الخميس، أكتوبر 02، 2008

رساله إليه


رساله إليه....

مازلت أمارس عادتى اليومية فى إنتظارك
ابدا ًَ


لا أستطيع أن أتخلى عنها هنا أمام أمواج البحر
وعند الغروب أعرف أنك حتما ستأتى يوما ما لايهمنى كثيراً معرفة التوقيت
فالشك لم يساورنى يوما فى مجيئك وإن طال غيابك .

هنا تتمثل أمام عينى نهاية الحياة ونهاية الزمن ونهاية الأشخاص
إلا منك فعند حدود عينيك لابد أن يقف الزمن
وأن تنتهى الشخوص وتختصر فيك أنت .

هذا هو أنت عندى وهكذا أحلم بك فكيف تٌرى تفكر فيى أنت؟؟
لست مستعدة لتلقى صدمة عدم تفكيرك في ..

فلا تقولها وإن حدث أخفها عنى ولا تصارحنى بها يوما ً .

حاولت كثيراً تفسير حالتى تلك لكنى لم أعثر على ذاك السبب
ربما لأنة يكمن فيك أنت وليس بعيداً عنك

بجوارك تبدأ أيامى وجوارك أتمنى نهايتها فأنت عندى البدايةً والمنتهى
معك أشعر بميلادى ومعك أتمنى إستمرارى وجوارك أريد إنتظار نهايتى ...

ليس من علاج لحالتى تلك ولامنك أريد الشفاء...

لا لشئ إلا لأنى أخشى الخروج من ذاتى
وذاتى هى أنت بكل تفاصيلك بكل مميزاتك بكل عيوبك وعثراتك
التى لم أرها يوما ً ما ...

كنت دائما لى مصدرا ً للقوة والتحدى
علمتنى كيف أواجه وكيف أصادم الآخرين فى الحق
وكيف لا أضيع حقى

لم أحاول يوماً أن أفكر فى مدى إستحقاقك لى
فأنا أعلم جيداً

أنك هدية السماء الغاليه التى مازلت أوقن بعجزى عن دفع ثمنها

مازلت ُ أنتظرك

بقلبى يملؤة الحنين والشوق فلتتأخر كما شئت فكلما تأخرت
إزداد شوقى وحبى لك

مازلت أنتظرك

ولا يعنينى أنى لم أرك يوماً فى واقعى

تكفينى أحلامى بك
ويكفينى يقينى
أنك آتٍ لا محاله


يامنتهى حياتى ....

هناك 50 تعليقًا:

حاتم عرفه يقول...

ممممممممم

حلوة ..
فيها نكهة عذبة ..

بس على فكرة .. هو برضه على الناحية التانية من البحر مستنيكي .. ممكن يكونوا كتييييير كمان ..

بس طبعا واحد بس اللى هاينزل فى البحر
ويعوم فى خط مستقيم على نفس استقامة خطك .. وتقابلوا بعض فى المية .. وتغرقوا انتوا الاتنين ..

احم احم..
قصدى يعنى تسبحوا مع بعض انتوا الاتنين ..

(:

حلوة بجد

Diyaa' يقول...

هممم يقال أحياناً أنه لا كرامة مع الحب
رغم عدم إيماني بيها بشكل مطلق :)
ولكن
الأول كل سنة وإنتي طيبة
تاني حاجة..تشبيهاتك عجباني :)
ما عدا تفكر فيي ..مش عاجبني الحرف الزيادة ده
:P
بس ..تفسير الحالة..اللي بيستني وبيتلهف علي حد بيحب اللي يضحك عليه
وكل ما عملنا قيمة كبيرة للإنسان كل ما اللهفة بتتطلب أكبر قدر ممكن من خداع الذات ..وبنصح بطلب الشفاء عشان لو طال الزمن بيتسع مدي الخدعة ولما بنتقابل وبنشوف الواقع بنتصدم صدمة كبيرة خالص خالص خالص يعني
خالص بشدة :))

بس عجبتني حالة التشرنق دي ..مش هقول عليها توحد..بتحسسني ببراءة بنحلم بيها ..إننا نلاقي اللي نبقي منه ويبقي مننا مفيش استقلال ومفيش اختلاف ومفيش حدود ..حالة مثيرة للإهتمام فعلاً
بس مش واقعية ..بس حلوة أوي
وأحياناً بتتلخص في القفلة اللي قفلتي بيها كلامك
لا يعنينا إن الحلم مبقاش واقع ويكفي إننا عايشين علي مشاهد في خيالنا ويقين مكتسبينه من الإحساس المترتب عليها
يا منتهي الخيال :)
تحياتي يا ريسة

Diyaa' يقول...

ابقي لو حبيتي التداوي اتصلي بالصيدلية واطلبي علاج من نشوة الحلم :)
مش هتلاقيه متوفر كتير ..متعب شوية

Walad_Masry يقول...

