السبت، ديسمبر 20، 2008

طب لية بنحب..!!


طب لية بنحب …!!


ياترى حد فكر مرة احنا لية ديما محتاجين للحب وبنجرى ورااة ؟ولية ديما مش بنوصلة ؟وياترى العيب فينا ولا فى حبايبنا ؟والحب دا ياعينى علية م الاخر كدة ومن وجهة نظرى المتواضعة احنا بنحب علشان محتاجين للحب دة أيا كان مصدرة وبتنقح الحكاية اوى فى حالة فقدان الهوية او عدم مقدرة الفرد على فهم ذاتة او توصيلها للاخرين وبتنقح اكتر واكتر عند الواحد او الواحدة اللى حاسة ان كل الى حواليها مش فاهمينها وبيعاملوها على انها عيلة او عيل فابالتالى بيلتقى هذا القلب المفقود بالقلب الفقيد

ولا ادرى الفرق بين الكلمتين المهم يعنى بيلتقوا ببعض بطريقة او بأخرى أيا كانت فى الشارع فى النادى او حتى فى الميكروباص ويبدؤا بقى يعيشوا القصة اياها آهات ودموع وقرب وفراق وخيانة والذى منة بس ياترى حد فيهم فكر ان الانسان او الانسانة دى ممكن تكون شريكة حياتة او لآ؟محدش يقوول اة بنفكر لان دى كلها حوارات محفوظة وكلنا عارفينها وبعيدا بقى عن كل الفلسفة السابقة
مين فينا سأل نفسة يعنى اية بحبك دى تلك الكلمة الابهامية التى نرددها فى اليوم الواحد عشرات المرات لماما وبابا مثلا يعنى وللاكل الى بنحبة وللبت او الولد الى بنحبة بالمرة فوق البيعة بس ياترى اية جوهر وأصل الكلمة دى أعتقد ان فهم طبيعة ومعانى الكلمات هى المفتاح لمعرفة قيمتها ...
الحب دا غريزة جوانا طبعا واحتياج طبيعى بس الى مش طبيعى اننا نفضل نمثل على روحنا ليا نهار ونوهمها بالحب من أجل فقط ان نحيا قصة ونظل نرويها ونرددها ونستمتع برنة الموبيل امام أصحابنا وننظر لهم تلك النظرة البلهاء مفهومة المغزى ليعرفو مين اللى بيمسد...طبعا كل دة عمرة ما يكون حب دا ممكن يكون وهم حلم نفسنا نعيشة او كابووس حتى

انما الحب الحقيقى هو الى متعرفش سببة اية الى بيجمعك مع انسان ويجذبك ليية دون تخطيط ونية مسبقة الحب مينفعش يجى مع سبق الاصرار والترصد<الحب ليس قرار ولا يمكن منة الفرار الحب عاطفة تتحرك حين يأتى لها الاوان>فبلاش بقى الواحد يفضل مترصد لكل بنت حوالية ومستنى منها اشارة الحب علشان يندفع فى سبيلة
ويبدأ فى مخططاتة المدروسة المحكمة......

هناك 71 تعليقًا:

Gannah يقول...

السلام عليكم
ازيك يا دودو؟
وحشتنى مواجهاتك
طب اقول ايه ؟؟؟
ده سؤال ده؟؟
علشان نتكامل مع شخص اخر
علشان نجد من يقبلنا بمميزاتنا وعيوبنا
علشان نشعر بجمال الكون
اما عننا كبنات
فعلشان احنا شوية سورى فى الكلمة
عندنا شوية عبط على تخلف عقلى :)
الجملة الاخيرة دى بينى وبينك بس
دودو انى احبك فى الله
يعنى ايه؟؟
يعنى احبك اعلى درجات الحب
حب بدون مصلحة
تحياتى

الازهرى يقول...

العزيزة دعاء

الحب كما قلت شعور داخلى وغريزة مفطورون عليها

ولكن من يسىء استخدامها هو من يضع لها معنى سيئا فى الذهن وهؤلاء لا يحبون ولا تعرف قلوبهم معنى الحب فهو ليس كل ما يتظاهرون به

تحياتى دوما

Mafrousa يقول...

