الثلاثاء، يوليو 29، 2008

دهست .. السياسة


دهست السياسة

دهست السياسة
عرفت الخباثة

مشيت ف العَوء
سافرت ومشيت

رجعت وقويت
عرفت الأنون
عرفت الجنون

عرفت السياسة

دهست السياسة
ولو مين نادانى
هقولوا
شَطَب....

بقيت واد شَغب

دهست السياسة
وقولت
كفاية .. شايفينكوا
ياما ..

دهست السياسة
عملت مظاهرتين

دهست السياسة
شَتمت شتمتين

دهست السياسة
إنضربت بجزمتين

دهست السياسة
أخدت بونيتين

دهست السياسة
إتسحَلت أسبوعين


دهست السياسة
وروحت المعتقل

دهست السياسة
وخرجت واد عٌقَل

دهست السياسة
وإشترونى برزمتين

دهست السياسة
إشتريت فيلتين

دهست السياسة
ركبت الليموزين ..

دهست السياسة
وأتارى السياسة
شيلنى .. وأشيلك..


هناك 88 تعليقًا:

دعاء مواجهات يقول...

كان هذا هو الجزء الثانى من قصيدة

(ماليش ف السياسة)

أتمنى يعجبكوا ..

____________________

انا طبعاً كنت فاتحة الموضوع للناس يكتبوا الجزء التانى

بس مفيش غير الأخ (محمد داوود) فقط اللى إستجاب وبعتلى وطبعاً بدعوكم لقراءة تعليقة عندى فى االجزء الأول من القصيدة

وبشكرة شكر خاص جداً جداً..

أسير الجراح يقول...

انا اول تعليق اهو



اختى الجميلة دعاء



جميل جدا البوست



انا ههههههههههههههههههههة



من السياسة



برافو عليكى


بس جريئة اوى


انا نزلت بوست جديد



اتمنى زيارتك



اسير الجراح

Mafrousa يقول...

طيب ما اشيلنى و اشيلك
سياية
و كل اللى انت كتبتية سياسة

و السياسة انواع
و فى الآخر برضه سياية

تحياتب

أبوعبيده يقول...
أزال المؤلف هذا التعليق.
دكتور بهــدوء يقول...

م اروع لاروع لاروع

دعاء عن جد القصيده هايله

طبعا باين اوي انك مالكيش ف السياسه

مش ايها سياسه السياسه دي بالزات
لانك عندك سياستك
و تصورك لسياسه تانيه
غير اللي انتي داهساها

حسن حنفى يقول...

بوست جمييييييييييل

ربنا يكرمك دايما يارب

بيس

أبوعبيده يقول...

سلام عليكم
دهست السياسه.... امممممممم
ماشى...
أستاذ التاريخ بتاعى فى الثانوى قال جمله خالده فى السياسه معلقه فى دماغى لحد حالا..... قال الأستاذ الفاضل الذى يبدو أنه حين قال تلك الجمله تخلى عن مقدار معين من فضيلته
......... السياسه نجاسه............
أخذت الكلمه يومها على محمل السخريه
ولم افهم معناها ألا بعد الاضطلاع على اليسير من السياسه ...
هى حقا كما قال أستاذ التاريخ(...)
سؤال ؟!
هل يجب على رجال السياسه الآستنجاء بعد اجراء أى عمليه سياسيه؟!!
أفيدونا..

2ensan wnsan يقول...

واتااري السياسه شيلني واشيلك مانا برضه فرحتلك وانا بتاعك يا بيه واعرف .. معرفش ليه


دهستي السياسه برضه

zOzO يقول...

دعاء شكلك كدا ناويه ع كام سنه سجن
او اعتقال
لمده محدش يعرفها
هنبقي نفتكرك مش تخافي
ونجيبلك حلاوه
هههههههههههههه


بجد البوست حلو
طبعا احنا مش قدك دلوقت
ربنا يوفقك
وعايزين كمان
بيس كلمتك اهو
ههههههههههههههه

Mero.. يقول...

جميل جميل
دا عاجبني اكتر من الاول كمان ..
تسلم ايدك ..بس انتي كدا بقى لكي في السياسة فعلا..
دمتي بخير تحياتي :)

Gannah يقول...

