الجمعة، يونيو 26، 2009

مصيبة أن تكون رجلاً ...





فى البدء كانت الرجوله صفة للتمييز بين جنسى البشر الذكر والأنثى ثم تحولت بفعل تقدم الثقافه إلى أسلوب لإمتداح الذكور الذين يأتون بأفعال تدعوا للفخر المجتنعى

واليوم أعدها سُبه أصبحنا نلقيها كرد فعل لبعض الأفعال التى تحمل يرتكبها الذكور وليس الرجال هم لا يستحقون المعنى الأصلى الذى يكمن وراء الكلمه لانهم لا ينفذون شئ منه .. هؤلاء تجدهم لا يدخرون فرصه لمضايقة الفتيات فى الأماكن العامه إلا وفعلوها وبكل برود قد يندر عليك وجود ما يماثله من أحد المخلوقات الأخرى

وبالطبع الأمر كذلك ويكاد يكون اكبر مجالاً فى المواصلات العامه .. كثيرة هى الأفعال المماثله لا يجدر يى ذكرها ربما لإدراكى التام ان الجميع على علم بها الأمر الذى يدفعك دفعاً للسؤال نفسة عشرات المرات يومياً

هى الناس مبقاش عندها دم لية .؟؟

سؤال يعصف بذهنى عشرات وربما مئات المرات يومياً لم أعد أرى شبحاً لما كان يسمى الجدعنه فى وقت من الأوقات صار الغباء وانتهاز الفرص هو عنوان جميع أفعالهم

ما الذى وصل بنا إلى هذا الحال ؟؟ وهل هم معذورون أم أن لكل عصر أذان وهذا هو آذان عصرهم هذا .. ان كانت هذة مقتضيات المدنيه فلعنة الله على المدنية وما يصحبها

ان ما يحدث لى بشكل شخصى يجعلنى دائمة الغضب من أى كائن ذكر بسبب أو بدون صاروا بالنسبة لى عنواناً لكل ما هو سئ ... أم أعد أنتظر من أحدهم أى خير
أصبحت فى حاله من التأهب النفسى المستمر لأى شجار فى أى مكان وفى كل وقت .. أرى أن الصمت يجعلنى فريسة

الرجال فى بلادى لم يعد يتبقى منهم سوى إسم دون معنى او طعم ..
أصبحت الرجوله مصيبة .. وليست صفه يتفاخرون بها ..


ان كانت المشكلة فى الأزمة المالية وما صاحبها من صعوبة فى الزواج فبالطبع هناك وسائل عدة للخروج من هذة الأزمة لكنى أرى الأسباب مختلفة تماما فهم لا يريدون أن يتحملوا مثل هذة المسئولية من الأساس وليسوا على استعداد لها ليس لصعوبة المعيش ولكن لأن الحياة كدة أحلى ...

ترى إلى متى ستظل الحياة كدة أحلى ..؟؟

ترى إلى متى سينظرون لمن تخرج من بيتها أنها جانية وعليها أن تتحمل تبعات خروجها هذا ..؟؟

ترى ما الذى وصل بنا وبشبابنا ورجالنا إلى هذا الحد من اللارجوله والتدنى الخلقى ؟؟

ترى هل سنعود يوماً كما كنا ..؟؟

ومازال السؤال يطاردنى

هى الناس مبقاش عندها دم ليه ...؟؟؟

هناك 44 تعليقًا:

همس الاحباب يقول...

عندك حق
ما فيش دم الدم بقى مياه
والميه بقت ملوثة
والنتيجة ما يحدث فعلا
والاخلاق انعدمت والشهامة اندثرت
والبقاء لله فى الرجولة
لابد من العودة الى الاخلاق والصفات الحميدة
اللاخلاق منعدمة من قبل الازمة الاقتصادية اساسا
واصبحنا ننسى او نتناسى تعاليم ديننا الحنيف وننسى ان تلك الفتاة هى امى او اختى او زوجتى او ابنتى
او قريبة من اى درجة كانت
تحباتى لقلمك المبدع

عصفور المدينة يقول...

نعم أوافقك الرأي تماما وخالد قبلي رجل
أيضا يوافقك الرأي وهذا يثبت أنه لا يزال في هذه الأمة قائمون بالحق
ولنا قول الله عز وجل
فلولا كان من القرون من قبلكم أولو بقية ينهون عن الفساد في الأرض إلا قليلا ممن أنجينا منهم

ماء تشرين يقول...

