الخميس، يناير 08، 2009

انفجااااااااااارى





انفجااااااااار

رغبة فظيعه فى الانفجار أريد أن ارتكبها ورغبة اكبر فى الصراخ

رغبة فى قول آآآآآآآآآآآآآآآآآة بشرط ألا تصل لأذن بشر يفكر فى الشفقة على حالى

فقط أريد الانفجار وكل ما أخشاة أن يصيب

إنفجارى هذا شخصا ً قريب من نفسى

ولن أقول قلبى فعلينا تركة فى حالة بعدما عاناه من قرف وتعب ووجع

أنا لا أتحدث إلى أحد لا أريد مزيدا من التعليقات فقط أريد أن أصرررخ

أن افرغ طاقة من الضيق والضجر .........

فقط أريد أن افهم ذاتى هل هى بكل تلك البشاعه

والفضول والتطفل حتى يقاطعنى

أحدهم أثناء كلامى قائلاً بأنة منهك وغير مستعد للإستماع لبشر

هل هى مصادفة ام خطة من القدر أن يتزامن هذا مع

صدمة أخرى فى شخصى من

أحد المقربين فقط يرانى ساذجة لا أجيد

التمييز يسهل على أحدهم اللعب بعقلى

ومشاعرى ..........

وهل هى مصادفة ٌ أيضا ً أن يتزامن كل هذا

مع كتابتى لقصة الوداع الأخير

سؤال كتير بسئلوا ليا هو أنا حد قوى وجامد وميهموش حد ولا ضعيفة اى شوية هوا

ممكن يقسمونى نصين ؟؟

لم أعد أدرى حقيقتى ربما أحاول إخفاؤها

هل أنا هذا الشخص العاقل الواقعى الذكى .. أم ذلك الغبى الهش الرومانسى

أم أنة قانون التناقض الابدى

هل أنا تلك البنت اللطيفة خفيفة الظل

ام تلك الكئيبة التى تبحث عن مصادر شقاؤها ؟؟

هل أنا الانسان صاحب المبدأ الواحد

أم صاحب المصلحة والهدف الذى يريد تحقيقة بصرف النظر عن الوسائل ؟؟

حالة من الإنقسام الداخلى والتشتت والتيه ...

من أنـــــــــــــــــــــــــــا ؟؟؟؟؟؟؟

لم يعد يعنينى ذلك كثيرا ً ربما كل ما يعنينى الآن

يتلخص فى كلمة وااحدة

الإنفجااااااااااااااااااااااار

ولا شئ سوااة .......

هناك 53 تعليقًا:

كراكيب نـهـى مـحمود يقول...

الجميلة دعاء
انت إنسانة صادقة مع نفسها
من حقك عندما تغضبي أن تقولي وتصرخي
وعندما تفرحي ان تملئي العالم بأغنيات المرح
اجمدي شوية يا بنوتة الحياه لسه في اولها
كل الجاي أحلى ده وعد
خالص امنياتي الطيبة ليك ومحبتي

mohamed يقول...

دعاء
السلام عليكم ورحمه الله وبركاته
عندما تغضبى
أغضبى لكن ممن أثار غضبك
لامن نفسك
القوى يغضب لكنه يستطيع أن يستوعب غضبه, أما الضعيف فالغضب يستغرقه
أنت شخص واحد طبيعى العاقل الواقعى الذكى و الرومانسى
لاتعارض بين كل هذه الصفات
والانسان كما أن له لحظات سعاده له أيضا لحظات الشقاء, اليس هذا من سنن الحياه فكما نقبل السعاده يجب علينا تحمل الالم .

من يتصور أنه أذكى من غيره هو غبى
لآنه يمكن أن يخدع كل الناس بعض الوقت
ولكن لايمكن خداع الناس كل الوقت
دعاء من ساعات مضت كنتى ترى بعينيك
هؤلاء الذين فقدوا الاحباء فى قصف غادر
أو فقدوا جزءا من أحسادهم
هل رأيتى كم هم أقوياء وكم هم متحديين
وما عندهم من أراده
دعاء ربما لم تتوفر فرصه للحوار معك
لكن كما رأيتك أنسان ويكفيكى أن تكونى
أنسان
دعاء أغضبى ممن يستحق غضبك
لكن مع دعاء فالمطلوب أن تتصالحى معها

مع تحياتى وتقديرى لكى
محمد
شوية كلام
مشاعر وأفكار

أحــوال الهـوي يقول...

