الاثنين، يونيو 02، 2008

سألتوا نفسكوا؟؟ وقاالت إيية؟؟؟


سألت نفسى كتير؟؟؟ مارسيتش يوم على بر...


سالت نفسي كتير- مارسيتش يوم علي بر - ده مش مقطع من اغنية فيلم الشبح
للمتميز احمد عز لا بالعكس ابسولوتلي ده لسان حالي الداخلي او اقدر اقول ده
الحوار اللي دايما يدور داخل اعماق نفسيتي المحطمة علي صخور الحقيقة الحياتية
المرة وانا بتساءل في لحظة من لحظات الصفا النفسي القليلة جدا هوا انا

ليه واللي زيي بندخن ؟يعني ليه نشرب سجاير وشيشة وجوزة كمان وساعات
كتيرمتغمسين بالذي منه اذا لزم الامر مع اننا عارفين ومتاكدين تمام التاكد انه
ضار جدا بالصحة ويسبب الوفاة وبيجيب امراض الدنيا كلها ومن ضمنها المرض
اللي مايتسماش ده اللي راسمينله اخوانا المسئولين رسمة ظريفة لطيفة كده علي
ضهر كل علبة سجاير عبارة عن رئة مصابة بذلك المرض اللعين وبدوري هنا

اتساءل والكل يتساءل معايا هوا التدخين بس هوا السبب الرئيسي ف البلوة
السرطانية دي ولا هوا يعني مقدروش ع الحمار هيتشطروا علي البردعة يروحوا يشوفوا
مبيدات والي المسرطنة اللي خلت كل محاصيل مصر من اقصاها الي دلتاها مش
اورجانيك بالمرة -والاورجانيك بقي بالشئ الفلاني-ولا يشوفوا مصانع الاسبستوس
ولا دخان مصانع الكيماويات طيب بلاش ده كله يشوفوا تصريحات وزراء الحكومة
الذكية اللي تجيب اكتر من المرض واخطر منه بمراحل يشوفوا السرطان اللي
استشري فيهم الاول قبل ما يرموا بلاهم علي سجايرنا حرام عليكوا يامسئولين
طيب بعد كل العوء والاشتغالات دي كلها ليه بندخن لحد دلوقتي ؟هوا ده

السؤال اللي بيطرح نفسه ومحتاج اجابة من الاجابات التالية لانه وزي ما كلنا
راسيين وفاهمين التيتة انه التدخين من غير سبب قلة ادب
من الممكن جدا وبالذات لاننا شعب فرعوني دماغه ناشفة جدا ولا حجارة
الاهرامات التلاتة انه يكون التدخين ده من باب العناد مع النفس علي خلفية هيا
يعني موتة ولا اكتر وخليها علي الله واحييني النهاردة وموتني بكرة او ماشي
مع مبدا انا ادخن اذا انا موجود وهكذا
لكن ارجع واقول لنفسي ممكن يكون بسبب تاني خالص هوا انه الممنوع مرغوب في
حياتنا ف البيت التدخين وحش ياحمادة ويسبب الوفاة ف المدرسة التدخين ضار
ياابني ويسبب الوفاة ف كل حتة الاعلانات والملصقات مالية الشوارع لا
للتدخين ولا للادمان
لكن ده برضه مش سبب كافي اننا ندخن ونملي رئتينا بالتبغ اللعين والقطران
وخلافه من مخلفات السيجارة المحترقة
لعل السبب فلوس زيادة مثلا عن حاجتنا اليومية -قطع لسان اللي يقول كده علي
حكومتنا الذكية -بقي هوا نظيف واعوانه خللوا ف جيوبنا فلوس اساسية عشان
يفضل منها لبند السجاير ده المصري من دول فيه اللي مكفيه وماشي طول الشهر
بالزق وشادد حزام الجوع علي بطنه زي ما حكومته قالتله ويمكن اكتر كمان
لكن فلوس زيادة نووووووووووووو- خبيبي انا مفيس ميزانية السنة اللي جاي ان
ساء الله خريستوا-
من الممكن كمان انها تكون مضيعة كويسة للوقت لكن ارجع واقول ازاي
يااخوانا ماهو فيه حاجات كتير اوي غيرها بتضيع الوقت يكفي قراءة نشرات الحكومة
اليومية او مشاهدة جلسات مجلس الشعب ف التليفزيون دي ممكن تضيع عقلك -ولا
مؤاخذة -مش الوقت وبس يعني ده مش سبب كافي برضه للتدخين اللعين ده
احتمال يكون تقليد للغرب او يكون السبب محاولة استرجال -من الرجولة يعني-
بدري شوية عن وقتها من بعض الشباب اللي بيدخن ومحاولة من كبار السن اللي
بيدخنوا يداروا بيها عجزهم الجنسي الطبيعي بسبب السن والمرض -او بكلمة
الطف واظرف واخف شوية نقول مثلا يداروا بيها قلة نسبة هرمون التوستيرون
عندهم ف تلك الفترة -فيتم استخدام السيجارة او غيرها كوسيلة الهاء وتعتيم
علي فاجعة قلة الرجولة
لكن ارجع واقول فيه حاجة مهمة جدا احنا ناسينها ومركونة علي رف الاحتمالات
وهي انه التدخين ممكن يكون سببه وراثي وبما اننا داخلين علي ايام توريثية
مفترجة -اووووووووي- وبما انه التوريث بقي ف كل حاجة وكل موقع ف حياتنا
ولاننا ف بلد الحضارة والحجارة وال50مليون فقير نلاقي انه ابن العامل بيطلع
عامل وابن المهندس مهندس وابن الدكتور دكتور -غالبا- وابن الوزير طبعا
هيطلع ايه يعني غير وزير وابن الباشا بيطلع باشا علي فكرة -ده للعلم- يعني
لكنه مجرد احتمال برضه
احتمالات ورا احتمالات ومافيش اي سبب مقنع لحد دلوقتي
طيب ايه السبب الحقيقي الممكن قبوله ف عادة التدخين السيئة دي
اكاد اجزم انه وفي خلال الكام وعشرين سنة الاخيرة-واخدلي بالك- دول زاد
عدد المدخنين علي مستوي المحروسة-والسبب معروف طبعا وواضح وضوح الشمس
والبركة ف البركة وحكوماته المتتابعة زي ما الكل راسي - لكن بجد جل ما
اخشاه-حلوة جل ما اخشاه دي !!!!!!!!!! في يوم اغبر من الايام من الايام المباركة
الكبري او الصغري-بمناسبة التوريث يعني- ان يتم اتهامنا اننا السبب
الرئيسي ف السحابة السودة لكن ارجع واعذر مدخني مصر من الجنسين لاننا في عصر
مبارك والحريات وعشان كده احنا اخترناه والفكر الجديد والحركات دي كلها فكان
ده سبب كافي وفعال انه الواحد مننا يلاقي حتة سيجارة يولع فيها وينفث
دخانها بدل مايولع ف هدومه ده لو كان لسه عنده هدوم يولع فيها اصلا وتيجي
فالاخر وتقولي التدخين ضار جدا بالصحة ومعرفشي ايه ياعم روح ماهو اصل اللي
مايعرفشي يقول تبغ
سمعت مؤخرا انه وبعد الحركة الافعوانية الاخيرة بتاعة الرئة المصابة
بالسرطان دي علي ضهر كل علبة سجاير هيتم استبدالها قريبا بصورة تانية اكثر خطرا
واكثر سوءا وهيا عبارة عن رسمة لسيجارة متنية يعني م الاخر كده وعلي
بلاطة سيجارة مش قادرة تصلب حيلها وتقف والكل طبعا قاريني وهارش الصورة
معناها ايه ويالحسرتنا نحن معشر الرجال بعد كده دي هتبقي مصيبة سودة ونكسة
جديدة ولا نكسة 67 وضربة ف مقتل لرجولة كل شاب وكل فتاة تجراوا وشبروا سيجارة
حتي وان كانت بفم فلتر
وسمعني سلام هاابطل السجاير واكون انسان جديد وهيييييييييييييييييييه

هناك 107 تعليقات:

دعاء مواجهات يقول...

هااى ياجماعة

أنا عارفة إنى كأبتكوا أوى بالبوست اللى فات فقولت كفاية علية كدة و أفرحكوا شوية

وقمت عاملة حركة تمام ولبيت رغبة أخويا العزيز الدكتور هيما عطاالله

ونزلتلة البوست دة مفاجاة وهو كان باعتة ليا وقولتلوا انا مش حقولك وهعملها مفاجأة

وأدينى عملتها وياارب تعجبك ياهيما...

شجعوا الراجل بقى وقولوا رايكم بكل صراحة

وهو هيرد على تعليقاتكم
وانا زيى زيكم بالظبط

اة بالنسبة للبوست اللى فات بجد سامحونى ماكانش قصدى أكئبكوا خالص معايا

بس تقدروا تقولوا كدة
دى كانت رسالة معينة موجهة لحد معين

ومتهيألى إنة إستلمها خلاااص

وبجد ميش كآآبة تاانى خلاااص

تحيااتى لحد حد جميل علق وساندنى

سلااموز

هتوحشوونى اوى

2ensan wnsan يقول...

