السبت، مايو 02، 2009

أزعم أنى ....





أزعم أنى
اقوى نساء الأرض

أزعم أنى امرأة ً
بلا قلب

أزعم كونى
أقوى من أقوى
لحظات القهر

أزعم أنى أسير فى درب
أمتلك خطاه وأعرفه

أحتفظ بعقلى
كى أنسى ما كان
فى يوم ٍ أحلاماً

أزعم أنى أقوى
من كل الأحلام

أقدر على تفسير الآتى
ومحو الآلام

أزعم أن الحب خيوطا
من نسج الأوهام

أزعم مقدرتى على
تمزيق القلب
ومحو ما يُصدر من دقات

أزعم أن حياتى
ملحمة ً من نجاحات

أزعم أن الغد آتى
وأدرك أنه محض هراءات

أزعم هذا وأزعم ذاك
وأوقن أنى
أضعف مخلوق ٍ
فى الكون ...

هناك 47 تعليقًا:

adel يقول...

ازعم ان هذا من اجمل ما قرات

و اديني بقول ازعم

ههههههههههه

بجد حلوة جدا جدا و التعبيرات لذيذة

Nasimlibya `√ يقول...

التعليق الثاني



دعاء يا حبوبة لي عودة

يا ارق قلم بين الاقلام

Nasimlibya `√ يقول...

انتي اضعف من ان تصدي المحبة

توصدي ابواب الخير

اقوي من الشرور


نفسك عالية بحيث تكون ادراجتك حلوة بهذا الشكل


بجد خليتي في نفسي اسئلة كثيرة

:)

نعكشة يقول...

ساعات بتعتريني هذه اللحظات

كان زمان يعني

بس مكنتش عارفة إني ضعيفة قوي كدة

يعني قبل كام سنة

كنت فاكرة إني و إني

بس اكتشفت الحقيقة المرة

هوه أنا مش أضعف مخلوق

عارفة الناس اللي هما زي قليل الحيلة كدة

بيقول هعمل و هعمل و يحس إنه مش قادر يعمل حاجة

و هقدر اقاوم و حركات
و اول ما يواجة الازمة يطب ساكت

هييييييييييه

دنيا

بس لازالت هذه اللحظات تعتريني بشكل أو بآخر

سلام عليكِ

قلب ارهقته الاحلام يقول...

أزعم أنني مثلك ولكن تهزمني دمعة

تظل حبيسة فقط في عيني

دعاء جميل ماكتبتي لاتحرمينا اياه

تحياتي لكي ,,,

Lobna Ahmed Nour يقول...

لا بأس في قليل من الادعاء يا دعاء

جميل اننا نحسس نفسنا بالقوة حتى لو كنا ضعاف

يمكن ده كتير بيقوينا بجد

تحياتي

سوبيا يقول...

جميلة اوي يا دودو


بس احب اقولك

مش زعم
تقدري
تكوني وتحققي
كل اللي انتي عايزاه
بس خلي نفسك طويل

الفراشة الصغيرة يقول...

أزعم هذا وأزعم ذاك
وأوقن أنى
أضعف مخلوق ٍ
فى الكون ...

عجبتنى قوى الحته دى
يا دعاء

يسلم ايدك
وقلمك كمان

ادم المصرى يقول...

كلام جميل جدا انا بقالى زمن مدخلتش مدونتك بس بجد مدونتك وحشتنى و جيت لقتها ذى العاده كلها كديد فى جديد ومتميزه ذى منتى

Foxology يقول...

عارف انا العناد ده دايما بنقول عكس محنا عارفين الحقيقة بس ليه ؟ مش عارف يمكن محاولة للتغيير ولا محاولة للأنكار ؟

جميلة القصيدة

تحياتى :)

!!! عارفة ... مش عارف ليه يقول...

كالعادة دعاء هي دعاء

دوماً النهايات لديك

صادمة ومفاجأة وقوية

تترك صداها في النفس طويلاً


---------------
شكراً جزيلاً على كلامتك الرقيقة

والتي كان لوقعها بالغ الأثر

وشغلي هو I.T وهو بعيد كل البعد عن الهواية مع الأسف الشديد

لكن في الفترة الأخيرة والحمد لله
نشر لي عدة موضوعات في النقد السينمائي في صحيفة "الوسط" الكويتية وعلى موقع "محيط"

خالص تقديري وتحياتي
وليد

ماء تشرين يقول...

جميله تلك الكلمات
كما هو جميل كبريائنا
عندما يصور لنا اشياء واشياء
وجميل اكثر ان ندرك الحقيقه

تقبلى مرورى سيدتى الجميله

just dream يقول...

أزعم أن الحب خيوطا
من نسج الأوهام

أزعم مقدرتى على
تمزيق القلب
ومحو ما يُصدر من دقات
ايه الكلام الحلو اوى ده بجد رااائع بحييكى عليه

فكرة من الزمن ده يقول...

