الثلاثاء، أغسطس 05، 2008

مَن الجانى ..؟؟؟

بين الفن والأدب ... من الجانى؟؟؟

مفيش اتنين يقدروا يختلفوا على ان الأدب والفن شئ ذو طابع ومذاق خااص جدا ووحدهما يستطيعان ان يغيروا حياة الفرد وافكارة وآراؤة - بس ياترى دة كان زماااااااان – على أساس إن كان فية ادب بجد وفن بجد زى ما كل حاجة كانت جد وقلبت هزار ومصلحة..

زمان كان المؤلف بيألف الفيلم او الرواية لهدف ومغزى يريد ان يوصلة للجمهور ان لم يكن تعبيرا عنهم وعن حياتهم اما الان فالهدف الاوحد والصوت الاعلى فقط للفلوس للمصلحة للربح محدش بقى يهمة الفيلم أو الرواية ممكن ياثر او تأثر ازاى فى الجمهور او فئات معينة من الجمهور المهم


حيجيـــــــب كــــــــــــــــــــام ؟؟؟؟

أصبح أدبنا هو اللمبى وبحبك ياحماار لم يعد لكلمة الثقافة معنى او طعم او حتى رائحة فقد زالت معالم الكلمات وحلت مكانها لغة البيزنس والمنفعة والشهرة والاختلاف النابع غالبا من الشذوذ عن المألوف ...

معاكم ان لسة فية نااس بتتاثر وبتحس بكلام يمس القلب والعقل لكن دوول ارتضوا بالوضع القائم وظلوا خلف الستار يسمعون الست وعبدالحليم ويستعيدوون ما تبقى من الايام الخوالى اللى احنا بنعيشة دلوقتى لااسمة فن ولا يحزنون دا انحطاط بكل ما تحملة الكلمة من معانى اللى بيمسك كتاب اليومين دوول خارج المقررات الدراسة وكأنة ارتكب اثما عظيما والعيب فى كل الى بيسمع ويروج لثقافة الهبوط والقااع

الذى تجاوزنااة بمرااحل العيب مش بس فى اللى بيقدم لا طبعا لوحدة دا أكيد كمان فى اللى بيتلقى ويسمع ويسكت ويقوول ادينا بنتسلى وبنضحك لما يرجع الفن فن والادب أدب ساعتها بس الناس هنتأثر بيهم ونعيش عليهم
......

بس تفتكروا دا ممكن يحصل إزاى؟؟؟
أو إية اللى ف إيدينا كجمهور متلقى فى تعديل الوضع دة ؟؟
طب ياترى شايفين نماذج مبشرة دلوقتى ؟؟
واية هى؟؟ وسبب إعتقادك إنها مٌبشرة؟؟

هناك 76 تعليقًا:

شـمو نشـادر يقول...

ايه ده ؟؟

مش ممكن ..

معقوله يا ربى انا اول تعليق عند دعاء ؟

يا سبحان الله ..

و النبى ما مصدق ..

هاجى تانى ..

nona يقول...

الاعلام يا دودو مهم جدا بياثر جامد فعلا منه الفن برده بياثر فينا
الجانى هو مش اللى بيقدم الفن بالانحطاط ده بس
لا ده زى ما انتى قولتى اللى بيشوف ده ويتفرج ويقعد ساكت فى نماذج مبشرة يادود انا شايفة ان السناريوهات بتاعة تامر حبيب حلوة ومبشرة

شـمو نشـادر يقول...

فى كل وقت فى فن كويس و محترم وفى فن هابط ..

المشكله بقى فى الذوق العام نفسه اللى بقت شريحه كبيره منه متقبله الفن الهابط و بتحبه كمان ..

دى مسالة كبيره اوى .. ثقافة شعوب .. تشوهات فى الشخصيه المصريه على مر السنين ..

موضوع جميل يا دعدوعتى ..

تحياتى ليكي يا قمر ..

أسامة أمين

دكتور بهــدوء يقول...

فيه امل طبعا ان الفن يتعدل
بس نبعد عن
سياق الدشيراما
اللي مودي كل حاجه ف داهيه
اي حاجه يقولك سياق الدراما
والجمهور عاوز كده
ربنا يتوب علينا

حاجه مبشره ...
كل وقت فيه حاجه مبشره طبعا
بس مش واخد بالي منها
يمكن عاوزه تكبر وتوضح شويه

ومايكونش فيها اي حاجه ف سياق الدراما

بطوط حبوب يقول...

مفيش تعليم يبنى ثقافه
مفيش اعلام يبنى مثقف
وحتى احنا بقينا مش قادرين نثقف نفسنا وسط الزخم ده

عايزه الناس تقدر تقول ان ده فن او مش فن ازاى.... حليها من الاول

صيدلانيه طالعه نازله يقول...

للاسف الفن دلوقتى بقى شويه بنات مش لابسه او نسيت تلبس مش عارفه و بطل مسبسب شعره و هيافه و رقص و اغنيه حلوه تشهر الفيلم مش هوا اللى يشهرها و تكون بترقص كدا عشان الجمنهور يعرف يرقص عليها فى المصايف
طب جربى تشترى روايه عربيه مكتوب عليها الطبعه الخامسه و لا السادسه حتلاقى نصها كلام عن الجنس ووصف جسم الست اللى بطل الروايه بيحبها
هوا ده اللى ماشى اليومين دول
لان الشباب عاطل و مش لاقى يتجوز فمقضيها فرجه و المخرجين ربنا يكرمهم موفرين ده و بعشرين جنيه بس
يا بلاش

Amgad يقول...

