الجمعة، مارس 13، 2009

أبشع أخطاؤنا...))

==============================================




نرتكب أبشع أخطائنا حين نقرر أن نرتكب فعل الكتابة دون أن نكون أهل
لذلك يخيل لنا أن الكتابه أمر يتحتم علينا تجربته لمجرد أن الكثيرين يقومون

به يتفتق لأذهاننا أنة لابد أن نقوم بالكتابة تقليدا للمحيطن بنا ... حينها نكون حقا ً قد ارتكبنا خطأ ً كبيرا لا يسهل على البعض غفرانه لنا..

فقد اخترقنا مساحة ليست من حقنا وحاولنا أن نحيا دورا ً غير ذلك الذى قدر لنا أن نحياه ..

فلسنا كتابا ً بالفطرة .. وليس جميعنا موهوب فى الكتابه .. بل وقد يخطئ الكثيرين أخطاء ً إملائية لا تغتفر أثناء إرتكابة الفعل هذا دون أن يكون اهل له ...

فلنبتعد عن هذا الخطأ البشع .. ونبحث عما خلقنا لأجلة فقط .. ونترك الكتابة لموهوبيها ...

cut

((الأسطر السابقة هى محض خطأ وحجر متعمد على العقول والأقلام والكيبوردات بل والماوسات كمان ... ))

لأننا نكون فقط قد استخدمنا حقنا الفطرى عن التعبير عما يجيش بعقولنا ويموج بخواطرنا من أفعال واقوال واحداث نقابلها يوميا ً ...

البعض يتهم البعض الآخر بأنه مصاب بالخرف .. أى التخريف لأنه يكتب دون أن ينظر لجمال الأحرف وملائمتها للموقف هو يكتب فقط كما يرى الموقف وكما .. تبدو له الأشياء فهو حقا ليس موهوب فى الكتابه ..

لم تكن يوما ً وظيفته فى الحياة .. لكنه يجيد .. عيش الحياة والمرور بتجاربها ومواجهتها .. تدفعه الحياه دفعاً لتلك الكتابة للتعبير عن نفسة ... لإفراغ شحنات الكبت النفسى التى تكونت عبر السنون ..

يستخدم الكتابة سلاحا ً يواجه به أيامه بعد أن هرب العديد من الأصدقاء .. بعد أن ألغيت كلمة صداقة من قواميس الحياة الماديه ..

بعد أن مل الكثيرون حكاياته اليومية .. وحواديتة اللامنتهيه ... وجد فيها فقط ما عجز المقربين عن منحه إياه .. الهدووووووء النفسى

وبعد ذلك يجدهم يستكثرون هذا الإحساس على قلبة .. يرغبون فى انتزاعه منه .. دون أدنى شفقة .. متهمينة بأنه شخص فااشل فى لاكتابة ... لايجديدها .. وليس أهل لها ...

ربما يكون هو ذلك حقا ً او اكثر ... لكن أحد ما لا يملك هذا لاحق .. لخنق قلمة .. والحكم علية بالوئد .. حيا ً

بالكتابه فقط .. نستريح من عناء الأيام .. من قصص حب فاشله .. وأخرى ناجحة .. من مواقف نقابلها يوميا ً قد تتسبب فى ألم بإمكانه القضاء على ما بقى فينا من دقات بالقلوب ..

بها فقط .. نشعر أننا مازلنا أحياء نتنفس .. قادرين على مواجهة الأيام بمرها .. بعد أن تضائلت كمية حلوها ..

معها فقط .. نشعر أن هناك .. حتما وسيلة ما بقيت .. نسنخدمها لنرتاح ونشعر بالوجود على ظهر هذا الكوكب القاسى ..

الكلمة نور وبعض .. الكلمات قبور

كم أشعر بالصدق .. كلما تذكرت هذا الشطر من قصيدة أبو العلاء
كم أشعر أن قلبى مازال ينبض .. مازال قادرا على مواجهة الحياة .. وتحمل المزيد من صفعاتها ..

