الثلاثاء، فبراير 10، 2009

أثيرتى .. شكراً







لم تكن يوما ً مجرد صديقة عادية ولا رفيقة مفضلة ولا بمثابة الابنة الأثيرة
كنت دوما ً أعدها مرآة ً خاصة لى بكل ملامحى وتفاصيلى علمتنى الكثير دون أن تقصد ذلك ..

كم ساهمت فى محو آلامى .. وتخفيف معاناتى .. وأوجاعى . معها فقط يستحيل أن اشعر بالفراغ والملل والوحدة تلك المفردات التى بدأت فى الإختفاء من قاموس حياتى يوم تعرفت عليها ..

سرنا سويا ً فى درب واحد تجمعنا مشاعر الحب والتواصل والألفه .. اليوم الذى يمر دون أن آراها فية أو أضطلع على أحوالها .. يصعب على أن أعده من أيام عمرى.. تلك التى عرفت معناها معها

علمتنى كثيرا ً رغم صغر وحداثة سنها إلى حد لا يمكن أن يتخيلة بشر
نعم كانت نعم الرفيقه والمؤنس فى الوحشة .. والمعوض فى الفقد ..

كثيرا ً ما سمعت مصطلح المرآة الحقيقية لكنى لم أكن قد جربته يوما ً ما..
معها جربت العديد من الأشياء التى لم يسبق لى تجربتها .. وعن طريقها تعرفت على العديد من البشر اللذين يصعب مقابلتهم فى أيامنا هذة..

صار لى هدف فى الحياة من اول يوم جمع بيننا .. ربما لخصوصية اللقاء الأول والذى لم يخطر ببالى أبدا ً أن يصل إلى ما نحن علية الآن

مفارقتها صارت دربا ً من دروب المستحيل الذى لا أقبل حتى فى مجرد التفكير فيه

معها تعلمت مفردات جديدة دخلت لقواميسى اللغوية بل أستطيع أن أجزم أنها كانت سببا ً اول فى دخول العديد من القواميس فى حياتى .. فهى وبحق قاموسا ً منفردا ً

كانت لى مدرسة لم أدخلها وجامعة لم أدرس بها ودراسات عليا لم اقبل عليها بإرادتى

جمل ومصطلحات وقيم وعبارات وأسس ساعدتنى على التمسك بها وتعلمها

معها فقط عرفت معنى أن تتعرف على أناس وتقابلهم وألا تكون على أدنى إستعداد ألا يكونوا موجودين فى حياتك .. احساس لم أشعرة من قبل..أن يوجد على ظهر هذا الكوكب من لا أقبل أن يشطب من دفاتر أيامى ..

معها عرفت قيمة البشر .. ومعادن البشر .. وأنماط البشر .. ونوايا البشر . وأفكار البشر .. معها إكتشفت الإنسانية ..

معها اعتدت ألا أصدم فى شخص تعلمت ..ألا ينتهى ا لعالم أمامى بإنتهاء شخص أن أكون على أتم إستعداد على فقد أى شخص .. – إلا هو - .. وتقبل أى فعل وأى رد فعل دون أن تهتز ثقتى بقراراتى ..

لم تكن اكثر منى نضجا ً ولا فهما ً للحياة لذا فقد جاءت كل فوائدها لى محض صدفة إنه القدر

عام واحد فقط هو عمر وجودها على ظهر هذا الكوكب وسط هذة الكائنات الإليكترونية المتعدده والمتنوعه والمتشعبه ..

(( مدونتى الغاليه )) لكى منى كل الشكر والعرفان ،،،
اليوم العاشر من فبراير فى عيد ميلادك الأول صغيرتى اسمحى لى أن اقدم لكى أكثر ما يؤثر فيى ويأسرنى – وردة حمراء – تخبرك عما يجيش بصدرى .

