الاثنين، أكتوبر 06، 2008

خدعوك ياإبنى

خدعوك فقالوا اتفاقية سلام مع اسرائيل

وبالسلام احنا بادينا بالسلام رديت الدنيا علينا بالسلام........

أعتقد ان تلك الكلمات هى ماتبقى من

اتفاقية السلام مع اسرائيل فى وقتنا الحالى

وكما أن كلنا يعلم أن اسرائيل وافقت عليها مرغمه لأنها لم يكن

أمامها خيار آخر كلنا يعلم أيضا ويوقن بأنة لم ولن يكون هناك سلام بين

إسرائيل ومصر

مهما كانت الملابسات والارهاصات والجدال الذى لن يتنتهى

ولسنا فى حاجة للتذكير وجذب الانتباة

للحرب الباردة التى تمارسها إسرائيل ضد كل العرب

بداية من الاعلام الموجة ومروراً بتشجيع

الهجرة اليها والزواج منها ووصولا لسرقة عقولنا او هدمها


و لكن المشكلة الفعليه هنا هو الخداع

الدائم والمستمر للأجيال التاليه والذى لايتوقف بأن هناك إتفاق سلام
بيننا

وبين إسرائيل المصيبة الكبيرة فعلا ً إن

الأجيال دى تصدق إن فيه سلام بيننا وبين إسرائيل وأن الحرب انتهت فى 1973

وأن هذا الإنتهاء يبرر ويشرع تصدير المواد الإستراتيجيه

متمثله فى الغازالطبيعى لإسرائيل

لكن الأمر

غير ذلك فقد بدأت الحرب من هذا التاريخ

بدأت بدء ً جديدا ً فى شكل جديد أكثر عصريه

وإقناعاً مقنعاً بتوابيت من المثاليه الزائفه

ولن تتوقف طالما هناك كيان يدعى مصر ودة طبعا بغض

النظر والتغاضى عن التراجع الطفيف لمنزلة ومكانة مصر بين الدول العربية

(عديها
دى)

..............

شئ من المرارة والإنهزاميه أستشعرها كل عام

فى ذلك اليوم ربما تعمق هذا الشعور العام الحالى مع إضافة إحساس جديد هو

الإحساس بالعجز وقلة القيمه

والرغبه فى الرجوع بالزمن وإيقافه عند لحظة العبور

ووضع لافته كبيرة فى صحراء سيناء يكتب عليها هذة هى مصر

وقد إنتهت عند هذا التاريخ ولم تكمل فقد أصابها العجز وسوء الكبر ...

أما بالنسبة لشعورى عندما أسمع عن

السلام مع اسرائيل او أسمع اسم اسرائيل أصلا

فلا أشعر سوى بالقرف المزمن

المتزامن مع الكذب اللا نهائى لهذة الأكذوبه

التى فرضت نفسها فرضاً لا مفر منه على الواقع الدولى

وما أريده هنا

هو معرفة إحساسك أنت عند السماع لهذة الأكذوبه؟؟ وما موقفك منها؟؟

وماذا يمكننا أن نفعل ؟؟؟؟؟

هناك 57 تعليقًا:

بطوط حبوب يقول...

فى اعتقادى ان الخدعه الى تخلينى افرح احسن من الحقيقه المره

كل سنه وانتى طيبه يا احلى دعاء

dido يقول...

السلام عليكم
ازيك يا دعاء كلامك صح فعلا التطبيع ده حاجه احنا رفضينها بس مش عارفه بنعملها ولا ايه وفي راي الشخصي مفيش دوله اصلااسمها اسرائيل دي ارض فلسطينيه محتله
تقبلي مروري

الطائر الحزين يقول...

اتفاقية كامب ديفيد انتهى العمل بها من زمان
مش موضوع تطبيع او غيرة
بنود الاتفاقية فعلا مدتها انتهت

لورنس العرب يقول...