حين يخبرنى أحدهم أنه .. قريبا سيتوقف عن الكتابه .. أصاب الغيرة الشديدة على حبى الأول .. وعشقى الذى دائما ما ينسينى آلامى..

أشعر وكأنى أريد أن أوجه له صفعة ليفيق من يأسه هذا ..
أجدنى أدافع عن فعل الكتابه بكل ما أوتيت من قوة .. ومنطق
أواجهه بأن الكتابه .. تظل الوسيلة الاولى والاقدر على مواجهتنا للحياة ببلاويها ونكباتها المتتاليه ..

أتكلم بقلبى .. ترتفع أصوات النبضات متلاحقةً .. لتعلن عن عنصريتى الأبدية تجاة حبى للكتابه ..

فليقل البعض ما شاء .. ولتظل الكتابة أبدا ً هى الهواء

من وجدها واستطاع أن يعثر على قدراتها فيها .. يرتكب جرما ً بالبعد عنها
لا يهم من سيقرألك
لا يهم من يتفاعل معك
لا يهم من ينتقدك ..ويهاجمك
لا يهم أنك حقا لست موهوبا فى الكتابه
لايهم من يوجه اليك صفعات قاسية بأك فقط تفرغ هرائاتك الداخلية على الورق او امام شاشة جهاز الكمبيوتر القابع فى حجرتك أو السيبر المجاور لمنزلك ..


لا يهم أى شئ من هذا
فقط يهم ........
أن تتمسك بحقك فى التنفس
حقك فى ممارسة الكتابه ..

نحن حقا ً نرتكب أبشع أخطائنا بأخد القرار بالتوقف عن الكتابه

فلا ترتكبوه يوما ً هذا الخطأ ....

هناك 54 تعليقًا:

مهندس مصري يقول...

معاكي حق
أنا حاسس إني لو بطلت كتابة حأتخنق و أموت
رغم إني مش العالم العلامة و لا الفهيم الفهامة

و رغم إني ساعات كتير مش بألاقي اللي أكتبه
بس حاسس إن الفضفضة دي بتفك عن نفسي كتير

adel يقول...

مع اني في لحظة وقفت فعلا

بس بجد 10/10

مدام بترتاح في الكتابة مش مهم اي حاجة تانية

اكتب كان مفيش حد بيقرا غيرك
و منبطلش كتابة كانك الكاتب الاول في العالم و كل الكون مستني اللي هتكتبه

أنــا يقول...

أحييك بشده :)
وارفع لك القبعة ..
بالبلدي بقى .. عظمة على عظمة يا ست :)
عجبتيني فعلا .. وعجبني رؤيتك للموضوع .. فعلا عندك حق ..
بس جميل انك تفضفض وتخرج اللي جواك .. بكلمات جميله واسلوب راقي ..
حلو اوي البوست دا بجد ..
مش عارفه ليه فرحت وانا بقراه ..
تحياتي دعاء

*البت المشمشية *حلوة بس شقية * يقول...

مية مية يا دودو
انا فعلا برتاح لما بكتب
حتة لو بكتب اى كلام
بس مش مهم المهم ان الكتاب الحاجة والحوحيدة اللى مفيش رقابة عليها بكتب اللى بحس بيه

mohamed ghalia يقول...

نعم سنتمسك فى حقنا فى التنفس
بجد موضوع هايل يادعاء نفسى الناس الى بتقرر تتوقف عن التدوين تشوفه عشان يتعلموا بجد
دمتى فى سعادة

فاتيما يقول...

محدش يا دودو هيتنازل عن دا
الكتابة نعمة من الله
و زمان قولت عند د. زين عبدالهادى فى مدونته تسابيح
إن الواحد لازم يفضل يكتب و يكتب
و إما بنعمة ربك فأكتب ...
و أفضل اكتب
و اكتب
و وحشتينى قوى
و خلى بالك من نفسك

معتز شاهين - باحث تربوي يقول...

