الخميس، أبريل 09، 2009

السلطه الخضراء ..





أحبها كثيرا ولا أعتبرنى أتممت أكلى إلا إذا تواجدت بقوة على المائدة تمتلك حضورا ً يطغى على كل الأطباق المجاورة لها فى تحد صارخ لقدرتها على البقاء ..

الوانها تبعث فى نفسى البهجه والفرح وربما الأمل فى بعض الأحيان .. أتخذها رمزا ً للصحة والجمال فى آن واحد .. أعتبرها الملكة المتوجه على عرش أطباق قلبى ..

أول ما أسأل عنه عند الجلوس على المائدة .. ربما يخضع أى طبق آخر من الطعام لتجاهلى أو إستغنائى عنه إلاها فدوما كانت الأولى دون منازع ..

إنه وبلا أدنى شك طبق السلاطه الخضراء ولا ادرى لما أسموها بالخضراء مع أنها تحتوى على جميع ألوان الخضر والفاكهه ..

هكذا كانت بالنسبة لى على مدار ما يقرب من 10 سنوات من عمرى هى عمر وعيى على أحداث هذا العالم ...

بدأت مكانتها فى قلبى فى التراجع يوم اكتشفت اقتراب أحرفها من أحرف كلمة مشابهه أكرهها ككرهى لأسوء شئ فى الحياه تلك الكلمة كانت

السُلطه تلك التى تعطى لمن يتولى منصباً كبيرا كان أو صغير .. اكتشفت مؤخرا أن السلطه محور تغيير .. لا يمكن أن تخضع يوم لمسلمات أو قوانين محدودة .. للسلطة غرور .. للسلطة مقادير وحلول ..

قال لى أحدهم حين اشتكيت له خضوعى لرئيس ظالم فى عملى .. أنه أهون كثيرا ً من أى شخص آخر ..وذكر لى أسماء أناس يقفون جوارى ويساندونى .. قال لى لن تعرفى قيمة السلطة التى تخضعين لها حاليا ً إلا لو جربتى أحدهم ...

أصابتنى حالة من الوجوم والشرود .. حالة من التفكير اللا منتهى .. هل يمكن للإنسان أن يتغير 360 درجة لمجرد جلوسة على كرسى السلطة ..السلطة التى أعنيها لا أقصد بها فقط السلطة العليا فحسب وانما كل من تتاح له فرصة الجلوس فى مكان سلطوى يسمح له بممارسة القهر النفسى على الآخرين ..

لعنة السلطه حقا ً تصيب كل من يحصل عليها .. السلطة تؤكد لنا أنه لا ملائكه يحيون على الأرض .. تؤكد أن زمن المثاليات قد ولى إلى حيث لا رجعه ..

سؤال يطاردنى الآن ماذا لو حدث ذات يوم وحصلت عليها هل سأكون نسخة مكررة من أولئك اللذين أمعن فى ذكر عيوبهم ... وأهاجمهم؟؟
هل سيؤثر ذلك القهر الذى تعرضت عليه فى شخصيتى ليحيلنى إلى إمرأة أكثر شراسه ..؟

هل سأتعامل مع من هم دونى بنفس أساليبهم القذرة .. هل ستكون الفرصة حقا ً متاحه أمامى لكى أقتنص حقوقى التى اغتالوها قبل أن تصل إلى ..؟

هل سيتحول الأمر بالنسبة لى إلى ثأر شخصى وفرصه أتيحت مؤخرا ً لرد قليل مما سلب منى قهرا ً ؟؟

ماذا عنك أنت أيها القارئ الآن ....
ماذا لو وليت وأصبح بيدك زمام السلطه ..؟؟ هل سيكون وقت الحساب قد أتى أخيرا ً بعد الكثير من الإنتظار ؟؟؟
أم ستحاول أن تمتهن المثاليه مؤكدا للآخرين أنك لست مثلهم ..؟؟ الأمر يبدو أكثر صعوبه .. التخيل مهما حدث لن يعدو كونة مجرد تخيل لما قد يحدث يوما ًُ ولن يرقى إلى حد الواقع لاذى سيكون قطعا ً ..