اول تعليق بعد تعليق مواجهات ايه دا كله انا بحلم

هقرا وارجع اكمل على موضوع هيما كووووووووووووووووووووووول

2ensan wnsan يقول...

يا صباح التهييس وstop drugs change ur life
ايه الروقان دا يا هيما باشا دانتا جبت من الاخر في كل حاجه

يعني حقيقي ان السرطان انتشر في مصر في الكام وعشرين سنه اللي فاتت - خدت بالي -

وممكن يكون في الاسترجال او تعويض الرجوله الضائعه فعلا والمهم ان الاتنين بيضحكوا على بعض - شاخدلي بالك انت -

انت عارف انا مش مدخن بس ناوي ادخن ان شاء الله وما تسألنيش ليه لاني هقولك من غير ما تسأل

بص بقى يا برنس التدخين اولا يعجل بالوفاه دا غير انه ساعات بيعمل كمنشط فاهمني طبعا

بعيدا بقى عن السيجاره المتنيه او الملويه ربنا يبعدنا عن السيجاره دي يا جدع
السيجاره لازم تكون مفروده ومحشيه - تبغ مش حاجه تانيه - وما تكونش مكتومه وضخمه حاجه كده زي السيجار الكوبي الفاخر بس على قدنا كده ويا سلام لو تولع سيجاره سيجاره من سيجاره دا بقى بيلغي كل احساس رخم بيجيلك بعد موضوع السيجاره المتنيه

2ensan wnsan يقول...

التعليقين اللي فاتوا كانوا لهيما كووول


التعليق دا بقى لمواجهات

ايوة كده فرفشي الناس بموضوع عدل خفيف فريش بعيدا عن كل ما هو كئيب ومحزن ايوه كده

على فكره انتي موضوعك حلو بس انا اللي ضد المشاعر الانسانيه والخواطر العاطفيه يعني يا ريت ما تزعليش من تعليقي اللي فات

بس بصراحه الموضوع اللي فات كان مليان طاقة سلبيه بالهبل ومكنش فيه اي حاجه ليها علاقه بالطاقه الايجابيه

بيييييييييييييس

كيكى عوووووو يقول...

بوست جميل جداااااااااااااااا...تحياتى

Mafrousa يقول...

التلاااااااااااااااجه؟؟؟؟؟؟

.:.-=- ELGaZaLy-=-.:. يقول...

معت مؤخرا انه وبعد الحركة الافعوانية الاخيرة بتاعة الرئة المصابة
بالسرطان دي علي ضهر كل علبة سجاير هيتم استبدالها قريبا بصورة تانية اكثر خطرا
واكثر سوءا وهيا عبارة عن رسمة لسيجارة متنية يعني م الاخر كده وعلي
بلاطة سيجارة مش قادرة تصلب حيلها وتقف والكل طبعا قاريني وهارش الصورة
معناها ايه ويالحسرتنا نحن معشر الرجال بعد كده دي هتبقي مصيبة سودة ونكسة
جديدة ولا نكسة 67 وضربة ف مقتل لرجولة كل شاب وكل فتاة تجراوا وشبروا سيجارة
حتي وان كانت بفم فلتر
وسمعني سلام هاابطل السجاير واكون انسان جديد وهيييييييييييييييييييه
--------------------------------

هههههههههههههههههههههههههههههههه

انا قبل ما اقرا اسم ابراهيم قولت دعاء لسعت يعنى...

جامد اوى يا ابراهيم بجد يعنى دماخك عالية بشكل جامد جداا

دعاء الحياة مش مستاهلة كائبة كفاية وجود اشياء كثيرة فيها مليئة بالكائبة

احساس لسه حى يقول...

عزيزى

التدخيين فى بلادنا بيزيد وفى الغرب بيقل لانهم هناك بيشربوا خمرة وحاجات تانى كتير

لاكن هنا السجارة ارخص مكيف الناس بتطلع فيه غلها


بس فى ناس كتير بعد الغلا ده هيتضر تبطلها يا يبطلوا يكلوا

اللى عاوز يبطل هيبطل هو مش ادمان يعنى

تحياتى

سلام

Empress appy يقول...

حلو الكلام
بس بما انى من اللى كانوا بيشربوا شيشه يعنى المهم اتسالت من خطيبى ليه شربتيه قولت له انتقام من نفسى يعنى احنا عارفين تماما هى بتعمل ايه وعارفين التدخين بس زى ما تقولى تقليد انا بتكلم عن نفسى لان صحبتى هى اللى عودتنى عليها لما بنقعد فى البيت كان عندهم شيشه
المهم يا سيتى عاوزة اقول ان اللى عاوز يبطل هيبطل وبعدين اساسا اللى يتفرج على مجلس الشعب يشرب منقوع زباله مش شيشه بس من حرقه الدم ههههههههههههه

غير معرف يقول...

صباح الخير عزيزتي دعاء مواجهات

ايوه كده ياجميل فرفشي و الله ماحد واخد منها حاجه

بخصوص موضوع التدخين شوفي هي ممكن تكون عاده الواحد اتعود عليها
ممكن حد يقول انها بتهدي الأعصاب
عايز حاجه تبقي في بقه علي طول عشان كده بتلاقي اغلبيه اللي بيسيبوها بيبتدوا ياكلوا كتير

عارفين ضررها لكن برضه مصممين عليها
عارفه انا لسه قاريه حاجه علي النت بتقول ان اللي بيبطل التدخين الاثار العكسيه لده بتكون اكتر من اللي لسه بيدخن

تحياتي ليكي و لهيما و في انتظار جديدك ياقمر و بشكرك انك عرفتيني علي مدونتك الجميله
يومك جميل انشاء الله

هيما كووووووووووول يقول...

سلاموا عليكوا ياجماعة اولا شكر واجب والف مليون تحية علي احلي مواجهات جابتها البشرية لحد الان لصديقتي واختي الصغنونة دودي مواجهات عشان اتنازلت وزادتني شرف ورفعت مقالي المتواضع ده علي مدونتها التحفة دي باكورة انتاج دؤدؤ مواجهات لمواجهة اشكال الكبت الفكري ف المياة المصرية الراكدة ولمزيد من المدونات ومن نجاح لنجاح ان شاء الله ده اولا
اما بخصوص ثانيا انا بسجل اعترافي امكامك جميعا انه الموضوع كان ناقصه كتير اوي ولو اتكلمنا عنه مش هنبطل كلام ومش هتكفي المدونة لكن انا حاولت اجيب م الاخر
ثالثا وده الاهم انا كنت عاوز اعلق علي رسالتي اولا وقبل اي حد اور كده يتهمني اني بدخن ومولود في قلب سيجارة او ف اللي بتاع الشيشة اقوله ابدا بس حاولت اعيش الدور واتكلم بلسان كل المدخنين او اوصل وجهة نظر للضريبة بشكل عام واحاول افهم ليه وازاي وصلنا لهذا الرقم المهول من اعداد المدخنين في بر مصر المهروسة -بفعل فاعل - ام انها طبيعة بشرية تتحكم فيها الجينات الوراثية ولعلي ف النهاية لم اجد السبب المقنع وفي هذا مغزي كبير وهوا انه كل واحد هيسبب العادة دي علي كيفه ولن يتفق اتنين علي سبب واحد وحطيت في بالي لما القاضي بيسال الحرامي اثناء المحاكمة وبيقوله انت سرقت فلان ده ؟قاله اه قام القاضي قاله طيب ليه ؟ايه دوافعك؟قاله وانا يعني كنت هاكل منين انا وعيالي لو مسرقتوش!!!!!!!
اللي عاوز اقوله انه الحرامي له اسبابه ف السرقة والفاسد له اسبابه ف فساده والنصاب عنده اسبابه المقنعة جدا لضميره وكذا المحتكر اياه عنده اكيد اسبابه في احتكاره وشايف انه هوا الصح ومحدش تاني بيفهم ف شغله
ياجماعة م الاخر تاني عاوز اقول انه التدخين ضار جدا بالصحة زي ما الكل راسي ومحدش يقدر ينكر الحقيقة دي لكن كل ماننساش ابدا انه كل مدخن وله سببه اللي خلاه يدمن ويدوس ف التدخين اكتر من 20 سنة
هذا والله اعلم
كان معكم اخوكم وصديقكم المدونجي الجديد ابراهيم عطاالله
هيما كوووووووووووول
بكالوريوس طب بشري بنها
قليوبية
شالوم ايفري بودي

ليكوريكا يقول...

لا ده العيله كلها كتاب كبر بقي

اول مره اجي فيها البلوج

واقري فيها موضوع بالجمل والروعه دي

بجد دكتور ابراهيم اتكلم عن الموضوع من جوانب كتيره اوي
وتلميحاته كانت اكتر من رائعه في كذا فقره

تحياتي ليكي دعاء وتحياتي لدكتور ابراهيم

ليكوريكا

هيما كووووووووووول يقول...

wa7ed 2ensan wnsan
كلك ذوق ودماغ ياعم التشاوي انت -نسبة لتشي جيفارايعني- انا طبعا مش عاوزك تدخن مع انك اسبابك منطقية وفيها بعد انساني كبير وهوا انه التدخين بيعجل بالوفاة لكن اسمحلي اقولك فيه طرق تانية كتير اسهل من الانتحار بالتدخين ومعروفة جدا ومنتشرة اي في متناول الجميع وبالنسبة لموضوع السيجارة الكوبي دي انا اؤيدك وبشدة فيها يابرنس عارف ليه ؟عشان بيني وبينك كده بيلفوها علي اوراك البنات الكوبيات العذاري واشرب ومتع نفسك يانجم ومتنساش الجملة المشهورة بتاعة السيدة الاولي التدخين للجميع -اسف قصدي القراءة للجميع - مافرقتش كتير ماهو كله تهييس وبيذهب العقل

هيما كووووووووووول يقول...

