الجمعة، يناير 23، 2009

جيلى فراولة .. بالموز..




كثيرات منهن يجدن وضع المساحيق ورسم الأعين
وتلوين الشفاه يجيدون ذلك إجادتهم للحياة ذاتها
إجادتهم للأكل والشرب والنوم
فى البداية يفعلن ذلك كدرب من دروب التغير والإحساس بالذات
وتعميق معنى الأنوثه داخلهن .. وبعد فترة تصبع عاده ..
وبعد فترة أكبر يصبح تقليد يومى وطقس أساسى لايمكن بأى حال
الإستغناء عنه
بس ياترى هى البنات بتبقى عندها

هدف معين وهى بتحط الميك آب ولا مجرد حاجة روتيتية يومية
أعتقد إن كل بتختلف عن غيرها ف النقطة دى
لأن فية بنات اتربوا على كدة ومفكروش ان كان صح ولا غلط ..
وفيه اللى شايفينوا ضرورة وقتيه لحين تحقيق الغرض منها وبس
وبعد كدة نرجع لطبيعتنا بقى ....
وفيه اللى مش بيعتبر شئ اساسى عندهم

احساس غريب بينتابنى لما بشوف بنات
مأفورة ف الميك آب وهو ياترى هى مش عارفة
شكلها الحقيقى
ولا هى بتخدع نفسها وياترى
دا بيرضى غرورها وبيحسسها فعلا انها بهذة الدرجة من الجمال ؟؟

حتى ولو كان صناعى وهى بنفسها اللى عملاه بإيديها
ياترى قدرتها كبيرة اوى كدة على التقمص والتشخيص ..؟؟؟

إزاى قادرة تعيش وهى بتخدع كل اللى حواليها بالشكل دة .. ؟؟
فوضع المساحيق ليس لمجرد التجميل فكثيراً ما يعمل على
التضليل والزوير
فى حقيقة الوجة والتعابير التى كثيرا ما يخفيها لون المساحيق

ربما اعد ذلك نوع من اللاحقيقية ونوعا ً
من الغش المباح والذى يستلذة الآخرون بشدة ويرغبون فيه
لا أدرى مدى السعادة التى يشعرن بها
حين يتهافت الرجال على النظر لهن وهن يدركن تمام الادراك
انه بدون تلك الالوان
لن يكون لهم ملامح ...
ولن يحصلن على هذة النظرات
ربما أغرتهم تلك النظرات وأدمنوها
ولم يعودوا يستطعن الإستغناء عنها
لكنى أستطيع الجزم
انه وهم لحظى يستخدم لإرضاء الغرور الأنثوى فقط لا غير..
ودا آخر كلام عندى ..

أحبه كثيرا حين يقترب من شفتى ينسينى الدنيا وما بها

وحدة القادر على عزلى عن صخب الحياه

عن التفكير فيما يحدث وما يجب ان اقوم به وما قمت به بالفعل..

حبى له كحب الغريق لطوق النجاة

رغبتى فى وجودة معى دائما رغبة العاشق للبقاء مع من أحب

أؤنس به وحدتى وأتخذة عاملا مساعدا ً على الصفاء الذهنى والتركيز

بل والإبداع الأدبى ..

أشتاق الية أكثر مما يشتاق إلى بمراحل كثيرة

خلاصة القول توجز فى عبارة

أنا بمووت ف الجيلى الفراوله بالموز...

والعلاقة بين البوست والجيلى الفراولة بالموز

انى كنت واقفة ف المطبخ بعمل الجيلى لما جاتنى فكرة البوست دة ..

هناك 65 تعليقًا:

انسانةعادية فى عالم مش عادى يقول...

ههههههههه بوست جميل اوى وبصراحة كان عينى على الجيلى الفروالة بالموز بالهنا والشفا ليكى
اما فكرة البوست بجد حاجة محزنة جدا لما تشوفى البنات بتعمل كده فى نفسها والادهى انها بتلاقى تشجيع من الرجال وطبعا التشجيع ده مش مدح ولا شئ جميل المفروض تقبله لكن ده مكمل مظاهر الخداع هى بتخدعهم بمكياجها ولبسها وهما بيخدعوها باراءهم ونظراتهم الحرام ليها

Fahd يقول...

