الجمعة، مايو 16، 2008

جامعة الدول





جلسة تاريخية

إنتبهوا
أيها السادة قارئى السطور فالمقال ليس بالهزلى أو الفارغ فالأمر جد خطير يستدعى الإنتباة الشديد والتركيز المضاعف المتضاعف فالمقال ليس مقالاً عادياً بل إنة نقل لوقائع جلسة طارئة –- لجامعة الدول العربية وإليكم النص الكامل( فما حدث لا نستطيع وصفة باقل من مهزلة حقيقية نحياها على أرض الواقع المرير فذلك القرار المخذى الذى إتخذة واحداً ممن لايرعون مصالح الوطن والأمة لابد لة من وقفة جماعية إحتجاجية رسمية كانت أو غير شرعية إلى أن يعود ذلك المسئول إلى صوابة ويسحب هذا القرار ويقر بأنة لم يكن يقصد ان يضر بمصالح البلد بشكل أو بآخر ولا بسمعتها الدولية ...
لذا إجتمعنا اليوم هنا فى جامعة الدول العربية ممثلين ومندوبين عن كافة الأقطار الشقيقة العربية وعلى رأسنا ممثلين من مصرنا أيضاً فالقرار الذى نحن بصدد التصدى لة نبع من أرض مصرنا مستهدفاً الدول العربية جمعاء مصوباً لتاريخ طالما تمتعت بة مصر ولسمعة ليس لها مثيل على مر العصور والأزمان ....
القرار أعزائى قرار جائر قرار همجى واقل ما يوصف بة الوحشية والديكتاتورية الشنعاء العمياء الفيحاء الهيفاء .... لذا جاء إجتماعنا اليوم طارئاً غير مسبق التنوية عنة نظراً لفداحة الموقف وأهميتة وعدم تحملة لأى تأخير أو تسويف.......
وكيف لنا أن نسمى هذا المسئول مسئولاً بعد الآن بعد أن إتخذ قراراً من شأنة الإضرار بكل ما هو مصرى صميم أصيل مأصل وابن حلال ...
إن مجرد إتخاذ هذا المسئول لمثل هذا القرار الغير مسئول ليعد بمثابة كتابتة لإستقالتة الغير مسببة وقبول المختصين لها ايضاً ... فكيف ؟؟ كيف؟؟ لا أستطيع أن أنطق وأكرر ما قاال وما صرح وما إتخذ من قرارات تعسفية....
إن مجرد تجرؤة ومنعة للأخوة العرب من القيام بتمثيل أكثر من عمل فنى فى العام بمصر لهو قمة الديكتاتورية فمصر دائماً منبع الفن والإلهام والحرية الفكرية أنى لة إتخاذ مثل هذا القرار بل وإقرارة رسمياً والمطالبة بتطبيقة كيف نحيا بلا هيفاء ودوللى كيف نرتقى بلا سولاف ونيكول وجومانة وهند وسليمان وغيرهن الكثيرات والكثيرين ...
لذا أيها الأخوة ولخطورة الموقف أدعوكم لوقفة إحتجاجية لمدة ساعتين متصلتين أمام المقر هيا بنا ....................

هناك 108 تعليقات:

2ensan wnsan يقول...

صباح الخير اول تعليق والتعليق اللي بيتنبي عليه كل اتعليقات اللي جايه

انا هلم الرجاله من عالقهوه واجيب شيشتين وكام كرسي واجي معاكم الاعتصام قدام المقر بس همشي يعد ساعه واحده

سوري يعني لو التعليق رخم بس انا اصلا رخم يعني هو يعني خلاص الوطن العربي كل مشكلاته خلصت وارتحنا منها واليهود زهقوا من فلسطين بقى بعد اما قعدوا فيها 60 سنه وهيدوروا لهم على حتة ارض الف متر في الف متر ايجار جديد ولا العراق خلاص هديت والسنه والشيعه والاكراد خدوا بعض بالاحضان بعد ما امريكا سابتهم هما وبترولهم بسلطاتهم ببابا غنوجهم ولا المجاعات بتاعت الصومال والاحتقانات اللي في السودان خلصت ولا ايه ولا ايه وخلاص مصر مشيت بنظام ديموقراطي حقيقي والصحافه بقت حره والحياه بقت وردي عشان نبص لاجتماع عشان النقيب منع الممثلين الاجانب والعرب انهم يمثلوا في اكتر من عمل ولا المسلسل ما يضمش اكتر من 2ممثلين انا اول مره اسمع عن الاجتماع الطارئ دا اللي شكله من وحي خيال المواجهات صباح الخييييييييير


ملحوظه مين الغلط مش في سهى وميرنا الغلط في الساعه

دكتور بهــدوء يقول...

لااااا هند ونور ف السيف سايد
الباقي هما اللي لبسوها
ممكن تكون هند قريبه روجينا م بعيد
او نور اختها ف الرضاعه

دعاء مواجهات يقول...

ع فكرة ياجمااعة

البوست دة بمناسبة البيان اللى طلعة مجلس جامعة الدول العربية بخصوص قرار أشرف نقيب الممثلين بمنع الممثلين العرب من تمثيل اكتر من عمل فى العام
والدنيا قامت ولم تقعد وكان كل مشااكل الوطن إتحلت وفااضل دى علشان كدة الجامعة مهتمة وبتصدر قرارات وبيانات بخصوصها


دة إيضاح لمنع سوء الفهم بس

سلااااااام

رفقة عمر يقول...

هو لسه فيه حاجه اسمها جامعه عربيه دى بقت من القوارض والحفريات اساسا

Mafrousa يقول...

انا جيت اهه
و لا لقيت ليمون و لا احزانون
لاقيتكم كلكم واقفين فى شارع جامعة الدول العربيه
واقفة الناس الزعلانين ديه

والنبى انتى فرستينى اكتر.....ودمى غلى
وان شاء الله قاعدة العرب ديه مجاتشى فيها دينا...؟اهى تحي القاعده
يااااااااااالهووووووووووووووى

sigon1977 يقول...