نظرتك بسيمستك خالص يا دودو
انا مش شايف كل اللي انتي بتقولي عليه ده
فعلا لو في انحطاط فيبقي في الاغاني والافلام بس زي مقولتي ثقافتنا اصبحت اللمبي
طيب ماله اللمبي بالزمة
لو هنتكلم علي الافلام فالمشكلة اصبحت مشكلة ايرادات بس دون احترام لعقلية المشاهد يعني اول فيلم ينزل في الموضوع بتاع الايرادات ده كان اسماعيلية رايح جاي اللي كان وقت التهجير وكان محمد هنيدي بيتكلم فيه عن الموبايل وده ان دل فانما يدل علي حاجه من اتنين يا اما الفيلم عبيط وبيستعبط اللي بيتفرجو عليه يا اما الموبايل دخل مصر قبل لما يدخل امريكا ده علي سبيل المثال لا الحصر
علي فكرة انا مش معترض ان يكون في افلام هزلية ولكن اعتراضي ان كلها تبقي كده
يعني لمااللمبي نجح مكنش دليل علي انحطاط الذوق ولكن دليل علي ان الشعب عايز يضحك وده اللي الناس بصولوا في المقام الاول وهاتك يا هبل واي حد دلوقتي بقي بيكتب سيناريو واي حد بقي بينتج حتي لو كان جزار زي السبكي والشخص الكويس يااما هيكتب هبل يا اما هيعد في بيتهم الا من رحم ربي
حتي كاتب كنت بحبة اسمو بلال فضل
بقي بيكتب افلام عبيطة زي سيد العاطفي وحاحا ووش اجرام
الناس بتدور علي الفلوس وخلاص
وعلي فكرة مش معني كلامي ده ان الافلام كلها كانت ناجحة او ان افلام دلوقتي كلها فاشلة اطلاقا بس الموضوع زاد حبتين
بالنسبة للاغاني المؤسف فعلا لما اكون واقف مع زمايلي والاقي زميلة تطلب مني اغنية البانجو مش بتاعي اصلها بتحبها اوي وعايزة تحطها رنة
رغم انها استايل اوي
بس زي بيتقال كده بقت ثقافة مجتمع وتلاقي الشاب من دول معاة موبايل اخر موديل وتلاقيه ميسوط اوي انو حاطط اغاني شعبي وتلاقي واحد راكب عربية بي ام الفئة السابعة ومشغل شريط سعد الصغير بعلو الصوت
وتلاقي الناس بتفخر بالموضوع ده اوي
اما بالنسبة للادب والشعر فانا شايف الموضوع مش متدهور ولا حاجه دا بالعكس في ازدهار الفترة اللي فاتت دي وربنا يديمه دايما ويجعلة هامر
طولت عليكي بس مش عارف ايه اللي خلاني الك كتير كده
باي باي

Mohamed Dawod يقول...

خللينى اتكلم يا دعاء على الموضوع من زاويه تانيه بعيده شويه عن موضوع الينما والسيناريوهات. موضوع القصه القصيره والروايه والشعر والمقالات الصحفيه. اللى حسميهم اجمالا الأدب. انا جاتلى فتره اعتقدت خلاص ان الادب فى مصر مات او بيلفظ انفاسه الأخيره مع رحيل العظماء القلائل الموجودين. قلت لنفسى خلاص احنا حنقعد نقتر من الأدب اللى سابوه لنا عظماء القرن العشرين اللى رحلوا عن دنيانا من غير اى تجديد الى ان يشاء الله. كنت معتقد ان خلاص ان موهبة الأدب انتقلت من مصر بفعل فاعل الى الدول العربيه القريبه والبعيده. اقولك انى اكتشفت انى كنت غلطان. اكتشفت ان الاعلام وتركيزه هو السبب. شكرا لعالم التدوين. اكتشفت من خلاله ان بالعكس المواهب فى مصر زادت ومتجدده وبقوه. بس مختفيه ومافيش عليها اى تركيز. مش بقول يمكن بتعمد انما بقول اكيد بتعمد. تخيلى ان مصر مكنتش حطلع للعالم اى كتب جديده فى الفتره الاخيره دى لو مكنتش اطبعت التلات كتب الشهيره اللى انتقلت من عالم التدوين الى عالم المكتبات. انتى عارفه ان مبيعات الكتاب فى مصر حاليا تعتبر اقل مستوى بين الدول العربيه كله. الا طبعا كتب الطبيخ والتداوى بالأعشاب. فى النهايه والخلاصه العامه فى الادب والسينما والغناء. المشكله مش فى قلة المواهب انما المشكله فى الاعلام اللى بيوصل المطلوب وبيوجه الناس فى الاتجاه المطلوب.....خالص تحياتى على الموضوع واسف للتطويل.

قلب مصرى يقول...

الأخت العزيزة دعاء
إختيار قوى لموضوع اليوم، ولكن عزيزتى ليس الفن هو الذى إنحدر مستواه بل غالباً أكثر الأشياء المحيطة بنا فانظرى مثلاً للمبانى بشكلها الحالى الخالى من أى لمسة جمالية وانظرى إلى مبانى القاهرة الخديوية، الملابس التى كانت تعتمد فيما مضى على الذوق واصبحت تعتمد الآن على البهرجة أو الإثارة، ولينا أيضاً أخلاقيات التعامل فكانت فيما مضى تعتمد على الرقى فى استخدام مفردات الحديث العادى حينما كان الناس يستمعون إلى الدكتور طه حسين فى حديث الأربعاء أما اليوم فأصبحت المفردات الأكثر شيوعاً هى الأكثر خروجاً على الذوق مثل احلق ونفض وما شابه.
إذن نحن أمام ظاهرة عامة من إنحدار الذوق والفن هو جزء من المجتمع ولسنا هنا بصدد البحث عمن أثر فى الآخر هل الفن هو الذى أثر فى الجمهور أم تأثر بالظواهر الجديدة التى دخلت مجتمعنا منذ تطبيق سياسة الانفتاح حين أصبح الجنيه هو الهدف فى حد ذاته.
وأعتقد أن هذه الحالة قد تتغير تدريجياً على مدى ليس بالقصير إذا حاول كل منا تنبيه المتحدثين إليه بعدم استخدام المصطلحات الغير ذوقية فى الحوار حتى يعتاد على ذلك بحيث نصبح نحن شباب المدونين الشعلة التى ((بإذن الله)) ستبدد ظلام إنحدار الذوق.
أعتذر للإطالة
وأشكرك على الطرح المتميز.

appy يقول...