حتماً سيبقى السؤال قائما ً حتى تأتيك الفرصه ....
ماذا تظن أنك فاعل بها ...؟؟؟؟؟

أما عن السلاطة الخضراء فقد تراجعت شعبيتها لدى باتت تعنى لى معان أخرى أكثر سوءً وددت لو أنى لم اقع فى حبها يوما ً ... لما يستلزم حضورها أمامى من معان ومواقف أخرى لم تكن تتواجد من قبل ..

ألا لعنة الله على السُلطه ...

هناك 72 تعليقًا:

صوت من مصر يقول...

نعم فقد اصبحت السلطه هى نفسها السلطه سلطه فى حياتنا سلطه فى بطننا
لكن للاسف ليس كل من يمتلك السلطه خائن
يعنى انتى لو اخدتى السلطه هعرف اكيد واحلف انك مننا مش هتخونى ابدا ولا تسرقى حتى
تحياتى لابداعك

صوت من مصر يقول...

نسيت اقولك مش معقد ولا شارب لكنها الحقيقه لماذه نهرب منها دائما

احساس طفلة محبة للرومانسية بس واقعية يقول...

التخيل مهما حدث لن يعدو كونة مجرد تخيل لما قد يحدث يوما ًُ ولن يرقى إلى حد الواقع لاذى سيكون قطعا ً

طيب فى البداية كدا عندى اقتراح غيرى اسم السلطة خليها اى حاجة تانى عشان تعرفى تأكليها وهى ذنبها اية

نيجى للجد

انتى لخصتى الموضوع فى الكلمة اللى فوق دى تخيلات مجرد تخيلات ومش ممكن تكون غير كدالان الانسان بطبعة عندة اراء ولكن لما يتحط فى موقف لا اراديا الظروف برضو بتحكمة
وانا بتكلم على مواقف بسيطة صغيرة فى حياتنا فما بالك بتحمل مسؤلية شعب
؟؟

اول زيارة وان شاء الله مش الاخيرة
تقبلى مرورى

mohamed ghalia يقول...

تعرفى يادعاء
أنا والله مش تمناها أبدا
بخاف زى مقولتى الواحد يفتن بيها
دمتِ بكل الود

محاولة لكسر الصمت يقول...

(لعنة السلطه حقا ً تصيب كل من يحصل عليها .. السلطة تؤكد لنا أنه لا ملائكه يحيون على الأرض)
ربما كانت السلطة حقا لعنة تصيب أصحابها لوكن اسمحي لي يا سيدتي, ليس الجميع يصابون بتلك اللعنة, فهناك من يأخذونا تكليفا لا تشريفا وإن كانوا قلة..
ــــــــــــــــــــــــــــــــــــــــــــ
(ألا لعنة الله على السلطة)
صدقيني المشكلة ليست في السلطة بقدر ما هي فيمن يتقلدونها,,,تحياتي..

فكرة من الزمن ده يقول...

جميل الاسقاط
واشاركك حب وعشق السلطة الخضرا ولكن كرهي للسلطة لم يستطلع تحريك السلطة الخضرا من مكانها في قلبي
لان العيب ليس في السلطة
العيب فيمن يتسلط علينا
كم من سلطان حكم وعدل
تحياتي

mahasen saber يقول...

مقدرش اجاوبك على السؤال يا دعاء الا لما اتحط فيها

يعنى بس انتوا مسكونى اى سلطه خضرا وانا هلتهمها علطول

شمس النهار يقول...

فعلا السلطه مهما عظمت او صغرت تغري صاحبها ذو النفس المريضه علي ظلم الاخريين وسحقهم تنفيس عن مرضه النفسي
لكن الانسان السوي لايفعل ذلك بدليل ان هناك شخصيات محبوبه جدا وهي صاحبت سلطه
*علي فكره ابتديت سلسلة الحب اوعي ماتجيش رأيك يهمني

romansy يقول...