مفهوم طبعا يا دؤدؤة ان قصدك هو السخرية من الاجتماع و الادانة و الكل لا يقصدون امر هام بل شئ تافة مقارنة بالماسى العربية 0
و لكن هذا قدرنا و ما باليد حيلة و تعرف الهايف منين قاللك ييجى على الهايفة و يتصدر0
و بالمناسبة انا كمان رأيى الادانة و السيد اشرف زكى عندما تولى مسئولية مسرح الدولة باعة لغير المقيدين و بالذات لفيفى عبدة بمسرحية روايح 0
sigon_1977@yahoo.com

Tamer Nabil Moussa يقول...

فين الشاى يادعاء

اخش معاكى بقى فى مواجهات

الا اية بقى مواجخات دى هههههه

وبعدين نسيتى نور الوحوش عايزين يحرمونا منها

احنا فعلاا لازم يكون عندنا موقف ونعمل موقف ضد هذا التصرف الغير موفق بالمرة

ربنا معانا

تحياتى

rovy يقول...

السلام عليكم
المساكين مش لاقين حاجه يعملوها قالوا نعمل اى حاجه والسلام .
يمكن كده نبقى امه واحده يمكن كده صوتنا يبقى له هيبه يمكن العالم يحترمنا
يمكن و يمكن وبيتهيقلى انهم فعلا فاضيين قوى ومش لاقين حاجه يشغلوا وقتهم ..
راحو شغلوه .
تحياتى
rovy

همس الاحباب يقول...

بجد بجد ولا بلاش
بصراحة كنت عايز اقول حاجة للجامعة العربية بس بلاش
قاله علمنى الهيافة يا بابا
قاله روح جامعة الدول العربية وانت تبقى هايف وتافهة
طب هى مشاكل العرب اتحلت ما عادش الا التمثيل والخلاعة والمجون
يا عرب كفاية مهزلة ومهتارات الموقف اصبح جد خطير وانتم لا حول ولا قوة الا بالله
اصبحتم غثاء كغثاء السيل
اصوات وتشنجات وكلام مرسل لا اكثر
تحياتى وتقديرى لشجاعتك فى عرض الموضوع
خالد

Desert cat يقول...

طالما الفوضه والهمجية لا يوجد عليها رقيب او حسيب
فانتظرى المزيد
لنا ولمصرنا الله
تحياتى

شـمو نشـادر يقول...

جامعة عربية ايه يا دعاء .. ما دايم الا وجه الله ..

ta2ta2 يقول...

أحيانا من كثرة الصدمات الى فى الوقت الحالي بنشوفها أظن إن بقا فى عندنا بلاهة ونوع من الهبل المغولي
الحقيقة لم يعد شئ يدعو للعجب حتي إن عجب أفندي بنفسه بقا بيتعجب من الي بيحصل
المهم يا ست دعاء عايزك تخدي نفس طويل كده عشان الي بيحصل ده زى ما بنقول وش القفص بس والي جي ربنا أعلم بيه

حمامة يقول...

يعنى خلاص
كل مشاكل الوطن العربي اتحلت
ومفضلش غير الفن والتمثيل اللى نتكلم فيه
بجد عالم دماغها فاضية
عارفين هما معترضين ليه
علشان الفن والكوميديا والافلام المثيرة هى اللى منيمة الشعب ف العسل
خايفين الشعب يصحى
ساعتها هيفوقوا عليهم وتبقى مشكلة

........

دعاء انتى كنتى رديتى عليا مرة
وانا كان بقالى فترة بدور ع المدونة بتاعتك بس للأسف مش لاقيتها
اصل انا تقريبا على طول اقرا مشاركاتك ف ضربة شمس
كويس انك لقيتينى الأول :)

Unknown يقول...

السلام عليكم
مواجهات ازيك
مش عارف القرار صح ولاغلط
بس كانا المفروض انه يحدد ويقول ان الممثلين الغير مصريين الجدد هما بس اللي يبقوا كده
انما القدام نور وهند وكده دول عادي



تحياتي وسلميلي عا لجامعه العربيه

Zianour يقول...

دعاء .. اهلا بيكي يا دؤدؤة.. ومتشكرة على الشاي يا ستي !! والمدونة بتبين انك دمااااااااااغ والجامعة العربية - هيييه هي لسه عايشة؟؟!!!!!- هو لسه فيه حد متاااابع قرارتها ولا بياخد على كلامها!!!!
المهم شكرا على مرورك ويا ريت تشاركينا التهيسس وتكتبي الغناوي اللي حفظتيها من تراث ومواويل -لو فيه يعني!!- اظنك ما لحقتيش المسائل دي..عموما متشكرين يا قمر
على فكرة انا متابعة شغلك في الدستور مع الميل واخره ويلا شدي حيلك بقى علشان الصحافة منتظرااااكي..
اشطاااااط
زيانور

غير معرف يقول...

مساء الخييير
ازيك يادعاء باشا

اهدي شويه كده علشان نعرف نتكلم
اشربي شويه شاي وروقي
وبلاش العصبيه
بكره هتبقي عال .. اوعي تقوليلي بكره ده هييجي امته .. احتمال ميجيش خالص .. مش احتمال .. ده أكيد

احنا عرب ياناس
عارفين يعني ايه عرب ؟!!
يعني الأخوات اللي قلبنا علي بعض
يعني طول عمرنا متحدين في وش الدنيا كلها
يعني كلمتنا واحده وعامله زي السيف
يعني فصيله دم واحده
وعمر الدم مايبقي صلصه
عرفتي يعني ايه عرب .. ولاتحبي أقول كمان

بلاش تتجنوا علي الراجل الطيب
وتتصيدوا له في الميه العكره
الراجل مكنش قصده كده
احنا أكيد فهمناه غلط
أو يمكن مشفناش كويس أو مسمعناش كويس
علشان كده بنصح كل واحد يركب ي ودانه سماعات صب ، ويلبس نضاره شمس
جايز الرؤيه تتضح
ونفهم الراجل كان قصده ايه


