السبت، يوليو 25، 2009

أنا لية بكتب ..؟؟




أنا ليه بكتب ؟؟؟

سؤال تملكنى فوجدت الإجابة تنساب منى كما يلى :

أكتب لأفرغ شحنات الحزن والغضب والكآبه

أكتب لأفرغ شحنات الحب والعشق و الطاقة الإيجابيه

أكتب لأستطيع تحمل المزيد من سفالات البشر

أكتب لأستطيع مسايرة عالم من الخواء والزيف

أكتب لأكشف عن براعتى وامكانياتى فى وصف الآخر وتحليل ما يجرى حولى من أحداث

أكتب ليتعمق شعورى بالغرور

أكتب لأن الورقة تظل الكائن الوحيد الذى لا يمل كآباتك ولحظات ثورتك وألمك وسكاتك وتبقى الكتابه الفعل الوحيد الذى لا يمل تكرار الحدوث

أكتب لأننا أصبحنا فى عالم لا يصغى فيه أحدهم لما تقول

أكتب فى عالم تحول فية الكلام لدرب من الهراء والعبث

أكتب حتى لا أرتكب مزيداً من الجرائم

أكتب فى محاولة منى للبعد عن أفكار الإنتحار

أكتب لأحيل الكراهيه إلى حب والسوء إلى جمال

أكتب لأن هناك غالباً من ينتظر كتاباتى

أكتب فى محاولة للإبقاء على شئ وحيد جميل فى الحياة

أكتب لأسمح لجنونى بالإنطلاق خارج حيز عقلى

أكتب بحثاً لا يمــل عن من يشاركنى هذيانى

أكتب لأحارب قسوة الزمن وبرودة الأيام

أكتب لقتل إحساس ما يسمى بالندم

أكتب لإستعادة أشيائى الجميلات التى يصر الزمن على إبعادى عنها

أكتب لأمدنى بشحنات من الطاقة والقوة

أكتب لأنى أعشق لحظات الإعتراف وإفراغ مكنوناتى بالحروف

أكتب ليبقى هناك أثر ما ودليل حى على مرورى بهذة الحياة

أكتب ليذكروننى بعد الموت

أكتب ليقرأ كل من أحببتهم كلماتى ويروا أنفسهم دون رتوش بين سطورى

أكتب ليدركوا مقدار أخطائهم فى حقى

أكتب لأستطيع مسامحتهم على كل ما فعلوا

أكتب لأن الكتابه أعادت اكتشافى لنفسى من جديد وأخرجت منى مالم أكن أتخيل

أكتب لأمنع أفكارى من الهروب

أكتب لأؤكد دومــاً أن مازلت أسير على الطريق السليم

أكتب لأواجة قهرى وأرد عليهم جميعاً

أكتب لأنه غالباً لا يوجد من أستطيع التحدث إلية وكأنى أحادث نفسى فى المرآة

أكتب لأن كثيراً منهم قد رحلوا أهديهم قدراً من الحروف والكلمات لعلها تصلهم بسلام

أكتب لأبرهن لنفسى أنى لازلت على وجة الحياة

أكتب لأنها دوما ما تصل بى للأفضل

إيجازاً أكتــــــب لأتــنـــفـــس ....

هناك 37 تعليقًا:

ريمان ونوسه فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

عاشقة الأحزان يقول...

تعرفى بجد الكتابه دى بتريح قووى يمكن صحيح محدش هيقدر يفهمك غير قلمك وورقتك انا كنت كتبت بوست من فتره بسيط اسمه فضفضة ايناس

برتاح قووى لما بكتب وبلاقى نفسى قوووى

ربنا يبعد عنك الحزن

تحياتى

وطلعنا اول تعليق احنا وهاكونا مطاطا

ايناس

adel يقول...

معظمنا زيك

و انا للاسف مرة فكرت و سيبت الكتابة نهائيا لفترة بس جالي اكتئاب غطي علي مشاكلي اللي خليتني اساسا اكتب

الكتابة هي المنفذ الوحيد لنا

mohamed ghalia يقول...

عشان كده إحنا بنكتب
بالتوفيق دايما

ليس فقيرا من يحب يقول...

السلام عليكم

اكتب لاتنفس كفيتى ووفيتى

تقبلى تحياتى

انا ودماغي يقول...