الله يرحم السادات
ظلمناه وهو حي وأيضا وهو ميت
والذين يهاجمون مصر من الاخوه العرب والناصرية بسبب ما حدث هم أنفسهم يقيمون العلاقات مع اليهود
طيب احنا عملنا اتفاقية سلام معهم بعد الحرب وكانت الحرب هي السبب
فما بالك بمن يتاجر مع اسرائيل من الاخوه العرب بدون حرب وبدون اي احتكاك

كل سنه وانتي طيبه
لازم نحتفل بانتصارنا
ونترحم على الرئيس السادات الذي بفضل الله سبحانه وتعالى أنقذ البلد من الذل والعار الذي سببته لنا الهزيمة

momken يقول...

شوفى يا ستى
بالنسبه لاسرائيل نفسها مافيش اى مشاعر
ولا بحبها ولا بكرها
الى بينا وبينها مشاكل سياسه
وخلاف على الارض وفلسطين ومش عارف ايه
كل ده كلام فارغ
ومايفرقش معايا اى حاجه
لان احنا الى عملنا فى روحنا كده

لكنى ولانى مسلم مش بحب اليهود
بكرهم...واكره فى اسرائيل كونهم يهود يؤذون كل خلق الله
وقد امرنا ديننا بكرههم من كل الامثله المذكوره فى القران
وستكون اخر المعارك ضد اليهود وليس دوله اسرائيل

العصبيه السياسه والقوميه شىء اصلا مرفوض
والمهم يكون انتمائنا للاسلام اقوى لان الدين هو الى باقى وقائم وما عداه متغيرات تبعا للموضه السياسيه

الموضوع جميل اوى

تحياتى

كاميليا يقول...

الاول كل سنة وانتي طيبة
كل سنة وانتى جميلة

شوفى يا صديقتى
اعتقد ان السلام سلام حربى اى ان ليس هناك اي مواجهات بين الجيش المصرى والجيش الاسرائيلى .. فلا يمكن ان تتعدى اسرائيل علينا كما تفعل مع لبنان او تهديدات كما تفعل مع سوريا.
وهذا فى حد ذاته خطوة جيدة

اما عن المحاولات خلف الستار .. فهذا حال اسرائيل دوما وسيظل الى يوم الدين
كقتل جنود على الحدود مدعية انه حدث بطريق الخطأ.

ولكن
علينا ان نحاسب مسؤلينا قبل ان نلوم اسرائيل
عندك وزير زراعة استعان بالخبرات الاسرائيلية فى الزراعة
جلب مخصبات مدمرات لارضنا
ادت لظهور امراض لم نكن نعلم عنها شئ
عندك مناقصات عالمية لشركات تم تفليسها خصيصا لطرحها للبيع
يدخلها مستثمرين يهود متخفيين
عندك رحلات سياحية سنوية لزيارة ابو حصيرة وانتهاك العادات والتقاليد المصرية بما يفعلون فى مولد ذو الحصيرة هذا
غير الافواج التى تأتى على مدار العام
سيناء .. لازالت اقدامهم تطأ رمالها بحجة السياحة

والتطبيع
وتصدير الغاز بسعر ارخص من التراب
واتفاقية الكويز

وكثير وكثير وكثير لا يسعفنى ذهنى لذكره الان

العيب فى المسؤلين .. يفتحون ثغرات كثيرة ويدعونهم للدخول

ربنا يرحمنا


تحياتى

ahmed_k يقول...

إسرائيل ليست دوله
بل هي مجرد كيان
فهي ليس لديها مقومات الدوله أبدا
فهي عباره عن جيش له كيان ,
بخلاف الدوله التي يكون لها جيش .
ومعاهدة السلام كانت ظرفا ملحا لفترة زمنيه معينه وليست طول الدهر
وحتى السياسيين العرب يعلمون جيدا كذب الإدعاء بالسلام بيننا وبين هذا الكيان
ولكنها مصالح وكراسي يراد الحفاظ عليها

وقد قال الأستاذ هيكل أنه لا حرب بدون مصر
ولا سلام بدون سوريا
وهذه مقوله صادقه
ودليل صدقها الأحداث على الأرض
والواقع اليومي للصراع العربي الصهيوني .