بصى يا دودو المعايير فى المجتمع اختلت من بدرى
الحل بقى فى اننا ازاى يا حبيبتى نرجع ده ونوعى بعض

محمد عبد القوى يقول...

الحل الأول هو المقاطعة
يعنى نعامل الفن والأدب الهابط على أنه سرطان أو سلعة فاسدة
الفيلم الهابط ما يجبش تكاليفه
القناه الهايفة تحقق أدنى نسبة مشاهدة
الكتاب الرخيص يفضل مرمى على الأرصفة
وبالمقابل مع الفن الجاد هنوصل فى النهاية لمعادلة بسيطة ان الفيلم التجارى بقى هو الفيلم الجاد اللى بيحقق ايرادات مش حاجة تانية
نماذج مبشرة :
فى السينما ( أحمد حلمى ، محمد خان , وحيد حامد ، خيرى بشارة ، منال الصيفى ، محمود حميدة ، هند صبرى )
فى الأدب ( دار أكتب للنشر ، دار ميريت للنشر ، أحمد خالد توفيق ، خالد كساب)
فى الغناء ( منير ، حنان ماضى ، ماجدة الرومى )
بعض هؤلاء لهم أخطاء فى الماضى لكن دلوقت بيقدموا فن جاد ورسالة واضحة المضمون

همس الاحساس يقول...

الفن هو وتر من اوتار الحياة
ولكن عندما ينفك ويقطع هذا الوتر عن الحياة تبقى الحياة بدون موسيقى وطعم وثقافه

والحل اننا الاول نشوف فين العيب ونحله

هل ما يقدم كله هابط لاءه فيه افلام حساسه وبتمس مشاكل

بسى للاسف الناس بتتركها وتبص لحجات هابطه
فيبقى اكيد برده عيب فينا احنا كمان مش بس المنتجين والمؤلفين

فاتيما يقول...

دودو ازيك
بصى متفقة معاكى و مش متفقة برضو
فيه حاجت حلوة وسط كم السخافات دى
و دا معناه إن فيه ناس كويسة بس مستخبية و هيجيلها وقت تلمع و تبان و تبقى هيا القدوة
لكن حالة الإنحطاط اللى قولتى عليها و كلنا لمسينها سببها الحالة العامة
هييجى منين الذوق و دى الأخلاقيات السائدة فى المجتمع
متفقة مع من سبقونى و قالوا إن دا دورنا كمدونين إننا نحط إيدينا على الخلل و نركز عليه و نفضحه و نوعى روحنا و اللى حوالينا
بس كدا
تحياتى يا من جعلتينى اكتشف إنى إحترف اجمل هذيان فى الدنيا

حسن حنفى يقول...

والله بجد معظم البلد باظت

مش ةالادب والفن بس

والمشكله ان الناس مستكينه وراضيه

وفيه ناس كتييييير اندمجت خلاص

تقبلي مروري

رئيس جمهوريه نفسى يقول...

بصى يا دعاء
العيب فى النظام يا اساتذه والنظام اختل ومال الميزان كله جانى الاب اللى مش بيسال ابنه بتسمع اية المدرسة اللى مش بتسمح باى حركات ابتكاريه بين الطلاب علشان تقوم الابتكار الغلط المجتمع اللى بيقبل على الهلث ده وبيعلى قيمته المجتمع اللى خلى سعد الصغير يغنى والحجار والحلو فى بيوتهم
كلنا مذنبين لاننا بنقبل الوحش زى ما بنقبل الكويس بدون فروق

د/اجدع بنوته يقول...

ف ايه

انتو لو روحتى دورتى ف مدونة كل حد

هتلاقيه لازم كاتب حاجه عن الاعلام

ههههههههههههههههههه

طب احنا كلنا مضايقين اهو

اومال مين مبسوط بقى

vagueraz يقول...

مرحبا .,, هاي أول مرة بزور فيها مدونتك و حلوة مبين عليها ,,,
آه العلام و الأدب و الفن ,,,,
تشوه !!!!!!!
إقرأي هون :
http://adoosh-world.blogspot.com/2008/07/blog-post_29.html
إبقي زورينا

PrInCeSS BeRy يقول...

دودو ازيك يا قمر وحشتينى كتير اتمنى تكونى تمام


بصى انا هقلك حاجة انا مش شايفة انو كل الاعمال او اللى بنتفرج علية كلة وحش لا فى اعما ل كويسة ومش للضحك وللضحك بس بالعكس فى اعمال كتير بتعرض قضايا واوقات حلول وايوة فعلا فى مواهب واعمال مبشرة عالاقل ما بيتباسوش مبيقلعوش هههههه وربنا يسترها علينا ويستر كل الناس

و القادم....أجمل يقول...

السلام عليكم

المشكلة لما تقولي لمخرج منهم الفيلم
منجحش
يقولك إزاي دا جاب ايرادات 100000000000 جنيه
إزاي منجحش ؟؟؟؟!!

=============
جواب أسئلتك

ممكن دا يحصل لو إننا نقاطع
الأفلام و الفن السيء
و نقول رأينا بكل صراحه
في أي موقف طلب منا دا

------------

نماذج مبشرة

أعتقد فيه
الفكرة إنك تجيب فكرة جديد
أو قديمة بس تقدمها صح
بعيد عن الإيحاءات و المشاهد السيئة
و اللي بتفسد العمل أكتر مبتنجحه

* النماذج المبشرة قدرت
تخليكي تتفرجي على العمل كله
و إنتي مبسوطة
قدرت تعمل معادلة متوازنه
من قصة و حوار و اخراج
الكوكتيل دا قليل اللي بينجح فيه

----------------

تقديري لك ِ و كل موضوعاتك

:)

ahmed_k يقول...

ترقية أو إنحدار الذوق العام مسئولية الإعلام بالدرجه الأولي
فلو ظل الإعلام والقائمين عليه لا هدف لهم سوي الماده سيظل الإنحدار في التسارع إلي أن يصل بنا لمستوى لا يعلمه إلا الله

وأظن أن الأمل موجود فمعظم تلك الأعمال من النوع التيك أواي أي السريع الذي لا يعيش ولكن الأعمال الجيده هي التي يكتب لها العمر الطويل

وسيأتي اليوم الذي يعف فيه الناس تلك العمال ولا يقبلون عليها وبذلك تنحصر وتيرة التردي لعدم قبول المشتري بها

ما يحدث الآن عباره عن هوجة الشيئ الجديد وعندما يقدم لن تجدي من يساعد علي إنتشارهم


تقبلي تحياتي

رئـــــيسـة حزب الأحلام يقول...