اولا حضرتك جوعتيني جدا

ثانيا مش عارف هل التدوينة دي خاصة بالبنات فقط لكن انا بصفتي شاب اراي ان الملامح الطبيعيه دون مساحيق او او اي مستحضرات تكون افضل

تعطي نوع من الطبيعيه والتلقائية والبساطه المؤثرة والله اعلم

هو كويس برضه بجانب اننا ننصح الناس بالحلال والحرام اننا ننصحهم برضه بالمنطق

عاشقة القمر يقول...

هههههههه انا فتكرت انو اهطعني مقادير جيلي بفرولة بالموز هههههه
بس بجد انو بشوف واحدها تعملها في مناسبات مش في كل الاوقات احسن حاجه احد يكون طبيعي

Unknown يقول...

بنات كتير رأيهم غريب يمكن انتي قلتيه في البوست وأنا يمعتهم بوداني مع انهم لسة صغار بيقولوا خلي العرسان تيجي ده احنا قربنا نبور مع الإعتذار في اللفظ بس حاجة عجيبة بنت عندها 18 سنة يتقول قربت تبور أمال بنت 25 ايه بأه خلاص فاتها القطر ولا ايه
حاجة عجيبة
أنا كراجل مش بلاقي جوايا انجذاب ولا حتى اعجاب خفيف بوحدة بتحط ماكياج
سوري بس فعلا الطبيعة أحلى وبعدين بتحط ماكياج دلوقتي بعد الجواز هتعمل ايه
مودتي وخالص احترامي لكِ

انا حره يقول...

اللى ياكل لوحدو يزور يادودو

عن نفسى من الناس اللى الميك مش بيفرق معايا حطيت او محطتش

فالاول كنت احس ان شكلى غريب لو خرجت من غير كحل بس بعد شويه لقيتنى بحب ابقى كدا على طبيعتى لان شكلى مش بيختلف كتير اساسا

وبينى وبينك انا ببقى رايحه الشغل الاجبارى دا مغمضه عنيا احسن النوم يطير منهم امضى وارجع جرى للسرير ههههههههه

بس تصورى الفتره دى قربت تخلص وهستلم الشغل اللى مش هقدر استهبل فيه اهىء اهىء

موناليزا يقول...

بالهنا والشفا يادعاء
اما عن الموضوع فهذا ايضا ما يأتى فى بالى أقول اريد ان ارى هذا الوجه المرسوم وهو مغسول بالماء:)
ما اجمل ان يظل المرء بطبيعته وبالشكل الذى اختاره له الله

ميرا ( وومن ) يقول...

دودو
بقولك اعملي حسابي في طبق جيلي بس بصراحة مجربتوش بالموز قبل كدة هابقي جرية ابعتيلي الطريقة علي الميل

نيجي بقي للبنات وبما اني مريت قبل كدة بمرحلة الميكب واللي محبيتهاش خالص وتخليت عنها لإحساسي بالزيف واني اشيه بيضة شم النسيم فتخليت عن هذه المرحلة غير نادمة عليها

لكن في بنات تانية بتعتبرة جزء من انوثتها
واظن ان في رجالة كتير بيبقوا عارفين ان المكياج دة خدعة ربنا يهدي

romansy يقول...

الصراحه بوست طعمه حلو
وانا من النوع اللى بحب الحلويات قوى

فكرته جميله قوى
وايبك معالجيلى
بس اعزمى علينا

روابط يقول...

صديقتى
بالنسبة لموضوع المايك اب, فأهل مكة أدرى بشعابها, الا أننى فى المجمل لا احب المبالغة فى اى شئ, ولا احب الفتاة التى تضع المكياج بشكل مبالغ اللهم الا اذا كانت تخفى شئ ما, البساطة جميلة فى كل شئ

احساس لسه حى يقول...

عزيزتى

اكيد كل شئ وليه حدود لما بيتعداها بيبوخ

والميك اب كده لما بيزيد بيشوه المرأه ممكن يديها انوثه بس مش بيديها جمال

عن نفسى بشوف اى بنت احلا من غيره

حتى لو زادها انوثه

الجيلى فراورة بالموز بقه بحبه

بس مش بموت فيه

متعودش اعشق اى نوع من الاكل

علشان مشتقلهوش دايمن

تحياتى

سلام

rovy يقول...

السلام عليكم
انا كمان باحب الجيلى الفراوله بالموز و باعمل كمان تورته فراوله بالموز تجنن .. ان شاء الله يحصل و اذوقهالك ..
البوست هايل و اكيد الجمال الطبيعى و الاهتمام بالنفس عامة اهم من شوية مساحيق يداروا الحقيقه ..

