الرجولة ف - بؤ -

الرجولة فى بؤ ....

لما تتكلم عن بنت متتكلمش عن شخصيتها ... إسترجل واشرب- زفت- بريل –

كان هذا الإفيه موجز الإعلان الذى شاهدة الكثيرين منكم والذى أراة شخصيا ً فى قمة التخلف والمعيله أصلا ً

وانا اقوول العيال جايبين التفكير السطحى الهامشى المتغابى الحزين دا منين أتارى بقى دى ثقافه عالمية وشوطة ودايرة ع الكورة كلها محيط محيط وقارة قارة ..

(الاعلان بيتلخص فى واحد شكلو عبيط كدة او بيستعبط موش عارفه المهم بتيجى عليهم بنت بيسلم عليها ويضحكلها فالكل بيبصلوا بإستغراب شديد اوى اوى فيرد ويقولهم - شخصيتها جامدة جدا ع فكرة – فيبصولوا بإستغراب اكتر واكتر وكأنوا عمل جريمة ويطلعلك الناصح اللى بيعلق ع الاعلان ويقول ايه بقى لما تعلق على بنت متعلقش ع شخصيتها – إسترجل – وإشرب بريل )))

ههههههههههههههههههههههههههههههههههههههههههه

والنبى ما كان حد غلب ياعم انت ....
قااال بريل بقى هو اللى هيخلية رااجل لا وايه انو كمان لما يقول لواحدة انتى شخصيتك حلوة يبقى موش رااجل انبى تتوكسوا كلكوا كدة على بعضيكووا ..

واصبحت- الرجوله ف بؤ- هو رمز البريل اللى ملووش طعم ولا لازمة ده واللى ميشربهاش يبقى عيل ...
إما انا تغاظة بشااكل ونفسى اجيب الراجل اللى حط الكلمتين دوول ف الاعلان واديلو على دماغه يمكن تنضف ولا تفهم ...

ونيجى ف الآخر نقوول الغرب والمؤامرة والإستهداف والتبعية والبيض أبو تقليه ...........
طب ما احنا اللى جايبينوا لنفسنا اهوه وبنوافق على إذاعة اى غباء والسلام ف القرن المش عارفه كام والعشيين يعنى لو كان العاشر كنا سكتنا انما دا الحاجه والعشيين ياعاالم

والسؤال اللى بيجمع نفسو ف الحتة دى بقى هو اى مواد اعلانية تدخل كدة وترميلنا القرشين نقوول سمعا ً وطاعه ومووش مهم اية اللى فيها ولا اية معناها ؟؟... ولا حتى تأثيرها ولا إحنا بقينا بنتصرف من منطلق اننا

– عيال جامدة اوى ومفيش حاجة تأثر فينا بسهولة ومنتأثرش الا بمزاجنا – والحوارين دوول

بس تصدقوا بردو حل حلو وسهل اوى وأى واحدة عندها مشاكل ف بيتها ماعليها الا انها تجيب صندوق بريل وكلو هيبقى ف التمام وننسى بقى السحر والشعوذة والدجل وننسى الدكاترة كمان والاعلانات اللى دوشوونا بيها ليل نهاار..

اة ياعم موش بيقولولك إسترجل واشرب بريل خلاص هنشربهم ليل نهار
بس تفتكروا هيجيب نتيجة ..؟؟؟؟؟؟؟؟؟؟؟؟
( #$%) مفيش وش بيغمز ...