الثلاثاء، أغسطس 12، 2008

جيفارا .. ميين؟؟


جيفارا الرجل الذى كان 000 ماذا لو بعث من جديد؟؟؟؟؟

لم يكن جيفارا مجرد ثائر على أوضاع الظلم والطغيان فى عالمة الضيق

كما يترائى للبعض وكما هو الحال فى جميع الحالات الثورية فى العالم كان مجرد إنسان عادى كرة الظلم وأبى السكوت بالرغم من أن العسكرية لم تكن مهنتة الأساسية


بل- كان طبيباً بدأت نزعتة الثورية بمجرد جولة قد تبدو ترفيهية

على دراجتة النارية حول أمريكا الجنوبية - فهالة أوضااع الفلاحين والضعفاء والفقراء لم يقل –وأنا مالى –
بل شعر وبقوة أن لة دور يجب أن يقوم بة من أجل هؤلاء الفقراء والمستضعفين


لم يكون جيشاً ولا أسطولا ولم يكن ليستطيع ذلك بل بدأ نضالة بمجموعة مكونة من 20 فرداً ممن آمنوا بقضيتة لم تشغلة قضية بلدة فقط بل إمتد نضالة ليشمل دولاً لم يكن لة بها أى مصلحة أو منفعة ذاتية أو صلة من اى نوع أصلاً يعنى
لم يكن يملك المال أو السلاح بل ملك الإيمان بعدالة قضيتة والإرادة الجبارة فى الدفاع عن المظلومين والفقراء فى العالم فى وجة الطغاة والمتجبرين


لم تبهرة السلطة والنفوذ حين أسندت لة الوزارة فى عهد كاسترو بعد أن ساندة فى ثورتة الكوبية ضد - باتيستا- وفضل أن يسعى فى سبيل قضيتة الأعظم حول العالم لينقذ المظلومين والمقهورين من ظلم جائر وفوضوية
لم يمنعة إيمانة بالإشتراكية -الماركسية واللينينية - من الإختلاف معها من أجل مصالح الضعفاء والفقراء
زار جيفارا مصر وقابل الزعيم عبدالناصر بصفتة ممثلاً للثورة على الظلم والطغيان كما زار الجزائر أيضاً
من أشهر أقوالة –


"إنني أحس على وجهي بألم كل صفعة توجة إلى مظلوم في هذه الدنيا، فأينما وجد الظلم فذاك هو وطني"-
"الثورة قوية كالفولاذ، حمراء كالجمر، باقية كالسنديان، عميقة كحبنا الوحشي للوطن" -"
لا يهمني أين ومتى سأموت بقدر ما يهمني أن يبقى الوطن"-
"إن الطريق مظلم وحالك، فإذا لم تحترق أنت وأنا فمن سينير الطريق"
- "لن يكون لدينا ما نحيا من أجله .. إن لم نكن على استعداد أن نموت من أجله
". –


طـــــــــــــــب إيــــــــــــــة؟؟


وبعديـن يعنى محدش قاالى ولا سألنى يعنى
إية مناسبة الخطبة العصماء فى الذات الجيفاراوية دى يعنى ولا إية المناسبة؟؟
يكونش عيد ميلادو؟؟ لا أبداً ولا أعرفو اصلاً
يبقى ذكراة السنوية؟؟ بااردوو لأ



هقوول من غير لت وعجن ....
الحكاية بقى ان جيفارا كشخصية لية جماهيرية كبيرة جدا اوى خالص
على مستوى العالم سواء العربى أو الغربى للأسباب السالفة الذكر
وأسباب أخرى مقاربة منها


وكما أن هناك من يحبونة فهناك أيضاً
من يمقتونة ويتهمونة بالكفر والإلحاد
وبالتالى فهو على ذلك لايستحق
الهالة النورانية المثارة حولة وهنا نجد أن الرأى
إنقسم إلى


محبى لجيفارا كيانا وعقلا وفكراً وشخصاً وتنحية المعتقدات جانباً
كارهى لجيفارا كلا وكيانا وعقلا نتيجة لمعتقداتة
أو بمعنى أصح لإنعدام معتقداتة الدينية
(الإلحاد) يعنى
.
.
.
.
.
والسؤال الآن إنتوا إية رأيكم؟؟
ننحى المعتقدات
الدينية جانباً ونمدح ونشكر ونروج لأفكار شخص
لا يؤمن حتى بوجود الله ...
أم نهاجمة ونضطهد أفكارة مهما كانت مثالية
ومحبة للخير وداعية للمثالية والثورة على الظلم؟؟؟؟؟؟؟؟
(ياريت لو أى حد لية قصة مع صور وكلمات جيفارا يقولها)

هناك 92 تعليقًا:

Amgad يقول...

انا قولت احجز اول تعليق علي مقرا البوست وارد عليكي

Amgad يقول...

انتي رايك ايه
اولا احب اقولك انتي تناولتي سيرتة كمناضل
ضد الظلم والقهر والطغيان
مش شيخ يعني ولا علامة في الدين
يبقي نتناول سيرته زي متناولناها
ولا نحاول تشويه الرجل الذي قال لي احد المتعصبين انه جيف وليس جيفارا
ثانيا مش معني ان الشخص مش مسلم ان ننكر ما فعله علي اي حال لبلده
فما بالك بشحص قد تنحي عن كل شيء في سبيل المظلومين ولا شيء غير المظلومين
شخص قد طلبته المخابرات حيا او ميتا لانه فقط كان ضد مطامحهم الاستعمارية
واو مش مقتنعة بكلامي لكي ام تعلمي ان الرسول قد اثني علي شخص كحاتم الطائي في كرمة وهو لم يكن مسلما
يعني مش معني ان في شخص مش مسلم عمل حاجه يبقي اكرهه واقول عليه ملحد وابن ستين في سبعين والا كنا نقاطع غير المسلمين تماما ونتخلي عن فكرهم واختراعاتهم
يعني مثلا اللي عملك النت اللي انتي قاعده عليه ده واحد مش مسلم اللي عملو يبقي تتفضلي تقومي من عليه لحد ميبقي المسلمين يكتشفو كمبة الطاقة علي اساس نظرية الكم وبعدين يحددو بنية الذرة ويكتشفو تركيب النواه ويخترعو اله حاسبة ويطوروها ويعملو كمبيوتر ويبقو يخترعو نت ابقي اعد عليه
طبعا تفكير خاطئ وهو ده اللي جايبنا لورا وده احد اسباب التشدد اللي احنا فيه
انا حاسس اني طولت اوي عندي كلام كتير ابقي اقولهولك لما اسمع رد مبدأي ليكي

ده لينك عليه صور يعتقد انها لجيفارا في اسرة وبعد موته
http://www.alwatanvoice.com/arabic/content-36697.html

دكتور بهــدوء يقول...

متهيألي
ان دعوه ساميه ونبيله تستحق الاحترام
ومعتقداته ودينه
مممممممممم
اكيد بتخليكي حاسسه ان اللي قدامك مش مثاليه اوي
بس
متهيألي نفصل أحسن
ع قد مانقدر

سنووايت يقول...

مواجهة قوية كعادتك يا دعاء
رأيي اننا نفصل
الشخص دا عمل كذا وكذا في سبيل الحق
كونه ملحد او مؤمن ممكن يزعلنا ان واحد زيه ما ينضمش لنا لكن مش يخلينا ننكر اللي عمله
وبعدين "انك لا تهدي من احببت"

"ولو شاء ربك لامن من في الارض كلهم جميعا افانت تكره الناس حتى يكونوا مؤمنين"
سورة يونس - آية 99

zOzO يقول...

"إنني أحس على وجهي بألم كل صفعة توجة إلى مظلوم في هذه الدنيا، فأينما وجد الظلم فذاك هو وطني"-


دي اكتر حاجه عجبتني فيه
بيدل انه انسان بجد
ف زمن انعدم فيه الانسانيه


ومش معني انه غير مسلم
يبقي مش كويس
ممكن يكون هو مش عارف الاسلام كويس ومحتاج حد يعرفه الدين كويس
ممكن كدا ولا ايه ؟
الله اعلم برده

انا كنت اتفرجت ع حلقه ف قناة الناس عن واحد اسمه يوسف
كان اجنبي واسلم وكان السبب ف ان ناس تانيه تدخل الاسلام برده
انا كنت نزلت بوست عنه
باسم الحمد لله


انا طولت عليكي اوي
معلشي بقي
بس اندمجت اوي
تحياتي

دعاء مواجهات يقول...

بعدإذنكو ياجماعة

انا هرد على كل التعليقات

فى البوست دة مرة واحدة

فى نهاية الحوار او ع الأقل بعد سماع العديد من وجهات النظر .