دودو
ازيك يا قمرة

كل سنة و انتى طيبة و بخير
يسلم قلمك يا بنتى
الحب غريزة
و ربنا حثنا اننا نتحكم فى غرائزنا
و الحب الطبيعي زي ما انتى قلتي بيجي لوحدة بدون تخطيط او رسم او عمل خطط
و لكن بيتوجد بدون مجهود
و لكن اللى بنعمله منشطات زهنه علشان نوجدة
ده مش بيكون حب قوي و غالبا ما بينتهي بالفشل و الاوجاع و الالام

الحب الوحيد اللى لابد من عمل تنشيط زهنى و تنشيط كل الحواس له
هوه حب الله و هوه الحب اللى عمره ما بينتهي بالاوجاع
ربنا يجمع الامه كلها على حب الله

Foxology يقول...

الموضوع كبير يا دعاء :)

لكن من وجهة نظرى اللى ممكن تكون صح وممكن تكون غلط .. لما اقول للأنسانة اللى بحبها .. بحبك .. يبقى انا بقطع عهد على نفسى قبل ما اعادها هى نفسها بأنى اكون قد الكلمة دى .. يعنى اكون منتمى ليها .. احافظ عليها .. اخاف على علاقتنا .. اعمل اللى اقدر عليه واللى مقدرش عليه علشان تكون شريكة حياتى ومستقبلنا واحد .. حاجات كتيرة اوى تتعمل لكن المهم انها فعلا تتعمل لو كان الشعور حقيقى ومن جوة مش مجرد كلمة على الشفايف تخلص وتموت اول ما تتنطق :)

معشل طولت بس فى كلام اكتر من كدة ممكن يتقال وعلى فكرة انا ضد انى اكون انسان مراهق بحب على نفسى وانا ماشى كدة والحمد لله عن نفسى ارتبط وبداية الأرتباط ( باينو مراتى دلوقتى ) كان رسمى جدااااا وكان الموضوع جد من الأول لأن الحاجات دى مينفعش فيها هزار

تحياتى :)

SemSem يقول...

موضوع جمييييل اوى

انا شايف ان الحب ماهو الا ارتباط روحى وعقلى وفكرى فى نفس الوقت بين شخصين اندمجا سويا فصارا شخصا واحدا

اما اسمى انواع الحب فهو حب الله ورسوله
اللهم اجعلنا لنبيك من المحبين

تحيااااااااتى

ميرا ( وومن ) يقول...

يا مواجهاتك

سؤال منطقي وكلام معقول بس مش كل الناس هاتقدر تنفذه

هاتفضل دايما الحاجة للحب ملحة وضاغطة كجزء من تقديرنا لذواتنا

نعم احيانا نسير وراء وهم الحب للحب فقط لملء هذا الشعور بالإحتياج

ليس جميع الناس لديهم القدرة علي ضبط عواطفهم ومشاعرهم والتبصر بنتائج افاعالهم
نعيش في عالم العبث فمرحبا بك فيه

خالص تحياتي

kochia يقول...

عشان الحب حاجة داخلية واستقرار نفسي وعاطفي
ساعات بنكدب علي نفسنا ونتصنعه يمكن نوصل له
ساعات بمثل الحب عشان نعيش حالة الحب

والحب بيبتدي من الطرف الاول دائما
يعني بيبتدي عند كل واحد من جواه

يعني برده يشعر بميل وحب لشخص اخر .. وحتي لو الاخر لاحظ وابتدي يبادله مش هيبادله الا لانه هو كمان بدا عنده نفس الشئ

ومش عشان رد فعل
الحب مش رد فعل
هو فعل في كل الاحوال

عشان ايه
بس الاستقرار النفسي والعاطفي اللي بيحتاجهم كل انسان
حتي لو تمثيل مش حقيقة
زي البرشام المهدئ
مجرد عقار

مسعدة يقول...

للاسف الحب عندنا بقى مبهم ومش واضح المعالم
تحياتى

nigro يقول...

