الجمعة، أبريل 24، 2009

كلنا متخان ...




كلنا متخان

كلنا متخان
وكلنا متهان
كلنا مضروب
بالجزمة ف الاحزان

كلنا بنعانى
وكلنا بنهاتى

كلنا بندور
على يوم حقيقى
يوماتى

مهو كلنا مظلوم
وكلنا بيخون

وكلنا يستاهل
يكون علية الدور

مادام عشقنا النوم
وعرفنا معنى اللوم

يبقى ولا هنتقدم
ولا يوم هنبقى لفوق

عايشينها بالمقلوب
ولو فكرنا يبقى
ف اللقمة
بس يادووب

وكلنا متخان
وكلنا بيخون

كلنا بيعيش اللحظة
بس يادووب

وكلنا مستنى
يجى علية الدور

وهيجى يوم الدور
ما احنا عشقنا الهون
......

هناك 29 تعليقًا:

صوت من مصر يقول...

دى ليا انا على اساس انى عاشق للنوم
ولا على اساس انك قولتيلى انت خاين
بهزر طبعا
اولا مش هقولك عجبنى لان حاسس انه رتم وخلاص بصراحه ؟
والجمله الرئيسيه غير معبره عن الباقى
ده كلامى بجد مش نقد على اساس انك بتنقدينى ؟؟؟؟؟؟؟؟؟؟؟

احساس طفلة محبة للرومانسية بس واقعية يقول...

مادام عشقنا النوم
وعرفنا معنى اللوم

يبقى ولا هنتقدم
ولا يوم هنبقى لفوق

تعبير ممتاز عن واقع ملموس والكل حاسس بية من اصغر العلاقات الانسانية لاكبرها
بقت الاولويات متشقلبة ومترتبة ترتيب تنازلى من البسيط للمهم

عجبنى تعبيرك بالاسلوب دا
تقبل مرورى

يوسفيات..محمد يوسف يقول...

"اللهم نويت غتاتة"

يذكرني مطلع القصيدة بقول الشاعر الكبير عادل إمام:

إديها في الكلتش ياإنسان
إديها في الكلتش كمان

عارف الساعة اللي في ايدك بكام
بكااااااااااام بكام


خلصت غتاتة


حتة جامدة مووووت يادعاء

ماء تشرين يقول...

مش هقولك اكتر من انه ده واقع وانه احنا حتى مش هاين علينه نغيره او حتى نقول لا

تقبلى مرورى

Foxology يقول...

يا خبر ابيض

ايه كمية الغلب واليأس دى يا جماعة

انتى يا دعاء ومن قبلك صوت من مصر ع الصبح كدة :)

بكررها >> ابدا بنفسك

وهانت على فكرة هى الدنيا كدة كل لما الشئ بيزيد عن حده >> ينقلب لضده

تحياتى :)

Gannah يقول...

لا مش كلنا يا دعاء
ومصر لسه بخير
لا انت خاينة ولا بتحبى تخونى
لا مش موافقة ولا حد فينا يستحق الخيانة
مالك يا دودو؟؟
حتى الصورة بصراحة مش بحبها
شفتها فى مدونات كتير وبصراحة سيئة قوى
يا بنتى طالما فيه ناس زيك بتسعى للاصلاح يبقى ان شاء الله فيه أمل
روقى يا دودو وصلى على النبى واكتبى حاجة كده بالالوان الفاتحة
مش انا شفت بنوته فى الحرم شبهك تمام
وحشتينى يا دودو
------------
على جنب انا لما قلت لمحمد سافر فأنا مقتنعة جداا باللى بقوله مش معنى كده ان الناس كلها تسافر لكن لما يضيق رزق الانسان ويوصل لمرحلة من اليأس والاحباط يبقى السفر حل مش هروب
يعنى انا مش بقول السفر للسفر
يارب اكون وصلت وجهه نظرى
تحياتى

غير معرف يقول...

كلنا بيعيش اللحظة
بس يادووب

وكلنا مستنى
يجى علية الدور

وهيجى يوم الدور
ما احنا عشقنا الهون


الله على كلامك بجد جميل أوى

بس مش كلنا و الله يا دودو ممكن أغلبنا بس فى ناس فعلا بتعافر و ربنا معاها و نبقى أحنا كمان معاها و زيها

adel يقول...

بنسبة كبيرة كلامك صح
بس مش كلنا نتلام و خلاص
في ناس غصب عنها رضيت بالاوضاع

مـجـنـووون يقول...

زجل بيوصف الواقع الي عيشين فيه

بس علي فكرة في خير كتير في الدنيا بس احنا الي مش وخدين بالنا

تقبلي مروري
مجنووون

Unknown يقول...

كلام جميل اوووى
رغم حزنه

تحياتى يا دعاء
لكلامك و شعرك الجميل
:-)
كلنا متخان
وكلنا متهان
كلنا مضروب
بالجزمة ف الاحزان

كلنا بنعانى
وكلنا بنهاتى

كلنا بندور
على يوم حقيقى
يوماتى

مهو كلنا مظلوم
وكلنا بيخون

وكلنا يستاهل
يكون علية الدور

romansy يقول...