ولكم أيضا ً يامن تقرؤن سطورى تلك أن تعلموا أنكم كنتم جزء ً من هدفى وجزء ً من كيانى الذى بدأت فى إكتشافه بينكم..

ولك أنت ايضا ً يامن شجعتنى على فكرة التدوين .. خالص العرفان ( رغم يقينى أن لن تقرأ سطورى تلك ) .

ولكل مدونه دخلتها وتعلمت منها وأثرت فى عقلى وتفكيرى .. كل كلمة اتفقت معها واختلفت .. كل حرف ساهم فى بناء شخصيتى وعقلى ..

كل تعليق رسخ من ثقتى فى قلمى .. كل انسان جاملنى أو أخطأ فى حقى ..
وكل من أخطأت فى حقه .. لنجعله عاما ً جديدا من التدوين الحر فليكن كل منا كما أراد .. دون أن يحجر على الآخر ..

كثيرين هم من أود ذكر اسمائهم لولا خوفى على نسيان قلم صادق ترك علامة بداخلى ..

إليكم جميعا ذوى الاسماء على الجهه اليسرى .. ولكل من غفلت عن ذكرة وكل من ترك لى تعليقاً لا يهدف للمجامله سامحونى ..
(( أعزائى المدونين والمدونات ))
شكرا ً
عزيزتى جنه : حقاً أنت أكبر وأجمل مكسب حصلت علية من عالم التدوين..
أنت فعلا ً تكفينى ...

فلتسامحنى أنت أيضا ً .. حقا ً لم أستطع إغفالك .. ربما لأن الكلمات تقف عاجزة أمامى عن التعبير.. فقد كنت كما أخبرتك مؤخرا ً – مرحله هامه فى حياتى لا يمكننى تجاوزها والمرور أمامها دون توقف .. أخى الأكبر :
أحمــــــــــــد الصبــــــــــاغ
شكــــــــــــــراً

==========================================================
إنتظروا قريبا ً بوست خاص عن اهم الشخصيات التدوينية التى أثرت فى مواجهات
==========================================================

هناك 61 تعليقًا:

رئيس جمهوريه نفسى يقول...

كل سنه وانتى والبلوج الخاص بيكى بخير دائما وابدا ان شاء الله

adel يقول...

كل سنة و البلوج طيبة

عقبال ما تشوفيها مطبوعة و حتي بنزل عنها خبر في مجلة او جرنال او حتي البيت بيتهم

مكنتش عاوز ادخل بايدي فاضية بس مش عارف المفروض اجيبلك ايه

بانر يعني و لا ابعتلك نيو لوك للامورة المدونة

:):):):)

رئـــــيسـة حزب الأحلام يقول...

كل سنة والمدونة وصاحبتها فى احسن حال
وبجد فعلا عالم التدوين دة غير فينا حاجات كتير كفايه تبادل الاراء والافكار
تحياتى الغاليه لكى

غير معرف يقول...

كل سنة و بلوجك طيبة

أنا كمان بشكرك لأنك عملتيها لأنى بجد بحبها اوى و بحب أدخلها كتير...ده غير إن أنا أصلا كنت بحبك أوى و بحب اقرالك من قبل ما أعرف يعنى إيه تدوين اصلا و لما عملتى المدونة دى و عرفتها بجد فرحت أوى و حبيتك اكتر


و فعلا لازم تشكريها لان بجد عالم التدوين ده غير فى الواحد آراء كتير و خلاه يعرف ناس كتير بآراء مختلفة
التدوين ده بجد وسط حلو اوى اوى أوى و يارب يفضل كدة على طول

Ahmed Al-Sabbagh يقول...

لا أستطيع إستئناس الكلمات المتمردة لأعبر بها عن إعزازى بكِ .. لكننى أستطيع أن أصفك فى عيون كل من حولك بأنك كبدرٍِ يضئ للجميع .. صديقينى ليس هذا رأيي فقط وإنما رأى كل من عرفك
أنتِ .. ومدونتك .. وكتاباتك فى الدستور .. وعملك الصحفى فى الجمهورية مؤخراً .. جميعاً يشهدون على إبداعك
وأنتظر على أحر من الجمر .. كتاباً متألقاً بجوار كبار الكتاب .. مكتوبُ عليه
دعاء عمرو

أحمد

مهندس مصري بيحب مصر يقول...

