السبت، ديسمبر 19، 2009

مصريون ضد الحزن !!!






مبادرة مصريون ضد الحزن التى أطلقها مؤخرا الزميل الصحفى المتميز أحمد المسلمانى أثارت بداخلى العديد من المشاعر المتناقضه المنقسمة ما بين مؤيد للمبادرة ومعارض لها ..
أن يكون أحد أهدافك فى الحياه محو الحزن من القلوب فى ظل الضربات اليوميه المتتاليه من فساد ورشوة وقتل وعنف ساد المجتمع .. فهو شئ يجبرنا على الإنحناء لشخصك النبيل

أن تصادر حق الآخرين فى الإحساس بالحزن وخوض تجربة الألم والشفاء منه
شئ يعارض ذلك التابوه المقدس للحزن داخل قلبى ...

مصريون ضد الحزن

أتأمل العبارة مرات وأراجعها مرات ومرات فأتخيل أمامى الزجاج المقاوم للرصاص هل هو حقاً مقاوم له أم أنه خدعه قد يصمد أمام طلقه أو اثنتين وينهار أمام الثالثه ...

قد نقاوم الحزن مرة واثنين وثلاثه لكنه من المتوقع جداً أن ننهار أمام الرابعه أو حتى الخامسه الحزن ليس رصاص يطلق علينا فنستطيع تفاديه .. والبشر ليسوا زجاجاً قد ينهار بسهوله.. الحزن احساس مقدس
لا يستطيع أحد أن يتنازل عن الشعور به لسبب ما ..


هل يعقل أن يتحول البشر لأجساد تسير على الأرض دون قلوب تنبض داخلها وتدل على استمرار قابليتنا للإحساس بنشوة الفرحة وألم الحزن ..؟؟
هل يمكن أن نتحول بفعل الزمن لتماثيل من ملح فقدت القدرة على الحزن فيذيبها الفرح .. ويأتى عليها الغبار ..؟؟

هل نتحول لكائنات هشه .. خاوية من أدنى مصادر قوتنا ..؟؟

الحزن لدى مصدراً للقوة والإبداع .. والإصرار .. والإختلاف
الحزن دليل وجود وبرهان احساس


الحزن وحدة يشعرنا أننا مازلنا أحياء قادرين على الإحساس
الحزن هو الإحساس الوحيد الذى يأتى تلقائياً كرد فعل لما يحدث حولنا وما نتلقاه من ضربات القدر .. لا يحتاج مزيدا من التصنع أو الإستدعاء لنشعر به

الحزن كان البطل الأول للعديد من الإبداعات الأدبيه والقصص الأسطوريه

المصريون شعب عاطفى لا شك .. أبسط الأشياء تؤثر فيهم فتستفحل بداخلهم آثار الأحداث السيئة وتتفاقم وتتضاعف وتضعف من قدرتهم على مواجهة المزيد

الإحصائيات تقول بإرتفاع نسب الوفيات عن ضغط الدم والقلب بشكل متضاعف كل عام
الحزن يؤثر بالقلب ويرفع الضغط ...

الأخبار السيئه هى ما نتلقاه يومياً بشكل متزايد فقط .. غابت مصطلحات الفرحه من نشرات الأخبار وعناوين الصحف الكارثيه...

أرى أنه:
اذا ما استطعنا خلق جيل من المصريون المضادون للحزن يجب علينا أولاً إيجاد أجيال مضادة للفقر وأخرى مقاومة للفشل وثالثه لا يؤثر فيها الظلم
جميعها أبواب للحزن .. ان استطعنا غلقها أولاً يمكننا القول بإمكانية مقاومة الحزن
الحزن ليس أنفلونزا .. يمكننا القضاء عليها بغسل اليدين جيداً ..

عزيزى المسلمانى

الحزن عمله ذو وجهان وأبواب عديدة...

فلنبقى على الحزن الجميل الذى يدفعنا لنكون أفضل نتحدى الواقع فنسعى لتغييرة
ولندمر ذلك الحزن القاتل الذى يذهب بنا للهلاك ...

هناك 23 تعليقًا:

فكرة من الزمن ده يقول...

ازيك يادودووحشتيني
شوفي انا فاهمة انتي عايزة تقولي ايه
لكن كمان الحزن اللي يقصده اكيدالاحباط و الحزن المزمن اللي بقى حالة شبه وبائية عندنا بعد مكان الشعب المصري من اخف الشعوب دم
بقى ملامح الحزن راسمة خطوطها على وشوش الشباب قبل الشياب
ربنا يزيل حزننا
تحياتي

د. إيمان مكاوي يقول...

عام هجري سعيد عليكم وعلى الأمة الإسلامية جميعها
عام يحدوه أمل جديد
ونسال الله عز وجل أن يكون عام نصرة للإسلام
تحياتي

Foxology يقول...

لولا مرارة الحزن ما عرفنا طعم الفرح !

تحياتى على البوست الجميلة :)

صيدلانيه طالعه نازله يقول...

و الله يا دودو مش عارفه اقول ايه
اصل الحزن بقى بالنسبه للمصريين دستور حياه من كتر اللى بيحصلنا
وعشان كده بنتعلق باى حاجه تفرحنا حتى لو كانت ماتش كوره
دعوه الراجل تستحق الاحترام و كلامك انتى برضه صح
الحزن برضه بيدى دفعه لبعض الناس انها تندفع للامام
كل سنه و انتى طيبه

اقصوصه يقول...

والله المبادره جدا جميله :)

الميكروباص يقول...