ومصر مش بتصدر فقط الغاز فقط لإسرائيل
وبسعر أقل من سعر تكلفته ,
بل الحديد والأسمنت نحن للأسف أكبر المصدرين لهذا الكيان لكي نساعدهم على الإسراع في بناء المستوطنات والجدار العازل
ولاحول ولا قوة إلا بالله

kafrawy يقول...

ممممممممممممممممممم

يحرق اسرائيل و سنين اسرائيل

tarek momen يقول...

احساسي زيك بالضبط
باقرف لما اسمع كلمة اسرائيل
وموقفي منها الرفض التام لوجودها ككيان محتل وغريب وسط المحيط العربي
اقدر اعمل ايه
اضعف الأيمان اورث موقفي هذا لأبنائي حتي لا يضيع الحق اما اذا قامت الحرب فانا علي استعداد حتي لو في فرقة نقل الجرحي بحكم السن

elsha3er يقول...

لا طبعا انا مش مع حضرتك انا منتقد حاجات وبنود فى عملية السلام لكن هذا امر واقع

احمد الشاعر

kochia يقول...

اننا نعيش في سلام ده شئ كويس
واننا نعمل معاهدات واحنا من جوانا مش عاوزين نطبقها بس موفرة لينا حد ادني من الامان برده شئ كويس

لكن الوحش فعلا اننا نبث في ذهن الاولاد ان اسرائيل دولة صديقة
لان هي مش دولة صديقة .. هي جارة بحكم الجغرافيا وخائنة بحكم التاريخ

mido يقول...

دعاء

سؤال:

هو مين المخدوع اللى تقصديه فى عنوان البوست؟

هو فى حد مش فاهم ان الاقوى هو اللى بيفرض شروطه؟

mido يقول...

اه
بأقولك
مبارك عفى عن ابراهيم عيسى
هههههههههههههههه

واحدة مفروسة يقول...

اولا كل سنة و انتى طيبه
انا عيدت عليكي و لا لأ
و الله ما انا فاكرة الكحك ليس على النفوخ

المهم اذا الناس فعلا افتكرت ان المعاهدة ديه شغالة تبقة بتحلم
الحرب الحقيقية بيننا و بين اسرائيل بدأت من يوم ما اتمضت المعاهدة
و المصيبة انها حرب شرسة تحمل الغل من انها و قعت على المعاهدة
و الحرب بقت فى الخفاء و من كل ناحيه
و بما اننا عندنا فراغات كتيرة
فكان سهال عليهم انهم يدخلولنا منها
و ربك يستر علينا و يفوق الناس

حسن حنفى يقول...

(ويمكرون ويمكر الله والله خير الماكرين )

تحياتي

ميرو انتكة يقول...

دودى ازيك يا قمر

كل سنة وانتى طيبة يا جميل

معاكى حق يا بنتى بجد انا لما باسمع كلمة اسرائيل مش باقولك بحس بايه وكمان لان جدودى من فلسطين يعنى بحس بكل فلسطينى

شوفى انتى بقى احساسى دلوقتى

بوست جميل يا دودى زى كل مواضيعك طبعا

سلامة سلامة

blue-wave يقول...

هو ليس سلاما سيدتى
هو استسلام
استسلام للقهر والمذله والمهانه
استسلام قادتنا لمصالحهم الشخصيه وملايينهم وحفاظهم على مقاعدهم
وانشالله يتحرق الشعب مش مهم
استسلام يتجلى فى جملة وهوا مين يقدر على اسرائيل وامريكا؟؟؟؟
استسلام يتجلى فى نسيان الأيه الكريمه
وكم من فئة قليلة غلبت فئة كثيرة باذن الله
صدق الله العظيم
نعم باذن الله لا باذن مبارك
ولا باذن جمال او نظيف
اسرائيل هى فيروس المخلصين
ومنجم الخائنين
تحياتى

مصــــري يقول...