لموزين من رايا يا دودو
طب خدينى لفة
السياسة شيلنى وأشيلك ...هى دى فعلا السياسة
بس يا ترى اللى بيفضل مصر على الحق بتكون نهايته ايه؟؟؟؟؟؟؟
انا الحقيقة ماليش فى السياسة عجبتنى اكتر لانها بتعبر عن الجزء الاكبر من شعب مصر
يا دودو يا جميلة واضح فعلا انك مالكيش فى السياسة
عيش وحلاوة ولا ليموزين؟؟
انى خيرتك فاختارى!!
تحياتى

رئـــــيسـة حزب الأحلام يقول...

ازيك يادودو والف شكر على سؤالك عليا بجد بس اعذرينى النت عمال يفصل
واقولك على حاجة الواحد تعب من سياسه التجويع اللى متبعينها معانا بجد وهلى اللى احنا فيه دة من جراء السياسه ولا من نفوسنا
وربنا يهدى لنا السياسه

محمد فاروق الشاذلى يقول...

القصيدة جابت م الآخر
السياسة شيلنى وشيلك
هو ده حال أغلب السياسين فى مصر وتكفينا نظرة على أحزاب المعارضة لنتأكد من ذلك

maiosha يقول...

يا سلام يا دودو
دهستى السياسة وجبتى فيلتين وركبتى ليموزين
ده أنا أخرى عربية كارو بحمار أعرج
بس حلوة حكاية شيلنى وأشيلك دى
بتفكرنى بالسياسة اللى بنمشى عليها ايام الإمتحانات
غششنى السؤال الأول وأنا أقولك التانى
ههههههههههه
سلام يا جميل

عاشــــــ النقاب ـقــــة"نونو" يقول...

جمييييييييييييل جدا
بس السياسة هدهسك وادهسك

كيكى عوووووو يقول...

عوووووووووووووووووووو انا جيت اتخديتى
............................
شيلنى ...اشيلك
حملنى ...احملك
ابقضنى..اقبضك
تلاقينى....هلاقيك
......................
ولاعزاء للسيدات
.................
ابدعتى
عووووووووووووووووووووو

السماء الداميه يقول...

انا اسف على الاخير بس بجد انتى جبتى من


الاخر فى السياسة وعلى فكرة انا بحب


اقرى اللى بيكتب فى السياسة وبجد


اسلوبك كان جامد اوى اوى وممكن اعرف


رايك فى مدونتى ونتبادل الروابط


ونتواصل معا

Diyaa' يقول...

القانون أشيك رغم إنك كاتباها عامية
مش الأنون :|

خفة دم القصيدة خففت من موضوعها

السياسة دي مكبراني 3 أو 4 سنين أدام
ونفسي أغمض عيني وأفتحها الاقينا رجعنا أيام سياسة القبائل..كانت الدموية أقل والفساد منعدم والمساواة بين الناس منتشرة أكتر والعدل ليه معني
دلوقتي كل ده بقي كلام ماسخ
واللي تكسب بيه العب بيه
وهيا دي السياسة.لعبة البقاء للأقوي
وربنا يتوب عليا منها أو
يفهم المصريين كلهم إنهم بجبنهم ونهشهم لحم بعضهم بيثبتوا موقف الظالم أكتر وبيضعفوا من إرادة شركائهم في البلد

تحياتي ليكي يا بتاعة السياسة :))

دعاء مواجهات يقول...

- أسير الجراح

ولا جريئة ولا حاجة

دى اقل حاجة عندنا

ههههههههههههههههههههههه

نورت

دعاء مواجهات يقول...

واحدة مفروسة

اية ياقمر

انتى كنتى بتكتبى الكومنت والنت فصل ولا اية؟؟

اصلى مش فاهمة جملة مفيدة

ارجو التوضيح

بيس

دعاء مواجهات يقول...

دكتور بهدوء

بجد كلامك دا هيغرنى

ومش هتعرف تكلمنى تانى بتاتاًَ

ياعم الرومانسى انت


نورت واشكرك ع التعليق العميق..


بيس

دعاء مواجهات يقول...

حسن حنفى

اللهم آميين

ويتقبل منك

نورت

دعاء مواجهات يقول...

أبو عبيدة

تعليقك لا يحتاج لرد منى

او التعليق علية

وأفيدنا انت مش اضطلعت عليها؟؟

نورت

دعاء مواجهات يقول...

