السبت، يناير 08، 2011

كل حــاجــة .. بتتـــرسم






فرحة تنفع تبقى ضحكه

حزن ينفع يبقى دمعه

يأس ينفع يبقى أزمه



لمة تنفع تبقى هوجه

كلمة تنفع تبقى طلقه

ضربه تنفع تبقى غلطه

غلطه رافضه تتبلع

لما مرة نكتشف



كل حاجه فينا تنفع تتقسم

كل حاجة قابله الإختلاط

كل حاجه ممكن ترسم



ضحكه صفرا بتحتضر

كلمه ماسخه بحبر اسود ينطفى

لما الحقيقة بتتضح



والضحيه هى احنا

غل اسود جوا منا بيبتدى

صعب ترجع كل حاجه لأصلها

نقطه فينا بتنكسر



كل حاجه فينا تنفع تتقسم

إلا انتى واحده بس

ومش هنسمح تتقسم

هناك 9 تعليقات:

الميكروباص يقول...

مش عارف انتي بتختفي فين

إنسان || Human يقول...

كل حاجه فينا تنفع تتقسم

إلا انتى واحده بس

ومش هنسمح تتقسم
...........
فعلاً مصر ماتنفعش تتقسم أبداً انشاء الله
والأسود اللي جوا منا بيبتدي نحوله لأبيض صافي بدون ولا نقطة سودة تبقعه
كل حاجة بتتقسم إلا مصر
وانشاء الله اللي اتكسر يتصلح بينا
.....
حمد الله على السلامة

!!! عارفة ... مش عارف ليه يقول...

فعلا ... مش هنسمح تتقسم

مش بلدنا اللي تبقى كدة

أبداااا مش بلدنا

لما نبص على 7000 سنة لورا

هنعرف أكيد إن بلدنا مش كدة

وافتكر إن رغم السواد الحالك ده

إلا إن في بصيص من النور

بس لازم نسعى للخروج من النفق

walaa tulip rose يقول...

تفتكر مش هتتقسم ؟؟
اظن صعب نفضل ايد واحدة في ظل اللي بيحصل ليا ده
احنا بيتلعب بينا جوا البلد وبراها
لما شعب تعبان وحكومة متسلطة وارهاب مش عارفين جاي منين
شوفوا الراهقين بقوا بيعملوا في بعض ايه
ولاد ثانوي واعدادي بقوا اعداء
كل واحد متصور ان دينه هو اللي علي حق
وبقت فيه فتنه بالفعل لكن فتنه تحتيه لسة بتتجمع عشان تطفوا ع السطح وتقسمنا
ربنا يرحم بلادنا م اللي جاي

دعاء مواجهات يقول...

لورنس

فى تلك الحياة الصعبة

دعاء مواجهات يقول...

هيومان

الله يسلمك بس انا مكنتش مسافرة
اتمنى كلامك يتحقق فعلا

نورن

دعاء مواجهات يقول...

عارفة مش عارف لية

استاذ وليد العزيز مش كل حاجة بتكون زى ما هى فى خيالنا الحقائق حين تنجلى تتضح اشياء اخرى ...

التعليقات نورت فعلا

دعاء مواجهات يقول...

ولاء

الصورة مش قاتمة اوى كدة
المشكلة ان كل واحد كان مستنى حاجة يتلكك عليها بس لما بنرجع للأصل صعب اننا نتقسم

نورتى

غير معرف يقول...
أزال أحد مشرفي المدونة هذا التعليق.