عن السلام الذي صار منذ عقد الاتفاقية استسلام يعلم الجميع كون بنوده ابعد ما يكون عن بنود تفرضها دولة منتصرة علي دولة مهزومة.

أري ان مصر محتلة وعلينا كشباب ان نحرر ارض مصر أولا ثم نتطلع لما هو أبعد

يمكن اعتبار كلامي هذا أضغاث أحلام وصيحات عالية لصدي واقعة ما أثارت غيظي.
وعند أول لطمة علي الوجه سأقول عاش الرئيس.

التغيير الكامل بدءأً من الحكومة حتي المعارضة هو الحل الأمثل.

تحياتي
أسامة

ojg يقول...

والله لما بروح اي حتة في سيناء
وألاقي اليهود لسه محتلينها
بحس اننا لا حاربنا ولا عبرنا
اللي يغيظ والله ان الشباب دلوقتي كتير منهم بيقولوا ان اتفاقيه السلام دي حقيقة واننا عايشين معاهم في سلام
أنا لما بسمع الأغاني الوطنية وأغاني العبور ببكي
وأتمنى
اننا نفتكر هما عملوا فينا ايه
وماننخدعش باللي بيتقال
كلامك صح مليون المية
للأمام يا جميلة

قلب مصرى يقول...

فى إعتقادى الشخصى أن حالة الحرب بيننا انتقلت من حالة العلن الى حالة الخفاء ليس اكثر
واننا اعداء مهما طال الزمن حتى يختفى احدنا عن الخريطة

☼♫♪ عمــاد الدين يــوسف ☼♫♪ يقول...

للاسف طول ما في ابواق تروج لضرورة التطبيع مع اسرائيل سيظل هناك من ليس على دراية بعد بعواقب التعامل مع هذا الكيان الخبيث .
ويخطئ من يقول ( واعتقد انو بيستهبل )
ايه اللي هيحصل لو تعاملنا مع الصهاينه زي اي دوله تانيه تصدير واستيراد وتبادل اتفاقيات اقتصاديه وسلع وخدمات ؟
وارد واقول سيدي الغائب عن الوعي هذا الكيان لا يريد لنا قائمه هذا الكيان يسعى لتنفيذ وعده وجل آماله وهو السيطره على الوطن العربي ككل سواء بالحروب العسكريه او الاعلاميه وان كان برع في الثانيه وآتت ثمارها
ومن الاساس لا اتخيل انني اصافح اسرائيلي لانه مغتصب لأرض ليست لهم فكيف اطبع معه ؟
مع بالغ قرفي لسماع مجرد سيرتهم العفنه

Foxology يقول...

احنا عايشين بفعل فاعل فى كدبة كبيرة وصدقناها من كتر ما احنا عايشين فيها

معلش بكرة تروق وتحلى ودوام الحال من المحال

engy يقول...

والله عندك حق
ياريتها بس على اتفاقيه سلام
ولكنها تجاره وسياسه بل وايضا
صداقه والله اعلم ربما ناتى بهم ليعيشوا معنا بالمستقبل
سلام

mostafa rayan يقول...

اعتقادي هو نفس اعتقادك .. ليس هناك عاقل يصدق اكذوبة

mohamed ghalia يقول...

عن أى سلام يتحدثون !
إنهم يسرقون أحلامنا
ويقتلون أطفالنا
لا يرقبون قينا عهدا ولا ميثاقا
يخدرون شبابنا يخدعون إعلامنا
الله عليك بالظالمين

شفقة هانم واحسان بك يقول...

