الأربعاء، أغسطس 12، 2009

أغسطس ..






أغسطس ذلك الشخص الساحر .. استطاع أن يغيرنى ويضيف إلى حياتى العديد من المعانى قرر

بكل جبروت أن يستأثر دون باقى شخوص السنة بكمية من الأحداث التى غيرت مجرى حياتى ولونتها بمزيج

من الحب والحزن

أغسطس فى بدايتة أصبح يمثل لى العديد من المعانى لكل يوم فية معى ذكرى يستحيل على القلب

نسيانها فى أول أيامة تعرفت على على العديد من الأصدقاء الذين ظننتهم كذلك كان يوماً أقل ما يمكن أن

يوصف بة أنة كان مثيراً .. مغامرة حقيقية لم يتثنى لى أن ارويها لأحد منهم ليكتشفوا كيف كانت رغبتى

فى رؤيتهم .. كان اليوم الأول للقائى بالمدونين . كان اليوم الأول لتحويل عالمى الإلكترونى إلى عالم

محسوس من دم ونبض

فى الشهر ذاته وبعدها ب3 أيام فقط كان موعدى مع لقاء العمل الذى انتهى بعد عدة أيام إلى استقرارى

بالجريدة وان كان ينتابنى وقتها احساس غريب بأنة ليس مكانى وأنها مجرد مرحلة ستنتهى يوماً ما

دخلت عالماً مختلفا بمعنى الكلمة .. أشخاص غير تلك التى نراها فى المسلسلات والأفلام ..

أشخاص ظننتهم طيبون وآخرون يملؤهم الشر والبعض الآخر يفضل أن يقضيها تمثيل ..

أشياء كثيرة تعلمتها من الجميع دون استثناء .. أضافت لى وغيرت من نظرتى للأشياء .. لتؤكد على أحقية

أغسطس الغير مبالغ فيها بالمزيد من المكانة الطيبة لدى

ففيه ولد العديد من أصدقائى المقربين والعديد من المشاهير والمحببين لدى


غداً يمر عام كامل على بداية حياة جديدة لم أسعى إليها او أرغب فى اقتحامها عنوةً

جائتنى كفرصة تتلآئ لتغرينى ..وابتلعت الطعم ..

أيام تتحول لأسابيع تكون شهورا لتصبح فجأة ودون سابق إنذار عام كامــل ..مر على الوجود فى هذا

المكان وبين هؤلاء الأشخاص .. ليس جميعهم سئ بالطبع لكنى تعلمت قاعدة هامة

من هذا التواجد .. أن كل شئ متوقع من أى شخص فى أى وقت ..

ربما كانت هذة حصيلة الإحتكاك والتعامل وربما العمل

لا أستطيع أن أنكر أنى فزت بالطبع بهدايا أرسلت لى من اليوم الأول لوجودى بهذا المكان لكنى تسلمتها
فقط مؤخرا كانت الهدية هى صديقة حقيقية بمعنى الكلمة وقلب يملؤة الحب يعطى دون أن يفكر لماذا أو متى يأخذ بالطبع انها نهى محمود ..

تعلمت أيضاً أنة لا يجب على التسرع فى الحكم على أى شئ أو أى شخص مهما بدت المقدمات مغرية لفعل ذلك

تعلمت كيف أربت على كتفى وأمسح دمعاتى بيدى

لكننى ورغم كل ذلك .. تعلمت أكثر كيف أفكر فيــك .. وأحلــم بـــك

فلتخبرنى .. عما يجب على فعلة لتخرج منى ..

تعلمت أن الأشياء السيئة ليست دائما كما يبدو .. فربما حملت بداخلها سعادة خفية

تعلمت كيف أعبر عنى وكيف لا أبتعد عن قلمى .. تيقننت أنه وحدة نعم الرفيق

واكتشفت أنى كلما حاولت أن أعبر عن شئ ما بداخلة فلا أجد سوى الألم ليعبر عنى

رغم أنى انتويت أن أكتب كتابة مفرحة الآن

إلا أنها خرجت هكذا

يبدو أن الحقائق يصعب تزييفها ..

اكتشفت أن الكتابة ليست بالنوايا ..

