السبت، نوفمبر 15، 2008

زى النهاردة ..

زى النهاردة

فيلم يثيرك للوهلة الأولى ففكرتة حقا تجبر المشاهد على المتابعه
والترقب الحذر فى الوقت ذاته
فطبيعة الأحداث وواقعيتها تفرض الاهتمام والمتعه طوال مدة العرض

زى النهاردة

كلمة بتيجى على بالنا كتير زى النهاردة كان اول يوم اروح فيه المدرسه
ياااه هو الواحد ممكن يفضل فاكر اليوم دة
اة وليه لأ..

زى النهاردة

كان اول مرة اقابل فيها صحبتى الأنتيم
يااه احساس جميل اوى انك تفضل فاكر اللقاء دة
اللى بيرمز لكل معنى للأخوة الصادقة فى حياتك فعلا واللى بتكون صعب تتكرر

زى النهاردة

كان آخر يوم ليا ف السجن
أقصد فى الثانوية العامه اهو اليوم دا بالذات بقى لايمكن يتنسى
اكتر يوم حرقت فية ورق ورميت فيه كتب فى حياتى كنت متغاظة ليا حق طبعا ً

زى النهاردة

طلعت نتيجة الثانويه وكانت ليله
بيـــــــضـــــــا بيعيــــــــد عنــك
اللى رايح يهزق واللى جاى يبستف واللى واقف بيواسى
هيييييييييه دنيا كلنا لها

زى النهاردة

ربنا كرمنى ودخلت الجامعه حلم حياتى أخيرا ً هتنفس
أخيراً هشووف ناس غير وأصاحب ناس غير
بس على مين أصحابك هما هما وراك وراك
بتكتشف بمرور الوقت انهم اصبحوا من اهم سماتك التى تلتصق بك
ويصعب عليك بل يستحيل ان تتخلص منهم ..
ورضينا بالأمر الواقع

زى النهاردة

كنت قاعد مزنوق فى إمتحان البكالوريوس ورئيس اللجنة الله يكرمه بحالة وضع
واقف ومصحصح معانا بزيادة اوى
وخلاص هتفقد الأمل وتسلم بالأمر الواقع يأتيك الفرج ويصاب رئيس اللجنه
( بالمصران الأعور) فجأة ليتم نقله للمستشفى سريعا ً ليخلو لك الجو تماماً
وعييييش بقى يامعلم...

وقتها يتحتم عليك إدراك هذة الرساله العليا
وتفهم الارادة العليا التى تتدخل لإنقاذك ربما ليس من أجلك
بل من أجل أناس ضحوا لتتخرج سيادتك ويفتخروا بيك
(قااال سيادة الوزير يعنى )

زى النهاردة

(ايه ياراجل انت لسه فاكر)
زى النهاردة كان أول مرة أقابلها يوم لا يمكن ابدا أنساه
كانت يوميها زى الملاك خطفتنى من نظرة مقدرتش غير أسلم رغم استهزائى على ما يسمونة بالحب من اول نظرة هذا..

ياااااااااااااااااااااااااة إنه تاااريخ فعلا ً

بس سيبك كل التاريخ دا قابل للنسيان ويبقى يوم أوحد فقط لاتستطيع نسيانه مهما حاولت جاهدا ً

إنه اليوم الذى أرادت فيه السماء أن تكون مبعوثا ً رسميا ً لها من ضمن ملايين
وربما مليارات مبعوثيها على الأرض
لتقوم بآداء السيناريو المحكم الموضوع بدقة متناهيه دون إدراك أو وعى منك

(إنه يوم عيد ميلادك ) كما يسمونه
لذا حاولت جاهدة أن أتناسى هذا اليوم فلم أستطع أبداً وبائت كل محاولاتى بالفشل

فإسمحوا لى أن أبلغكم بالنبأ الأكثر أهمية

زى النهاردة

((( انا جيت للدنيا ...)))

