الأربعاء، أبريل 07، 2010

أحلام الحب المثالية..





تماماً كما تحلم البنات .. ايام هادئة وحب حقيقى تتوجه ابتسامة طفل..
قررت أن تتبع خطوات ثابته لينجح حبها

اخبرها المقربون أن تحديد الهدف يعنى انجاز نصف المسافه فى طريق الوصول
ستتحامل على عصبيتها ومزاجها الحاد لتقلل من احتمالات الفشل ..
ذهبت إلى المكتبه وبدأت فى تحميل كتابات عبر الإنترنت عن كيفية انجاح العلاقه فى فترة الخطوبه حتى يكللها الزواج الذى يقصدة ذكاء الأنثى ..

بدأت فى البحث عن كل ما يمكنها منه ويقنع عقله بها بشكل لا يقبل النقاش.. كان من الصعب عليها فهم انه اختارها فقط لأنه أحبها من الوهلة الأولى
أحب ضحكتها وروحها العفوية وأحب خجلها وتلقائيتها فتمناها .. وفعل ...

أرادتها علاقة مثاليه على نهج الواقع لا كما ترى عبر الشاشات وبين الصفحات الطويلة التى قرأتها
ألمته الزاوية التى تنظر اليه من خلالها .. حاول أن يخبرها انه ليس بحاجة لمزيد من الأفعال المتعمده حتى يقتنع بها .. فهو بالفعل يحبها
أخبرها أنه أحب تلك الإنسانه البسيطة الرقيقة المباشرة ..
أطالت النظر إليه وأخبرته أنها لم تجرب يوماً احساس الحب الحقيقى الذى تسمع عنه .. قالت انها تظن هذة المشاعر قد خلقت فقط لمجموعه معينة من البشر وانها ليست منهم
فهى ترى نفسها كائن عادى لا يتفرد بالعديد من المميزات التى تجذب الآخرين إليه وتدفعهم لحبه ...

أخبرته فى شرود وكأنها تحاور نفسها أنها كثيرا ما تتخيل نفسها فى موقع البطله مع مشاهير نجوم الرومانسية التى تشاهدهم دوماَ لكن عقلها لا يمهلها للإستغراق فى الحلم وكأنه ليس من حقها حتى ان تحلم... لكنها تتمنى ذلك بشدة ويمنعها خوفها من الاصطدام بالواقع من التمادى فى احلامها تلك ... ذلك الصراع المستمر يؤرقها...

أمسك بيديها وضمهما اليه برفق
اصابتها دهشة المفاجأة والإستسلام معاً ...
اخبرتة انها تمنت ان يكون كل ما بينهما مثالى لا يتضمن خطأ واحد
أخبرها ان للحب حسابات أخرى ..
نظرت فى عينية بخجل محاولةً اخفاء فرحه حقيقية أحست بها للمرة الأولى.. وخيط ما سرى فى عروقها وهزها من الداخل .. وتشبثت بيديه ...

هناك 33 تعليقًا:

ميرا ( وومن ) يقول...

دعاء

عارفة لما باجي هنا أقرالك بحس اني بتفرج علي فيلم في جرعه مضاعفة من المشاعر أحياناً اوشك علي البكاء تعاطفاً مع أبطالك

سلمتي ودام قلمك المعبر وأسلوبك السلس الرقيق

AhMeD RaDy يقول...

دعاء مواجهات

حقيقة لااعرف باى لغة يمكن ان ارد على كلماتك البسيطة العميقة

فاجمل شئ ان تكسر عواطفنا حدود سيف العقل القابع فوق رقاب مشاعرنا ..

فهلا بتحرير مشاعرنا ن خوف القتل البطئ بسيف العقل

فمشاعرنا راقية تستحق دائما الافضل
ما لم نغضب العزيز الجليل مالك الملك

*** حور- نور*** يقول...

أجمل حاجة فى الكون أنك تكونى بتفكرى فى حاجة وشريك حياتك يحققهالك من قبل ما تقوليها بيسموها مشاركة وجدانية
كمان بيقولوا اللى بيحبوا بعض لما تفكرى فيه بيبقى هو كمان بيفكر فيكى
ياااااااااااااة وتقدرى تقوليله بحبك بقلبك من غير ما تنطقيها وصدقينى بيحس بيها

فاتيما يقول...