عبدالله

ازيك ياعم المهندس المختفى انت؟؟

اة دهستها عندك مااانع؟؟

نورت ياعم

بيس

Asmaa mahaba يقول...

ههههههه
انضرب بجزمتين يبقى لسه مشافش السياسه
اللى شافها بياخد بصنف اقدم اسمه بلغه
تحياتى ليكى وربنا يكفينا شر السياسه
سومه_87

دعاء مواجهات يقول...

ZOZO

ازيك يابنتى

بقى كدة طب مااشى

خلاااص مش هخاف م السجن

ما دمتى مش هتنسينى

وبعدين انتى قدى ونص ياقمر


نورتينى

وبيييييييييييييس

دعاء مواجهات يقول...

MERO

والله الى تقولوا مااشى

انا مقدرش اكسرلك كلمة

بجد رايك بيفرق معايا

اكيد عارف لية؟؟

نورت

دعاء مواجهات يقول...

جنة

حبيب قلبى انت

يامدوبـــنى فيـــــــك

هههههههههههههههههههههههه

أختار الحق ياجميل..

بيـــــــس

دعاء مواجهات يقول...

رئيسة حزب الاحلام

ولا يهمك ربنا يهديهولك

اة م السياسة

والله ما قادرة اتخيل بكرة هيبقى ازاى لما النهاردة كدة

نورت ياجميل مكانك

دعاء مواجهات يقول...

قلب مصرى

اتمنى كلامى كلو يعجبك

بجد نورتنى

دعاء مواجهات يقول...

- ميوشة

متخلينيش بقى

اسيــــح واقول ع الامتياز اللى

جبتيييييييية

نورت ياجميل..

دعاء مواجهات يقول...

نونو

السياسة

ألون الطيف

والعنف والزيف

نورتى

دعاء مواجهات يقول...

كيكى

اية يابت ياكيكى انتى

يامجنووووووووونة

حد يجى يرمى الكلمتين ويجرى كدة

مااشى
حسابك معايا بعدين

انتى كنتى جاية بتغنى ولا اية

بيس يابنتى

دعاء مواجهات يقول...

السماء الدامية

اكيد ممكن جدا

المدونة دى بتاعة كل واحد

يدخلها وتعجبة وتتفق معاة

نورتنى

دعاء مواجهات يقول...

ضياء

اية ياعم المحامى

طبعا مهو تخصصك لازم تدافع عنة ولو كان مجرد طريقة كتابة

3 او 4 سنين بس

انا اسمع ان السياسة بتكبر بالقرووون

نورت يامتر..

بيس

دعاء مواجهات يقول...

سومة

ماااشى ياعم

انت أدرى بقى

ولا نقدر نعدل ورااك

نورتى يافوزية

بيييس

mostafa rayan يقول...

دعاء
اولا : ازيك
بصي انا شايف ان القصيدة فيها كتير من روح احمد فؤاد نجم
كفنيات : متهيألي محتاجة تظبطي الأيقاع شوية ومدام حبيتي الشعر العامي اقرأي شعر عامي كتير او الصح تقرأي فصحي اللي فيه وزن وايقاع ليس الشعر الحديث هتحسي ان الحياة متظبطة عندك
ولكن القصيدة فيها روح صادقة وبتوصف حال كتير كانو ثوريين ثم اصبحو مواليين بعد ان ركبو الليموزين واشترو فيلل في شرم ومارينا وشقق واسعة على النيل
تحياتي ليكي

Unknown يقول...

انت جااااااااااااااااامد يا دودو الله ينور يا قمر دة انت دماغك جامدة جدا جدا والله عجبتنى قوى يا دعاء ربنا يحميكى ويجعل كلامك خفيف عليهم......

Mahmoud البطراوى يقول...

اكيد تقصدى السياسه فى اى دوله غير مصر
:)
احنا السياسه عندنا شرف
ادب
اخلاق
كدب مستحيل تلاقيه
غش ابداا مش عندنا

احنا؟؟ دا احنا ولاد ..........
ههههههههههههههه

مدحت محمد يقول...

ياااا


جامدة

الجزء التانى الصراحة اجمد يادعاء

دعاء بقلك شكلك هتقعدى فى العنبر اللى جنبى قريب هههههههههههههههه

دعاء مواجهات يقول...