كل سنة و انتي طيبة انتي و مدونتك

mahasen saber يقول...

كل سنه وانتى واثيرتك والبلوجر كله بالف خير
بيكى يا دودا

وعبال ما تحتفلى بمرور سنوات وسنوات من مدونتك

غبت عنك مده بس رجعت باحتفاليه حلوه بعيد ميلاد مدونتك

دايما فى افضل حال علطول يا جميله
ان شاء الله

Gannah يقول...

كل سنة وانتى طيبة يا أحلى دودو
كل الكلام الحلو ده عن البلوج .بس تعرفى انه فعلا يستاهل
انتى فعلا نجمة فى سماء التدوين
وتستاهلى حب الناس ليكى
كلماتك دائما متميزة
أما عن اللى قولتيه عنى فربنا يكرمك يا دودو
انا كمان بحبك جداا ومش متصورة عالمى من غيرك مش بس عالم التدوين
مش انا قلتلك انى بشوف فيكى بنت مصرية جدعة جداا وحاجات تانية كتير مش هقولها ..خليها بينى وبينك
يارب العام القادم نحتفل بكتابك ان شاء الله
كتاب منشور ولا كتاب تانى المهم نحتفل:)
تحياتى

mohamed ghalia يقول...

كل سنة وانتى طيبة للمدونة العزيزة على قلبونا
وانتى كمان يادعاء حقيقى استمتعنا بكلماتك كتير
وإن شاء الله الى جاى احلى
دمتى بكل الود
للأمام دائما

البت المشمشية حلوة بس شقية يقول...

كل سنة وانتى طيبة يا احلى دودو فى التدوين كلو
طبعا انا شخصية اثرت فى حياتك التدوينية طبعا
ههههههههه

عايش... ولكن !!!! يقول...

كل سنه وانتى والبلوج فى افضل حال
ويارب دايما فى تقدم
والسنه الجايه تكون افضل

حسن حنفى يقول...

كل سنه وانتي والمدونه بخير يارب

ان شاء الله دايما منوره عالم التدوين

كيكى عوووووو يقول...

ياااااااه**تمميتى سنة يادودو بحالهم
**مدونتك الصغنونة كبرتك**
كبرت بكلامك وبحديثك فيها
كبرت بحاجات كتير حاسها انتى ليها
كبرت ومعاها احسايس ومشاعر بتكبر جواكى
ويارب السنة جاية تخويها**
وبالعريس تهنيها
كل سنة وهى طيبة يادودو
**تصدقى الواحد بجد مش عارف يقول لمدونته اية..بجد هى بتبقى جزء فكرى مننا وحاجات كتير اوى
بجد ربنا يخليكم لبعض
عوووووووووووووووووو

أنــا يقول...

كل سنة وانتي طيبه يارب ..
فعلا عالم التدوين عالم كبييير جدا وجمييل جدا ...
واجمل مافيه مش انك بتقري مواضيع .. لا .. أنك بتقري أشخاص .. بتقري أرواح بتكتب ..
يارب تكون سنة خير عليكي والقادم احسن واحسن ..

تحياتي

الازهرى يقول...

كل سنة وانتى مدونتك فى اجمل قصة حب متبادلة
تعطيها فتعطيكى لكثير
تبادلينها المحبة
فتعلمك من المفردات الجديدة والمعارف الجميلة اكثر واكثر

كل عام وانتما على خير حال وفى تقدم وازدهار

Nasimlibya `√ يقول...