اللي توصلتله بقي
ان ده أكيد أكيد ..
كان خطأ مطبعي
أيون .. الرجل مكنش يقصد كده
تحبي أحلفلك علي المصحف
صدقي بقي


وبعدين اللي ميشوفش من الغربال يبقي أعمي
هما سايبين بلدهم وجايين يكلوا عيش عندنا ليه .. هو احنا لاقيين عيش لنفسنا علشان نأكلهم .. حاجه غريبه والله


علي فكره بقي
ودي رساله بوجهها ليه
بص بقي ياعم
عايز تمنع الممثلين العرب براحتك
مش عايز حد يمثل عندنا براحتك
عايز تعمل فيها رئيس بجد براحتك بردو
بس ملكش دعوه بنور وجمال سليمان
أظن الرساله وصلت


سلام بقي

أحمد سلامه

رئـــــيسـة حزب الأحلام يقول...

هذا وبلا فخر ماعتدناة من جامعة الدول العربية دايما مهازل رايحة جاية
وتحياتى

رئيس جمهوريه نفسى يقول...

اه يا وطن لما يعد ليه
واتذكر قول من قال فى احد لحظات التجلى ادينى فى الهيافه احبك يا فننس
حلينا مشكله العراق وحررنا فلسطين وانهين تمراد دارفور وخلصنا كل مشاكلنا وبقيت مشكلتنا كعرب مين يمثل ومين لا

غير معرف يقول...

بعد التحية
القرار بجدخطير هى دى القرارات مش تقوليلي حكاية فلسطين والكلام عن تصدير الغاز لأسرائيل
ولا تكوني عايزاهم يتكلموا عن برقية التهنئة اللى بعتها مبارك ارئيس وزراء اسرائيل بهنيه فيها على مرور 60سنه على قيام اسرائيل شوفتي وصلنا لغاية فين

Mero.. يقول...

هو انا بصراحة معرفش القرار ايه لكن لو القرار هينهي الجدال والمشاكل يبقى الف شكر ليهم لانهم بيصفوا وعي المجتمع اللي اتشغل فترة بحاجة تافهة زي دي..يعني ريحونا وحلوا مشكلة مهما كانت تافهة ..
دا لو القرار فعلا حاسم..
طب لما الريس قال مش عايزين كلام تاني عن الحضري..نقول عليه بيهيف بقى وبيحل مشاكلة تافهة؟؟
لا طبعا كويس انه بينهي مشكلة مهما كانت صغيرة لانه كدا بينقذ الشعب من ضياع الوقت والمجهود والموارد في الهيافة دي
زي لما عيال صغيرين يتخانقوا ييجي ابوهم يقول بس يا واد انت وهوا ..
هنقول بنعيل ؟؟لا كدا هو بيخلص المسكلة من اولها عشان متاخدش اكبر من حجمها..

اسف على الاطالة
شكرا ع البوست :)

Foxology يقول...

اول زيارة للمدونة والحقيقة هى اسم على مسمى

البوست على قد ما هى ساخرة على قد ما هى مؤلمة

هو ده حالنا مش بنهتم غير بالهلس والكلام الفاضى

اشرف زكى بأة ديكتاتور ؟ امال (...) يبقى ايه ؟؟ ولا (...) نسميه ايه ؟؟؟؟؟؟؟

بوست حلوة بس موجعة ..

PrInCeSS BeRy يقول...

هاى يا قمر انا جيت اشرب النسكافية وملقتوش اهوة خليكى فاكرة ميرسى يا جميلة للزيارة الحلوة

اما عن البوست انا بصراحة اجتماعات الدولة بالذات مبتفاءلش بيها مبتجبش نتيجة لاى حاجة اطلاقا بس اهوة بيحاولوا يقنعونا باى حاجة بتتعمل ربنا معاهم بقة ههههههه

غادة يقول...

ازيك يا ديدى عامله ايه
على رأيك قال يعنى كل مشاكلنا اتحلت و فلسطين رجعت ولبنان الحرب هدت فيها وكده، راحو اجتمعوا عشان قرار اشرف زكى و رغم انى شايفه ان القرار ده اى كلام الا انه مش حاجه جامده اوى يعنى لدرجه انهم يعملوا اجتماع عشانها
دول هايفين هيافه و صحيح الفاضى يعمل قاضى

بوست لذيذ يا دعاءفى الأول انا قلت دا قرار تانى طلع وانا نايمه على ودانى
و صحيح يعنى ازاى نقدر نعيش من غير هيفاااااااااء و شعر هيفاء دى ما تبقاش عيشه ولا ايه
سلام مؤقت يا قمر

شادي أصلان يقول...

اول مرة اجي هنا
بس واضحن انها مدونة مميزة
هاجي كتير ان شاء الله
بس مش كنتي تقولي ولا عايزه الضربشمساويين يزعلو منك؟

غير معرف يقول...

هى الجامعة العربية لاقو نفسهم فاضين ومش وراهم حاجة والمشاكل كلها اتحلت قالوا يشغلو نفسهم بيملوا وقت فراغهم

m.sobhy1990@gmail.com يقول...

هو قدرنا إن احنا تبقى عرب

يلا بقى نتعامل

دعاء مواجهات يقول...

-wa7ed ensan wansan

اية بس ياكابتن شيلتنا الهم بدرى كدة من اول بوست

وع فكرة مش شرط ابدا ان التعليق الاول يتبنى علية باقى التعليقاات لان لكل واحد وجهة نظرة

ع فكرة صورة جيفارا كانت احسن كتيير

نورتنى

دعاء مواجهات يقول...

- دكتور بهدوء

هههههههه

ممكن مين يعرف

نورتنى بزيارتك

دعاء مواجهات يقول...

- رفقة عمر

لا ما هما بيقولو انها اتنقلت المتحف

عااادى بقى ..

