الجمعة، مايو 15، 2009

المهـــــــــزله ...

لن أنكر أنى قد ساهمت بقدر كبير فى هذة المهزله الا أن نواياى الحسنة دائماً ما كانت تسبقنى دون
سابق إذن منى

نعم أعطى ثقتى بسهوله إلا أنى ايضا ً أنتزعها بسهولة أكبر ممن لايستحقها ويستحيل أن تعود مرة أخرى كما كانت .. حتى لو أظهرت غير ذلك وأقنعتهم به

كائن بسيط رقيق احيانا وعنيف احيان يندهش ويثير الدهشة .. الآخر لدية أمر مهم وكبير يستحوذ على قدر كبير من إهتمامى إلا أنى استطيع جيدا التفريق بين الغث والثمين .. لا يمكن لأحدهم أن يخدعنى بسهوله .. لكنة قد يكسب ودى بسهوله

بالمناسبة أنا لست بصدد نشر إعلان للبحث عن شريك للحياه عبر مدونتى بل انى استغلها أسوء إستغلال فى الحديث معها والفضفضة .. هكذا يتحتم علينا أن نفعل حين لا يكون هناك من يستحق أن يشاركك أوقات سعادتك وأوقات حزنك

حكمة جديدة تعلمتها فى الأيام الأخيرة وربما اخترعتها – يـــدك فقط هــى من لا يـــمـــل التربيت على كتفك-
هى واقع أكثر منها حكمة هى نتاج تجارب الكثيرين بالتأكيد ممن مرووا بتلك اللحظة التى مل الجميع فيها من شكواهم .. الشكوى ذاتها تتحول لفعل ممل لمن يقوم بها ..

أوقات فارقة يجب أن تأتى تفصل فيها بين من يحبك شخصا لذيذاً مرحا غير معقد يقضى معك اوقاتا لا بأس بها ومن يستعد لمقاسمتك الحزن دمعه دمعه .. النوع الثانى بالطبع مكانه المريخ فقط حتى لا يرهق أحد نفسة فى عمليات البحث ... دعونى أخبركم أنه ليس موجود حقاً ..

فالجميع تأتى عليه لحظات الملل من الآخر لحظة يكون فيها قد تشبع بالقدر الكافى من الهموم التى انتقلت اليه بفعل العدوى من الشخص الاخر المقرب منه ......

ربما لم تكن تلك الخيانات وهذة البيوع مهازلاً كما أراها أنا وأضخمها لكنة الحس الانسانى التطرف فى الحزن وفى الفرح .. لا وجود لدى للامور الوسط ولا أقبل بها ..

إمتحان جماعى أقمته للجميع دون أن أخبرهم أعداد مهوله دخلت لجان قلبى وعقلى لتخرج بالنتيجة نفسها ... راااااســــــــــــــب .....

الأمر الاكثر جدوى الذى تعلمته ايضا مؤخرا هو ألا أدع هؤلاء يؤثرون فيى فأنا بالفعل على قيد الحياة قبل أن أتعرف اليهم وان شاء ربى فسأظل حتى انتهى من دورى بالكامل دون زيادة أو نقصان يذكر ..

فقط النجاح هو الرد الأوحد على مثل هذة النماذج يبقى النجاح هو الرد الأبلغ على كل من ساهم فى ألمك بقصد أو بدون .. وتبقى التجربه شاهدة عليه وعليك انت ايضا ً لتتيقن تمام اليقين أن شيئاً ما سئ لم يحدث لك الا بمشيئته تعالى .. وليعيننى عليه ان كان فيه خيرى ..

هناك 60 تعليقًا:

hoba.a7la klaam يقول...

عندك حق في كل كلمته قولتليها اصلا انعدمت حاجه اسمها صداقه بمعناها الحقيقي

Ahmed Al-Sabbagh يقول...

دعاء

أنتى تنجحين لإنك جديرة بالنجاح ، ولإنك تستحقينه وليس لتثبتى للأخرين بأنك ناجحة ..
أعتز جداً بفضفضاتك التى تختصين بها مدونتك ، وأحياناً أسمح لنفسى أن أختلسها وأقرأها رغم إنها سر بينك وبين مدونتك
ربما تكونين سريعة الحكم على الناس ؟
ربما تحملين فى قلوب كل من يعرفك إعتزازاً وتقديرً وحباً كبيراً لكن الظروف اللعينة لا تسمح دائماً بإنطلاق كل هذا القدر من الأعتزاز فيظل حبيساً فى صدورهم ؟
الثقة يا عزيزتى
إنتِ جديرة بالنجاح على المستوى الإنسانى والشخصى والعملى
وهلا غفرتى لى تلصصى على فضفضاتك مع مدونتك ؟
:)

احمد

نعكشة يقول...