نحبها نكرها
ولكن هل نسيطيع ان نحقق ما تمنيناه لو امتلكنا السلطه
قد نستطيع
ولكن نفقد اشياء كيره

دعاء مواجهات يقول...

صوت من مصر

اشكرك على الثقة اللى مش عارفة انت جايبها منين دى

انا نفسى مش عارفة هعمل اية وقتها ..

نورت

دعاء مواجهات يقول...

احساس طفلة محبة للرومانسيةب س واقعيه

كل دا اسم ؟؟؟؟

بس عجبنى اوى ع فكرة

نورتى

دعاء مواجهات يقول...

محمد غاليه

صح طبعا السلطة دمار على الشخص قبل اللى حوالية

نورت

دعاء مواجهات يقول...

محاولة لكسر الصمت

ممكن اوى يكون كلامك صح

لانى مش بحب التعميم ف اى حاجة

نورت

دعاء مواجهات يقول...

فكرة من الزمن دة

ممكن يكون كلامك صح بس فى اى عصر او اى عهد؟؟

تحياتى ليكى ياقمرة ..

دعاء مواجهات يقول...

محاسن

هههههههههههههههههههه

وانا معاكى ..

نورتى

دعاء مواجهات يقول...

شمس النهار

بجد سلسة الحب دى اتوقع لها نجاح كبير اوى والمهم فعلا ان ارائك كلها محايدة وموضوعية بحييكى عليها

نورتى

دعاء مواجهات يقول...

رومانسى

للسلطة غرور وقدرة على التنازل عن اشياء عديدة قد تكون اهم

تحياتى ليك

نورت

وحي القلم يقول...

فتنة الحكم فتنة عظيمة
ومش سهل ان حد ينجوا منها
ولكن المشكلة ليست في السلطة ولا من يتقلدونها
المشكلة فيمن سمح بهؤلاء أن يتقلدوا الحكم
تقبلي تحياتي

kochia يقول...

ما تكبر احدا الا لعلة يجدها في نفسه !!
اعتقد ان مش اي حد هيتصرف زي اي حد لما يجلس علي كرسي السلطة
هوالظلم سمةالعصر اكيد
لكن ..
موجود من هم يتقون الله في تصرفاتهم
حتي عندما يجلسون علي هذا الكرسي الذميم

وكلي سلطة خضرا ولا يهمك
متخديش حاجة بذنب حاجة
وابتدي رحلة العدل من دلوقتي

تحياتي

Asmaa mahaba يقول...

هههههههههههه
الاتنين واحد والاتنين ملونين والاتنين عليهم كل حاجه
بصى حقولك حاجه الكويس وهو خارج السلطه يبفضل كويس داخل السلطه يعنى الموظف وهو فقير لو ارتشى وهو غنى حيرتشى
الصالح لو غنى او فقير حيفضل صالح
وبصراحه هى اختبار من ربنا وفتنه
مبيقعش فى براثنها الا اللى هو اساسا عنده استعداد للوقوع
وحتجدى الشخص لو زبال حيبقى بلطجى وحيستخدم سلطته فى الشر ونفس الشخص ميكيه وزير البيئه حيفترى برضو
من الاخر هى شخصيات وتدين وامانه

رئـــــيسـة حزب الأحلام يقول...

الله الموضوع جميل جدا وشاغل بالى اوى لانى برده بعانى من السلطة اسمحيلى اقول القذرة اللى بتستغل سلطتها ونفوذها
بس ساعات بنظر من منطلق تانى انها لو مابقتش كدة قد يتهاون البعض فى عمله بس ارجع اقول بس مش لدرجة القهر من الاخر انا بشوف ان صاحب السلطة لابد ان يتمتع بشخصيه متعادلة وبقدر الامكان ماتكونش عندها نقص لان استعمال السلطة فى غير موضعها بيكون قاسى جدا
وانتى وحشانى اكتر واحنا نقدر ننافس ياقمر
تحياتى لكى ياجميل

احساس لسه حى يقول...