نورتينى

دعاء مواجهات يقول...

- لورنس العرب

عندك حق والله يالورنس فع الهيافة ليها ناسها

واهى فرصة الناس تشغل نفسها بحاجة بعيدة عن السياسة واللى بيحصل اليومين دول ف المطبخ بردوو

تحياتى لييك....

دعاء مواجهات يقول...

- واحدة مفروسة

اية بس وانا اقدر ياقمر افرسك بزيادة انتى بتتلككى ولا اية علشان متقفيش معانا

انا متهيالى ان لو مكونتيش مفروسة بتدورى ع حاجة تفرسك علشاان تتفرسى

وبعدين الليمون ازاى موصلش دا انا حطاهولك ع باب المدونة برة

ولا هى تلاكييك وخلاااص

تحياتى ليك ياقمر يامفرووس
...

دعاء مواجهات يقول...

- محمود sigon

يعجبنى فيك بقى انك متابع وهارش التيتة وعارفها كويس

والله ديما منورنى بجد

دعاء مواجهات يقول...

- tamer nabil

هو كل واحد يدخل يسأل ع المشرووب بتاعة بقى ولا اية انتوا اكيد ما اخدتووش بونات ما انا حطاهالكوا برة ع باب المدونة

الله بقى

متقوليش بقى انك اول مرة تسمع عن دعاء مواجهات تبقى اكيد مبتشتريش جريد الدستور الاسبوعى

صح؟؟؟؟

دعاء مواجهات يقول...

rovy-

وعليكم السلاام ياقمر

صح الكلاام كدة

عندك حق
نورتينى

....

دعاء مواجهات يقول...

- همس الأحباب

يابرنس انت تقوول كل اللى نسك فية ولا يهمك ابدا من حاجة او حد

انت هنا عند مواجهات ماااشى ياخلوود

نورتنى وكلامك كلو فى التمام

سلااااام..

دعاء مواجهات يقول...

- desert cat

والله ديما اقولها

فعلا لنا الله الواحد مبقاش

عارف فاضل اية تانى محصلنااش هيحصل

ولا بهدلة اية الى محصلتلنااش وهتحصل

تحياتى لمرورك الكريم ياجميل

دعاء مواجهات يقول...

- أسامة أمين

روووح إلعب بعيد يااااض .

دعاء مواجهات يقول...

- tarek

كمان كل دة ووشة امال قفااة عامل ازاى بقى؟؟

عندك حق فى حة الهبل المنغولى دى دا حتى اعراضة بدات تظهر علياا

هههههههههه

نورتنى

دعاء مواجهات يقول...

- حمامة

صح كلامك ياقمر بينيمونا بس عل مين


واية رايك بقى فى مشاركاتى فى الضربة مع خالد باشا؟؟؟


نورتى

دعاء مواجهات يقول...

-bar2ash


سلمتلك عليها وهى كمان بتسلم علليك بايديها الاتنين وبتقولك انك واحشها اوى وفينك من زماااااان؟؟

دعاء مواجهات يقول...

-zianour

لا شكر ع وااجب ياقمرى

كويس انك متابعنى وميرسى ع رايك فى الدماااااغ

حكاية الصحافة لسة ما اخدتش فيها قرار قاطع بصرااحة

تحيااتى لييكى


نورتينى

دعاء مواجهات يقول...

- أحمد سلامة

ياعم انا راايقة وكلو ف التماااام ع الاااااخر

بس بردو حاجة تفور الدم

عجباانى دمااغك العالية دى اوى

انت عاملها فيين؟؟؟

الرسالة اكيد وصلتلو اصلوا متابع دائم لتدويناااتى

سلااااااام يابرنس

تحياتى

دعاء مواجهات يقول...

- رئيسة حزب الأحلااام

وحياتك ساعات بترووح مبترجعش كماااان ياجمييل

ديما الريسة منورانا


تحياتى للتشريف الكريم

دعاء مواجهات يقول...

- رئيس جمهورية نفسة

ازيك يازعيم فينك م زماان؟

مفتقيدينك يارااجل

ياابنى اسمها ادينى فى الهايف وانا احبك يانننس

ركز بقى شوية ياريس

تحيااتى

دعاء مواجهات يقول...

- moood

ولساااااااااااااة

ولساااااااااااااة

ولساااااااااااااة

ربنا يرحمنا برحمتة

دعاء مواجهات يقول...

-mero

انت تطول وتقوول زى ما تحب هنا مفيش قيوود ولا عندنا تايمر

انت فى بيتك يابرنس ولا يهمك

وتعرف ان وجهة نظرك بردو ممكن تكون صحيحة بس اصلنا زودناها اوىىىى


نورتنى

دعاء مواجهات يقول...

- الكيت كات

هكذا كل الحقائق هزلية لكنها موجعة

بس مين يحس ومين يشعر بس

حلوين القوسين دوول ع فكرة

نورتنا

دعاء مواجهات يقول...

- brencess bery

يابرنسيس اكيد التفاهات ووجع الدماغ دة لالااازم ميشغلش جناابك

البرنسيساات لازم تكون ليهم اهتمامات ارقى من كدة بكتييير

زيارتك نورتنى اوى اوى اوى

ومستنيااكى تانى

دعاء مواجهات يقول...

- نور

حبييب قلبى يانااس

انا تمام ياجميل ومينقصنيش غير سماع صوتك الملائكى

وبصراحة انتى جبتى م الااخر فعلا

تحيااتى لكى بوردك ياقمر

سلاااااام

دعاء مواجهات يقول...

- نور

نسيت اقولك ان الصورة التانية بتاعت البنوتة كانت احلى كتييييير

اوكى

دعاء مواجهات يقول...