يهمنى ذلك جداً...

و القادم....أجمل يقول...

السلام عليكم

أنا عن نفسي بحترمه جدااااا

و بحترم رد فعله و شخصيته و عقله

بالنسبة لمعتقداته الدينية
أنا مليش دعوة بيها
فيه شخصيات من مختلف الديانات
و العقائد بتكون كويسه و تفكيرها يُحترم

أنا مش اللي بحاسب البشر

ّ~.~.~.~.~.~.~.~

مرة دخلت على الماسنجر بنيك نيم

"إن الطريق مظلم وحالك، فإذا لم تحترق أنت وأنا فمن سينير الطريق"

و حطيت صورة جيفارا

و كل اللي يدخل اقوله عليه

لاقيت صاحبتي الانتيم جاية من المصيف
و جايبالي ميدالية عليها صورته
و لحد دلوقتي الميدالية معايا

:D

بس دا كل الموضوع


هايلة مواضيعك يا دعاء

إحترامي و حبي الشديد لك ِ

:)

كاميليا بهاء الدين يقول...

"إنني أحس على وجهي بألم كل صفعة توجة إلى مظلوم في هذه الدنيا، فأينما وجد الظلم فذاك هو وطني"
...

رأيى اننا نفصل
مش كل حاجة ناخدها بعين الايمان والكفر

مواجهة ساخنة قوية كالعادة

دمت بكل الحب

محمد فاروق الشاذلى يقول...

لست من كارهى جيفارا ولست أيضاً من مؤيديه على الإطلاق فأنا أكره الهالات المقدسة المحيطة ببعض الأشخاص والتى تجعلنا نحب الشخص رغم عيوبه أو نكرهه رغم مميزاته أنا أحب الأفكار التى حارب جيفارا من أجلها (الحق - العدل - الخير) ولذلك أؤيده فى ذلك، وقد بدأت معرفتى بجيفارا المناضل حينما شاهدت الفيلم الذى يحكى قصة حياته والذى جسد فيه (عمر الشريف) دور تشى جيفارا ومن هنا بدأت الإهتمام بمعرفة أفكاره والتى أعجبت بكثير منها واختلفت مع بعضها.
جيفارا حارب الظلم أينما كان وهى مثالية لم يصل إليها غيره من البشر العاديين وهو ما أحببته فيه ورغم أننى ضد الفكر الإشتراكى إلا أننى لست ضد جيفارا المناضل من أجل المثل العليا.

صباح الصباح يقول...

للاسف يا دعاء.. شباب كتييير حاطين صور جيفارا على التى شيرتات وفى اوضهم ولا يعرفوا اى حاجة عنى الا انة بطل.. مجرد بطل.. عمل اية؟ ولا حد عارف
بس انا رايى ان كلامة عن نصرة الضعفاء فى كل مكان هى رسالة انسانية فى الاساس وبصرف النظر عن الديانة.. فدة سلوك طبيعى اى حد جواة احساس وشعور انة يعملة.

Gannah يقول...

دودو الجميلة
سؤالك وجيه جدا لأن معظم الشباب جعلوا من جيفارا قدوتهم ومثلهم الأعلى وسأجيبك بما أراه

خير الأمور الوسط بمعنى
أن الحكمة ضالة المؤمن أينما وجدها فهو أحق بها
فالرجل فى حياته أشياء نستطيع أن نستفيد منها فمحاربة الظلم والطغيان ومحاولة اعادة الحق الى اصحابة هى اهداف سامية والأهم الايجابية التى تصل الى حد النضال للتغيير
ولكن
الانبهار به الى حد ان يكون قدوتنا مرفوض
يجب ان نعى جيدا أن الرجل قد ناضل و جاهد وفعل ما لم يفعله الكثيرين وقد أخد حقه من الشهرة و الثناء أى أن الله سبحانه وتعالى لم يظلمه فقد أخذ مقابل ما أعطى و ينطبق عليه قول الله تعالى
"قُلْ هَلْ نُنَبِّئُكُمْ بِالْأَخْسَرِينَ أَعْمَالًا الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا"

هكذا نتعلم من الغير دون اغفال حقيقة اختلافنا عنهم
فنحن كمسلمين كل شىء نحتسبه اولا لوجه الله نخلص فى ادائه ومن يريد ثواب الدنيا فقد اخبرنا الله ان عنده ثواب الدنيا والآخرة
ليتنا نتعلم وكفانا سلبية

سؤال جميل يا دودو يا أحلى مواجهات
تمنياتى بدوام التوفيق

TIMMY !! يقول...

يا جماعة هو احنا ليه ماسكين في جيفارا و نقول بلاش نتكلم على إنه كافر و لا ملحد و خلينا في نضاله بس !!

يعني هو احنا كمسلمين و عرب عدمنا المناضلين في بلادنا .. علشان نروح نجيب رمز ملحد و كافر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ما احنا عندنا مناضلين مسلمين و عرف ينفعوا رموز أحسن 10000000000000000000000000000000000000000000
مرة من جيفارا ده ؟؟

و لا هي عقدة الجيفـ... قصدي عقدة الخواجة ؟؟

و لي عودة إن شاء الله

حسن حنفى يقول...

ممممممممممممم

انا شايف اننا لازم نفصل بين جيفارا

المناضل وجيفارا من ناحيه الدين

يعني ممكن نستفاد من نضاله

وهمته العاليع وتضحيته في سبيل الغير

ومش لاز نكون نسخه طبق الاصل منه

لو اخدنا الاحسن من كل شيء

هنبقي احسن كتييييييييييير

غير معرف يقول...

مهم اوى وقوى سؤالك يا دودو

بصى انا مع اننا نفصل يعنى لما نلاقى شخص مش مسلم وبيقول كلام رائع فانصاف المظلوم ومراعاه الحق والخير مننكروش لمجرد انه مش مسلم ده غير انه محدش يعرف بواطن الامور ايه

وفى نفس الوقت ميكونش اعجابنا بيه يوصل لحد الانبهار الغير مدروس
زى ما الشباب عامل دلوقتى

وفى ناس قالت هو مفيش غيره مافى كتييير عرب ناخد بيهم

انا اسفه بس يعنى ايه الى يخلينا نحكر فكرنا عالعرب وبس طالما احنا زى ماقلت متعديناش مرحله الاعجاب بانسان ناضل من اجل الانسانيه

اعتقد اننا نكون متزمتين وغير عقلانيين لما نفرض انه شخص سىء لمجرد انه غير عربى او غير مسلم
لانى برضه هرجع واقول محدش عارف نيته كانت ايه ومات على ايه

طولت عليكى بس موضوع قوى
تسلم ايدك يا دودو

غير معرف يقول...

حاجه كمان

مش معنى اننا معجبين بيه كمناضل ضد الظلم
اننا نمجده ونحط حواليه هاله من العظمه

يعنى الوسط حلو

Empress appy يقول...

بصى يا دودو لغايه وقت قريب مكنتش عارفه ايه ده ومرة سالت واحد معلق صورته على عربيته قالى ده جيفارا قولت له يعنى ايه قالى مش عارفاه قولت له عمل ايه قالى مناضل ايوه ناضل ايه سكت وقال مش عارف هههههههههههههههه

عندى رموز اسلاميه كتير ناضلت صدقينى
بس ده مننكرش دور انه حتى عمل حاجه بس لما مسك منصب فشل هههههههه

rovy يقول...

السلام عليكم
ازيك يا دعاء .. وحشتينى ..

البوست هايل و اللى نفسى اقوله فيه كثير .. بس بأختصار عاوزه اقول نفسى نتعلم منحاكمش حد و نضع نفسنا مكان الخالق سبحانه و تعالى ..
نفسى نحكم على الانسان بانسانيته و ايه اللى عمله للبشر و الانسانيه و كمان فى تعمير و اصلاح الكون و محاربه الفساد و الفاسدين .. اما عن علاقته بالرحمن فلا شأن لنا بها لأن من سيحاكمه هو الله و ليس نحن .. المهم انه لم يتعرض لمؤمن او اذى احد المسلمين او اى متدين يؤمن بالله ..
اتمنى اختى الحبيبه انى اكون قدرت اوصل فكرتى و جزاك الله كل خير ..
تقديرى و تحياتى

Asmaa mahaba يقول...

بصى يا دعاء انا مش محتاجه انبهر بجيفارا وانا عندى الامثله اللى حقا تبهر فى عالمى الاسلامى والعربى
ثانيا الناس مبهوره بجيفارا عشان ديما احنا ننبهر بالغرب دى عقده الخواجه
ثالثا
منغير دين هو كرجل ثورى نكن له الاحترام لانه قال كلمه حق
لكن انا كمسلمه ميصحش اخده مثل اعلى مادام هو ملحد لازم مثلى الاعلى يكون من دينى
تحياتى ليكى سومه_87

غير معرف يقول...
أزال أحد مشرفي المدونة هذا التعليق.
bastokka طهقانة يقول...