=====================================

أدعوكم لزيارة مجلة ( دماغنا) الإلكترونيه

مختلفه بكل المقاييس

أنتظر التفاعل معنا..

=====================
تحديث : شكر خاص جدا لجنة وكيكى على اجمل هديه عيد ميلاد ف الدنيا

...

هناك 98 تعليقًا:

كفايـة طيبـة يقول...

اول تعليييييييق

ومش على اي بوست

ده عيد ميلادك ياباشا

الف مبروووووووووك

قصدي كل سنة وانتى حلوة ياقمر

يارب كل السنين الجاية تبقي احلى واحلى يارب عليكي :)

دمتِ بكل حب وطيبة :)

kafrawy يقول...

زى النهاردة


حبيت اقولك

_كل سنه و انتى طيبه _

و عقبال 100 سنه

أحساس لسه حى...كلام من جوه روح لكل روح يقول...

عزيزتى
كل سنة وانتى طيبة
وكل سنة طيبه زى النهاردة

طبيعة الاحداث احيانا تفرض الملل

اه انا فاكره طشاش تقريبا بكيت

المهم صحبتك الانتيم ساعتها تكون لسه صحبتك الانتيم علشان الاحساس يفضل جميل

ليك حق تتغاظى بس ملكيش حق تحرقى ورق وكتب

وانتى كانت حالتك ايه ساعتها حسه بيهم


كويس لما الصحاب يبقوا قدام على الاقل فهمهم ليك يبقا اسرع مع ان فى ناس بيفهموا الواحد ما اول لقاء

بس فين دول فى الحلم يمكن
فى الافلام احتمال


اه القدر بيعمل حاجات ممكن يعليكى بيها وممكن يبهدلك ممكن يضحكك وممكن يبكيكى


زى النهاردة د مش فاهمها... خطفتنى

وحب من اول نظرة هو الكلام على ست ولا انا مش فاهم ولا مش مركز


حد يقدر ينسا عيد ميلادة ده بيتسال عنه طول عمره ولو حاول يمسحهم هيلاقى حد بيساله ويفكره

المهم بقه يا ستى

انا موجود بس انتى مش بتزورى مدوناتى كلها زوى اللى معلق باسمها

لسه حاطط موضوع ساخن

الحقيه قبل ما يبرد

تحياتى

سلام

بنوته مصرية يقول...

كل سنه وانتي طيبة يا قمر واعبال 100 سنه

ويارب السنه الجاية احلي من السنه دي وكل ايامك الجاية سعاده وهناء وافرح بيكي

كل سنه وانتي طيبة فين التورته بقي

وش مطلع لسانه

بحبك في الله

ahmed_k يقول...

كل سنه وإنتي طيبه يا دعاء
وعقبال مليوووووووون سنه
وإنتي بخير وصحه وتألق
بقا بعد ده كلله يطلع عيد ميلادك
وأنا من اول البوست عمال أقول لنفسي
حتعلق تقول ايه يا بو حمييييد(أنا)
ريحتيني في الآخر
متنسينيش بس في التورته والساقع

وعيد ميلاد سعيد يا صحفيتنا الكبيره

Gannah يقول...

كل سنة وانت طيبة يا دودو
هديتك فى مدونتى
ياريت تبصى عليها
كان نفسى احط تورتة بس النت مطلعة عينى
الدى سل ال بايظ والدايل بطىء جداا
تحياتى

فاتيما يقول...

كل سنة و إنتى ألف طيبة يا دودو
أغلس و أقولك تمتى كام ؟؟
طب بلاش
ربنا يديكى العمر و الصحة و أشوفك أجدع صحفية فى مصر و العالم يا كله يا ستى
خلى بالك من نفسك بقى
سلام يا حبيبتى
يا احلى مواجهات على النت

momken يقول...