فيه مواضيع الواحد بيقراها عادي زي قراية الجرنال كده

و فيه مواضيع الواحد لما بيقراها بيتفاعل معاها تفاعل المعرفة بعد جهل

و فيه مواضيع الواحد بيتأثر بيها و بتدوس على شيء جواه تفكّره بيه

و فيه مواضيع " نادرة " الواحد لما بقراها بيحس كأنه بيقرأ تفكيره في كلمات الآخرين

و أهو موضوعك ده بقى يا دعاء عمل فيا التأثير الأخير ده
أنا لا هأناقشك في الموضوع ولا هأتفلسف في الكلام
بس هأقولك
تفكيرك عالي
بس



يلا سلام

"النجم القادم" يقول...

اهلا بيكى يا دعاء

فينك مش بتسالى يعنى

بصى الحب ده اجمل شئ فى الحياة

وبنحب لاننا ماينفعش نعيش من غير الحب

الحب ده عامل زى المونه اللى بين الطوب

ساعة ما نبنى بيت

الحب ده عامل زى المعجون اللى بنعجبن بيه

الحب لازم ولابد


تحياتى ليكى وتعالى نورينا

mohamed ghalia يقول...

بجد إنتى قولتى عن النظرة
الحقيقية للحب
سلم لكى قلمك
دمتى بكل الود

هاني فؤاد يقول...

الحب هو الاحتياج والرغبة في مشاركة شخص لاحلامنا والامنا وهو الاحساس بالرغبة في الحياة وتكملة المسيرة..من الصعب ايجاد تفسير للحب لكن في الغالب له اكثر من شكل بحسب وضع وظروف الشخص فمثلا الشخص الناجح ينظر للحب من منظور الرغبة واستمرار للحياة السعيدة اما الشخص المحبط فيرغب في الشعور بالامان والاطمئنان وقد يصل به الي درجة ان يكون الطرف الاخر كل شيء ولهذا مردود خطير قد يدمر هذا الشخص المحبط..وقد يكون للحب شكل وسطي بين الحالتين

دكتور بهــدوء يقول...

انا رجعت وكتبت بوست تخيّلي
وعن تصوراتي عن الحب
او عن نوع من الحب عشان كده
مدخلتوش ومش خايف ني ادخلو
بس يمكن
مش عايز



بيس يا دودو

حسن حنفى يقول...

اعتقد ان مش الانسان هو اللي بيقرر امتي يحب

دمتي بخير

شفـقــة و إحســــان يقول...

يا سيدى على الحكم والكلام الموزون
ايه ده يا دودو انا لو منك امسك باب القلوب
كلامك مؤثر بجد يا دعاء
بس زى ما قلتى الحب ده غريزة ما ينفعش ما يبقاش موجود ولا له وجود لكن المفروض اننا نحسن استغلاله ونوجهه للى يستاهله ويحافظ عليه

Unknown يقول...

والنبى يا دودو يا اوختشى معرفش اديكى امارة فى هذا الموضوع الشائك (وش بيبص يمين وشمال) بس عموما يعنى كلامك عقلانى جدا وموزون بس برررررررررررررررررررردو مديكيش امارة خالص نوهائى

مــها العباسى يقول...

انما الحب الحقيقى هو الى متعرفش سببة اية الى بيجمعك مع انسان ويجذبك ليية دون تخطيط ونية مسبقة الحب مينفعش يجى مع سبق الاصرار والترصدفبلاش بقى الواحد يفضل مترصد لكل بنت حوالية ومستنى منها اشارة الحب علشان يندفع فى سبيلة
ويبدأ فى مخططاتة المدروسة المحكمة......
=====================
دعاء
الحب فعلا قضاء وقدر
مفيش ليه ولا ازاى
قضاء وقدر

أحــوال الهـوي يقول...

ليس كل ما في الحياة يجب ان يفهم و خصوصا الحب ... فهو نعمة لا يدركها الا القليل و لا يحسها الا المحظوظين
فان كنت احد هؤلاء فلا تتعب حالك بالبحث عن سبب حظك

و ملك الملوك اذا وهب لا تسالن عن السبب
تحياتي

mr_raafat يقول...