عارفه يادعاء زمان بشوف صور الناس زمان والافلام القديمه بستغرب والله دول دلوقتى البنات محجبات ماشاء الله والغريب انو المحجبه عندو زاى المش محجبه بس ارجع واقول العيب مش عليه العيب على الربوه انو اخته حاجه وبنات الناس حاجه تانيه العيب على الربوه انه دى هى الرجوله والام تبقه مبسوطه انو ابنها بيعاكس دى وبيكلم دى راجل اومال يارب ارحمنا وارحم المجتمع بجد من كميه الجهل الفيه

موضوع جميل يادودو تقبلي مروروى

ahmed_k يقول...

طبعا التعميم مش مطلوب
لأنه زي ما في السيئ هناك الشباب المحترم والذي يرعى حرمات الله ويعلم أنه كما تدين تدان,
لكنها ظاهره واضحه أتفق معك ومن أهم أسبابها غياب الوازع الديني بشكل كبير
والتربيه التي أساسها مادي بحت أصبحت وللأسف موغله في الإنتشار
وهكذا طالما أبيعدنا عن ديننا وأخلاقياتنا فستسير مجتمعاتنا للتدني لدرجة لا يعلم مداها إلا الله

وتقبلي خالص تحياتي

صيدلانيه طالعه نازله يقول...

السؤال ده و الله هو السائد فى كل جلساتى مع صديقاتى الفتره اللى فاتت
الاخلاق فعلا اتغيرت بس و الله على الجنسين مش الرجاله بس
يعنى اما تبقى ماشيه فى الشارع و حد يعاكسك و تلاقى البشوات اللى ماشيه حواليكى و لا كأن فيه حاجه بتحصل قدامهم خالص عااااااااااادى يعنى
دى للاسف بقت سمه العصر و شعاره الحالى عيش ندل تموت مستووووووووور

adel يقول...

مش كل الناس كده بس فعلا نسبة كبيرة دلوقتي بقيت كده
معندهكوش دم ولا احترام لاي حد ولا لاي شئ
بس مش معني كده ان الناس المحتررمة اختفت
لا لسه في ناس كويسة

المجاهد الصغير يقول...

السلام عليكم
البعد عن الدين والقراءن ادى الى فساد الاخلاق وتبادل المفاهيم ولكن ليس كل الرجال كذالك ومن رائى ان الاعلام له دور اساسى فى فساد اخلاق الشباب عاما وحصر افكارهم فى الغرائز والشهوات والموضه
حسبنا الله ونعم الوكيل
تقبلى مرورى
دمتى بكل خير

بدراوى يقول...

بصى يا دعاء
انا طبعاً مش حدافع عن الناس اللى بتعمل كدة
لأن مفيش اى مبرر لكدة خالص
بس واحد مش معاه يجوز ما هو حيعف نفسه
و يحترم نفسه
يا بقى ينحرف بشكل مافى طريق غير شرعى
لكن يضايق بنات الناس
و يعمللى فيها الواد المتدين المحترم
و يرجع يقول معذور
لا تزر وازرة وزر اخرى
سواء البنت لابسة ايه مش من حقه انه يجى ناحيتها
ساعات اقول لواحد بس ديه زى اختك
يقولى انا لو اختى لابسة كدة اقتلها
قاعد مع واحد متخلف

بس الموضوع ليه شق تانى
ما هو لما يبقى الإعلام طول النهار و الليل
بيرخص الست و بيخليها فقط فى صورة انها شىء مثير فقط
يبقى لازم نبص و نفوق شوية
اه العيال غلطانة و لازم تتربى

بس لو كان المجتمع كله فيه نوع من الإحترام
او حتى فيه قانون صح
و فيه امن اجتماعى
مش امن سياسى
كان الوضع اتغير

متنسيش كمان ان فيه فئة فى المجتمع شايفة ان الستات مكانها البيت
و انهم واخذين حقهم اكثر من الرجالة فى المجتمع

نهايته احنا مجتمع عايز يتربى من اول و جديد
----
خدت بالى معظم التعليقات اللى فاتت اتكلمت على العودة للدين

اذن اكذوبة المجتمع المتدين و ان المصريين شعب متدين تأكدت

فين الدين انا عايز اعرف ده

للأسف مظاهر دينية خالية من اى روح للدين
----
مع تحياتى
و اللى يضايقك معاكى اسبراى رشيه على وشه حيدوخ فى ساعتها
و بعدين جريه على القسم
:-)
ربنا يحميكى و يحفظك

نشأت العمده يقول...

