست ده حلو اوي

بس انا رائي اننا اللي بنحسس نفسنا بالوحدة في مليون حاجة نعملها في ناس تانية ممكن نتعرف عليها لو الناس اللي حوالينا مش مرياحينا

وحتي لو محدش معانا خالص ربنا معانا ربنا حاسس بينا ربنا موجود وشايل لينا حاجات حلوة كتير لسه جايه


اللي عايز يزعل بيلاقي مليون سبب ومليون حاجة يزعل ويكتئب عليهم واللي عايز يفرح بيلاقي برضه مليون سبب وحاجة تفرحه

والله كل حاجة بأيدينا والحمدلله ع كل حال:)

كيكى عوووووو يقول...

انت أشبة بالبئر الذى يعمل الجميع دائبين لملئة بقازوراتهم .. فى الوقت الذى تبحث فية أنت عن بئر يحتويك بعيداً عنهم فلا تجد ..
************************
انتى بتهزرى ها؟
لا فعلا بتهزرى ازاى جبتى المقطع دة بالذات!!!!
انتى اكيد حسيتى المقطع دة لان بجد مش اى حد يحس الموضوع دة الا الى حسوا اووووووووى!!!!!
انا مش عارفة اقول ايه بس......
***صوت تنهيده***

mimi يقول...

وحشتني كتاباتك

صوت من مصر يقول...

ليست فقط بلعبه

الفراغ يقول...
أزال المؤلف هذا التعليق.
الفراغ يقول...

الوحده لا تقتل
الوحده تحى القلب بحب الله ورسوله

انتى اول انسان يتحدث عن وحدتى الذى صنعها الاخرون
كلامك صادق 100%
هم اجبرونى على تجرع الوحده والامها وحيده بلا معين
ثم اضاء الله طريقى باللجوء اليه
فكانت اكبر واجمل واصدق واسعد لحظات فى حياتى
فقد اصبحت ادمنها واهرب من كل العالم اليها

ماأجمل الوحده مع الله
وانى اخرج من وحدتى وقتما اشاء
وليس كما يشاؤون هم

اللهم لك الحمد والشكر

وتسلم تسلم تسلم ايدك

أحساس لسه حى...كلام من جوه روح لكل روح يقول...

عزيزتى

محدش يقدر على الوحده

ومهما بنبعد وبنحاول نعيش بعيد عن الناس ...فى ناس بتشدنا نقرب للناس

لاكن الملل هو المشكلة سواء مع الناس او بعاد عن الناس

الملل هو اننا نعيش ونفسنا فى شئ ومش قادريين نوصلة

يبقا حياه ملهاش طعم

حيباه مليانه ملل

تحياتى

سلام

mohamed ghalia يقول...

شخصيا مقدرش ابعد عن الناس مهما اعتدت الوحدة ليوم التنين تلاتة وبعدين

Foxology يقول...

الوحدة إحساس داخلى يتملكك حين يبتعد الجميع عنك وحين تتيقن أن لحظات إقترابهم لم تكن سوى لأهداف انتهت ب انتهائها


ده تفسيرى لكلمة الوحدة :)

تحياتى على التحليل المنطقى :)

الشنكوتي الكبير يقول...

بعد فترة نعتاد الوحدة ونسعى إليها بل وربما نصاب بنوبات من الإكتئاب فى وجود الآخرين الذين باتوا أشبة بمصدر حقيقى للإزعاج نريد التخلص منه دون أدنى خسائر

يصبح القرب منهم عبئا تريد التخلص منة سريعا .


اسمحيلي بعد غيبه عن المدونه بتاعتك يا دعاء اعتذر اولا عن الغياب ثم اشكرك على كلماتك الجميله

واقول لسعادتك بجد انتي دكتوره سيكولوي ممتازه
اول لما قريت الجمله اللي اقتبستها دي حسيت انك هتقولي انها من كتاب مشهور او جمله لحد مثقف كبير