الحقيقه ماشوفتش الفيلم يا عاء

لكن البوست بتاعك بغض النظر عن الفليم قلب علينا ذكريات كتير

زى انهارده
لكن طبعا مع واحد ذاكرته رهيبه زى حالاتى ومش بيفتكر اى حاجه

يبقى زى انهارده محصلش اى حاجه

لانى فعلا ذاكرتى مش تاريخيه

البوست جميل اوى
ومناسبه كمان جميله
زى انهارده جت للدنيا دعاء يا جماعه وبدات المواجهات

تحياتى

محمد فاروق الشاذلى يقول...

كل سنة وانتى طيبة يا دعاء ويارب عقبال 100 سنة مواجهات جميلة كده

كاميليا بهاء الدين يقول...

هههههههههههه

اسمحى لى اطلق على هذا البوست

فلسفة عيد الميلاد


كل سنة وانتى طيبة وجميلة

كل عام وانتى الى الله اقرب
بقلب اصفى واطهر

تحياتي وحبى

Unknown يقول...

كل سنة وانتى طيبة يا دودى
عقبال مليار سنة
بس انا مش هكون موجودة
فبقولك مقدما كل سنة وانتى بخير

غير معرف يقول...

السلام عليكم دعاء
الف الف الف مبروووووووووووووووووووووك وكل سنة وانت بالف خير وصحة وعافية وزيت الهانم ووووو اوووووووووه الظاهر فى كلام غلط دخل فى النص معلش بقى لخبطة الفرحة انتى عارفة

كل سنةوانتى طيبة وعقبال الف وخمسميت سنة فى خير وطاعة ويلا سلام

romansy يقول...

كل سنه وانتى طيبه يا قمر


عـــــيـــــــــــــد
ميـــــــــــــــلاد
ســــــــــعيــــد
بس بقى فين

الجاتوه والتورتاهات وكده

دى بقى هديتى

http://www.youtube.com/watch?v=WFkDZOYM7z4

http://mycards.org/create.php?card_id=63

sigon1977 يقول...

كل عام و دؤدؤة بخير 0
يا ترى العمر السعيد كام ؟
مش حتكلم فى السياسة مع ان ما فيش داع ليها 00اطمنى 0
عام جديد 00الى أين اللة أعلم و هذا ليس مهم ، المهم هو أن نكون على علم بالاجابة للسؤال الاهم ( من أين )؟
كل عام و أنت بخير 0

Mony يقول...

هههههههههههه

كل ده علشان عيد ميلادك يا جميل

بس احلي حاجة موضوع ذكري خروجك من السجن
(الثانوية العامة)


عموما كل سنة و انت بخبر و سعادة و هنا و محققة كل اللي نفسك فيه

آمين

صاحب المضيفة يقول...

جميل ان تتذكري بعض ذكريات العمر

الحلوة منها والسيئة على السواء



وجميل ان يحتفل الاخرون معك بعيد ميلادك


أدام الله أفراحك وجعلك دوما في سعادة وهناء

mohamed ghalia يقول...

زى النهاردة
فعلا كلمة بتتكرر كتير فى حياتنا
كل سنة وانتى طيبة وعقبال مليون سنة
دمتى بود وفى سعادة

حسن حنفى يقول...

كل سنه وانتي طيبه

وعقبال 100 سنه يارب

Unknown يقول...

كل سنة وانت منزرة الدنيا يا دودو يا جميل.......... امتى بقى يبقى زى النهاردة حققتى حلمك واسمك اتنشر بعدها زى النهاردة بقيتى عروسة بعدها زى النهاردة بقيتى ماما كدة يعنى ربنا يوفقك يا دودو

iceman يقول...

HAPPY BIRTHDAY doaa....
hope all your dreams come true...
but about zay enahrda...
i think that all days we remember and say zay enharda are sad....
and about the day of birth....
why not forgetting it?!!...
its just a day like any other day... its the begining of sadness, fear, harmful,....etc..
and some of acting like happy....

im sorry for saying that in your birthday...
i wish you a very happy new year....

غير معرف يقول...