كلمات جميلة

والرسالة واضحة

مش محتاجة حد يترجمها

"هنا تتمثل أمام عينى نهاية الحياة ونهاية الزمن ونهاية الأشخاص
إلا منك فعند حدود عينيك لابد أن يقف الزمن
وأن تنتهى الشخوص وتختصر فيك أنت "

كلام فعلا جميل وإحساس عالي حتى وإن كان بشخص لم يظهر بعد

تحياتي لقلمك المبدع

حسن حنفى يقول...

بسم الله ماشاء الله

نور يقول...

كل سنة وانتي طيبة

كلماتك جميلة

وطريقة تعبيرك متميزة

لكن آلمني كثيراً هذا المعنى .. معنى الأسر والتقيد إلى هذا الحد .. حتى وان كان شعورا عذبا .. فهو مؤلم جداً

دمتي بخير

no promises يقول...

بجوارك تبدأ أيامى وجوارك أتمنى نهايتها
---------------------------
كلام جميل

صباح الصباح يقول...

يا منتهى حياتة

اللة يا دعاء

يارب ان شاء اللة تلاقى الانسان دة

ňįĝŗő يقول...

صباح شريف دعاء هانم
إزيك يا دعاء
عاملة إيه و أخبارك إيه ؟
يا رب تكوني بخير
كل سنة و انت طيبة يا دؤدؤ
كل سنة و كل اللي بتحبيهم طيبين

تقبل الله منا و منكم

-----------------------
ملحوظة ع الماشي
انا ماقريتش البوست
أصلي لمحمت فيه من بدايته كده سِنّة رومانسية
و أنا مش في المود ده خااااااااالص
بس انا متأكد إنه اكيد هيكون جامد
ماهو اصله منك انت يا دؤدؤ
----------------------------



يلا سلام

نعكشة يقول...

كل سنة وانتي طيبة يا جميلة

.,.,.,.,.,.

اعتقد ان كتير مننا بيحس نفس الاحساس مش بنفس الدرجة ولا بنفس طريقة التفكير بس الاحساس ان هوه موجود
سواء لاقيناه او لأ بس هوه موجود
عندي احساس ان فيه شيء اسمه توأم الروح
او الافضل مكمل الروح
الجزء اللي بيكمل البازل

اتمنى ليكي انك تقابلية في يوم
ربنا يعزك يا رب

سلام

ميرو انتكة يقول...

الله يادودى بجد جميلة قوى

ازيك يا قمر اخبارك ايه؟

كل سنة وانتى طيبة

عـــيــد ســــعــــيـــــــد


سلامة سلامة

فارس بلا جواد يقول...

جميل يا دعاء
أعتقد ان دي من المرات القليلة اللي بتكتبي عن الحب .. وانا شايف انك لازم تعطيه اهتمام اكبر .. لأننا أحيانا نحتاج لبعض الراحة من الصراعات والمشاكل بحياتنا ولا نجد هذة الراحة إلا في واحة الحب
الاسلوب جميل والخاطرة فيها احساس حلو
كل سنه وانتي طيبه
تحياتي

mido يقول...

فين الكلام اللى بيتنشر ليك فى الدستور
فكرتى فى نشره هنا زى ماقلتلك
كلامك فى الدستور نوع مختلف عن الكلام ده

كل سنة وانت طيبة
:)

رئيس جمهوريه نفسى يقول...

كل سنة وانتى طيبة اولا وعيد سعيد عليك يارب
بخصوص البوست فهو فعلا احساس وكلمات اكتر من رائعين
ربنا يكرمك وتلاقية فى القريب العاجل

kochia يقول...

حساس جدا البوست ده
وكله رومانسية من اللي خلصت اليومين دول

تحياتي

ahmed_k يقول...

أسأل الله
أن يعطيك أطيب ما في الدنيا محبة الله
وأن يريك أفضل ما في الجنه رؤية الله
وأن يجمعك بأفضل خلقه رسول الله
وأن ينفعك بأنفع الكتب كتاب الله
وكل عام وأنتم بخير
عيد سعيد

ojg يقول...

ايه الكلام الرقيق قوووي قوووووي قووووووووي ده؟؟

عجبتني ثقتك
فالشك لم يساورنى يوما فى مجيئك وإن طال غيابك

عجبني خوفك ورجائك
لست مستعدة لتلقى صدمة عدم تفكيرك في
فلا تقولها وإن حدث أخفها عنى ولا تصارحنى بها يوما ً

عجبتني قوي قوي
:))

تسلم الأيادي يا قمر

iceman يقول...

really its so amazing writing...
but its a dream...
and all our dreams that we make is always seems nice...

ضد الظلم يقول...

