الجمعة، مايو 09، 2008

التاج الأول فى حياتى

االسلام عليكم وحشتوونى كلكواأوى أوى أوى جداً جداً جداً خالص خالص خالص
وبجد دعمتونى نفسياً جداً بتعليقاتكلم على بوست راح ..راح ..راح
وخليتونى أغير كلامى واقوول جاى..جاى..جاى( اللى هو إية؟؟) معرفش بس جاى وخلاص بقى إنتواهتمسكولى ع الواحدةولا إية...أحب أشكر كل الناس العسولين اللى علقواوحسيت من كلامهم بالحب فعلاً وحسيت إنى مش لوحدى أبداًويارب يخليكواكلكوالياويخلينى ليكوا
لأنى عارفة إنكوا متعرفوش تعيشوا من غيرى.......هههههههههه
....... عدوها دى.

المهم بقى روح قلبى وحبيبتى ( وزة أنين الحزن )أهدتنى تاجين مرة واحدة وهما الأولين فى تاريخ حياتى التدوينية لذلك دعونى أقف 5 دقائق إحتفالاً بهذة المناسبة فهذا الحدث هو الأول من نوعة كما ذكرت آنفاً ومش حقولكوا قفوا معى لأ أنا بالمناسبة دى عازمة كل اللى هيعلق ع التاجات على حفلة( شاى كومبيلت) - يعنى بالكيك بتاعوا – وإن شاالله ما حد حوش علشان بس متقولوش إن المنايفة كدة لا ولا كدة ... فاهمنى طبعاً...

التاج الأول:
أنا إزااااااى؟؟؟؟؟؟؟؟

إتكلم عن نفسك فى عشر نقاط ..........


إية دة هو سهل كدة الواحد يتكلم عن نفسة وكمان فى عشر نقااط
طيب أدينا هنحااول وإنتوا تحكموا بقى

أنا..أنا..أنا.. أنا مش عارفة اقوول إية......
لأ هقوول
وأهى فرصة الواحد يطلع شوية من اللى جوااة

أنا كنت طوول عمرى بقوول عن نفسى إنى واقعية وبحسبها بعقلى
بس إكتشفت العكس وإن قلبى هو اللى ممشينى
علشان كدة قررت أدفنة
.

بحب الإخلاص جداً بس إكتشفت إنة عملة نادرة وأصبح مجرد كلمة.

بيقولوا عنى إنى جدعة ووسط أصحابى البنات بكون الراجل بتاعهم.

أكتر حاجة بكرهها فى حياتى الكذب والتمثيل وخصوصاً تمثيل الحب والغرام والهيام والذى منه حتى كرهت كلام الحب لأنة مجرد كلااااااام.

كمان بكره الخيانة أد كل حاجة إتوجدت فى الحياة أو لسة هتتوجد بكرهها موووووو
خصوصاً لوجت من حد قريب أوى وبثق فية اوى.

بحب كل أصحابى اللى قابلتهم على مدى ال21 سنة والستة أشهر اللى عشتهم على ظهر هذا الكوكب وأبداً لاأنساهم وأكثر مايؤلمنى لما ألاقيهم ناسينى ومش يسألوا عنى(ندااالة) وأكثر ما يسعدنى مكالمة هاتفية من أحدهم.
بحب المفاجآت جداً ودائماً ما أنتظر المجهول وأرحب بة وبحب (الشيكولاتة) كمان أوى أوى فخدوا بالكوا وبلاش حد يدخل المدونة
ومعاة شيكولاتة إلا لو كان مستعد يتنازل عنها.

نفسى ألاقى إنسان يستاهلنى ويستحملنى ويكون عندة إستعداد يسامح ومش قااسى .

نفسى بابا وماما يرضوا عنى ديماً خاصةً ماما لأنى مهما عملت مبتشكرش فيا وبردو بمووت فيها.