أولا ميرسى على المجامله وزوق الكبير وثانيا انا بعرف اسمك كويس بس
الواو جه غلطه معايا سورى
أنا معنديش مدونه ومعرفش البورسه
ومبعتيش دعوه ليا وخفت منك
بس يمكن الأيام تخدمنى فى مره وأقدر
أقدملك هديه تليق بيكى وبشخصيتك
ربنا يسعدك ويوفقك يارب
ويبختك فى الدخول والخروج بتسلمى على ريسنا بليز ممكن تبعتيلى الايام اللى بتروحى فيها الجريده بليز ممكن
انا مش اجمد ضريشمساويه ممكن
اجمد ضربشمساوى
rabena_love_us@yahoo.com

Ahmed Mohamed يقول...

كل سنه وحضرتك طيبه

وامرنا لله هههههه

Mafrousa يقول...

مواجهااااااااااااااات
دعدوعة
انتى عقروبة زيي
و انا اقول ايه الحب اللى اترمي فى قلوبنا ده
يا اوختي العقارب كلها بتحب بعضها ولا ايه؟؟؟؟
كل سنة و انتى بخير يارب

رئـــــيسـة حزب الأحلام يقول...

كل سنة وانتى طيبه وبالف صحة وسلامة
وعيد ميلاد سعيد وعقبال يارب ماتحققى كل احلامك وامالك
ويارب نشوفك حاجة جميلة يارب
تحياتى لكر ياعسولة

حنين القلب يقول...

كل سنه وانتى طيبه يا احلى دودو على سطح الارض

وكل ده علشان تقولى زى النهارده جيتى حمد الله على السلامه يا ستى

زى النهارده
عرفت واحده دمها عسل
اسلوبها شيق وصوتها وصل
وبينضرب بيها المثل

طبعا الكلمتين دول لاجدع دودو فى الدنيا
كل سنه وانتى لله اقرب
كل سنه وانتى احبابك اكثر
كل سنه وانتى قمر التدوين
كل سنه وانتى طيبه

kochia يقول...

كل سنة وانتي طيبة
بالسعادة والصحة ان شاء الله

موناليزا يقول...

كل سنة وانتى طيبة وعقبال 110 سنة
ويارب تكون سنة سعيدة عليكى

همس الاحباب يقول...

ههههههههه
كل ده علشان يبقى زى النهاردة عيد ميلادك
كل سنة وانتى طيبة وعقبال مليون سنة
يا ستى
تحياتى

غير معرف يقول...

يا حالا بالان هنوووووااااا
ابو الفصاد هيكون عيد ميلاده الليله اجمل الاعياد

كل 15\11 وانتى مبسوطة
سنه حلوة عليك يا جميل

وعقبال 1000000000000000000000000000000000000000000000000000000000000000000000
سنة

غير معرف يقول...

اه صحيح نسيت اقوللك استايل المدونة الجديدة

حلو اووووووووووى

والبوست مختلف قولتلى ان عيد ميلادك بطريقة مختلفة

سهر الليالي يقول...

زي النهارده
حاجات كتير جميله بنفتكرها بعد مرور العمر
وبتكون زي النهارده
كل سنه وانتي طيبه
يارب تكون سنه سعيده عليكي وتحققي كل اللي بتتمنيه

تحياتي
فراشه الشتاء

ِِAdem El-Mahdy يقول...

كل عام وانت الى الله اقرب و على طاعته أدوم


بس

KHALED يقول...

كل عام وانتم بخير ...

مجموعة متنوعة من الورود البلدى علشانك ....

تحياتى

غير معرف يقول...

أنا قلت أبعتلك تحيه صغيره قبل ما اليوم الجميل ده يخلص هقبال مليون سنه يمروا عليكى وانتى بالف صحه وسعاده وخبر وتكونى حققتى كل اللى بتتمنيه وبتحلمى بيه يا دودى
rabena_love_us@yahoo.com

الازهرى يقول...