كلامك صحيح وحاسس أنه بيعبر على موقفي الان
فأكم من مرة قررت التوقف عن الكتابة لأن مفيش فايدة بس أقول لالالالالالالا

وأدعوك لزيارة مدونتي والمشاركة فيها

حسن حنفى يقول...

عارفه الكتابه بتريح الانسان اووي

والله الواحد بعد ما يكتب اللي جواه حتي لو حرقه بعد كده بيحس براحه نفسيه كبيره

صوت من مصر يقول...

معاكي حق انا كنت هتوقف قريب جدا بس حسيت ان في اي امل للحياه مع الكتابه
تسلمي

بدراوى يقول...

الله الله
الله الله
بجد ما شاء الله
عليكى يا دعاء
و على التدوينة ديه
عارفاه انتى بجد ما شاء الله
عليكى
قولتى كل الكلام اللى عايز اقوله
بس ساعات الواحد بيضطر غصب عنه يتوقف عن الكتابة
او مش يتوقف
لكن قصدى بتبقى فعل ممل - فعل يقوم به بلا اى روح و لا اى عزيمة و لا اى حماس
فعل و خلاص لمجرد ان يشعر انه مازال على قيد الحياة
انه لسة عايش

صحيح الكتابة شىء جميل
صحيح انا زمان لما كنت بضايق من حاجة
و انا صغير كنت اجيب ورقة و قلم و اكتب كل اللى مضايقنى و بعدين احس انى ارتحت اقوم مقطع الورقة و رميها
بس دلوقتى حتى الكتابة بقيت شىء ممل بالنسبة لى
بقت شىء روتينى تلقائى زى الألات و خلاص
من غير نفس

سومه...مجنونه فى بلد عاقل يقول...

فعلا الكتابه والرسم بيريحوا النفس لو انتى مخنوقه موهوبه ولا مش موهوبه احنا مش صحافه ولا جرنان دا عالم مفتوح وحر ان شاء الله اكتب اسمى ميه وخمسين مره فى البوست اللى مش عاجبه ميقراش
او يناقش باحترام
يعنى مش كفايه مفيش عمل كمان لافعل ولا كلام نفك بيه عن نفسنا
موضوعك جامد يا بنتى برافو عليكى

rovy يقول...

نعم غاليتى يجب ان نتمسك بتلك النعمه التى وهبها الرحمن لنا ..
فلنكتب و لتبقى كلماتنا مؤنسنا و ربما كانت لغيرنا عونا و ربما كانت مجرد كلمات و لكنها تعنى لنا احساس صادق ..

سلمت يداكى و دمتى بكل الخير و دامت كلماتك الصادقه دوما ..

تحياتى

romansy يقول...

عندك حق يادعاء انا بالنسبه ليا لقيت انتقادات كتير
بس ان شاء الله مش هقف وهكتب برضه انا عارف انى ممكن اكون بعيش حاجاتخياليه بس برضه بحب اعيشها
لانى بحب اكتب حتى لو وحش الاهم عندى انى اكون حاسسس بيه

mido يقول...

نصيحة فنية :) لما تكتبي تحديث للبوست غيري تاريخ التدوينة_ من خيارات الارسال_ لوقت كتابة التحديث

mido يقول...

الجمورية مرة واحدة :)

mido يقول...

ربنا يوفقك

حقودي يقول...

ثورة الكلمات
أقوي الثورات بالتاريخ
كم من مرة أقصد كم من الف مرة
تغيرت اوجه الاوطان بالكلمة
فمعذرة معشر المحترفين
لسنا بمهارتكم
لكننا لن نتوقف

تحياتي يا دعاء
ومبروك المقاله
وعقبال ما نشوفلك عمود ثابت يارب
تقبلي تحياتي مرة أخري
يا عاشقة الحروف

لورنس العرب يقول...