بصى الموضوع شديد جدا لان الفن هو اللى بيتحدد عليه حاجات كتير بعد مااصبح اغلب الامهات بتسيب ابناءها للتلفاز ووسائل الاعلام الاخرى هى اللى تربيه فأصبح الاعلام والمتمثل فى الافلام الهابطة هو مصدر تشويش لابناءنا
ولا نستغرب عندما نجد الاولاد فى سن المراهقة او اصغر يتكلمون كما يتكلم الليمبى وعلى فكرة انا بحس ان أفلام اللمبى بتزرع فى الابناء اللامبالاة والسلبيه
ملحوظة نونو انا سعيدة جدا انى شفتك
ويارب تتكرر
الف تحيه لكى

رصيف نمره خمســــــه يقول...

أصبح أدبنا هو اللمبى وبحبك ياحماار

جملة تحفففففففة لخصتى حالنا فيها

الواحد ميعرفش يستمتع الا لما يسمع اغانى زمان وكلام زمان والحان زمان وافلام زمان رغم انتاجها البسيط فى الصورة بس انتاج منفعى من الدرجة الاولى

ياريت الزمان يرجع وكنت اعيش فى زمن الفن والادب والقهاوى اللى كلها مثقفين والناس اللى بتقرا كل يوم واحس بطعم الدنيا فى الوقت ده

احنا فى وقت اللى بقول فيه لصحباتى انى بقرا حاجة يضحكوا جااااااامد وزى ما يكون بعمل حاجة وحشة يعنى

اما بالنسبة للتغيير احنا هنتغير اكيد بس رايحين لفين يمين ولا شمال مش واضح.
بس فيه ناس كوية جدا جدا تبشر بالرقى فى المستقبل القريب ان شاء الله

سلاااااااام يادودو

حنين القلب يقول...

والله يا دعاء مش فيه اى نماذج مبشرة
كله عايز يلم فلوس وبسسسسسسسرعه
وطبعا مدام اللمبى جاب ملايين وغيره من الافلام دون المستوى دى يبقى ليه مش يكملوا
وليه يتعبوا نفسهم فى ادب وتذوق
ولا انتى شايفه ايه؟؟؟

غير معرف يقول...

زى مبتقول العظيمه الست مروى اما نعيمه. مطرب حمبولى لعلع ياحلولى وهى زمبليطه صحيح ايه الفرق بين زمبليطه ومصر واخر القصيده بتتريق على القديسه روبى طبعا معندهاش حق فى كل الكلام ده زيك بضبط معندكيش حق خالص الاستاز محمد باشا اللمبى اخ فاضل والسيد سعد باشا كلنا عارفين دوره الكبير فى النهوض بجمعيه الرفق بالحيوان اكيد انتى فاهمه الناس دول غلط الناس دى همااللى بينهضوا بالادب والفن فى بلد تقدر الفن والادب والدليل شباك التزاكر فى نهايه كلمتى اختم بقول الزعيم الحياه حلوة للى يركبها

دعاء مواجهات يقول...

شمو نشادر

مبروك ياعم التلعيق الاول

اللى نسيتة من زمن

وكلمتين جامدين فعلا

(تشوهات الشخصية المصرية على مر السنين)

اية ياعم الجمدان دة

لا عالى عالى

يعنى


نورتنى

دعاء مواجهات يقول...

- nona

حبيب قلبى

منور مكانك ياجميل


اكيد الجمهور من اكبر العوامل

بس تفتكرى نغير ذوقة دة ازاى او بمعنى

اصح ازاى نصححة؟؟

دمتى بخير

دعاء مواجهات يقول...

دكتور بهدوء


ههههههههههههههههههه

فهماك انا وفاهمة سياق الدريرااما

بس نعمل اية ياابنى دا سياقها الذى لاتستطيع بأى حال من الاحوال الخروج عنة..


ههههههههههههههههه

طب خد العدسة المكبرة دى ( :/:م/)

تمام كدة

منورنى

دعاء مواجهات يقول...

بطوط حبوب

خلاااص نقلب الهروم

نبنى م الأول

تماااااااااام؟؟؟؟؟

دمت بخير

دعاء مواجهات يقول...

صيدلانية طالعة نازلة

معاكى ف كلامك

بس انا بسأل ياترى فية أمل

او شعاع حتى؟؟

ولا هنفضل كدة من سئ لأسوء؟؟

نورتى

عاشــــــ النقاب ـقــــة"نونو" يقول...

السلام عليكم
هنقول ايه بس ما عدتش عارفة اتفرج على اي حاجة عدلة
بقيت لو عاوزة اشوف حاجة بشوف اسبيس تون وفي السر افلام التقنيات الحديثة في كشف الجرايم اجنبي علشان اشوف خيبتنا وصلت لحد فين في التقنيات لكشف الجرايم
الاذواق بقت في القاع والفنانات بقوا في القالع
وعجبي
مسئوليتنا
اللي بيشجعوهم وفي حفلاتهم بيحضروا ويشتروا تذاكرهم هما السبب في استمرارهم
طرح رائع
تحياتي

دعاء مواجهات يقول...

- أمجد

رغم شوية تداخلات كدة فى كلامك او تقريبا تناقضات

يعنى مثلا قولت انى متشائمة وان الناس بتلجأ لدة علشان الضحك مش انحطاط ذوقى منهم ...

ورجعت قولت ان الناس وخداها وجاهة وحاجة موضة مثلا

وبعدين قولت انةالفلوس هى السبب فى ظهرو النوعيات دى من الافلام.

محددتش بالظبط ؟؟

عموما انت تتكلم براحتك بس توضحلى شوية

اوكى

نورتنى

دعاء مواجهات يقول...