نفسى ربنا يقدرنى على حفظ القرآن الكريم كلو لأنى بدأت خلااص (إدعولى) ونفسى اعمل عٌمرة وأزور قبر الرسول(صلى الله علية وسلم) تانى علشان أغسل نفسى من الذنوب (إدعولى أوى أوى أوى)


إختار خمسة وإهديلهم التاج.....
فرنسا هانم حبيبتى
أسامة شمونشادر
مروة جمعة(اللى مطنشانى)
صالح سعيد (أدهم)
( محمد صبحى)


التاج التانى بقى نأجلة شوية لأنى خلااص فصلت شحن...

هناك 53 تعليقًا:

نور يقول...

ازيك عامله ايه ؟ انتى اللى وحشتينا خالص و قولى جاى براحتك ولا حد هيقولك حاجه
مبروك اول تاج فى حياتك التدونيه
تصورى انك تشبهينى شويه
انا زيك بحب الاخلاص جدا و خاصة لصحابى ولو انهم احيانا بيستندلوا معايا
و كمان انا زيك الراجل بتاعهم و دايما يقولولى دبرنى يا وزير
دا غير انى برضه لسه 21 و ست شهور
و اكيد اننا هنتخانق ع الشيكولاته عشان كده جبت اللى يكفينا احنا الاتنين
و ان شاء الله ربنا يكرمك وتحفظى القرآن كله وتعتمرى وتحجى كمان و مامتك وباباكى يرضوا عنك دايما
و ربنا يوفقك وتلاقى حد مش قاسى ويستحملك
يلا بقى طولت عليكى انj شخصيه لذيذه يا دعاء
و سلالالالالالالالالالالالام مؤقت

مروة جمعة يقول...

صباااااااااح الفل
ازيك يا دعاء باشا؟
بجد انا فعلاً مقصرة مع الكل مش معاكِ انتِ بس
حلو التاج
فعلا باحس انك جدعة
بس آسفة ما ينفعش تدفني قلبك- حرام عليكِ رايحة تقوليها في صفحة ضربة شمس!!- معلش معلش كلنا هذا الرجل.. القلب له دور مهم- أو العاطفة بشكل عام- البني آدم مننا لازم يعمل توازن بين الاتنين
التاج بتاعك حلو
وشكراً يا قمر للإهداء.. التاج جاني برضه من لماضة :)).. ادعِ لي أعرف اجاوب عليه قريب.. الامتحانات جزاها الله خير:)).. صباحك ورد

انين الحزن يقول...

فين يابت المفاجاءه

يخربييييييييت كدا

صحيح منوفيه منوفيه يعني


علي العموم انتي قلتي نقتطين نسيت انا اقولهم عندي .

الاخلااااااااص اللي مبقاش موجود
والنقطه التانيه
نسيييييييييت وبصراحه مكسله ارجع للبوست تاني
بس المهم انهم نقطتين

سلاموووووووووووز
وزة

سى السيد يقول...

سلام عليكو
اخبار عالم التدوين ايه
الى انا طلقتو بالتلاته من زمان
دى اول مره ادخل على البلوجر من خمس شهور
اجابات واقعيه جدا
وبصراحه عجبننى الردود
وربنا يعينك على حفظ القرآن
بس ايه حكايه انك راجل وسط صحباتك

sigon1977 يقول...

الصداقة دائما افضل هذا ما اؤمن بة
يا دؤدؤة النوستالجيا انت موهوبة و جميلة عبر كتاباتك و تستحقى كل التيجان اما بالنسبة لدفن القلب لا انصح
القلب تن رحل صرنا شياطيين
و العقل ان رحل صرنا بلا مرشد
اجمل شئ القلب حين يقودة العقل
و السلام لكل منوفى

sigon1977 يقول...
أزال المؤلف هذا التعليق.
إبن الإسلام يقول...

لا هى حلوه عقبال باقى التيجان يا رب وربنا يوفقك وتكملى حفظ القران مش تعملى زىى كل سنه انوى واحفظ جزء عمه(30) وابطل وارجع انساه وارجع احفظه السنه الى بعدها وهكذا منذ ابتدائى

فى حاجه تانيه انا زعلان فى البوستين الى فاتو مخدش خبر بيهم لينا عندك حق عرب
سلام ربنا يوفقك

النجم القادم يقول...