مصطفى ريان

اولا انا تمام الحمد لله


ثانيا ً انا اطوول اكون زى أحمد فؤاد دا شرف ليا طبعا

محدش يقول كلمة عالفاجومى
...

ثالثا : بشكرك فعلا اوى على نصيحتك الغالية ودى حاجة انا محتاجاها فعلا

رابعا: نورتنى

بيييس

دعاء مواجهات يقول...

enjy

لا متقلقيش

لسة ماعديناش الرد لاين

نورت ياجميل

دعاء مواجهات يقول...

بطوط حبوب

ولاد نااس طبعا ً

عارفة قصدك عارفااة متقلقش ابدا

نورت يادكتور

دعاء مواجهات يقول...

مدحت محمد

ياعم موافقوون

بس اعمل حسابى فى

الحلااااااااااااوة

هههههههههههههههههههههههههههه

نورت

ادم المصرى يقول...

دهست السياسه
عرفت مين الى خان

دهست السياسه

عرفت معنى للئحلام

دهست السياسه

عرفت سبب الدمار

دهست السياسه

ودهست معاها الاهات

دهست السياسه

معرفتش مين الى فان
.....................

دعاء كلماتك فى منتها الخباثه

بجد عجبنى كلامك جدا فى منتهى الروعه برااااااااافو عليكى

اهنيكى بجد

خالد كامل يقول...

بوست جميل قوى و كله معانى
بس المشكلة ان (( شيلنى و اشيلك )) مبقتش مقتصرة على السياسة بس
دى فى كل وقت و كل مكان و بيتعامل بيها كل الناس
تحياتى

Amgad يقول...

بتفكريني بلما طفل سال ابوه يعني ايه سياسة
قاله انا بتعب عشان اجيب لكو فلوس فانا الراسمالية
وامك اللي بتتصرف بالفلوس دي وبتدير البيت فهي الحكومة وثنية الخدامة دي الطبقة العاملة وانت واخوك الشعب
فلما الواد حصلة مشكلة بليل وجه يستنجد بالخادمة(الطبقة العاملة) لقي ابوه في فراشها
صحي الصبج قاله انا ادركت معني السياسة وهو
أن يستغل أصحاب رؤوس الأموال الطبقة الكادحة بينما يكون الشعب مًهمل و الحكومة غافلة عما يجري من ورائها
والجملة دي تلاقيها مشهورة اوي
بس انا مقتنع ان السياسة مش دايما عوء
ولو هي عوء وبنعوء خارجيا كنا قولنا ماشي ولكن العوء دايما علي الشعب
وعشان كده يا دعاء رايك مبني علي سياسة داخلية
لان الباطل اصبح فن وكار
والسياسة مووووووت افكار
بتبسط اوي لما بعلق علي موضوعاتك ومرورك بيسعدني اكتر
تقبلي خالص تقديري

كاميليا بهاء الدين يقول...

هههههههه

اتارى السياسة شيلنى واشيلك

هو ده المفيد

السر كله فى الجملة دى

جميلة يادعاء


تحياتى وحبى

Empress appy يقول...

السوياسه فى العالم كله يا حبيبتى لعبه اقتصاديه بحته يعنى مصالح فهمتى حاجه

الميكروباص يقول...

انا هاجي في يوم وهقاطع كل الجرايد وكل نشرات الأخبار لأني زهقت من السياسه و الكلام فيها والقرف بتاعها- ومفيش فايده أصلا من الكلام- الواحد واجع دماغه على الفاضي
مالهم اللي مش في دماغهم حاجه؟
وحشين؟
مهم قاعدين تمام والحمد لله ومبسوطين كمان
ليه الواحد ميكونش زيهم؟

عروسة ننوسة يقول...

برافو عليكى

Unknown يقول...

سياسة
المال
المصالح
المنافع
السلطة
لا حب الوطن والعمل من اجلة
سلمت ايديكى دعاء

Unknown يقول...

ان شاء الله يوم الجمعه 1/8 الساعة عشرة صباحا امام هيئة المصل واللقاح فى الدقى51 ش وزارة الزراعة وبعد كدا هنروح علي نادي الزراعيين علشان نحتفل باعياد ميلاد المدونين
سووو
لماضة
جنة
شيماء الجيزى
الدعوة لكل مدونى مصر
الدعوة تنظمها
بنت خيخة واى كلام

ميرو انتكة يقول...