برغم أخطاء الكتابه الموجوده عند البعض بحكم الكي بورد أو اي خطأ إملائي آخر
لكن يبقى هو المتنفس الوحيد للكثيرين
اعرف أناس أخذت الكتابه جزءا من حياتهم
والحمد لله ان ده حصل بدل ما يصابوا بالجنون

*البت المشمشية *حلوة بس شقية * يقول...

ماشى ياعم الجرايد كمان
مشاء الله
مننجاح لنجاح
انا راحة اقرا الموضوع اهو

وومن يقول...

دودو اولا مبروك علي الموضوع عقبال كدة مااشوفك نقيب الصحفيين قولي يارب

-----------------

نيجي للبوست بقي

ايه ده بجد بجد انا ارتحت لما قريت البوست انتي قولتي كل اللي عاوزه8 اقولة من زمان

ازااي في حد يقدر يوقف كتابه يعيش من غير ما يفضفض علي الورق او علي الكي بورد

من حق كل واحد انه يتكلم بطريقتة بجملة بتعبيراته بلغوياته الكتابه مش شغلانه ومش المطلوب احترافها الكتابة طريقة للتعبير وكل واحد من حقة انه يعبر

حتي لو محدش بيعبرة كفايه اني افضفض اني اكتب اني ارسم بالكلمات والحروف
بجد يا دودو تسلمي علي موضوعك

وحشااااني مووووت

الضاحكون يقول...

اولا مبروك على الموضوع الرئيسى ليكى فى الجريدة
ودائما بالتوفيق والنجاح
اما البوست فكعادتك دائما تغوصين بداخلنا لتنتزعى اهات الاعجاب والتقدير بكل كلمة وحرف مما ذكرتيه
فالكتابة بالنسبة لى ليست غاية لكسب شهرة او كسب مادى ولكنها وسيلة للفضفضة والمشاركة بما يكمن بداخلى والتعبير عن الاحداث من حولنا ليس الا
بل اصبحت وسيلة لمشاركة الكثير والكثير فى احلامهم ومشاكلهم اصبحت وسيلة للتشجيع على عمل الخير والمشاركة فيه
واعتقد ان الكتابة حرية شخصية
دمتى بكل ود
تحباتى وتقديرى
خالد همس الاحباب

احساس لسه حى يقول...

عزيزتى

أكيد الكتابة حق لكل انسان

زى ما الكلام حق لكل انسان

ينفع نقول لانسان متتكلمش وافضل ساكت طول حياتك

ومهما كان اسلوب الكاتب

فده شئ يخصه بتعبر عن شئ فى شخصيته

وجوه كل انسان فينا روح مستقله

ليها كينونتها اللى مش بتتكرر

فاحلى شئ ان الانسان يكتب اللى طالع من روحه ولا يحاول يقتبس روح حد

ولا يكتب شئ علشان يعجب حد

تحياتى يا افندم

سلااام

احساس لسه حى يقول...

عزيزتى

نسيت اقول

مش معنا كده اننا منسمعش كلام الناس اللى بتنقد كلام بنقوله

نحاول بس نفهم ايه مش عجابهم فى كلامنا

ونقدهم بناء على ايه

واللى نلاقيه صح نحاول نغيره فينا

واللى ميعجبناش ولا يقنعنا

منحولش نعمله

سلااااااااااااام

Foxology يقول...

لا يهم أى شئ من هذا
فقط يهم ........
أن تتمسك بحقك فى التنفس
حقك فى ممارسة الكتابه ..


عندك حق :)

تحياتى

نونا يقول...

يا عندليب ما تخفيش من غنوتك
قول شكوتك واحكى على بلوتك
الغنوة مش هتموتك انما
كتم الغنا هواللى هيموتك
وعجبى

شمس النهار يقول...

بجد بجد برافوا عليكي يادودو
ليه تكون الكتابه حكر علي حد لمجرد اني مش عارفه اكتب صح ليه مااطلعش اللي جوايا
غلط صح هنفهم بعض
زي الام اللي بتفهم وليدها وهو مابيتكلمش اصلا
بوست جميل

ESPRESSO يقول...