الله

انتى فعلا جبتى تقريبا كل الاسباب اللى تخلى الواحد يكتبو يقول كل اللى عايزه

بوست تحفة اهنيكى عليه بجد

كيــــــــــــارا يقول...

جبتي الخلاصة اكتب لاتنفس
الله عليكي يادودو

نعكشة يقول...

http://hagat-keda.blogspot.com/2009/03/thats-why-i-write.html

ممكن تبصي عالبوست دة
>>>>>>>>>>>>

معنديش كلام غير إني بحب أقرا اللي بتكتبيه

فعلاً

إني أصدقكِ القول

سلام عليكِ

نعكشة يقول...

بحب أقراه عشان ساعات بشوفني
عشان ساعات بتلمسيني
عشان ساعات بتعيشيني حاجة عمري ما عشتها
وساعات بتعيشيني حاجات نفسي فيها
وساعات بتعيشيني لحظة فاتت من حياتي و افتكرت إني نسيتها و اكتشفت انها محفورة جوة بعيد قوي بس محفورة
بحب اقراه عشان بتجيب احاسيس مش بعرف اوصفها
وبتجيبي كلام مش بعرف أقولوا
مش هوهمك إنك رهيبة و بتاع بس كل إنسان متميز و فريد في حتت معينة
بحب اقرا كلامك عشان بجب اشوف الناس التانية مش بس أنا
مع إني للأسف لما ببص للمراية بكتشف إني مش بعرف أشوف غير أنا مش كاملة
أنا صورة مشوشة
بحس ساعات انك بتملكي الكلام
وساعات بحس إن كلامك عادي وممكن أي حد يكتبه و مجبتيش جديد يعني
يلا خير

تسلم إيدك على كل كلمة شوفتك فيها

سلام عليكِ

*البت المشمشية *حلوة بس شقية * يقول...

كلنا بجد بكتب عشان نتنفس عشان مبقاش فيه هوا

خالد فوده - Khaled fouda يقول...
أزال المؤلف هذا التعليق.
خالد فوده - Khaled fouda يقول...

اااااااه .. المدونه من أوائل المدونات اللي دخلتها في بدايه التدوين
ارجوا ان حضرتك تكوني فاكراني

*************************
موضوع في غايه الروووووعه

بس يعني ايه أكتب ليتعمق شعورى بالغرور

فكرة من الزمن ده يقول...

دودووووو
انتي بتكتبي علشان احنا نقرا
ونتعرف عليكي اكتر واكتر وعلى عقلك
وعلشان تبقي بينا وماتغيبي عنا وتوحشينا
تحياتي

Foxology يقول...

أكتب لأن الورقة تظل الكائن الوحيد الذى لا يمل كآباتك ولحظات ثورتك وألمك وسكاتك وتبقى الكتابه الفعل الوحيد الذى لا يمل تكرار الحدوث


هى دى الأجابة المثالية :)

تحياتى

Lady E يقول...

وانا كمان بكتب علشان كل ده بس انتي عبرتي عن الأسباب اللي بتخليكي تكتبي بصورة ممتازة

تسلم ايدك

أبو العريف يقول...

تصدقي انا عمري ما سألت نفسي السؤال ده

مع اني مش بكتب اوي يعني
بس لقيت اني ممكن اغش اجاباتك بالنص
وانجح



تحياتي

احساس طفلة محبة للرومانسية بس واقعية يقول...

عارفة فى اسباب عندك مستنى جدا
واكيد فى اسباب اخرى مست ناس تانية
بس اخيرا كلها تجمعت فيكى وخارجة منك

دمتى بأسلوب مميز
تقبلى مرورى

دعاء مواجهات يقول...

هاكونا مطاطا

مش اعلان بورد هنا على فكرة

...

دعاء مواجهات يقول...

ايناس

فعلا الراحة اللى بتحدثها الكتابة لا تتكرر مع سواها

تحياتى ليكى نورتى

دعاء مواجهات يقول...

عادل

فعلا ياعادل هى لامتنفس والملجأ انا مش عارفة لوا نا مكونتش بكتب كنت ممكن اعمل اية اتنى ف حياتى بجد

منور يامعلم

دعاء مواجهات يقول...

محمد غالية

وعلشان كدة هنقدر نستمر

منور

دعاء مواجهات يقول...