دعاااااااء كل سنة والامورة الحلوة العسولة بالف خير وسعادة يارب


وتظل بينا دائما منورنا يارب



حلو منك البوست وحلو التواصل ربي ميحرمني منك ولا من مدونتك

وكل سنة وانتي مدونة وكل سنة مدونتك بيك مزينة

صاحب المضيفة يقول...

جميل أن تتعلقي بشيء يثير قريحتك ويتقبل ابداعاتك ويستوعب انتاجك الفكري دوما


وجميل أيضا أن يكون لك هذا العالم الجميل من الأصدقاء والمعرفة الخالصة التي تعطي لنا المزيد من الجمال في هذه الدنيا



كل الود

مصطفي احمد يقول...

كل سنه وانتي طيبه

سعيد اني اعرف المدونه في وقت زي ده

ميرا ( وومن ) يقول...

ايه ده يادودو

دايما أسلوبك روعة وجامد جداُ انتي مش هاتقدري تتخيلي البوست شدني قد ايه وأثار فضولي

تسلم دماغك وأفكارك وكل سنة ومدونتك بخير وانتي وهي دايماً للأحسن

يارب يارب

ادم المصرى يقول...

كل سنه وانتى طيبه يا دعاء

وعقبال متشفيها يارب مطبوعه كدا ومنورا ذيك

تحياتى لكى فى حفظ الله

rovy يقول...

السلام عليكم
كل سنه وانتى طيبه دايما يا دعاء
طيبه زى ما انتى و زى ما عرفناكى و حبناكى طيبه و صادقه و شجاعه ..
كل سنه حبيبتى وانتى معانا و وسطنا و يارب يوفقك دايما و ما يحرمناش من تدويناتك المتميزه ..

اطيب امنياتى و خالص تحياتى

!!! عارفة ... مش عارف ليه يقول...

معها عرفت قيمة البشر .. ومعادن البشر .. وأنماط البشر .. ونوايا البشر . وأفكار البشر .. معها إكتشفت الإنسانية ..
--------------------

هنا تكمن قيمة التدوين

إنها تجربة إنسانية فريدة ذات مذاق خاص

نتعرف خلالها على أقلام صادقة ومشاعر أصدق

وأنت أحد أهم هؤلاء


خالص تحياتي وتقديري لموضوعاتك

التي دائماً ما أراها في العمق

كل سنة وانت طيبة دعاء:)
وليد



الف مبروك دعاء

رابطة هويتي اسلامية يقول...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

Foxology يقول...

كل سنة والمدونة طيبة

ومن تدوينة لتدوينة ناجحة ان شاء الله

تحياتى

أبو العريف يقول...

كل سنه ومدونتك الجميله في افضل حال حقيقي مدنتك من المدونات اللي فعلا حببتني في التدوين وانا كمان عرفتك من الدستور
ومدونتك منحتني فرصة التواصل معك
اتمني الا اكون ممن تعتبريهم من مساوئ المدونه

Ehab يقول...

مبروووووووك

كل سنه وانتي بخير وسعاده يا دعاء
ربنا يسعد ايامك كلها يارب
وبعدين يا ستي التدوين والمدونين بيكي اسعد
لأنك شخصيه هايله
وبعدين يعني كفايه اني اول لما قلتلك اديني هدية من العمره ادتيني السبحه
ولعلمك بسبح بيها ومعلقها في الصاله علشان الكل يستخدمها وتاخدي ثواب
ربنا يجزيكي خير
سلاااااااااااااااااااااااام
اخوكي ايهاب

شمس النهار يقول...

كل سنه وانت والمدونه الجميله بخير
فعلا مدونتك من المدونات المحببه الي قلبي
وكثير من بوستاتك كانت تثير بداخلي الجدل وكثير ماكنت اكتب هذا في التعليق علي سبيل الفضفضه
بجد بشكرك علي المدونه وعلي جهدك الرائع الواضح فيها
كل سنه وانت من نجاح الي نجاح

قيس بن الملووووح يقول...