اسمحيلي يعني أغبطك على الشعور اللي وقلني من خلال قراءتي للبوست

مبعرفش الناس
مبعرفش امتحنهم
وحتى لو الحياة اثبتتلي انهم راسبين مبيأثروش فيا
مبعرفش ادي ثقتي لحد
مبعرفش اخدها من حد لاني مديتهالوش
ملاقيتش غير إيد والدتي ووالدي اللي لا تمل من التربيت عليا
حتى يدي انا تمل من التربيت علي كثيرا و ليس احيانا

معنديش ارا اني اقول انا هنجح عشان ارد عليهم
لإني بحاول انجح عشان بس احسس نفسي للحظة ان ليها لازمة في الحياة

اغبطك و اتمنى من الله ان تكوني محاطة بالكثير و الكثير ممن ينجحوا في الاختبارات القادمة

و ان تتمتعي بالمزيد و المزيد من هذة الارادة و المثابرة و الثقة في النفس

سلام عليكِ

حسن حنفى يقول...

اعتقد ان الصديق اصبح عمله نادره ولكنها موجوده يوجد من يربت علي كتفي يساندي وقت الشده ولكن حتي اجده لابد ان ابحث جيدا واتخلي عن العشوائيه والتسرع

احساس طفلة محبة للرومانسية بس واقعية يقول...

الأمر الاكثر جدوى الذى تعلمته ايضا مؤخرا هو ألا أدع هؤلاء يؤثرون فيى فأنا بالفعل على قيد الحياة قبل أن أتعرف اليهم وان شاء ربى فسأظل حتى انتهى من دورى بالكامل دون زيادة أو نقصان يذكر

عندك حق
فعلا مش لازم نسمح بأى فشل انه يسيطر عليناايوة فشل احنا مخترناش كويس
يمكن كنا مفروض نختار فبل الامتحان
نختار الناس اللى هنمتحنها يمكن الالم يكون اقل
لان اكيد رغم المحاولة والاستمرارية الا انة فية الم بينتج وراء كل اختبار
الصداقة والثقة شئ غالى جدا لازم ندية للى يستحقةمن البداية قبل ما نرجع نخده تانى

فضفضة ممتعة يا دعاء وبتلمس اى حد لانة لازم يكون مر بيها

تقبلى مرورى

romansy يقول...

النجاح هو هدف من اهافنا جميعا نحققه طالما نتنفس فى الحياه ولكن ليس معنى اننا نفشل فهذا نهايه العالم
ولكن الفشل جزء من النجاح
قد تكون هذه الفضفضه شاهد لكى عندما تحققى النجاح فى يوم ما وسوف تتاكدى ان النجاح قريب جدا ولكن يجب ان ننظر الى الاشياء بنظره ايجايبه ونعطى الفرصه ان تعرض كل ما لديها

ماء تشرين يقول...

حاله يشعر بيها الجميع اشعر بكلمك بذلك القدر من الاتزان البعيد عن التطرف في الحكم على الاخرين

يمكننا عزيزتى ان نتبادل الادوار ونضع أنفسنا مكان الاخرين في تلك اللحظه فقط ستهدا قلوبنا وسنجد ابناء المريخ الذين نبحث عنهم

تقبلى كل الود والحب

arsenalwy يقول...

دعاء

فعلا الواحد فى اوقات كتير بيوصل لحالة ملل من صديق معين ولازم يبقى فى فترة انا بسميها بفترة افراغ اللى فيها لازم نساريح من بعض شويه

بس فى النهاية منقدرش نغيش من غير أصدقاء

بدراوى يقول...

كلام أحييك عليه
و انا يمكن نفس المواقف ديه حصلت معايا و بحاول اتغلب عليها

ربنا يوفقك و يكرمك

بدراوى يقول...

**
أحييكى و ليس أحييك
أسف

همس الاحباب يقول...

اعتقد انها فلسفة الحياة التى نعيشها
احسنتى التعبير عن تلك الفلسفة الغريبة التى نحسها بكلمات بسيطة فى حروفها كبيرة فى معناها وقيمتها الداخلية
مزيدا من الابداع والنجاح نتمناه لحضرتك
وبالتوفيق دائما على المستوى الشخصى والعملى
تحياتى

شمس النهار يقول...

