استحملينى
استحملينى ياغاليه
ياللى غيرك فى الحياه
دى ماليش
استحملينى يــا أمى
استحملينى يادمى
ياعيونى
وجفونى
ورمشى الحزين
ياحنينى وخضوعى
ياقوتى وضعفى
ياأغلى شئ عندى
ياكل ما عندى
استحملينى
كدة كلى
بحماقتى وغباوتى
وظنونى وشقاوتى
وفرحتى وحزنى
استحملينى
انا فيكى
طمعان اوى
ف قلبك
استحملينى دا انا بعدك
ماليش وجود
ف الكون
ياكونى وحياتى
وغربتى وقربى
ياحنينة وقاسية
يا معايا وعليا
ياكل ما ليا
استحملى بُعدى ..
هناك 20 تعليقًا:
مش عارف ااقولك ايه
مش هاقولك وزن و قافية و تعليقاتي السخيفة :)
هاقولك ان الكلام هزني قوي
ويارب تتجمعوا قريب لو انتوا فعلا بعيد
في ناس بيبقوا مع بعض في بيت واحد و ابعد مما تتصوري :)
ربنا يخليكي ليها ويخليها ليكي يارب
ومين غيرها بيستحملنا ؟؟؟؟؟
ربنا يكرمنا ونقدر نوفيهم حقهم وهما يبقو راضيين عننا وندخل الجنة بسببهم :)
تحياتى :)
ربنا يخليها ليكى يارب ويسعدها بانها تشوفك سعيده يارب
ويبلغك رضاها ويبعد عنك سخطها
اللهم امين
ربنا يباركلك فيها
ويديم عليها الصحه والسعاده
فعلا دول بيستحملو كتير اوى
يارب يخلهالك
وقوليلها كل سنه وهيا طيبه
ورمضان كريم ليها وليكى
جوايا قلب شجر مقلوع
بعطش إليكي وأحن واجوع
ياللي أنت حبك حرية
في العشق أه ولا شئ ممنوع
كلماتك جميلة جدا ومعبرة عن حال الغالبية
ربنا يخليكوا لبعض
السلام عليكم
كل سنه وانتى طيبه يا حبيبتى
كلماتك جميله اوى
ربنا يخليلك والدتك ويباركلك
فيها يارب
تقبلى تحياتى
فى حفظ الله
ربنا يخليهالك
دى بلدنا صح هى الوحيده الى تقدر تشيلنا وتستحملنا مفيش غيرها
ازيك يا دعاء يا بلديات وحشتينى قوى
مش عارفة يا دودو حسيتها عن البلد دى مش عن الام بس ...
فى كل الحالات أبدعتى يا حبيبتى
و وحشتينى قوى
هتيجى فطار رمضان و لا هتزعلينى ؟!!
هاتستحملك حتى لو لم تطلبي منها هذا الطلب
عادل
صح كلامك ياعم عادل
ولا تعليق ..
حسن حنفى
ميرسى ياباشا
منور
========
فوكس
اللهم آميين يافوكس
بروميز
اشكرك على الدعاءالجميل
منورنى
==========
همس
وليكى انتى كمان ياقمر وحمدلله على سلامتك
بلدك نورت
======
اسلام
اية الكلام الجامد دا كلو بس
جميل بجد
موناليزا
ويخلينا كلنا لبعض
احبك فى الله
================
ليس فقيرا من يحب
وانت طيب وبخير ديما
ورمضان كريم
البت المشمشية
ويخليهالك انتى كمان ياقمر
=====================
سومة
ياخبر معقولة دى انا صاحية ولا نايمة سومة منورانى ازيك يابنتى وحشاانى جدا بجد ووحشنى كل الناس الحلوة بتاعت زمان
================
فاتيما
لالالالا بجد انا كدة ممكن اتحسد فاتيما وسومة وكمان ورا بعض
ازيك ياأم يوسف وحشاانى اوى والله بجد وكنت نفسى اكون معاكم ف اخر لقاء بس للاسف معرفتش الا بعدها
وان شاء الله هكون موجودة لو محصلش اى جديد بس يكون سبت
وبالنسبة للبوست هو صراحة للاتنين امى وبلدى لانى بعيدة عن الاتنين
تحياتى ليكى ياحبى
لورنس
فعلا يالورنس هى كدة بدون طلب لدرجة ان الواحد بقى بيتكسف من نفسة بجد
سلام يابرنس
اجمل التهاني بحلول شهر رمضان المبارك وكل عام وانتم بخير
فانوسك موجود في الميكروباص
إرسال تعليق