العزيزة دعاء
لا يحتاج الحب إلي أسئلة واستفسارات لماذا نحب ومن نحب
المفروض أن علاقاتنا تتم بطريقة طبيعية وبشكل شرعي ونفترض حسن النية بيننا جميعا وفي النهاية يتكون هذا الشعور الجميل الذي نسميه الحب لا لمصلحة ولا لهدف ولا تمثيل ونبتعد عن الميوعة والكلام الـ .... ونكون عمليين ونسأل .
من هو ؟ ماذا يريد ؟ وكيف تكون علاقتنا منطقية ولا نشعر بالحرج إذا عرفها أحد ساعتها فقط سنشعر بالسعادة والهدوء النفسي
أتمني لك كل السعادة والحب الحقيقي المبني علي الصراحة والوضوح
دمت سعيدة

بسبوسة يقول...

هو الانجذاب..الغير طبيعى

mr_raafat يقول...

عزيزتي / دعاء
بارك الله فيك موضوعاتك جدا جميلة وجذابة وتنم عن فكر عميق
ودعوة مقبولة أيتها الصحفية الشابة
أبنائنا فلذات أكبادنا تمشي علي الأرض .
عزيزتي ....
قد يري الواحد منا أنه علي صواب مع أن الناس جميعا يرونه علي خطأ لذا علينا أن نأخذ بأيديهم ونريهم الطريق هم فقط يحتاجون التوجيه برفق وعناية دون وصاية كذلك حتي لا يركبهم العناد وكل منا يقوم بدوره.
تقبلي كل تحياتي واحترامي

شمس النهار يقول...

البوست موضوعه كبير عايز قعده وانا لسه تعبانه بس اوعدك ان لازم ان شاء الله اجي تاني واعلق انا بس حبيت ادخل اسلم عليكي
وعلي فكره مش مهم نحب المهم نحب صح ازاي هبقا اقولك

Unknown يقول...

دعاء مواجهات
السلام عليكم ورحمة الله وبركاته
أحيى قلمك الراقى وفكر الناضج
وتقبلى مرورى وتقديرى واحترامى
أخوك
محمد

Unknown يقول...

السلام عليكم ورحمه الله وبركاته
دعاء ....تحيه طيبه من قلب ينبض بحب غير
الحب عند كثير من الناس...طبعا الحب انواع وموضوعك كبير قوي مش صغير ومحتاج كثير من القيم والمبادئ و الأخلاق التي يجب الأحتكام اليها لمعرفه الحب الصحيح من غيره ...أما الي بيحصل في رنات الموبايل بين البنات والعيال ...معلهش ما تزعليش مني دا مش حب ...دي لا مؤاخذه ...قلــــ .......شكرا دعاء علي زيارتك ولك الف تحيه علي موضوعك الراقي ....

فشكووول يقول...

العزيزه دعاء مواجهات .. تحياتى
شوفى بقى احدث تعريف للحب .. هو حاجه من حاجات الانسان .. ربنا خلقها فينا .. لكن لكل شيئ مكانه ووضعه .. واذا كان الحب فى مكانه وكان فى وضعه الذى شرعه الله .. فهو احب الحب واذا لم يكن كذلك فهو نقمة الحب وبين نقمة الحب واحب الحب ... مسافاااااااات .. تحياتى

كيكى عوووووو يقول...

بنحب علشان دة شئ غريزى جوانا؟؟؟
ام الحب.....فهو احساس صادق احساس دافئ..احساس..قمة فى الرقة والحنية...احساس بيجئ لوحدة ..فلا فائدة من انتظارة1!1!
***************************
دودو حبيبتى اناى عيانة فعلا
عااااااااااااااااااااااا
العين صبتنى. اهى اهى..بس الحمد الله بتحسن شوية دور برد فظيع والله ربنا يخليكى ليا***
على فكرة***الترنيمة وصلت بس معرفتش انزلها اظاهر عندى مشاكل فى الكمبيوتر عندى..ومش عارفة انزل الياهو كمان علشان التحميل ميت مشاكل كتير عندى بليييييييييز بقى اكتبيها وابعتيها تانى ضروروى اموووووووووووووت واشوفها متبعتهاش فى فايل اكتبيها معلش عايزة اشوفها بقى
عااااااااااااااااااا
عوووووووووووو

رئـــــيسـة حزب الأحلام يقول...