إكتشفت أنى قد كبرت .. فجأة دون أن يخبرنى أحدهم .. ماذا يتحتم على فعلة حين أكتشف ذلك بالصدفة

ربما احتاج لمزيد من لحظات التفكير والهيام وحدى حتى أصل للإجابة على سؤال كهذا

وأخيراً ايها الأغسطس

شكراً لك على كل تلك الهدايا التى منحتنى إياها .. وكل تلك القصص الممتعة التى أهديتنى بداياتها

دون قصد منك ... شكراً لأنك أخبرتنى أننى قد كبرت ...

هناك 41 تعليقًا:

adel يقول...

مش عارف ااقولك كل سنة و انتي طيبة ولا ايه

علي العموم خبرات تضاف الينا عام بعد اخر

حسن حنفى يقول...

كل سنه وحضرتك طيبه

هي دي الحياه في كل شهورها وايامها

لازم نكتسب جديد

ماء تشرين يقول...

كل سنه وانت متالقه سيدتى


تقبل مرورى

ليس فقيرا من يحب يقول...

السلام عليكم

كل سنه وانتى طيبه

وبالف هنا وصحه وراحه بال

ربنا يسعد قلبك يارب

تقبلى تحياتى

فى حفظ الله

Eslam Eldosoky يقول...

وما أدراكِ أنكِ لم تكتبي تدوينه مفرحه
أبتهجي
فقد أبهجتي قلوباً عديدة
أبتهجي
فقد أضفتي لحياتك خبرات لم تكن العزلة قادرة علي أن تكسبك إياها
إبتهجي
فلقد كبرتِ
تحياتي

Unknown يقول...

كل لحظة وانتِ طيبة
وكل لحظة بنعيشها
بنتعلم فيها
شىء صغير
او كبير
لكننا نتعلم

آه وكفى يقول...

بيقولك اغسطس يعني العظيم او المبارك مش لائية في اي صفة من دوول يادعااء

mimi يقول...

في الأول افتكرت إنك هتتكلمي عن الامبراطور الروماني أغسطس

بس بعد كذا سطر في البوست ،، أكتشفت إنك أعمق مما تخيل عقلي

تحياتي علي هذا الخداع الرائع

تصفيق حاد الي إن تؤلمني يداي

استطعتي أن تجعليني أقرأه حتي النهاية..

بلا ملل ،،

وأكثر ما نال إعجابي :
" تعلمت كيف أربت على كتفى وأمسح دمعاتى بيدى"

إنها الحياة حبيبتي دودو

شكرا لكِ

Foxology يقول...

كل سنة وانتى طيبة وان شاء الله أغسطس الجاى تكتشفى المزيد من الأشياء الجميلة المدهشة :)

تحياتى :)

فاتيما يقول...

دودو
مشاعر الإمتنان وصلت من خلال السطور
لكن ما آلمنى الحزن البادى و بوضوح فى كل حرف و كلمة
عارفة إمبارح و انا راجعة م الشغل لقيت واحد بيبيع الفوانيس الميداليات الصغننة دى واللى بتنور
قولت أشترى واحد ليوسف تفاريح كدا و بعديييين جبت لماجد اخويا واحد هو كمان
رجعت البيت و اديته فانوسه
ضحك ضحكة مكتومة و قالى ماله كبير كدا مش هقدر امسكه و لا أشيله
قولتله جملة غريبة جت ف بالى فجأة
قولتله يا بنى
إعمل حسابك كل ما هتكبر كل ما هتصغر الفرحة
و كل ما تزيد ف العمر كل ما هيكش فانوسك لحد ما ييجى يوم و متجبش لروحك فوانيس خالص ..
تجيب لعيالك بقى
أو بمعنى ادق تمرر الفرحة لاحبائك
و الحكمة كمان
مش عارفة ليه كلامك هنا و مشاعرك فكرتنى بالموقف دا ...
كل سنة و إنت وسطنا يا دودوى
بوسة و حضوناااااااااااات كتير

Unknown يقول...

يارب يكون شهر اغسطس
استكمال لنجاح فى الحياة
و صمودك و تحديكى لكل مشاكلها

و رمضان كريم
:-)

mohamed ghalia يقول...

كم هو محظوظ هذا الشهر بكلماتك هذه

blue-wave يقول...

ربنا يخليلك اغسطس:))

كــركــبــة دمـــاغ ㋡ يقول...