كيكى
احب اقولك كلمة واحدة شافية وافية للكلام الكتير اوووووووووووووي اللي انتي ماقولتيهوش ده ميرسي طبعا علي ردك علي الموضوع ويارب فعلا يكون البوست عجبك لكن كان نفسي تقولي رايك وتكملي كلامك تحياتي

هيما كووووووووووول يقول...

واحدة مفروسة
حاجة واحدة بس عاوز اعرفها قبل مااقابل وجه كريم يعني ايه الكلمة اللي انتي كاتباها دي ؟؟؟؟؟؟ابوس ايدك تقوليلي والا هتخليني مفروس اكتر منك

هيما كووووووووووول يقول...

.:.-=- ELGaZaLy-=-.:.
اشكرك بشدة علي ردك عليا طبعا وميرسي كتير انه الموضوع عجبك بجد وبما انك اول من اكتشف انه دماغي عالية جدا انا عازمك علي واحدة مالبورو احمر محشية بكل اللي نفسك فيه يامعلم وصباح الدماغ العالية والباك فاير يابرنس

هيما كووووووووووول يقول...

احساس لسه حى
بما انه احساسك لسه حي في بلدنا وده شئ غريب طبعا جدا ومش عارف جالك منين الاحساس ده لكن ما علينا انا عاوز اامن علي كلامك مع بعض التحفظ انه السجاير مش ارخص حاجة هنا ف البلد الواحد يطلع فيها غله وكبته اليومي احنا عندنا هنا ما شاء الله الكولا رخيصة جدا وبتعمل دماغ عالية وكمان البانجو سعادتك سعره نزل وبقي ف الارض بالمقارنة مع اي مكيفات تانية دلوقتي يعني م الاخر اللي عاوز يشرب هيشرب والله لو خلوها بخمسين جنيه مش بخمسة وعشرة والاسعار التانية دي ياعزيزي ما الدنيا الا دخان سيجارة وشوية حوارات فوق بعضيها

هيما كووووووووووول يقول...

appy
والله ده بجد اعتراف رهيب لبرنامجنا -قصدي لمدونتنا الجميلة-انه سعادتك كنتي بتشربي شيشة وعند صاحبتك لكن اسمحيلي ده مش التدخين اللي بتكلم عنه اللي انا بخاطبهم ناس داست ف الدخان حتي وصل للتراقي مش يدوبك لسه شادد نفسين وافتكر انه كده سجل اسمه ف سجل المدخنين المصريين لمحاربة ذوي الئات السليمة ومساعدة اطباء الصدر امثالنا
عاوز اقول يعني انه ربنا تاب عليكي طبعا من دخان الشيشة ومخاطره لكن الظاهر انك مدمنة حاجة تانية بقي جلسات مجلس الشعب ودي بصراحة حالة ملهاش حل عندي وادمانها بيستمر لفترة كبيرة وبينتهي اما بالموت المفاجئ بالسكتة القلبية -والعياذ بالله- او بالانتحار من كم الكذب والتدليس اللي بنشوفه ف المجلس الموقر
ميرسي اوي بجد علي تعليقك اتشرفت جدا بيه

دعاء مواجهات يقول...

ترررن تررن تن تن

أيوا نحن هنا....

أيوى ياعم هيما رد رد ع الجمهوور

لاااااا انا معاكوا وصاحيالكوا اوى اوى

اية بس الناس الجميلة

والردود الاجمل دى ياهيما باشا

ع فكرة ياجماعة هيما أخويا بس فى الحقيقة دا فى المكانة والمقدرة فقط واهم ما يربطنا سويا كوننا ضربشمساويين طحن...

بيييس

إسمحولى أشقر من وقت لتاانى....

سلااامووز

هيما كووووووووووول يقول...

اجندا حمرا
ميرسي طبعا علي تعليقك الجميل جدا يااجندة ياحمرا لكن ليا تعليق بسيط اوي لو تتقبليه مني ياريت
اولا ترك التدخين لا يترك الاثار العكسية اللي بتقولي عليها دي خالص بالعكس ابسولتلي اثاره ممكن تكون نفسية ااااااااه لكن عضوية لالالالالالالالالالا لانه بالفعل بتكون الرئتين باظوا وراحوا ف داهية خلاص وانتهي الموضوع لكن انا معاكي انه اللي بيسيب التدخين بمزاجه وبيحاول يبطل بياكل كتير طبعا دي اول حاجة تبادر لذهنه وان كانت خطا كبير اما الحل الامثل هو النوم او لعب الرياضة ياعزيزتي
ميرسي مرة تانية علي اهتمامك ويارب تكون فعلا عجبتك رؤيتي للموضوع ده واكون استوفيت جزء كبير منه في رسالتي

هيما كووووووووووول يقول...

ليكوريكا
مش عارف اقول ايه طبعا بعد الكلام الجميل ده وبجد سعادتي لا توصف انه اول موضوع تقريه ف المدنوة الجميلة جدا دي يكون موضوعي ميرسي طبعا علي التعليق الجميل ده واحب اقولك حاجة مهمة جدا انا لا اخن ولكني اتجمل وبالمناسبة صحيح انا مش قريب دودو وان كنت اتمني انه يكون بينا صلة قرابة طبعا لكن معلشي المرة الجاية بقي لكن كل اللي اقدر اقوله انه دودي صديقتي واختي الصغنونة اللي مقدرش استغني عن صوتها وعن ارائها الجميلة ودماغها العالية ومقدرش انسي طبعا لماضتها ودماغها الناشفة واللي اكتشفت معاها انه لسه فيه بنات جامدين ف مصر وبيفكروا

Mafrousa يقول...

طلع هيما واحد تانى....ظلمته يا حرااااام
المهم البوست طبعا حلو ...و التدخين فعلا مش كويس
بس الناس بتاخده على انها بتنفخ من زهقها و بعدين تتعود عليه...
بس لعلمك مهما كان مرتبط بيها و عاز يبطلها حيقدر ..بس لازم يكون من جواه

رئـــــيسـة حزب الأحلام يقول...

موضوع جامد
بس هومدخن هو كمان
ياريت كل المخنين يسمعوا الكلام ويبطلوا تدخين ويتعظوا بالى مكتوب على علبه السجاير
انا رائ يحطوا على علبة السجاير صورة شعبولا وهو بيغنى هبطل السجاير وهكون انسان جديد ممكن يتعظوا
تحياتى

سنووايت يقول...

حلو الموضوع يا د/هيما
وميرسي علي المفاجأة يا دعاء ’ وبلاش الكأبة بقي يعني عدي علي الزعل تخاطيف :)

حبيبـــــــة القمـــــر يقول...

سلام عليكم
موضوع التدخين دا حاجه ميؤس منها
بجد يعني مش عارفه ليه بشوف ناس بترمي نفسها في التهلكه وتقول اصلي زهقان
ولما تحس ان صحتها بدأت تتعب تقول مش قادر ابطل اصل بقى في دمي اصل معرفش ايه

على فكرة انا شفت واحد كان بيدخن بكل طريقه وكل الانواع وبافترا ولما قرر يبطل مبقاش يحط سيجاره في بقه

لسبب واحد انه مش عايز حاجه تهزمه وتتحكم فيه

Diyaa' يقول...

هيما السكرة
دمك خفيف أخر حاجة زي ما بيقولوها أشباه الهاي كلاس
لأ بجد لميت الموضوع كله وبشكل خفيف ولطيف وطريف..ولو عملوا حكومة إنقلابية لازم تبقي وزير تصريحات
لأنك هتخلي الناس تضحك وهيا بتموت
لول
المهم
الحمد لله دخنت في يوم واحد كل أنواع السجاير ..وبعد كده ما عجبنيش حاجة فبطلت وحتي المكيفات عالية المستوي كالحشيش والبانجو برضه ميزتهم متجبرش ضررهم..فمن الآخر لو كل حد شغل خلايا المنطق في الجمجمة
مش هيدخن أصلاً
وممكن نضيف المنبهات والكولا للموضوع
ما علينا
وإنت بتعرض الموضوع..نسيت حاجة مهمة أوي
اللي هيا لما الحد فينا يكون متعلم تبع وزارة تربية وتعليم عقيمة
ومتربي في أسرة ضمن مجتمع 99% من أسره مش فاضيين يربوا وبيسيبوا العيال تتربي زي ما تيجي معاهم
ولما يكون الدين _اسلام ومسيحية_ بقوا مجرد شكليات بنستخبي وراها
فطبيعي جداً حضرتك يبقي أغلب السبعين مليون مجهزين _ ولا أجدعها مدخنة_ إنهم يحرقوا في حتة البتاعة دي عشان يحسوا إن في حاجة بتشغل بالهم
عندهم هدف يدوروا عليه..وعندهم حاجة يحرقوا دمهم فيها
وكل شاب عادي وأقل من العادي ينزل من بيتهم بيفكر هيتسنكح علي مين النهاردة عشان يشرب سجاير
وولد صايع من جيل تامر حسني بيقولي إن نص اللي مصاحبين بنات دلوقتي..بيقنع البنت إن شرب السجاير حرية شخصية ويخليها تجرب وتغرق معاه عشان يتسنكح عليها
الشباب لسه عبقري..بس مش عارف يوجه عبقريته فين يا سيدي الفاضل