عزيزتى

السطلة الخضراء دى مفيدة وجميلة وعلى الاقل عمرها ما هتضر اى انسان

بس لو مفهاش كيماويات

اما بقه السلطة دى بتغير كتير لان فى فرق بين انى اتمنى ان افعل وانى بيدى الفعل

بتفكرينى باللى يقول انا لو جالى مليون جنية ادى فلان اد كده وفلان كده وفلان كده ولو جتله تلاقيه بخيل وميديش اى حد ربع اللى قاله

السلطة كده

وصدقينى الناس مش بتبان حقيقتها الا بالمواقف

المهم متبعديش عن السطلة الخضراء يا ريت

عنب

سلام

دعاء مواجهات يقول...

مصعب صلاح

كلامك بيرجعنا تانى لنفس نقطة البداية انها السلطة الاعلى والتى لانملك تجاهها اى شئ

نورت

دعاء مواجهات يقول...

كوشيا

رحلة العدل حلوة اوى الكلمة دى

حاسة ان وراها معانى كتيير اوى

نورتى بجد ..

دعاء مواجهات يقول...

سومة

واستعداد كمان قبل اى حاجة

صح الكلام ياجميل نورتى

بيس ياقمر

دعاء مواجهات يقول...

رئيسة حزب الاحلام

طبعا ياجميل تقدر ونص كمان

هو فعلا اللى ماسك السلطة المفروض يكون شوية قوى بس مش مفترى يعنى

صح ولا اية .؟؟

سلام ياجميل

دعاء مواجهات يقول...

احساس لسة حى

مهو لو ركزت ف الكلام هتلاقينىب ردو قايلة انو حتى لو تخيلنا التخيل دة هيفضل مجرد تخيل وتصور بس مش اكتر

ولا ايية ..؟

مانجة .

نعكشة يقول...

لو حضرتك قولتي يتحول 360 درجة يعني يلف دايرة كاملة و يرجع زي ما هو
انما لو قلتي 180 درجة يوصل للنقيض

عامتا

معتقدش اني لو قعدت على كرسي هعرف استحمل المسؤلية دية

انا فاكرة في مرة من حياتي كنت قائد معمل في احدى القوافل
كنت كل يوم بليل بعيط من المسؤلية اللي مفروضة عليا اننا نشتغل كويس و ومنضيعش وقت
مابالك بقة مسؤلية شغل كبير

لا احب ان تكون في يدي سُلطة
اما بالنسبة للسلطة
فقد احببتها مؤخراً
بحس انها بترطب عليا بدل الماية الساقعة

بس

سلام عليكِ

صوت من مصر يقول...

دى مش ثقه دى حقيقه
لان كل انسان بيبان من كلامه واعترف بوجودنا كلنا فى الظلام لاننا مع الحق دائما
واعتذر عن قله ادبى البوست الى فات

Gannah يقول...

ازيك يا دودو؟؟؟
السلطة والسُلطة
شوفى يا ستى المنصب اختبار للانسان بيخليكى تشوفيه بدون رتوش ويظهر اللى جواه
كونه يمارس القهر النفسى لانه تعرض له فمش شرط ابدا فيه ناس اتعرضت لقهر فظيع ولكن لما بقت فى السلطة كانت رحمية
واعتقد انك هتكونى كده ان شاء الله
وانتى كمان وحشتينى يا دودو
وكمان كيكى
وأنا لسه بحب السلطة (الخضراء)
تحياتى

دعاء مواجهات يقول...

نعكشة

هو تقريبا الرقم 360 اغرانى وضحك عليا وفهمنى انو اكبر تغيير من 180
ههههههههههههههههه

اكيد السلطة والمسئولية صعبه

بيس

دعاء مواجهات يقول...

صوت من مصر

لا ياعم متقولش كدة انت ف بيتك وليك الحق تقول كل حاجة كل الموضوع ان الكلمة ضايقتنى شوية بس

انما زعلتنى لاااااا

واكيد اى كلمة منك عندى بتضيف

بيس

دعاء مواجهات يقول...

جنه

ربنا يخليكى على حسن ظنك بيا اللى اتمنى انى اكون ادة بجد واسنحقة

مستحيل اكون وحشاكى ..زى ما انتى وحشاانى

دعاء مواجهات يقول...