آل سلام آل
يا سلام سلم يا سلام

الحقيقة يا دعاء إن مشكلتنا الحقيقية دلوقتي مش مع إسرائيل خالص
هما آخر مرة قدروا يهزمونا فيها كمصريين وكعرب كانت سنة 1967
وإحنا آخر مرة طلعنا فيها رجالة كانت في 1973
ومن تاريخه وحتى إشعار آخر علينا ألا نلقي باللوم على أحد سوانا

نحن من رضينا بالذل والمهانة ... وقبلناهم بخنوع وإستكانة

نحن من وئدنا العزة والكرامة فينا ... فتطاولوا علينا وعلى نبينا

نحن من نحارب بعضنا بعضا ... ونستبيح لحم إخواننا مضغا وعضا

نحن من مات فينا كل الرجال ... وبقي لنا أشباههم مسدلوا السروال

نحن من كلما هللنا لحكامنا ... هلهلونا
وكلما صفقنا لهم ... على القفا صفقونا
مجدناهم فجمدونا ... وصدقناهم فبصقونا

وعجبي

تحياتي / إحسان المناضل

afreet يقول...

نتحدث هاهنا عن نقطتين عن اتفاقية كامب ديفد وعن الحرب بيننا وبين اسرائل هل انتهت ام مازالت مستمرة؟
-------------------------
بالنسبة الى من تحدثوا عن اتفاقية كامب ديفيد ولاموا على رئيس مصر السابق محمد انور السادات اسألهم جميعا مالبديل؟؟؟؟؟؟؟
مش هنعمل اتفاقيات مع ولاد الكلب دول ؟؟؟؟؟؟؟؟
ايه هو البديل؟؟؟؟؟؟؟
هل نعود الى حالة اللا سلم ولا حرب التي توقف عندها التاريخ قبل 73 هذا غير قابل للتحقيق خاصة مع وجود دماء على ارض المعركة ولكن لنفترض جدلا ان هذا قابل لتحقيق يظل السؤال(هو الجيش المصري حرر سيناء كلها) يعني الحل الأول يقضي بترك نصف سيناء تحت الأحتلال والدخول في حالة اللا سلم واللا حرب والتي لاتخلوا من غارة من هنا او من هناك

afreet يقول...

الحل الثاني الأستمرار في الحرب الحقيقية جيش وميدان وعساكر وضرب نار حتى نستعيد كل الأراضي العربية المحتلة ونخرج هذا الكيان الصهيوني من ارضنا العربية الأسلامية.
---------------------------
لن اتحدث على من يطرحوا هذا الحل مايعرفه الجميع عن نفاذ ذخيرة الجيش المصري وعن الدبابات والمجنزرات الأسرائيلية التي تم تدميرها ووجد ان عداداتها لم تتعدى الكيلومترات القليلة وعن دخول امريكا على خط النار لكني سوف اسأل سؤال هل كانت امريكا ستسمح باخراج اسرائيل من المنطقة وتدميرها؟؟؟؟؟؟
ام ان العرب كانوا قادرين على مواجهة امريكا عسكريا؟؟؟؟؟؟؟؟؟؟؟
---------------------------------
في النهاية هل هناك حلول اخرى على كل من يسبوا سلسفين جدود الراحل العظيم انور السادات هل هناك حلول اخرى غير الدخول الى معاهدة سلام
والسؤال الأخير هو فيه حرب بين جيوش ودول بتستمر طول العمر ام ان نهاية اي حرب هي معاهدة سلام يملي فيها المنتصر شروطه على المهزوم؟؟؟؟ظ

afreet يقول...

ننتقل الى الجزء الثاني من تدوينة الأخت دعاء
_________________________________
الحرب مستمرة بيننا وبين الكيان الصهيوني ؟؟؟؟؟؟؟
طبعا الحرب مستمرة ليس فقط بيننا وبين الكيان الصهيوني بل بيننا وبين الجميع !!!!
لمن لم يفهم النظام العالمي الجديد انها ببساطة حرب من اجل التقدم وموارد الكرة الأرضية محدودة اذا لم تستطيع ان تستخدم هذه الموارد بافضل اسلوب لكي تحقق اعلى مقدار من التقدم فلا تلوم العالم لوم نفسك.
ولكي تستطيع الوصول في هذا السباق الى الجائزة النهائية لابأس ان تدفع هذا او ذاك في سبيل التقدم
اذا اضفنا ان اسرائيل لها حدود مشتركة مع مصر واطماع متبادلة في موارد طبيعية وبشريه وماضي عسكري بغيض من الطرفين فالنتيجة الوحيدة الحرب بيننا وبين العالم تبتدأ من تل ابيب
---------------------------
لكن السؤال ايه راي المسئوليين عن مصر في حرب التقدم تلك

"بطة بلدي"
تحياتي للجميع
ورحم الله بطل الحرب والسلام انور السادات في يوم انتصاره

دعاء يقول...