البنات بقي..طبعاً لأننا لسه في مجتمع شبه شرقي..فالبنت تتحرج تعمل حاجة زي كده لأن غالباً هيتبصلها كعاهرة..ورغم إن البصة مش صح..بس بتيجي بفايدة..بتقلل نسبة المدخنات وأكاد أجزم إنهم بس من بنات الناس اللي واكلينها والعة أو بقايا الطبعة المتوسطة

أختلف معاك في
مستحيل أنا كراجل بقيت 40 أو 45 سنة أشرب عشان أداري عجز جنسي..بيشربوا من صغرهم يا جميل..واللي بيداري العجز ده بيداريه بلعب علي قهوة أو بواحدة صغيرة يتجوزها عرفي مقابل فلوسه ويبان أدام الناس إنه لسه فحل

ممكن يبقي في ناس بتدخن علي كبر بس دول غالباً مدخنين من زمان..بطلوا لأنهم استرجلوا للحظة وبعدين نسيوا الرجولة في ساعة نرفزة وتجمد لخلايا المنطق ونسيان لإيمانهم بربنا

الخلاصة يا برنس
حتي لو رسموا علي علبة السجاير لا مؤاخذة إنها بتسبب العقم مش بس العجز الجنسي :))
اللي بيشرب هيفضل يشرب
لكل اللي إنت ذكرته تقريباً
+ اللي أنا ذكرته..+ العند مع شيطانهم


وهيييييييييييييه
سمعوه سلام هبطل السجاير

ربنا يوقف في سكة كل واحد فيكم بنت بميت راجل تخليه يبطل السجاير أو يبطل البنت نفسها زي ما حصل مع خالي
لول
sorry long comment
بس احتفالاً بيك بقي
سلام عليكم

هيما كووووووووووول يقول...

رئـــــيسـة حزب الأحلام
ازيك يارئيسة حزب الاحلام ميرسي علي تعليقك طبعا واتمني يكون الموضوع عجبك بالفعل امابخصوص صورة شعبولا سعادتك علي علبة السجاير وهوا بيغني فده سبب كافي فعلا انه الناس تبطل سجاير وتبطل تعيش اصلا لانه مبقاش هيفضل حاجة بعد كده لما شعبولا يحطوا صورته علي السجاير انا يحطوا صورتي فين ؟علي الجنيه اكيد
سلالوز ياحزبية ياكبيرة

هيما كووووووووووول يقول...

سنووايت
اولا لا شكر علي واجب ياسنووايت اسمك علي فكرة جميل اوي وبخصوص ميرسيهك لدودي الغالية انا بضم صوتي لصوتك وبقولها الف مليون تحية عطرة انها سمحتلي وادتني المساتحة اني اتلاقي مع ناس لذاذ وجامدين زيكوا كده وفعلا الدنيا لسه بخير ياجدعااااااان

هيما كووووووووووول يقول...

حبيبـــــــة القمـــــر
معاكي قلبا وقالبا وابصم بالعشرة ياحبيبة القمر -ياريتني كنت قمر- احمممممم
قصدي انه فعلا الارادة هي الحل ومافي حاجة ف الدنيا دي مستحيلة مادام فيه عزيمة واصرار وارادة من حديد لتحقيقها واللي خللي المصريين القدماء يبنوا الاهرامات مش هيخلينا نعرف نبطل حتة سيجارة حتي ولو كانت محشية
طبعا اكيد فعلا كلامك عين العقل لكن السؤال سعادتك دلوقتي منين نجيب الارادة في زمن عزت فيه الكرامة وبدات تداس بالبيادات -جمع بيادة -الامن مركزية في زمن غلي اهلينا تصويب الارادة الحرة في تحقيق هدف معين والبركة في اللي انتوا عارفينه كويس

هيما كووووووووووول يقول...

Diyaa'
ومعان ضياء صديق مدونة دودي الدائم ونقول الوووووووووووووو
ازيك ياعم ضياء ايه ياعم انت موراكش شغلة ولا مشغلة ولا ايه ؟ايه التعليق ده كله ياعم انت معندكش اخوات مدونين تانيين ولا ايه؟؟؟؟؟؟؟؟؟؟؟ اهلا بيك يابرنس طبعا كنت بهزر انت نورت المدونة وزدتني شرف وحسستني انه فعلا موضوعي جاب معاك وكان له صدي كويس عند بعض الناس هااكلمك بقي يابرنس ف نقطتيتين اتنين اولا اوعدك اذا مسكت المنصب ده تتعين فورا مساعد اول لان لغتك الخطابية مش بطالة وتنفع مسلكاتي لتصريحات كتير اوي علي مستوي القاعدة الجماهيرية هتنفعنا يعني م الاخر
اما بخصوص اختلافك معايا اسمحلي اقولك يانجم ده شرف ليا انك تختلف معايا لكن انا وجهة نظري بتقول انه كبار السن فعلا زي ماانت قلت بيشربوا من زمان من ايام الشباب والصبا اوكي معنديش مشماكل لكن ايه اللي يخليهم يزودوا العيار ويلهوا نفسهم ف الدخان اكتر عند وصول المعلم لسن الشيخوخة اللي ما ينفع معاه لا فياجرا ولا دعامة ولا حتي المجموعة اياها بتاعة العطارين -جوزة الطيب وخلافه- المهم يانجم ده كان كل كلامي انها تستعمل ف السن ده كلهاية لمداراة عجز جنسي وطبيعي بفعل الزمن والحكومة معا اما بقي بخصوص البنات والسجاير فده موضوع تاني كبير اوي خلاصته بتقول ياسيدي انه النسبة عدت يامعلم ووصلت ل 19%من المدخنين اناث في مصر المحروسة وبالاخص الشيشة -تفاح بقي نعناع خوخ بدنجان مش قضيتنا- يعني البنات مبقتش تفرق معاهم مجتمع شرقي من مجتمع غربي اللي عاوز يدوس بيدوس وان كنت اتفق معاك طبعا انهم غالبا بيكونوا من علية القوم يعني من ابناء البشوات الكبار اللي واكلينها والعة ولا فيه رقيب ولا حسيب ف الدنيا عليهم
عجبني جدا نهاية تعليقك عليا انهم بيعاندوا شياطينهم لكن اسمحلي ياصديقي اصححلك المعلومة الشيطان منهم براء ده الشيطان يقولهم يااساتذة ياافاضل
واحب اقولك انهم في قرارة نفسيتهم من جوة كل واحد مدخن قدير -زي ممثل قدير كده- بيقول من النهاردة مفيش شيطان انا الشيطااااااااااااااااان

rovy يقول...

لو كل واحد كان عارف ان التدخين مش بس حيموته لا ده كمان حيضيع شبابه بدرى وميخلهوش يتمتع بشبابه ..
الصحه تاج على رؤس الاصحاء لا يراه الا المرضى وكذلك المدخنون .
تحياتى ليكى وللدكتور هيما
وسلااااااام لشعبوله
تحياتى
rovy

el_assel يقول...

موضوع ياما فكرت فيه

وللأسف مالقتش سبب للموضوع ده
ايه سبب التدخين مش عارف

ولما مابلاقيش حل
النتيجة اني بابطل تدخين لفترة

ولكن لا يمر وقت كثير قبل ان اكون مشعل لسيجارة اخري


احاول فعلا الاقلاع عنها بشتي الطرق

بس انا لو عارف ايه سبب شربها
اكيد حاعرف اعالجه



سلاماتي

حبيبـــــــة القمـــــر يقول...

طبعا انا معاك ان الاراده تكاد تكون معدومه
بس ايه رأيك لو عكسناها وقولنا اللى يخلى عندنا اراده نبطل سيجارة مش هيخلي عندنا اراده نقاوم الذل والمهانه
ونبطل سلبيه ونتحدى الظلم بطريقه بناءه مش هدامه

اسمع كلام اختك حبيبه خلينا نستسهل احسن ولا ايه
لك تحياتي ياهيما

Foxology يقول...

والله موضوع جميل جدا

وانا شايف انه كفاية اوى دخان العربيات والتلوث اللى فى كل سم فى مصر وبلاها تدخين التلوث والدخان قايمين بالواجب وزيادة حبتين

تحياتى :)

Diyaa' يقول...