دمتى سالمه بكل الخير

تحياتى

غير معرف يقول...

متهيالي يادعاء في علاقة تانية بين الجيلي والبنات دي
الجيلي دة شكله حلو من برة لكن مش بيفيد الجسم باي شيئ ربما يضر بسبب المواد الصناعيةوالحافظةالت يتكون عليه
وكذلكهؤلاء البنات شكلهم حلو من برة لكن من جوة فاضيين وممكن يضرو نفسهم بالميكب الزايد دة لأنه ممكن اللي يعجب بجمالها يبعد عنها بعد كدة لما يكتشف ان دماغها منجوة فاضية
او هي بتحاول تداري الخواء الداخلي بالمبالغة في التزويق من برة
دة رأيي ودة اللي حسيته من كلامك وارجو انك تتقبليه

- وبالهنا والشف ليكي الجيلي اللي بالموز
تحياتي ومودتي لك

غير معرف يقول...

بالنسبة للمساعدة
انا لما قولتلك اننا هنحتاجلك كان قصدي لو ممكن تكلمي الناس بتوع القسم الثقافي عندك في الجرنال يكتبو عن الكتاب او حد منهم يجي يغطي حفلة التوقيع في اطار تغطيتهم للأحداث معرض الكتاب

- وبعيدا عن كل شيئ اتمنى ان الكتاب يعجبك وانك تيجي وتنوري الحفلة معانا

- تحياتي ومودتي لك يا صديقي العزيزة

كراكيب نـهـى مـحمود يقول...

دعاء منتظر بوست تكوني بتعملي فيه كيكة برتقان اكيد هتقوللي كلام جميل زي ده
محبتي

soly88 يقول...

هناك فيلم لأحسان عبد القدوس اسمه
(انا لا أكذب ولكنى اتجمل)
فالتجمل ليس سيئا فى ذاته لو كان بالقدر المناسب
فالتورته هى اصلا كيكه عاديه ولكن الذواق والأضافات هى ما يعطيها شكلا جميلا
فان كانت الكيكه اصلا سيئة الطعم
فلن تصلح اية اضافات لأصلاحها

شمس النهار يقول...

كل شئ يزيد عن حده ينقلب لضده
التزين مطلوب لكن بحدود اللي مايغيرش الشكل تماما كده
حاجه بسيطه تخدم الموجود مش تغيره
وبيتين الشعر حلوين قوي
والجيلي كمان
تسلم ايدك علي البوست والشعر والجيلي

أحــوال الهـوي يقول...

شوفي راي الرجاله بقي في الميك اب

احساس بالانوثه جايز
احساس بالجمال يجوز
احساس بالتغيير ممكن

هنترك اذا كان شرعي من عدمه نتكلم منطقيا
و اضح ان هناك جهل في استعمال المكياج من حيث التوقيت و الكميه و النوعيه و الالوان

استعمال كريمات الاساس بدرجات الوان متناسبه مع لون البشرة بمعني البشرة السمراء لا تستخدم كريم اساس فاتح بعيد عن لون بشرتها فتظهر كانها بليتشو

يعني لو اختصرنا الكلام مكياج خفيف يخفي الشحوب و يضيف لمسه جماليه

و علاقة الجيلي بالفراوله و الموز بالموضوع انه كله لخبطة الوان

همس الاحباب يقول...

هههههههه
بالهنا والشفاء يا ستى
جبلى فراولة بالموز
ناوى تعملينا حساسية
تحياتى

الفراغ يقول...

ما اجمل شكل الجيلى بالموز وكانى ساقوم واخد طبق انت تقصدى تعملى فينا كدا
طيب قولوا اتفضلوا
بس بالهنا واشفا يا جميل
الميكب فعلا له سحره وجماله من وجهة نظرى بس داخل البيت ولمن له الحق فى ذلك وقد قال الله تعالى فى كتابه العزيز ولا يبدين زينتهن الا لبعولتهن............
واعتقد ان الميكب زى بالظبط الحجاب بالاستريتش
اللهم اغفر لهم فهم لايعلمون

adel يقول...

