السبت، يونيو 13، 2009

نسخة ويندوز جديدة ..





نسخة ويندوز جديدة بهذة الكلمة يباغتى عادل دائماً فأصمت وتنتابنى الحالة نفسها من الشرود والتفكير هو لا يعلم ماذا يعنى أن يقوم بتغيير النسخة سوى أنه يعطى الجهاز فرصة أكثر تميزا للعمل والتصفح والإنهاك

....عادل لايمتلك حلولا وسط لإصلاح جهازى وكأنه تآمر عليه او أن أحدا ً ما قد أوصاه بجهازى شرا ً

هو أيضاً لا يعرف ماذا تفعل بى النسخة الجديدة وماذا تعنى لى النسخة القديمة التى يقومها بإزالتها دون أدنى شعور بالذنب أو بأنه ارتكب إثما ً ما

النسخة الجديدة تعنى أن وافدا ً جديدا ً تحتاج الألفه معه لوقت طويل حتى يتعارف أحدنا على الآخر جيدا ليدرك صفاته ومميزاته وعيوبة أبذل مجهودا ً كبيرا لإحداث هذة الألفه وهذا التفاهم

النسخة الجديدة تغتال قائمة مواقعى المفضلة بما فيهم مدونتى وحسابى على الفيس وجروباتى المفضله ومدونات الأصدقاء

النسخة الجديدة تتجاهل تماما دخولى على جوجل من قبل وتصفحى لمواقعى المقربه من عقلى لأجدنى غريبة عن عالم الإنترنت بأكمله

النسخة الجديدة تتعمد نعتى بالجهل واللامعرفه .. تغتال ذاكرتى المؤقته دون رجعه

النسخة الجديدة تعطينى فرصاً جديدة لمحاولة التأقلم والعيش وسط كائن لم يسبق لى التعرف علية او الجلوس معه

النسخة الجديدة تحملنى معاناة التعرف والتواصل والتفاهم من اول وجديد ..

انها تشبة تماماً الشخص الذى تقابله لمرة الأولى فتتصارع بداخلك الإنطباعات وتدور حول مدى شفافيته أو غموضة هل هو حقا كما يبدو طيبا مستكينا ام انها قناعات الزمن الأبدية .؟؟

النسخة الجديدة تبث بداخلى احساساً مخفى المصدر عن مدى قدرتى على التآلف والتعارف والتواصل مع الآخر هى حقاً تقيس مدى امكانياتى الإجتماعية وقدراتى التآلفيه ...

النسخة الجديدة رغم كل ما تحدث بداخلى من قلق وتوتر إلا أنى أجدنى دوماً فى حاجة إليها لأحدث توازناً نفسيا بروحى

أجدنى فى حاجة للتعرف على أشياء جديدة أجدنى فى حاجة لإكتشاف قدراتى واختبار ذكائى ..

النسخة الجديدة تستخدم لأن فيروساً ما قدأصاب الجهاز ولم يعد يصلح لاستقبال بيانات جديدة

أضبطنى كثيراً فى حاجة لتجديد نسختى الداخليه حتى أستطيع استقبال وافداً جديدا .. حتى أستطيع أن أكمـــــل ...

اليوم فقط اكتشف أن النسخة الجديدة شــر لابد منه ...

هناك 42 تعليقًا:

موناليزا يقول...

ولكنها حقاً مفيدة

Sweet Violet يقول...

عجبنى قوى تحليلك بجد ^_^

لكن مش دايما النسخة الجديدة شر

بالعكس اوقات كتير النسخة الجديدة بتكون افضل و أفيد للانسان

adel يقول...

عادل هنده حق
في اي حاجة عنده حق
ههههههههههههه
كفابة انه علي اسمي :):)

علي فكرة فكرة عادية بس عاجبيتني قوي
حلو تناول الموضوع من المنظور ده و انا بعاني نفس المعاناة للاسف في كل مرة بس انا اللي بغير النسخة و ضميري بيبقي وجعني قوي :):):)

انا ودماغي يقول...