صح
من النهاردة مفيش شياطين
مصر فيها حزب شياطين
لول
وعلي فكرة كان عندي أخوات مدونين
بس سيحتهم
معلش بقي
مش بتابع النسب..بس هايل والله 19%
قربوا يوصلوا لنسبة ال 50%
ما هو عيب يبقي الراجل شبه القطر بيطلع دخان ومراته ماشية من غير دخان
فين المساواة يا قومممممممممممممممممم
جاتها نيلة اللي عايزة بلد

هيما كووووووووووول يقول...

rovy
تحياتي مغموسة بحية ميرسي علي شكر واجب للرد الجميل ده وانا معاك فعلا انه الصحة تاج علي رؤؤس الاصحاء لكن ارجع واقول تفيدي باايه ياصحة في بلد كل حاجة فيها مش لازمها الصحة
ياعزيزي او ياعزيزتي علي حسب النوع بقي
الانتخة هي سمة العصر المبارك اللي احنا فيه وبالنسبة لسلامك لشعبولا اعتبره وصل وبيس جامد

هيما كووووووووووول يقول...

el_assel
اولا ميرسي طبعا علي تعليقك الجميل ياعم الاصيل واحب ابشرك بحاجة واحدة بس انه طالما بتفكر في سبب التدخين يبقي مش هتبطل لانه مفيش سبب محدد يابرنس
انا بس عاوز اقولك انه مش لازم تبطل مرة واحدة بالعكس ده انت لازم تاخد العميلة تدريجيا واخدة واخدة ياخبيبي موس مرة واخد كده زي القطر القساس -ماسي- وعاوز اقولك انه تبطيلك للسجاير ده بيتوقف علي نوع سجايرك اولا واخيرا يعني لو بتشرب مالبورو او ال ام انصحك تبطل اما لو بتدوس في كوكو الضعيف فياريت ماتبطلش وخليك زي ماانت وثابت مكانك يامعلم
اشطاط

هيما كووووووووووول يقول...

Foxology
والله اسمك سنجفني وظبطني موت وفكرني بمواد الكلية عندي زي الtoxicologyوالhistology الخ الخ الخ
ما علينا المهم ياعم الفوكس ولا ليك عليا يمين انت جبت التايهة وجبت م الاخر يعني هو مش مكفيهم الجماعة المدخنين دول دخان العربيات والموتوسيكلات والمصانع وخلافه رايحين كمان يولعوها اكتر والله حرام يااخي
تحياتي يابرنس وصباحو موووز مووووز موووووز

شـمو نشـادر يقول...

اشطه الموضوع يا هيما ..
انا متابعك على طول فى ضربة شمس يا معلم ..
انت راجل تماااااااااام ..
ازيك يا دؤدؤ وحشانى ..
على فكرة ابقى حودى علينا كده محتاجينلك هناك ضرورى ..
بس بسرعه اوعى تتأخرى ..
ويخرب بيت الاكتئاب بتاع البوست اللى فات ..
ارحمى نفسك بقى يا بت شوية و كبرى دوماغك ..
سلام يا جميل ..

أحساس لسه حى...كلام من جوه روح لكل روح يقول...

عزيزى
هيما كووووووووووول

بصراحه الاحساس ده مولود بيه

بس بدل بقول انه لسه حى

يبقا انه على وشك يموت قريب

ما اللى مش بيشرب سجاير يطلع غله فى الكولا والكورة

ومعاك حق المكيفات كلها نزلت والحشيش سعره نزل عن ماكان من سنين

اصل التجاره زادو ومفيش فيه اى احتكار

بس الارخص السجاير هى اللى على القمة

اكيد اللى عاوز يشرب هيشرب بس هيضطر يسرق وينهب وينصب

والدنيا بمفهوم الدماغ العاليه

دخان سيجارة على دبوس حشيش على زجاجة بيرة وموزة حلوة

والحمد الله مليش فى الدماغ العالية ولا السجاير حتى

تحياتى

سلام

دعاء مواجهات يقول...

أهلاً أهلاً أهلاً

وحشتووونى اوى مش قادرة امنع نفسى من

الكلاام معاكو أنا أدمنتكم خلاااص بااين

-أيوى ياعم هيما ياللى عاايش الدور انت وعماال تردلى ع النااس ولا كأن البيت بيتك أصلا

مااشى ياعمنا

عيييييش ولا يهزك

-ع فكرة ياجماعة

اسمحلى ياهيما انى اسيحلك وأقول لجمهورك العظيم

إنك أصلا عمرك ما دخنت سيجارة وبتكرهها موت وإنك عيشت اللحظة ومثلت ع نفسك انك مدخن علشان تكتب الكلمتيين دوول

وبجد ف الجون ياكبيير
وأنا اللى شجعنى كمان أنزلك البوست دة إنى كان فى دماغى أكتب عن الهباب التدخين دة لأنى بكرهة مووت

وبصرااحة انا مالاقيتش حاجة اجمل من اللى انت كاتبها علشان كدة نزلتة بلا ادنى تردد

بييييس يابرنس....

دعاء مواجهات يقول...

-wa7ed ensan wnsan

اوكى خلاااص مفيش نكد تاانى

بس قوللى يعنى اية ضد المشاعر الانسانية؟؟؟؟

وضحلى حضرتك

سلاااام

دعاء مواجهات يقول...

-( أجندا حمرا - ليكو ريكا
-سنو وايت)


ميرسى على كلامكم الرقيق

وانا خلاااص سمعت الكلاام ومفيش كآىبة تانى لسب واحد بسيط جدا ان مفيش حد يستاهل

تحيااتى

نورتووونى

د. إيمان مكاوي يقول...

ربنا يكرمك بكتابتك للبوست ده ..وربنا يعافي كل المدخنين من العاده السيئه دي
تحياتي

2ensan wnsan يقول...

يعني يا مواجهات هانم

انا ضد المشاعر الانسانيه الحب والالم والفراق والحزن والكلام دا كله والثقه الزايده في ناس ما تستحقهاش والومانسيه المفرطه دي انا ضد دا كله و موضوعك اللي فات كان بيتكلم عن كده وبالتالي الموضوع بالنسبه ليا مكنش مؤثر اوي ومكنش مهم اوي بس دا مش معناه انه وحش العيب فيا انا مش فيه

هو دا بقى معنى ضد العلاقات الانسانيه مع ان اسمي واحد انسان بس انسان يتعايش من غير حب او كره او ثقه وانعدامها او الم او فرح هو دا الانسان يحب ربنا والناس بلا تحديد وبس

Tamer Nabil Moussa يقول...

لو اعرف افتح مصنع سجاير اعملة مكسب مضمون ومشروع ناجح

وعلى هذا الاساس التدخين بيذيد مش عشان اللى بيدخن بيكسب منة عشان مقتنع انة حاجة بيطلع فيها قرفة والفقر والعيشة الغريبة اللى عايش فيها

ابقى خلينا نشوفك

تحياتى

emy يقول...

حلو اوووووووى الموضوع دة
وكمان هيما كول
دى ضربة شمس كلها هنا ولا اية
منورين ديما
تحياتى

غير معرف يقول...

لى تجربة مع التدخين .. بعد 24 سنة استطعت الاقلاع عن التدخين .. مرة واحدة

بعد ما دعيت ربنا فى الكعبة لأنى كنت يئست من المحاولات المستمرة .. مرة بفلتر مخصوص .. ومرة بالأبر ..

هذا قبل أن اعرف انها نوع من الادمان على بسيط ..وبالتالى ليس من السهل الاقلاع عنها بسهولة ..

وحكاية الدعوة فى الكعبة ليست أكثر من شحذ الهمة والاستعانة بالله على معركة فعلا صعبة .. لأن المؤكد أن التدخين هو نوع من المتعة والا كنا بندخن ليه؟

الحقيقة شفت قريب لى تأثر بها .. ولاأريد أن أحكى عن البهدلة فى آخر أيامه بسبب التدخين .. وبرضه هذا لم يردعنى

الحقيقة بعد مابطلت تدخين .. وده صحيح تماما عن تجربة .. ابتديت احس بطعم كل حاجة .. وريحة كل حاجة .. ساعتها فهمت ان التدخين يفقدك حاستى الشم والذوق فى ضربة واحدة

غير ان كل هدومك ريحتها دخان .. والفوطة اللى بتستخدمها .. ولبسك

تحس أكتر وربما هذه ناحية انسانية بحتة إن اقرب الناس اليك .. وخصوصا الاطفال حين تقبلهم .. بيضطروا يستحملوك لأنهم بيحبوك ..

والا لما يجيلك برد بقى .. سكاكين تمزق صدرك ..أو عند صعودك للسلالم .. كأنك عجوز فى التسعين

هل كل هذه الاسباب لا تدعو للإقلاع ؟ وهل وجود أشياء أخرى ضارة مبرر كافى للتدخين ؟

بالمناسبة .. ليس هناك أى رابط علمى بين التدخين والعلاقات الحميمية ..

آسف للإطالة

هيما كووووووووووول يقول...