ازيك يااحلى دودو
انا شايفة ان الحب من احلى الاشياء اللى بتخلينا نشعر بالسعادة بس اهم حاجة فى الحب انه يكون صادق لان لو مافيش صدق هيبقى مالوش معنى الواحد بيدعى ان ربنا يرزقنا الصدق بس
تحياتى لكى ياقمر وانتى بجد وحشانى
احبك فى الله

مـجـنـووون يقول...

مساااااء العسل يا جميل

الحب كلمة كبيرة قوي والي تكون الكلمة بتطلع منه سهله يبقي ميعرفش معني الكلمة

الي بيحب صعب قوي يقول كلمة بحبك للي بيحبه لأنه لو قال الكلمة دي بيبقي خايف من رد الفعل وايه الي هيحصل بعدها


وطبعاعندك حق مفيش حب بيجي مع سبق الأصرار والترصد لأن دي حاجه مش بايد حد خالص ولا بيتحكم فيها حد والدليل ممكن تلاقي واحد جميل يتجوز واحده وحشه وممكن تلاقي العكس وأكيد الي جمعهم ببعض هو الحب وبس

أما بقي بالنسبه للرساله الي بتوجيها للرجاله فياريت توجهيها كمان للبنات
مش بس الرجاله الي بتنتظر كلمة او نظرة من بنت علشان يجروا وراهم

ولكن في بنات بتستني نظره او كلمة من راجل علشان تجري وراه

وأسالي مجرب ههههههههههههه

وبعدين لو علي المخططات فالبنات أحلي ناس تفهم في فن التخطيط والمخطاطات العسكرية للقضاء علي الراجل

قال الله تعالي ( أن كيدهن عظيم ) صدق الله العظيم

والرسول عليه الصلاة والسلام قال ( أشد ما أخاف علي أمتي من بعدي النساء )

شفتي قال النساء مش الرجاله

تقبلي مروري
مجنووون

عمرو يقول...

((انما الحب الحقيقى هو الى متعرفش سببة اية الى بيجمعك مع انسان ويجذبك ليية دون تخطيط و نية مسبقة))

أنتى بالكلمتين دول بجد جبتى المفيد و لا تعليق عندى أكتر من اللى قلتيه

انا حره يقول...

المشكله كمان فالسطرين الاخرانيين دول

ناس بتبقى متاكده انها مجرد عاوزه تعيش حاله الحب دى بس تقولك لالالالا دا روحى دا حياتى وافلام بقى بتالفها وعند اول فرصه حقيقيه للارتباط الرسمى بتنفضله زى مابيقولو وتسيبه بقى يعيش فيلم الخيانه والعكس

انا عن نفسى مقتنعه ان الوحيد اللى يستاهل الحب دا هوا الزوج او الزوجه وبلاش لعب عيال بقى

دعاء مواجهات يقول...

جنه

وانا والله بمووت فيكى يااجمل اخت واكبر مكسب من عالم التدوين كلوو

ربنا يخليكى ليا

ويوفقك يارب ويديكى كل امانيكى .

دعاء مواجهات يقول...

الازهرى

عندك حق نحن من يسئ للحب

ولمعانية ومقصدة

تحياتى ومودتى

دعاء مواجهات يقول...

مفروسة

حبيبة قلبى كل كلمة قولتيها صح

الطبيعى بس هو اللى يكسب

ربنا يتقبل منك ومنا جميعا

دعواتك ليا

دعاء مواجهات يقول...

فوكس

وانا عن نفسى احترم جدا الناس اللى بتفكر زيك وبياخدوها افعال مش اقول


تحياتى لاجامدة كمان لمفهومك الصح جدا عن الحب والارتباط

منورنى كعادتك

دعاء مواجهات يقول...