- شادى أصلااان

وانا اقوول المدونة نورها زايد اوى كدة لية ومزغللة ف عينى اتارى يانااس فرد ضربشمساوى اصييل ماصل واصلااان منورنا

لالالا زعلانى انا كنت لازم تبلغنى قبل ما توصل علشان نعمل استعدادات كباار الزوار

بجد نورتنى اوى اوى اوى اوى واديك عرفت اهووة قوول بقى للضربشمساوية تبعك

وسلملى ع خلوود كتييير اوى

وخلية يجى يشقر علينا كدة ولا يرمى نظرة عطف

ميرسى ع رايك يابرنس ومستنياااك كتيييييييييييييير اوى

تحياتى لتشريفك الجمييييل

دعاء مواجهات يقول...

- nona

ههههههههههههههههههههه
عندك حق ما الفرااغ وحش بردوو

منورانى يانونا ديما

الواد اسامة ولا جابلى سيرتك لسة

سلاااام

دعاء مواجهات يقول...

- محمد صبحى

كويس انك شرفتنا اخيرا

اوعى تكون ما اخدتش التااج

اة لاااازم نتعامل طبعا

سلااااااااام ياكبييير

سنووايت يقول...

انا الاول ما فهمتش ايه الموضوع بس فهمت لما قريت التعليقات واول جملة جت في بالي
كلُُ يجري علي ليلاه

مهو دا شغلهم يعني كأنه راح الشغل وعمل اجتماع علشان الشغل
طب بجد بقي انا عايزة احييهم ههههههههه
علي الاقل الناس دي بتشوف شغلها بصرف النظر عن شغلها بس بتشوفه, يا ريت كل "نقيب" يتعلم ويشوف شغله هو كمان ويصدر قرارات بمنع ووقف
ياااااااااااااريت يا دعاء

2ensan wnsan يقول...

اكيد طبعا صورة جيفارا احسن بكتر جدا بس لابد من التغيير والفكر الجديد وصباح الخير يا مصر اوك هرجع صورة جيفارا اصحابي قالولي كده برضه

دعاء مواجهات يقول...

- سنو وايت

وجهة نظر بردو ياجمييل من منطلق اهى حاجة احسن ما اللا حاجة

هههههههههه


نورتنى ياقمر المدونات

دعاء مواجهات يقول...

-wa7ed ensan wansan

فكر جديد

تغيير

مطلووب

صباح الخير يامصر


انا كدة هبدا اشك فييك

انت اخواان صح؟؟؟؟؟؟

ههههههههههههههههههههه

إشطاااااااط

2ensan wnsan يقول...

بما ان انتي ضربشمساويه ؟

يا ريت تخشي تحطي رد على الاسئله اللي انا حاططها في البوست الاخير

دعاء مواجهات يقول...

-wa7ed ensan wansan

انت تؤمر حضرتك

سلاااااام

احساس لسه حى يقول...

عزيزتى
بجد الموضوع كبير

والاجتماع كان لازم يحضره وفد من مجلس الامن والاتحاد الاوروبى وامريكا وروسيا

مين يقدر يستغنى عن الناس دول بجد

ده لو قدرة استغنى عنهم مش هقدر استغنى عن هيفاء

وهى غنتها من زمان وحذرتنا

رجب حوش اشرف عنى

معاكى فى الساعتين دول

تحياتى

سلام

شادي أصلان يقول...

دي مدونة طارق امام يا دعاء
http://tareqemam.blogspot.com/

Hosam Yahia حسام يحيى يقول...

ماشى سلام

استاذن انا بقا

رايح اقف على الباب

سلام
:)

شفـقــة و إحســــان يقول...

هاى انا زورتك اهو

Tamer Nabil Moussa يقول...

بجيب الدستور

ومش قريت لدعاء مواجهات

غير هنا ههههه

فى دعاء عادل انتى ؟

فى انتظار جديدك هنا

وابقى عدى عندى عزمك على عصير قصب مش شاى ماشى ههه

تحياتى

HERO يقول...

بصي هو فعلا زي ما انتي قلتي خلاص مشاكلنا كلها اتحلت الحمد لله ومش فاضل الا مشكلة الممثلين والفنانين والمسلسلات ورمصان وربنا يسهل ويقدروا يحلوها قبل رمضان

تحياتي

Unknown يقول...

طبعا قرار جائر وانا من موقعى هذا فى حزب العرضحالجية اندد واشجب هذا القرار الذى اتخذه أشرف زكى ضد مصالح البلد العليا ويجعله عامر
شكرا يا دعاء على تعليقك والله اديتينى الامل تانى بس متاخديهوش تانى
اتمنى لو عرفت ازوغ من الشغل يوم الخميس هاخد اول عربية من المنصورة واجى اجتماع المدونين فى ميدان التحرير واتمنى اشوف كل المدونين اللى بحبهم وبعتز بيهم وبكتاباتهم
شكرا

دعاء مواجهات يقول...

- احساس لسة حى

مستنيينك ياكبيييييير


نورتنا

دعاء مواجهات يقول...

- احساس لسة حى

مستنيينك ياكبيييييير


نورتنا

دعاء مواجهات يقول...

- شادى اصلان

بجد مش عارفة اشكرك ازاى ميريى اوى للإهتمام


ديما تنورنى

دعاء مواجهات يقول...

- حسام يحيى

يلا بسرعة

مستنينك

نورتنى

دعاء مواجهات يقول...

- شفقة واحساان

اية بس انتوا جايين

تعايرونى وتخرجوا ولا اية؟؟

نورتواا بردوو

بييس

دعاء مواجهات يقول...

- tamer nabil

ياكبير شكلك مبتقرااش صفحة اراى ولا الميل واخرة

ولا كسااب صح؟؟ظ

اكيد صح


ابقى ركز بس

ميرسى ع القصب

نورتنا شرحة

دعاء مواجهات يقول...

- hero

انا شايفة ان كلو كلاااام ف الهوا وهترسى على الحال كما هو علية

نورتناااا

دعاء مواجهات يقول...