على فكرة بجد تحليلك للموضوع وهمى و عجبنى اوى
و جبتى نفسيت كل واحد لما بيلاقى نسخة جديدة
بس هى مش فى كل الأحوال بيتكون شر
بالعكس احيانا بتكون الخير كله بس فى الأول بيكون فى شوية غموض

ماء تشرين يقول...

جميله يادعاء احنا كلنا بنحتاج نسخه ويندوز جديده مش الكمبيوتر بتاعك بس كلنا بس مشكلتنا انو بنخاف دايما من الجديد وبنتبع المثل القائم التعرفه احسن من المتعرفقوش طب انت جربت المتعرفوش عشان تحكم انا عن نفسي احب التجديد دائما لانى اعرف انه يحمل متعه اخرى من البحث والمعرفه

تقبلى مرورى

احساس طفلة محبة للرومانسية بس واقعية يقول...

هو مش هقدر اقولك حل غير لقائمة المفضلة
انتى ممكن تحفظيها فى اى مكان وتبعتيها لنفسك على الايميل
زى بالضبط ما قوائمنا محفوظة فى عقولنا ولما بنحب نحفظها بنبعتها للقلب
بتهيألى بعد كدا هتخلى كمبيوترك اسرع
واكثر نقاء وترتيب
:)
لو على الكمبيوتر او علينا
جميل اننا ننزل ويندوز جديد
على الكمبيوتر مفيش اسهل منه
بس علينا هو اللى صعب
مش بس التأقلم معاها لكن محاولة تحميل ويندوز جديد لحياتنا من البداية فكرة صعبة التنفيذ وزى ما ليها اضرار سهل تجنبها ليها مميزات

شكرا ليك
تقبلى مرورى

قلب ارهقته الاحلام يقول...

يمكن كلنا بنحتاج لنسخه الويندوز دي مع تخوفنا منها

والمعاملة الحذرة ف الاول بس اهم حاجه متكونش متفيرسة:)

وتكون اوريجينال ^^

تحليلك للفكرة جميل جدا

دمتي بألف خيرر

تحياتي ,,

أخـــ مسلمة ـــت يقول...

ههههههههه
والله نفس الموضوع بيحصل معايا
وبكون عاوزة اضرب اخويا لما يعمل نسخة جديدة

بس في اكتر الاوقات بتكون خييييير
لانه الجهاز بيبقي ممل شويتين
D:

دمتِ ونسختك بكل ود

بدراوى يقول...

جميل اوووى
البوست ده

انا بقى تقليدى
على قديمه
صعب بالنسبة لى التغيير
اووووى
هكذا الإنسان المصرى عموماً

بس انا بمناسبة الويندوز
انا لسة على اكس بى
و مش ناوى اخش على فيستا خالص
ده بتكلم على الكمبيوتر
طبعاً
مش عليا
:-)

اصل مشكلة الفيستا انه مش كومباتابل
مع البرامج اللى بشغلها

يالا ربنا يسهل

وومن يقول...

كل ده في الويندز الجديدة

كأنك بتتكلمي عننا كلنا مع اني انا اللي بغتال القديمة بنفسي

بجد تحليلك فظيع اكتر شئ بيعجبني في كتاباتك زوايا رؤيتك العميقة

ماشاء الله

ملحوظة

حاولي تعملي باك آب من قائمة المفضلة عندك قبل تنزيل النسخة الجديدة

Mohamed Hamdy يقول...

كلما اعلنت ميكروسوفت عن نسخه (اجدد) من اى شىء ما توقعت ان ياتى الجديد بكل ما هو سىء

سجلى اسمى فى نادى اعداء النسخ الجديده

تحياتى

ملكة بحجابى يقول...