السلام عليكم

ايه الاجابات الحلوة دى

ربنا يبارك فيكى وتحفظى القران كله

وعلىفكرة الام كده مهما عملتيلها مش هترضى عنك

اسالينى انا لسه بكون عاملها حاجه وفاجاة تزعقلى هههههههههههههههه

الام بقى نعمل ايه

ربنا يكرمك يارب واجاباتك حلوة وخليكى واقعيه دائما ومتشغليش القلب على طول لانه بيودى لبيت الزوجيه

ربنا يرزقك بابن الحلال اللى تحبيه ويحبك وتكونوا بيت مسلم ملتزم

خلاص بقى سلاموز ادعيلى امتحاناتى 26/5

السلام عليكم

Abd-Alrahman & NOUR يقول...

اجاباتك كويسة
مدونتك كمان كويسة
بس لو كمان سنة تنظيم هتكون كويسة
علي فكرة عجبني ردك في مدونة انين الحزن فدلفت الي بيتك الهادي كي اري فيه الكثير واستمتع بقرائتي الكتير فيه
وايضا تمر عليا فيه اجمل الدقائق
لاحظت انك كنتي بتمري بمرحلة ياس
ياريت تون خلاص خلصت
وياريت ديما اي جاي من غير راح راح

ياريت تنوريني بزيارة لمدونتي المتواضعة

عبدالرحمن

أسامة أمين يقول...

دعاء .. ربنا يخليكي يا رب .. انا مبسوط بيكي جدا و مبسوط اساسا ان انا اتعرفت على واحده زيك .. وان شاء الله ربنا يكرمك وتحققى كل اللى نفسك فيه ولما تروحى العمره ابقى ادعيلنا بقى ..

رئـــــيسـة حزب الأحلام يقول...

بصره انتى كمان عملة تاج وانا كمان
بس بجد صفات جميلة تدل على واحدة رقيقة ومتواضعة وتحياتى لكى

moood يقول...

مبروك التاج يا سيدتى
انت كده هتخلينى اغير رائي فى اهل المنوفيه
متزعليش بس اللى احنا شايفينه منهم
مش شويه

wa7ed 2ensan wnsan يقول...

السلام عليكم ورحمة الله وبركاته ,,

اولا وبعيدا عن انك منوفيه التاج ردوده كلها كويسه وصريحه

ثانيا انا اول مره ادخل البلوج بتاعك بس في سؤال عندي هو انتي دعاء مواجهات بتاعت الميل وآخره في ضربة شمس في الدستور اللي مصدعه دماغ خالد كساب ودماغنا برسايلك

ثالثاعبلتين جلاكسي جايين في السكه عالبلوج حالا عشان انتي بتحبي الشيكولاته

غير معرف يقول...

دعاء باشا عمرو
مساء المواجهات الشرسه العنيفه اللي دمها زي السكر
أول تعليق ليّـا هنا

مدونتك جميله أوي
وأسلوبك لذيذ أوي أوي


متقلقيش
ان شاء الله هتحفظي القرآن كله
وتروحي تعملي عمره وحج وتزوري قبر النبي كمان
كلنا بندعيلك
بس أمانه عليكي وانتي هناك
ابقي افتكرينا بدعوه واحده
ان ربنا يهدينا
لأن الواحد ذنوبه بقت ...... أقولك ايه بس


وان شاء الله بردو
تلاقي واحد كويس ابن حلال
يحبك وتحبيه
وتعيشوا في سعاده وهنا
أنا هدعيلك بكده
بس بشرط
بعد ماربنا يوفقكوا وتتجوزوا
أول ولد تسموه أحمد
ده شرطي الوحيد ومش عايز مناقشه فيه


