الاثنين، أغسطس 30، 2010

اشيـــــــــاء .. تبقـــــــــى

أشــــياء تبقـــى ..




أصدق تماماً أن الأشياء الحقيقية فى حياتنا ترفض الخضوع لعوامل الوقت والنسيان .. اشياؤنا الحقيقية هى كل شئ مر بنا ترك بداخلنا علامات تبرهن على لحظات ضعف تخبرنا بنقاط القوة التى نحتويها وتعيننا على البقاء
تخبرنى محاولاتى الفاشله فى تناسى جروح حقيقية تركت آثارها داخلى أنى مازلت قادرة على تحمل المزيد
ذلك المزيد الذى أرغب بقوة فى اقتسامه معك .. انتظرك فى جميع الليالى التى لا يعنيك وجودى فيها وفى تلك التى لاتمر دونى .. أنتظرك فى جميع أحوالى ولا أخشى من اصابات الملل التى اصفها بالسطحيه حين تلوح لى ف الخيال اطياف لإبتسامات خافتة تخفيها عنى حتى لا يتسلل لروحى الإطمئنان بوجودك جوارى
رغبتى المقيته فى وجودك معى باتت تمثل لى أزمة عمرى التى لا اعرف سبيلاً للهروب منها .. أعرف أن ذلك يستهويك بشدة ويدفعك للعب على اوتار من بقايا حب كان ..
حماقاتى التى لا أتوقف عنها تؤلمنى وتؤكد لى انى كائن هش يدعى البطوله فقط أمام المرآة ومع جميع البشر ..
أخفى عنك أنى أحيا على أمل النسيان ..لأستطيع المواصله فى طريق يرسمه القدر لى ويخفى عنى ملامحه .. أعدك أنى سأنسى لحظات الحب والألفه ولحظات الإقتراب .. سأنسى حتماً منابع القوة التى زودتنى بها وكلمات كانت دافع قوى لإعانتى على السير .. سأنسى كذلك نبرات صوتك وهمساتك الهادئه .. سأنسى كافة الليالى وستواجهنى أزمة الهروب من أماكن جمعتنا سوياً
اكتشف ف النهاية أنى سأكون مضطرة لتغيير عالمى وبناء كون جديد لأعيد رسم ايام تخلو من وجودك فيها
ابعد عنى تلك الأفكار جميعها وأعترف بإستحالة تحقيق هواجسى بمحوك لأنك كنت شيئاً حقيقياً .. والأشياء الحقيقية ترفض المحو وتعصى على النسيان

هناك 13 تعليقًا:

كــركــبــة دمـــاغ ㋡ يقول...

انا مبسووووط جداً جداً جداً اني كنت قدامي انتي وكيكي


بجد اتشرفت بيكو

ومرسي جداً عشان قلتيلي الوصف واروح ازاي واركب محطات ايه واتجاهات ايه

ربنا يخليكي يارب

حقيقي انا فرحانه اني شووووفتك

ربنا يجمعنا على الخير دايماً

كــركــبــة دمـــاغ ㋡ يقول...

تصليح للغلطات الاملائيه الشنيعه :

انا ( مبسوطه ) جداً جداً جداً ( انك ) كنتي ( قاعده ) قدامي انتي وكيكي

( ميرسي ) جداً عشان ( قولتيلي ) وصف ( المترو ) واروح ازاي واركب محطات ايه واتجاهات ايه

ربنا يخليكي يارب

حقيقي فرحانه اني شوفتك

ربنا يجمعنا على الخير دايماً


بالنوسبه للبوست بقى :

مش لاقيه تعليق اقول

الا ان الكلام بيوجع قوي

ومزيج كده حب ووجع الاتنين في بعض

جميل جداً يا دعاء

وحلو كمان

قد حلاوة روحك

تحياتي ليكي

adel يقول...

هممممم
بس الاشياء اللي بتبقي مش دايما تستحق البقاء
زي كراكيب البيت
في كراكيب دماغ وقلب ياعم الحج

شمس النهار يقول...

ااااااازيك
كل سنه وانتي طيبه

وبخير وسعادة


البوست جميل جدااااااا

مش كل الحقائق بتبقي


تحياتي

رحاب صالح يقول...

ازيك دعاء
عجبني اوووي المقطع ده
رغبتى المقيته فى وجودك معى باتت تمثل لى أزمة عمرى التى لا اعرف سبيلاً للهروب منها .. أعرف أن ذلك يستهويك بشدة ويدفعك للعب على اوتار من بقايا حب كان ..
وكلها علي بعضها جميلة بس دي حسستني بحاجة كدة يعني
وحشاني مووووووت

الازهرى يقول...

اخدت علقة بسبب انك قلتى انك ما تعرفيش حاجة بخصوص الوفد
والتفاصيل عندى
اتمنى تشاركى وتريحينى بدل ما انا خلاص قربت اقع من طولى بسبب الضرب

ميرام يقول...

حماقاتى التى لا أتوقف عنها تؤلمنى وتؤكد لى انى كائن هش يدعى البطوله فقط أمام المرآة ومع جميع البشر ..


بجد أرفع لك القبعة ...
بجد رااااااائع ...
كل سنة وانت طيبة
وانتظر الجديد

دعاء مواجهات يقول...

كركبة دماغ

انا كنت مبسوطة بيكى اكتر
وبعدين انا معملتش حاجة

اتمنى اشوفك تانى

دعاء مواجهات يقول...

عادل

تكفى رغبتنا فى الحفاظ عليها وابقائها جوارنا ..

نورت ياباشا

دعاء مواجهات يقول...

شمس النهار

وانتى طيبة وبخير ياحبيبتى

ممكن بس دا بيتوقف عليها هى ..

وحشتينى

دعاء مواجهات يقول...

رحاب

دا بس علشان انتى انسانة حساسة جدا ياحبيبتى

نورتى ...

دعاء مواجهات يقول...

الأزهرى

انا مش عارفة انت بتتكلم عن اية وضح بليز ..

سلام

دعاء مواجهات يقول...

ميرام

ربما لان ما يخرج من القلب لابد
وان يصل كذلك
اشكرك ع رايك ..