بتفق معاكي في كل كلمة قولتيها عدا إن إسرائيل وافقت على الاتفاقية مرغمة.. على العكس أسرائيل كانت تسعى للاتفاقية.. كانت عايزة تكسر الوحدة الاجبارية المفروضه عليها ، بأن اكبر دولة عربية -وقتها طبعًا مع الوضع في الاعتبار التهميش ألي حصل لدور مصر حاليًا بالفعل- تعترف بإسرائيل.. ده كان مكسب لإسرائيل ظلت تسعى له لفترة أن تتم مباحثات مشتركة ((مباشرة)) بينها وبين مصر تنتهي بأتفاقية السلام

والحقيقة إن الأسرائليين مش اغبيا وكان تفكيرهم بعيد للأسف.. لان رغم مقاطعة العرب لينا بعد الاتفاقية إلا انهم مع الوقت هرولوا للعلاقات مع أسرائيل بعضها في اتفاقيات سلام واضحة ومباشرة وبعضها علاقات مستترة

اما عن وضعي وحالتي عندما اسمع كلمة أسرائيل فأنا من المتزمتين جدًا في النقطة دي خاصة.. ولا استطيع حتى ان أجاري من يعترف بحدود 67 او حدود 48 حتى

انا مؤمنة ان إسرائيل سرطان في جسم الامة ويجب إزالتها.. لا اعترف بإسرائيل أساسًا كدولة لها حقوق ، حقوقها اخذتها بقوة السلاح ، ولكن حقوق اخلاقية ومعنوية لست أراها لها..

حاليًا مؤمنة جدًا بكلام المسيري -الله يرحمه- بزوال إسرائيل القريب.. الصراحة ان إسرائيل كيان غير طبيعي صعب انه يعيش ، إسرائيل موجوده نتيجة حقن التقوية التي تبثها بها امريكا..

وانا مش شايفة ان كل الجيل الجديد شايف إسرائيل من منطلق أتفاقية السلام على العكس جيلنا احنا (جيل التمنينات) كان مغيب وعاش وهم السلام لفترة، ولكن الجيل الجديد معظمه نشأ على أنتفاضة الاقصى والحرب السادسة، بدأت تتكون لديهم ثقافة عداء لأسرائيل وإن اتفاقية السلام مجرد حبر على ورق اعتقد أن ده ألي لازم نزرعة بالفعل في الاجيال القادمة..

مفيش سلام مع كيان اغتصب الارض وقتل البشر ويتم الاطفال وعادى العالم العربي بأكمله واهان المقدسات وتسبب ليه في مصائب..

أزاي أصلاً نستطيع نسيان كل ده والقول بسلام اهو ده ألي مش طبيعي حقيقي..

محمد عبد القوى يقول...

دعاء مواجهات : السلام عليكم
اتعودت لما موضوع يعجبنى أقراه هو والتعليقات اللى عليه ، لكن بصراحة ما قدرتش أكمل الـ30 تعليق اللى قبلى للأخر ، لأنى لقيت فيهم بلاوي ، شباب مواقف على التطبيع وشايف ان الكذبةالمفرحة أحسن ، وشباب كل كره لأسرائيل أنهم يهود - يعنى لو كانوا كفرة كان عادي - ، وواحد جي يدافع عن السادات ، مع أن محدش هاجمه
انا زيك بالظبط ، شايف أسرائيل دي سرطان على وش العالم ولازم نستأصله، لاسلام بينا ولا تطبيع ، وكلمة أخيرة للأخ بتاع السادات بعد أذنك يادعاء : اللى حرر سينا هو الجيش المصرى مش السادات ، واللى مضى الأتفاقية السادات مش الشعب ، هو ممكن يكون قائد عسكرى عبقرى مفيش منه ، لكن برضة هو السبب الرئيسى فى مقاطعة كل الدول العربية لمصر وأول رئيس مصرى يعترف بأسرائيل كدولة
دا غير مصيبة الأنفتاح حضرتك
--------------
ملحوظة: انا كملت التعليقات ولقيت الباقى يبشر بالخير
أسف انى رديت على تعليقات خاصة بك

دعاء مواجهات يقول...

