السبت، مايو 09، 2009

لية محتاجين للحب ؟؟





لية محتاجين للحب؟؟؟؟

ياترى حد فكر مرة احنا لية ديما محتاجين للحب وبنجرى ورااة ؟ولية ديما مش بنوصلة ؟وياترى العيب فينا ولا فى حبايبنا ؟والحب دا ياعينى علية م الاخر كدة ومن وجهة نظرى المتواضعة احنا بنحب علشان محتاجين للحب دة أيا كان مصدرة وبتنقح الحكاية اوى فى حالة فقدان الهوية او عدم

مقدرة الفرد على فهم ذاتة او توصيلها للاخرين وبتنقح اكتر واكتر عند الواحد او الواحدة اللى حاسة ان كل الى حواليها مش فاهمينها وبيعاملوها على انها عيلة او عيل فابالتالى بيلتقى هذا القلب المفقود بالقلب الفقيد ولا ادرى الفرق بين الكلمتين

المهم يعنى بيلتقوا ببعض بطريقة او بأخرى أيا كانت فى الشارع فى النادى او حتى فى الميكروباص ويبدؤا بقى يعيشوا القصة اياها آهات ودموع وقرب وفراق وخيانة والذى منة بس ياترى حد فيهم فكر ان الانسان او الانسانة دى ممكن تكون شريكة حياتة او لآ؟محدش يقوول اة بنفكر لان دى كلها حوارات محفوظة وكلنا عارفينها وبعيدا بقى عن كل الفلسفة السابقة مين فينا سأل نفسة يعنى اية بحبك دى تلك الكلمة الابهامية التى نرددها فى اليوم الواحد عشرات المرات لماما وبابا

مثلا يعنى وللاكل الى بنحبة وللبت او الولد الى بنحبة بالمرة فوق البيعة بس ياترى اية جوهر وأصل الكلمة دى أعتقد ان فهم طبيعة ومعانى الكلمات هى المفتاح لمعرفة قيمتها ...الحب دا غريزة جوانا طبعا واحتياج طبيعى بس الى مش طبيعى اننا نفضل نمثل على روحنا ليا نهار ونوهمها بالحب من أجل فقط ان نحيا قصة ونظل نرويها ونرددها ونستمتع برنة الموبيل امام أصحابنا وننظر لهم تلك النظرة البلهاء مفهومة المغزى ليعرفو مين اللى بيمسد...طبعا كل دة عمرة ما

يكون حب دا ممكن يكون وهم حلم نفسنا نعيشة او كابووس حتى انما الحب الحقيقى هو الى متعرفش سببة اية الى بيجمعك مع انسان ويجذبك ليية دون تخطيط ونية مسبقة الحب مينفعش يجى مع سبق

الاصرار والترصد<الحب ليس قرار ولا يمكن منة الفرار الحب عاطفة تتحرك حين يأتى لها الاوان>فبلاش بقى الواحد يفضل مترصد لكل بنت حوالية ومستنى منها اشارة الحب علشان يندفع فى سبيلة ويبدأ فى مخططاتة المدروسة المحكمة......

هناك 42 تعليقًا:

Unknown يقول...

اول تعليق و اول زيارة
هييييييييييييييييه

Unknown يقول...

تعرفي ان كلامك ده بينطبق علي قصة بكتبها حاليا
و القصة دي واقعية 100%؟

و ساعات برضه البنات بتبقي حابة تعيش الدور او تجرب الولد يمكن يبقي العريس المنتظر و ان مكنش ميضرش

طبعا مبتكلمش عن الكل لكن في نوعيات من الجنسين بتمثل بس الولد مش بيعتبرها العروسة المنتظرة !

ماء تشرين يقول...

صح يادودو بس انا مش مع الحب غير المخطط او الاعجاب لانه عشان يكمل الحب لازم يبقه في جواز وعشان يبقه في جواز لازم يبقه في معاير معينه تكمل هذا الحب تضمن له تلك المعاير الاستمراريه فهمنى طبعا لان الحب محتاج حجات كتير عشان يستمر لكن لو مجرد حب من اجل الحب فده مجرد هبل الحب الحقيقي هو البيستمر مش بيجى على فتره ويقوف هو الحب البيحل المشكلات الكبيره هو الحب المطاطى البيتقبل الصدمات ويستحملها اكيد فهمنى

موضوع فعلا جميل جدا
تقبلى تحياتى

*همسة من الحب والامل* يقول...