واضح جدا من كلامك نبره حزن ويأس
تصدقي بالله
مافي حاجه في الدنيا دي كلها تستاهل
سيبك من اللي فات
انسي أي بني آدم عمل فيكي اي حاجه ضايقتك
اي صديق أو صديقك أو أي حد عمل فيكي حركه غدر أو نداله
انسي الماضي بكل مافيه
خليكي ي النهارده اللي عايشاه
وفكري في بكره اللي أكيد مليان مفاجآت حلوه تعوضك عن كل اللي ات

انا مش بتفلسف ولا حاجه والله
ولابعمل فيها فاهم
ولا اي حاجه والله
انا بقولك بس اللي أنا عشته وحسيته


فين باقي المفاجآت يمامعلمه
مستنيينك
ربنا مايحرمنا من المنايفه أبدا
سلام




أحمد سلامه

غير معرف يقول...

سلام عليكم ورحمة الله وبركاته

هو صحيح الواحد لما يتكلم او يعلق
على مواطنه ضربشمساويه منوفيه يترى يتكم براحته وعادى ولا هيبقى فى حدود او مثلا كلامه يتاخد على انه فلسفه
عموما انا هقول وأمرى بقى لله وربنا يستر وبنت المنوفيه ما تحمكمش عليا بالاعدام او المؤبد ربنا يستر بقى
اولا المدونه بتاعتك كان نفسى احكم عليها بس للاسف انا مش بفهم اوى فى المدونات ولا ليا فيها ...


أبس من الشكل العام كده باين انها بسيطه جدا وحتى اسلوب الكتابه كالعاده يتمتع بالدعم المنوفى ودى حاجه مش سهله ولا بسيطه

ثانيا نتكلم بقى عن التاج بتاعك
اولا سهل جدا يا دعاء ان الواحد
يتكلم عن نفسه مش فى عشر نقاط لا ده فى ثلاث نقاط كمان زى اول نقطه انه أنسان بكل ما تحتويه الكلمه ثانيا انه عايش فى مصر وثالثا من الطبقه العامه وهيا طبقه عامه الشعب الطيبه
شفتى الحكايه سهله ازاى !!!!!


على فكره مجرد سؤال وبرىء والله
هو ليه الناس لما بتتكلم عن نفسها بتقول كل أيجابيتها وأحلامها ومش بتقول أى حاجه مش بتحبها فى نفسها وبتضايق انها موجوده فيها
مع اننا متأكدين تماما انه مفيش حد كامل لأن الكمال لله وحده سبحانه وتعالى
ومش عيب ان البنى ادم منا يكون فيه عيب او حاجه مش بتعجب اللى حواليه
صح الكلام ولا هتقولى فلسفه كالعاده


دعاء أفتحى قلبك لكل الدنيا وحبى الحياه ولو عاوزه ترتاحى مع البشر
او اللى بيعملوا معاكى حركه نداله او بينسوكى تعاملى معاهم بعقلك
واللى بتحبيهم وبيحبوكى اتعاملى معاهم بقلبك وعقلك يعنى فى الحالتين خلى بالك من عقلك ومش تنسى تفتحى قلبك للدنيا والحياه لان فيها حاجات كتير حلوه ولحظات سعاده ما ينفعش نتجاهلها



وتوضيح صغير ليكى ولكل منوفى جدع وومحترم وشخصيه كويسه بلاش تزعلوا من الناس او تضايقوا لما تلاقوا الناس واخده عن المنوفيين فكره واحشه وخلفيه مش صح يريت تعزروفهم لانهم بيحكموا عليها من خلال رمزها ورجلها الأول وطبعا اكيد عرفتى مش هقوله بقى يعنى عشان ترتيبات أمنيه ومجرد احتياط
وزى ما بيقولوا الحرص واجب


أتمنالك يارب تحققى كل أمنياتك وأحلامك واهمهم انك تحفظى القران وتدخلى اطهر مكان فى الدنيا كلها
وصحيح ليه محمد صبحى يعنى عشان منوفى والأقربون أولى بالمعروف ؟؟؟؟؟
هههههههههههههه بس بجد محمد صبحى كعقليه وشخصيه فهو واحد من افضل الناس اللى تفخر وتتشرف المنوفيه بانه يكون واحد من أبنائها
قبل ما أنسى لو هتختارى حد من وسط صاحبه الجلاله تقريبا مش هيكون فى حد أولى ولا احق من محمد القاضى ومش تنسى انه أبن من أحلى شخصيات المنوفيه


فى الختام خالص تحياتى وتقديرى
نور الصباح nour_elsbah2010

monaliza يقول...