يا لهوتينى عليكى يا دودو


اقول ايه بس


انتى كتلة من الرقة و الاحساس بتمشى على قدمين يا بنتى


مش ممكن على جمالك و رقتك

مش ممكن

fanty يقول...

و المفروض ان الكلام ده بيأكل عيش يعني؟

واحد من البلد دى يقول...

السلام عليكم

(فأخبرها أن للحب حسابات أخرى)

نعم..للحب حسابات أخرى

ولكن أحيانا تكون تلك الحسابات خاسرة

هذا إن تركها طرف فى يد الآخر..

فإذا كانت الحسابات من الطرفين...فليتحملا عواقبها أيا كانت..

دمتى مبدعة أستاذتنا

فى حفظ الله

Kiara يقول...

:)

الله يادودو مشاعر نقية مفعمه بالاحساسي رغم بساطتها

بحبك ووحشتيني اوووووووووووي

mohamed يقول...

ترمي كل الكتب والخبرات السابقة

كل اللي هي محتاجاه أنها تسيب نفسها وتثق في مشاعرها ساعتها هتحس بالسعادة
وهو كمان

just dream يقول...

ياااااه يااه بجد انتى صورتى حاله معينه بشكل رااااائع وجميل وسلس بجد ماشاء الله عليكى
بس زى ماانتى بتقولى لانك مجربتيش الحب الحقيقى ومتعرفيش بيكون عامل ازاى اصلا ولانك بتبحثى عن حياة مثاليه فاكيد فيه خوف لاتخاذ الخطوه وهى ترك مشاعرك تسبح فى عالم الحب الذى لانعلم عنه شيئا غير فى الكتب والقصص والافلام
لكن صدقينى لما بيكون فيه احترام اولا بيكون فيه الحب والمثاليه اللى بتتمنيها
بجد بوست اكثر من رائع

مدونة عرفة فاروق يقول...

السلام عليكم

يبدو أن زيت القص هنا ينسكب لا ينزل

قطرات

رائعة جدا أعجبنى كثيرا هذا ال...

ماذا اسميه ..امممممممم

الانفجار الشعورى لقنبلة الحب داخل
القلب

كل التحية

Ehab يقول...

دعاااااااااااء
اقولك ايه بس يا بنتي
دايما جميله كتبابتك هاديء هاديء وبعدين البحر يعلى بينا وتلاقي المشاعر جربت في جسمنا زي الكهربا لحد ما وش الواحد بيقشعر من الكلمات

زي شمعه بارده كانت هي ولما قرب منها بحبه كأنه عود كبريت بريء بس ملتهب
قرب منها اشعلها نورت وذابت عشقا
خيط في عروقها يشتعل من العشق والدفء والنور


تحياتي

سلاااااااااااااااااااااام
اخوكي ايهاب

زينب علي حبيب يقول...

مقدرتش اقول غير يااااااااه

حسييييييييت بالمشااااعر دي

برغم اني من فترة طوييييلة هجرت كل شي له علاقة بالرومانسية


كلمااااااات راااااااااائعة

و لقد...احبته..:)

رحاب صالح يقول...

يا سلام يا دودو
كلام جميل جدا
بس برضه في هناك حسابات اخري للحب
بس انا ناوية اخليها حسابات حلوة مش وحشة بيني وبينك يعني احنا نقدر اووي نخلي حياتنا احسن بارادتنا وطموحنا
اتمني لك الخير دايما

ahmed_k يقول...

فعلا معاكي حق
فللحب حسابات اخرى
فالحب يمحو الخطاء والهفوات لأن المحب لا يرى من حبيبه إلا كل ماهو إيجابي وقد لا يرى السلبيات
فالطبيعه خصوصا لو كانت غير عدوانيه هي أفضل ما يقدمه المحب لحبيبه

قصه جميله يا دعاء كعادة كل ما تكتبين

engy يقول...