بسم الله
جزاكي الله خيرا يا قمر انتي
اول لزياره ليا في مدونتك
جزاكي الله خيرا
ربنا يجعله بميزان حسناتك
بجد معاكي حق الحب بييجي من غير تخطيط
بس جميله اوي مع سبق الاصراد والترصد دي يا عسل
هههههههه
كوني املا .. كوني حبا

كيكى عوووووو يقول...

مممممممممممممممممم
كل شئ بأوانه!@
ازيك ياحاجة اخبارك
بصى انا مش لازم احكى فيلم هندى واقول الظروف ومش الظروف بس ربنا العالم يعنى!!
اصبرى بس على بعد الامتحانات
عوووووو

همس الاحباب يقول...

يااااااه دى فلسفة عميقة عير النفوس البشرية
دمتى مبدعة يا دعاء
بس تعرفى انى اللى بيحب حب حقيقى دايما بينكر وبيخاف من الاعتراف
بالكلمة مع ان افعاله بتفضحه وبتثبت حبه
وفيه ناس كلمة بحبك سهلة على لسانهم وافعالهم غير كده خالص
ربنا يوفقك ويسعدك دائما
تحياتى

Foxology يقول...

الحب احتياج طبيعى جدا وشئ من الفطرة لأكمال الناقص ودى حاجة ربنا خلقنا بيها زى ماهى كدة :)

الأستعجال فى اكمال الناقص ممكن يخلينا نركب حاجة متركبش ومش هتكمل نقصنا والنتيجة طبعا هتكون الفشل

تحياتى :)

احساس طفلة محبة للرومانسية بس واقعية يقول...

الحب ليس قرار ولا يمكن منة الفرار

انتفق واختلف

اختلف معاكى فى جملة ان الحب ليس قرار يعنى مينفعش يكون كدا بس لازم يكون له قرار عشان يكمل يعنى لازم الشخص يقرر يتعرف اكتر على الشخص اللى لاقى اعجابة عشان يقدر يقول انه بيحبة وانة هو دا شريك حياتة

اتفق معاكى ان الحب عاطفة لا يمكن منها الفرار

واتفق معاكى فى ان الشباب اللى بتقرر انها تحب وبتدور على الحب مش بيلاقوة غير فجأة برضو وان كل اللى بيدوروا علية ويهيأ لهم انه حب ما هو الا سراب بيجروا وراه

موضوع منطقى جدا
تقبلى مرورى

الفراشة الصغيرة يقول...

كلام كل صح

بس برضه الحب لحده لا يكفى لحياه امنه سليمه

لازم تتفق معاه اشياء كثير
ومحدش يقولى لا الحب كفايه
وطالما اتنين بيحبوا بعض
يعنى متفقين

بس تفتكر انهى نوع حب احلى
الحب اللى بينتهى بالجواز
ولا الحب اللى بيفضل مفتوح الى مالا نهايه
بالرغم من زواج كل من الطرفين
وعلى فكرة ده موجود فعلا

شمس النهار يقول...

معاكي ان الحب ليس قرار
ولامنه فرار
ولكن الاستمرار او عدمه هو اللي قرار

mohamed ghalia يقول...

لاصرار والترصدالحب ليس قرار ولا يمكن منة الفرار الحب عاطفة تتحرك حين يأتى لها الاوانفبلاش بقى الواحد يفضل مترصد لكل بنت حوالية ومستنى منها اشارة الحب علشان يندفع فى سبيلة ويبدأ فى مخططاتة المدروسة المحكمة.
معاكى حق تمام ومتفق معاكى
معنديش حقيقى أى إضافة

ليكوريكا يقول...

الحب مينفعش يجى مع سبق

الاصرار والترصد

-----------------------------

معاكي قلبا وقالبا

ياريت كل الناس تفهم ده .

Unknown يقول...

دعاء ازيك
---------
عندك حق فى كلامك ، الحب شىء تلقائى عفوى غير مخطط
مينفعش واحد يجى يقول مثلاً
انا قررت أخذ اجازة عشان اروح احب
او عشان بدور على الحب
الحب شىء غير مخطط غير مقصود
مينفعش اقول مثلاً قررت اعمل خطة خمسية احب فيها
كمان الجواز نفس الشىء بس مش بنفس درجة الحب .
----
انا جايب اسمك فى اخر تدوينة ليا
ابقى شوفيها
------
مع تحياتى

الميكروباص يقول...

