السبت، فبراير 13، 2010

ســـــــاحــر ...




تعرف جيداً أنه ساحر يتلخص دورة بالحياة فى تحويل الأشياء من صورتها المعتادة الى صور أخرى أكثر ابهاراً وإمتاعاً للرائى .. تجذبها حركاته الرائعه وتسحرها تمتماته بكلمات غير معلومة وهمهمات أقرب للطلاسم منها لأى لغه أخرى ..

يمارس معها السحر على طريقته الخاصه يحيل حيرتها إلى استقرار وراحه ويقلب عصبيتها إلى هدوء واتزان

ألعابه التى يمارسها بتلقائيه تسمح لطاقات الإعجاب والدهشه بالتحول لنسمات هادئه رقيقه تخبرها أنها لن تستطيع أن تحيا دون وجودة فى حياتها .
تزعجها فكرة الحب من طرف واحد فتشرع فى رسم الخطط وإرسال رسائلها الخاصه إليه .. يستقبلها كأسرع مايمكن ويعترف بسذاجة عاشق انتظر اللحظة الحاسمة للإعلان عن حبه

تحبه كما لم تفعل من قبل .. لاشئ يستطيع إيقافها امام رغبتها فى أن يكون لها
عرفت كيف تورطه فى حبها وكيف تتملكه فتورطت هى.. لعبت معه ألعابه المعتادة وعرفت طريقها إليه بكل حرفيه

لا يكف عن التأكيد اللحظى لها أنه يحبها .. لا يخجل من ذلك ولا يعده عيباً .. الكلمة تسحرها وتسيطر على كافة حواسها كتأثير مخدر ترفض أن تفيق منه على حقيقة ضعفها أمامه ..

ضعفها معه لا يمثل لها أزمة بقدر ما يشكل ضعفه أمامها ..
أصبحت تخشى على ساحرها من الوقوع على خشبة المسرح تتمنى لو تلازمه فى أحلامه ليتقوى بوجودها معه على مواجهة العالم

تتمادى فى حبه ولا تدرك أنه كلما أحبها كلما اذداد ضعفه وقلت قدراته السحريه..
حين اكتشفت ذلك كان هو قد أدمن بقائها معه وبثها للقوة فى روحه ..

الآن ترغب فى الإبتعاد وتخشى عليه من لحظة سقوط لا يجدها جواره فيها
تقتلها الحيرة ويعذبها الحب ويسكنها هو رغماً عنها ..

هناك 16 تعليقًا:

صيدلانيه طالعه نازله يقول...

طيب انا بجد عايزه اسأل ليه بنحب و ليه بنعرف اللى قدامنا حبنا و نبقى عايزينه قوى وبعد ما حبيبنا يتشبع بينا

بنكره و نسيب
عارفه ان طبيعه البشر فيها عجايب بس القسوه اللى ساعات بتبقى فينا بتخلينى اخاف و استغرب

جميل قوى كلامك يا دعاء

انا ودماغي يقول...

طب ليه كدة!!

بالرغم من القسوة بس كالعادة كلام رائع

و عجبنى أوى دى

ضعفها معه لا يمثل لها أزمة بقدر ما يشكل ضعفه أمامها ..
أصبحت تخشى على ساحرها من الوقوع على خشبة المسرح تتمنى لو تلازمه فى أحلامه ليتقوى بوجودها معه على مواجهة العالم

حسيتها بتمثل الصراع أوى

كيكى عوووووو يقول...

مممممممم
فلسفة الحب!!!
وحشتينى اوى يا حجة انتى

Foxology يقول...

وهو الحب ضعف ؟؟؟

السؤال الفلسفى الأبدى :)

تحياتى

!!! عارفة ... مش عارف ليه يقول...

هابي فلانتين

كل عيد ساحر وانت طيبة :)

قهوة بالفانيليا - شيماء علي يقول...

انا باقلق من الحاجات اللي على وزن فاعل .. شاعر و ساحر و آسر و كل الكلام دة .. مابيطمنيش كدة ..!!
بصي يا دعاء ..
الرحيل ساعات كتير بيبقى فرض .. اذا تحول البقاء لذنب او لضياع او لأي حاجة مضرة مؤلمة .
مفيش حد بيموت من الحب .. :)

شفـقــة و إحســــان يقول...

ايه يا دودو انتى بتجيبى الكلام ده منين يا بنتى؟؟
ايوا يا عم الصحفى المغمور
البوست حلو اوى يا دعاء بس هو حب الراجل ضعف؟؟
طيب الهى يضعفهم كمان وكمان
وحشتينى يا دودو يا وحشة

freemoslema يقول...

السلام عليكم
نفس السؤال هل الحب ضعف؟
أسلوبك رائع

دعاء مواجهات يقول...

ارد على التعليقات غدا بإذن الله .

دعاء مواجهات يقول...
أزال المؤلف هذا التعليق.
دعاء مواجهات يقول...

صيدلانية

اولا بشكرك على رايك ف الكتابه

ثانيا انا منعتقدش ان اللى بيحب بجد ممكن يكره بمعنى الكلمة ولكن ممكن الظروف فعلا تدفعه للقسوة اذا كان فى حالة رد اعتبار او كرامة اما غير كدة معتقدش

انا عن نفسى اكتر حاجة بتألمنى القسوة

تحياتى ليكى..

دعاء مواجهات يقول...

انا ودماغى

تعليقك اسعدنى لان الجزء دة بيعتبر من اكتر الاجزاء احساس وانا بكتبه

نورتينى ..

دعاء مواجهات يقول...

كيكى

انتى شايفاها فلسفة خلاص تبقى فلسفه احنا منقدرش نكسرلك كلمة ابدااا

منورة يابت انتى كمان وحشانى ..

دعاء مواجهات يقول...

فوكس

الوقتى بس وبكل ثقة اقدر ارد واقول ان الحب اوقات كتير جدا من كتر صدقة ومن كتر رغبة الححبيب انو مبيعدش عن محبوبة اصبح ضعف حقيقى بكل ما تملك الكلمة من معانى

نورت يافوكس ياجميل ..

دعاء مواجهات يقول...

عارفه مش عارف ليه

عارف مهما كان ردك قصير ومقتضب وعلى فترات مش زى الاول بإستمرار الا انو بيدى الكومنتات شكل وطعم مختلف لما يحملة فى طياتة من معانى مختبئه

منورنى ياوليد باشا ..

دعاء مواجهات يقول...

قهوة بالفانيليا

بصى ياشيمو هو الكلام اسهل حاجة ف لاحياةا ما الافعال ... بتوقف على الشخصية وطريق التفكير نفسها واعتقد انك متفقة معايا ف كلامى ..