ههههههههه

طبق معاكي بقي :):)

مين قال ان الناس بيعجبها البنات اللي حاطه مكياج ؟؟

سوري ان بقرف قوي من البنات دي ..... سوري تاني بس انا حر في رائ

و بعدين قبل ما حد يضايق ينزل و يشوف واحدة حاطة 3 كيلو بلاستيك و بوية علي وشها بعد ضربة في الخلاط ضربا مبرحا ....و يطلع لون بمبي شفاف مزرق...و تضرب الخلطة علي وش الهانم و تنزل ....

و انا اشفها و اروح اجيب اللي في بطنبي
هههههههه

Tamer Nabil Moussa يقول...

ازيك يادعاء

اخبارك اية

كدة اغيب شهور ومش تسالى عليا

يلا انا اجدع منك اهو وجاى اسال

-----

تعرفى كلامك صحيح فى بعض البنات بقت حكاية الاب دة عادة غير قادرين على الاستغناء عنها
ربنا يشفى
الا صحيح اخبار الجيلى اية؟
تحياتى

غير معرف يقول...

انا كمان بموووووت فى جيلى الفراولة
بالموز وا مش بالموز كفاية انه جيلى فراولة

اما بقى بانسبة للمكياج ان عن نفسى مش بحبه لانى بحس نفسى غريبة فيه

وبحب شكل اصحابى من غيره مفيش احسن من الجمال الربانى

بس مفيش مانع من لمسه خفيفة كده من الكحل برده

اما للبنات اللى بيحطوا اوفر
مش كلهم يا دودو بيبقوا حاطينه علشان لفت النظر فى ناس اتعودت عليه


وفى ناس بتدارى ارهاق

ريكو يقول...
أزال المؤلف هذا التعليق.
ريكو يقول...

وأنا كمان بموت فى الجلى بالموز
كل ما بافكر فى موضوع الميك اب دة
بافتكر فيلم أحمد زكى
أنا لا اكذب ولكنى اتجمل!
يا ترى مين فيهم اللى كان بيكدب ومين اللى كان بيتجمل

mohamed ghalia يقول...

فكرة البوست هايل
ليت النساء يتعلمن هذا
دمتى بكل الود
فى حفظ الله
شاكر لكى سؤالك عنى فى غيابى

Foxology يقول...

الفكرة حلوة

فعلا ليه المدارية ؟ ليه الغش اللى بيستباح ده ؟

الف هنا على الجيلى بالموز :)

تحياتى :)

محمود البدري يقول...

نفسي راحت للجلي بصراحه

بس انا عرفت دلوقت انتي ليه مبعتليش البوست ده

متهيألي خاص بالبنات اكتر


مع تحياتي

نعكشة يقول...

يم يم

انا لاقيت فجأة فية تغير محوري في الكلام
انا قولت يمكن فوت جملة ولا حاجة
بس لاقيتني صح

اموهند ندخل في صلب الموضوع
صحيح اشمعنى صلب تحديداً؟؟؟؟

المهم يعني

نظراً لإني فاشلة في الميكياج او الميك اب او واتفر يعني ولما بحطه بحس إني شبة امنا الغولة
او العفريت
او البولهاء

و ياسلام علي احساسي بعد ما بغسل وشي بالماية و اشوف وشي
انا اهوه ياولاد :D

احساس تاني يعني

المهم فانا من وجهة نظري ان البنات احلى من غير الميك اب دة
مش عارفة لية
بيبقى شكلها كدة
بنوتة
صغنونة

على يدييييييي

شوفت بنات كتير عندنا في الكلية قبل ما يحطوا ميك اب
قشطة
بعد فترة منا لزمان حطوا ميك اب
حسيت انهم ستات
she looks like in 30ies
حقيقي

ليه يا ماما دنتي لسة كوكي يعني
...........

طيب
فيه ميك اب بقة بيجمل
زي لما واحدة تحط لنسز ( من الغالية ) رمادي ولا خضرا فاتح
عشان النوع الرخيص بيبقى شكلها واضح انها حاطة لنسز و بيبقى منظر مقزز صراحة ف يالعين

ممكن تحط ليب جلوس اللي هوه البتاع اللي بيلمع دة

بس الفول ميك اب دة ولا الطعمية يعني مش فارقة

بيبقى شكلها يع يع خالص يعني

بس من رأيي هوه حرام يعني ومش لازم البنوتة تعمله بقة
سواء بيخليها حلو او شبة ام الخلول


و في نهاية البرنامج احب اقول إني مبعرفش اعمل ميك اب فلو حد بيعرف يعلمني عشان لما اتدهول على عيني و اتجوز ابقى اعمل ميك اب للمأسوف على امره اللي هيبقى زوجي ( بعد عمر طوييييييل)
يعني ممكن الكورس يستمر 10 سنين ولا حاجة


و عايزة اتعلم كمان الجيلي بالموز عشاني بقة مش عشان المأسوف

سلام عليكِ

مهرة سالم يقول...