محمد داوود


انا كمان كنت فاكرة زى حضرتك لحد ما اتاكدت من العكس تماما

انا امبارح كنت مع شخصية اعلامية كبيرة

واتكلمنا ف الموضوع دة وانا قولتلوا ان التدوين بينلى ان شبابنا لسة بيفكر وعندة مواهب جامدة ومهمة بس مفيش الى ينميها ولا يظهرها ودى مشكلتنا شايفين ان الادب مش جايب همة.. المهم المكسب.

شرفتنى بتعليقك..

طوول زى ما تحب.

دعاء مواجهات يقول...

قلب مصرى

حضرتك أثرت نقطة مهمة جدا

ويمكن كمان تكون منبع كل التدنى دة

وهى الأمركة او المنظرة بالإلفاظ الخارجة والغريبة

الى بتمتد بدورها لكا حاجة فى حياتنا رغما عنا

ليتلاشى الذوق والجمال تدريجيا حتى ينقرض.

وانا معاك اننا من هنا ننادى لعودة الذوق والرقى فى لاكلمات والأحاسيس

اتمنى ان تجد دعوتى صدى....

نورتنى واتكلم براحتك.

دعاء مواجهات يقول...

appy

طب تفتكرى ياقمر ان الناس جاهلة اوى كدة

ومش واعية هى بتشووف اية ولا بتتفرج على اية؟؟

ولا يمكن يكونوا بيتوهوا.. تعرفى سمعتها كتير اوى من اكتر من حد (انا بحب اللمبى علشان بيطلعنى من ضغوط الحياة وببقى عاوز اهييس شوية)

اة بجد

وممكن تكون حجة بس ياترى منطقية؟؟

منورة مدونتك

دعاء مواجهات يقول...

محمد عبدالقوى

المقاطعة كلمة جميلة واكيد هتكون فعالة ومجدية..

بس ياترى هتقدر تسيطر او تأثر على كام حد علشان يقاطع مثلك

والمقاطعة دى هتكون بشكل احتجاجى وجدول زمنى ولا على طوول متهيالى صعب يتنفذ


نورتنى

دعاء مواجهات يقول...

همس الإحساس

فينا اوك صح الكلام

طب ونعمل اية فينا علشان يتصلح بقى سى فينا دة؟؟

تحياتى ليكى

نورتينى

دعاء مواجهات يقول...

فاتيما

وهى دى الايجابية

الى مفروض تحصل

اخجلتى تواضعى ياقمر

وبجد سعيدة جدا ان القصيدة عجبتك

منورانى ياقلبى

دعاء مواجهات يقول...

حسن حنفى

نحاول فلا نوعى اللى حوالينا

يمكن يكون فية امل

نورتنى

دعاء مواجهات يقول...

رئيس جمهورية نفسى

متهيألى مش كل حاجة نقوول الحكومة

هى دى ممكن تكون سبب إضافى بس مش أساسى


تحياتى ليك

نورتنى

دعاء مواجهات يقول...

د/ أجدع بنوتة

مهو بردو يادكتور


احنا مش كل الناس

ياباشا

منورنا

دعاء مواجهات يقول...

- vaguraze

نورتينى

اتمنى دوام التواصل


سلاااام

دعاء مواجهات يقول...

- برنسيس بيرى

ممكن يكون دا موجود فعلا

بس الذوق بقى منقاد ورا الغلط للأسف


انا تمام وكلو بيس ياقمر

وحشاانى..

دعاء مواجهات يقول...

والقادم اجمل

اولا انا معجبة اوى بنبرة التفاؤل فى النيك نيم بتاعك .

ثانيا فعلا فكرة المقاطعة حلوة جدا

المهم بقى التطبيق


نوتينى

واحدة مفروسة يقول...

بصي يا دعاء
لو بتتفرجي على القنوات الفضائيه اللى بتجيب افلام زمان
حتلاقى حاجات كتيرة اوي مشابهه للى بيحصل دلوقتي بس مع اختلاف طبعا الوقت
يعني كان فيه افلاام زمان مافيهاش اي قصه و لا مدلول و كانت هايفه جدااا و كانت بتضم مشاهد فاضحة و مثيرة جداتاا و اغراااء عالي
و القبلة فى الفيلم ممكن تشتمر لدقيقة او اكتر بتفاصيلها
و كانت بعض الحوارات لا تخلو من الاهبوط الحاد
زي بحبك يا حمار و خلافه

الموضوع دلوةقتي اختلف ليه؟؟؟؟
لان دلوقتي بقا فيه حريات للتعبير اكتر بكتير
و الناس كترت
و القنوات الدينيه كترت
و الدعاه كتروا

اتمنى ان تكوني فهمتي و جهة نظري لحسن اكتب عند بوست توضيح
سلاااام يا قمرة
و رمضان كريم

Desert cat يقول...

تعرفى يا دعاء مش فى وقتنا الحالى وجه مقارنة بين دلوقتى وزمان
لان دلوقتى كله سلق فى سلق المهم يلحق الموسم علشان يحقق اعلى ايراد
مش مهم زوق الجمهور عارفه ليه لان الفيلم طالما حمل عبارة للكبار فقط المنتج والمخرج ضمنوا اعلى ايرادات لان مش هيدخله كدا غير المراهقين اللى هما اتر من نص البلد
وتقولى ثقافة وادب
ده انتى لو قلتى لحد تعالى نروح مسرحيه ادبية ممكن مش يرد عليكى
او يفتكرك جاية من كوكب تانى
تحياتى

همس الاحباب يقول...

بوست فى الجون
وانا متفق معاكى قلبا وقالبا
كل شىء بيتباع ويشترى
عملية تجارة بحتة
حتى القيم والاخلاق اصبحت للبيع والشراء
تحياتى وتقديرى

ميرو انتكة يقول...

السلام عليكم

ازيك يا دعاء وحشانى
بجد بوست جامد

بس برده زى مافيه الوحش فيه الحلو

يعنى مش مقياس اننا نشوف حاجات كتير وحشة ومش مناسبة لعادتنا يبقى كده خلاص البلد باظت والناس كمان بس ربنا يهدى يا رب

ميرسى ليكى يا قمر على البوست

سلام يا جميلة

Ahmed Al-Sabbagh يقول...