- ayman badr

لا متقلقش مش هاخدة منك تانى اديك كتير كمان لو تؤمر

واكيد ليا زيارات كتييير عندك

وانا كمان كان نفسى ارووح الاجتماع دة بس ما باليد حيلة محسوبتك محبوسة هنا ف المنوفية ادعيلى بتفك حبسى دة بقى

سلاااااااااااام

حمامة يقول...

مية مية يا باشا
انا نفسى اشارك والله
بس ان شاء الله ف الاجازة
ابقى تعالى عندنا بقى

Diyaa' يقول...

سلام عليكم
جامعة الدول العربية سابقاً
مش هتحب التعليق ده
بالنظر للأوضاع في أمتنا المصون
والتعمق فيها
والتأمل لأحدث ما وصلت إليه أحوالها
واستخلاص العبر والعظات
وتخيل النتايج المرعبة
أقدر أقولكم
اللي أصدر القرار
والمنتفعين بيه
والمتضررين منه
والمجتمعين لتعديله
يغوروا ..وإحنا مالنا
تقوليلي ليه ؟
أقولكم دي ناس مهنتها الكدب عشان ياخدوا فلوس..قليل منهم اللي بيعمل فن لأجل الفن..فن مش موجه..فن بكر..فن ليه رسالة فعلاً..فن مفيهوش عري ومفيهوش مثالية مزيفة..فن مفيهوش كدب وهروب من الواقع
وفن مفيهوش فلان خد كام مليون
ده مش موجود إلا عند قلة منهم
فبالتالي..خسارة فيهم الساعتين دول
ولو علي الأعتصام..متيجيش نعتصم عشان عبقرية علاوة ال 30%
ولا أقولكم ؟
نعتصم عشان المعتقلين ؟
ولا عشان التزوير ؟
ولا عشان الحكام الأبديين ؟
ولا عشان تميزنا بإننا أمة اتفقت علي ألا تتفق ..إلا في الهايفة ؟
ولا عشان ولا عشان ولا عشان ؟
تعرفي..بعت مرة لخالد كساب _ ونفضلي لأني مش بعرف أنافقه _ برد علي بنت متضايقة من المعاكسات أوي وبتعتبرها كارثة أشد من التوريث ومن كل حاجة بتحصل في مصر
كنت عايز أقول يومها لو كل واحد تنازل عن جزء من همه الخاص ومشاكله الخاصة..ووجه طاقته وتفكيره للعام
وقتها لما العام هيتصلح القدرة علي تغيير الخاص هتبقي أسرع..المعاكسات كمثال مستحيل يتشال في يوم وليلة
وقرارات عشوائية زي دي برضه مستحيل تتمنع باعتصام
بس تعملي إيه
في ناس بتحب تيجي في الهايفة وتتصدر
علي فكرة يا دعاء..سخريتك المعتادة مكانتش باينة في البوست ده
شكلك كتبتيه وإنتي متنرفزة :)
والسلام ختام

arsenalwy يقول...

بجد

اجتماع طارئ علشان الموضوع دة ياجماعة يبرهن ان المحرك الرئيسى لجامعة الدول وللدول نفسها هى لغة المال فمين المتضرر فى الموضوع دة غير القنوات الفضائية اللى لازم تحط كام واحد وواحدة فى كل مثلثل تنتجه

والقرار دة قرار الممثلين المصريين هما شايفين اللى فيه فايدة وبيعملوه وكمان اتحدد عدد الادوار للمصريين ب3

انا شفت ممثلة السنة اللى فاتت فى 6 مسلسلات لدرجة انى كنت بتلخبط فى الشخصيات

بس هل القرار هيتنفذ علشان سمعت ممثلة تونسية بتقول انا لسة بدأه فيلم ومسلسل

مدونة جميلة سعدت باول زيارة لى


مستنى اقتراحك على البوست الجديد

وادعوكى لوضع لوجو حملة وقف تصدير الغاز الى اسرائيل

ودة اللينك بتاعه
http://www.zshare.net/image/12105759293805bb/

دعاء مواجهات يقول...

- حمامة

انا جاااااية فى الطريق

بس انتى عارفة بقى

زحمة المواصلااااااااااااات

اشطاااااااط ياجمييل

دعاء مواجهات يقول...

-diyaa

انت مالك مزعل نفسك اوى كدة
صدقنى مفيش حاجة تستاهل كل عصبيتك دى انت شوفتنا خلاااص روحنا عملنا الوقفة الاحتجاجية دى دا بس تهكم على الواقع الزفت واللى بيحصل فية مش اكتر
انا معااك طبعا فى كل اللى قولتوا

بس بالنسبة لكسااب

هو مبيحبش اللى ينافقة وبعدين هو لازعيم دولة ولا رئيس حزب علشان تقولوا كدة الحكاية كلها كلاامف كلااام

انت بس اللى واخد كل حاجة على اعصابك ومضايق نفسك وشكلك من الى بيسودووها اوى

وبالنسبة لاسلوبى اسفة لو ماكانش على المستوى فى البوست دة

وميرسى على رايك

ع فكرة انا عمرى ما ازعل من النقد بالعكس لانة بيفيدنى جدا وبيكون ف مصلحتى

سلااااااام

دعاء مواجهات يقول...

- arsenalawy

ميرسى على رايك فى المدونة

وحكاية تصدير الغاز دى بقى اسمحلى اقولك ف المشمش من امتى وانا لينا كلة يابرنس انت عاوزنا نروح ورا الشمس ولا ايية؟؟؟


مستنيااااك كتييييير ياكبير

تحيااتى لييك

ابو العربى يقول...

والله للموضوع وجهات نظر يعنى من الممكن امنع انا بعض المحافظات من انهم يعرضو اعمالهم فى دوله بورسعيد لانها تسىء لقيم الدوله مثلا

بس هو وجهه نظرك ايه بالظبط موافقه ولا معترضه ولا ايه نظامك انا مش فاهم

مع تحياتى
ابوالعربى

mostafa rayan يقول...