عندما يمضي بنا قطار العمر تسقط منا الكثير من التفاصيل الصغيرة التي قد تحول حياتنا الي براكين في الوقت التي لا تتحمل فيه الهزات البسيطة"

الرابطة وبناء الأمة يقول...

السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية

دعاء مواجهات يقول...

رئيس جمهورية نفسى

دائما ً سباق فى كل حاجة

تحياتى ومودتى

دعاء مواجهات يقول...

عادل

وانت طيب وبخير
بس اية حكاية نسمع عنها خبر ف الجورنال اذا كانا نا نفسى اللى بكتب عن الناس ياعم فية ايه..

انت فاكرنا جهلة ولا ايه

دعاء مواجهات يقول...

رئيسة حزب الأحلام

وانتى طيبة وباحسن حال ياقمر
وميرسى ليكى بجد
كفاية من التدوين اننا عرفنا ناس جميلةزيك كدة

تحياتى

دعاء مواجهات يقول...

انا ودماغى

وانتى طيبة وبخير ياحبيبة قلبى
وبجد كلامك مينفعش اعلق علية باكتر من كلمة شكرا لوجدودك معايا

تحياتى

دعاء مواجهات يقول...

احمد

كلماتك تأسرنى فلا أجد عليها ردا ً

دمت لنا ولعالم التدوين..

دعاء مواجهات يقول...

مهندس مصرى

وحضرتك طيب

واشكرك بشدة

بس انت مختفى من فترة فين..؟؟

تحياتى

دعاء مواجهات يقول...

محاسن صابر

وانتى طيبة وف احسن حال ديما

وحشتينى ووحشنى كلامك اوى بجد

وجودك يسعدنى

مودتى وحبى ..

دعاء مواجهات يقول...

جنه

ههههههههههههههههههههههه
تصدقى انى قريت كلامك قبل كدة بتاع مرتين وما اخدتش بالى من معناه الا الوقتى بس

ربنا يكرمك ياحبيبة قلبى ويخليكى ليا احسن واجمل اخت ف الدنيا كلها

بس انا مش هحتفل بالكتاب الا وانتى معايا خللى بالك ..

دعاء مواجهات يقول...

محمد غاليه

اشكرك على المشاعر الجميلة
اتمنى انى ديما اكون عند حسن ظنكم جميعا بى

ربنا مايحرمنى منكم ابدا

مودتى

دعاء مواجهات يقول...

البت المشمشية حلوة بس شقيه

هههههههههههههههههههههههههه

دا طبعا يعنى هى دى عاوزة سؤال بردوو

منوراانى ديما ياقمرى الجميل

بيس

دعاء مواجهات يقول...

عايش ولكن

اشكرك بشدة ياعلاء
واتمنى ان تعود فى الانتظام فى لاكتابة مثلما كنت

تقبل تحياتى

دعاء مواجهات يقول...

حسن حنفى

وانت طيب يارب ديما

وبوجودكم انا هكون ديما موجودة

تحياتى

دعاء مواجهات يقول...

كيكى الجميله

انتى كمان من الحاجات المهمه اللى حصلتلى ف عالم التدوين
ربنا يديم الاخوة والحب بيننا

بحبك ياعفريته ا نتى..

مهندس مصري بيحب مصر يقول...

الحقيقة إن مدونتك اتمسحت من الريدر عندي في ظروف غامضة
:)
تقريباً بالغلط
و علشان كده ما كنتش متابع
بس سجلتها عندي تاني في الريدر و متابع علطول ان شاء الله

دعاء مواجهات يقول...

أنا

ميرسى ليكى اوى

واتمنى اكون زى ما بتتمنوا

نورتى

دعاء مواجهات يقول...

الازهرى

يارب ياازهرى زى ما بتقول كدة
ولك المثل

نورتنى كتير بكلامك وتعليقاتك المتميزة

تحياتى ومدوتى

دعاء مواجهات يقول...