كل عام وانتى بخير
عيد سعيد منتظرين الجديد وبلاش كئابه
تحياتى
ابوالعربى

عـــاوز حــــقــــى يقول...

اولا انا اسف انى قطعت عن مدونة حضرتك مره واحده كدا

ثانيا الموضوع من الناحيه الادبيه ولا اروع ♥♥♥♥♥ لاكن هل فعلا فى الحياه حد ممكن يكون بايع نفسه لح تانى يتحكم فيه بدون قصد للدرجه دى
♥♥♥♥♥
ثالثا واخيرا انا ملاحظ حاجه مش حلوه كدا بقالك مده سايبه البوسطات الجامده بتاعت زمان يا ترى ايه السبب ولا حسب الالهام ••••◘◘◘

واحدة مفروسة يقول...

دعاء
كل سنة و انتى طيبة يا جمبله
بس البوست فيه حنين عااالى اوي و اشتياق عالى اكتر
و لهفه برضه و حلم
كلها يا دعاء احاسيس بتوجع
ليه ياقمرة فى العيد كده ؟؟
طيب خليها بعد العيد
بس انتى كاتباها حلواوي
كل سنة و انتى طيبه

جمعاوي(لا للنميمة) يقول...

السلام عليكم
كل سنة وانت طيبة وعيد سعيد عليكى والسنة اللى جايه تكونى بافضل حال
وبوستك جميييل جدا وبه معانى اشتياق اجدها زيادة عن المقبول-تلهف يعنى المفروض الواحد يتقل -
وما احلى قولك :-
======
معك أشعر بميلادى ومعك أتمنى إستمرارى وجوارك أريد إنتظار نهايتى ...
==========
دمتى لنا بخير ويلا سلام
صحيح ابقى نورينا علشان تشوفى الواد ابنى عمل ايه ههه؟!!!!! يلا سلام

صوت من مصر يقول...

جميل جدا
فنانه فى ابداع الكلام

nona يقول...

اسلوبك فى التعبير عن الحالة الجميلة دى بس للاسف مينفعش نعشها يمكن عشتها وبعيشها وحابة اعيشها بس بيجى اوقات ولازم ترمى على وشك كوباية مايا ساقعة علشان افوق بدل ما اتصدم بالواقع بدل مايجى حد يرميها فى وشى

محمد عبد القوى يقول...

سؤال أنطرح فى فيلم عربى جديد وأفتكرته لما قريت كلامك :
هو لية بنوقف حياتنا وسعادتنا على شخص يحبنا بجد ونفضل طول الوقت مستنينه لما يجى؟؟ لية؟!

صاحب المضيفة يقول...

رقيقة ... قوية ... ومباشرة

أدام الله أفراحك مع من تحبين

كل عام وأنت بخير

غير معرف يقول...

بالصراحة مالهاش حل كلها احساس جميل يابخت اللى مكتوبلة الكلام دة بالصراحة مسنى اوى كلمات رسالة الية

ليدو يقول...

ليدو
جميلة جداااا برافو عليكي

واحد من البلد دى يقول...

السلام عليكم
ربنا يرزقك بمن يستحق هذا الكلام

دمتى بخير

بدراوى يقول...

جميلة يا دعاء
كلها شجن و حزن
معرفش ليه حسيتها كدة

تحياتى

Foxology يقول...

الأنتظار مرهق لكن الأرهاق يروح لو جه اللى احنا منتظرينه وزى ما توقعنا بالظبط

تحياتى :)

مصــــري يقول...

الأخت العزيزة دعاء

ربنا يسهل ويوصل بالسلامة الأخ اللي جاي عايم ده.

طب كنتي استني في مطار ولا حاجة لازم يعني يبوش قبل ما يوصل.هههههههههههه.

احلي ما في الموضوع هو يقينك وهذا يكفي
يكفي جدااااااااا.

تحياتي
أسامة

PrInCeSS BeRy يقول...

دودو احلى اخت فى الدنيا وحشتينى اوا اوى زعلانة علشان مبتساليش عنى

كل سنة وانتى طيبة حببيتى وعيد سعيد


البوست تحفة ويارب يجيلك اللى بتنتظرية مفتكرش حد يقرا الاحساس دةوالمعانى الرائعة وميجيش باى يا عثل

دعاء مواجهات يقول...

صــــدمــــــــه

إتصدمــــتــــها


من معظم التعليقات

اللى داخليين يواسوونى ويدعولى

ومحدش خطر فى باله ان دى مجرد حاله أدبيه بحته

لأن وبكل بساطه

مفيــــش واحــــد يستاهل كلامى دة

من وجهة نظرى

بيــــــــس

وكل سنه وانتوا طيبين ..

Gannah يقول...