سمسم

اللهم آمين يارب ياسمسم

نورت

دعاء مواجهات يقول...

وومن

عالم العبث؟؟؟

..................
.........
...................
............

دعاء مواجهات يقول...

كوشيا

عقار

استقرار

فعل

رد فعل

كلمات يتوجب التوقف امامها
تحياتى لدماغك

دعاء مواجهات يقول...

مسعدة

لية بتقولى كدة

لكل واحد فلسفتة وراية الخاص بيه

نورتى

دعاء مواجهات يقول...

نيجرو

والله يانيجرو متعرفش انت كلامك بيفرق معايا ازاى بجد

ربنا يخليك يارب

واكون عند ظنك بيا ديما ياباشا

........

دعاء مواجهات يقول...

النجم القادم

اية ياعم الفلاسيف اللى حطوا عليك دوول

تعرف ممكن يكون كلامك صح بس لو كل دة صح بس بردو يبقى سؤال اوحد مهم هل يوجد من يستحق هذا الحب المثالى؟؟؟؟؟

دعاء مواجهات يقول...

محمد غاليه

اتمنى ان يكون كذلك

دمت بود وسعادة

ياصاحب السعادة..

دعاء مواجهات يقول...

هانى فؤاد

كلامك عقلانى وواقعى اكتر منو رومانسى
وهو دة المطلوب ف زماننا دة
لكنى لا اشعر لماذا تسرب لدى احساس بالانانية بين حروف كلماتك...؟؟

دعاء مواجهات يقول...

دكتور بهدوء

ع اساس انو معمل فيزيا ولا كيميا تدخلو وقت ما تحب ولا اية

يابرنس دا لما بيجى مبتقدرش تقولوا بم ....

الف مليون حمدالله ع سلامتك يابرنس

دعاء مواجهات يقول...

حسن حنفى

كلامك صح ودة الى انا عاوزة اوصلو بالظبط

نورت

دعاء مواجهات يقول...

شفقة واحسان هانموبية

صح جبتى م الاااخر

اللى يستاهل ...

وهى دى النقطة الفارقة.

نورتى ياقمر

rovy يقول...

السلام عليكم
بنحب لان الحب ده احساس بالفطره وزى ما قلتى بيجى من غير تخطيط او نيه مسبقه
فيه ناس ربنا خلقها علشان تحب و تعطى و ناس ثانيه مسكينه ما تعرفش تحب لوجه الله و بيكون حبها مرتبط بأى مصلحة ان كانت و علشان كده عمرها ما بتذوق طعم السعاده الحقيقيه اللى بيعطيها لنا الحب الخالص لوجه الله سبحانه و تعالى ..
كمان لازم بنحتاج لشريك يشاركنا رحلة الحياه يساندنا و نسانده يحس بينا و نحس به وجودنا مع بعض بيكون قوه و استمرار لحياتنا ..
الكلام فى الحب لاينتهى ..و من عرف قلبه حب الله و رسوله المصطفى و حب الخير عموما و حب العطاء فقد عرف الحب الحقيقى ..

دمت بكل خير و ود و حب
تحياتى

momken يقول...

حلو الموضوع

وحلوة وجهه نظرك فيه

لكن فى حاجه

الحب امر اللهى ايوة احنا بنحب علشان ربنا جبلنا يعنى خلقلنا وخلانا نسعى ليه مش بس كده حتى ربنا سبحانه وتعالى بيحب
والنبى امرنا بالحب

يبقى الى ميحبش كافر ومش بنى ادام اصلا

ازاى؟

ااقولك ازاى

فى الايه الكريمه
بسم الله الرحمن الرحيم

(ان الله يحب التوابين ويحب المتطهرين)

وايه تانيه
(ياتى الله بقوم يحبهم ويحبونه)

وفى الحديث الشرف

( ان الله يحب اذا عمل احدكم عملاً ان يتقنه)

وحديث تانى

( اذا احب الله عبدأ نادى فى الملائكه انى احب فلان فاحبوة فيحبه اهل السماء
ويوضع له القبول فى الارض)