كفا بالكفر ذنب
و يقول الله تعالى:
اولئك الذين ضل سعيهم في الحياة الدنيا و هم يحسبون انهم يحسنون صنعا
صدق الله العظيم
===
و لا يفرق معايا حاجة جيفارا و لا غيره
اوروفوار

abo salah يقول...

بعد السلام عليكم

بصى باختصار
كل اللى انتى قولتيه سيرة جيفارا كمناضل
وبناءا على نضاله فأكيد هيكون شخصية مرموقة بغض النظر عن ديانته
هوا ماكنش بيسعى لمنع الظلم والطغيان والقهر لسبب دينى
هوا كان بيسعلها لاسباب انسانية

يعني بغض النظر عن معتقداته .. هوا كان ليه فكر ومبادئ استحقت ان تخلد اسمه فى التاريخ

ولكن على المستوى الشخصي .. مش هيكون فى نظرى الشخص المثالى ولا القدوة

التاريخ الأسلامى حافل بالعظماء هم اجدر بأن يكونوا القدوة

طبعا مش معنى كده انى بأقلل من جهود جيفارا .. ولكن هذه وجهة نظر

على فكرة انا تابعت كل موضوعاتك اللى فاتتنى وأنا مسافر وعلقت عليها

تحياتى

غير معرف يقول...

أحد مشكلاتنا اننا بناخد الحاجة على عيبها يعني لما بنشوف حاجة لازم نقلدها

انا شايف اننا ناخد من الحاجة اللي يفيدنا و بس

يعني لو حد هايستفيد من شخصية جيفارا و رفضه للظلم على طول ينحي اي حاجة تانية علي جنب

و العكس صحيح طبعا

تحياتي و ألف مبروك على المدونة الجديدة

maiosha يقول...

دودو كمان وكمان
ومواجهات كالعادة
بصى يا دعاء
أنا هقولك رايى بصراحة
متهيألى إنى لما أحب أتكلم عن جيفارا أتكلم عنه كمناضل حارب وعمل المستحيل فى سبيل بلده

لكنى لما أحب أخد قدوة لينا فى نضالنا وكفاحنا فهلاقى الف رمز ورمز للناضل

لإن الإيمان شرط أساس للكفاح .. دايما المناضلين قلبهم بتبقى مليانة إيمان
زى أيام غزوات الرسول عليه الصلاة والسلام كانوابيحاربوا وهدفهم النصر أو الشهادة ليس إلا

بس كده

سلام يا جميل

جهاد خالد يقول...

1- أفكاره ضد الظلم والاضهاد تحترم
2- التاريخ الاسلامي حافل بالعظماء والمناضلين قديما وحديثا ويمن يجمعون بين محاربة الظلم والتمسك بدينهم ومعتقداتهم
3- لا يصح ان اتخذ جيفارا قدوة على القصور الرهييييب عنده من الناحية الدينية فهذا خلل لا يُغتفر
4- نحن بحق نعيش مأساة ومهزلة ثقافية تاريخية فلا نحن نعلم شيئا عن من نتخذهم قدوات وأمثلة ونضع صورهم بكل مكان
ولا نحن نعلم شيئا عمن يجب ن نتخذهم قدوات حقا
نحن نعيش حالة من التشوه الانتمائي

موضوع هام جدا أحييكِ

Mahmoud البطراوى يقول...

عارفه المشكله دى بتواجهنى برضه فى قرايه الشعر

نزار ودرويش وبعض الشعراء الى بيكون فى اشعارهم مخالفات دينيه احيانا

يتحبوا ولا يتكرهوا

متلازمه مفيش مناص منها زغم انى بحب الى بحبه فيهم وبكره الى مينفعش احبه

شيزوفرنيا

حبارير يقول...

في القرآن "ولا يجرمنكم شنآن قوم على ألا تعدلوا ,اعدلوا هو أقرب للتقوى"والمعنى لاتجعلوا بغضكم لقوم داعيا لكم إلى ظلمهم
وقد مدح النبي بعض الكفار في أشياء وهم على كفرهم,كوصفه لخالد بن الوليد بأن له عقلا,وإقراره لكلام أبي حذيفةعن أبيه الذي قتل في غزوة بدر كافرابأنه كان عاقلا
وقد قال النبي:أنزلوا الناس منازلهم
والإمام الذهبي في أهم كتبه سير أعلام النبلاءوهو كتاب في التراجم(الشخصيات)يقول مثلا عن السهروردي:
(العلامة الفيلسوف....من كان يتوقد ذكاءا,إلا أنه قليل الدين....كان ..منحلا)
وهكذا...المهم أن الجزء السلبي فيه لا يؤثر علي
أعتذر عن الاستطراد لكنها مسألة الوضوح فيها مهم وقس على ذلك ما شابه(حزب الله _نصرالله_ الشيعة......)
ونحافظ على سلامة اعتقادنا
ويارب نلاقي في صفوفنامن ينصر فكرته ويثبت عليها أمام عواتي الرياح
سعدت بزيارة مدونتكم

Mostafa Abdelmoneam Badr يقول...

اللى ما يشوفش من الغربال يبقى اعمى

يعنى الراجل كان مكافح ومناضل وقايل كلام زى الفل

وكان حساس وانسان وراقى ومحب

وكمان ربنا أحيا ذكراه أكتر من أى حد زيه لدرجة ان صوره ع الموتوسيكلات أكتر من صور جمال عبد الناصر عند الخضرية

لو كان عايش كنت دعيت له ربنا يهديه
لكن ما دام مش عايش يبقى يارب إرحمه.

يحضرنى ذكر حضرة النبى صلى الله عليه وسلم حتى يحلو الكلام ويزان البيان

فحد علمى أنه كان يتمنى أن يقابل من سابقى العهد به عنتر بن شداد كما بلغنى علما أنه أكرم أو أعتق إبنه حاتم الطائى

مع أرفع تحياتى
السلام عليكم ورحمة الله

Amgad يقول...

عينى عليه ساعه القضا

من غير رفاقه تودعه

يطلع انينه للفضا

يزعق

ولا مين يسمعه

يمكن صرخ من الالم

من لسعه النار ف الحشا

يمكن ضحك

او ابتسم

او ارتعش

او انتشى

يمكن لفظ اخر نفس

كلمه وادع

لجل الجياع

يمكن وصيه

للى حاضنين القضيه

فى الصراع

التعليقات اغلبها صادم بالنسبة لي شخصيا
من قال لكم اننا بحبنا وليس بتمجيدنا لجيفارا ننسي رموز امتنا الاسلامية الاجلاء كل الحكاية انه شخص قريب الينا في المدة الزمنية تكون بداخلنا نتيجة لشعور القهر والاستبداد الذي يحس به كل عربي تجاه الطاغوت الاعظم امريكا
فهو شخص حارب الظلم
متفق معاكو تماما ان رموزنا علي عينا وراسنا ولكن لا يصح ان نقول انه كافر وملحد ولا بصح ان نقتدي به
من قال انه قدوتنا دينيا هو مجرد مثال يحتذي به فكريا ونضاليا
وفي النهاية حسابه عند الله
وزي مقولت وقال مع اصراري الرسول نفسه اعجب بشخصيات لم تكن مسلمة
يخاف كل منا ابداء اعجابه بذاك المكافح حتي وان كان معجب به داخليا فهو خارجيا كاره له
لانه باعتقاده انه بحبه لجيفارا سيحشر معه
اعتقد اننا يجب ان نتفكر كما امرنا الله
وان نخرج من حالة الجمود الفكري التي جعلتنا نحظي بمقولة امة قد سخرت من جهلها الامم
اتمني تكون وجهة نظري وصلت واسف للاطالة

ahmed_k يقول...