دودو حبيبتى
الحقيقة اللى انتِ كتبتى عنه حلم جميل كلنا بنحلم بيه وفى الحلم يجوز اننا نفرط فى الخيال ونطلب أقصى ما نتمنى بصرف النظر عن وجوده من عدمه
وعيون الحب عن كل عيب لاهيه
يعنى لما نلاقى الشخص اللى فى تصورنا يطابق الحلم هو ده هيكون شعورنا
لكن بعد فتره هنهدى وهنحس بالواقع وهندخل المنطقة الوسطى اللى فيها هنشوف كويس بس برضه هنحب اللى بنشوفه حتى العيوب
اكتبى يا دودو وما فيش مستحيل
انا كمان منتظرة على الشاطىء بس واضح ان الفارس بتاعى غرق
تحياتى

kafrawy يقول...

ياااااااااااااااااااة


ربنا يقرب البعيد

صباح الصباح يقول...

وأن تنتهى الشخوص وتختصر فيك أنت

جميلة اوى يا دعاء

باذن اللة هتلاقى الانسان اللى يقدر كل المشاعر دى

واحد من الناس يقول...

حلوه اوى كالعاده

فعلا كلنا مستنين وبنحلم بس الدنيا عمرها ما بتدي كل حاجه

فى انتظار الجديد

MOOOD

عاليا حليم يقول...

حالة مؤلمة جدا
و اكثر ما يجعل الالم يتوغل فيها فى المشاعر ان صاحبتها قد تعلم بل متيقنة انه انتظار ابدى و ان هذا الشخص لن يجئ

عاشقة القمر يقول...

ايها الشهر ترفق دمع الحبين تدفق
قلوبهم من الفراق تشقق
عسي توبه تصلح ماتمزق
عسي عسي متقطع عن ركب
المقبولين يلحق
عسي أسير الأوزار يطلق
عسي مستوجب النار
ببركه هذا الشهر يعتقق وعسانا الرضا الله وقبوله نوفق
كل عام انتم بخير

hmada يقول...

تسلم الايدين اللي كتبت هذه الكلمات ويارب قلبك يتملي بالحب والحنادنقلن والصدق وكل ماهو جميل اتركي قلبك مفتوحا وانتبهي الي العلامات فقط انتبهي اليها وحتما ستاتي لك هدية السماء
عييييد سعيد
شاذلي

بطوط حبوب يقول...

كل سنه وانتى مبدعه

¨¨¨°~*§¦§ Appyplanet §¦§*~°¨¨¨ يقول...

اولا مش حلو الحزن اللى انتى فيه ده
كل سنه وانتى طيبه

قلب مصرى يقول...

من المؤكد أنه سيعود إذا قرأ هذه الخاطرة أسرع مما تتنظرين، فلابد أنه سيعرف تماماً كم هو مخطئ أن إبتعد بعد هذه المشاعر الرقيقة والكلمات الرائعة

mohamed ghalia يقول...

الله على كلماتك الرائعة
بجد ربنا يزيدك
كل سنة وإنتى طيبة يا دعاء

دعاء مواجهات يقول...

أعتذر

لعدم الرد على التعليقات

فقد كانت كافيه لا تحتاج لردود

اشكركم

كنت اتمنى ان تتفهموا كلامى بعقلانيه

سلام ..

عـــاوز حــــقــــى يقول...

استاذه دعاء طبعا عارفين انها ابيات ادبيه جت على خاطرك معروفه غالبا لاكن كل شخص بيترك تعليق على حسب ما اثرت فيه القصيده
بس واذا التعليق زعل حضرتك خلاص اسفين طبعا لاكن مش كويس ان حضرتك تقفشى فى وش الزوار كدا مره واحده
مش كدا ولا ايه

دعاء مواجهات يقول...

عاوز حقى


مش قفش ولا حاجه يامحمود

بس إتفاجئت بردود الأفعال

مكونتش متوقعاها كدة

تعرف ان فيه مدونه صحبتى قفلت مدونتها للسبب دة

ان كل اللى يدخل عندها يقعد يواسيها ويفتكرها بتتكلم عن نفسها

انا طبعا مش معاها فى قرارها

بس الناس لازم تعرف ان مش كل حاجه هى واقع لا دا فيه حاجه اسمها خواطر او ادب مش شرط تكون واقع يعنى

تحياتى ليك

وبقدم إعتزارى لكل حد إتضايق من كلامى

.......

عـــاوز حــــقــــى يقول...

لا طبعا يا استاذه احنا منقدرش نتدايق من حضرتك
وثانيا انا نشات محمود مش محمود

وممكن تضعى تنويه كدا فى اخر الرساله علشان الاذكيه برده هههههه

دعاء مواجهات يقول...

عاوز حقى

عارفه ياابنى انك نشأت

والحمد لله انك مش متضايق

بجد منورنى ديما

بيس