الجمعة، أكتوبر 15، 2010

أسطــورة .. حيــــاة




تقول الأسطورة أن الحياة نوم والحب حلم .. أؤمن بها كثيراً وأميل للإستناد عليها كلما أثبتت لى الحياة والبشر غير ذلك .. أحبها كما أحب كافة الأساطير التى تمكننى من ايجاد مبررات للبقاء والعند والمثابرة على تحقيق حلم ولد قبل مجيئى لهذا العالم هكذا تخبرنى عرافتى التى تزورنى سراً كلما ضعفت قواى وبدت على ملامحى بوادر الإستسلام

تجيئنى لتذكرنى بالحلم ذاتة ... عن عالم بعيد وأرض جديدة يكتشفها قلبى بجوار رجل أحبه قبل بداية عمرى وأبحث عنه حتى الملل .. وقتها فقط يعثر هو على لنكمل احلامنا سوياً ويكون لى أسطورة جديدة من نوع خاص لم يجربة البشر ولم تعرفه حضارات سابقة
أستند على ظهرة واستشعر احساساً رائعاً بالراحه الممزوجة بالمتعه للمرة الأولى منذ وعيت على الحياة

يخبرنى هو ايضاً عن معاناه قضى فيها حياته بحثاً عنى فأهمس بأذنه ..انه القدر .. الذى يذيقنا أوجاع الفراق حتى ندرك نعمة البقاء سوياً فنحافظ عليها حتى نهاية العمر .. اقص عليه أحلامى وكيف سنحققها سوياً فى أرضنا البعيدة .. تفزعه كلماتى وكأنما خالفت ما رسمة للأيام القادمه

يشعر قلبى بوخز الألم الذى كان .. يعاودة من جديد فأدرك انه ينتوى الرحيل فيخبرنى أنه طالما حلم بمشاركتى له ارضه القديمة عاش فيها دهرا يبحث عنى .. احاول اقناعه ان هذا فقط هو مكاننا وذلك فقط زماننا.. يعدنى بحياة طويله وحب لن ينتهى وسعادة ابدية ويرفض تصديق الأسطورة .. يصحبنى فى طريق العودة حيث عالمه الخاص وأمنيات لاتنتهى فلا أملك مقاومته خشية الضياع .. نتيه سوياً فى سبات عميق أفيق منه فلا أجدة جوارى أبحث عنه كثيراً دون جدوى فأتشبث بالجزء الأخير من الأسطورة وأحيا على أمل حلم جديد قبل انتهاء نومى ..

هناك 6 تعليقات:

Foxology يقول...

اولا : حمد الله على السلامة

ثانيا : الاسطورة فى الزمن ده تعتبر معجزة ! انصحك بالتمسك بها

تحياتى :)

مصطفى فهمى يقول...

بصى يا ست دعاء انا متابعك من زمان فى تعليقاتك فى الدستور الله يرحمه وفى جروب ضربة شمس .... مواضيعك هناك

اولا احب اصارحك بحقيقة مشاعرى المكبوتة ناحيتك

دعاء انا بجد بجد بخاف منك ... ليه؟؟؟؟

عشان انتى تخوفى ... كتبابات كتيرة كانت عصير احباط ويأس مضروبين فى خلاط مرارة ... ده فى حد ذاته مش هو اللى يخوف ... اللى يخوف انى بصدقك

عموما مفيش قدامى غير انى احسبن عليكى واقول منه له جاى رايح منه له

بس الموضوع ده مختلف عن كل حاجة قريتهالك قبل كدا .... اولاعيشتينى فى حالة ممممممممممم حالمة هو ده التعبير الصح وفى نفس الوقت وانا بقرا كنت مبتسم مش بشفايفى بس مبتسم

ثانيا وده الاهم حاسس انى بقيت اكتر عمقا واكتر قدرة على الامساك بالتفاصيل واللعب بالدماغ ...وده مش معناه ابدا انك مكونتيش عميقة بس حاسس ان فى حاجة اضافت ليكى ... ودى حاجة انا مبسوطلها

ردى طويل صح ... بس لسة مخلصش

تعرفى مدونتك كانت اول مدونة اخدها من مدونات الضربشمساويين ... ليه يبدو ان الخوف بينفع (lol(

لورنس العرب يقول...

أخيرا ظهرتي

حمدا لله على السلامه

دعاء مواجهات يقول...

fox

للأسف لسنا فى عصر الأساطير ولا عصر المعجزات

الله يسلمك

دعاء مواجهات يقول...

مصطفى

جميل اوى كلامك وبجد مش عاوزة اقولك انا فكرت فية اد اية وعمل فيا حاجات حلوة ازاى لدرجة انو عيشنى ف حالة افتقدتها من فترة كبيرة وفضلت افكر كتير ارد عليك اقول اية خاصة انى شوفت الكومنت من تانى يوم انت كتبته وكمان اخدتة كوبى ع الفلاشه وقريته كتير

اقولك سر انا كتبت بوست عن الحزن بسبب الكومنت بتاعك وكأنه رد عليه بس منزلتوش

اجمل حاجة عجبتنى ف كلامك لما قولت انك بتصدقنى ادتنى دفعه حلوة اوى وفرقت معايا

عموما مش هنرغى اكتر من كدة وميرسى بجد اوى ..

دعاء مواجهات يقول...

لورنس

انا موجودة بس الشغف قل شوية

الله يسلمك