ليس فقيرا من يحب

اكيد وهو التنفس دة بقى امر سهل ف حياتنا

اتمنى لك تنفسا طبيعيا

تحياتى وودى

دعاء مواجهات يقول...

انا ودماغى

بل تهنئ القلم وليست انا

فوحدة من يستطيع تحريضى بقوة

تحياتى

دعاء مواجهات يقول...

كيارا

وحشاانى اوى انتى فينك؟؟

منورانى

دعاء مواجهات يقول...

نعكشة

انا قرأت البوست بتاعك فعلا جميل اوى وبيضيف كتير لكتابتى دى
اكتر حاجة شدتنى فية


I want to see
I want to be seen
I want to face my blindness


انتى مش حد ووحش زى ما بتدعى على فكرة

بجد انا حزينة اوى ازاى تكونى موقنة بكل الكلام والافكار دى عن الكتابة وتتوقفى عنها وتقفلى المدونة

بجد لازم تفكرى كويس وتراجعى افكارك
انا كمان بحب اقرأ كلماتك وبتمسنى وبحسها فيها بنور جميل كلنا بنحتاجة

وبجد انا مش لاقية رد على كل الكلام الجميل اللى بتوصفى بية كتابتى لانى عارفة انك مش بتجاملى فأنا كمان مش هجامل وأرد

رد واحد

فكرى كويس ..

تحياتى ودعواتى لكى بالراحة والهدوء

دعاء مواجهات يقول...

البت المشمشية

وعلشان كمان مبقاش فية

اى وسيلة تانية غيرها

تحياتى وحبى

دعاء مواجهات يقول...

خالد فودة

اتذكر اسم حضرتك فعلا

الكلمة معناها انى بكون مغرورة بكونى حد مختلف ومتفرد ودة بيتأكدلى من التعليقات على كلامى وبالتالى بحب اكون مغرورة بحب الناس واقتناعهم بموهبتى

تحياتى ليك

دعاء مواجهات يقول...

فكرة من الزمن دة

اكيد لانى لما بغيب عنكم بحس بفقد مش عادى وانا معاكم بمارس حياة موارزية محتاجاها اوى فى حياتى

تحياتى وحبى

دعاء مواجهات يقول...

فوكس

نجحت ف الامتحان يعنى
طب تدينى كام ..؟؟

منور ياجميل

دعاء مواجهات يقول...

ليدى

وشهادتك ليا اهم بكتير من اى حاجة تانية لان دة معناه انى بعبر عن ناس تانية الاحساس دة عندى مهم اوى لإبقائى حية

نورتى

دعاء مواجهات يقول...

أبو العريف

الغش مش بينجح حد على فكرة لازم تكون انت انت مش حد تانى

منور ياكبير

دعاء مواجهات يقول...

احساس طفلة محبة لرومانسية

جميعنا مرايا منعكسة على بعضنا البعض

نورتينى

نعكشة يقول...

ما قولتش إني هتوقف عن الكتابة

أنا قولت هقفل المدونة
و قولت محتاجة الدعاء
وقولت تسلم لكل حد اتعلمت منه حاجة

لم أذكر أني سأتوقف عن الكتابة
فكيف لي أن أتوقف عنها و لم يعد لي غيرها

الفكرة فيه ظروف تمنعني من الكتابة في هذه المدونة التي أدين لها بشيء لا أعلم إن كان كثير أو قليل

تسلمي على رأيك هذا

سلام عليكِ

دعاء مواجهات يقول...

نعكشة

خلاص يابنتى انتى زعلتى ولا اية

ربنا معاكى ويعينك ويقويكى ويحميكى وبردو مبحبش انك تقفلى مدونتك خليها ولو لمجرد الذكرى وبلاش تكتبى فيها وبلغينى بمدونتك الجديدة

بيس ياقمر

نعكشة يقول...

رفم إني مزعلتش - عادي يعني- انا كنت اوضح فقط

بس أوك

ربنا ييسر
تسلمى على الدعوة
وتسلمي على السؤال من قبل

سلام عليكِ

دعاء مواجهات يقول...

ماشى يانعكوشة

يارب ديما تكونى زى الفل

camera_girl يقول...

جميييييييييييييييييييييلة اوىىىىىىى