زى النهاردة السنة الجاية هاحتفل بمرور سنة على تعرفى على مدونة جميلةوقيمة
ولا انسى فضل جنة

كل سنة وانت بالف خير وسلام

وكل سنة نحتفل بيه كلنا

تحياتى

ميرا ( وومن ) يقول...

أيه ده يادودو انا جيت متاخر

كل سنه وانتي طيبة وعقبال 100 سنه واشوفك كدة رئيسة تحرير

قولي آآآآمين

وادي مدونة كمان تجنن من برج العقرب

مصــــري يقول...

كل سنة وانتي طيبة يا مواجهات

بس بسم الله ماشاء الله
بتاخدي بالك من التواريخ كويس جدا

عن نفسي باسيب الأمور كده
منظم جدا صح؟؟؟


تحياتي
أسامة

نشأت العمده يقول...

الف مبروووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووككك
كل سنه وحضرتك طيبه يا احلى مواجهات
وكويس ان احنا عرفنا اليوم الا*****
اقصد يعنى اليوم الى ***********
يوه يعنى يوم كان كويس
عقبال مليووووووووووووون سنه وابقى افتكرينا
مش عارف اقول ايه والله مش كنتى قلتى طيب كنا عملنا اى احتفال حتى كنا حرقنا مدونتين كدا ولا حتى
طب خلاص خلاص
انا فى عيد ميلادك هبعتلك كدا حكمه بعتهالى واحد حبيبى على الياهو ماشى وانا بعتبرها عزيزه عليا اوى لان *** لو حكيت مش هخلص معاكى الحكمه واعتبريها هديه منى



إذا رمت أن تحيا سليما من الردى ..... ودينك موفور وعرضك صين
فلا ينطقن منك اللسان بسوأة ..... فكلك سوءات وللناس ألسن
وعيناك إن أبدت إليك معائبا ..... فدعها وقل يا عين للناس أعين
وعاشر بمعروف وسامح من اعتدى ..... ودافع ولكن بالتي هي أحسن

Mafrousa يقول...

كل سنة و انتى طيبة و بخير

http://www.synow.com/cards/create.php?card_id=1980

maiosha يقول...

عيد ميلادك يا دودو

كل سنة وإنتى طيبة يا جميل

وعقبال ما أقولك كل سنة وإنتى طيبة وإنتى أكبر صحفية فيكى يا مصر .. وشرير الفيلم بقى يكون باعت وراكى ناس بعربيات بتخبط فى بعضها بقى والحركات دى

كل سنة وإنتى طيبة

أروح أنا بقى ألحق أجيب تورتة ولا جاتوه ولا حاجة .. أه ما أنا مش هضيع مناسبة زى دى من غير حاجة حلوة

كل سنة وإنتى طيبة وعقبال 100000000000 سنة

ومبروك على النبو لوك الجامد جداااااااا

Kiara يقول...

دودو حبيبتي

كل سنه وانتي طيبه ياقمر

احلي خبر علي الصبح

وحشاني اوي

ابو على يقول...

كل سنه وانتى طيبه يا دوعا

والمنوفيه كلها بخير وسلام يا رب

عقبال 60 سنه
هههههههههه

تحياتى

شمس النهار يقول...

كل سنه وانت طيبه يادودو
والسنه الجايه محققه كل اللي في نفسي

شفـقــة و إحســــان يقول...

كل سنة وانتى طيبة يا احلى دودو فى الدنيا
بس ايه يا عم ده احنا بقى طلعنا مع بعض فى شهر واحد وكمان فى نفس الاسبوع
مش معقول كده
انا بقى يوم الاربعاء شفتى المفاجعة

Unknown يقول...

كل سنه و انتي طيبه معلش متأخر بس ليا عذر ان دي اول زياره يعني براءه

سؤال كده علي جنب

انتي جبتي كام في ثانوي

Ehab يقول...