ابنتي

لا اعرفك شخصيا و لكنني احترم قلمك و قوتك وايمانك بما تكتبين
من قال لك ان الرومانسيه ضعف من خدعك واقنعك بما ليس فيك
الرومانسيه انسانيه و شخص يحيا حياة طبيعيه بمشاعرة و احساسه
انا رو مانسي و اعرف كيف اكون صلب الفؤاد
اكره واحب ابكي و افرح
ضعيف و قوي... عاجز وقادر

نحن يا ابنتي مزيج من الكل لنا سقاطتنا و نجاحنا .... انت انت كما عرفناك و لحظات التساؤل تكون عادة مصاحبة لغفلة او صدمه ما
اعلمي بانك اخترت ان تكوني مواجهات اي تتصدين لكل السلبيات فكوني انت و الاهم ان تتصالحي مع نفسك و تحبيها فهي اولي ان تحب

تحياتي

وومن يقول...

دودو

معقول لما شوفتك امبارح مكنش باين عليكي حاجة من كل دة

كل دة جواكي ومع ذلك جيتي وابتسمتي وضحكتي معانا

طب فكري كدة دة معناه ايه ؟

كل اللي جواكي ده منطقي وطبيعي مين منا فاهم نفسة او عارفها

ساعات بنبقي اقويا وساعات بنبقي اضعف من ورقة شجر في مهب الريح

علشان هي دي الدنيا انفجري لو الأنفجار هايرحك لآني متأكدة انك هاتعيدي لم شمل نفسك وتشكيلها من جديد

لكي مني ارق وخالص تحياتي

نعكشة يقول...

مش عايزة اقول اني زيك و بتاع و ان نفس الاحساس بيجيني
برغم اني قلتها
بس مش هزود يعني

بس متخافيش
ربنا بيحبك
ومش هيسيبك كدة
ربنا هيصلح ذات بينك و يهديكي للصح
ادعيه بس

انا هدعيلك و أدعي لنفسي

لا تحزني إن الله معكِ

خدي بالك من نفسك .... لو حبيتيها و اسعدتيها و مشيتي انتي و هيا في الصح مش هيهزك ان حد اتضايق منك و ربنا هيحبب فيكي خلقه كلهم
و هيعوضك عن كل الاحاسيس ديه

ربنا يفتح عليكي
للأسف انا فاشلة في الكلام بس فعلا بتمنى ربنا يعينك

سلام عليكِ

!!! عارفة ... مش عارف ليه يقول...

هتهون إن شاء الله يا دعاء

princess يقول...

اللى كتبتيه ده اكتر حاجة تدل انك حد ذكى:)
وبعدين مين قال الرومانسية تقترن بالغباء والواقعية ذكاء؟؟
تحياتى

محمد عبد القوى يقول...

انا جي هنا اعلق على البوست اللى فات واعتذر اني لسه ما قريتش البوست ده لضيق الوقت ، وكذلك اعتذر عن غيابي الفترة اللى فات
لا تعذريني ياغزة مواجة جديدة صادمة وبوست مباشر رائع
وكمان بيتفق عايا في وجهة نظري اللى عرضتها على قلم الحرية
ياريت تقريها
واخيرا .. اسف مرة تانية على عدم القرأة والغياب

رئـــــيسـة حزب الأحلام يقول...

بصى يادودو الحالة دى انا بعانى منها فى الوقت الحاضر اوى بس احنا فى الاخر بشر وجوانا كل المتناقضات دى ودى حاجة طبيعيه بس للاسف بيحدث صراع داخلى بين كل هذة التناقضات ونحاول اننا نثبت على حل
يسر الله طريقك اختى
تحياتى

حد مش فاهم حاجه يقول...

دعاء
اصرخي زي مانت عايزه
لكن دايما خليكي اقوي من الصرخه
لان الصراخه اذا كانت اقوي من الانسان ممكن تقتله
لان الانسان يبكي اذا كانت مساحة ألمه اكبر من حجم دموعه
ويصرخ اذا كانت مساحةجرحة
اعمق من حجم اهاته

دكتور بهــدوء يقول...