دودو تغيبي تغيبي وتنزلي بوست قضيه
ماشي يا ستي
نقول ايه بقا

*انت بتدي ثقتك بسهوله لكن مابتنتزعيهاش بسهوله صدقيني انت بتفضلي تستحملي لحد مابتاخدي قرار الانتزاع وضميرك مرتاح وساعتها فعلا مابتقدريش ترجعيها عشان كده بيكون القرار صح

*وحتي لو خدعك مش مهم المهم انك تعرفي ترجعي من غير خسائر
فلا تعطي ودك بسهوله

*بس ساعات حتي الفضفضه في المدونه بتبقا طرف صعب المنال
بتحسي ان ماعندكيش حاجه تفضفضي بيها حتي الكلام عاجز انه يترجم الفضفضه دي

*وساعات حتي ايدك نفسها بتعجز انها تطبطب عليكي

*صدقيني موجود بس صعب الظهور

*الملل عدوي زي اي مرض
بس لااعتقد ان ممكن الانسان يمل هموم من هو مقرب منه

*ساعات الانسان منا حتي من يؤمن بخير الامور الوسط
بتجيله لحظه بيكون حزنه فيهاارهابي متطرف
عشان ساعتها بيكون الحب اقوي من اعتقاداته

*ياه انت تصحيحك جامد ليه كده
لا انا بكتب علي الورقه غير لئق
عشان الراسب من حقه يعيد الامتحان لكن الغير لائق بيرحل بلا عوده

*ادعوا لك الله ان لايؤثروا عليكي
من الصعب ان كل من يدخل حياتك يأخذ قطعه معه وهو راحل حتي لايتبقا منك شئ
لأحد جديد

*صح يادعاء
ماحدش بياخد غير المكتوب له
والخبطه اللي مابتموتش بتقوي

بس ساعات بتيجي خبطه مابتموتش والا تقوي بس بتكسر

بوست جميل بس دامي حبتين

هو مافيش ضحك في المدونه دي والا ايه

تعالي مدونتي هتلاقي بوست لطيف جدا هيعجبك
ياله خدي تاكسي علي حسابي وتعالي بسرعه

عيون المها يقول...

اولا: ازيك يادودو ليكى وحشه اووووووووى كتييييييير خااااااالص وايام الكليه وحشتنى جدا

ثانيا:البوست بتاعك بجد عجبنى جداا وفعلا مبقاش فى حاجه اسمها صداقه ولا حتى اخلاص ولا وفاء....ويمكن انا كمان اكون زيك بثقك فى الناس بسرعه وللاسف بكتشف كل يوم انى غلط وساعات ببقى عايزه انعزل عن الناس خالص وبحس انه احسن حل

وانا عن نفسى نفسى اوووى الروح عند الناس اللى فى المريخ

ابو على يقول...

ليه تسميها مهزله
محدش بياخداكتر من الى نصيبه على فكره

adel يقول...

بصي كلامك ممكن يكون صح بس مش معني كده ان مفيش صداقة لا في بس بيخونا الاختيار ساعات و الحب كمان كده
في حب و من النوع المريخي بس ازاي نلاقيه و نحافظ عليه هي دي القضية

ادم المصرى يقول...

هذه هيه مصداقيه الحياه والصراع بها يتحكم عليه هذا بس الحمد لله انا الموضوع ده بقيت اعرف اتعامل معاه بوجه نظرى لئنى ممكن من معاملتى مع الناس بقيت اعرف نوايهم من طريقت تعاملهم او التكلم او النظر وهكذا ولكن بحييكى على الفلسفه الجميله والنقاش الاجمل

دعاء مواجهات يقول...

احلى كلام

بصى ياهوبا هى ممكن تكون متعدمتش بس نقوول بقت نادر اوى الصدق بمعناه

تحياتى وحبى
نورتى

دعاء مواجهات يقول...

احمد

لا تستأذن قبل ان تدخل او تقرأ كلام هو من حقك بالفعل أن تقرؤة

اشكرك بشدة على الدفعة القوية والثقة فى شخصيتى وقدرتى على النجاح

اتمنى الا أخذلك

ومبروك ليك .. وبالتوفيق دوما..

دعاء مواجهات يقول...

نعكشة

ربنا يخليكى يارب

وتقدرى تشعرى بكل شئ من الاخرين بصدق حتى تستطيعى التعايش مهم

تحياتى ومحبتى

كنت عاوزة اعرف انتى لية مانعه التعليقات عندك ..؟؟

دا حق القارئ ووظيفة التدوين .

دعاء مواجهات يقول...

حسن حنفى

خلاصة التجربة حتى الان اثبتت غير ما تقول فلنبقى هكذا حتى يجد الجديد

تحياتى لك

دعاء مواجهات يقول...