أشكر كل من ساهم بالرد على البوست

بواقعيه وعقلانيه

وأرد على التعليقات غدا بإذن الله

دعاء مواجهات يقول...

بطوط حبوب

لا يابرنس سورى بقى
اللى بتقولو دة معناة انك بتفضل الوهم
عن الواقع وانا بقى مش بحب الوهم

منور يابرنس

دعاء مواجهات يقول...

dido

ازيك ياجميل

منورانى

كلامك صح
بيس

دعاء مواجهات يقول...

الطائر الحزين

الحكايه لا بنود ولا اتفاقيه الحكايه ان البيع تم وانتهت

بيس

دعاء مواجهات يقول...

لورنس

لا طبعا يالورنس انا اولا متكلمتش عن السادات
ثانيا محدش ظلموة من وجهة نظرى لان الكل عارف ومقدر قيمة السلام اللى سعى ليه
تحياتى لمرورك

دعاء مواجهات يقول...

ممكن
كل دة كلام فارغ
اقدر انا جدا الدماغ العاليه اللى منفض للقضيه دى
بس سورى ياممكن مينفعش الكلام اللى بتقولوا من لم يهتم بأمر المسلمين فليس منهم


نورتنى
بيس

دعاء مواجهات يقول...

كاميليا

وانتى طيبه وبخير ياقمر ديما يارب
بجد انا مكسوفه منك جدا وانتى وحشاانى جدا جدا جدا


يارب تكونى بخير

اشكرك على المساهمه الواقعيه

نورتى بجد

دعاء مواجهات يقول...

احمد_ك

صح يااحمد

مهى دى المصيبه كلنا عارفين بس عاملين نفسنا مش واخدين بالنا
نورت يااحمد

بيس

دعاء مواجهات يقول...

كفراوى

هههههههههههههههه

مااشى يامعام

==================

طارق مؤمن

كلام حضرتك صح جدا

وانا معاك فيه


نورتنى بعد غياب
سلام

دعاء مواجهات يقول...

الشاعر
اعتقد انى متكلمتش عن اتفاقية السلام

كبنود انا اتكلمت عن الحاله لاعامه والاعتقاد العام السائد

نورت

دعاء مواجهات يقول...

كوشيا

تحياتى لأحكامك الصح ياقمر


نورتى

دعاء مواجهات يقول...

ميدو

هههههههههههههههه

بحكم موقعى اللصحفى لاجديد
سمعت النكته دى قبلك
بيس
نورت

دعاء مواجهات يقول...

مفروسه
يارب يامفروسه

لا انتى معيدتيش عليا
وانتى طيبه ياقمر
=======================


حسن حنفى


صح بجد ياحسن
نورت

====================

ميرو انتكه
يااه دا انتى طلعتى تاريخ بقى

لنا الله يابنتى
بيس
نورتى

دعاء مواجهات يقول...

بلو وويف

اسرائيل هى فيروس المخلصين

صدقت فى كلمتك
نورتنى

دعاء مواجهات يقول...

مصرى
هيحصل يابرنس وقريب اوى كمان
لمجرد اخماد ثورة الشعب ليس الا
نورت باكبير مكانك


سلام

دعاء مواجهات يقول...

اوجى


نورتى ياجميله
كلنا فى الهم والهم نحن

بيس
===============

قلب مصرى

اكيد مش احنا اللى هنختفى ولا انت ليك راى تانى؟؟
نورتنى

سامحنى على التقصير ..