فعلا معك كل الحق
التوقف عن الكتابه ابشع قرار
انا اتخذت القرار ده سابقا
علشان كده عارف معنى كلامك ده كويس
اشكرك على الكلمات لانها فكرتنى بافضل ايامى ... شكرا

لحظة تأمل يقول...

الكتابة هى سحر تعشقه الروح ويحكيه القلب

احييكى على كلماتك الرائعة

Sweet Violet يقول...

اتفق معاكى بجد

و فعلا الواحد لازم يكتب و بلاش نتعامل بسياسه الاحتكار حتى فى الكتابه و انها تخص فئه معينه فقط

تحياتى (:

الفراشة الصغيرة يقول...

اكيد
انتى عارفه يعنى ايه تدوين

يعنى كل واحد يدون اللى على مزاجه
محدش يقدر لا يمسك قلمه ولا ايده
ولا حتى لسانه
من حق كل مننا انه يعبر عن اللى جواه بصراحه
من حقنا اننا ننقده
نصحح افكار
بس باحترام
ومن غير تجريح

mahasen saber يقول...

ازيك يا دودا اخبارك ايه يا رب تكونى بالف خير يا جميله

لو السمك يبطل يعيش فى المايه نبقى احنا كمان نبطل كتابه

كتاباتك قيمه جدا زيك ويكفى ان فيها قضيه ولون بتتبنيه

ربنا يوفقك دايما يا حبيبتى

نعكشة يقول...

تدفعه الحياه دفعاً لتلك الكتابة للتعبير عن نفسة ... لإفراغ شحنات الكبت النفسى التى تكونت عبر السنون

يستخدم الكتابة سلاحا ً يواجه به أيامه بعد أن هرب العديد من الأصدقاء .. بعد أن ألغيت كلمة صداقة من قواميس الحياة الماديه .

وسيلة ما بقيت .. نسنخدمها لنرتاح

.......................

كنت من فترة مسيطرة عليا فكرة
فكرة الكتابة او ان حد يحب يقرا كلام لحد انه عايز يعرف افكارة
سواء كقصة
كمقال
كنكتة إيفن

كل حد عندة افكار
كل حد يعرف يكتب
الفكرة بقة
دة عارف يصوغ الافكار و دة مش عارف
دة درس لغة عربية و ربنا حباة بتخيل للحياة في صورة رموز و اشكال و دة لأ

كلنا محتاجين نكتب
كلنا عندنا افكار
اينعم مش كلنا بيعرف يطلع الافكار في الكتابة
فيه بيطلعها موسيقي
و فية بيطلعها ككلام مع نفسة
فية بيطلعها كلام مع صحابة
و فيه و فية و فيه

بس فعلاً إللي مش لاقي صاحب
و الدنيا قرفتة في عيشتة
و منفسش عن كل دة باي حاجة بما فيها الكتابة
هينفجر سونر اور ليتر
مممم

اسابقا او لاحقا
لأ
مش عارفة
المهم يعني

انا كنت لسة اول امبارح كاتبة في اجندتي انا ليه بكتب
ومنها انا بكتب عشان اتنفس

دة اللي جوايا
وبس

سلمت يداكِ

سلام عليكِ

promise is promise يقول...

السلام عليكم
والله معاكى حق يادعاء انا قد اكون من الذين عندهم اخطاء املائيه كثيره اثناء الكتابه بس لازم اكتب لازم اقول اللى جوايا مش بلاقى حد احكيله عن اللى جوايا غيرى المدونه وعشان كده تقريبا ان عملتها
ان ليست بالماهره وليست بالشاعره انا بس عايزه اكون نفسى انا بس اللى بتتكلم عن نفسها

تقبلى تحياتى ودعاءى لك بمزيد من النجاح
والسلام ختام

اصحى يا مصر : اسلام ديو يقول...