دى الاحاديث والايات الى فاكرها

نيجى لحب الرجل للمراءه او العشق

عندما خلق الله الارض ومن عليها قدر ارزاقهم والحب رزق من الله وكلا يسعى للرزقه للحصول عليه كمان ان الله يؤلف بين قلوب الاحبه وارواحهم فينجزبوا لبعضهم زينشا بينهم الانجذاب او الحب
ولا يرى بعضهم من بعض الا كل جميل
فاذا تطور الحب وقدر له الاستمرار بشكل شرعى
بدل الله الانجذاب بالموده والرحمه وهم اشد من الحب

مش عاوز ارغى كتير
بس ده الى اعرفه

الموضوع جميل اوى اوى
تسلم ايدك يا دودو

تحياتى

ميرا ( وومن ) يقول...

لماذا استوقفتكي وصفي لعالمنا بالعبث

نعم نسمح بالفوضي في كل شئ حتي في مشاعرنا

ندخل معارك نعرف اننا خاسروها

نحول حياتنا البسيطة لألاف الأجزاء المعقدة أليس هذا كله عالم من العبث ؟

الحرامي يقول...

بيا ن رقم 1
بيان تأسيس العصابة
يشرفني انا الاستاذ / حرامي لص نشال

ان اعلن لكم عن تأسيس اول عصابة لسرقة المدونين

واحب اعرفكم اني خلاص بقي عندي عصابتي
واسلحتي ومفاتيحي وطفاشتي واعلن لكم جميعا عن ميثاق الشرف لتأسيس هذه العصابه

ويتضمن المواد الدستوريه التالية
1- ان لا يتم سرقة الا ما هو نفيس وغالي وعلي المدونين اللي أي كلام انهم يتطمنوا لاني مش هقرب ناحيتهم
اما المدونين المتميزين فيعرفو اني هسرقهم هسرقهم
2- اي عملية سرقة او سطو مسلح لن تتم الا بعد التهديد والوعيد يعني هبعت رساله للزبون اقوله اني نويت اسرقه
3- يتم ترك بصمات(تعليق ) علي كل مدونه تمت سرقتها عشان تعرف انها اتسرقت


4- يتم عمل نقطة بوليس (عندي في المدونه ) لتلقي البلاغات والشكاوي والتعليقات

5- لن يتم نشر اي موضوع الا اذا كان مسرووووق يعني انا مش هكتب حاجه من عندي

6- ان جيت في يوم واتقفشت فسوف اعلن توبتي وابطل سرقه واحل العصابه
وعشان تقفشني لازم تعرف اسم المدونة الاصليه بتاعتي اللي هيه مش سرقه يعني
- يتم نشر هذا البيان علي اكبر عدد ممكن من المدونات للعلم فقط
اعلانات مبوبه
اعلان لكل الجرايد الرسميه والغير رسميه
مطلوب مساعدين لحرامي.... علي ان يكونوا خبره لا تقل عن عام في السرقه والنصب والتدوين وعلي من يرغب في التقدم للوظيفه ارسال cv وصورتين او تعليقين
امضاء
الحرامي الكبير

الحرامي يقول...

بيان رقم 2
ققررنا نحن الحرامي اللي كان هنا من شوية الاتي
ان انت هتيبقي من ضمن الخمسه اللي ههددهم واسرق واحد منهم بس
انتهي البيان

دعاء مواجهات يقول...

انجى

اية يابنتى تدينى امارة ومتدينيش

تقصدى ان دى مش سكتك ومالكيش فيها يعنى

ههههههههههههههه

كلهم بيقولوا كدة فالاول ...

أبو العريف يقول...

مواجهات
دايما مواجهاتك جامده جدااااا
ايه اخبار مواجهاتك في الدستور
اصلي بعيد عنك محروم منه الا عالنت
من كام شهر كده

عاشــــــ النقاب ـقــــة"نونو" يقول...