انتى عسولة اوى على فكرة
يارب تحققى كل اللى نفسك فيه

nona يقول...

اولا بلاش حكاية دفن قلبك دى علشان انتى شكل قلبك طيب ومن نوع قلوب الخس وانت رديتى وقولتيلى انه بيسبب الام علشان كده هتدفينيه لا مش ده الحل الدنيا نعيشها بالفرح والحزن الحل انك تشغلى نفسك بحاجات تانية وتحاولى تتغلبى على الالام دى مش تدفينى قلبك بالحيا وياااااااااااااااااااااااارب يحققلك كل اللى انتى بتتمنيه على فكرة انا كمان نفسى احفظ القران واطلع عمرة وبخصوص سؤالك انا بنوتة متابعاكى فى الدستور والمدونة واللى عرفنى على المدونة اسامة امين وحبيت اسلوبك فى الكتاب وعلى فكرة كنت بقول لاسامة يسلم عليكى وهو اكيد كان مش بيقولك ربنا يوفقك يادودو

wa7ed 2ensan wnsan يقول...

سلام عليكم تاني يا انسه دعاء

ارجو انك ما تكونيش اتضايقتي من كلمة مصدعانا ومصدعه خالد كساب بس انتي اكيد مش مصدعه خالد كساب وبالتالي مش مصدعانا انا بهزر بس انتي شكلك اتضايقتي

بس فعلا الاحقاد شغاله على ودنه ناحيتك اصل كل رسايل الميل اللي بتتنشر في الميل واخره جامده جدا

المهم ربنا يوفقك وانا اسف لتاني مره

ايمن صديق يقول...

ياااااااااااااااااااه
اخيرا شفت بوست جديد لأحلى دودو فى الدنيا كلها
مبروووووووووووك الف مبروك على اول تاج تدوينى واحلى تاج كمان
ممكن بدل الشاى الكومبليت نخليها نسكافيه بلاك لأنى معنديش نفس اكل كيك النهاردة........

واحد من الناس يقول...

ازك يادعاء
وحشتينا بجد واللهى
وانا فرحان انى سجلت عشان
اقولك بس ان انتى هايلة

محمد عبد القوى يقول...

أولاً مبروك على عودة التفاؤل إلى بوستاتك الجميلة
ثانياً مبروك على اول تاج فى تاريخك التدوينى وعقبالى - اصل عمرى ما جالى تاج
ثالثا: تاج ايه ده اللى سؤالين بس سؤال منهم تمرير..بس عايزة الصراحة، السؤال الاول برضة كويس وخلانا نعرفك اكتر
رابعاً : انا جيت متاخر ومخدتش كيك

دعاء مواجهات يقول...

- نور

مش قولتلك يابنتى حاسة اننا فينا من بعض على فكرة ممكن نبقى دويتو هاايل ياقمر بس مقولتليش انتى بتعملى اية فى حياتك دلوقتى؟؟

دعاء مواجهات يقول...

- مروة باشا جمعة

فيينك من زماان يابرنس

افتكرنااك نسيتنا خلاااص

بجد لما بشووف إسمك بفرح بحس انى لسة ع الخريطة

نورتنى ياقمر

دعاء مواجهات يقول...

- أنين الحزن

إزيك ياقمرى عاملة إية يابت؟

المفاجأة هو انى عوماكم على الشاى الكومبيلت ياذكية ولا انتى مشربتيش يابت

وبعدين تقصدى إية بمنوفية منوفية دى يامعفنة ماهى بلدك

سلاااااااااام

دعاء مواجهات يقول...