بصي يا دعاء
القضيه مش قضية معتقدات جيفارا
هو عمل فعل عظيم
ولكن هل يصح أن يكون قدوه ومثل أعلي
إحنا يوجد في تاريخنا من قاموا بمثل ما قام به وأكثر ولكن لم يحظوا بشهرته نظرا لأنهم فقط مسلمين
فلماذا ننقاد نحن في أتجاه نماذج غيرنا
نحن لدينا من قام مطالبا بحقوق الفقراء وإعطاء الحريات ولكن بضوابط عدم إيذاء الغير واسس للعدل الإجتماعي
بأسمى معانيه وهو رسولنا عليه الصلاة والسلام
الم يفعل ويؤسس وطالب وناضل من أجل مبادئ كالتي فعله جيفارا ولكن بسو لا يبلغه ولا مليوووون جيفارا
فالمثل والحب الحقيقي يجب أن يوجه من شبابنا لرسولنا الأكرم
فهو الأحق بان يكون قدوة ومثل لشبابنا
وليس ذلك الملحد السكير جيفارا

أتعجب عندما أري صور جيفارا يحتفظ بها شبابنا
لماذا ألا يوجد في تاريخنا مناضلون؟؟؟؟
الا يوجد من طالب بالعدل وإحترام حقوق الفقراء في تاريخنا
بلي وهم كثير ولكن تم تحجيم مجهوداتهم فقط لكونهم مسلمين
فهناك تفرقه يعاملنا غيرنا بها
فلم لا نقابل عنصريتهم بعنصريه مماثله
ونظهر مناضلينا ورواد الكفاح من أبناء جلدتنا
ولنتعامل مع تاريخهم كما يعاملون تاريخنا علي مبدأ
المعامله بالمثل

طولت عليكي معلش
ودمتي بكل خير

r يقول...

بصفه عامه انا بفصل بين العقائد الدينيه واحترامى او متابعتى للشخصيات خاصه التاريخيه او الادبيه
ولو كنا ما بنفرق يبقى محدش هيقرى اى علم جديد او روايه او حتى مقال لكاتب متابعه او عالم بيقتدى بيه او حتى جريده فيها حاجه هادفه
ودى نظريتى مع جيفارا الراجل دا بحبه من زمان اوى كنت مجمعاله تقريبا كل الصور اللى بتيجى قدامى ليه كمناضل
ورجل عسكرى وليه هدف ومبدأ وعندى شويه من الصور دى بس كتير منها باظ ورميته شوفى انا بشجعه جدا بالرغم انه مش مسلم وبيدخن وانا ضد التدخين اساسا
بس شخصيه تستحق الاحترام من وجهه نظرى ويا ريت كان فى منه اتنين كنت هشجعه بردوا
سلمتى

Doba يقول...

نقدر ناخد اللى يفيدنا واللى مش صح لينا مش صح للبقية

وده زمن واحنا فى زمن تانى
مدام له آراء يعتد بها فليه لا

ماحنا لسه للآن بندرس فلسفة وعلم نفس وحاجات كده لأرسطو وسقراط وما الى ذلك للتعلم والاستفادة بعيدا عن الديانة بقى

بس خلاص
سلام
هبة

Empress appy يقول...

دعاء كلام السكرتاريه الاهبل ده محصلش وكدب يا ريت تمسحيه دى ناس مش كويسه
بتاع البرنامج ده من فضلك
وانا بكدبه فى كل مكان وهتلاقينى مكدباه فى المدونى عندى

حمامة يقول...

"لن يكون لدينا ما نحيا من أجله .. إن لم نكن على استعداد أن نموت من أجله".

عجبتنى جداً الجملة دى

بصى بقى يا ستى
انا مبحبش جيفارا
بس صراحة كده لا عمرى قريت عنه ولا اى حاجة بس زى ما انتى قولتى سمعت من الشيوخ انه ملحد والكلام ده

بس المشكلة اننا بنبص للحاجة وناخد منها تفاهتها
يعنى مثلا الشيوخ كانت بتتكلم عن جيفارا ان الشباب بيلبسوا تي شيرتات عليها صورته ويعملوا تشريحته مثلا وكده
لكن يمكن ميكونش عارفين مين جيفارا ده
وتلاقى بنات تقولك جيفارا وانا معلقه صورته ولا يعرفوا حتى هو كان ف بلد ايه

احنا ممكن مناخدش حتى معتقداته
احنا ناخد الطريقه اللى فكر بيها وقهر بيها الظلم
طريقه تفكيره وتعامله مع الموقف
اما الدين بقى ف لله وربنا يجازيه عليه

ده رأيي مش بالنسبه لجيفارا بس
بالنسبة لأى شخصية ناخد منها اللى يفيدنا والكويس والباقى نسيبه
واعتقد ان ده من الذكاء
مش تقليد اعمى لا طائل منه

ابقى عدى يا دودو :)

الدرعمي يقول...

السلام عليكم

أشكرك بداية على البوست التوضيحي ده

وضح حاجات ومعلومات كويسة

بس رأيي

إننا لا نهاجمهم

ولا نذوب فيهم

شخص زي جيفارا

ليه عيوب زي إلحاده

وله مميزات زي جهاده وشخصيته

ناخد الحلو ونسيب له الوحش

ننبهر بشجاعته

ونكره كفره

بس منخليش عيوبه تمنعنا من الاستفاده

من قصته وشخصيته

ومننجرفش لأفكاره لأننا معجبين بيه

تحياتي


آدم

Hossam يقول...

هاى
بجد انتى جبتى الموضوع بطريقة فعلا موضوعية ورائعة
انا فى رايى ربنا خلق لنا عقل عشان نمشى صح وفى رايى اننا نقول للظلم لا ده فعلا احسن استخدام للعقل.بعيد عن المعتقدات الدينية,المناضلة عشان حق سواء كان مسلم مسيحى يهودى او حتى ملوش ملة لازم نقف معاه.ولو رجعنا للتاريخ هتلاقى كتير جدا جدا ملهمش ملة عملوا حجات افادتنا كلنا.ومش كده بس ده كمان فى مثقفيين كتير جدا وروساء كانوا مثلى الجنس(gays) كده بقى منحبهمش ونكرهم ونقول عليهم دول لا ده بقى الظلم بعينه
(اسف لعدم قدرتى على التعبير باللغة العربية)

انين الحزن يقول...

دعاء ازيك ياقمر
اخبارك ايه وعامله ايه


كل سنه وانتي طيبه


سلاموووووووز

وزة

ولد مصري يقول...

"شكارة" ايه يا جماعة اللي بتتكلموا عنه ونازلين "تنجيد" فيه يعني هي من قلة رموزنا الاسلامية

أعتقد اننا أفضل إننا ندرس حياة الرسول صلى الله عليه وسلم والصحابة اللي فعلا حياتهم كلها مليانه عبر ونتأسى بيهم لأن هؤلاء الصحابة نزل فيهم قول الله تعالى "رَضِيَ اللهٌ عَنْهٌم وَرَضٌوا عَنْه" فلو عايزين نقتدي فعلا فنقتدي بيهم لانهم أفض البش بعد الانبياء والرسل ولا ايه؟

على العموم موضوع شديد كالعادة

تحياتي

t3ban يقول...

انا الي بيغظني منه معنه ملوش اي ذنب
ان ناس كتير لبسا تيشرتات عليها صورته
و سلاسل
وهما مش عارفين مين ده
مرة سالت صديق ليا
قالي مغني ميتل قديم
لو خلاص السقافة واخدة الناس ينزلو صورته علي كياس الشبسي
يكلفو نفسهم بورقة يكتبو فيها
ملحوظة
مناضل و عاش و مات من اجل وي وي وي وي
مش بتاع سلالسل في لاس فيجاس

محمد عبد القوى يقول...

صور كتير ملو الخيال
وألف مليون أحتمال
لكن أكيد ولا جدال
جيفارا مات موتة رجال
____________
قصتى مع جيفارا انى كنت نفسي أشترى طاقية عسكرية زيه او حتى كاب او تى شيرت عليه صورته وده لأنى معجب بيه جدا و - خدى بالك من اللى جى - بتاخده مثل فى حاجات معينه
طلع واحد صحبى سلفى وقالى:
تحط على راسك صورة ملحد
- انا مش بحبه لدينه .. الراجل ده صاحب فكر ومبدأ ، وقوام عشان دول كتير منها دول عرب ومسلمين زي اليمن
- بس ملحد .. مش مؤمن بالله .. ولو بتحب ربك صح يبقى تكره مش تحبه وتشترى له كاب
- ياحج أفهم ... انا مش بحب الشخص ، انا بحب الموقف ، الفكر الحر والإيجابية المطلقة واللى قربت تنعدم عندنا احنا المسلمين
- يعنى جيفارا احسن منا
- لأ طبعا ..إسلامنا لوحده يدينا التميز ، لكن جيفارا نفذ تعاليم ربنا رغم إلحاده ، وقال للأعور انه أعور فى عينه ، مرضاش يبقى شيطان اخرس مع انه مش مؤمن بجهنم ونارها ..فى الوقت اللى فيه مسلمين راضوا
المناقشة ما خلصتش على كدة ، بس الجزء ده فيه الكفاية لرأى والرأى الأخر ، يارب أكون موضوعى وعادل
__________
بوست جديد على قلم الحرية عن شخصية أشبه بجيفارا ولكنها خيالية

شمس النهار يقول...