السلام عليكم
كل عام وانتم بخير حبيبتي
ليه بنحب ؟؟؟
يبقى نسال ليه بنتنفس
يسعدني مشاركتك في الحوار يوم السبت الثامنة مساء والتفاصيل في اخر موضوعاتي
تحياتي

دعاء مواجهات يقول...

مها العباسى

كلامك صح يامها

لان مفيش اى حاجة بتحصل بدون ما تكون مقدرة للانسان

نورتى

دعاء مواجهات يقول...

احوال الهوى

الكلام دا لما يتوجد الحب الصادق فعلا

وانا مش بسال بالمعنى الى وصلك انا بسال عن وجهة نظر كل حد مننا

وفعلا استفدت كتير

تحياتى وتقديرى

دعاء مواجهات يقول...

مستر رافت

ولا نشعر بالحرج إذا عرفها أحد ساعتها فقط سنشعر بالسعادة والهدوء النفسي


الكلمة دى ملخصة كتيير اوى بجد

تحياتى ليك ..

دعاء مواجهات يقول...

شمس النهار

الف حمدلله ع سلامتك
وحج مقبول بإذن الله

ومنتظرااكى

دعاء مواجهات يقول...

محمد الجرايحى

وعليكم السلام ورحمة الله وبركاته

نورت اخى الكريم

دعاء مواجهات يقول...

فركشاوى

وعليكم السلام

كلامك ممكن بنسبة 90 ف المية يكون صح اوى ع فكرة بس دا ميمنعش ان فية 5 ف المية ممكن يكونوا صادقين فعلا ف مشاعرهم

تحياتى ليك وبجد نورت ..

دعاء مواجهات يقول...

فشكول

استاذى الجميل

كلمات فلسفية من اعمق ما تكون الكلمات انا نفسى استفدت منها كتير

تحياتى وتقديرى

دعاء مواجهات يقول...

كيكى

اول مرة اعرف انك عميقة التفكير كدة يابنوتة انتى

انا اعتقد الترنيمة كدة خلااص تمام

اتمنى تكون عجباكى فعلا

بيس ياحبى

دعاء مواجهات يقول...

رئيسة حزب الاحلام

عندك حق طبعا لان التمثيل والوهم ميبقاش حب ابدا

تحياتى ليكى ولكلماتك الراقية..

دعاء مواجهات يقول...

مجنون

ماشى ياعم ياللى عامل فيها مجنون وانت فاهم وقارى كل حاجة اخر تمام

اسأل مجرب؟؟

طب ما تحكيلنا

ههههههههههههههههههههه

نورت

دعاء مواجهات يقول...

عمرو

اشكرك استاذى

على حسن الظن بكلماتى

نورتنى

دعاء مواجهات يقول...

انا حرة

انا كمان من رايك

لان الافلام كترت اوى ف ايامنا دى خصوصا مع تفشى علاقات الانترنت

نورتينى

دعاء مواجهات يقول...

روفى

اد اية كلماتك مريحة اوى بجد يارووفى

وكمان دوستى ع حتة مهمة ان الحب يكون بدون مصلحة

دا نادر اوى بجد

نورتى

دعاء مواجهات يقول...

ممكن

كلامك ف الجووووووون

بس صراحة مقدرش اجزم او اقوول راييى ف حتة ان اللى ميحبش يبقى كافر دى

مقدرش ادوس ف المنطقة دى بجد

نورت واتكلم براحتك

دعاء مواجهات يقول...

وومن

تعرفى كلمة عبث دى اتقالتلى مرة كوصف لشئ انا عملتو

بس المرادى بجد المعنى اعمق بكتير

انتى فيلسوفة يابنتى
خصوصا ف دى

ندخل معارك نعرف اننا خاسروها ..

نورتينى وحشانى اوى..

دعاء مواجهات يقول...

الحرامى

رووح ياشااطر العب بعييد...

دعاء مواجهات يقول...

حد مش فاهم حاجه

ادينا بنكاافح

دعواتك معانا

بيس

دعاء مواجهات يقول...

نونو عاشقة النقاب

وانتى طيبة وبخير ديما

اسفة انى مش هكون موجودة ف الحوار

لظروف السفر

تحياتى وحبى