دعاء ازيك الاول اتمنى تكونى بخير يا جميلة

بجد قصيده حلو قوى بس فعلا ما لكيش فى السياسة هههههههههههه زيى يعنى

ربنا يوفقك يا جميل

سلامة سلامة

كوارث يقول...

حلوة القصيدة جدًا
بعض البكلمات فيها ما فهمتهاش بس الوزن العام مبظوط والمعنى المجمل جامد
جميل جدًا ما شاء الله

د/اجدع بنوته يقول...

عجبنى جداااااااااااااا

ايه جو الشمساويين ده

تحفه يادود بجد

بقى ف نضج ف بوستاتك وافكارك هايل

دعاء مواجهات يقول...

آدم المصرى


بشكرك جدا ع الإبداع اللحظى دة

وبجد منورنى ديما ً

بيس

دعاء مواجهات يقول...

مهيج الجماهير

آة طبعاً معاك حق

كلو بقى مصلحتى أولا ًً

نورت

وخد بالك ع نفسك ساعم الثورجى انت

بيس

دعاء مواجهات يقول...

أمجد

حلوة فن وكار وموت افكار تنفع مطلع أغنية

ههههههههههههههههه

وانا كمان بتبسط من آرائك جدا ً لعمقها

تحياتى

دعاء مواجهات يقول...

كاميليا

مفتقداكى جدا ياقمر

كنتى مشغولة فى اية اعترفى؟؟

نورتى ياقمرى

بيس

دعاء مواجهات يقول...

APPY

آة فهمت

بتجيب انت م الآااخر

يامنورنى

دعاء مواجهات يقول...

- لورنس العرب

طب الجرايد وعارفين هتقطعها إزااى

طب والنشرات بقى؟؟؟

اهدى كدة ولا حاجة مستاهلة

نورتنى

دعاء مواجهات يقول...

- نهر الحب

اتمنى يعجبك كلا مى ديما

نورتى اختى .

سلاام

دعاء مواجهات يقول...

- ميرو أنتكة

انا تمام الحمد لله

انتى اللى فهماانى

نورت ياقمر

دعاء مواجهات يقول...

- كوارث

قوللى ع النقاط الى عاوزة توضيح
وانا اوضحها

نورت اخى العزيز

سلااام

دعاء مواجهات يقول...

- د/ أجدع بنوتة

ياعم ولا هنيجة جمبك حاجة بردو

وبعدين انا بردو اللى شمساوية لوحدة اوومال اخر بوست عندك دا يبقى اية بس قوليلى

منورة بجد كنت مفتقدااكى

سلااام

آه وكفى يقول...

ههههههههههههههههههه

حلوة القصيدة يادعاء كمان الكاريكاتير جااااااااااامد ومعبر جدا جدا

تحياتي لابداعك
والله يبارك فيكي ياجميل :0))

nigro يقول...

يا واد انت يا أبو جامد يا بايع القضية
جاااااااامدة جداً يا دؤدؤ
بجد حلوة أوي
بس عاوز أقولك إني وقفت قيمة فسوتين كده قدام كلمة "الأنون" لغاية ما فهمت المعني المنشود
بس العامية يا دؤدؤ مش واقعة قوي كده
كان ممكن تقوليها القانون و كانت هتمشي برده
بجد بجد يا دؤدؤ من غير مجاملة
خطيييييييييرة
ده رأيي الشخصي يا دؤدؤ
و حسك عينك تزعلي


يلا سلام

جهاد خالد يقول...

ياريتها في يوم ما تبقاش كدا

:)


جميل جدا يا دعاء

ربنا يحفظك

نونو يقول...

اذيييك يا دودو لييكى وحشة انتى فين
ملكيش فى السياسة خالص
يا بنتى دة انتى بتقولى كلام جامد جدااا
ربنا يكرمك يا بنتى

samo يقول...