سلام

دعاء مواجهات يقول...

عماد الدين يوسف


اساندك الراى


نورت المدونه

دعاء مواجهات يقول...

فوكس
صح الكلام ياعم المتفائل قول ياارب

نورت
سامحنى على التقصير

=================


انجى

ع اساس انهم مش عايشين معانا حاليا

نورتى ياجميل

دعاء مواجهات يقول...

مصطفى ريان


تحياتى ليك
اين انت ايها الاديب الثائر
نورت بجد..

سلام

================

مصطفى غاليه

اللهم آمين
تحياتى لكلماتك المرتبه


نورت

دعاء مواجهات يقول...

محمدغاليه

آسفه للخطأ

اللهم آمين
تحياتى لكلماتك المرتبه


نورت

دعاء مواجهات يقول...

شفقه وإحسان

اهلا ايها المناضل
الشاعر كمان
ايه المواهب المدفونه دى كلها
نورتنى بجد

سلام

دعاء مواجهات يقول...

عفريت

اهلا بيك ايها العفريت

وبكلامك وآرائك
بس هو انت كنت بتنسى تقوم عامل كومنت تانى ولا انت قاصد

منورنى

دعاء مواجهات يقول...

عفريت


خللى بالك انا مبخفش م العفاريت


بيس

دعاء مواجهات يقول...

دعاء
تحياتى لموقفك المتشدد المتماسك
احيكى بشدة

على الكلمات النافذة
نورتى ياقمر
هما كل دعاء عباقرة كدة؟؟؟

ههههههههههههه

بيس

دعاء مواجهات يقول...

محمد عبد القوى

المدونه مفتوحه للنقاش بين كل من يدخلها

وكويس انك كملت التعليقات

بس بطوط مش موافق ع التطبيع هو بس

بيقول رأيه بهووزار مش اكتر
نورتنى بجد
اعذرنى على التقصير


بيس

واحد من الناس يقول...

ازيك

اولا الاحساس انعدم خلاص عدمو اللى مايتسماش مع الحريه اللى عدمها
ثانيا ايه اللى ممكن نعمله مفيش حاجه
احنا شباب ضعنا وخلاص
كلنا عارفين ان صراعنا مع اسرائيل صراع وجود مش صراع حدود
ومع ذلك ساكتين

شباب مصر كانو زمان بيغنو الابيات دي


لاكتب على عيني .. يحرم عليكي النوم

و احبس ضيا عيني .. بدموعي طول اليوم

قبل الوفا بديني .. زَي الصلا و الصوم

ده الدين في عُرف الحر .. هم و مذلة و مر

و هموم تجيب و تجُر .. أحزان مخبِيَّة


لاكتب على كفي .. و الحبر من دمي

يا عِزوتي كفي .. يا همتي ضمي

أول ما حنوَفي .. بالوعد حنسمّي

باسم اللي ماتوا صغار .. في المدرسة و الدار

و المصنع اللي انهار .. فوق الصنايعية




احنا شباب النهارده بنقول ايه
ومهتمين بأيه


اهدي اليك هذه الابيات يمكن



و دقيت على باب الأمل و الصبر .. ما جاوبني غير الصدى
مات الزمان .. و الأرض صبحت قبر .. و تطل عيني على المدى
آه .. يا ولدي
إيه أكتر من ده دم؟ إيه أكتر من ده هم يا أمة العرب؟
حنموت إذا مات الغضب
اترملوا الأرامل .. و اتيتموا اليتامى
و دم الشهيد اللي اتنسى .. حرام ولا حلال يا عالم؟
و دم الشهيد اللي اتنسى .. حرام ولا حلال يا خلق الله؟
يا أمة العرب .. هل متِّ؟ هل هنتِ؟
أرض العرب بتُغتَصَب و بتُغتَصَب
فين العروبة و الرجولة و الرجال؟
فين الخطاوي اللي حتعبر المحال و تجاوب السؤال؟
يا أمة العرب .. شيء من الغضب
شيء من الغضب .. شيء من الغضب