كل سنه وانتي طيبه يا دعاء
عقبال ميت سنه يا سيادة الوزيره

ههههههههههه

ربنا يحفظك ويحققلك كل احلامك
وبعدين هو انتي حد قدك
ده انتي عملتي خطوه في حياتك ناس كبار مقدروش ياخدوها ورحتي زرتي الكعبه واعتمرتي
ربنا يتقبل منك
تحياتي ليكي
سلااااااااااااااااااااام
اخوكي ايهاب

كيكى عوووووو يقول...

بيب بيب بيب
هييييييييييييييييييييييييييييييية
انا جيييييييييييييييييييييييييت
بيب بيب بيب بيب
يانجاتى انفخ البلالين علشان عيد الميلااااااااااد
*************************
يلا حالا بالا حيوا ابو الفصاد هيكون عيد ميلادة الليلة احلى الاوقات ويك ويك
************************
هابى برث داى دودو
كل سنة وانتى طيبة يا جميل وعقبال 100 سنة يارب ولاا بلاش100 خليهم 99 بس
النيو لوك جميل وبيعبر كتير عن شخصيتك
كل سنة وانتى دايما بخير وصحة يا احلى دعاء
************************
بيب بيب بيب بيب
هوووووووووووووووووووووووووووووف
نفخت فى التورتة وهاكلها لوحدى
عووووووووووووووووووووووووووووووو

☼♫♪ عمــاد الدين يــوسف ☼♫♪ يقول...

اولا مبروك اللوك الجديد
ثانيا
زي النهارده وراه ذكريات كتير ، وكل يوم ممكن نقول زي النهارده ، اكيد بنصادف ايام تفكرنا بمآسي قابلتنا وسبحان الله في المقابل لازم نصادف ايام تفكرنا باسعد لحظات حياتنا واللي يمكن متتعوضش ابدا

اتمنى ان تكون ايامك كلها زكريات سعيده ان شاء الله
تحياتي

اعضاء مدونة رابطه مدونى المنوفية يقول...

يسر رابطة مدوني المنوفية
إن تدعوكم لحضور اجتماع الرابطة الأول
يوم الجمعة القادم 21/11/2008
باستاد شبين الرياضي
الساعة الثالثة عصرا
يسعدنا حضوركم
للاعتذار :- 0125585949
أو
monofia2008@gmail.com
مع تحيات الرابطة

دعاء مواجهات يقول...

كفايه طيبه

وانتى طيبة وبخير

والله يبارك فيكى

وعقبالك وعقبال كل اللى تحبيهم

هههههههههههههه

منورة

دعاء مواجهات يقول...

كفراوى

وانت طيب وبخير ياباشا

ميرسى خالص

دعاء مواجهات يقول...

كلام من جوة روح لكل روح

ع فكرة مش الكلام كلو بينطبق عليا

ودا مش شرط ابدا لاى كتابه بكتبها

ومش كلها مواقف حصلتلى

وانتى طيبة

نورتى

دعاء مواجهات يقول...

بنوتة مصريه

رودى حبيبى

اللى هينضرب اولما اشوفوا

وانتى طيبة ياجميل

..

دعاء مواجهات يقول...

احمد قاسم

ميرسى يااحمد

بس كنت احبك تعلق باللى جه ف بالك

مش اول ماتعرف انو عيد ميلادى تكسل وتقول كل سنةوانتى طيبة وبس ع كدة

منورنى كعادتك

دعاء مواجهات يقول...

جنه

مهما حاولت اعبر عن شعورى ناحيتك

الكلام لن يكفى حقا

بحبك ياطيب قلب قابلتوا ف حياتى

بيس

دعاء مواجهات يقول...

فاتيما

زيارتك دى جت ف وقتها

لو منكونتيش جيتى كنت هزعلل منك

كاالص

بحبك يااحلى ام يوسف ف الدنيا

..

دعاء مواجهات يقول...

ممكن

لا ياعم كدة مش نافع ابدا

لازم تشوفلك رامات جديدة

وتظبط الأى سيهات مينفعش تحيا بلا تاريخ كدة

انشالله حتى تأجرها مفروش مش مشكله

هههههههههههههههههههههههه

نورتنى

دعاء مواجهات يقول...