كل سنه وانتي طيبه وبخير وبالف صحه وسلامه

وان شاء الله اللي جاي احسن من كل اللي فات وتحققي فيه كل اللي بتمنيه وبتحلمي بيه

اسلوبك حلووووو قووووووووي

وشدني جداااااااااااا واستمعت وانا بقرأه

تحياتي لحضرتك وشكرا لزيارتك ليا

r يقول...

بدايه كل سنه وانتى طيبه
وانا مع ان الانسان بيكبر كل ما يتعلم اكتر وانتى اتعلمتى دروس كتيره زى ما قلتى
وانك كبرتى او صغرتى شئ هيفرق مع اللى بيهتم بيكى ودول وسط زحمه الحياه بيكونوا فى تعداد اصابع اليد فلا تفرطى فيهم
كلماتك دى أثرت فى كتير لانها منى ايضا

----------------

تعلمت أيضاً أنة لا يجب على التسرع فى الحكم على أى شئ أو أى شخص مهما بدت المقدمات مغرية لفعل ذلك

تعلمت كيف أربت على كتفى وأمسح دمعاتى بيدى

لكننى ورغم كل ذلك .. تعلمت أكثر كيف أفكر فيــك .. وأحلــم بـــك
..

تعلمت أن الأشياء السيئة ليست دائما كما يبدو .. فربما حملت بداخلها سعادة خفية

تعلمت كيف أعبر عنى وكيف لا أبتعد عن قلمى .. تيقننت أنه وحدة نعم الرفيق

يبدو أن الحقائق يصعب تزييفها ..

اكتشفت أن الكتابة ليست بالنوايا ..

صوت من مصر يقول...

اولا كل سنه وانتى طيبه
اغسطس فعلا شخص عجيب جدا
انا فاكر بس للاسف بحب الفراعنه اكتر

همس الاحباب يقول...

كل سنة وانتى طيبة
اتذكر جيدا تلك اليوم واللقاء واول مقابلة تمت مع المدونين كانت فى الزراعيين بعد التبرع بالدم وكانيوم 1اغسطس
سبحان الله مر اكثر من عام وشريط الاحداث ما زال فى الذاكرة
تحياتى وتقديرى

حلم بيعافر يقول...

كل سنة وانت طيبة
ورمنضان كريم

ميرا ( وومن ) يقول...

كل أغسطس وانتي بخير

كل رمضان وانتي طيبة

ahmed_k يقول...

أولا كل أغسطس وأنتي طبيه وتعيشي وتفتكري
ويا دعاء ما الحياة إلا مدرسة كبرى فكل يوم هناك الجديد وهناك إضافه
ومازال أمامك بإذن الله الكثير لتتعلميه
وربنا يديم الود والصداقه بينك وبين نهى

وكبرتي أيه ده كمان ؟؟ أمال أحنا قول أيه ؟؟ ونبي متعقديناش

كل عام وأنتم بخير يا دعاء بمناسبة شهر رمضان المبارك أعاده الله عليكم وعلينا بالخير واليمن والبركات

رمضااااااان كريم

maiosha يقول...

دودو
مع إن البوست فى مجمله من وجهة نظرى انه المفروض يسعدك .. إلا ان نغمة الحزن هى اللى مسيطرة على البوست

جميل ان الواحد يعرف إنه كبر وكويس إنه يعرفها فى الوقت المناسب

والف مبروك على الإستقرار الجديد ده وربنا يكرمك فيه إن شاء الله ويبعد عنك الأشرار والممثلين

وكل رمضان وانتى بألف صحة وخير وسلامة

كــركــبــة دمـــاغ ㋡ يقول...

كل سنه وانتي طيبه وبالف خير وصحة وسلامة

وربنا يعود عليكي الايام بكل خير وفرح وسعاده ..

رمضان كريم عليكي يا دودو ..

فكرة من الزمن ده يقول...

جملتين انا شخصيا حسيتهم اوي وريت بيهم
الاولى اني كبرت فجأة بدون ان يخبرني احد
والتانية احساس ان ما انا فيه مؤقت وسوف ينتهي
الاحساس ده بيضيع علينا استمتاع بلحظات جميلة قد تكون اجمل لحظات في حياتنا
كل سنة وانتي طيبة وبالف خير يادودو
ووحشتيني والله

دعاء مواجهات يقول...