هو احنا ليه بنمد لبره احنا عندنا في التاريخ العربي مليون جيفاره ده واجدع منه كمان ايه رئيك تتبني الموضوع ده وبدماغك الناشفه الجميله دي تدوري وتعرفي الناس بالابطال دول يمكن اللي بالي بالك يحسوا علي دمهم ويعملوا زيهم وتتصلح الاحوال

غير معرف يقول...

دعاء

اكيد جيفارا دة كان عظيم والعظمة لله وحدة

انا مع جيفارا فيما قال وربما اختلف معه ولكن هذا لا ينفى اعجابى به

انا رأيى أن نخرج المعتقد الدينى فالهداية لله وحدة وكمان ممكن الرسالة موصلتوش وكمان فى حرية اعتقاد
بس اكيد هو انسان بيحب الخير ومناضل وربنا يغفرله وايانا

تحياتى

Ahmed Kamal يقول...

و يا ترى إنتي اخترتي جيفارا ليه ؟

الحقيقة أنا قرأت عن جيفارا زمان جدا ، و أعجبت ببطولته و كفاحه ، لكن فشله السياسي فكرني بالثوار المناضلين العرب ! و على العموم نضاله العملي شيء جميل كرمز مقاومة و ثورة ، لكنه لا يعني شيء على المستوى الشخصي بما فيها معتقداته و سلوكياته .

الغريب بقى إنه من سنين قليلة بدأت تنتشر بين الشباب صور جيفارا ، و كنت مستغرب جدا من الثقافة الثورية اللي ظهرت في البلد ، و بعدين وجدت إن معظم الشباب دول ولا مثقفين ولا ليهم في الثورية خالص ، أمال إيه الموضوع ؟

أظن إنه الشيء لزوم الشيء ، يعني كمالة الموسيقى و اللبس و الأفلام و طريقة الكلام الأمريكاني اللي إحنا غرقنا فيه من التسعينيات ، كمان أحد رموز الشباب في أمريكا شي جيفارا كرمز للتمرد ، و احنا طبعا نحب نبقى على نفس المستوى من الروشنة .

طيب نرجع لسؤالك ، و أنا باقول إيه أهمية إننا نمجد و نروج لأفكاره ؟ و بغض النظر عن دينه ، إحنا كمان بنتكلم كتير عن غاندي مثلا رغم إنه كان بيعبد بقرة ! لكن أظن إن التمجيد و الترويج لازم يكون لفكر التغيير ، مش بطريقة غاندي أو جيفارا ، لكن بالطريقة اللي تناسب وضعنا ، و اللي "احنا" لازم نلاقيها و ننفذها ، و صدقيني لو ده حصل ، ماحدش من الشباب الروش حايفتكر الجدع ده كان إسمه إيه .

أحييكي

blue-wave يقول...

بصى
هوا انا فعلا مش عارف احدد
هوا على الجانب السياسى والإنسانى رائع ومثال وقدوة
لكن برضه صعب نعجب بواحد كافر بالله
دا رأيى
عارف انه ملخبط
بس انا شخصيا بتلخبط فيه:))

nigro يقول...

هي عادة فيا و عارف إنها سلاح ذو حدين
و فيها اجحاف شديد
بس أنا كده
بأفصل الكلام عن قائله
و بتعجبني الأعمال بعيداً عن مؤديها
أعجبت بمقولات جيفارا الإنسانية ولكني استبعدت الشخص القائل و استمتعت بالمقولة
ف مبقاش يفرق عندي جيفارا أكان ملحداً أم مؤمناً .. حياً أم ميتاً
لأن كلماته لم تعد عندي تشير لأحد ولا لشيء سوى معناها و مقصدها .. مجردة
و بس



يى سلام

صاحب المضيفة يقول...

الحكمة ضالة المؤمن انى وجدها فهو أحق الناس بها


وبعدين احنا ناخد الكويس من الناس دون الدخول في المعتقدات طالما ان الحاجات الكويسة دي مش بتصطدم مع نصوص ديننا وشرعنا الحنيف


وبعدين زي ما في جيفارا في اسلامنا الجميل احسن منه وفي نصرته للحق والمظلومين برضو وكتير كمان


احنا اللي تاريخنا مفترى عليه ومظلوم بس لذلك مش واخد حقه من الانصاف والعدل في نشر اوجه الخير والحق والحرية منه.


تحياتي

كاشف الاوهام يقول...
أزال أحد مشرفي المدونة هذا التعليق.
غير معرف يقول...

ازيك يا دؤدؤ
الاول انا رأي مع رأي الاستاذ احمد كمال برغم عدم معرفتي ب احمد كمال نفسه
وعندي اضافه مهمه جدا اننا كمسلمين متعصبيين لديننا الاسلامي جدا برغم قولنا غير ذلك وخير دليل علي هذا لو اي شخص كلمك عن اي فنان او طبيب او مهندس وانت بتمدح فيه جدا يقولك بس لو مسلم ومش مسيحي ؟
كأن الدين المسيحي سبه؟
وانا استغرب فعلا لهذا يمكن عشان انا بطبيعتي متسامحه مع الناس جدا جدا جدا
بس كمان مش بأمن بكل صفات الشخص وانا اعشق جيفارا فعلا لكن مسأله معتقداته الدينيه تؤرقني ولكن هذا لا يمنعني من الاعجاب به مثل غاندي ايضا
ثم اننا نتناسي انه هناك مسلمون بالاسم فقط كانوا وبالا علي الاسلام والاسلام بريئ منهم وانت بينك وبين نفسك بتكون في اشد الخجل امام شخص مسيحي يقولك مش ده مسلم ذيك طب يعمل كده ليه ؟؟؟
وشوف كتير من الدكتاتوريين العرب المسلمين من اول الحجاج والي الان صدام والبشير وغيرهم
انا بحب كلامك ومواجهات القوية يا دعاء بس في النقطه اختلف معك
وعلي فكرة مش عشان انا طيبه يعني زي ما انتوا كلكم بتقولوا ومتسامحه اني اقول الكلام ده
لكن دينا الاسلامي بيقول لا اكراه في الدين
وايضا لكم دينكم ولي ديني
فدعونا لا نتعصب ونري الجانب الوردي للحياة..... النصف الممتليء للكوب
الجزء المناضل الثوري الجميل ل جيفارا
ولا نري الجزء السييء
ده رأي المتواضع
وتحياتي لك
ووووحشتيينييييييييييييييي كتيييييير كتيركتييييييييييييييييييييييير

mostafa rayan يقول...

ازيك يا احلى دعاء
بصي يا ستي بالنسبة لجيفارا فأحنا ممكن ناخد منه الحاجات الكوسية اللي فيه زي ايمانه بتغيير الأخطاء ومساعدة الضعيف وكل هذه الأشياء اما إلحاده وكذا فنحن لا نكن معه في هذا الامر ناخد منه الحاجات الحلوة اما غير ذلك مالناش دعوة بيه
- بالنسبة بقي للبوست اللي قبل السابق
الفنان والأديب يا دعاء بني ادم عايز يعيش في الأول والأخر وله متطلبات حياتية زيه زي باقي البشر وفي الزمن دة ماحدش بيساعد حد وهو مايملكش غير موهبته علشان يعيش بيها
المخرج العظيم رضوان الكاشف اخرج فيلم من اعظم افلام السينما المصرية اسمه عرق البلح ماحدش اتفرج عليه واندبح في دور العرض
( كان بتعرض في القاعة الصغيرة
بسينما ريفولي وكان عدد الحضور
ضعيف جدا )
بحجة ماحدش فهمه وفيلم المصير تعرض لنفس المصير ايضا بعد ذلك حاول المبدعان الراحلان تقديم شيء يكن ابسط للوصول للجمهو فقدم الأول الساحر والثاني الآخر والأثنين نجحو دة مش تراجع عن مواقفهم ولكن محاولة للوصول لحل وسط يضمن له البقاء في الساحة والتواصل مع الجمهور وتقديم مايشغلهم من افكار
وكمان دلوقتي في مبشرات كويسة مثل نجاح كتب مدونات الشروق الثلاثة وايضا نجاح رواية هدوء القتله لطارق امام رغم ثقل النص والبلياتشو لشيماء زاهر وكتاب ابراهيم عادل وعباس العبد للأحمد العايدي وهؤلاء ايضا كتاب شباب من سننا
وقبل كل دة واهم منه القصص العبقرية اللي انا بكتبها واللي بسعي دلوقتي جديا اني انزلها في كتاب وان شاء الله ينجح ويكسر الدنيا
ايوة قصص عبقرية ولا انتي عندك رأي تاني
تحياتي ليكي يا قمر واشكرك على كلماتك المشجعة عندي

Foxology يقول...