احساس طفلة محبة للرومانسية

ربما كان الاختبار قاسيا
فاأحاول ان يكوت اكثر سهوله

تحياتى ومودتى

دعاء مواجهات يقول...

عيون المها

انتى مين بالظبط فكرينى ..؟؟

دعاء مواجهات يقول...

ماء تشرين مدونتك بها عطل لا تفتح

ارجو اخبارى حين تحل المشكلة

تحياتى وودى ومحبتى

wesoooooooooo يقول...

هو ده الكلام المظبوط فعلا
يـــدك فقط هــى من لا يـــمـــل التربيت على كتفك-
صح عندك حق وربنا بس الواحد بيقول جايز يكون فيه أمل ويلاقى الصديق
اتمنى لى ولكى انا نجد هذا الذى يربت على أكتافنا ولا يمل
وان يظل بجوارنا وقت الشده
تقبلى مرورى

محمد علي يقول...

كلامك كلة واقعي وصحيح بس لازم نختلق للناس الاعذار مهما كان

يوميات شاب منوفى يقول...

كلامك صحيد بس الصداقة الحقيقية لسة موجودة واكيد هتقابلى حد يكون نعم الصديق وقت الضيق

نعكشة يقول...

انها الظروف

ربما تزول قريباً

ويمكن لأ

Foxology يقول...

سقوط الأقنعة ليس بنهاية الثقة فى النفس :)

المشكلة ان الوحش باة كتير جداااا لدرجة انه غطى على الكويس والصالح !!

تحياتى :)

موناليزا يقول...

متفقة معاكِ قلبا وقالبا

صاحب المضيفة يقول...

جميل ذلك العرض الرائع للنفس والأجمل أن يكون الانسان قادرا على سدر وقائع نفسه بتلك الصورة


كان الله لك وسهل لك كل عسير

حاول تفتكرنى يقول...

ما اجمل الأبتسامة عندما ينتظر الجميع أن تبكي

تحياتي

thunder يقول...

عارفة والله بوست تحفة بجد جداااااا ومكمل لبوست عندى عن الاقنعة وفن الاقنعه اللى الكل بيجيدة واصبحوا اداوات ليه ومن كتر الاقناعة دى دلوقتى متعرفيش تصدقى او تفرقى بين حد وحد ومين بجد الصادق ومين المخادع ادوات المكر احتلت الكل والاغراب بقة ان الكل ماهر اوى فى الفن دا وبيضفاله باسلوبة
دمتِ بكل ود وحب وفى رعاية الله دائما وفعلا كنت عايشية قبل التعرف وهتعيش بعد التعرف المهم ان الدنيا سلم وكل درجة هطلعها مهما المتنى الا انها هترفعنى ومش هنزل تانى

kochia يقول...

انت سميتيها مهزلة
هي فعلا كدة بس ده شئ موجود في الدنيا كتير ومن زمان
لكن نجاحك لازم الدافع بتاعه كمان يكون انت نفسك
من داخلك
وبلاش امتحانات تاني
الناس بقت بليدة
واللي هينجح دايما قليل

تحياتي

ملكة بحجابى يقول...

عظيمة هى الكلمات الحزينة حينما تجمد دمعة على أطراف الحدقة من أجل أن تترك مساحة أوسع للابتسامة
التربيت على أكتافنا أحيانا يكون من ايدى غير ايدينا يادعاء.زيكفى أن نشعر بالأمان لليد ..سيظل أثارها على كتفينا حتى وان اختفى اصحاب اليد

تقبلى مرورى
ملكة بحجابى

enjy يقول...

صح

Adam يقول...

اعتقد ان الصداقه اصبحت شيء نادر جدا وقليلا ما نجدها
انا خاصة اتحسر علي احد الاشخاص ممن كانوا يوهموني بصداقتهم ومع اول موقف لي صعب تركني وحدي

عافنا يارب

اتمني التواصل

ادم

mostafa rayan يقول...

دعاء
اتفق معك في كل كلماتك خاصة جملة ان يدك هي الوحيدة التى لا تمل من ان تربت فوق كتفك
فليعيننا الله على هذه الحياه

___________________


انا بعتلك الحاجة على ميل الهوت ميل لأن ميل الياهو معصلج معايا يلا اشمعنى هو يعنى اللي مش هيعملها معايا
تحياتى ومودتى ليكي دايما

mimi يقول...

دعاء

كلامك حلو اوي واسلوبك عجبني

هاخد لفة وارجعلك

هلوسات يقول...