- سيدهم السيد

أنا اصلى ماقولش سى السيد دى غير لواحد بس لسة فى علم الغييب

انت بقى بعيد عن عالم البلوجرية من 5 شهور بتعمل اية حضرتك؟؟ وازاى قاادر تعيش بدونة؟؟

راجل وسطهم يعنى بيعتمدوا عليا وبعملهم شغلهم وكدة يعنى ماااااااشى

دعاء مواجهات يقول...

- محمود sigon

كلامك درر يابرنس وحكم كمااان

بس نعمل اية فى قلب إية فى قلب فقد عقلة؟؟؟؟؟؟؟؟؟

دعاء مواجهات يقول...

- ابن الإسلام

ميرسى بجد على دعوااتك وعقبال انت كمان ما تنوى حفظ القرآن وتبدأ بعزيمة

وبالنسبة للبوستات انا يابرنس بنزل كل خميس بالليل اوكى ركز بقى وتابع

دعاء مواجهات يقول...

- النجم القادم

ميرسى والله بد على دعواتك وجزاك الله خيرا منها

وياارب تنجح وتجيب جيد جداً وربنا يوفقك

الا انت بتدرس اية؟؟

دعاء مواجهات يقول...

- عبدالرحمن ونور

الله يكرمك على ذوقك ورايك فى مدونتى

من الوهلة الأولى يتضح لى انك قوى الملاحظة ونقولك إدعيلنا بالتوفيق

ويارب ديما تقضى اوقاات حلوة ف مدونتى

سلااااام

دعاء مواجهات يقول...

- اسامة أمين

ازيك يا أووسى منورنى ديما بس اية الكلام الجامد طحن اللى قولتوا عنى فى البوست الأخير بتاعك دة بجد فييك الخير ياواد وتمر فييك

وانا من هنا بدعى كل البلوجرية يزوروا مدونة الواد أوسى أخويا الصغير ويشوفوا كاتب إية عنى ويعرفوا اد اية هو جاااامد وجمييييل

ميرسى بجد يااوسى واللينك اهووة
http://www.nashader.blogspot.com/

دعاء مواجهات يقول...

- رئيسة حزب الأحلاام

ميرسى ياريسة

دا انتى اللى دمك زى العسل وبمووت فى كل كلامك بجد

نورتينى

mayada يقول...

عسوله يادعاء
انا جايه وجايبه لكي واحد
جالاكسي كبيره ههههههههههه
ربنا يوفقك ياقمر ويعينك
عشان انت تستاهلي

دعاء مواجهات يقول...

- moood

طبعا لازم تغير رأيك ودة معنااة انك حد موضوعى مش منسااق ورا كلاام النااس وبس

بحييك مووووووووت

دعاء مواجهات يقول...

-wa7ed 2ensan wnsan

أيوى يابرنس انا دعاء مواجهاات بتاعت الدستور وضربة شم وخالد بيك كسااب

انا مزعلتش من كلامك ابدا انا بس كنت بهزر معااك تابعنى بقى ف الدستور ديما فية جديييد

نورتنى

دعاء مواجهات يقول...

- أحمد سلامة

تعليق زى الفل من واحد زى الفل

انت عسل اوى ع فكرة

وكلامك منطقى

وهدعيلك

وادعيلى

ومستنيااك تانى كتيييير

سلاااااام

دعاء مواجهات يقول...

- نور باشا

هههههههههههههه إزيك ياابنى
تعرف اية عيبك بجد انك مش فاهمنى ومتخيلنى كئيبة ومعقدة وانا مش كدة

تعرف ليه بعاملك كدة

لأنى حسيت لحظة انك مغرور وانا محبش كدة

سلااااااااام يافيلسوف

دعاء مواجهات يقول...

-monaliza

يارب ياجميييل

وانتى كماااااااااان وكل الناس


نورتينى

دعاء مواجهات يقول...