اتفق معاكي اننا كثيرا ما نتجبر ونزعم وننسى اننا مخلوقات ضعيفة واضغف من حركة لسان
وجميل تحجيم النفس باشعارها ببضعفها والتذكير الضمني بالخضوع للخالق
وازعم ايضا انك ارق من ان تستطيعي تمزيق قلب عصفورة
تحياتي وايه اخبار الاحلام
موبايلات بقى ههههه

نعكشة يقول...

ربنا يهون عليكِ
و يصلح حالك و يروق بالك
آمين

شمس النهار يقول...

جميله جميله جدا
علي فكره فكرتني بنفسي خالص
عامله قويه وانا اضعف من الضعف نفسه
تسلم ايدك يادودو

حماده زيدان يقول...

جروب جريدة الصباح العربي بيت المدّونين العربي
http://www.facebook.com/home.php#/group.php?gid=78080770039

احساس طفلة محبة للرومانسية بس واقعية يقول...

كثير بنحاول نقول لنفسنا كلام غير اللى هى حساه او مقتنعة بية

ساعات بننجح ونقنعها اقناع مؤقت وغالبا بنفشل

وبنرجع نعترف بالحقيقة دون زعم
فى محاولة لنكون اكثر صراحة وقدرة على مواجة النفس

تعبيرك عن الحالة دى رائع جدا
تقبلى مرورى

momken يقول...

مصدقك يا دعاء

ازعم انك صادقه فى كل ما تقولين

وازعم انى استمتعت جدا باطرتاف حديثك
الشيق جدا


تحياتى

حسن حنفى يقول...

جميله

مع انه يبقي مجرد زعم

:d

thunder يقول...

ههههههههههههههههههه اية كام الزعامت دى كان فاضلك اتنين وتاخدى كرسى الرياسة هدية هههههههههههه
اولا البوست جميل جدا جدااااااا
لانه فيه من الكبرياء ما يوحى بقدراتك على الموجهات زى اسم المدونة كدا
لكن الزعامة ليست ادعاء لان الدعاء بيكون بشئ ليس موجود فى الشخصية انما كلمة ازعم هنا حسايتها وكانها مجتمعت الاركان وتهزك من جواكى بجد والله لان فيها كبرياء عالى اوى
وخصوصا فى المقاطع

أزعم كونى
أقوى من أقوى
لحظات القهر

أزعم أنى أسير فى درب
أمتلك خطاه وأعرفه

أحتفظ بعقلى
كى أنسى ما كان
فى يوم ٍ أحلاماً

أزعم أنى أقوى
من كل الأحلام

أقدر على تفسير الآتى
ومحو الآلام

بجد البوست دا جميل جدا ادم الله الابداع عليك
دمت بكل ما تحبى وفى رعاية الله دائما وسعيد جداااا بمرورك عندى

أحساس لسه حى...كلام من جوه روح لكل روح يقول...

عزيزتى

كلنا بنزعم وربما نحس باشياء كثيرة

لاكننا فى لحظات الضعف والالم والوجع

تعرف حقيقة ما نزعمه وما نحسه


والانسان اضعف مخلوقات الارض

لاكنه لا يعرف ذلك


الكلمات حلوة والفكرة حلوة اوى بفكر اقتبسها

تحياتى

سلام

حماده زيدان يقول...

دعاء باشا

أخبااااااااااااااارك

الجروب الرسمي لجريدة الصباح العربي بيت المدّونين العرب
http://www.facebook.com/group.php?gid=78080770039

دعاء مواجهات يقول...

عادل

بجد كلماتك شرف كبير ليا اتمنى اكون استحقة


ديما منورنى

دعاء مواجهات يقول...

نسيم ليبيا

الصديقة المتميزة

اشكرك على الكلمات دى فعلا مفيش كلمات ترد على روعتك

منورانى

دعاء مواجهات يقول...

نعكشة

كلنا لها ياحبيبة قلبى ..

ههههههههههههههههههه

دعاء مواجهات يقول...

قلب ارهقته الأحلام

اشكر رقتك هذة ولكن الاحلام لا ترهق ربما تجعلنا نحيا اكثر من حياة لكنها ابدا لا تسرقها منا

تحياتى لكى

دعاء مواجهات يقول...

يونيك

صح كلامك هو دا بالظبط اللى عاوزة اوصله

نورتنى

دعاء مواجهات يقول...

سوبيا

مهو بنفضل نقول طويل طويل لحد ما بيقطع لوحدة

مش ديما كل شئ بيكون ف ايدنا ..

نورتى

دعاء مواجهات يقول...

الفراشة الصغيرة

وهذا هو قمة الاحساس لان هو دة هدف القصيدة كلها ان جاز تسميتها بذلك

تحياتى ومودتى

دعاء مواجهات يقول...

ادم المصرى

مهى المدونة كمان وجعالى دماغى وعماله تقوللى ادم فين ادم فين

هههههههههههههههههههه

نورت مكانك كعادتك السابقة

تحياتى..