جامدة طول عمرك يا دعـــــاء

وطلعاتك كلها فى الصميم

تحياتى

دعاء مواجهات يقول...

ahmed_k

احنا فعلا ف البداية كنا بنقوول حكاية هوجة دى

بس الهوجة كدة طولت اوى.....

تحياتى ليك

نورتنى ..

دعاء مواجهات يقول...

رئيسة حزب الأحلام

كلامك صح طبعا

وعلشان كدة لازم نناقش الموضوع دة

انا سعيدة اكتر بجد ويارب اللقاء يتكرر كتيير

ونشوفك تانى وتالت

نورتى ياقمر

دعاء مواجهات يقول...

رصيف نمرة خمسة

كلامك صح

بس انا فعلا شايفة ان شبابا كتير بيقرأ وبيتثقف

اكتر من فترة فاتت

ودة كمان مؤشر كويس

تحياتى ليكى

نورتى

دعاء مواجهات يقول...

- حنين القلب

معاكى ان المادة بقت المحرك الاول بس لمين

للمستفيد الاول بردو

يعنى المنتج الممثل

انما الجمهور اية بقى يخلية يروح ورا الهراء دة

نورتينى

اتمنى دوام التواصل

دعاء مواجهات يقول...

غير معرووف

صباح الخييييييييير....

دعاء مواجهات يقول...

عاشقة النقاب

فعلا اللى بيدوهم فرصة التواجد

وبيوهموهم بالنجاح هما السبب

تحياتى ليكى

نورتينى

اتمنى دوام التواصل.

دعاء مواجهات يقول...

مفروسة

حبيبة قلبى

معاكى انةالسبب هو الوعى اكتر

لكن اعتقد ان الوى دة كان اجدر بية انة يمنعنا عن اشباة الفنون دى

مش ناخذها للتلهى

نورتينى

الله اكرم..

دعاء مواجهات يقول...

desert cat

اكيد طبعا دا لو كتاب هيعمل اكتر من كدة

بس احنا الوقتى فينا احنا

مش مهم الى حوالينا بيفكر ازاى المهم احنا نقتنع ونحب اللى بنعملة

ولا اية؟؟

نورتى

دعاء مواجهات يقول...

همس الأحباب

عزيزى الأستاذ خالد

اشكرك على التضامن

منورنى كعادتك

_____________________
كنت اتمنى نرغى ونتكلم كتيير..

سلمتلى على همس؟؟

دعاء مواجهات يقول...

ميرو أنتكة

حبيبة قلبى

محدش قال ان البلد باظت

علشان الفن والافلام

لان دى مجرد حاجة جمب حاجات تانية كتير

كلنا عارفينها

انا هنا الوقتى علشان اقوول

وماذا بعد

هنفضل ساكتين ع الهبل دا لحد امتى؟؟

ولو فية حلوا تنطرح طبعا

نورتى ياقمر

انتى وحشانى اكتر كتير ياجميل

بيس

دعاء مواجهات يقول...

أحمد باشا الصباغ

كلمتينك دوول

اللى احنا عايشيين عليهم ياباشا بجد

مش عارفين منغيرهم كنا يحصلنا اية بس

منور مكانك

بيس

كاميليا يقول...

صباح الفل
على الجميلة

....
بس تفتكروا دا ممكن يحصل إزاى؟؟؟
....

إن الفن الهادم الجميل يرجع؟
لا أظن ...
مش فيه حاجة راحت ورجعت
والدليل أننا بعد عبد الحليم مش سمعنا حاجه يعنى من اكتر من ثلاثين سنة .. حتى الكبار اللى لسه عاشين بيحاولوا يقلدوا شباب المطربين فى الاغانى علشان يقدروا يعيشوا وسطهم ومش عاوزة اقول امثله اكيد انتى عارفة.
بالنسبة للأدباء والكتاب طبعا مفيش.. لازلنا نقرأ ما كتُب فى الزمن الماضى لنجيب محفوظ واحسان عبد القدوس ومحمود عباس العقاد وطه حسين وغيره

فيه بلال فضل دلوقت .. ينفع؟؟


....
أو إية اللى ف إيدينا كجمهور متلقى فى تعديل الوضع دة ؟؟
....

اللى فى ايدينا فلوس .. نحتفظ بيها ولا نهدرها فى شراء الكتب الركيكة ولا نشترى الالبومات السعدية الصغيرية او ندفعها ثمنا لتذكرة لفيلم فارع المعنى والهدف.

...
طب ياترى شايفين نماذج مبشرة دلوقتى ؟؟
..
ابدا .. مطلقا
فكرت كتير مش لاقيت ولا اسم فى ذاكرتى.


حلو اوى يا دعاء الحوار التليفزيونى ده .. انا اشهد لك انك ممكن تكونى مذيعة او محاورة من الطراز الأول


بوست جميل وهادف وله فكرة ومضمون.

كل الحب لك من قلبى

تحياتى

momken يقول...

ااقولك ازاى
اننا نجيب واحد بتاع مجارى ينظف ودان الشباب
لما تطلع بنت تعيط فى نجوم اف ام وتقول انا نفسى اقابل الاستاذ عماد بعرور

اسسسسستاااااذ يا نهار ازرق

عماد بعرور ده حضرتك بتاع اغنيه العنب...

ووحده تقولى انا بحب اوى روبى وبتعب دلع دندن

واضح ان دندن ده مطربه وانا معرفهاش الحقيقه
طول الناس دى ما بتلاقى اقبال بالظبط زى الاقبال الى بتلاقيه الكوله الى ريحتها معفنه من العيال الى بتشم كله.....هتفضل الناس دى موجوده وبتنمو نمو سرطانى

فى قانون فى الاقتصاد اسمه قانون جريشام
بيقول ان العمله الرديئه بتطرد العمله الجيده من السوق

انا طبعا متاكد من صحه النظريه اقتصاديا لان ده تخصصى
لكنى ولمست صدقها فى الحياه

تحياتى

نهر الحب يقول...