لله انا شايف ان على الرغم من الكوارث التي تمر بنا إلا اننا بنعرف نبسط روحنا ولو بأقل شيء
كان هناك تقرير صدر في البحرين قرأته منذ أكثر من خمس سنوات
كانوا بيتعجبوا فيه من ان الشعب المصري يستخدم النكات والقفشات أثناء القوانين الغريبه والفجائية التي تطبق عليه
وده فعلا أمر واقع

mimi يقول...

عن تجربة شخصية
كنت مرافقة لوفد من سوريا
كلهم بيعشقوا عبد الناصر والأسد

سألوني سؤال .. ليه كل المصريين ضاعت منهم روح الفكاهة ..
كان زمان المصري فرفوش ، حبوب

دلوقتي هتجيله منين الفرفشة ؟؟

لا يمكن نكون مصريين إلا بالحزن

تحياتي

محمود البدري يقول...

عام هجري سعيد

مش عارف اقولك ايه بس انهي حزن ده اللي هنشيله من حياتنا
الحزن علي الشباب اللي راح هدر ولا الحزن علي الفساد ولا الحزن علي البلد اللي اتباعت ولا الحزن علي الحاكم الفاسد ولا الحزن علي الدين المجروح ولا الحزن علي الكرامه ولا الحزن علي الاقصي ولا ولا ولا ولا ولا ولا ولا

يا ريت تقوليلي

!!! عارفة ... مش عارف ليه يقول...

افتكر إن الحزن كان سبب وفاة العالم الجليل أحمد مستجير لما تأثر بما شاهدة في نشرات الأخبار لما كانت إسرائيل تسحق جنوب لبنان في حرب بربرية نازية

وافتكر إن الحزن ده هو السبب اللي أوجد الشيخ إمام وأحمد فؤاد نجم

لما تسبب حزنهم بعد هزيمة 67 في إنهم يفجروا حزنهم ده في صورة أشعار وأغاني كانت إفراز طبيعي للنكسة

ونفس الحزن ده هو السبب في إن يوسف شاهين يختلف سينمائياً عن ما قبل النكسة وما بعدهاوأصبحت تجربته بعدها أكثر ثراءً وعمقاً

ونفس الحزن ظهر مرة تانية إنما بصورة سلبيه مش إيجابية لما خلى صلاح جاهين يهيس ويعمل فيلم خلي بالك من زوزو واللي حقق رقم قياسي في أسابيع العرض بدور السينما وزي ما تقولي الناس كلها كانت حزينة ومحتاجة تهيس مع زوزو ألمظية

على أي حال افتكر أن المبادرة دي بإننا ناخد "أنتي بيوتك" للحزن

ده في حد ذاته مش هيمنع مسببات الحزن من حدوثها

وأخيراً اختم كلامي علشان حاسس إني طولت اووووووووي

افتكر إن لحظة الحزن اللي بنحسها دي ... هي نقطة الصفر

اللي ممكن ننطلق منها لإزالة أسباب الحزن

ودمتم

Tears يقول...

جميل جدا و لكن كل ما حولنا يدعو للحزن...زمان قال مصطفى كامل لا حياة مع اليأس و لا يأس مع الحياة و لكن من اهم انجازات مبارك انه اصبحت هناك حياة مع اليأس

Ehab يقول...

دودوووو

اخبارك ايه
متشكر على تهنئتك ولو اني كنت اتمنى تحضري وتنوريني
عموما تتعوض في فرحك بقى ان شاء الله

ربنا يسعد ايامك

سلااااااااااااااااااااام
اخوكي ايهاب

دعاء مواجهات يقول...

فكرة من الزمن دة

بالظبط ياحبيبتى اصبح الحزن مرض مزمن لا منة نستطيع الشفاء
لكنة ضرورة للحياة

دعاء مواجهات يقول...

د: ايمان مكاوى

وانتى بخير دائما
تقبل الله دعوتك

تحياتى

=======

فوكس

ولولا تعليقاتك وردودك المستمرة ما عرفت معنى النجاح ..

دعاء مواجهات يقول...

صيدلانية

وانتى طيبة وبخير ديما
وفعلا الحزن دستور المصريين

======

اقصوصة

فعلا اتمنى ان تتم محاكاتها فى اكثر من مجال

دعاء مواجهات يقول...

لورنس

مهو خفة دمهم دا سر بقائهم

تحياتى ليك

دعاء مواجهات يقول...

ميمى

هو اكيدمش المصرى بس اللى بيحزن ولكن مذاق الحزن وتأثيراته تختلف بالطبع لدينا ...

دعاء مواجهات يقول...

واحد من الناس

اعتقد انك لم تقرأ البوست

دعاء مواجهات يقول...

عارفة مش ععارف ليه

استمتعت جدا بتحليلك المتميز كالعادة

وزى ما قولت بالظبط ان الحزن يعطينا الطاقة لإزالة مسبباته

اشكرك بقوة

دعاء مواجهات يقول...

دموع

كلمة جميلة وم الآااخر

تحياتى ليكى

دعاء مواجهات يقول...

الشنكوتى

انا فعلا كنت ناوية اجى بس الأمر التبس عليا ومعرفتش اليوم بالظبط

انت تستاهل كل خير بجد

ربنا يهينك

واتمنى فعلا فعلا انها تتعوض ف فرحى..

محمود البدري يقول...

بعد التحيه

انا والله قريت البوست ووكلامي اكيد موجه للصحفي أحمد المسلمانى
مش نقد لكلامك

sal يقول...

""فلنبقى على الحزن الجميل الذى يدفعنا لنكون أفضل نتحدى الواقع فنسعى لتغييرة
ولندمر ذلك الحزن القاتل الذى يذهب بنا للهلاك ...""
كده صححححححححححححح

دعاء مواجهات يقول...

واحد من الناس

اصل الكومنت كان بيدل ان الكلام متقراش
عموما حصل خير

=======
سال

اهلا بيك فى مدونتى

تحياتى