- nonaa

غريبة بقى الواد اسامة يعرف نااس عسل اوى كدة معلومة جيدة دى بجد

المهم انتى عندك حق ياقمر وانا فعلا حاليا بدور على اكتر من حاجة اشغل بيها نفسى

كنت عاوزة اعرف رايك فى كتباتى فى الدستور؟؟

سلاااااام

دعاء مواجهات يقول...

-أيمن صديق

ياباشا انت تؤمر لا مش تؤمر انت تاشر واحنا ننفذ

بس انا خايفة م البلاااك على صحتك ولا انت مش شاييف ان البلاااك بقى كتيير فى حياتنا كمان نسكافية بلاااك ربنا مايوقعك فى بلاااك ابدا

انا البوست بنزلة ديما الأربع بالليل او الخميس بالليل تاااااااااابع بقى

دعاء مواجهات يقول...

- واحد من الناس

انت أهيل يابرنس

ميرسى ع رايك ومستنيااااك اكتر


نورتنى

دعاء مواجهات يقول...

- محمد عبدالقوى

صينية كيك بحالها ترووح حالاً على مدونة محمد باشا عبدالقوى طبعا انت تتكلم ازاى وكمان هعملهابنفسى مش هخلى حد يعملها


على فكرة انت من الناس اللى بفرح اوى لما بشووف تعليقهم بجدبتنورنى

الا قولى انت فين خارج مصر وبتشتغل اية وهترجع ولاااااااا؟؟

صريح أوي يقول...

السلام عليكم
نتمني ان تكون المواجهات القادمة أشد
خاصة من إجابة حضرتك علي أسئلة التاج

تحياتي
واحد بيخاف من المواجههة

Gannah يقول...

دعاء
بقى انت واقعية دا انت قمة الرومانسية
بس صفاتك بتقول انك صاحبة مخلصة و جدعة
ربنا يعينك على بر الوالدين و حفظ القرآن و يرزقك بعمرة وحج بس توعدينى لو جيتى عمرة تتصلى بيه
انا مقيمة فى المدينة المنورة و هكون سعيدة جدا لو شفتك هنا
و عندى شيكولاته كتير بس قوليلى اخبار وزنك ايه ولا بلاش احراج:)
تحياتى

خبيب يقول...

إجابات جميلة جدا

وأكثر ما نتفق فيه ..

كراهية الكذب

---

وعامة ..

أنا أحترم أي حد بيحب الشيكولاتة بالشكل ده

:)

دمتِ بخير

غير معرف يقول...

سلام عليكم ورحمة الله وبركاته

يعنى من البدايه ومن قبل ما اتكلم حرف واحد قلت أتكلم عادى ولا هيبقى فى حدود وكلامى هيتاخد على انه فلسفه دى اول حاجه قلتها


وبعد كده تقولى سلام يا فيلسوف طب أنا كنت هأعرف منين أن كلامى هيتاخد على انه فلسفه الا لو كنت فهمك يا دؤدؤ ....


وعلى فكره يادعاء أنتى مش ديمقراطيه اوى ومش كريمه وهثبتلك فين الكيك والشاى اللى وعدت بيهم ولا هو الكيك والشاى لناس ناس !!!!!!


ثانى شىء هل من الطبيعى والممكن انك تحكم على حد بمجرد الاحساس للحظه وكمتن وانت مش شايفه قدامك كمان طب ازاااااااى دى بقى


ده كده الحمد لله ان مش كل مصر بتحكم بالاحساس والا كنت انا بقى ضعت والناس خافت تتعامل معايا وتقربلى


يا استاذه دعااااااء الاحساس مش كل حاجه ومش هو الحكم وخاصه لما يكون على شخص انت مش شايفه ولا تعرفه كويس


فى حكمه جميله جدا وانا عن نفسى مقتنع بيها اوى ومش بحرج انى اطبقها لما أكون محتاج اطبقها وأنفذها وهياااااا
ليس عيبا ان تعيد ادراجك للخلف
طالما كنت تسير فى الطريق الخطاء



للمره الاخيره يارب الكلام ما يتاخد على محمل الفلسفه يريت يؤخذ محمل العقل والمنطق والجديه


سلام يااااااااااااا دؤدؤ
يااااااارب أشوفك ديما فى أحسن حال


خالص تحياتى وتقديرى nour_elsbah2010

غير معرف يقول...