قلب مصرى

يااه هو الواحد كمان 100 سنه تفتكر هيكون لسة بيواجه كدة وفيه نفس

اثرت جوايا فكرة حلوة

ميرسى عليها..

دعاء مواجهات يقول...

كاميليا

تقبل الله دعائك الجميل

يااحلى قلب ف التدوين كلو

عجبانى اوى ( فلسفة عيد الميلاد دى)

بجد جامدة ومعبرة

نورتى المدونه

اوعى تغيبى عنها تانى

دعاء مواجهات يقول...

نهر الحب

ههههههههههههههههههههههههه

يعنى انا اللى هكون موجودة

وانتى طيبة مقدما بقى

نورتى

دعاء مواجهات يقول...

جمعاوى صاحب العيادة

الله يبارك فيك

وعقبال عندكم جميعا

وووووو... نسيت كنتهقول ايه

ميرسى

دعاء مواجهات يقول...

رومانسى

وانت طيب

ميرسى ع الهديه الجميله

انك لرومانسى فعلا

نورتنى

دعاء مواجهات يقول...

محمود

نرجوا انا نعرف الاثنتين

من اين والى اين كلاهما هام جدا

وانت طيب

دعاء مواجهات يقول...

اواصل الرد على التعليقات

مساء اليوم

تحياتى لكم جميعا..

دعاء مواجهات يقول...

mony

merce ya kamr

mat7remsh mnk abdn

nawrteeny

peace

دعاء مواجهات يقول...

صاحب المضيفه

ميرسى خالص على الدعوات الجميله

وربنا يتقبل

نورتنى

دعاء مواجهات يقول...

محمد غاليه

ميرسى خالص لحضرتك

وانت طيب وبخير ديما

دعاء مواجهات يقول...

حسن حنفى

ميرسى يابرنس

عقبال ما نفرح بيك كدة وانت ناجح

ومتفوق كمان

ربنا معاك

دعاء مواجهات يقول...

انجى

ان شاء اله بوقوفكم جمبى

كل دا هيحصل وهتشاركونى فيه بردوو

لانكم مهمين اوى عندى

بحبك

دعاء مواجهات يقول...

آيس مان

بجد انا متحيرة اوى على كل كمية الحزن اللى ملزماك فى كل وقت وفى كل حال

صدقنى كل حاجه ممكن تعدى وكل صعب ممكن يكون اسها لو احنا عاوزين دة

لا الكلام كدة مش نافع

لااازم حوار ..

دعاء مواجهات يقول...

غير معروف

انا عمرى ف حياتى ما قابلت ولا هقابل

شخصيه ممله زيك .. ياريت تفهم بقى

دعاء مواجهات يقول...

احمد علام

ومالك بتقولها من غير نفس كدة

انت حد مزعلك ولا ايه؟؟

دعاء مواجهات يقول...

مفروسه

اة ياحبيبتى دا العقرب ا عاملى مشاكل

وكل ما حد يعرف يبقى واقف ف وضع الإستعداد للخيانه والغدر

هههههههههههههههههههه

ميرسى ياقمر

دعاء مواجهات يقول...

رئيسة حزب الاحلام

منتحرمش منك ابدا ياريس

يامهنينا انت

منورنا

دعاء مواجهات يقول...

حنين القلب

كل سنة وانتى معايا يااجمل قلب

انتى ياعسووله

بحبك

دعاء مواجهات يقول...

كوشيا

وانتى طيبه وبخير ديما

ربنا ميحرمنيش منك ابدا

دعاء مواجهات يقول...

موناليزا

وانتى طيبه وبخير ديما

بس اشمعنى 110 يعنى؟؟

هااااا ...

دعاء مواجهات يقول...

همس الاحباب

ههههههههههههههههههههه

ااة طبعا دا اقل حاجه كمان هو عيد ميلاد اى حد ولا ايه ياعمنا

وانت طيب ميرسى ..