يا دودو ساعات النسخ الجديدة
بتبقى افضل
رغم ان عبق ذكرى الاقدم لن يفارق مخيلتنا بكل خيره وشره
:)
عجبنى البوست اووووووووووى
تقبلى مرورى ياحبيبتى

أميرة
(ملكة بحجابى )

*البت المشمشية *حلوة بس شقية * يقول...

ايه يا دودو بس الحلاوة دى
ان اعن نفسى بحتاج كل ثانية نسخة ويندوز جديدة عشان اغير بيها حياتى
بس تقريبا الاسطوانة ضايعه

Foxology يقول...

النسخة الجديدة بالرغم من ان لها عيوب لكن ليها مميزات كتيرة خصوصا الأستعداد للبدء من نقطة الصفر على مهل ومحاولة تجنب تكرار الأخطاء السابقة :)

تحياتى :)

THE illusionist يقول...

هههههههههههههههه
بصى
ممكن تنسخى قايمه مواقعك ال
favourate
وتبقى تحطيها فى النسخه
واعملى لنسك ثيم معين للجهاز
اول ما تستبى نسخه
اعمليه علطول
وبكده مشهتحسى بالتجديد
بالعكس
الواحد بيحس ان جهازه بقى فريش واتولد من جديد
والبوست زى الفل
ناقصه بس حكايه
ان التعريفات عقبال ما تنزل
بتشلنى

* Alwaan * يقول...

قلبتى عليا المواجع بجد

اصل لسه الويندوز متغير عندى والملف بتاعى بكل متعلقااااااتى اتمسسسسح

الله يسامح اللى كان السبب بقى

اهو نفس الاحساس ده هحسه برضه لو غيرت ويندوز حياتى

جميل اوى عرضك للموضوع

تحياتى

mohamed ghalia يقول...

المهم نحسن اختيار النسخة

ايمو يقول...

حلوة اوى اوى اوى يادودو احساسك
بس عارفه انا كمان كده
تسلمى ياسكر

دعاء مواجهات يقول...

اعتذر عن التأخر فى الرد

لظروف النت السيئة

تحياتى لجميعكم

Mohamed Hamdy يقول...

بعتلك اللى عاوزاه على ايميل الياهو بتاعك

mwaghat_d@yahoo.com

اى خدمه:)

thunder يقول...

ههههههههههههههههههههه
ماه انتى اللى غلطانة ما تعمل ورقة عمل للفوريت و نوت باد مثالا وتكتبى فى اسماء المواقع المفضلة عندك ومدونتك وغيره وبكدا لو النسخة انهارت هيكون عندك بديلك فى النوت بوك وترجعى تسجليه على الفوفريت تانى
وبعدين لكل شئ بداية ونهاية فا مشمعقولة النسخة هتستمر معاكى كتير اطلاقا وبعدين كمان التغير سمة فى حياة البشر وعليه مينفعش نكون نمطين او عايشين فى قالب واحد والا الروتين هيغلب علينا ونفقد الطموح والامل دا لو اعتبارنا ان نسخة الويندوز دى حياة واحد وعاملنا اسقاط
مينفعش كل جديد فى حياتنا يكون شر ولا كل قديم يكون خير فاهمنى
ماعلينا المشكلة انى عندى فكرة من البوست لكن مش عارف اوصل المقابل ليها اتمنى تكونى فاهمتينى وخلاص
اختى العزيزة دمتِ بكل حب و ود وفى رعاية وحفظ الله دائمااااااا

blue-wave يقول...

هههههههههههههههههه
ربنا معاكى بجد
انا مش بحب اغير خالص بصراحه

دعاء مواجهات يقول...

موناليزا

اكيد التجديد غالبا يفيد ..

دعاء مواجهات يقول...

سويت فيوليت

ممكن كل شئ اصبح قابل للتحقق فى واقعنا

تحياتى ليكى ..

دعاء مواجهات يقول...