السياسه

دوت الكلمه فى مسامع الناس فى القريه

ماذا تعنى

كيف ستطبق السياسه

هل هى خير على الناس ام هى بلاء
تعجب الناس
والتفوا حول دجالهم المفضل
يسألوه

يستجوبوه

فشمر عن ساعديه وجرع من كأسه

وهب واقفا
وبأعلى صوته
قائلا

الدنيا كده من غير سياسه __ اخر لذاذه


هى دى السياسه فى نظرى كلمات احببت ان ارد بها على كلمات القويه والمؤثره

موضوع جميل

ونوى ان ازور تلك المدونه كثيرا

لك خالص تحياتى

abo salah يقول...

بعد السلام عليكم

لا والله كلام جميل

بوست رائع ودسم اوى

وأجمل مافيه التناول بالطريقة الساخرة

تحياتي يا دعاء

Ahmed Mostafa يقول...

حلوة جدا يا دعاء

مدونة
عيش وحلاوة

Ahmed Al-Sabbagh يقول...

جميلة جدا جدا

امال فين البيتين اللى انا كنت كتبتهم

يا تجيبيهم يا تجيبى خمشاشر قرش تمنهم

:)

احمد الصباغ

عايش... ولكن !!!! يقول...

محدش ملوش فى السياسه
كلنا لينا فى السياسه
بس السياسه انواع
واحنا مفكرينها الكلام فى الاوضاع بتاعة مصر والحكومه وبس
دى السياسه

بس بجد موضوع جرىء وعجبنى جدا
تحياتى
علاء

بث تجريبي يقول...

السلام عليكم
سياسة فى سياسة
قربوا يا سادة
شوفتوا السياسة
عملت خباثة فى عقل مفلس
مشيت اهلس
فى الشارع مفلس


اممممممم
بصراحة دول كام بيت جم فى دماغى اول ما قريت الابيات الشعرية بتاعتك
حاولت انى اكملهم عشان ادى الكومنت بس مش لقيت حاجه فى نافوخى لذا انا هحاول اكملهم وابقى اجى احطهم فى كومنت تانى

سلاموووز

دعاء مواجهات يقول...

نورة الخشن

يابــــــــاشا

رضاك عنا أسمى أمانينا...

نورت ياجميل

بيس ياقمر

دعاء مواجهات يقول...

nigro

دا يعنى على اساس

انى اقدر ازعل منك

ههههههههههههههههههههههههههههه

طب كنت خليهم 3 فسوات كنت هتفهم قصدى اكتر

وبينى وبينك انا بفكر بفكر ....

هبقى اقولك بفكر ف اية..

بييس

""""" يقول...

دعاء
عجبتنى مدونتك
وعجبتنى الكلمات اللى على راس الصفحه
مفيش احسن من المواجهه فى جميع الظروف
انا بكره جدا الخبث والاساليب الملتويه
وعجبنى البوست اوى
ربنا يبارك فيكى
اسلوبك جميل

دعاء مواجهات يقول...

النجمة الصامدة

آمين اختى العزيزة

نورتينى

دعاء مواجهات يقول...

نونو

انا ف الحياة اهوة

ادعيلى داخلة على ايام فارقة فى تاريخ حيااتى

منورة مكانك

دعاء مواجهات يقول...

samo

احب احييك جدا على لاكلمات الروائية الساخرة

ياريت لو تكتبها قصة قصيرة

نورتنى وتشريفك

أسعدنى

يسعدنى التواصل

دعاء مواجهات يقول...

أبو صلاح

رأيك ككاتب

اكيد بيفرق معايا كتير

اتمنى اكون ديما على قدر ثقتك

تقبل تحياتى..

دعاء مواجهات يقول...

أحمد أفندى

اية ياباشا

انت جاى تبشر علينا ولا اية

اووكى

علم وينفذ

بيس

دعاء مواجهات يقول...

أحمد الصباغ

15 قرش بس

دا العادى ولا تخفيض علشاانى بقى؟؟

انت تؤمر

بيس

دعاء مواجهات يقول...

عايش ولكن


صح كلامك طبعا

انا من رأيى ان السياسة هى لاحياة

نورتنى ياعلاء

كنت مختفى فين؟؟

سلام

دعاء مواجهات يقول...

dont press f1

اووكى وانا منتظراك

متتأخرش عليا

نورتنى

دعاء مواجهات يقول...

أمل

وانا بقى عجبتنى رقتك جدا

ومعنى ذلم انك مواجهاتية قديمة

نورتى بيتك ياقمر

يسعدنى دوام التواصل

بيس