دعاء مواجهات يقول...

فوكس

الاعتراف اصعب الحالات واعتقد انها بتكون محاولة للتغيير والتظاهر بالقوة علها تجدى وتصبح واقع

نورت

دعاء مواجهات يقول...

عارفه مش عارف ليه

وكالعادة وليد هو وليد

يدهشنى بكلماته وفهمه لما أقول ووصوله لذورة الهدف من الكتابه .. حالة جميلة استشعرها حين اقرأ تعليقاتك فهى عندى ليست مجرد تعليق على كلمات اكتبها.. بل انى اعدها مكملا لما كتبت

فلا تحرمنى اياها

تحياتى ومودتى..

دعاء مواجهات يقول...

وليد

نسيت اقولك الف مبروك ع النشر وياريت لو اتنشر حاجة جديدة تبلغنى علشان اتابع اوك

بيس

دعاء مواجهات يقول...

ماء تشرين

يذكرنى اسمك دوما بالجميلة فيروز لا ادرى لماذا ربما لان احد اغانيها تتضممن هذة الكلمة

جميل حقا ان ندرك الحقيقة والاجمل ان ندركها ف الوقت المناسب ..

تحياتى

دعاء مواجهات يقول...

وكيلة النيابه

اشكرك ياجميل

منوراانى

دعاء مواجهات يقول...

فكرة من الزمن دة

هههههههههههههههههههههههه
بجد حصل زى ما قولتلك

حتى صحيت يوميها فاكرة اوى

سلام ياقمر ..

دعاء مواجهات يقول...

نعكشة

ربنا يخليكى يارب ويتقبل دعائك الجميل ولكى المثل

اشكرك بجد من قلبى

دعاء مواجهات يقول...

شمس النهار

غالبا

كلنا هذا الرجل ..

وحشاانى اوى بجد اتمنى تعذرينى ..

دعاء مواجهات يقول...

احساس طفلة محبة للرومانسية بس واقعيه

هو فعلا ممكن نحب الرومانسية ونكون واقعيين ف نفس الوقت ؟؟

سؤال عشت كتير ادور على اجابة الاقيها عندك ؟؟

سلامى

دعاء مواجهات يقول...

ممكن

اشكرك على الفهم الجميل للكلمات

نورت

دعاء مواجهات يقول...

حسن حنفى

احيان يحمل الزعم بين طياته معان كثيرة

نورت

دعاء مواجهات يقول...

thundr

تحليلك اعجبنى جدا ربما لانه يحمل الكثير من الحقيقة

اعجبنى اكثر ان الكلمات اعجيتك

التواصل يسعدنى

تحياتى

دعاء مواجهات يقول...

احساس لسة هى

بتفكر بدون اذن كدة ولا لتاع سايبه هى

هههههههههههههههههههه

لما تقتبسها ابقى وريهالى

بيس

دعاء مواجهات يقول...

حمادة

انت عرفت اسمى الحركى منين ؟؟

بيس

دعاء مواجهات يقول...

اقوم بالرد على باقى البوستات لاحقا

ارجو المعذرة

تحياتى لجميعكم

الصعيدى / عبد الناصر الثانى يقول...

لاول مرة (مش عارف اقول ايه )بصدق لا تتخيلى كم الافكار التى تدور فى ذهنى الان من جميع النواحى ليس حول القصيدة ولكن حول الشخصية التى كتبت القصيدة ،اهم تعليق اعجبنى تعليق THUNDERربما هو الوحيد الذى استطاع ان يخترق جزء منكى ولم يستطع ان يخترقكى كليا ولكن الحمد لله استطيع اختراقك كليا وبكل سهولة لان تللك الشخصية اعرفها جيدا منذ زمن بعيد وابحث عنها ايضا على الرغم من اننى لم اعلم عنكى اى شى حتى الان ولم اقرا لكى الا تللك القصيدة اليوم المعبرة عن قوة شخصيتك والعقلانية الكبيرة التى تقود صاحبها دائما الى الرئاسة ،وربما ابعد من ذلك ،والذى لا يتوافر فى مجتمعنا العربى بصفة عامة ،والمصرى بصفة خاصة ، الا بنسبة واحدة لكل مليون امراة ، ودليلى على اختراقك كليا .سوال واحد فقط .
*ما هو قمة طموحك فى الحياه ؟
*ما هى اهدافك فى الحياه ؟
*بماذا تحلمين ،نفسك فى ايه ؟
بصدق وامانة وسرية شديدة جدا ،وشوق ساستقبل كلمات الاجابة على تللك الاسئلة المهمة جدا بالنسبة لى من جميع الجوانب والجهات .
وهذه هى اول مرة اكتب فيها لامراة تللك الكلمات واتمنى ان لا تتاخرى فى ردك .واسف على طول التعليق .
الصعيدى / عبد الناصر الثانى