كلنا متهان اه
بس كل واحد متهان بطريقه مختلفه
طرق الاهانه كتير قوى
بس طرق النجاح قليله قوى

نعكشة يقول...

لا اتفق

انا معترضة

مش كله كدة

سلام عليكِ

maiosha يقول...

ليه كده يا دودو

مش كلنا كده .. لسه فيه خير اكيييييييييد

بلاش نفقد الامل على طول كده

قلب ارهقته الاحلام يقول...

جميل تعبيرك عن أحساسك أوي

بس انا مش معاكي ف إن كلنا متخان

وبيخون ... وكلنا متهان ويهين

عشان فيه ناس متقدرش غير انها تدي وبس

لكن متقدرش ترد الاساءة حتي لو أخدت

بالجذمة :)

ويمكن يكون ده قوة مش ضعف بس العيب

ف العصر والزمن والناس ال مبقوش ناس

تحياتي ليكي ياقمرر

حسن حنفى يقول...

كلنا كده بس بيجي يوم وكل واحد مننا بياخد حقه

( آلاء)daughter of egypt يقول...

كلنا كلنا !!!
انا مش من الكلنا دول خاالص

بس كلامك فيه كتير صح

daughter of egypt

كيكى عوووووو يقول...

كلنا بيعيش اللحظة
بس يادووب

وكلنا مستنى
يجى علية الدور

وهيجى يوم الدور
ما احنا عشقنا الهون
**************
لا صعبة اوى دى
ماعلينا...ازيك ياوحشة وحشانى اخبارك واهرامك وجمهوريتك اية!!!
عووووو

kafrawy يقول...

من هانت عليه نفسه كانت اهون عند الناس

وعجبى

mohamed ghalia يقول...

احنا فعلا عشقنا النوم
ربنا يستر علينا
روعة كلماتك يا دعاء
ربنا يزيدك

جلال كمال الجربانى يقول...

السلام عليكم

الفكره جميله
والمعنى واضح جداً
ووصل
وبعدين مبلاش (الجزمه)!!!
شكلها مش ولابد

تحياتى

محمود البدري يقول...

وكلنا مستنى
يجى علية الدور

وهيجى يوم الدور
ما احنا عشقنا الهون

رئـــــيسـة حزب الأحلام يقول...

ازيك يادودو
اخبارك ايه وحشانى
جميلة جدا خاطرتك وفعلا فى الحب بيبقى فى خوف وشك اننا نتحان
تحياتى لكى ياقمر

عَبْدو المَاسِك يقول...

بجد إنتى عليكى دماغ

نصك هايل ...و بيقول حاجات كتير
فعلا إحنا عشقنا الهون

انتى صورتى الموجود فعلا لكن هل إعترافنا ممكن يحفزنا بعد كده اننا نتغير

!!! عارفة ... مش عارف ليه يقول...

مفيش كلام

أقدر أقوله يا دعاء


أعذريني

rovy يقول...

ياااه يا دعاء
برغم زمن الالم و الضياع اللى احنا عايشينه بس حسيت كلماتك صعبه قوى
اصعب شىء فى الدنيا الخيانه
سواء نخون او نتخان .. صدقينى صعب جدا
اكيد فيه و لو بصيص امل علشان يكون فيه ناس وفيه لسه و الدليل هو اننا لسه جوانا ناس بترفض ده و لسه فينا ناس صادقه و وفيه حتى لو كانوا قله لكن موجودين ..
انا حاسه انها لحظات و حتعدى و الدنيا حتنور لك تانى ان شاء الله بس انتى حاولى ارجوكى تدورى على اى جانب منور فيها علشان تشوفيها منه .. دورى و اكيد حتلاقى ان شاء الله .

دمتى بكل خير و سلام

تحياتى

Unknown يقول...

دعاء
ازيك صحيح الخيانة كتير
والوحش اكتر من الحلو لكن اكيد فى خير واكيد لسة فى صدق وان قل
مش كلنا متخان ولا هنخون يبقى فى امل
اذكرك بحديث النبى صلى الله عليه وسلم
الخير فى وفى امتى الى يوم الدين
تحياتى يا قمر

احساس لسه حى يقول...

عزيزتى

معاكى

كلنا متهان كلنا مضروب

كلنا ظالم وكلنا مظلوم

الكلام جميل اوى وعلشان اعلق هكرره

بس اكيد فرق بين ظلمى وظلمك

وفرق معناتى ومعاناتك

وفرق بين تاثير كل حاجه عليكى وتاثيرها على النفوس مش كلها واحده

والاحساس بالوجع مش كله واحد

تحياتى

سلام

شمس النهار يقول...

عارفه يادودو هو مش عشقك للنوم لا هو هروب
بدليل ان ساعات النوم واحده
بس الشاب من احباطه بينام واهله صاحيين وبيصحي واهله نايمين
لكن لو عمل فرصه لنفسه او جاتله فرصه علي طول تلاقي النوم اتظبط وكله بقا تمام

دعاء مواجهات يقول...

تقصير من جانبى غير محدود اعترف به بشدة

وفعلا خارج عن ارادتى

ارجو منكم تقدير حالتى النفسيه

تحياتى للجميع ..