عادل

ايوا ياعم ما انت ما صدقت بقى

بطلوا السلفشة دى بقى

هههههههههههههههههههه

منور

دعاء مواجهات يقول...

انا ودماغى

اشكرك على رايك فى الكلام

وهو دا اهم احجة عندى انى اعبر عن كل حد كويس

نورتنى

دعاء مواجهات يقول...

ماء تشرين

كلامك صح كتير جدا بيخاف من التجديد او على لااقل بيقلق لكنى لست منهم


تزيدنى كلماتك بهاء

منورة

دعاء مواجهات يقول...

احساس طفله

واختلفت الاراء

انا اكيد مش بتعب من نسخة الجاز بقدر ما بتعب من نسختى انا الداخلية

تقبلى حبى

دعاء مواجهات يقول...

قلب ارهقتة الاحلام

كما ارهقتكى الاحلام ارهقنى انا تغيير النسخ

دمتى بود حبيبتى

دعاء مواجهات يقول...

اخت مسلمة

هى شر لابد منة كما قلت

تحياتى لكى

نورتى

دعاء مواجهات يقول...

بدراوى

على فكرة ديما بنتظر تعليقك على كل بوست

بيس

دعاء مواجهات يقول...

وومن

حبيبة قلبى

اشكرك على رايك فى الكتابه وبجد دة اهم حاجة عندى

وحشااانى مووت يابنتى

دعاء مواجهات يقول...

محمد حمدى

ياسلام بس كدة

وكمان همسكك مجلس ادارته

بيس يامعلم

دعاء مواجهات يقول...

ملكة بحجابى

اشكرك على الاعجاب والتعليق الجميل

واحب اقولك ان العبق ف النهاية بنكتشف انو وهم وبس

منورة كعادتك ياقمر ..

دعاء مواجهات يقول...

البت لامشمشية

هههههههههههههههههههههه
كمان ضايعه اومال بتغيريها ازاى اوعى تكونى بتشتغلى ف المضرووب يابنت

ههههههههههههههههههه

وحشااتى يابنت انتى

دعاء مواجهات يقول...

فوكس

الأستعداد للبدء من نقطة الصفر

تنحت ق4دام الجملة دى يافوكس

دمت منورلى دماغى ..

دعاء مواجهات يقول...

the ill

ميرسى ياباشمهندز على النصايح الغالية

تحياتى ليك
نورت

دعاء مواجهات يقول...

الوان

سورى لو كانت مواجع بجد

نورتى

=============

غالية

ياصاحب السعادة من اين نأتى بالنسخ الاصلية ..؟؟

افتنى

دعاء مواجهات يقول...

ايمو

جميعنا هذا الرجل على ما يبدو

وحشاانى بجنوون يابنتى

بيس

دعاء مواجهات يقول...

theunder

نحاول نعمل لاحوار دة

اشكرك على امانيك الحلوة
نورتنى

دعاء مواجهات يقول...

بلوويف

احيانا بيكون كويس التغيير بردو

جرب مش هتخسر
نورت

good يقول...

AV,無碼,a片免費看,自拍貼圖,伊莉,微風論壇,成人聊天室,成人電影,成人文學,成人貼圖區,成人網站,一葉情貼圖片區,色情漫畫,言情小說,情色論壇,臺灣情色網,色情影片,色情,成人影城,080視訊聊天室,a片,A漫,h漫,麗的色遊戲,同志色教館,AV女優,SEX,咆哮小老鼠,85cc免費影片,正妹牆,ut聊天室,豆豆聊天室,聊天室,情色小說,aio,成人,微風成人,做愛,成人貼圖,18成人,嘟嘟成人網,aio交友愛情館,情色文學,色情小說,色情網站,情色,A片下載,嘟嘟情人色網,成人影片,成人圖片,成人文章,成人小說,成人漫畫,視訊聊天室,性愛,a片,AV女優,聊天室,情色