صحيحيا استاذه دعاء

لما بنحتاج لحد ومش نلقاه جمبنا ولا حتى عبرنا او سئل فينا ازاى بعد كده ينفع نقول ان الحد ده شخصيه كويسه او حد صح او نفهمه صح ازاى تيجى دى ولا انتى عاوزانى احقق المعادله دى ؟؟؟؟؟!!!!!!

وسؤال على الماشى هو الناس اللى بتطنش البشر اللى بتتصل بيها رغم انهم مش مشغولين ولا ماسكين حاجه فى مصر وناس عاديين جدا وزينا من الطبقه المتوسطه ومش من الاسره المباركه ورغم كده بيطنشوا البشر ومش بيعبروهم دول يبقى اسمهم ايه؟؟؟؟


بليز يا استاذه دعاء أبقى ردى على السؤال ده.... اوك يلا سلام عليكم يا أحلى شخصيه منوفيه ويارب ما أكون بتفلسف زى ما بتقولى عليا ديما

سلام يا دؤدؤ
خالص تحياتى نور الصباح

دعاء مواجهات يقول...

-mayada

ميرسى ياقمر ع الجلاكسى متحرمش منك ابدا ابداً ياجميل تعيشى وتجيبيلى

ربنا يخليكى انتى اللى عسل اوى بجد ع فكرة بحب إسم ميادة اوى اوى اوى

نورتنينى

دعاء مواجهات يقول...

- واحد صريح أوى

وعليكم السلام ورحمة الله

ميرسى ع رايك بس انت لية مش مستقر على اسم انت واحد صريح اوى ولا واحد بيخاف من المواجهة

وبعدين انا بقى بموووت ف المواجهة ومينفعش نهرب لأن الهرووب اسوء حاجة

اكتر حاجة تضايقنى لما حد يهرب من مواجهتى


سلامى لييك نورتنى

دعاء مواجهات يقول...

-gannah
يااارب ياجميل يستجيب منك

وميرى ع الشيكولاتة وبالنسبة لوزنى متخافييش صغنوون خالص

وبجد لو جيت المدينة لازم نتقابل يابختك المدينة بجد أحلى مكان ف المملكة كلها أنا قضيت فيها أجمل ايام وناسها كويسين اوى ومحترمين اولا اوى

عمرى ما هنسى أبداً كل ما كنت اعدى الطريق وكل السيارات تقف لحد ما أعدى بفتكر الموقف دة كل لما اعدى الطريق هنا فى مصر واقوول مصرين بقى هنعمل إييية ؟؟

نورتينى اوى اوى اوى اوى اوى لحد بكرة كدة

مستنياااكى تاااانى

دعاء مواجهات يقول...

- خبيب

يااة دا كدة الشيكولاتة بقت شعبيتها كبييرة اوى اوى اكتر منى كمااااااان

نورتنى

دعاء مواجهات يقول...

- نور الباشا

بجد أنا كدة إتخنقت بجد

الناس الى بتسأل عليهم يبقى إسمهم مش عاوزين يعرفوا الشخص اللى مصمم يفرض نفسة عليهم

وكلاااام تانى منك مش عاوزة ولا حتى تعليقاات.....

ياريت كلامى يتفهم بقى

سلاااااااام

Ema يقول...

دعاء أولا باشكرك على تعليقك على مدونتي ..وياريت متقطعيش الزياره...

ومبروك على التاج ...وعقبالي أنا كمان...لما حد يعبرني ويبعت لى حتى توكه...
وربنا يعينك ويعيني على حفظ القرآنز
تحياتي

دعاء مواجهات يقول...

- ema

لا ميرسى على وااجب ياقمر

وان شاء الله تابعينى انا ههديلك تااج قريب اووى

نورتينى ياقمرى