Sherif
انت طبعا نوتني وزدتني شرف والله بردك علي شخصي المتواضع جدا ياشريف بيه لكن اسمحلي اقولك كلمتين اتنين وبس -علي راي عمنا الله يرحمه فؤاد المهندس- لا يستطيع اي جاحد ان ينكر ان التدخين ضار جدا بالصحة ويسبب الوفاة ويدمر كل حاجة حلوة ف حياتنا ومبروك يابرنس انك وبعد 24 سنة نفخ وشد اقلعت عنه ودعوتك ف الكعبة كان لها الاثر الاكبر -بقي بذمتك فيه حاج وعارف ربنا كويس وبيدخن -ما تركبش يانجم بصراحة
اسمحلي كمان ازود علي كلامك الجميل واقولك كلمة ف ودنك بيني وبينك كدكتور اقدر اقولك انه التدخين سواء عادة او محشي -لامؤاخذة بياثر علي العلاقات الحميمية وخدها من اخوك الدكتور الصغنتت لانه اثبتت التجارب والابحاث العلمية الاخيرة انه يسبب ضعف الحيوانات المنوية وكذا البويضات عند الاناث ومع شراهة التدخين يسبب في بعض الحالات ما يعرف بالasosperm اللي هوا يعني وببساطة سائل منوي عند الجماع مع فقدان للحيوانات المنوية يعني عقم م الاخر بس علي درجات وربنا ياعفينا كلنا يابرنس ويجعله عامر وشرفتني بردك والله

هيما كووووووووووول يقول...

دعاء مواجهات
اولا وقبل اي حاجة تانية احب ابدي اعجابي الشخصي بحقدك الدفين وقلبك الاسود ده يادودي بجد -ده اكتشاف جديد لانج علي شخصيتك- نفسيتك مش متظبطة وخايفة الطش منك المدونة واصحابك بكام كلمة عمي قولتهم في لحظة تجلي وتقمص للشخصية
برافو عليكي بجد الحقد ده كله جبتيه منين؟؟؟؟ ياريت تقوليلي
اما بالنسبة لموضوع وميرسي اوي علي تسيحك ليا طبعا علي المدونة وقدام امة لا اله الا الله اني مش مدخن واني قدرت اعيش الدور واظبط الموضوع من جوانب كتير دي شهادة اعتز بيها واحطها وسام علي ضهري
بصراحة مش لاقي كلام تاني اقولهولك اكتر من اني so proud of u يامعلمة واما عن حقدك العالي الجودة ده ياريت تقلليه شوية وبلاش طمع الدنيا اللي ماليكوا ده يامنايفة جتكوا نيلة مليتوا البلد
وبيس يااستاذة

هيما كووووووووووول يقول...

emo
والله ده نوركم انتوا ونور الجميلة العزيزة الغالية دؤدؤ مواجهات دي مدونتكم انتوا وانا حبيت بس اشارك ولو بجزء ضئيل في مواجهة ما يمكن مواجهته وضربة شمس كلها تحت امركم ياجماعة احنا مالناش بركة الا انتوا
الله الوطن الدستور

هيما كووووووووووول يقول...

Tamer Nabil
والله فكرة ياتامر باشا موضوع انشاء المصنع ده لكن تقدر تقوللي ياعم الاور انت مين هيسمحلك تعمل مصنع بالشكل ده وانت مالكش ضهر ف البلد دي ولا تعرف حتي مرضعة حفيدة سيادة المحافظ -يعني مالكش واسطة م الاخر - انسي يابرنس وعيش وخلينا نعيش وماتفكرش كتير ف المكسب والخسارة لكن انا معاك وابصم بالعشرة كمان انه اعداد المدخنين بيزيدوا بصورة مهولة الايام الكئيبة دي والسبب معروف طبعا ومش محتاج توضيح سعادتك وبالنسبة لموضوع خلينا نشوفك
انا اتمني طبعا التف\قي بالجماهير الضربشمساوية الدؤدؤمواجهاتية الغفيرة ونلتحم كلنا مع بعضينا وصباح الدعك ياكبير بس ازاي وفين هوا ده السؤال؟؟؟؟؟؟؟؟

هيما كووووووووووول يقول...

Ema
ايما اسمك جميل اوي برضه علي فكرة وده مش جديد علي مريدي المدونة اللذيذة اوي دي لكن لو اتكلمنا بصراحة اكتر هنلاقي انه حياتنا مليانة عادات سيئة كتير اوي لازم نبطلها وليست اقل ضررا من التدخين واثارة السلبية هنلاحق علي ايه ولا ايه ولا ايه؟العادة السرية ف الجنسين ولا عادة رمي القمامة ف الشوارع وامام البيوت وف النيل لو لزم الامر ولا عادة المعاكسة الي بقت عيني عينك ولا عادة الصهينة علي حقوقنا وعدم الاكتراث بمشاكلنا اللي بقت سمة اساسية في مجتمعنا المصري ولا ولا ولا عادات كتير ومفيش فايدة يااخوانا زي ما قالها سعد باشا من زمن ومحدش صدقه ودلوقتي احنا اللي بنجني ثمار عادات خاطئة ترسخت ف اذهان وعقول الجيل القديم وبيس ياايما

غير معرف يقول...

مساء الخيير يادعاء باشا
مساء الورد ياهيما باشا
ثم اما بعد

لشطاط .. اشطاط .. اشطاط
تحيا جمهوريه ضربه شمس
انتوا هتستقلوا هنا ولا ايه
ياريت متنسونيش .. خدوني معاكوا
نفسي أوي ابقي نائب الرئيس
بلاش نائب الرئيس .. خليها رئيس الوزرا
بص بقي .. اقل من وزير مش هقبل


واضح جدا انها لسعت معاك ياباشا
بس ولا يهمك .. كلنا لاسعين زيك
انا بردو قلت سجايز وشيشه وممنوعات كمان
متجيش بردو

وبعدين شامم في كلامك ريحه تهكم علي الحكومه
ايه ياعم .. انت عايزها تعملك ايه يعني .. كتر خيرها والله
تعانه ليل نهار
ياريت متجبش سيرتها خالص
ومتزعلش نفسك ياباشا
أحب أبشرك
التوريث قادم قادم لامحاله
ربنا يوفقهم يارب
ويعملوا كل اللي هما عايزينه


كلمه صغيره بقي لدعاء
عاجبني أوي ذكائك ده
ايه السر .. متخافيش مش هقول لحد


وختاما
اشطاط اشطاط اشطاط


أحمد سلامه

غير معرف يقول...
أزال أحد مشرفي المدونة هذا التعليق.
هيما كووووووووووول يقول...

أحمد سلامه
عاجبني اوي ياابو حميد اعجابك الشديد بضربة شمس وبمباها ف الحياة وشعارها المرحلي ده لكن ف نفس الوقت يؤسفني اقولك انه مفيش عندنا حقائب وزارية شاغرة لانه وببساطة احنا شلة الحرس الجديد مش عاوزين حد جديد واخدنا السلطة لوكشة واحدة انما لو ضروري يعني ممكن تبقي محافظ اقليمي لضربة شمس ف منطقتك وانت وشطارتك بقي ممكن نرقيك بعدها علطول وهكذا لحد ما تمسك المنصب اللي نفسك فيه ده
بخصوص انا بتهكم علي الحكومة احب اقولك قطع لسان اللي يقول كده وقطع دابر اللي يتهكم علي حكومتنا الغالية اللي بتقدم لينا كل مرتخص وغالي ف سبيل تحقيق الاكتفاء الذاتي وسير العجلة اياها-عجلة التنمية اقصد- وكمان متنساش حاجة مهمة جدا بلدنا بتتقدم بينا والفكر الجديد فعلا قادم قادم لا محالة زي ما انت ذكرت يابرنس واما بقي بالنسبة لموضوع سؤالك لدؤدؤ عن سر ذكائها فااحب اجاوب بالنيابة عنها واقولك الله يكسفك طبعا عشان عرفت ناس زينا مش لسبب تاني ولا انت شايف ايه؟؟؟؟؟؟؟؟
اشطاط اشطاط اشطاط وكمان زيد علي كده اشطاط ده التغيير بقي
واحنا بتوع اللاعبور للمستقبل

هيما كووووووووووول يقول...

حوبة
بجد مش عارف اقولك ايه!!!!! اول مرة حد مهمن كان ينرفزني كده واظن انتي عارفة الاسباب كويس وياريت بجد تكوني عرفتي اني غلطانة واما بالنسبة لموضوع اني مش اغتت تاني علي دودي ف المدونة فااحب اطمن سعادتك انها مش هتتكرر واني هااتنازل رسميا ونهائيا عن اي منصب رسمي واي دور مدوني وان اعود الي صفوف الجماهير امارس حياتي بطبيعية جدا ومش هتشوفوا وشي ف المدونة تاني دي كانت تجربة والحمد لله حاسس انه علمت مع البعض وده اللي يهمني انا شخصيا لانه وفي بلد زي بلدنا دي عمر ما الشعب يجتمع علي حب شخص واحد او احترام شخص بعينه
ان شاالله حتي يكون ابو تريكة مش هيما عطاالله
سلام وبجد كانت تجربة جميلة جدا وفرحت بيها اوي واستفدت منها اكتر عن طريق ردودكم عليا ياشباب المدونين الجدد- امل مصر ف المرحلة اللي جاية ان شاء الله-
براااااااااافو عليكي بجد مرة تانية ياحوبة انك عرفتي تنرفزيني بالسرعة دي وتخليني اخرج عن شعوري ميرسي اوي علي كلامك ونصايحك الغالية دي

دعاء مواجهات يقول...

إية ياواد يادكتور...