فعلا نحن فى مهزلة بكل المقاييس
تسلم ايدك

حواديت بنوته يقول...

احييكى على ىالكلام الرائع
صدقتى فى كل كلمه قلتها فنحن فى زمن انعدمت فيه المصداقيه
وصرنا لا نعرف الكذب من الحقيقه
اعجبتنى مدونتك كثيرا واتمنى ان تتقبلى مرورى

دعاء مواجهات يقول...

آرسنلاوى

اكيد طبعا محدش يقدر يعيش بدون صديق ولكن زى ماقولت مش هيستحملك طوول المشوار وبالتالى انت لازم متضغطش علة اوى

تحيااتى

دعاء مواجهات يقول...

بدرواى

تعييش يابرنس

لااازم نعافر فعلا

بيس

دعاء مواجهات يقول...

همس الاحباب

وانا كمان اشكرك على الامنيات الجميلة دى كلها

تحياتى ومودتى

دعاء مواجهات يقول...

شمس النهار

ياخبر ياشموسة انتى لفتتى انتباهى لحتة مهمه اوى
انا فعلا بقيت مصدر للنكد بشكل مش عادى

هحاول اغير الفترة القادمة

اشكرك على كل كلمة وكل دفعة اديتهالى بكلماتك ياقمر

تحياتى وحبى ومودتى ..

دعاء مواجهات يقول...

ابو على

اة طبعا محدش بياخد اكتر من نصيبة

تحياتى
منور

دعاء مواجهات يقول...

عادل

ممكن فعلا

بس انا مقولتش انها معدونة تماما

تحياتى وودى

دعاء مواجهات يقول...

آدم المصرى

جميل جدا ان تفهم الآخر وتستطيع ان تتعامل معه

اشكرك على رايك

لأنى تكتب هكذا

تحياتى وودى .

دعاء مواجهات يقول...

ويسووو

كله بإذن ربنا وحدة

اشكرك علىالامنيةالجميلة

تحياتى

نورتى

دعاء مواجهات يقول...

محمد على

حتى الأعذار ترفض ان تختلق من كثرة ما اصبحت دون معنى ولا هدف

اصبح هذا الفعل امرا ممل حقا

تحياتى

نورتنى

دعاء مواجهات يقول...

يوميات شاب منوفى

مقولتش انها انعدمت ولا اتنى معنديش اصدقاء كتير بثق فيهم

ولكن لااحد يظل يحتملك

تحياتى

دعاء مواجهات يقول...

نعكشة

لا ياستى لااازم تزوول

عشان خاطرى

سلام

دعاء مواجهات يقول...

فوكس

مين قال ان فية فقد ثقة ف النفس لا طبعا دا محصلش الحمد لله

مازلت قادرة على الوقوف والمعافرة

تحياتى ليك

دعاء مواجهات يقول...

موناليزا

اشكرك

نورتى

دعاء مواجهات يقول...

صاحب المضيفة

اشكرك من كل قلبى

=================
حاول تفتكرنى

صح هو كدة بالظبط

شكرا ليك

دعاء مواجهات يقول...

thunder

صح زى ما انت قولت بالظبط مينفعش نتراجع لازم رغما عنا نواصل الصعود

اما عن الاقنعه اعتقد انها احيانا لاتكون عيبا اذا ماكان الانسان على وعى وادراك بها ففى بعض الاحيان تتضطر لاستخدامها وفقا لمن تتعامل معه بشرط الا يكون فى ذلك خداع

تحياتى

دعاء مواجهات يقول...

كوشيا

ههههههههههههههههههههه
تصدقى عندك حق مبقاش حد بيذاكر خلاااص ياجميل

منوراانى ياقمر

==============

ملكة بحجابى

الأمان هو السر المفقود اذا ماوجدناة لارتحنا اين هو ذلك لاامان ..

تحياتى وحبى لكى

دعاء مواجهات يقول...

انجى

وحشااانى

========

آدم

من كثرة هذة الصفعات صدقنى سيأتى عليك يوم تعتادها ستصبح ككلمة صباح لاخير عند بعض الناس لاتقلق لترك احدهم اياك او خداعه

جميعهم هكذا

نورتنى

دعاء مواجهات يقول...

مصطفى ريان

وصل يامعلم لا تقلق

===================

ميمى

نوتى ياجميل

دعاء مواجهات يقول...

هلوسات

اشكرك

نورتينى

دعاء مواجهات يقول...

حودايت بنوته

الا نعرف الكذب من الحقيقة فهذة مشكلتنا نحن لا مشكلة الكاذب يجب ان يدق قلبنا بإخلاص اكر من هذا

نورتى