طبعا طبعا يا دعاء
الحياة تمشي ازاي من غير نيكول سابا ولا مروة ولاهيفا وهبي و نانسي عجرم
انتي ماسمعتيش الكاتب الكبير احمد رجب وهو بيقول ان الأنسان يحتاج بعد يوم عمل شاق ان يتعجرم او يتهيف
بس ياريت يعطو لأولاد البلد ولو نصف الفرص
اللي بياخدها الأخوة العرب عندنا
تحياتي ليكي

غير معرف يقول...

على الرغم من تفاهة الاجتماع اللي عملته جامعة الدول العربيه


وعلى الرغم من قرار اشرف زكي الرخم كمان بس الممثلين العرب طلعوا وابدعوا في فيلم زي ليلة البيب دول واللي باين من التريلر بتاعه انه جامد وان جمال سليمان وسلاف فواخرجي عاملين فيه ادوار جامده جدا اصل خلاص موضوع الاجتماع الهايف بتاع جامعه الدول دا اتقتل كلام وخلاص مش ناقص كلام تاني يا ريت نفتح الحوار عن القرار نفسه في مدونتك الخفيفه الجميله دي وما شاء الله الاقبال عليها بقى جامد اهه عايزين مواجهه جديده يا مواجهات ومشيها كدهى بالذوق بدل ما اعمل عليكي ثوره ونخليها مطلب شعبي من رواد مدونتك

Empress appy يقول...

تصدقى لو حصل كده يبقى هيافه فعلا بجد انا معاه فى قرارة انا شايفه عمليه سيل ومش عاوزة اقول لفظ تانى من العرب والنيله ملهومش لازمه بيمثلوا ويغنوا وحركات هابله كده فطبعا علشان نحمى حقنا لازم ده اللى يحصل
وبجد مش ناقصه يعنى اقل حاجه وفعلا دى اقل ينافسونا فيها
تسلم ايديكى يا قمر على الموضوع

قوس قزح يقول...

اول ما لاقيت الكلام كبير اوى كده و شكله يخض قلت اكيد فى الاخر حاجة هايفة

اصل احنا بنيجى فى الهايفة و نتصدر و نبقى بؤ جامد كده

بقى جامعة الدول تجتمع علشان قرار اشرف ذكى ؟؟
طيب هناخدهم على اد هيافتهم و نناقش الموضوع من كل النواحى
اقتصاديا :
هو يعنى الممثلين العرب دول يجوا يتشهروا و يلهفوا فلوس من المصريين و يمشوا ؟؟

اجتماعيا :
بيخلوا مخ الرجالة يضرب و يقول عايز من ده و الشباب يبوظ و يتحرش و البنات تقلع هدومها علشان تكون اون فاشون و تضرب ميه اكسجين فى شعرها و الستات تتخانق و تطلع همها فى العيال و الجيران

فنيا :
بقى بالذمة مش حرام نيكول سابا تعمل فيلمين ورا بعض و تاخد دور العرض و يفضل افلام لممثلات مصريات فى العلب مستنية دورها

سياسيا :
لو فتحنا الباب للممثلين العرب ممكن اوى يحصل غيرة بينهم .. اشمعنى مثلا الفنانة الليبانية تمثل الدور ده و متمثلوش الفنانة السودانية .. قصدكم اننا وحشين و هكذا .. يبقى الخناقات للركب بين الدول .. و مش اى ركب حلوة :))


انا اؤيد قرار اشرف ذكى جداااا
و اشجب الجامعة العربية اللولبية

سلاااام

safa7_karmooz يقول...

وانا من موقعى هذا ...اندد واشجب واساند واهزز ...ولن اتنحنح ولن اتزحزح ...ولن اقول أأأئح

:D

على فكرة اسلوبك عجبنى اوى..:)

الباحث عن الحقيقة يقول...

انا ضد قرار اشرف ذكي
الموضوع يا اختى الغالية
مش قصة هيفاء ودوللى
دول اصلا بيدخلوا علينا من الاغاني
القصة قصة ريادة فنية
ان مصر تكون رائد فني ومحط انظار المبدعين العرب
اظننا كمصريين بنفخر بالفنانين العرب اللى عاشوا ونبغوا في مصر
ومما يحزني مثلا ان السيدة فيروز لم تعش او تغني في مصر مثل صباح ونجاح سلام وفايزه احمد وسعاد محمد
اما نوعية الفن اللى بيتقدم فهذا مش ذنبهم
ده ذنب الحمار اللى بينتج ده واعني مسئولين الانتاج في التلفزيون
او تجارة الغرائز من منتجي الافلام
انما سولاف وسليمان وجومانه وتيم دول ناس محترمه وبتؤدي اعمال تلفزيونية فنية محترمه
قياسا على ذلك مثلا
تعالى نشوف في السياسة هنلاقي ان غير مصريين رفعوا اسم مصر في التاريخ الاسلامي القديم
زي صلاح الدين الايوبي وسيف الدين قطز
وتحققت على يديهم الريادة السياسية والقومية الخ
تحياتي

Tamer Nabil Moussa يقول...

معلشى يادعاء هركز

احاول اثل عامل عملية فىرجلى من ستة اشهر ولسة بمشى على عجاز يمكن دة ماثر عليا


حاضر هحد بالى

ابقى تعالى عندى واكتبى جديد يامواجهات

كسرتى نفسى

تحياتى

tarek alghnam يقول...

الاخت الكريمة
صدقينى احنا فى بلد لاينفع فية احتجاجات ولا وقفات ولا ولا
كل اللى ينفع فى البلد دى
هو العمل والعودة الى الله
لان الضمير غائب علينا ان نعمل لعودتة قبل اى شئ
تقبلى تحياتى
واتمنى التواصل
ودمتى بود

دعاء مواجهات يقول...

- ضد الظلم

محفظاات اية ياعم ودول اية

انت ماقريتش البوست ولا اية

ركز شوية

وبردو نورتنى

دعاء مواجهات يقول...