ولله كلامك جميل
انا عن نفسى بشجع اى شخص للكتابه
اولاً : لأن ليس لها مذهب معين وليس لها قوانين معينة
مش مهم شخص يكون بيعرف يكتب او غير
اهم حاجة فعلاً يكتب اللى فى نفسة
يكتب اللى جواه
ولله ولو حبة شخصبطة
بس اهم حاجة يكتب اللى جواه

دى كانت نظريتى وبالفعل فرحت لأنى لاقيت كل الناس بتنادى بيها ومنهم حضرتك
المدونة بصراحة شدتنى وقلت لازم ارد
وبإذن الله هتابعها

حنين القلب يقول...

اولا ازيك يا دودو اتمنى تكونى بخير دايما

ثانيا عارفه يا دعاء انا مش كان بيشغلنى موضوع الكتابه ده بس الصراحه بعد ما دخلت وسطكم حسيت قد ايه هو مهم بيطلع اللى جوايا وبيحسسنى انى عايشه وبفضفض وليه صوت


وحشتينى يا دودو

غير معرف يقول...

ليست لبعه أمارسها كي تسليني وتحمل معي سيفي لنذبح معا أوقات الضجر ، أو حرفه أمتهنها كي تجلب لي الرزق وتسوق لي الذهب والدنانير ، أو شيئا اعتدته مثلما اعتدت كل شئ حولـي ... انها شعاع الشمس الذي يحتويني فيمنحني دفئا ، والليل القمري الحالم الذي يزيح عنـي غربتي ، انها الدماء التي تجري فـي عروقي لتمنحني الحياه ...
وأظنها كذلك لكل من له قلما

لهذا .. فإنني أسخر دائما ممن يريدون أن يصادروا الأقلام ويصادروا التفكير ، مما يريدونه عجله حكرا علي أنفسهم .. انتوا فاكرينه ايه!!

وأعجب جدا ما يقول "سأعتزل الكتابه"
هل تستطيع اعتزال الماء والهواء؟! هل تستطيع اعتزال التنفس؟! هل تستطيع اعتزال الحلم؟! ..
هكذا الكتابه .. ادفع نص عمري واعرف بقي ياحلو انت هتعتزلها ازاي؟!!


من أجل هذا كله ، وبالعند فيك يابتاع ياللي في بالي ، ياللي عملت إحباط لناس كتيره أوي وعقدتهم في عيشتهم وقلتلهم يبطلوا كتابه ..
إسمحلي أقولك داتك خيبه يابتاع وياريت تفوق لنفسك شويه

واسمحيلي أقولك .. تسلم ايدك يامعلمه دعاء ، بجد كلامك ده ريحنـي أوي ، وعرفني الفرق بين ناس جدعان أوي ، وناس تانيه ماهماش جدعان خالص
دمتي دائما بكل خير


ســـلامه

momken يقول...

الكلمه ايد الكلمه رجل
الكله باب
الكلمه نجمه كهربيه فى الضباب
الكامه كوبرى صلب فوق بحر العباب


الكتابه هى مثابه المتنفس للجميع
والكتابه تختلف على الكلام الشفوى فى اى الكتابه اكثر تهذيباً

موضوع جميل

تحياتى

ليكوريكا يقول...

نتكلم لنستريح

نتكلم لنتألم

نتكلم ليسمعنا غيرنا

نتكلم لنسمع انفسنا

نتكلم لنتكلم

المهم اننا لا نتوقف عن الحياه

سندباد الحب الحزين يقول...

معلومات قيمة جدا

يا رب الناس كلها تحاول تفكر فيها وهي بتكتب أي موضوع

دعاء مواجهات يقول...

مهندس مصرى

الكتابة نوع من العلاج ودرب من الراحة ريمكن ان نجدة فى شئ ااخر

تقبل تحيااتى

دعاء مواجهات يقول...

عادل

و منبطلش كتابة كانك الكاتب الاول في العالم و كل الكون مستني اللي هتكتبه


جاامدة اوى الجملة دى

عجبتنى بشكل شخصى

منورنى كعادتك واوعى تاخد القرار دة تانى

بيس

دعاء مواجهات يقول...