لا لسه فى ناس مش كتير يعنى لاكن فى ناس كويسين لاكن المشكله ان الجبن بيغطى عليهم بقوا جبنا قوى ودا راجع لثقافى المجتمع الحلوه قووى ياابنى ملكش دعوه امش جمب السور (الحيطه زمان) ومستقبلك ياضنايا كل دا والزن على الودان من الحاجه قبل ما يمشى الغلبان كل يوم تلاقيها بقت صفه مميزه لشبابنا المحترم واعسول فالمكان فضى وبقى على قد الى مش محترم فالساحه فضيت ليهم

حـــــدوتـــــة يقول...

السلام عليكم

اسألتك منطقية وعندك حق فى انفعالك
واعتقد ان الاجابه معروفة بس احنا خايفين نقولها او نصدقها

مش الرجاله بس الشعب كله بكل فئاته واعماره وطبقاته وصل لحاله انهيار فى جميع المجالات ومنها المجالات الاجتماعية
انتى مستنيه ايه من شاب او راجل مش متعلم او تعليمه سىء مش متجوز او مش قادر يتجوز او متجوز ومش قادر يكفى بيته
كل دى حاجات بتكسر الانسان من جوة ده غير ان مفيش امل ان الاوضاع هتتحسن بل بتسوء كل يوم
انا عارف ان ده مش مبرر بس لازم نعرف اصل المشكله عشان نحاول نحلها

سلالالالالالالالالالالالالالالالالالالالالالالالالام

mohamed ghalia يقول...

أكيد لازال هناك رجال
لكن الأزمة ليست اقتصادية ولكن أزمة غياب دين
فمجتمعنا مجتمع التناقضات

... amr يقول...

الناس مبقاش عندها دم لية ؟ مبقاش عندها دم لية ؟؟ انتي عارفة انا سألت مرة سؤال زي سؤالك دة عارفة الرد كان اية

بلاش أسئلة عبثية :(
سؤالك رغم انة من 5 كلمات الا انة ممكن يتعمل علية بحث محترم .. انما اجابة من كام كلمة أظن انها مش هتوفي سؤالك حقة ... صباحك مشرق

Foxology يقول...

الناس عموما بأة معندهاش دم الحقيقة وفعلا الأخلاق وكل معانيها من الجدعنة والشهامة والغيرة بقت فى انحطاط وتندر

وصدق المثل اللى قالك >> استرجل واشرب بيريل

بيريل هى الحل :))

تحياتى :)

حاول تفتكرنى يقول...

ربما كانت التنشئة الاجتماعية هي المحك الوحيد لأنماطنا وصبغتنا المصبوغين بها

اري أن معك الحق كاملا ، مع التحفظ على التعميم ، فما ينطبق على الجزء لا ينطبق على الكل بالضرورة

( قضية منطقية )

تحياتي

انا ودماغي يقول...

للآسف لا بقى فى أخلاق و لا دم و لا شهامة ولا رجولة ولا رجالة

أنا بقيت ماشية فى الشارع خايفة...كنت بحب أوى انزل امشى فى الشارع بتاعنا ساعة المغرب بدل ما امشى فى النادى لأنى بحس بإنطلاق اكتر فيه و كنت دايما بستنى وقت المغرب ده بفارغ الصبر دلوقتى آه لسة بنزل امشى لأنها بقت عادة بس بقيت كل ما انزل ابقى خايفة و متضايقة و عمالة اقول يا رب سلم

حسبى الله و نعم الوكيل
مش عارفة أقول إيه
يمكن يكون السبب هو نقص الوعى الدينى بس ده مش السبب الوحيد و مش عايزة أقول الظروف لأن مفيش ظروف تدى تصريح للإنسان بإن اخلاقه تكون وحشة

و الله مش عارفة حتى اللى احنا فيه ده حيتغير ولا لأ بس فى الفترة الجاية دى حاسة انه حيتغير آه بس للاسوء

Me7'o يقول...

عندك حق والله
بس للأسف يا ستى
البنات بقوا بيلبسوا حاجات وحشة خالص
والولاد بقوا بيستهبلوا زيادة عن اللزوم

والصالح أخد الطالح

بس الحكومة هى اللى عملت كده
لما تمسك اللى بيخش الجامع ولو عرفت إنه ماشى مع بنت بيسيبوه

وآدى أخرتها

إنما الأمم الأخلاق ما بقيت فإن هموا ذهبت أخلاقهم ذهبوا

تحياتى

شجر الليمون يقول...

السلام عليكم ورحمة الله

تقصيدن في المعني أنصاف الرجال أو أشباه الرجال ...