بس هنروح بعيد ليه ما هي فعلا دعاء مواجهات هي ملكة الحركات والثقافات

بجد صدقت جملتك دي قوي
بنتعود على الوحده في البدايه غصب عننا وبعدين بتصبح ادمان
تلاقي مثلا الشخص بيكره الضيوف مع انه ممكن ميكونش بخيل بس هو اتزرع جواه من صغره مثلا ان الضيف بعد ما هيمشي هينضرب مثلا على غلطاته وقلة ادبه قدام الناس فتلاقي الطفل بيكبر وهو الفكره مزروعه جواه بالغريزه ده مثلا صغير طبعا ساعات بقى الموضوع بيبقى على مقياس اكبر مع المراحل العمريه الأكبر اللي مبيكونش الضرب هو مشكلتها لكن الهموم والأحراج مثلا هم اللي بيخنقها
وعلى المنوال نفسه كتير

بجد انتي دماغ يا دعاء منورانا دايما


سلااااااااااااااااام
اخوكي ايهاب

Yusuf يقول...

روعة يا دعاء

بجد انا قريت البوست أكتر من مرة

وكل مرة كنت بلمس فيه معاني أكتر عن الوحدة

أصلي بقراه وانا قاعد لوحدي دلوقتي

:)

استمري

تحياتي

همس يقول...

ازيك يا دعاء

وربنا انتى وحشانى جدااااا

معلشى بقالى فتره مش بزورك


بس تصدقى الوحده احلى بكتير من اللى بنشوفه دلوقتى

من كدب ونفاق ومصالح

انا شخصيا بحبها جدااااااااااا


بس طول ما ربنا معانا مفيش وحده ان شاء الله

ربنا يرضى عنك

دعاء مواجهات يقول...

اعتذر عن عدم الرد على التعليقات

ارد لاحقا

تحياتى وحبى ..

دعاء مواجهات يقول...

دنيا

شرف كبير لأى كاتب ان تلمس سطورة قلوب من يقرأ

منورانى

دعاء مواجهات يقول...

بدراوى

تجذبنى آرائك فيما اكتب بشدة واهتم بها

اشكرك

دعاء مواجهات يقول...

بدراوى

تجذبنى آرائك فيما اكتب بشدة واهتم بها

اشكرك

دعاء مواجهات يقول...

لورنس

لان ف النهاية كل واحد لايهتم سوى بنفسة تلك هى القضية

==================

اميرة على كوكب مهجور

فى يوم من الأيام كنت أقول ما تقولينة بالحرف الواحد

نورتى

دعاء مواجهات يقول...

كيكى

سلامتك من التنهيد ياقمر

ما انتى عارفة الى فيها بقى

منورة يابت انتى

===============

ميمى

انتى كمان بتوحشنى كتابتك وبتمتعنى جدا

ونفسى القاكى فى الواقع

بحبك

دعاء مواجهات يقول...

صوت من مصر

هى اية دى ياكيمو ..؟؟

===================

الفراغ

كلامك صحيح جدا بدرجة غير عادية

اشكرك

دعاء مواجهات يقول...

احساس لسة حى

الملل قد يأتى أكثر بوجود الاخرون

وفى النهاية كل الامور نسبيه

تحياتى لك

دعاء مواجهات يقول...

محمد غالية

ليس البعد بالمعنى الذى فهمتة ولكن ابتعاد نسبى لحين الهدوء والتفكير

منورنى

دعاء مواجهات يقول...

فوكس

للاسف هو واقع نهرب منه ونحاول تجميلة لكنة يرفض ذلك

منورنى

دعاء مواجهات يقول...

الشنكوتى الجميل

حمدلله على سلامتك ياأجمل اخ ف الحياة
احنا عاذرينك وعارفين وليك حق ربنا يوفقك يارب ف حياتك

وكفاية بجد عليا انك تكون فاكرنى من وقت للتانى بجد مجرد وجودك فى قايمة التعليقات شرف كبيير اوى وحاجة بتفرحنى

لان كلامك مش اى كلام

تحياتى ل ..
هى اسمها اية ..

سلام

دعاء مواجهات يقول...

يوسف

على فكرة دى مش دعوة للوحدة او انها افضل من الحياة مع الناس لا ابدا اوعى تفهم خطأ

ولكنها الوحدة من وجهة نظرى الخاصة

تحياتى ليك

دعاء مواجهات يقول...

همس

آمين يارب ياقمر

انتى كمان وحشانى بشكل فظيع نفسى اشوفك فى لقاء قريب بجد يابنت انتى

وزى ما قولتى كدة البعد عن النفاق احسن من العيش بة وسط اناس يجيدون التمثيل

تحياتى وحبى ..

سلام