انت هتخيب ولا إية

تحس كدة انك بدأت تهيس

وتجيب فى سيرة الجماهيرية العظمى

لااااااااا كلو إلا دى وانت عارفنى كويس ماعنديش تهاون مع أى حد يجيب سيرتها

إهدى كدة وعوود لقواعدك سالماً
زى ما حوبه قالتلك وشووف مزاكرتك

بس ع فكرة انا مدونتى مفتوحة لييك فى أى وقت يابرنس

بييييس

دعاء مواجهات يقول...

-أحمد سلامة

ياكبيير الذكاء دة فطرى طبيعى

مالووش سر ولاحاجة ومتسمعش كلاام هيما الدكتوور

نورتنا ولو عاوز تمسك الوزارة اوكى مفيش ماانع


سلااام

هيما كووووووووووول يقول...

دعاء مواجهات
دودي العظيمة اسمحيلي اقولك يابرنسيسة انه ده شرف لمدونتك قبل ما يكون شرف ليكي انه انا اشارك في مدونتك دي ولو حتي برايي مش بمواضيعي حتي انما تقولي ايه بقي طيب وغلبان وبحب اشجع المواهب الجديدة وانا شايف فيكي خامة بني ادمة كويسة في زمن عز فيه البنات الكويسين سلامي وتحياتي ليكي ياكبيرة واحب اطمنك اني خلاص عدت لقواعدي سالما وكله السطة واخر منجهة ولا مدونات بعد اليوم لتدق طبول المعسكرات ولتبدا اخر مرحلة ما قبل الامتحانات ودعواتك معايا يااستاذة انتي وكل اصحابك الجمال الجامدين اوي دول
انا ف الخلعون بقي سلامووووووووووز يادؤدؤ ياجميلة

HERO يقول...

موضوعك واثارة التدخين ده فعلا جه في محله
لان الموضوع ده زاد عن حده فعلا وانا اتخنقت خلاص لأني المفروض اني مش بشرب سجاير بس بالتدخين السلبي تقدر تقول بشرب سيجارة في اليوم من كتر اللي بشمه في كل حتة
وبعدين من واقع خبرتي في مجال التوعية ضد اضرار التدخين واللي كانت تبع حملة حماية وفرق حماة المستقبل معظم الناس بتشرب سجاير علشان هي اتعودت مع انها عارفة كويس الامراض والنتيجة النهائية للتدخين بس زي ما انت عارف الشعب الفرعوني بيتفرعن في الحكاية دي كمان ويقلك ربك بيسترها

تحياتي

Gannah يقول...

تصورى اول البوست خلانى افتكر ان انتى اللى بتدخنى و زعلت جدا بس جت سليمة برغم انى باحزن على كل مدخن بالاضافة الى انها محرمة فهى فعلا مضيعة للصحة.
بس عجبنى جدا البوست لانه قال كل الاسباب اللى ممكن تخلى اى حد فى المحروسة يدخن بالاضافة الى طبعا الحقيقة العلمية اللى بتقول ان النيكوتين مادة لها تأثير ادمانى شديد و التخلى عنها صعب بس طبعا مش مستحيل
دعائى للجميع بالنجاح فى الاقلاع عن التدخين وفيه حاجات كثير ممكن نولع فيها لاننا كلنا طبعا مفروسين مش احنا مصريين لازم نبقى كده
تحياتى للكاتب و ليك يا دعاء

Diyaa' يقول...

ربنا معاك في معسكرك..ومش عارف ليه بحسك بتبالغ في موضوع الجمهورية ده يا دكتور هيما :))
بعد الأمتحانات بقي
خالص التحية
بالمناسبة..أحمد سلامة..مش أحمد mr coffee
صح ؟ لأن في مدون أعرفه زميلك في المهنة وبرضه داخل معسكر من بتاع طب
بالتوفيق تاني
ودودو
قولي للولد هيما يراعي إن المدونة مستقلة :))

2ensan wnsan يقول...

سلام عليكم مواجهات هانم

ليكي عندي تاج تعالي خديه عشان زاحملي المدونه

غير معرف يقول...

دعاء مواجهات استنى لما تكتبى بوست ليكى وابقى اعلق

ابراهيم هيما

والله وانا بقرا البوست دة لقيته طويل

قلت اولع سيجارة ولحد ما يخلص البوست

تخلص السيجارة

المهم انا رأيى

ان السجاير اليومين دول السجاير اللى

عليها صورة الرئة الميته

محاولة من الحكومة لزيادة دخل اكشاك

السجاير وكمان فكرة مشروع لشباب

الخريجيين

اصلو السجاير القديمة لسه موجودة فى

السوق بكثرة فظيعة

والقديم زاد نص جنية على الجديد يعنى

لو هتبيع عشرين علبة فى اليوم هيزيد

دخلك عشرة جنية

واهو هتنفع برضو

المهم بالنسبة للمدخنين من الجنسبن

مش هتكلم عن اسباب التدخين علشان انا

نفسى مش عارف انا بدخن ليه رغم انى

رياضى وواخد بطوله المحافظة فى الضرب

اسف الكونغ فو ما دى الطريقة المثلى

للحياة مع كثرة البلطجية والنشالين

والمتعنترين وكمان اللى بيثّبتوا

الناس بمصطلح الشارع

دى طبعا مش دعوة للتدخين

نصيحة

افتح كشك سجاير

وانا حاطط المشروع دة فى دماغى ما انا

ليسانس السنه دى واوعى تقولى وظيفة

ولا شغل برا ولا مستقبل يا عم خليك زى

الحكومة الذكية

تحياتى

ادم المصرى يقول...

تحياتى على بوستك جميل جدا ومفيد بجد تقبل مرورى

tamer.sala7 يقول...

علي فكرة نسبة المدخنين قلت شوية في الفترة الاخيرة بسبب الارتفاع المفاجئ في اسعار الدخان

ودي تتحسب للحكومة مش عليهم انما موضوع السيجارة المرخية ده بعد سؤال السادة الاطباء اكدو انه من اكتر العوامل تأثير علي الصحة الجنسية التدخين بكل انواعه


الخلاصة الحكومة حتموتنا كلنا علشان ترتاح من الشعب الغلس اللي مش عاجبه حال البلد المرخية

غني يابهيه يقول...

بصراحه مش هاهاقراا
لسا عندى امتحانات
انا قلت بس افوت وارمى السلام

سلوى يقول...

كده يا دهاء

إفتكرتك إنتي اللي كاتبه

وقلت يا ربي طيب هعلق وأقولها إيه دي

بتشرب سجاير وشيشه وكمان مش ساده
يا نهار أبيض
ههههههههههه

بس الحمد لله طلع إبراهيم

:)

بوست جميل فيه كل حاجه
في كبسولات

ربنا يحفظكم ويوفقكم

Desert cat يقول...

هو فعلا البوست ممتاز جدا يا دعاء وشارح حالنا بطريقة ساخرة جميله قولى لهيما تسلم كيبوردك وياريت من ده كتير

همسات دافئه يقول...

عايزه تعرفى السبب
ضعف
بجد فى نظرى المدخن دا انسان ضعيف جدا الى مش قادر يقاوم نفسه فى حاجه بتئذيه بالشكل ده ومكلفه كده ومدمره بالشكل ده وحرام كده يبقى ضعيف
فى حاجه تانيه كمان بتتعمل انهم فى الفنادق والمطارات وكده يكونوا عاملين اوضه للمدخنين وتكون مكتومه وفى الطفايه يحطوا ميه عشان يقرفوا فى عشتهم ويحسوا انهم منبوذين ويقرفوا ذى ما بيقرفونا
معلش يادودو أول مره ادخل عندك داخله ضرب نار كده بس بجد انا مخنوقه من الموضوع دا جداااااااا
تحياتى لإختيار الموضوع
شيماء:)

قوس قزح يقول...

هههههههههههههههه
برغم اهمية القضية اللى بيتكلم عنها البوست لكن دمه خفيف :)
انا متاكدة اللى عايز يبطل فعلا هيبطل من غير ما يرسموا رئة محروقة ولا سيجارة ناكشة شعرها

همس الاحباب يقول...

ههههههه
بوسن رائع جدا
والحمد لله انا مش بدخن
وعلشان كده برده بطلت اتفرج على التليفزيون
ومن اول يناير راح اشيل حديد
تحياتى
خالد

دكتور بهــدوء يقول...

دعاااااااااااء جاي بنهج
انتي عارفه الامتحانات وكده
نازل احط بوست
قلت مايصحش ماعديش عليكي
البوست رااائع
مش كئيب ولا حاجه لان الحقيقه ابشع
واسود من كده مئااات المرااات
وربنا يرحم

بس جيت امسي وهتوحشوني ع ماعدي تاني

فرنسا هانم يقول...

تسجيل حضور وسلام

nigro يقول...

إزيك يا دؤدؤ
أخبارك إيه؟
اسمحيلي أدخل بدؤدؤ كده علطول لأن أعرفك من زمان من قبل حتى ما تعرفيني و من قبل ما تدوّني أساساً
دعاء مواجهات
أكبر محتلة للميل و آخره
بس و أي احتلال؟
أجمل احتلال
أحب أقولك يا دعاء من هذا المزنق
إنك عندك دماغ جبارة يا بنتي
بجد ما شاء الله عليكي
و لا أخفيكي سراً يا دؤدؤ
إن ترتيب أولوياتي في ضربة شمس
1- قراية الكلام المصاحب لكاريكاتير وليد طاهر
2- اشوف إذا كان طلال فيصل له مقاله ولا لأ
3- أشوف إذا كانت دعاء مواجهات ليها ميل ولا لأ

أنا مش قريت البوست ده لسه
أنا قلت بس أرمي السلام و بعدين أقرا و أرجع أعلق

و أخيراً

إشطاط إشطاط إشطاط

just me يقول...