موضوع مهم وحيوي لمن يعي أو يريد علي الأقل أن يتحلي ببعض سمات الرجال

شكرا ليدك

موناليزا يقول...

هنتظر تعليقات الرجال لنعلم وجهة نظرهم

ابو على يقول...

واللهى الانحلال الاخلاقى بقى عند الجنسين
وقريب اوى هانشوف البنات هيا الى بتعاكس الشباب ف الشارع
سلاموكا

وكيلة نيابه مع ايقاف التنفيذ يقول...

ههههههههه اكتر حاجه عجبتنى تساؤلك هى الناس مبقاش عندها دم ليه؟
عاوزاكى تغيرى السؤال وقولى هى الناس مبقاش عندها ضمير ليه؟
وليه الاسم مسلم والفعل لايمس المسلمين باى صله
لو قعدنا وافتكرنا ايام الصحابه بجد هنبكى من قلوبنا على ايامنا دى وع حالنا بس الافضل عيشى فى الدنيا كما هى واعملى نفسك مش واخده بالك من الحاجات
عارفه ان ده متعارض مع اسم مدونتك مواجهات واللى بقوله اسمه هروب بس علشان ميجيلناش الضغط ونموت بيكون الهروب اسلم حل
بحييكى على البوست الرائع ده

فكرة من الزمن ده يقول...

الرجولة ليست في كف اليد
الرجولة مشاعر يحملها فقط الرجال
تحياتي يادودو

ميرو انتكة يقول...

دودوى ازيك يا جميل

معاكى حق والله فى كل كلامك بس اهم سبب لده بعدهم عن ربنا ..ربنا يهدى الكل



تحياتى

دعاء مواجهات يقول...

همس الاحباب

تحياتى لكل كلمة كتبتها

اخى الغالى ..

منور

دعاء مواجهات يقول...

عصفور المدينة

فعلا القلة كل يوم تبقى اقل بكتيير جدا

تحياتى لتعليقك الكريم

نورتنى

دعاء مواجهات يقول...

ماء تشرين

للأسف الرجال ماتوا الى حيث لا رحعه

الافلام مجرد افلام وزمان مجرد زمان وعدى وخلص

للاسف مبقاش فية رحمة

تحياتى ليكى

دعاء مواجهات يقول...

احمد قاسم

انا اكيد مش بعمم ولكن من كثرة النسبة اوشكت على تعميم نفسها فعلا

ربنا يحفظنا بجد دى بقت مهازل مش عادية
وربنا يهدى الجميع

تحياتى ومودتى

دعاء مواجهات يقول...

صيدلانية

صح للاسف هو دة السائد

تحياتى ليكى

دعاء مواجهات يقول...

عادل

مش هستغرب ابدا لو صحيت يوم لاقيتهم هما كمان انقرضوا

كل ما يحدث يوحى بالرعب مما هو قادم

خالص تحياتى

دعاء مواجهات يقول...

اواصل الرد لاحقا واعتذر عن التأخير

....

عماد يقول...

السلام عليكم
مدونة رائعة نتمني لكم التوفيق النجاح

للأسف لا يوجد حياء ولا أدمية لكن هناك اسباب كثيرة
منها انعدام التربية ولها اسبابها
ان الأب والام طول النهار في أعمالهم ولا يعرفون شيئا عن ابنائهم لأن قسوة الحياة تفرض عليهم ذلك فلا وقت للتعليم الأولاد الصح من الخطا ولا تربية في الاساس
فمن اذن سيربي هؤلاء الشباب اللذين يتسكعون في الطرقات والمواصلات العامة شباب افتقدو القدوة السليمة ... وللأسف اجهزة الدولة نائمة نوم عميق ولا تفيق إلا عندما تحدث مصيبة كبيرة علي جميع الأصعدة
لأن الدولة مهتمة فقط بحماية رؤؤس الدولة من الفاسدين والظالمين ..
للاسف شباب عاطل لا يجد من يعينة أو يعلمة الصح من الخطأ ( فلا أخلاق ولا أدب ولا تربية ولا تعليم )
ارجو زيارتي علي مدوني في مكتوب باسم ( مسجون )

دعاء مواجهات يقول...

المجاهد الصغير

ربما تبدو بعض الاسباب التى ذكرتها دافعا هاما ولكن يبقى الدور الاول للتنشئة

جميعنا يعرف الصواب من الخطأ ورغم ذلك نتمادى فى فعل السئ

اصبح السوء هو القاعدة ..

تحياتى

نورتنى

دعاء مواجهات يقول...