- mostafa rayan

لاااة احمد رجب دا مالوو

فرص مين بس اللى بتقول عليها

هو احنا عندنا فرص الافى الفن والذى منوو

نورتنى يامصطفى اوى اوى اوى

دعاء مواجهات يقول...

- غير معروف

اية ياعم الغير معرووف انت جاى تقلب الدنيا عليا ولا اية يابرنس

لاااااااااا دا انا مواجهات وشكلك بقى متعرفش مين مواجهاات ياكبير

فووووق كدة مش انا اللى يتنظم اضراب عليا

مااااااشى

وعموما انا مواجهاتى ديما مستمرةوعمرها ما هتتوقف الا ما شاء الله

وبعدين انت جاى تقر على التعليقين اللى زادو ولا اية ياعم بس

سلااااااااام

PrInCeSS BeRy يقول...

هاى يا دودو انا موجودة حبيبتى ادخلى مدونتى التانية هتلاقينى هناك دايما اتمنى اشوفك هناك يا قمر

دعاء مواجهات يقول...

- appy

هههههههههههههههههههه

انا عارفة الكلمة اللى عاوزة تقوليها ياقمر

نورتينى اوى وميرسى على رايك ف البوست

سلااااامووز

دعاء مواجهات يقول...

- قوس قزح

هدهوود رووح قلبى

بتجيب م الااخر انت

لا واية كماان بتحل وتفسر

مرورك نورنى ياجميل وحشاانى اوى

عرفت من حوبة انك كنتى تعبانة الف مليوووون سلاااااااامة

دعاء مواجهات يقول...

- safa7_karmooz

ميرسى على رايك يامعلم

نورتنا

دعاء مواجهات يقول...

- الباحث عن الحقيقة

وانا اؤيدك فى الكثيير من رايك

ووجهة نظرك الموضوعية الغير سطحية فعلا


زيارتك شرفتنى

دعاء مواجهات يقول...

-tamer nabil

لا عاااااش ولا كاااان اللى يكسر نفسك يابرنس

انا كنت بهزر ياعمنا ولا هما غلوا الهزار كمان بقى ولا ايييية

نورتنى

ع فكرة انا بيتنشرلى ف ضربة شمس ف الميل واخرة

دعاء مواجهات يقول...

- طارق الغنام

حطيت ايدك على نقطة من اهم مايمكن

( الضمير غائب)

حقيقة طبعا بس تفتكر يرجع ازااااااى؟؟

دة السؤال

تحياتى لمرورك

نورتنا

دعاء مواجهات يقول...

-miss peery

اوكى ياقمر جاية ليكى حاااااااالا

تقبلى تحيااتى

دعاء مواجهات يقول...

-miss peery

اوكى ياقمر جاية ليكى حاااااااالا

تقبلى تحيااتى

كلام على بلاطة يقول...

اخيرا ا دعاء وجدت مدونتك
انا سعيد بالمناسبة دى
لكن باطمنك مش هيقدروا نذوا القرار بتاعهم
دول فنانات ومسنودين بالصحافة والذى منه
اطمئنى ولا داعى للتوضح
تحياتى
فى انتظار مدونتى

دعاء مواجهات يقول...

- كلاام على بلاطة

فهماك انا وفاهمة قصدك كويس اوى

انت كنت بتدور على مدونتى لانك تعرفنى ولا إيية؟؟

نورتنى

NIDAAL .R يقول...

هههههههههههههههههههههههههه
اول زيارة لمدونتك بس نفسى عن جد اعرف
الحكاية دى و الجلسة الطارئة حصلت فعلاً و بسبب الموضوع ده ..
تعرفى لو الكلام ده عن جد ... دى بقى تبقى وصلت لقمة المهزلة
يعنى يعملوا جلسة طارئة علشان حوار هاااايف زى ده و منفضين لفلسطين و العراق و الصومال و المجاعات الافريقية ووووو...
مدونة حلوة اوى و بامر الله سوف اكون من المتابعين دائماً
و بالنسبة لـ انا انسان
انا معاك يا ريس مهى بقت خلاص
خربانة خربانة
و كنت هقول كل كلمة انت قولتها بس خلاص طلعت بصرة بقى
تحياتى للجميع
نضال

Diyaa' يقول...

وأنا أحب اللي ميفهمش النقد غلط
وأنا مش مسودها ولا حاجة..كنت بتريق بس الكلام هرب مني ..إنتي عارفة الوضع في بلدنا بمبي ازاي..يا دوب
ومش بحب أتكلم علي حد في غيابه بس ده كان مثال بيثبت إن لو كل حد أو كل طائفة في المجتمع لخص أزمات البلد كلها في أزمته بس يبقي مش هنخلص
زي اللي اسمها يسرا باين ولا مين لما خالد بيه نزل في الميل وأخره يقول يا جماعة متعاكسوهاش..اه الكلام هناك تهييس بس برضه دي جريدة كتير بيحترموها والمفروض متسيبش فرصة لحد أناني هتكره مصر لسبب يتيم..إنها بتتعاكس
ده كان رأي ومثال..مفيش حاجة علي أعصابي ولا حاجة سودة
كفاية عليا تفاؤل وليد كساب..راجل سكرة والله
سلام
تحياتي

دعاء مواجهات يقول...

-nedaal pal

آة ياكبير للأسف الموضوع دة حقيقى بس هى مش جلسة بس اجتمااع اصدروا بعدة قرار او تقرير

وانا يسعدنى جدا رايك ومتابعتك ومنتظراك ديما

اسم نضال حلو اوى ع فكرة
تحياتى

دعاء مواجهات يقول...

- diyaa

اوكى ياكبير حصل خييير

انا بس حسيت كلامك غلط

ومش بس وليد اللى بيدينا تفاؤل كمان خاالد ولا انت ليك راى تانى؟؟
تحياتى لمرورك

Diyaa' يقول...

أحياناً :)) لكن ليا بعض الملحوظات كده مش مهم بقي :) لأنه عيب أتكلم وهو مش موجود :(