والله انا عن نفسى انا بحترم الراجل ده جدا كشخصية متمردة على الظلم والطغيان

افتكر مرة كنت فى حاجة اسمها التربية العسكرية وكان واقف جمبى فى الطابور واحد طالب من الأرياف اللى هما نظام كلمة توديه وكلمة تجيبه لقيته فجأة بدون مقدمات بيقول جيفارا ده خنزير ! لما ناقشته لقيت دماغه متبرمجة حافظله كلمتين معرفش سمعهم فين وشكرا على كدة قفل عليهم بالضبة والمفتاح يا عم الحاج ده كان راجل ثورى مكنش رجل دين مفيييش الآخر سيبته علشان النوعية دى لا يمكن الكلام يجى بنتيجة معاهم

بس :)

Abu Shahin يقول...

يا جماعة لازم نفصل كويس

انا مثلا مابحبش جيفارا عشان شعره مثلا لكنى باحبه عشان افكاره وشجاعته و و و و واللى قرى كتاب احلامى لا تعرف حدود لا يمكن بعدها مايحبش جيفارا

يا جماعة منير قالها من زمن
يهمنى الانسان ولو مالوش عنوان


وبعدين انا فى واحد صاحبى قبل كده قالى ماهو لو كان لقى حد يعرفه بمبادئ الاسلام مثلا كان اسلم

شكرا يا دعاء على مواجهاتك الجامدة

Gannah يقول...

رسالة من دعاء

الى كل أصدقاء دعاء

دعاء ستغيب عنكم قليلا ثم

ستعود اليكم ان شاء الله بمفاجأة سارة

دعواتكم لها بالتوفيق

تحياتى

واد غلبان يقول...

جيفارا
مرة اخرى
دعينى اخبرك عن شخص مات من اجل مبدأ يؤمن به
دعينى اخبرك عن حالم بعالم بلا طغيان
انه جيفارا
اما عن كونه بلا دين يؤمن به
فهذا بالطبع نقص عليه وليس نقد له
لانه من يدرى ما الذى يخفيه كل منا فى صدره
ولنا ان نعجب بمن كان لقد اثنى الرسول صلى الله عليه وسلم على النجاشى وهو النصرانى العادل
فلم لا نعطى فرصه للثائر جيفارا
تحياتى
اتمنى زيارتك

Rania Lelah يقول...

مواجهه صعبه جداااااا
انا قريت كتير عن جيفارا و بجد معجبه بنضاله ووقوفه المستميت ضد الظلم
بس اما نجى نفتكر انه ملحد
اكيييد حاجة تضايق قوى
بس اما بقرا عن بطولاته الواحد فعلا محتاج ناس زى دول هنا يخدونا من الظلمه للنور
و يكونوا كمان مؤمنين بالله عز و جل

النصر من عندك يا رب

Mero.. يقول...

هممممم
بيتهيالي المفروض مع اي شخصية في العالم جيفارا او غيره ناخد اللي يهمنا واللي ينفعنا ونسيب اي حاجة غلط..ميهمناش الشخص على قد ما يهمنا المبادئ اللي كان بيدافع عنها..
اللي يغيظ بس انا فعلا الشباب بقوا واخدينها روشنة انهم يعلقوا جيفارا في كل حتة وهما ميعرفوش عنه حاجة ..
لطيف ومفيد انك تكتبيلنا عنه بوست زي دا..
دمتي بخير أختي ..

هــــــــــــايدي يقول...

السلام عليكم
ممكن اقول رايى
لانه كافر او ملحد فاحنا مش هناخده قدوه فى الدين ولا هنخليه امام ونصلى وراه
بس هو فى شىء اتقنه فى حياته اى المانع اننا نتعمل من الشىء دا
لو مدحناه فيكون المدح دا فقط فى وطنيته ونضاله مش فى دينه وياريت نفصل بين الامرين
لاننا لو قاطعنا كل واحد لانه مش مسلم كدا مش هنكلم حد ولا هنتعلم حاجه جديده

محمود البدري يقول...

ازيك

مش هأسأل ايه لزوم الخطبه العصماء زي ماانتى عايزه

كل اللى هاقوله ان كل واحد واجب عليه انه يكافح الظلم بأى طريقه شايفه صح اذا ما كانش فيها ازيه لبرىء

مهما كانت الطريقه لأن الظالم عمره ما يعرف لغه الحوار فيه ظالم ما يستحق الا الشنق فى الميادين العامه والحرق بالنار صاحى

وجيفارا وعبد الناصر وهواري بومدين و بن بيلا وعبد السلام عارف وغيره كتير

كل دول حاربوا الظلم بشجاعه ليس لها مثيل
لاكن اللى هزمهم مش ظلم الظالمين
لكن ظلم المحبين وظلم الناس اللى حاربو علشانهم ليهم



فيه سؤال محدش عارف يجوبنى عليه


هو ليل البلد دي ملوش نهار ولا ايه

لو عندك الاجابه ريحينى




MOOOD

ahmed_k يقول...

بالتوفيق يا دعاء
وترجعي بألف سلامه
وفي إنتظار المفاجأه الساره

تحياتي

maiosha يقول...

سلام عليكم

يا زوار المدونة

أنا هنا النهاردة مش بصفتى ميوشة الفاشلة

أنا هنا علشان ابلغ رسالة من صاحبة المدونة

دعاء مواجهات الشهيرة بدودو غايبة عن المدونة بقالها حوالى اسبوع ويمكن اكتر كمان .. وده لظروف خارجة عن إرادتها بس خير ان شاء الله

المهم هى كلفتنى أبلغكم كلكم رسالة

بتقولكم " وحشتوووووووووووونى مووووووووووووووت .. ورجعالك قريب إن شاء الله "

سلام بقى .. ومتتأخريش يا دوودو

ana ga3an يقول...

باختصار شديد وبدون اي فزلكة
جيفارا
راجل صح جة في وقت صح مع ناس صح
وفي زية كتتتتير
بس لانة من اوائل اللي وقفة في وجهة الغول الامريكي انذاك
اخد شهرة واصبح نموذج للنضال المسلح
عن نفسي افضل غاندي
في الوصلات اللي تحت بعض الصور بعد اعادم جيفارا بعد تسليمة علي يد اقرب اصدقائة
pic 1
pic2

pic3

nigro يقول...

إحم
يا أهل الله ياللي هنا
يا ست دعااااااء
يا ست دعااااااء

إيه ده؟
هي ست دعاء مش هنا
يووووه .. يقطعني
نسيت انها قالتلي انها هتغيب شوية كده
طيب أما أقوم أفتح الشوبابيك لحسن المدونة كتمة قوي

يا ست دعاااااااء



يلا سلام

Unknown يقول...

ازيك يا دعاء عاملة ايه
ايه اخبار التدوين معاكى واعتذر عن الانقطاع الفترة الكبيرة دى حتى بعد الامتحانات
المهم انا شايف اننا بالرغم من كون شخص او رمز انه ملحد مش لازم نؤمن بعقيدته بس ممكن نستفيد من افكاره
وفيه ناس هتقول اسلامنا فيه كل حاجة، وانا متفق مع ده بس لازم نشوف برضة الناس دى بتفكر ازاى عشان حتى نقدر نوصلهم فكرنا بالطريقة اللى يفهموها او نفهم فكرهم بسهولة

اعتراف: وحشنى التدوين جدا والوقت ضيق انى الف على المدونات واعلق
ربنا يعيننى
تحياتى

Noha El-arabi يقول...

انا لو تعاملت مع جيفارا علي اعتبار انه انسان و انسان و بس ساعتها مش حافكر في دينه
و لا عزاء للمسلمين اللي مش مسلمين
بس بيني و بينك انا مبحبش فكرة ماذا لو تم احياء رموز مضت، فكرة السؤال نفسها مرفوضة لانها دايما بتحطنا في خانة الانتظار، انتظار حد يصلح احوالنا، ليه منبدأش و خلاص
صح؟
:)

غير معرف يقول...

الاكيد ان جيفارا مات والاكيد بردوا اننا كشباب مسلم مينفعش ناخد ملحد قدوه الان الدين المعامله والمعامله هى السياسه 00000000000احنا عندنا نمازج من المكافحين المناضلين المسلمين كتير اوى امثال العز بن عبد السلام وبن تيميه وغيرهم اعتقد ان الناس دول اجدر انهم يكونوا نبراس لنافى الختام احب ازكركم جميعا بحديث المصطفى المرء مع من احب يوم القيامه من بقى فيكوا عايز يبقى جار جيفارا

الميكروباص يقول...