ولله اللي اعرفه ان الكل محتاج للحب
لكن الكل يبحث عنه ولا يجده
ولولا كده ما كانت الافلام الرومانسيه والمسلسلات التي بها قصص حب ظهرت على الساحه
فتجدي الواحد منا يدخل السينما ويدفع فلوس لكي يشاهد قصة حب يتمنى ان تصبح حقيقه معه ولمنه يشاهدها لأنه يتمناها ولا يجدها!

قلب ارهقته الاحلام يقول...

فعلا الحب مالوش مقدمات

ولا بييجي مع سبق الاصرار والترصد

ولا كانت تبقي عقوبة إعدام هههه

معاكي ف كل كلمة قولتيها بس هو ساعات التوافق الفكري بين اتنين

وفهم لبعض أوي ممكن يخليهم يتهيألهم أنهم بيحبوا بعض
وممكن فعلا يكون حب بس طرف فيهم يرفض حياة الحب ده جواه
ويموت الحب ,,, والله يرحمه بأة :)

تحياتي ليكي ياقمرر ,,,

الست فرويد يقول...

عندك حق
بس العيال معذورين
من يوم ما بيفتحوا عيونهم على الدنيا يلاقوا الاغانى والمسلسلات والافلام والصحاب والجرايد والشعر والقصص والنت واعلانات الشوراع وكل حاجه بتتكلم عن الحب
والشوق للاحساس بيخلى بعضهم ساعات يفتعلوا ويعيش الوهم

ربنا يهدى كل القلوب للحب الحقيقى والوليف الصح فى الوقت الصح


تحياتى لكى يا قمر
وكل الحب
الحب بجد مش كده وكده :)

محمود البدري يقول...

ايه اخبارك


عارفه ليه الواحد علي الحب في كل مكان

علشان حاسس بالغربه في كل مكان برده
يعني زي التايه اللى بيلف حول نفسه

ممكن يلاقي الحب وممكن يلاقي وهم ويفضل عايشه برضه
وممكن يموت وهو لسه بيدور

بس انا الحب الحقيقي هو اللي الواحد يلاقيه بالصدفه

son's egypt يقول...

السلام عليكم
اكيد الحب طبيعية موجود داخل كل نفس انسان
بس مين دلوقتي اللي فعلا يعرف معني الحب
الحب اللي هو اسمي شئ بين المخلوقات كلها

!!! عارفة ... مش عارف ليه يقول...

الموضوع ده قتل بحثاً والفرق بين موضوع والتاني هو التناول وأفتكر إن عرضك مش محتاج تنويه لأني شهادتي في موضعات مدونتك أصبحت مجروحة

------------------

كان في رأي سمعته من نجيب محفوظ في لقاء تلفزيوني في علاقة الرجل بالمرأة وقال:

المرأة بالنسبة للرجل هي محور إهتمامه على مدار حياته
في طفولته هي الأم
وفي شبابه هي الحبيبة
وفي شيخوخته هي الزوجة التي تؤنس وحدته في ايامه الأخيرة

وأعتقد أن وجهة النظر دي تنطبق على علاقة المرأة بالرجل كمان

وإذا كان هناك ماهية للعلاقة دي فمهيتها "الحب"


ومعلش طولت شوية المرة دي بس الحماس اخدني حبتين

وشكراً جزيلاً على كلامك الجميل في ردك على تعليقي اللي فات
وبالنسبة للموضوعات المنشورة لي فإن شاء الله هتكون على المدونة دي

http://cinetulip.blogspot.com

تحياتي لمواجهاتك الجريئة :)

وليد

romansy يقول...

احنا محتاجين للحب دايما علشان يفرحنا
وبرضه علشان يزعلنا
الحب دا زى الشمس بنحبها لما تكون شمس تدفينا فى الشتا
او زى الشمس لما تكون حر جدا شوفى ازاى احنا مش بنحبها

thunder يقول...

بسم الله الله اكبر بجد والله البوست دا تحفة جدااااااااااااااا
وفعلا كانه مرايا للناس اتمنى الجميع
يقف وكانه بيشوف نفسة والكلام دا يواجه لنفسة فعلا والله هنعرف اننا بنغلط فى حقنا وفى مشاعرنا متعمدين
بجد والله البوست روعة
دمتِ بكل ود ديما ومبدعة على طووووووووول
وفى رعاية الله دوماااااااااا

دعاء مواجهات يقول...