بدراوى

نهايته احنا مجتمع عايز يتربى من اول و جديد
----

الجملة دى جابت م الاخر يابرنس بجد وجدانى

وانا معاك فى كلامك

بس الا قوللى اجيب الاسبراى منين ..؟؟

بيس يامعلم

دعاء مواجهات يقول...

نشأت

لا يضركم من ضل إن اهتديتم

تحياتى ليك

دعاء مواجهات يقول...

حدوتة

انا برفض اى مبرر من المبررات دى ومش بتقنعنى مهما كانت صعبة

تحياتى ليكى

دعاء مواجهات يقول...

محمد غالية

التناقض لايقول بأن تدفع الأنثى وحدها ثمن أشياء لم ترتكبها

تحياتى ليك ياصاحب السعادة

دعاء مواجهات يقول...

عمرو

العبث بعينة هو ما نحياة من غباء متعمد وزيف صار هو الاصل

الخطأ أصبح القاعدة والشذوذ عنها هو الاتجاة الصحيح

نورت

دعاء مواجهات يقول...

فوكس

اخشى ان يصبح البريل آخر ما يتبقى من رجولتنا

هههههههههههههههههه
فعلا هم يبكى

دعاء مواجهات يقول...

حاول تفتكرنى

ما هى القضية وما هو المنطق فى مجتمع
توحش أفرادة وصاروا اقرب للحيوانات من البشر

نورتنى

دعاء مواجهات يقول...

انا ودماغى

بالظبط زى ما انتى قولتى كدة

حسبنا الله ونعم الوكيل فيهم جميعا ومن على شاكلتهم

نورتى

دعاء مواجهات يقول...

ميخو

انا لسة قايلة انى مبحبش المبررات الفاضية كل واحد بيتحاسب على اقعالة وبالتالى مفيش اى مبرر يجعل الخطأ صواب او الرزيلة أخلاق مهما كان

كل واحد علية بنفسة وبس ..

تحياتى ليك

دعاء مواجهات يقول...

شجر الليمون

اقصد شريحة كبيرة جدا من مجتمع ذكورى لا يعترف بحق المرأة فى ممارسة حيالتها فى أمان وكأنة ذنب لايجب أن يغتفر

نورت

دعاء مواجهات يقول...

موناليزا

ها اية الاخبار

فينك ..؟؟

==============

ابو على

محدش قال ان كل البنات ملايكة
بس كمان مينفعش نقول ان دا واقع ولازم نسلم بية ويكون حجة لكل واحد الشماعات كدة كترت اوى

وعلى فكرة فية بنات بالفعل بتعاكس الشباب

منورنى

===============

وكيلة نيابة مع ايقاف التنفيذ


النقطة اللى عوزاكى تعرفيها مبدئيا ان مواجهات مش اسم مدونة دا لقبى قبل ما ادخل ةعالم التدوين مش مجرد اسم جة ف بالى فقومت عملتها بيه

ثانيا مينفعش كل حاجة نطنشها وبعدين حاجة زى دى تتطنش ازاى وانتى بتقابليها كل يوم

تحياتى

دعاء مواجهات يقول...

فكرة من الزمن دة

وياريتها وقفت على كف اليد بس ولا على استعمال دة بشكل مشروع

المصيبة بقت من كلو فعلا

نورتى ياقمر

====================

ميرو أنتكة

يارب يهديهم ياجميل

وحشاانى اوى يابنتى

===================

عماد

زى ما الميديا والمجتمع فية السئ بردو فية الكويس وطرق التعلم الصحيح والطريق السليم متعددة اذا رغب فيها الفرد بصدق

من وجهة نظرى لا يوجد مبرر لهم

تحياتى ليك

good يقول...

AV,無碼,a片免費看,自拍貼圖,伊莉,微風論壇,成人聊天室,成人電影,成人文學,成人貼圖區,成人網站,一葉情貼圖片區,色情漫畫,言情小說,情色論壇,臺灣情色網,色情影片,色情,成人影城,080視訊聊天室,a片,A漫,h漫,麗的色遊戲,同志色教館,AV女優,SEX,咆哮小老鼠,85cc免費影片,正妹牆,ut聊天室,豆豆聊天室,聊天室,情色小說,aio,成人,微風成人,做愛,成人貼圖,18成人,嘟嘟成人網,aio交友愛情館,情色文學,色情小說,色情網站,情色,A片下載,嘟嘟情人色網,成人影片,成人圖片,成人文章,成人小說,成人漫畫,視訊聊天室,性愛,a片,AV女優,聊天室,情色