نسيم ليبيا

اشكرك على الكلمات الرقيقه

اتمنى ان اكون فعلا استحقها

دوما منورانى

تحياتى وحبى

دعاء مواجهات يقول...

صاحب المضيفه

وجميل ان اقابل اناس يتركون داخلى علامات وخربشات يصعب الزمن محوها لانها تتحول بمرور الزمن الى جزء من ذاتى

تقبل خالص احترامى لشخصكم الكريم..

دعاء مواجهات يقول...

مصطفى احمد

ميرسى

اتمنى انها تعجبك وتكون زائر دائم

نورتنى

دعاء مواجهات يقول...

وومن

حبيبة قلبى انها الحقائق دوما ما نحاول اغفالها الا انها لابد وان تظهر رغما عنا

احبك واحب كل حرف تسطرية

دمتى لى اغلى صديقة

مع حبى

دعاء مواجهات يقول...

آدم

اشكر امانيك الحلوة للمدونة وصاحبتها

تحياتى ومودتى

دعاء مواجهات يقول...

رووفى

الجميلة اتمنى من الله ان يديم المحبه فيه

فانتى كمن عرفتنى عليكى فى الطيبةوالود

تقبلى تحياتى

دعاء مواجهات يقول...

عارفه مش عارف ليه

كلمات اتمنى ان اكون على قدر معانيها

فانت حقا من اولئك اللذين تهمنى ارائهم بشدة فيما اكتب

تقبل احترامى

دعاء مواجهات يقول...

فوكس

ميرسى خالص ع المشاعر الطيبه
ادامها الله بيننا

وحقق كل احلامك

مودتى واحترامى

دعاء مواجهات يقول...

ابو العريف

لا طبعا مش بعتبر شئ سئ

كل من يتواصل معى له حق الاحترام والتقدير

مودتى

دعاء مواجهات يقول...

الشنكوتى الجميل

ربنا يخليك يارب

بجد دى حاجة بسيطة جدا
ويسعدنى ارى بجد انك محتفظ بيها ومهتم اوى بيها كدة ربنا يجعلنا جزء من الحسنات ياارب
وفقك اله لما يحب ويرضى

دعاء مواجهات يقول...

شمس النهار

انتى ايضا مكسب جديد اضيف للمدونه

وكثيرا ما تنيرنى ارائك وتساعدنى

تحياتى ومودتى

دعاء مواجهات يقول...

قيس ابن الملوح

اية دا قيس بذات نفسه جاى يعلق عندى لا كدة بجد اتغر بقى

فعلا الكلمة منتهى الحكمة

نورتنى

romansy يقول...

كل سنه وانتى طيبه
عيد حب سعيد

▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ई♥happy♥¸-“¨¨”-¸♥valantine♥ ¸-“¨¨”-¸♥day♥¸-“¨¨”- i▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ई♥happy♥¸-“¨¨”-¸♥valantine♥ ¸-“¨¨”-¸♥day♥¸-“¨¨”-

وكل سنه وانتى طيبه

ومدونتك تعيش مليون سنه

جنّي يقول...

السلام عليكم

اولا كل عام وانتي ومدونتك في احسن حال والى مزيد من التدوين الهادف الجميل ..

وثانيا انه لمن حسن الطالع ان يجمعنا نفس العام والشهر تدوينيا وكذا كثير من المدونين لعل شهر فبراير له سر تدويني والله اعلم ..

دعاء مواجهات يقول...

رومانسى

وانت طيب وبخير

ميرس ع ذوقك اوى

=========== جنى
يبدو انه جيل فبراير
شكلنا كدة هنعمل حزب

نورتنى

محمود البدري يقول...

عقبال 1000 سنه علي المواجهات الجميله
معلش جت متأ خرة بس الظروف والله
انا من ساعت غزة مدخلتش علي النت
انا عارف انا علي طول متأخر

مستني جديدك الجميل