اقوم حاليا بالرد على البوستات السابقة تابعواا..

اشكركم

دعاء مواجهات يقول...

ادعوكم جميعا لزيارة هذة المدونة المتميزة

http://mhlpyaaa.blogspot.com/

شمس النهار يقول...

بشكرك جدا علي كلامك بس انت انسحبتي ليه من المناقشه حاولي تدخلي معانا في المناقشات
انت كلامك واتجاهاتك جميله كمان انا رديت عليكي وعايزه اعرف ردك ايه

الفراشة الصغيرة يقول...

صدقينى ساعات كتير
بقول لنفسى

استحاله امسك سلطه انا بحس انى مش قدها

علشان اكيد ربنا هيسالنى عليها يوم القيامه

اتمنى كل اللى يوضع فى منصب يراعى ربنا

وصدقينى هتلاقى الدنيا ماشية زى الفل
بس كل واحد يراعى ضميره

دعاء مواجهات يقول...

شمس النهار

اشكرك انك مهتمه برايى بس بجد
انا خلاص مسافرة بكرة الشغل ومش هعرف اتابع

لما اجىابقى اراجع اللى فاتنى

بيس

حاجات جوايا يقول...

يا سُـلطة عرفينى أقراكِ منين وإزاى ؟

( أضم ) السين واتخفىّ ؟؟

ولا ( أفتحها ) بسكين ؟؟

كلمات كتبتها فى سلسلة شموع مضيئة وتذكرتها وانا أقرا كلماتك


حقا لا فرق بين السُـلطة .. والسَـلطة

أما عنى فلن أطمح يوما ما فى منصب سلطوى .. يرعبنى ان اكون يوما مسئولة عن شئون اناس غيرى لا أعرفهم .. قد اخطئ وقد اصيب
فإن اخطأت يا ويلى من ربى ومنهم
وإن أصبت فلن يشكر لى احد


خالص ودى حبيبتى
سالى

Foxology يقول...

آفة العرب .. السيادة

بريق السلطة .. يعمى العيون :)

ربنا يكفينا شر السلطة لأنها شر وأذى للى فايده سلطة وللى حواليه كمان

تحياتى :)

kafrawy يقول...

السلطه المطلقه مفسده مطلقه

السلطه جنون

السلطه بريق زائف

حاول تفتكرنى يقول...

اذا اردنا التعرف على معدن احدهم ، ننظر إليه فى حالة ان يمتلك شىء من اثنين

سُلطة
او مال

تحياتي لفكرك

حسن حنفى يقول...

اعتقد انها حسب قوه النفس اللي نفسه قويه هيستغل السلطه اللي ليه صح واللي عنده ضعف مش هيقدر وغصب عنه هيستغلها غلط

maiosha يقول...

بالظبط يا دعاء
انتى جبتى فى الاخر المفيد
للأسف الواحد بيفضل متبهدل طول عمره .. والوقت اللى بيوصل فيه لمنصب معين بيكون اتبهدل بما فيه الكفاية وبيكون فى قلبه كمية حقد على البشر ملهوش حدود
وابسط كلمة هيقولها لنفسه خليهم يشوفوا اللى انا شوفته .. اشمعنى أنا؟؟

للأسف الإنسان مش بيشوف الا نفسه وبس ومش بيحس بألام حد تانى الأ المه وبس
واول ما بتجيله فرصة ويمسك الكرباج بيتحول فى ثانية لجلاد

*البت المشمشية *حلوة بس شقية * يقول...

هههههه
طبعا السلطة دى افة
واه لو حد جتلو الفرصة ان تكون عصا السلطة في ايدو
محدش بيعرفهم بعد كدة

Hossam يقول...

Heyy Doaa
وحشتينى جدا
بجد دخلتى دخلة عمرى مشفتها على اى مدونة قبل كده
جمعتى بين السلطة والسلطة باختلاف معانيهم بطريقة فعلا تحفة واحييكة عليها
وفعلا انا معاكى لعنة الله على السلطة المستنزفة!
تحياتى صديقتى على الموضوع الرائع
سلام

همس الاحباب يقول...