ارد على التعليقات اليوم بإذن الله

تحياتى للجميع .

دعاء مواجهات يقول...

المعلم محمد بتاع الطعمية

صح يامعلم

اومال فين سندونشات الطعمية السخنة انت داخل كدة بإيد فاضية ولا اية ؟؟

نورت

دعاء مواجهات يقول...

انا كمان مش مع العشوائية ولكن شئ من التعقل والتفكير اكيد لن يضر

منورة كعادتك

دعاء مواجهات يقول...

همسة من الحب والامل

جميل الاسم الى اخترتية لنفسك عاجبنى اوى بجد

كونى كما اردتى وتمنينى .

دعاء مواجهات يقول...

كيكى

مااشى ياستى

ربنا يعينك ويعيننا كلنا ..

دعاء مواجهات يقول...

همس الاحباب

الصديق والاخ الجميل

افتقد كلماتك كثيرا

كلامك صح بس ممكن لانهم عارفين ان الفعل اهم من الكلام ..

نورت

دعاء مواجهات يقول...

فوكس

احييى فلسفتك الذاتية كثيرا

دمت لمن تحب ..

دعاء مواجهات يقول...

احساس طفلة محبة للرومانسية

تعبيراتك صحيحة لا اعترض عليها ولكن هناك اوقات يصعب فيها اتخاذ القرارات ..

تحياتى وحبى

دعاء مواجهات يقول...

الفراشة الصغيرة

الصح هو الاصح

والصح والعقل والدين والتقاليد تقول ان الحب المشروع بين الرجل والمرأة هو ماينتهى بالزواج

اما الحب المفتوح يعنى الما مفتوحا وجرحا يظل ينزف بلا نهاية

تحياتى

دعاء مواجهات يقول...

شمس النهار

انتى جيتى ع لاحتة الاصعب

القرار دة بيكون فعلا اصعب قرار ممكن حد يتخذة القوة وحدها ويقينك بنفسك هى من تعينك عليه

تحياتى

دعاء مواجهات يقول...

محمد غالية

مجرد زيارتك وتركك تعليق هو فى حد ذاته اضافه

دمت بخير

دعاء مواجهات يقول...

ليكو ريكا

وتفتكر ممكن يفهموا دة ازااى ياليكو

منورنى

دعاء مواجهات يقول...

بدراوى

صح الكلام يامعلم

وميرسيهات على اخر تدوينه

بيس

دعاء مواجهات يقول...

لورنس

اعتقد ان الافلام تظل افلام والتمثيل يظل ايضا كذلك فنحن لسنا بحاجة لمن يعلمنا كيف نحب ولكن بحاجة لان نتعلم كيف نقتنع بمن نحب

تحياتى ومودتى

دعاء مواجهات يقول...

قلب ارهقته الاحلام

ممكن زى ما تقوللى كدة بس دا ممكن يكون من كتر ما فية توافق الانسانب يرفض يصدقة

تحياتى وحبى

دعاء مواجهات يقول...

الست فرويد

والله يات فرويد عندك حق العيال مبقيناش عارفين نعلمهعم اية وكل الاعلام حواليهم بيقولهم ويعلمهم كدة

معلشى ياختى قدرنا

هههههههههههههههههههه

نورتى

دعاء مواجهات يقول...

واحد من الناس

انت اتكيت على حتهم مهمة اوى الغربة

صح هى الغربة

تحياتى

دعاء مواجهات يقول...

ابن مصر

وتقول لمين وتعلم مين

تحياتى

نورت

دعاء مواجهات يقول...

عارفة مش عارف ليه

اولا انت تطول وتعلق وترد كمان على اى تعليق لو تحب

انت دى مدونتك مش زائر فيها

ومتشكرنيش على حقيقة

تحياتى ليك

دعاء مواجهات يقول...

رومانسى

بنحبها رغم عنا وعن كل البشر بنحبها

نورت

دعاء مواجهات يقول...

thunder

اولا انا عاوزة اعرف معنى الاسم بتاعك اية ؟؟

ثانيا ميرسى على مجاملتك الرقيقة

ثالثا نورتنى

سلام