السؤال اللي بيطرح نفسه ومحتاج اجابة من الاجابات التالية لانه وزي ما كلنا
راسيين وفاهمين التيتة انه التدخين من غير سبب قلة ادب
---------------------------------

عارفه انا من زماااااااااااان وانا عاوزه اكتب بوست عن التدخين لانه بجد موضوع فوق المستفز

وخصوصا اول امبارح كان فى حمله مواطنين ضد التدخين واللى فيها ناااااس وفنانين كتير

اللى انا بستغربله يعنى ايه المتعه فى شرب السجاير؟؟؟؟؟؟
غير كده مش منظر يعنى ان واحد يبقى راجل كده وحاطط بتاعه فى بقه كده
بجد شىء مقزز

sigon1977 يقول...

ان ارادت الدولة ان تمنع بيزنس التدخين ستفعل و لكن من يمنع او ينظم ؟
المصلحة و العمولة تمنع التنظيم 0
المهم هو البيزنس اما نحن 0000000
انة المال فابحثوا عنة 0

Asmaa mahaba يقول...

هههههههههه انا قلت انك انتى اللى بتدخنى معلش جات فيكى
بصى اولا التدخين اسوا شىء ممكن الانسان يعمله لاسباب كتيره ولا وحسب فتوه شيخ الازهر انه حرم
بيهدر صحتك بايدك يعنى حنا ملناش يد ف لمسرطنات بالعقل كدا لو حد قتلك عند ربنا زى ما تنتحرى؟؟؟؟
اكيد لا
تانى شىء اهدار للمال وتبذير ...ان لمبذرين كانو من اخوان الشياطين ....
يعنى فى بنى ادم عاقل فى الدنيا يجيب ورق بفلوس ويحرقه
ثانيا ربنا خالقنا فى لدنيا نتمتع بما خلق مش قادرين نتمتع على الال منقرفش نفسنا.....
السيجاره تنزع من لانسان ادميته وحريته ...بيصبح عبد ليها ....وممكن تجره للادمان....
انتظرى مى فى مدنتى زجل قديم كنت كتبته من سنتين تقريبا فى احدى المدونات العامه حنزله تانى من اجل ان يعرف الانسان حقاره تلك لسيجاره
تحياتى ليكى سومه_87

همس الاحباب يقول...

اختى العزيزة / دعاء
ازيك وازاى صحتك
المهم انا كلمت وزة امبارح واطمنيت عليها
هى اتغير الرقم القديم واتجيب رقم جديد واتبقى تتصل بيكى وتطمنك انا قولتلها انك اتصلتى بيها وبتسالى عليها تليفون البيت عندها فاصل
والنت كمان وبتقولك انك وحشتيها قوى
سلاموووووووز

غير معرف يقول...

ازيك ياحجه دعااااااااااااء

وحشاني والله من هنا للسنة الجاية مش بكرا بس
كان عندي امتاحانات يا اختي والله ولسه مخلصة امبارح سامحيني

انتي عاملة ايه

الموهم نيجي للبوست

على فكرة السجاير دي مفيدة جدا بتخلينا نعيا ونموت بسرعة ونرتاح من الدنيا وبلاويها الخضره خخخخخخخ

تفكير زباله

انا والله شايفة انم موضوع التدخين ده بايخ اوي خصوصاً للبنات

دي حرية شخصية بس لمل بنوتة بتخدن عيزة اقولها فنظر اي راجل والناس كلها هتكوني احلى منغيرها.

وسلام ياقمر واسفه للتأخير بالرد

غير معرف يقول...

اول زيارة للمدونة وان شاء الله مش اخر زيارة

بصي مرة واحد قريبي عزم عليا بسجارة قلتله بس ياجدع , ربنا يبعدنا عنها

قاللي بص انتا لازم تجربها مرة و لو عجبتك كمل معاها و لو معجبتكش سيبها

والي يومنا هذا لسة مجربتهاش

ده انا لما باشم بس الدخان بادوخ


تحياتي

Unknown يقول...

أسلوبك جميل يا ابراهيم والله بس تفتكر نفسى قالتلى ايه.؟؟ أعتقد انها قالت لى ضربوا الأعور على عينه قال خربانة خربانة
تحياتى على البوست الجميل وشكراع يا دعاء على المفاجأة

2ensan wnsan يقول...

لسه منزل بوست يا رب يعجبك

اقريه وقولي رأيك

غير معرف يقول...

زى ماطول ما فيه عطش هتفضل كوكاكولا
طول ما فيه مبارك هتفضل السجاير واللى العن من السجاير

دعاء مواجهات يقول...

hero

هو كدة بالظبط

مركزين اوى ف حتة

الفرعنة

ومبيبصوش ف المراية

نورتنى

دعاء مواجهات يقول...

gannah

كدة ياجنون

تظن فيا السووء...

لا انا لسة موصلتش للمرحلة دى

نورتى ياقمر

بييس....

دعاء مواجهات يقول...

- diyaa

قولتلوا

وقبل ما اقوول
خلع كمااان

بييس

دعاء مواجهات يقول...

-عرفة فاروق الاسيوطى

والله انت راايق آخر روقان

تصدق إنك بتفكرنى بالفرعون العاشق

مش عارفة لية؟

هو مين اصلا الفارعون العاشق دة؟؟



بيييس

دعاء مواجهات يقول...

- آدم المصرى

تقبلتوة....


نورتنا ومستنيين اكتر

مش عارفة لية حسيت انك مقراتش البوست

بييس

دعاء مواجهات يقول...

- tamer sala7

اولا كدة

انا مش عجبانى نبرة النظرية المؤامراتية

الى ف صوتك دى

يعنى هى الحكومة اللى خليتنا ندخن بالعافية يعنى؟؟

نورتنى

دعاء مواجهات يقول...

- غنى يابهية

كفاية مرووورك علياااااا

دعاء مواجهات يقول...

- salwa

ع فكرة ياقمر

لا انا ولا هيما بنشرب

دا دور تهييس منة

لانة بيكرهها مووووووووز

نورتى

دعاء مواجهات يقول...

- desert cat

هقولوا

وانتى تؤمرى


نورتينا موووووووووز

دعاء مواجهات يقول...

- همسات دافئة

اولا انتى تدخلى ضرب ناار وضرب اى حاجة تانية كماان

ثانيا بجد حلوة حكاية الاوضة دى وياريت لو توسع شوية وتبقى شواارع كماااان

نورتى

دعاء مواجهات يقول...

- قوس قزح

جبتى م الاخر

اللى عندة ارادة فعلا هيعملها

وانا اعرف نااس عملوها

بمجرد قرار شخصى منهم


نورتى

دعاء مواجهات يقول...

- همس الأحباب

كويس انك مش مدخن

وميرسى اوى ليك

انك طمنتنى ع وزة

انا قولت حصلها حاجة

وميرسى كمان ع اهتمامك


بيييس

دعاء مواجهات يقول...

- دكتور بهدووء

ياخبر

بجد فيك الخيير

نورتنا اخر نووور

خد نفسك وكمل كلااامك

انت كمان هتوحشنا اوى اوى اوى

بيييس

دعاء مواجهات يقول...

- فرنسا هانم

يكفينى السلااااام

يااغلى الناااس

نورتى الدنيا كلها

بحباااااااااك.....

دعاء مواجهات يقول...

- nigero

نورت البلوج والدنيا كلها

ياضربشمسااوى ياجاامد


فكر معانا ف مشروع مدونة ضربة شمس ومستنية ردك

وبجد يشرفنى انك تعجب بكلاامى ف الميل واخرة


بيييس

دعاء مواجهات يقول...

لست ادرى

انا كمان بكره عمى لاتدخين دة

وبقى لما بشوف حد بيدخن نفسى اقولوا

لية بس كدة

انت لسة صغير

تحيااتى ليكى...

دعاء مواجهات يقول...

- sigon

لخصت فأبدعت


بيييس

دعاء مواجهات يقول...

- سومة

انا؟؟؟

للدرجة دى

انا ادى ع كدة

لاا مش لدرجة دى

نورتيينى

دعاء مواجهات يقول...

- نورة الخشن

كفاااارة

ياجمييل

عودة جامدة ان شاء الله

نورتينى

اوعى تغيبى كدة تااانى

بييس

دعاء مواجهات يقول...

الضاحك الباكى

اجمد واحسن قراار وبحيك علية

واوعى تجربها علشاان خااطرى

سلااااااااام

مستنياك كتير

دعاء مواجهات يقول...

- ayman badr

شكلك كدة مدخن

صح؟ اوعى تنكر

ربنا يعافييك

نورت يابرنس

دعاء مواجهات يقول...

- moood

هههههههههههههههههههههههههههه

صح الكلاااااااام

نورت يامحموود