لا فرق بين السُلطة والسلطه
الكل اصبح سلطه
ولكن مع الاسف الكراسى حقا تغير النفوس
ربما لبريق الجاه والسلطان وربما ان الكرسى له سحر فى النفوس
ولكن دائما كرسى السُلطه سيظل مثل كرسى الحلاق كل واحد يقعد عليه شوية
ولا بقاء الا لله سبحانه وتعالى
وربنا يرحمنا من الكراسى ونفوذها
بجد تسلم ايديكى بوست رائع جدا كعادتك
تحياتى وتقديرى

كيكى عوووووو يقول...

عارفة كان فى قصة قرتها بترد على تسألاتك دى!!
بس للاسف مش فاكرة اسمها
**كان واحد محترم وكان دايما بينتقد السلطة وجت فرصة وبقى فى السلطة....المبادى راحت وكل شء راااااح
اة
عووووووووووو

كيكى عوووووو يقول...

عارفة كان فى قصة قرتها بترد على تسألاتك دى!!
بس للاسف مش فاكرة اسمها
**كان واحد محترم وكان دايما بينتقد السلطة وجت فرصة وبقى فى السلطة....المبادى راحت وكل شء راااااح
اة
عووووووووووو

ألـــــــوان الحيــــــــاة يقول...

والله هو لو البنى ادم مقتنع بمبادئه ومش متشيث بيها كده لسبب او لاخر يبقى مش هتفرق مع سلطة ولا نفوذ ولا شىء يهزه انما لو كان اى كلام يبقى الموضوع سلطه فعلا

بييييييس

محمد علي يقول...

طبعااكتر حاجتين بيغيروا الانسان هم الفلوس والسلطة فمعظم الناس اللي بيتخيلوا نفسهم في اماكن قيادية بيتخيل انه هيعمل الخير وانة مش هيتغير وانة هيحاول يصلح اللي اتعمل قبله و...ويعدين لما يتحط في المنصب ينسى كل احلامة ومخططانه السابقةاو حتى لو متغيرش بيواجه هواجس ومغريات تحاول ان تثنيه عن سياسته ويتناسى مبادئه وعالعموم انا شايف ان المصريين خاصة فيهم الحتة دي لاحظي (في اصغر المناصب) تلاقي السلطوي عايش اللحظة وبتنطط عاللي تحته وبدليل.....

محمود البدري يقول...

ازيك وحشتني كتاباتك والله العظيم

علي فكره انا لو امتلك سلطه هبقي مفتري لأني لو مبقتش مفتري السلطه مش هتدوم ساعه واحده

اما عنك انتي مفتكرش ان السلطه هتغيرك اوي يعني ممكن شوي


وبس

روابط يقول...

عزيزتى

السلطة مفسدة, كما قال ابن خلدون, وكون اخدهم يجلس على الكرسى الكبير فهى فرصة لتعرفيه على حقيقته

اما السلطة الخصراء, فمن لا يحبها بحضورها البهى على المائدة

خالص سلطاتى

!!! عارفة ... مش عارف ليه يقول...

والله يا دعاء

عن تجربة شخصية مارست تلك السلطة بنسب مختلفة وأوقات مختلفة

والحمد لله أحسب أني تركت إنطباع جيد لدى من كنت أمارس عليهم سلطاتي اللهم من كان بالإساس ممن هم ضعاف النفوس، وهناك بعد آخر للسلطة فالعلاقة طردية بمعنى أن من في السلطة هذا يجد أيضاً دسائس ومكائد من المحيطين به للنيل منه والجلوس مكانه.

ونظراً لندرة المتاح فقد أصبح الأمر أكثر حدة بين الرئيس والمرؤسين كلاهما يريد الفتك بالآخر ... وليس من الممكن أن تستقيم الأمور هكذا ، جميع الأطراف تعمل تحت ضغوط ، ومنافسة غير نزيه

بهذه الكيفية لا أعتقد أنه من الممكن أن نصبح مجتمعاً منتجاً ... ونحن بمثل هذه السوءات

---------

أعتذر عن غيابي الفترة الماضية ، لكن كلما سمحت الظروف دوماً أول ما أفتش عليه هو ماذا قدمت دعاء من جديد


خالص تقديري وإحترامي
وليد

ميرو انتكة يقول...