بجد كلمات رائعهوعميقه لمستنى بطريقة جميله جدا اشكرك عليها

فكرة من الزمن ده يقول...

جميل اوي يادودو
وهو ده واقع كتير
انها تكون غير مقتنعة لاخر لحظة انها تعيش الحب او ان هناك من يحبها لنفسها فقط
لكن اطن ان دي مش مثالية
تحياتي

Unknown يقول...

تماماً كما تحلم البنات .. ايام هادئة وحب حقيقى تتوجه ابتسامة طفل..
قررت أن تتبع خطوات ثابته لينجح حبها
==
كلنا يتبع خارطة الطريق تلك حتى يصل لسعادة فى علاقته العاطفية ..

بجد عبرتي بحرفية عن كل واحد بيعيش قصة حب صادقة

تحياتي لإبداعك

دعاء مواجهات يقول...

أعتذر بشدة عن فترة الغياب
اشكر كل من مر وترك حرفاً

اشكركم جميعا..

دعاء.

دعاء مواجهات يقول...

ميرا

حبيبتى دام عليك الاحساس المرهف بكل ما يكتب هنا او فى اى مكان اخر

وحشانى اوى

دعاء مواجهات يقول...

احمد راضى


فاجمل شئ ان تكسر عواطفنا حدود سيف العقل القابع فوق رقاب مشاعرنا ..

اعجبنى تعبيرك بشدة
نورتنى

دعاء مواجهات يقول...

حور نور

استطيع ان اجزم على صدق كلامك بشدة ربما لانى اوقن بالإحساس الوجدانى بشدة
نورتينى .

دعاء مواجهات يقول...

فاتيما

الانسان الرقيق يرى كل من حوله كذلك وكذلك هو انتى

وحشاانى اوى

دعاء مواجهات يقول...

اكرم

لا بيأكل حلاوة ..

دعاء مواجهات يقول...

واحد من البلد دى

ربما يكون الأمر كما ذكرت ولكن القواعد فى مثل هذة الأمور لا مجال لها..

دعاء مواجهات يقول...

كيارا

انتى وحشاانى اكتر بكتير ياحبيبتى

اشكرك ع رايك

دعاء مواجهات يقول...

محمد

وهو دة بالظبط الى انا حبيت اقوله من كلامى

نورتنى

دعاء مواجهات يقول...

قول يارب

البطله ليس بالضرورى تكون انا ع فكرة

نورتى

دعاء مواجهات يقول...

عرفه فاروق

اشكرك ع رايك
اعتقد ان القصة عادية ويمكن اقل كمان

تحياتى ليك

دعاء مواجهات يقول...

الشنكوتى الجميل

هوبا اية بس الكلام الجامد دا احنا منقدرش ع الكلام الحلو دا كلو ياعمنا

نورت بجد مفتقداكم اوى

تحياتى

دعاء مواجهات يقول...

قطرة وفا

ليت التحكم فى مشاعرنا بأيدينا او بإمكاننا

اشكر رايك الجميل
نورتى

دعاء مواجهات يقول...

رحاب صالح

ياحبيبة قلبى احنا فعلا بنقول كة بس ساعة الجد مبنقدرش غير نسلم وبس للواقع ولأحكام اخرى..

نورتى

دعاء مواجهات يقول...

احمد قاسم

اشكرك على حسن الظن الذى اتمنى ان اكون استحقة بالفعل ...

تعرف انا كمان كنت متخيلة زيك كدة بس لاقيت ان قصص الحب بشكل عام بتمر بمراحل هبوط وارتفاع فية فعلا اوقات الحبيب مش بيشوف ف حبيبة الا كل شئ حلو بس فى اوقات تانية بيكون العكس تماما

تحياتى ليك
=================

انجى

اشكرك ياجميل ع رايك ويارب يكون كدة ديما

نورتى

دعاء مواجهات يقول...

فكرة من الزمن دة

اعتقد ياحبيبتى ان المثاليه اصبحت عمله مفقودة ف زمننا دة

نورتى

========
فتحى حمدالله

اشكرك ع رايك