شكرا شكرا ماكانش له لزوم ...
إستقبال ولا أروع...
جيلي مقبول يا دعاء..
.......
الميك أب.....
على فكره أنا كنت زيك كده بستغرب وبفكر ..
ل غايت مافهموني البنات إلي من بتوع الميك أب...
إنه تعود ..
تماما زي مابيغسلو وشهم الصبح...
....
دمتي بخير..

ahmed_k يقول...

جيلي بالفراوله يووووووووووه
هففتي نفسي ليه
المهم البوست بالفعل رائع
ويضع أمام الفتيات الآتي يمارسن هذه الهوايه أسئلة كثيره
فهل هن يصدقن ما يظهره لهن
الآخرين من إعجاب وإنبهار بجمالهن
أم أنهن يدركن مدى الزيف والتزوير
الذي يراه هذا المعجب
أعتقد أنهن لا يدركن بل يصدقن هذه الكذبه
والميك أب يعد من أحد أسباب إنتشار ظاهرة الطلاق
فقد يقدم شخص ما على الزواج بفتاة ثم يدرك أنها ليست من كان يراها
بالإضافه إلى أن تلك المساحيق هي عباره عن كيماويات تفقد المرأه الكثير من إشراق ونضارة بشرتها الطبيعيه
ربنا يهدي كل نساء وبنات المسلمين

Mony يقول...

ههههههههههههه

حلوة العلاقة الفظييييييييعة بين موضوع البوست و الجيلي بالموز


مبدأيا ابعتيلي قطعة
بس تكون كبيرة علشان مش هاكل لوحدي



بالنوسبة لموضوع البوست بأه

انا في رأيي ان اللي بتحط الميك اب ديه مش واثقة في نفسها

و مستوي الثقة بالنفس ممكن نقيسه بكم اليك اب علي وشها

و اراهنك لو البنت ديه خطيبها او جوزها قاللها و اكد لها انهاجميله

مش مكن تفكر في الميك اب تاني


انما لو بنت مش مرتبطة
فده معناه تاني خالص



عموما ربنا يهدي الجميع

blue-wave يقول...

ههههههههههههههههههههههههه
مالكيش حل والله
ولكن رأيى المتواضع
من تبالغ فى وضع الميكب
هى فتاة لا تدرى شيئا عن حقيقتها
تحياتى

رحــــيـل يقول...

دعاء ازيك

انا معاكى فى الكلام بتاعك
بس تعرفى انه اوقات كمان بيكون هروب يعنى البنت ممكن تكون جميله ومش محتاجه ميكب بس حزينه من جواها وبستخبى وبدراى ملامحها
مش عارفه جايز

فى انتظار القصيده

تحياتى

تايه في وسط البلد يقول...

هو كان نوعه ايه؟


دريم ولا كوكس ولا فاين فودز عشان بتفرق!!

صاحب المضيفة يقول...

يارب يتفضلي تعملي جيلي بالفراولة على طول علشان نعرف نقرا الكلام الرايق ده بجد


دون الخوض في حبي الشديد للفراولة

الا ان كلامك فعلا صائب وواقعي جدا وأنا شخصيا بتضايق من البنات اللي بيعملوا كده وخصوصا لما بيكونوا مزودينها

دايما باقول ان الكلام ده مكانه البيت ولأزواجهم فقط في الحلال فقط وفقط


ربنا يسعدك ويرضى عنك يارب

حنين القلب يقول...

هههههههههههههههههههه
والمصحف انتى عسل
هى دى المشكله يا ستى هاجيب ليه 20 باكو جيلى بس الموز عليكى الفاكهه غاليه يا ستى
هههههههههههههههههه
مع احترامى لوجهه نظرك على الميك اب
بس انا ليه راى تانى
هو مش غش ولا تضليل للملامح
هو ممكن اداه للتجميل والتزين بس هو مش ضرورى الا فى المناسبات
وبعدين انتى معقده ولا ايه يا بنتى ههههههههههههههههههههههههههههه
زعلانه ليه من الميك اب
ما تسيبى البنات تعمل ميك اب وتتجوز وربنا يعدلها من عنده
انا بهزر يا دودو
وحشتينى والله يا حبيبتى
هاااااااااتى حته من الجيلى

Ahmed Mohamed يقول...