ارد على التعليقات لاحقا

وكل عام وجميعكم بخير وصحة وسلام بإذن الله

تقبلوا حبى ومودتى ..

دعاء مواجهات يقول...

عادل

وانت طيب ياعادل باشا

واكيد مفيش حاجة بتروح ف الهوا

منور

دعاء مواجهات يقول...

حسن حنفى

وانت طيب ياحسن

اكيد والا تبقى اية لازمتها

منور

دعاء مواجهات يقول...

ماء تشرين

وانتى زى الفل ياجميل

=========

ليس فقيرا من يحب

اللهم آمييين

شكرا على الدعوات الجميلة رزقنا الله واياكم خيرها

تحياتى

دعاء مواجهات يقول...

اسلام الدسوقى

تصدق بقى انو كفاية عليا فعلا كلمتينك دول

دمت بود

=================

نورا

بالطبع التعلم هو هدف الحياة الاول

====================

آة وكفى

هههههههههههههههههههههههه
طب دورى تانى لو مالاقيتيش قوليلى اجى ادور معاكى

وحشانى

دعاء مواجهات يقول...

ميمى

اكيد انها الحياة

وبعيد الشر على ايدك ياقمراية

تحياتى وحبى لكى

دعاء مواجهات يقول...

فوكس


وانت طيب انت ومن تحب ديما يافوكس وبخير وسلام

ويارب يتقبل منك..

دعاء مواجهات يقول...

فاتيما

بعيد الشر عليكى من اى الم ياروح قلبى

كلماتك علمت جوايا اوى مليانة حكمة بشكل مش عادى

بحبك

دعاء مواجهات يقول...

بدراوى

اة واكدلى ع الصمود دا اوى وحياتك يابدرااوى

منور ياكبير

دعاء مواجهات يقول...

محمد غالية

اخجلتم تواضعنا ياصاحب السعادة

================

بلو ويف

هو انا قولتك انى جبت عيل وسميتة اغسطس؟؟؟

دعاء مواجهات يقول...

شقاوة مراهقة

اية حكاية حضرتك دى احنا اصحاب عادى يعنى تقولى يادودو

وبعدين مفيش شكر ولا الحكايات دى انتى كمان بتكتبى حلو اوى

منورانى

دعاء مواجهات يقول...

بسنت

قولتى كلمة صح بشكل مش عادى

مع مرور الوقت بيتعدوا على صوابع الايد

ويمكن كمان ميتعدوش على فكرة

نورتى ياقمر

دعاء مواجهات يقول...

صوت من مصر

اكيد الاصول تغلب


==================

همس الاحباب

ايوا الله ينور عليك هو كدة بالظبط

فاكر اليوم كان جميل ازاى ..؟؟

====================

دعاء مواجهات يقول...

حلم بيعافر

وانت طيب وبخير ديما

الله اكرم

نورت

===============

وومن

وانتى بصحة وسلامة ياحبيبة قلبى

وحشااانى اوى بجد

دعاء مواجهات يقول...

احمد

ماشى ياعم ربنا يكرمك

وكل سنة وانت بخير يارب ديما وزى الفل

==================

ميوشة

الحزن اصبح علامة مش عارفة امحيها
وعموما لسة بدرى على كلمة استقرار دى

وكل سنة وانتى زى القمر ومحققة احلامك

وحشانى

دعاء مواجهات يقول...

شقاوة مراهقة

وانت بالف صحة وخير يارب ديما ياجميل

منورة

دعاء مواجهات يقول...

فكرة من الزمن دة

اولا انتى كمان وحشاانى جدا جدا على فكرة وبليز تسامحينى على التقصير لانو مش بمزاجى بجد

ثانيا المشكلة انى من النوع اللى بيمشى ورا كلام قلبو جدا يشكل يدعو للقلق بس اللى بيطمنى ان احساسى بيكون صح اوى

ثالثا منورة البلوج والبلوجات المجاورة ياقمر

مع حبى..

atteto يقول...

كل سنه وانت طيبه يا دعاء بس تأكدى ان الحياه تحمل الكثير من المتاعب عليكى باصمود اعانك الله