معايير الاخلاق والذوق اختلفت لدى الناس بس دا لا يمنع ان لو فى فن جيد هو اللى هيسود
ما علينا الا ايجاد هذا الفن الجيد الفكر والمحتوى مش نقول لازم عشان يكون جيد يكون فيه وقاحة زى بعض الاعمال اللى بيقولوا عليها جيدة
موضوع جميل
وانا كمان سعيدة جدا بالتعرف عليكى

Diyaa' يقول...

في نماذج مبشرة بس مش هيبقي ليهم دور بجد إلا لما حال الناس يتعدل أخلاقياً واجتماعياً واقتصادياً..معلش محدش هيركز في الفن والأدب كقيمة وهو محاط بالفساد والتلوث والإنحطاط ده في كل المجالات
وحتي الشباب دلوقتي يوم ما بيتحمسوا للقراءة أو للسينما أو كده بتبقي بس شغل وقت فراغ وبعد كده الواحد فيهم بيتجوز بينسي ..مجرد شغل وقت فراغ
في نماذج نادرة بس دول للأسف لوحدهم وزي ما قلتي مستخبيين

لكن طالما لسه في فيروز ومنير ولسه في موسيقي بجد ولسه في سينما 1% ليها هدف ومضمون وبتوصل رسايل بين السطور

يبقي لسه منقدرش نقرا الفاتحة

بس أرجع وأقول..لما نتربي صح ونعرف ديننا صح هنقدر نميز بين الفن واللا فن..الأدب وإنعدام الأدب
وتحياتي يا مواجهات :)

دعاء مواجهات يقول...

كاميليا

ميرسى على رؤيتك ليا فى لامكان دة

ومش بعيد تحصل ف يوم وساعتها هفتكر كلمتك دى ياقمر

انتى شايفة ان مفيش اى امل بس بصراحة بقى انا شايفة انو ممكن يكون فية بس الشباب ياخد فرصة صح

وبجد هيكونوا هما الامل فية عقول كتير جامدة

نورتى مدونتك..

دعاء مواجهات يقول...

momken

جريشام) حلو القانون دة


يارب يتطبق بجد ف الحياة

اكيد هتفرق كتير

نورت

دعاء مواجهات يقول...

نهر الحب

انا اسعد ياإينو ياقمر

وصح الكلام

مش معنى الابتذال ان هو دة الواقع

تحياتى ليكى

دعاء مواجهات يقول...

ديوو

تعليق ف الجون

لما نعرف الصح م الغلط يبقى نقدر ساعتها نميز اصلا

وعيبنا كشعب فعلا اننا وزاخدين الحكاية تسلية مش قيمة

تحياتى لكلماتك

بيس

دعاء مواجهات يقول...

prencess pery

ازيك ياقمر

كلامو صح الصح ومحدش يقدر يتنفس معاك

وكفاية انهم زى ما بتقولى ما ب...

سورى بجد ياقمر

سهو غير مقصود بالمرة

دى مدونتك

ومنوراها ديما

بيس ياقمر

Mero.. يقول...

هو زي مانت قولتي العيب في المنتج والمتلقي..
انتاج عمل فني جاد محتاج مبالغ كبيرة عشان يطلع عمل محترم..في نفس الوقت المشاهد عايز حاجة محترمة مادام هتقلب جد..
عشان كدا المنتج بيخاف يعمل حاجة صح والمشاهد بيخاف يدفع فلوسه ..حتى الافلام اللي بتتعمل كدا بتسقط ماليا ..يبقى الناس هتعمل ليه..؟؟ ومش بس الافلام ..
ع العموم بيتهيالي الفترة اللي فاتت بدأ الكيرف يعلي شوية وعلى امل وربنا يسهل..

دعاء مواجهات يقول...

mero

انا بردوو شايفة ان نوعا ما

ظهرت نوعيات جديدة مبشرة

وان لم يلقى عليها الضوء

لكنها موجودة

نورتنى

واحــد ميــت يقول...

اشكرك على زيارتك لمدونتى البسيطة جداااا

وباذن الله هيكون بينا التواصل المستمر

وادعوكم جميعا لزيارة مدونتى الجديده
( اجمل قلب )

http://agml-qlb.blogspot.com/

دعاء مواجهات يقول...

واحد ميت

الشرف ليا

المدونة فعلا عجبتنى

اتمنى تفكر ف كلامى ليك

بجد

abo salah يقول...

بعد السلام عليكم

موضوع رائع كالعادة يادعاء
شكلك صحفية جامدة
يعنى طلعنا ابناء نفس الكار
هههههههههههههههه

بصى ياستى موضوعك قيم وينفع تحقيق صحفى ممتاز

بس ليا تعليق على حاجة فى البداية
طبعا أنا معاكى فى أن مفيش اتنين يقدروا يختلفوا على ان الأدب والفن شئ ذو طابع ومذاق خااص جدا

لكن اختلف معك فى قولك
ووحدهما يستطيعان ان يغيروا حياة الفرد وافكارة وآراؤة
والأختلاف مش على معنى الجملة بل على كلمة وحدهما

أنا عن نفسى مؤمن جدا برسالة الأدب والفن وكونهما قادرين على تغيير حياة الفرد

ولكن كلمة .. وحدهما .. تعتبر خطأ لغوى
لأنها قصرت تغيير الحياة للأفضل على الأدب والفن
والأجدر أن تكون الأولوية للدين .. الدين والسنة النبوية والقرأن الكريم
هم اجدر حاجة فى التغيير نحو الأفضل

فمن رأيى الشخصى المتواضع لو ناوية تنشرى التحقيق دا .. بلاش كلمة وحدهما
وخليها .. أنهما يستطيعان يستطيعان ان يغيروا حياة الفرد وافكارة وآراؤة

لأنهما فعلا مش وحدهما يستطيعان

اعلق بقى على الموضوع
فعلا عندك حق .. واصبح التفكير بعيد كل البعد عن توصيل رسالة او تحقيق هدف اصلاحى
واصبح التفكير مادى فقط