السلام عليكم

ازيك يا دودى اخبارك ايه يا جميل

بجد العنوان حلو قوى على فكرة وفعلا شدنى من الاول

بس فعلا بلاش نعمم فى كل حاجة اكيد كتير من الى عندهم سلطة بيبحوا يستفادوا بيها بس برده لسة فيه نوادر كويسين فى البلد هما اه كمية صغيرة قوى بس ربنا يهدى الباقى ويحمى مصر منهم

سلامة سلامة يا جميل ....

دعاء مواجهات يقول...

الفراشة الصغير

ياريت بجد دة يحصل

ماكانش حد غلب

نورتى

دعاء مواجهات يقول...

سالى

جميلة هى كلماتك بل رائعه

ليت الامر بيدنا

نورتينى

دعاء مواجهات يقول...

فوكس

يعنى تعتقد ان دة عند العرب بس
ولا اية ؟؟

دعاء مواجهات يقول...

كفراوى

جنون يعنى هى اللىب تسبب الجنون ولا هى من مترتبات الجنون ؟؟

نورت

دعاء مواجهات يقول...

حاول تفتكرنى

اكيد الاثنين من لامفاتن الكبرى

وقانا الله شرهما

نورت

دعاء مواجهات يقول...

حسن حنفى

النفوس كلها اصبحت ضعيفة الا من رحم ربى

نورت

دعاء مواجهات يقول...

ميوشة

صح ياميشو اتقالتلى الكلمة دى فعلا

ان كتر قسوة الزمن بتعلم القسوة والعنف بمجرد ما تيجى السلطة

وحشانى يابت انتى

دعاء مواجهات يقول...

البت المشمشية

ولا قبل كدة وحياتك ياقمر

ههههههههههههههههههه

دعاء مواجهات يقول...

حسام

انا اللى مبسوطة اكتر ان الكلام عجبك

وبجد رايك بيزود منى

نورت

دعاء مواجهات يقول...

همس الاحباب

هههههههههههههههههههههههههه
عجبنى اوى تعبير كرسى الحلاق

تشبية صح فعلا ملوش حل

منور ياابو همس

دعاء مواجهات يقول...

كيكى

مهو دة الى يفرسك سااوختى

ان كلو بيعمل فيا الشريف لحد ما يمسك الكرسى بس

وتلاقية اتقلب

وحشاانى يابت هتنضربى صدقينى

بيس

دعاء مواجهات يقول...

رودى هانم

مش اقتناع بقدر ما هو قوة موقف وثبات عليه ياجميل

نورتينى

دعاء مواجهات يقول...

محمد على

انا معاك ف كلامك اوى ع فكرة

كل كلمة قولتها صح غرور النفس والمنصب دا داء لم يخترعوا له دواء بعد

نورت

دعاء مواجهات يقول...

واحد من الناس

انت فينك ياعم اختفيت كدة

انا كمان مفتقدة وجودك عندى بتعليقات

بس حلو هتتغيرى شوية بس دى

ههههههههههههههههههه
وحلو كمان ان الواحد لو مبقاش مفترى السلطة مش هتدوم

بيس

دعاء مواجهات يقول...

حازم سويلم

السلطات وصلت يامعلم

شكرا ..

فين بقى الاكل .؟؟؟

دعاء مواجهات يقول...

عارفة مش عارف ليه

كل كلمة قولتها انا حساها وشايفاها بشكل مرعب فى جميع المناصب واماكن العمل فى كل مكان
....

متابعتك وبحق شرف اتمنى ان استمر فى الحصول عليه ..

دعاء مواجهات يقول...

ميرو انتكه

انا طبعا مش بعمم ياحبيبة قلبى

بس الكويس بقى يكاد يكون غير مرئى

نورتى