انا

بجد كلماتك بتذيدنى ثقة وحب وامل للكتابة والتدوين والوجود فى هذا الوسط

دمتى بكل الخير

اتمنى ان اكون على قدر ثقتك

بيس

دعاء مواجهات يقول...

اواصل الرد غدا

تحياتى ومودتى لكم جميعا

عقل مهوي يقول...

اتوقفت فتره عن الكتابه .. لان محدش بيفهمني ومحدش بيتواصل ومحدش مش عارف ايه والكلام دا كله .. لحد في يوم حصل موقف مالقيتش حد قادر علي التواصل معايا .. لقيت الكي بورد الوحيده اللي فهمتني .. :)

Mohamed Osama يقول...

مدونه مميزة جدا ً
وموضوع رائع
فعلا ً كل واحد لازم يكتب بطريقته وشكله وعن أفكاره مهما كانت سخيفه .. ستنضج مع الوقت .. ولكن إبدأ

أبو العريف يقول...

دعاء
الموضوع دا بيفكرني بموضوع للجميل خالد كساب
في الدستووور ( اكيد فاكره الموضوع )
كان بيتكلم عن الكتابه وبيشبه اللي بيكتب وهو مش اهل للكتابه تنه بيغتصبها
انا طبعا ساعتها قلت هو معاه حق
بس بالنسبه للمدونات
الموضوع مختلف
لاني بكتب عشان انا عايز اخرج اللي جوايا
ومش بفرض رأيي علي حد
وانا رغم اني اعترف اني مش موهوب
ولا استطيع ان اداعب الكتابه كما تفعلين
ولكن اموووت لو بطلت اكتب
اي حاجه
حتي لو تخاريف
وعشان كده انا كل اللي بكتبه بعتبره تخريف
اللي عايز يخرف معايا اهلا وسهلا
واللي مش عايز هو حر

Beram ElMasry يقول...

عزيزتى الغالية ، دعاء مواجهات
السلام عليكم ورحمة الله وبركاته
انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة

يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى

سومه...مجنونه فى بلد عاقل يقول...

مبروك يا مشرفه اهالى المنوفيه:)) نفر نفر

صاحب المضيفة يقول...

كل فرد منا يجيد شيئا ما ويتقنه


والجمال في ذلك واضح حتى يظل هناك اختلاف التنوع المرغوب في المجتمع وليظل كل فرد منا بحاجه للاخر

تحياتي للموضوع الجميل

ميرام يقول...

لا يهم أى شئ من هذا
فقط يهم ........
أن تتمسك بحقك فى التنفس
حقك فى ممارسة الكتابه ..

جميل قوي الفكر ده
مبروك ليكي المقاله
دمتي بود
تحيــــــاتي

مصعب صلاح يقول...

أنا الحقيقة باعتبر الكتابة حياتي ونفسي أكون صحفي
ولا أزعم إني كاتب لايشق له غبار بس بصراحة دا حلم حياتي
----------
مبروك ع الوظيفة والي الامام دائما

البحث عن أنا شىء جنونى يقول...

ان شاء الله سيتم اصدار كتاب قصة حب سرية للكاتب عمرو الجندى مع بدايات شهر ابريل ان شاء الله

مع شكر خاص لطاقم العمل

اللينك
http://www.amralgendy.blogspot.com/



http://www.facebook.com/inbox/readmessage.php?t=71789721807&mbox_pos=0#/topic.php?uid=45243591058&topic=7688

متمنين التوفيق للجميع

دعاء مواجهات يقول...

اعتذر عن التأخر فى الرد

لظروف خارجة عن ارادتى ..

انتظروا الليلة .. الجديد

بحبكم

معتز شاهين - باحث تربوي يقول...

الله ينور والله موضوع جامد بس العنوان كان عايز يتعدل لــ
لا مدارس مش بعد مارس ده طول السنو وسلاميلي على المنازل
الله ينور تحقيق كويس