السجن إيه ؟؟؟
مسجون وتايه جوا منى
مسجون وبسأل
فيا عنى ..
السجن إيه ؟؟
السجن ليل بيطول
ولا ساعات وتزول
السجن هو السور
ولا بعد السور
ولا قلب السور ..؟؟
عايش بدور عن معنى سجنى
بسأل بدور جوا منى
وجوا كل الكون
بقابل بشر
وعنى أسألهم هو أنا مسجون؟
مش لاقى عنوان للإجابة
وعنى بدور
ما لاقيتنى يوم
حاجة واحدة عرفتها
آخر الطريق
ف الركن الصغير
المنور من غير شموع..
السجن جوا البشر
جوا الروح
السجن رغبة فى البعاد
السجن بإيدينا اتبنى
السجن عمرة ما كان
سبيل ترويض
دا السجن جوا العقل
ساكن ما بين الضلوع
...
هناك 20 تعليقًا:
السجن جوايا انا
بلف فيه و بدور
ببص هنا و هنا
بحاول اعدي البحور
بس البحور مني
و كل ما اعدي بحر
ابنيلي بحر جديد
و كل ما اكسر سور
ابنيلي سور من حديد
و اقعد اصرخ و انادي
حد يساعدني يا ناس
ولو حد مد ايده
ادور وشي و اقول
هوه انا ليه مش مسموع
سلام عليكِ
احنا فعلا سجننا مش حيطان ولا جدران
دا سجننا مننا
واحنا اللى بايدينا نبنيه
حتى لو بنحاول نكسره ممكن ننجح بس برضه بنلاقى روحنا فى سجن تانى
كلماتك جميله قوى يا دعاء
فعلا أسوأ سجن انى الواحد ينسجن جو منه
تسلم إيديكى على الكلمات دى
السجن مسجون مستنى الفرج
وسجان مستنى الوقت يمر
دعاء بجد تسلم ايدك
جميلة اووى
الشعر
معنديش كلام كثير اقوله
على موهبتك فى الشعر
اللى معجب بيها
تحياتى
السجن جوا البشر
جوا الروح
السجن رغبة فى البعاد
السجن بإيدينا اتبنى
السجن عمرة ما كان
سبيل ترويض
دا السجن جوا العقل
ساكن ما بين الضلوع
عندك حق السجن الحقيقي هو جوانا وهو الي بنعمله بايدينا
تقبلي مروري
مجنووون
السلام عليكم
كلمات جميلة ..
بالفعل احيانا نسجن انفسنا في انفسنا ونصادر حريتنا ..
ونقطع السنتنا فنصادر كلماتنا ..
ونلغي عقولنا فنصادر افكارنا ..
ونكمم افواهنا فنصادر صرخاتنا ..
هكذا فهمت معاني كلماتك ..
ومين مش مسجون جوة ضلوعه
يا سجن بابك حديد
وقلبك طاحونة بتهرس الأيام
كنت بحلم بيوم جديد
في زمن بيخاف من الأحلام
سجاني حط في إيدي قيد
وأطمن وسابني و نام
ما يعرفشي إني
جوا مني بركان من الأحلام
كل منا مسجون في نفسه
و لكن يوجد من يخرج بانتهاء المدة
جميل جدا وصفك للسجن
وصف حقيقي
وهو اصعب انواع السجون
لما نكون مسجونين جوانا
السجن رغبة فى البعاد
السجن بإيدينا اتبنى
كلماتك وتعبيراتك رائعه
مع تمنياتي لك ولنا جميعا بأن
يفك الله كروبنا
مع خالص تحياتي
الدنيا سجن كبير
لمن ينعى همها
ولكن جنه كبيره
لمن يتركها ويزهد لمرضاه الله
الانسان سعات هو بيكون سجن نفسه وبيأبي انه يحرر نفسه وبيفضل سجين ليه
شوفي يادودو
اللي يسكت علي سجنه الخصوصي مجرم في حق نفسه
الشاطر اللي يكسر قفل سجنه ويهرب للكون البراح
يتنفس هواء الحريه
عارفه ايه هي الحريه
ان الانسان يكون نفسه نفسه وبس
مايحاولش يسجن نفسه في اي شخصيه اوطبع او يمثل دورمايكونش لاقي نفسه فيه
عايش بدور عن معنى سجنى
بسأل بدور جوا منى
وجوا كل الكون
بقابل بشر
وعنى أسألهم هو أنا مسجون؟
مش لاقى عنوان للإجابة
وعنى بدور
ما لاقيتنى يوم
**************
مالك يابنتي
يعنى انا يوم ما اجى ازورك الاقيكى محبوسه فى السجن ؟ ينفع كده ؟؟
الا تهمتك ايه ؟
جميييييييييييييييييلة يا دودو
السجن جوا البشر
جوا الروح
السجن رغبة فى البعاد
السجن بإيدينا اتبنى
السجن عمرة ما كان
سبيل ترويض
دا السجن جوا العقل
ساكن ما بين الضلوع
عندك الف حق
لسجن عمرة ما كان
سبيل ترويض
دا السجن جوا العقل
ساكن ما بين الضلوع
كلامك مظبوووط يا دعاء
لو هربنا من السجن اللى جوانا يبقى خلصت خلاص واتحلت لوحدها :)
تحياتى :)
دا نوع من الزجل ولا محاول هللتمرد على المألوف ؟
:)
تحياتى
احمد مهنى
عد الترحيب بأحمد مهنى اللى نور البلوج
لأول مرة
احب بس اقولكم انى هرد ع التعليقات اليوم بعد ساعات
تحياتى لكم جميعا ..
إرسال تعليق