فى حلقة وصل بين منتج الهابط وبين الجمهور مش عارفلها تفسير

ياترى العيب على الجمهور اللى ابدى اعجابه بالهوابط دى ومن هنا من حق المنتج ان يزيد جمهوره من التفاهات دى
بناءا على انها سلعة مطلوبة وعليها رواج

ولا العيب على المنتجين من البداية انهم سمموا عقول الجمهور وخلوهم يعجبوا بالحاجات دى

ولو أنى ما ارجحش التانية
لأن المفروض المتلقى يكون واعى

عامة
الناس فيما يعشقون مذاهب

بصى مفيش اى تعديل طالما فى جمهور مشجع للحاجات دى زي ما قولتلك

لا فى نماذج أدبية وفنية مبشرة كتير وقادرة على تغيير حياة الفرد وافكاره واراؤه

عندك مثلا
علاء الأسوانى .. رغم أنه أدبه بيركز على اظهار مساؤى النفس البشرية واوجه الفساد فى ضمائر النفس قبل اوجه الفساد فى النظام القائم
الأ أنه قارد على تغيير الافكار من منطلق النظر لعيوبنا وسلبياتنا قبل كل شئ

وعلى نفس المنوال يسير المخرج خالد يوسف فى التركيز على ذلك الا أنه يحيد عن فكره باقحام مضامين جنسية تحمل فى طياتها هدفا ماديا رخيصا للربح

فأنا شايف انه لو اتخلى عن الحاجات دى هيكون ممتاز

وعندك مثلا السيناريست الواعد .. ناصر عبد الرحمن

وعندك المؤلف الشهير .. يوسف معاطى

وفى كتييييييييييييييييييير جدا

بس أنا قولت امثلة فقط

موضوع ممتاز يا دعاء

وأسف للإطالة

تحياتى

دعاء مواجهات يقول...

- abo slla7

أولا بشكرك ع لفت نظرى لحاجة كنت غافلة عنها فعلا

وتوضيحك صحيح تماما

واشكرك جدا ع رايك فى الموضوع

وف أسلوب العرض

واحب اقولك انى بتفق معاك فى كتير من النماذج اللى ذكرتها خاصة يوسف معاطى

بجد حد كويس اوى وبحب كتاباتة جدا

ومرة تانية اشكرك على الإضافة

نورتنى

كنت عاوزة اعرف انت فى جريدة اية؟؟

سلااام

abo salah يقول...

بعد السلام عليكم

أنا اللى بأشكرك جدا على تقبلك وجهة نظرى المتواضعة بنفس راضية

زاد احترامى ليكى فأنت نموذج مشرف للكاتب متفتح العقلية قابل النقد

ودا شئ كنت واثق منه

بعيد عن دا كله

أنا عن نفسى متأكد من صفاء نيتك
كل ما أردتيه هو أن تصيغى جملة محكمة لغويا مفعمة بتؤكيد وكان التؤكيد بكلمة وحدهما
كل هذا يدل على براعتك وتمكنك فى الصياغة اللغوية والصحفية

ولكن للأسف كثيرا ما يوجد من يتربصون للصحفى فى عمله وينتظرون منه سقطة حتى وأن كان لم يقصدها
ولأن الكثير منهم عالم فاضية تلاقيه ساب الدنيا كلها تضرب تقلب ومسك فى الكلمة دى لمجرد الهجوم على الصحفى الناجح دا

يالا ربنا يحميكى منهم

على فكرة أنا على أد حالى يعنى مبتدئ
فما تزعليش منى لما لفت نظرك بس أنا حبيت بما أننا أولاد كار واحد فأحنا أجدر بأن ننبه بعض ونصلح على بعض
عشان نثبت أنه مش قاعدة ثابتة أن يكون عدوك ابن كارك
ههههههههههههههههههههههههههههه

أنا ياستى كانت ليا رحلة شاقة مع الصحافة

بدأت بالتدريب فى جريدة الدستور وأنا لسه فى سنة تانية مع الجميل محمد هشام عبيه ولكن للأسف كانت فترة أقصر مما يكفى أن أتعلم من هذا الرجل الرائع
لأنى كان داخل علينا بعدها امتحانات

بعدها اشتغلت فترة طويلة مع تيم جريدة اضحك للدنيا ولكن فى جريدة وشوشة مع الأستاذ محمد فاروق ودا يعتبر اكتر مكان اشتغلت فيه و نزلى شغل كتير فيه وبعدها برضه دخلت علينا الامتحانات

اشتغلت مدة قصيرة فى جريدة الجمعة

بعد ذلك تفرغنا لمشروع تخرجنا .. وهو مجلة الحقنة وعلى فكرة الدستور الاسبوعى ساعتها اشاد بمشروعات تخرج جامعة حلوان ومجلة الحقنة بتاعتنا كانت من المجلات اللى خصها بالإشادة عشان كانت مجلة ساخرة على غرار اضحك للدنيا

اول محاولة ليا بعد امتحانات السنة دي اللي هيا السنة الاخيرة اشتغلت ديسك مان فى جريدة الحياة المصرية ولكن ما عجبنيش الحال هناك فتركتها بعد مدة قصيرة

وبعد كل هذا اعتبر الأن
على باب الله
هههههههههههههههههههههههههههه

عامة انا منتظر اخلص الكورس اللى واخد وقتى واكافح تانى مع الصحافة

وبعد ما عرفتى انى علي باب الله
ياريت تسيبيلى جوز جنيهات على باب مدونتى كل مرة تشرفينى فيها

ولو عندك انتى فرصة عمل فى الصحافة كويسة فياريت تقوليلي واعتبريها صدقة رمضان
هههههههههههههههههههه

تحياتى ليكى
وتقبلى إحترامى
وأسف للإطالة
وكل سنة وأنتى طيبة وإلى الله أقرب

دعاء مواجهات يقول...

abo sla7

هههههههههههههههههههه

مااشى ياعم ندورلك واهو كلو بثوابة بردوو

انا سمعت عن الحياة دى بردو

وكنت ناوية اقدم فيها

اية رايك؟؟

نورتنى

ربنا يكرمك