بعيدا عن ان الزينه تكون للزوج فقد...
شايف ان الميك اب ييجمل ييقبح

samourai 4 ever يقول...

يسلام على الافتكاسات
موحى جدا الجيلى التحفه اللى انتى عاملاه
مشاء الله
و فعلا عندك حق فى موضوع الميك اب دة
دة الواحد بيشوف العجب
انا كل فين و فين لما بحط كحل حتى

و بالنسبه للجيلى
ممكن حته عشان شكله مغرى جدا

و دمتـــــــــــــــــــــم

دعاء مواجهات يقول...

انا مووش مصدقة نفسى اية الناس الجميلة والتعليقات الاجمل دى بس ياناس

بجد جو اكتر من رائع كنت مفتقداة من زماان يابشرية

اوعوا تغيبوا عنى كدا تانى ..
التعليقات الجامدة دة لازمها ردود متمخمخة انا قريتها كلها ع فكرة

وفرحت بيها جدا جدا ..
هرد ان شاء الله على يوم الاربع كدة او الخميس بالكتير نظرا لظروف الشغل ..

دعواتكم معانا بقى
وشوفوا الجديد وقولوا رأيكم ..
بيس

كفايـة طيبـة يقول...

D:

بوست مبدع

طول مانا بقرأ عمالة اقول ايه علاقة الجيلي اللى بالفراولة بالميك اب
يمكن عشان احمر زي الروج مثلا D:

اللى فى الصورة ده انتى اللى عملاه ولا دي صورة ملهاش علاقة بيكي ؟

دعاء مواجهات يقول...

انسانه عادية فى عالم مش عادى

فليكن الجيللى كلو ليك ياقمر

وهو هيغلى عليكى يعنى

نورتى

دعاء مواجهات يقول...

فهد

لا طبعا موش خاصة بالبنات بس

بالعكس دى فرصة نعرف راى الاخر عامل ازاى ..

نورت

دعاء مواجهات يقول...

عاشقة القمر

اكيد مفيش احسن من ان الواحد يكون حقيقى وعلى طبيعته

معاكى ..

دعاء مواجهات يقول...

كاتب مصرى

لكل واحد بقى وجهة نظرة اللى لازم يبررها ويطلعها صح ف الاخر بغض النظر عن الصح الحقيقى..

نورتنى

دعاء مواجهات يقول...

انا حره

ياعينى حاسة بيكى يابنتى

ربنا معاكى

ما انا قولتلك عامله زيى فى حكاية النوم دى

اتفضلى الجيللى..

دعاء مواجهات يقول...

وومن

ياحبى دا انا اعملك وابعتوا لحدك كمان

ولا تتعبى نفسك

زى ما قولتى الحقيقة غيير..

وحشانى اوى

دعاء مواجهات يقول...

رومانسى

انت موش محتاج تتعزم

انت تمد ايدك طواالى

بيس

دعاء مواجهات يقول...

حازم سويلم

اهل مكه اللى هما مين بقى؟؟

نورت

دعاء مواجهات يقول...

احساس لسه حى

فلسفه مقبولة طبعا

نورت

دعاء مواجهات يقول...

رووفى

كدة هتخلينى فعلا استنى اجر تورتتك

انا مابصدق اصلى
هههههههههههههههههههههه

نورت ياجميل

دعاء مواجهات يقول...

مصطفى ريان

لا انا بقى بختلف معاك ان البنات علشان بيحطوا مي ىب يبقوا فاضين من جوا لا طبعا دا موش شرط ولا كلهم كدة فعلا ومينفعش نحكم احكام مطلقة بالشكل دة

لااازم تبلغنى ميعاد الحفلة اوك..

متنساش
بيس

دعاء مواجهات يقول...

نهى محمود

يارووح قلبى دا بس من جمالك

وبعدين انتى تؤمرى كيكة جيللى احنا تحت امرك بجد

منورة الدنيا..

دعاء مواجهات يقول...