ولله أنا شايف أن عندنا أمثله كثيره في الدوله الاسلاميه بالماضي والحاضر يمكن لنا أن نفخر بهم بدلا من وضع صورة هذا الرجل على السيارات وفي البيوت ولصقها على الجدران
العالم العربي والاسلامي لم ولن ينتهي من الأبطال
لم تضيق بنا الدنيا على وضع صورة هذا الرجل بالذات
كنت أود كتابة موضوع عن هذا الوضع- لكنك سبقتيني
والناس اللي بتقول اننا نتعامل معه كإنسان- ما عندك سعد زغلول انسان- ومصطفى كامل انسان- ومحمد نجيب انسان- ومحمد علي انسان- وخطاب المجاهد إنسان- والمجاهدين في فلسطين الذين يقفون ضد الاحتلال والظلم هم شهداء ويستحقون منا أن ندخلهم في قائمة البني آدمين - لماذا لم نجد صورهم على الحوائط والسيارات مثلما نفعل مع هذا الرجل وكأن الكرة الأرضية خلت من المجاهدين والثائرين على الظلم ولم نجد ما نلصقه على السيارات سوى صورة هذا الرجل
على فكره
ده فكر فارغ
ان احنا نكون امه عربيه واسلاميه ونتفاخر بواحد ملحد ونقول اننا ملناش دعوه بإتجاهه الديني وكأننا لا يوجد عندنا من هو أفضل منه 100 مره دي الخيبه بعينها

تحياتي لك على هذا الموضوع

دعاء مواجهات يقول...

بعتذر بشدة عن عدم الرد على التعليقات حتــــــى الآن

ودة لآنها مش محاجة اى رد لا دا لازم يكون تفكير وعمق صح

وبمشيئة الرحمن غدا ارد عليها

ادعووولى

سلااام

دعاء مواجهات يقول...

amgad

كلامك كلو منطقى جدا

وتحليل بيستند للمنطق بردوو

وعاجبنى شخصيا

بس الحكاية انى طرحت الموضوع لانى شوفت الخلااف اللى ع الشخصية ذاتها

وحبيت اسمع كتير..
نورتنى

دعاء مواجهات يقول...

دكتور بهدوء

انا بقوول زيك بردوو

الفصل مطلوب

ولكن لو هو عايش هتتعامل معاة ازاى

بتحفظ ولا عاادى..

هى دى النقطة؟؟

نورت بيتك

دعاء مواجهات يقول...

سنو وايت

اشكرك ع رايك ف البوست ياقمر

ومعنى انك بتفضلى لافصل يعنى بتحترمى الاعمال بعيدا عن المعتقدات

نورتينى

-------------------------

زوزو


- انا كمان بحب المقولة دى اكتر من اى واحدة غيرها

انتى اصبتى
الاختيار

انا كنت قرأت البوست اللى بتقولى علية واعجبنى فعلا..

تحياتى ليكى

-----------------------

والقادم أجمل

تعرفى انا بحس فى صورتة بقوة كدة وحاجة شامخة وتديكى طاقة للاستمرار معرفش اية سر دة يمكن نظرتة

نورتى

-------------------------

دعاء مواجهات يقول...

كاميليا

اد اية وحشانى وواحشنى كلامك يابنتى انتى

والفصل افضل اكيد

بس سيبك لابوست مبيبقاش لية طعم من غيرك بجد

بحبك

------------------------

قلب مصرى

اصبت تحليل الموضوع

فعلا مش معنى الاختلاف مع بعض معتقداتة او افكار اننا ننكر انة حد فعلا فية شئ من المثالية ومش معنى كدة ان مفيش مسلمين كدة لاطبعا

بس هو يمك طريقة وفاتة واهتماما مريكا بية هى الى ادتلو الاهمية والصيت دة

منور كعادتك

-----------------------------

صباح الصباح

قولتى نقطة مهمة اوى بردو

معظمنا بيستخدم الرمز او الشعار بدون معرفة مدلولة

تحياتى ليكى

-------------------

جنة

حبيبة قلبى جبتى الخلاصة

حد كويس اة بس منقلدش وبس ولا نعترض وبس

ناخد الكويس ونرمى الوحش ف الزبالة ونتعلم منو

بيس

دعاء مواجهات يقول...

timmy

احنا اتفقنا بقى نستفيد بالكويس ونسيب الوحش والى مش بيتفق معانا بعيدا عن التعصب

نورتنى

اتمنى دوام التواصل

-------------------------

حسن حنفى

بتفق معاك فى الراى واتحفظ على التقليد الشكلى وترك الجوهر

نورت

-------------------

شيماء

اكيد الهالة دى سببها الاعلام

وامريكا كمان واهتمامها بية واحنا قلدنا

بس زى ما قولتى الوسط حلو

بيس

--------------------------

آبـــى

ههههههههههههههههههههه

يابنتى هو كدة فعلا دا لو عرفوا اسمة كمان يبقى معجزة

نورتينى وحشانى اوى

--------------------

رووفى

اين انتى من زماان يابنتى

وحشاانى اوى بجد

وانا مع الوسطية نورتيينى

دعاء مواجهات يقول...

سومة مجنونة ف بلد عاقل

هنا تكمن القضية هل نفصل ام لا

فعلا الموضوع كبير

نورتينى

-----------------------

طهقانة

ياباشا ما انت طهقان بقى وداخل ترمى الكلمتين

اهدى بس شوية

نورتينى

----------------------------

أبو صلاح

ودى كمان نقطة مهمة

مش معنى انو حد عمل كتير كويس يبقى هو مثلنا الاوحد لان عندنا ف دينا امثلة كتير اهم واعظم

تحياتى ليك ع كل كلامك واهتمامك بالتعليق

سلااام

-----------------------

الضاحك الباكى

معاك فى منطقك

والله يبارك فيك

وعاوزين نشوفك هناك كتير

نورت

------------------------------

ميوشة

حبيب قلبى الى جايب م الاااخر انت

بس بردو هما بيكون عندهم ايمان بقضيتهم واهميتها والا مينجحوش فيها ابدا

ولا ايية؟

نورت ياقمرى

------------------------

النجمة الصامدة

حالة من التشوة الإنتمائى

كلمة مهمة اوى ع فكرة

وبتشمل حاجت كتيرونواحى اكتر

بحييك بجد ع تحليليك

نورتى

دعاء مواجهات يقول...

بطوط حبوب

بارانووويا

هههههههههههههههههههههههههههه

لا هو نقدر نقوول صراع داخلى مستمر صعب حسمة

ما بين ماهو مفروض وما نحبة العقل والقلب يعنى

اقولك انا بقى ياعم الحرام ابعد عنو ومتقراهوش والحلال اقراة وحبة

بس كدة سهلة اوى

زى شكة الدبوس.

------------------------

صاحب مدونة السعادة

اشكرك بشدة على الامثلة التوضيحية الهامة

وانت كمان لفتت نظرنا لنقطة مهمة وهى العدل بعيدا عن الهوية

تحيااتى ليك

نورتنى

اتمنى دوام التواصل

---------------------------

مع إصرارى

ياعمنا داخل شمال كدة لية بس

بالراحة علينا

احنا بنتناقش وبنتكلم مش بنتخانق

بس رايك ولا كلمة طبعا

نورتنى

دعاء مواجهات يقول...

- AMGAD

اهلا بكلام الفاجومى ياعمنا

واللى بيعتبر سبب اخر مهم من اسباب شهرة جيفارا فى مصر والوطن العربى

وانا بحب كلام القصيدة دى اوى ع فكرة

والاعتدال مطلوب وزى ما قولت الرسول نفسة اشاد ببعض المميزات ف الكفار

نورت

وطول زى ما تحب

بيس

دعاء مواجهات يقول...

أحمد _ك

احييك على حبك الشديد لقدوتنا من المسلمين

ودة المفروض انا نقتدى بيهم وفوقهم الرسول الكريم صلى الله علية وسلم

وعلشان كدة انا طرحت الموضوع للمناقشة

علشان اعرف آرائكم

وارى ان الوسطية والعدل ليس بشئ بغيض

نورتنى

دعاء مواجهات يقول...

بسنت

الفصل مطلوب والتعقل والحكمة ايضا مطلوبة

تحيااتى ليكى

دووبا

فعلا احنا لسة بندرس لكل دوول وكانوا على نفس مذهبة من الماركسية والشيوعية

نورتى

دعاء مواجهات يقول...

آبـى

اوكى علم وتم التنفيذ

--------------------

حمامة

اقدر رايك بشدة

نورتى

بليز اعذرينى انا جايالك حاالا

بيس

دعاء مواجهات يقول...

