الجمعة، أبريل 17، 2009

السجن إيه ..؟؟؟



السجن إيه ؟؟؟

مسجون وتايه جوا منى
مسجون وبسأل
فيا عنى ..

السجن إيه ؟؟
السجن ليل بيطول
ولا ساعات وتزول

السجن هو السور
ولا بعد السور
ولا قلب السور ..؟؟

عايش بدور عن معنى سجنى
بسأل بدور جوا منى
وجوا كل الكون

بقابل بشر
وعنى أسألهم هو أنا مسجون؟
مش لاقى عنوان للإجابة
وعنى بدور
ما لاقيتنى يوم

حاجة واحدة عرفتها
آخر الطريق
ف الركن الصغير
المنور من غير شموع..

السجن جوا البشر
جوا الروح
السجن رغبة فى البعاد
السجن بإيدينا اتبنى
السجن عمرة ما كان
سبيل ترويض
دا السجن جوا العقل
ساكن ما بين الضلوع
...

هناك 21 تعليقًا:

نعكشة يقول...

السجن جوايا انا
بلف فيه و بدور
ببص هنا و هنا
بحاول اعدي البحور
بس البحور مني
و كل ما اعدي بحر
ابنيلي بحر جديد
و كل ما اكسر سور
ابنيلي سور من حديد

و اقعد اصرخ و انادي
حد يساعدني يا ناس
ولو حد مد ايده
ادور وشي و اقول
هوه انا ليه مش مسموع

سلام عليكِ

romansy يقول...

احنا فعلا سجننا مش حيطان ولا جدران
دا سجننا مننا
واحنا اللى بايدينا نبنيه
حتى لو بنحاول نكسره ممكن ننجح بس برضه بنلاقى روحنا فى سجن تانى

كلماتك جميله قوى يا دعاء

mohamed ghalia يقول...

فعلا أسوأ سجن انى الواحد ينسجن جو منه
تسلم إيديكى على الكلمات دى

صوت من مصر يقول...

السجن مسجون مستنى الفرج
وسجان مستنى الوقت يمر
دعاء بجد تسلم ايدك

بدراوى يقول...

جميلة اووى
الشعر

معنديش كلام كثير اقوله
على موهبتك فى الشعر
اللى معجب بيها

تحياتى

مـجـنـووون يقول...

السجن جوا البشر
جوا الروح
السجن رغبة فى البعاد
السجن بإيدينا اتبنى
السجن عمرة ما كان
سبيل ترويض
دا السجن جوا العقل
ساكن ما بين الضلوع


عندك حق السجن الحقيقي هو جوانا وهو الي بنعمله بايدينا

تقبلي مروري
مجنووون

جنّي يقول...

السلام عليكم

كلمات جميلة ..

بالفعل احيانا نسجن انفسنا في انفسنا ونصادر حريتنا ..

ونقطع السنتنا فنصادر كلماتنا ..

ونلغي عقولنا فنصادر افكارنا ..

ونكمم افواهنا فنصادر صرخاتنا ..

هكذا فهمت معاني كلماتك ..

kafrawy يقول...

ومين مش مسجون جوة ضلوعه

د / ماهر محمود يقول...

يا سجن بابك حديد
وقلبك طاحونة بتهرس الأيام
كنت بحلم بيوم جديد
في زمن بيخاف من الأحلام

سجاني حط في إيدي قيد
وأطمن وسابني و نام
ما يعرفشي إني
جوا مني بركان من الأحلام

adel يقول...

كل منا مسجون في نفسه

و لكن يوجد من يخرج بانتهاء المدة

محمد فارس يقول...

جميل جدا وصفك للسجن
وصف حقيقي
وهو اصعب انواع السجون
لما نكون مسجونين جوانا
السجن رغبة فى البعاد
السجن بإيدينا اتبنى

كلماتك وتعبيراتك رائعه
مع تمنياتي لك ولنا جميعا بأن
يفك الله كروبنا
مع خالص تحياتي

الفراشة الصغيرة يقول...

الدنيا سجن كبير

لمن ينعى همها

ولكن جنه كبيره

لمن يتركها ويزهد لمرضاه الله

حسن حنفى يقول...

الانسان سعات هو بيكون سجن نفسه وبيأبي انه يحرر نفسه وبيفضل سجين ليه

شمس النهار يقول...

شوفي يادودو
اللي يسكت علي سجنه الخصوصي مجرم في حق نفسه
الشاطر اللي يكسر قفل سجنه ويهرب للكون البراح
يتنفس هواء الحريه
عارفه ايه هي الحريه
ان الانسان يكون نفسه نفسه وبس
مايحاولش يسجن نفسه في اي شخصيه اوطبع او يمثل دورمايكونش لاقي نفسه فيه

كيــــــــــــارا يقول...

عايش بدور عن معنى سجنى
بسأل بدور جوا منى
وجوا كل الكون

بقابل بشر
وعنى أسألهم هو أنا مسجون؟
مش لاقى عنوان للإجابة
وعنى بدور
ما لاقيتنى يوم

**************

مالك يابنتي

محمد عتلم يقول...

يعنى انا يوم ما اجى ازورك الاقيكى محبوسه فى السجن ؟ ينفع كده ؟؟
الا تهمتك ايه ؟

سوبيا يقول...

جميييييييييييييييييلة يا دودو

السجن جوا البشر
جوا الروح
السجن رغبة فى البعاد
السجن بإيدينا اتبنى
السجن عمرة ما كان
سبيل ترويض
دا السجن جوا العقل
ساكن ما بين الضلوع

عندك الف حق

Foxology يقول...

لسجن عمرة ما كان
سبيل ترويض
دا السجن جوا العقل
ساكن ما بين الضلوع


كلامك مظبوووط يا دعاء

لو هربنا من السجن اللى جوانا يبقى خلصت خلاص واتحلت لوحدها :)

تحياتى :)

حزيــــــــــــــــــن يقول...

دا نوع من الزجل ولا محاول هللتمرد على المألوف ؟

:)

تحياتى
احمد مهنى

دعاء مواجهات يقول...

عد الترحيب بأحمد مهنى اللى نور البلوج
لأول مرة

احب بس اقولكم انى هرد ع التعليقات اليوم بعد ساعات

تحياتى لكم جميعا ..

good يقول...

AV,無碼,a片免費看,自拍貼圖,伊莉,微風論壇,成人聊天室,成人電影,成人文學,成人貼圖區,成人網站,一葉情貼圖片區,色情漫畫,言情小說,情色論壇,臺灣情色網,色情影片,色情,成人影城,080視訊聊天室,a片,A漫,h漫,麗的色遊戲,同志色教館,AV女優,SEX,咆哮小老鼠,85cc免費影片,正妹牆,ut聊天室,豆豆聊天室,聊天室,情色小說,aio,成人,微風成人,做愛,成人貼圖,18成人,嘟嘟成人網,aio交友愛情館,情色文學,色情小說,色情網站,情色,A片下載,嘟嘟情人色網,成人影片,成人圖片,成人文章,成人小說,成人漫畫,視訊聊天室,性愛,a片,AV女優,聊天室,情色