سولى88

احيانا تصلح للأسف

تحياتى ليك

نورت

دعاء مواجهات يقول...

شمس النهار

يعنى الجيللى عجبك

طب مدى ايدك خدى تانى المكان مكانك ياقمر

ههههههههههههههههههه

نورتى
=======================

احوال الهوى

فعلا انا ربطت بين النقطتين بنفس الحكاية بردو بس فية الوان ليها طعم ومعنى والوان بتبوظ الطعم وتضيع المعنى

تحياتى ليك

دعاء مواجهات يقول...

همس الاحباب

لية بس ياخالد باشا انا قولت بالموز موش بالمانجه ولا انتوا تعبانين بقى وجايين تتكلكوا هنا بقى

ههههههههههههههههههه

نورت
========================

الفراغ

اولا الجيللى كلو ليكوا ولا يهمك

ثانيا مش ديما بيكونوا ميعرفوش فية يعرفوا وبيستهبلوا

ثالثا احيكى ع حسن ظنك

نورتى

=========================

عادل

اكيد طبعا انت حر ف رايك محدش يقدر يقولك حاجة

دى اذواق ووجهات نظر ومحدش يقدر يفرض راية عليك

انصحك بقى بنص ليمونه قبل ما تنزل م البيت

هههههههههههههههههه

نورت

دعاء مواجهات يقول...

تامر نبيل

يااااااااااااة

كنت فين كل دة

انا قولت انك سبت التدوين لابد

الف حمدلله ع سلامتك

والجيللى تمام اتفضل حلاوة رجوعك

بيس

=====================

نونا

بصى يابنتى اولا احنا مدخلناش ف نية اى حد

بس انا بقول على النسبة الاكبر يعنى

وربنا يهدى الجميع

=====================

ريكو

الكذب ليس له وجهان ولا يحتمل تفسيران

تحياتى ومودتى

واتفضل الجيللى معانا..

دعاء مواجهات يقول...

محمد غاليه

متقولش كدة دا اقل حاجه طبعا

=====================

فوكس

للاسف مستباح والبعض بيطلبه كمان

بسمله معانا...

===================

واحد من الناس

اطلاقا ع فكرة هو للجميع وديما كلامى للجميع ولا تمييز

وكمان مبقيتش ديما ببعت لانى ببعت لكل القايمة وفية ناس بتتضايق
بس

نورت

دعاء مواجهات يقول...

نعكشه

ههههههههههههههههههههههههههههه

صباحو رغى مغمس بخفة دم

دمك زى العسل بجد

نورتى

==================

نهار

لا شكر ع واجب ياجميل

وانتى الصادقة دى مبررات موش تعود

نورتى

========================

احمد قاسم

اللهم آميين ياارب ياأحمد

كلامك كلو صح معاك جدا

دعاء مواجهات يقول...

مونى

تفسير صح بردو

ووارد جدا كمان

نورتى

===================

بو وييف

ميرسى خاالص

دا ا قل حاجة ع فكرة

ههههههههههههههههههههه بهزر طبعا

منورنا

==================

رحيل

ممكن بردو انا عن نفسى لما بكون حزينة بحب فعلا اختفى عن عيون كل البشر حتى لا يروا الحقيقة انما الميكب بيلفت النظر اكتر

القصيدة قريبا واتمنى تعجبك

بيس

دعاء مواجهات يقول...

تايه فى وسط البلد

بعيدا عن حالة التوهان بتاعتك دى

هو كان كوكس..

دعاء مواجهات يقول...

صاحب المضيفه

اللهم آمين

ميرسى ع الدعوة الجميله دى بجد

منور مكانك

دعاء مواجهات يقول...

حنين القلب

اوووكى ياستى هاتى ال 20 باكو هما فيين؟؟

انا بصدق ع فكرة

نورتى وحشانى اكتر بجد

بيس

دعاء مواجهات يقول...

احمد علام

مهو اكيد يااما بيجمل او يقبح

وجهات نظر

ع فكرة انت بتفكرنى بحد اعرفه
بيس

دعاء مواجهات يقول...

ساموراى

يابنتى انتى تؤمرى اصلا

الجيللى وصاحبته تحت امرك

بيس ياقمر

دعاء مواجهات يقول...

كفايه طيبه

هنا يكمن الاختلاف يابنتى

نحن نختلف حقا عن الاخريين...

صراحه لا..

نورتى