آدم

اتفق معك كما سبق ورديت ع اخروون


نورتنى

---------------------

حسام

نحن لسنا بصدد الحديث عن المثلين

ولا هنا مكان للدفاع او اقحامهم فى الحوار

نورت

دعاء مواجهات يقول...

وزة

ازيك ياخااينة

انتى فين
ولا رنة ولا زنة

ولا مكالمة ع اليت حتى

مااشى ياعم

براحتك

عمواما انا عملت بأصلى واسألت مع عنو مفروض تيجى منك

انا كدة براااءة

بيس

دعاء مواجهات يقول...

ولد مصرى

حلوة شيكار دى بجد
جديدة

نورتنى
-------------------------

تعبان

انا كمان بتغاظ او م التقليد الغبى والاعمى اوى دة عندك حق فيها ى بقى

بس صعبة حتة يقولو سيرتو ع كيس الشيبسى دى

نورت

دعاء مواجهات يقول...

محمد عبدالقوى

فين ياعم باقى الحواار

وفعلا دا العادى كل واحد يدافع عن فكرتة


نورت

دعاء مواجهات يقول...

شمس النهار

دماغى ناشفة

طب ودى عرفتها اواى بقى

اوكى مقبولة بردو مافى مشاكل

عموما اقتراح جميل اوى وهعمل بية اكيد

اول ما تتاح لى الفرصة

نورتنى

--------------------

المحارب المتيم

بلاش حتة عظيم دى مبحبهاش وحتى لو قولت بعدها العظمة لله وحدة ولا بحب كلمة ملك كمان ع اى شخص مهما كان


نورتنا

دعاء مواجهات يقول...

احمد كمال

انا اخترتة علشان شخصية عليها جدل كبير وبصراحة انا اصلا كنت هكتب المقال بشكل تمجيدى اكتر وبس

ولما دخلتع احد المواقع وشفت جدل كبير اوى قررت اطرحة كدة

علشان اشوف وجهات نظر الشباب عندنا..

واستفيد كمان واكون وجهة نظر خاصة بيا

وفعلا زى ماحضرتك قولت

الشباب وخداها الشئ لزووم الشئ

نورتنى استاذى العزيز

سلااام

دعاء مواجهات يقول...

بلو وييف

هو فعلا الموضوع ممكن يلخبط

بس الصح ناخد الحلو ونترك القبيح

----------------------

نيجرو

حلوة اوى اوى

المدرسة التجريدية اللى بتنتمى ليها دى

ياباشمهندز

نورت

------------------------

صاحب المضيفة

معك قلبا وقالبا

اتفق بشدة

نورتنى

دعاء مواجهات يقول...

حوبة

رووحى يانااس

ازيك يابنتى

انتى وحشانى اكتر

داخلة شمال وضربالى فالسياسة كمان

براحتك ياعم ماالمدونة بتاعتك اصلا

بس ركزى يابنتى

انا مقولتش راى محدد والا مكونتش ذكرتة مميزات وصفات حلوة فية

انا رايى الاعتدال وليس التجنى والتعصب

نورتى

دعاء مواجهات يقول...

مصطفى ريان

ههههههههههههههههههههههههههه

ماشى ياعم الواثق بس فعلا كلامك وقصك بتعجبنى اوى بجد

انت حد فية امل

عاوزين نشوفك ف توقيع الكتاب

معاك ف حتة جيفارا طبعا

بيس

--------------------------

ابو شاهين

معاك فى الاعتدال

اشكرك ع رايك

نورت

---------------------------

فوكس

مهو الجهل والتعصب الاعمى دة

اللى جايبنا لورا ديما ف كل حاجة

نورت

-----------------

واد غلبان

يعنى اية مرة اخرى؟؟

نورتنى
اتمنى دوام التواصل

بيس

--------------------

رانيا

اللهم آمين

لنا ولجميع المسلمين

نورتى

دعاء مواجهات يقول...

ميرو _ هايدى

اشكرك ياميرو ع رايك ف الموضوع اخى العزيز

وانتى هايدى

ورايكم صائب

نورتونى

Mostafa Abdelmoneam Badr يقول...

يا استاذتنا
أولا
إنتى اللى عمنا ونتشرف بإن لينا حوار معاكى.
مش مجاملة فعلا أنا سعيد إنى باتكلم مع حد مثقف واعى بيفتح آفاق ومجالات للحوار مع الذات قبل الذوات.

ثانيا
أنا آسف لسوء التعبير ولكن مافيش سوء نية.
بينى وبينك اتخضيت لما لاقيتك بتقولى داخل شمال وراجعت التعليق بتاعى علشان افهم
كل ما فى الأمر انى حبيت أبدأ كلامى بمأثور للفت الانتباه
فبدأت بمثل شعبى قصدت معناه ومش قاصد شتومة والله خالص
يعنى اللى مايشوفش من الغربال يبقى اعمى قصدى ان صورة الراجل جيفارا ده باينة وواضحة زى الغربال لو بصينا من خلاله.
هل هو عمل كويس ولا بطال
وكمان صورته واضحة هل عمله خلاه يدفن بعد موته فى الارض ولا فى القلوب والعقول

أنا آسف لسوء التعبير وربنا يجعلنا من أهل اليمين

لكى كل احترامى ومتابع لجديدك دائما
مع أكمل تحية
السلام عليكم ورحمة الله

دعاء مواجهات يقول...

واحد من الناس

ازيك يامحمود

لا ياعم اكيد لية نهار وقريب اوى كمان


متقلقش وبكرة افكرك

نورتنى


--------------------

احمد

ربنا يكرمك

اشكرك ع سؤالك

--------------------

انا جعان

اشكرك على الايجاز والاصابة فى نفس الوقت

نورتنى واشكرك ع الصور

اتمنى دوام التواصل

-----------------------

نيجرو

انا جيت اهووة ياعم

كفاية الجيراان صحيووا

بيس

دعاء مواجهات يقول...

ايمن بدر

ربنا يارب يعينك ويقدرك

قلبى معاك

نورتنى بعد غيااب

----------------------

نهى العربى

من الناس الى بجد بفرح لما بشوفهم عندى هو انتى

ورايك اخر صح طبعا

حاولى تيجى لقاء كسااب

نورتى


------------------------------

غير معروف

رديت ع كلام مشابه راجع التعليقات

-----------------------

لورنس

احترم رايك بشدة واحييك على انتمائك

نورتنى

بيس

دعاء مواجهات يقول...

مع إصرارى

ياخبر انت افتكرتنى بتكلم جد

لا ابدا

انا بهزر فعلا

وكلامك مفيهوش غلط ولا حاجة

وشرف كبير ليا المناقشة مع حضرتك

وبجد ديما منورنى

بحب اوى اشوف مع اصرارى منورة التعليقات


بيس

غير معرف يقول...

ياجماعة فوقوا واصحوا هذا صاحب فكر لا يؤمن بالله تعالي ولا بوجوده هل انتم مسلمون حقا وتمجدون هذا الرجل الملحد وتحفظون كلامه وعباراته إحفظوا احاديث رسول الله صلي الله عليه وسلم واحفظوا كتاب الله بدل ما تحفظوا كلام لرجل بغضته من كثر ما تم تقديسه الا يستحق رسول الله صلي الله عليه وسلم دراسة حياته ومعرفة زوجاته وعلي الاقل حفظ الاحاديث النووية والله اشعر بالعار عندما يتم الاهتمام بشخص وهمي اسمه جيفارة ويتم توزيع صوره وتعليقها والابده من ذلك يقال عنه شهيد كيف شهيد وهو لايؤمن بالله العظيم ياجماعة لا تجعلوا كل ماتقرأوه تصدقونه وتقدسونه لا تدعوا لأهل الفكر اليساري الشيوعي الماركسي ان يدخلوا عليكم هذه الالاعيب فانا أعتبرها الاعيب وذو العقل وصاحب الشخصية السليمة لايدخل عليه مثل هذه الشخصيات فاحذوروا

غير معرف يقول...

يا ناس القصه مش نسيان الرسول او المعالم الدينيه, القصه وبكل بصاطه انه هاذا الشخص الذي اكن له كل الاحترام. قام بثورته دون اي دافع ديني على عكسنا فنحن نتوجه بدوافع دينيه اي انه قام بالقرار من داخل نفسه.
ولا تتم مقارنته مع الرسول لانه لا يساوي جزء مجزء من الرسول وانما بمقارنه مع الزعماء العرب والقاده السياسيين الذين يرو الظلم ويبقو ساكتين لحماية مناصبهم الشخصيه على حساب الشعوب الاسلاميه التي هم منها واليها متجنبين كل ما يدعو اليه الاسلام
ومن هاذا المنطلق فانه قائد يستحق الاحترام ولا يستحق كل الكره الذي يكنونه له اهلنا المسلمين