دعاء مواجهات يقول...

نونا

وانتى طيبه يااحلى نونا ف الحياة دى كلها


بس خللى بالك انك كتبتى شوية اصفار يعنى عقبال ولا سنه

يعنى اموت انا يعنى ولااعمل ايه بقى؟؟

دعاء مواجهات يقول...

سهر الليالى

وانتى طيبه ياجميل

ميرسى على الامنيات الجميله

ولكى مثلها

نورتى

دعاء مواجهات يقول...

ادم المهدى

وهل هناك بعد هذا كلام

اللهم آمين

دعاء مواجهات يقول...

خالد

ميرسى خاالص على الورد

اللى لسة موصلش باين الطريق صعب اوى

وفعلا انا بمووت ف حاجه اسمها ورد بجنوون

دعاء مواجهات يقول...

الازهرى

دا شرف ليا ياافندم

وجنة ديما افضلها عليا

وبجد المدونة كسبتك

نورتنى

دعاء مواجهات يقول...

وومن

اة يابنتى دا احنا قريب هنعمل رابطة مدونى العقرب

بس شرط امسكها انا

هههههههههههههههههههه

استبداد بقى

منورة

دعاء مواجهات يقول...

مصرى

ايه يااسامه باشا

احنا جايين نقر ولا ايه

دا حتى ميصحش ف اليوم المفترج دة

نورت ياعمنا

دعاء مواجهات يقول...

نشأت

هههههههههههههههههه

حلوة كنا حرقنا مدونتين دى عجبتنى صراحه ع اساس انها صاروخين مثلا

لا جامدة

نورت

دعاء مواجهات يقول...

ميوشة

ههههههههههههههههههه

وانتى طيبة والله يبارك فيكى ياشقيه

يابتاعت شرير الفيلم انتى

انتى عوزانى اموت ولا ايه يابنتى

ههههههههههههههه

نورتى

دعاء مواجهات يقول...

مولان

وانتى طيبهوبخير يارب ديما

نورتينى

دعاء مواجهات يقول...

ابو على

وانت طيب يابرنس

طب ماتخليهم 80 ياراجل

انت جايب حاجه من جيبك

بيس

دعاء مواجهات يقول...

شمس النهار

وانتى طيب ياقمر

ربنا يخليكى ليا

دعاء مواجهات يقول...

شفقه واحسان بية وهانم


كل سنة وانتى طيبة ياقمر مقدما

نورتى

دعاء مواجهات يقول...

ايمى

لا يابنتى عادى انتى تقفى ف وسط المدونة وتسالى بأعلى صوتك عادى جدا طبعا


وانا ارد عليكى بردو بأعلى صوتى واقولك 82 ونص ف الميه

عادى يعنى

نورتينى

دعاء مواجهات يقول...

الشنكوتى

ااامين ياارب ياهووبا

ادعيلى تتكرر تالت ورابع كمان

وعقبال كل حد نفسة فيها

ميرسى يااجمل اخ

دعاء مواجهات يقول...

كيكى

هههههههههههههههههههه

ايه بس الجمال دا كلو

هو فية كدة يانااس

بجد انتى بنت جدعه وزى العسل
ودة سر انى بمووووت فيكى

بيس ياحبى الاول

دعاء مواجهات يقول...

عماد الدين يوسف

الله يبارك فيك وعقبال كدة مانفرحلك باللوك الجديد

ههههههههههههههههههه

كلامك صح طبعا ويار بيجعل ايامنا كلها سعادة

ميرسى على رقة كلماتك ..

محمود البدري يقول...

كل سنه وانتي طيبه عقبال 100 مليون سنه


معلش جات متأخرة شويه

انتظرى هديتى




MOOOD

دعاء مواجهات يقول...

محمود

ياترى ايه الهديه ؟؟؟

ياخووفى يابدراان

بيس

محمود البدري يقول...

الهدية موجودة في رسايل الميل ومتخفيش من بدران