هل أنا هذا الشخص العاقل الواقعى الذكى .. أم ذلك الغبى الهش الرومانسى
اسمحيلي
كده انتي الشخص العاقل الواقعي الذكي
الرومانسي احيانا ليس الغبي
مجرد صراخك فهو تحكم م عقلك لرومانسيتك
قد يكون غاب عقلك للحظه ولكن ها ه سرعان ما حلل الامور


قويه كالعاده

Gannah يقول...

السلام عليكم
انت دودو الانسانة الصادقة الصريحة
خليط من قوة وضعف زى اى بشر
واقعية ورومانسية زى اى بنت
لا تتأثرى باراء الأخرين لهذه الدرجة
لابد ان فيهم من العيوب الكثير ولكننا فى منهى البراعة فى انتقاد الأخربن وننسى اننا كلنا عيوب
اصرخى يا دودو ولا يهمك
وانا هصرخ معاكى
اااااااااااااااااااه
تحياتى

موناليزا يقول...

نفسى عن غضبك
وماتكتميش مشاعرك
وواجهى اى حد اتسبب لك ألم
وماتسمحيش لحد ابدا مهما كان ان يحاول ان يقضى على ثقتك الداخلية بنفسك

romansy يقول...

مش عارف ايه الحيره اللى اتملكت قلوبنا دى
بس المهم اننا نكون نفسنا مهما مر بنا الزمن من قسوه

حسن حنفى يقول...

اعتقد اننا نعيش في دنيا المتناقضات

يعني حيث تجدين في الشخص الواحد انه يجمع كل معظم الصفات المتناقضه

بس في النهايه اعتقد

ان انا زي مانا

mahasen saber يقول...

سالتى يا دعاء السؤال اليى بيشغل بال كل نفس
وطرحتى كميه كبيره من الصفات والتناقضات فى النفس البشريه
بس عارفه ده ان دل بيدل على انك انسانه صاقه مع نفسك وطيبهخ والدنيا محيراكى زى ما محيرانا كلنا

بس مرحلة الانفجار فتره وبنحسها وبقوه وبعدين بتروح لحالها يا حبيبتى
ربنا يسعدلك ايامك
ويوهبك راحة البال والروح

نونا يقول...

عجبنى التعبير عن الحالة اللى انتى فيها

بكلمات بسيطة ومعبرة

انتى يا دودو حد قوى بيعرف يحمى نفسه ويهتم بيها بس برده فى اوقات بتيجى لى البنى ادم بيحتاج حد يبقى هو حمايته وامانه ودى بقى الاوقات اللى بيكون فيها ضعيف محتاج لحد يشيل همه انتى حد قوى فادر على اتخاذ قرارته بنفسه بس برده احيانا
بنحتاج حد يساعدنا على اتخاذ القرار وتنفيذة ودى برده اوقات بنحس فيها اننا ضعفاء

وماشاء الله عليكى ذكية واقعية فى تفكيريك فى المواضيع المهمة

ورومانسية مفيش بنى ادم مش رومانسى


وانتى برده البنوتة اللذيذة اللى دمها خفيف وبتحب الضحك

بس الحياه فيها الضحك والاكتئاب

دودو انتى جميله اووى بكل الصفات والعيوب اللى فيكى
كفاية انك صادقة مع نفسك

عاشقه وغلبانه يقول...

اهو انا نفسي اعمل زيك كده بس ماحدش يسالني ليه ومنين وفين وبكام
نفسي انفجر بجد

هاني فؤاد يقول...

من الطبيع يان يشعر الانسان بهذه المتناقضات احيانا عندما يعيش حالة من التشتت وعدم الثقة بالنفس تجاه امور معينة..فتشي عن ذاتك يا دعاء وستجدين ما يثبتك ان شاء الله

فارس القمر يقول...

التعبير عن النفس

من اللى عايشين فيه

نفسنا نعمل اللى عاوزين نعبر عنوا باى طريقه وماحدش يسالنا ليه وعلشان ايه وازاى

والاخسن من كدا ان مافى حد يشوف تعبيرنا يبقى شكلوا


تحياتى لك ولموضوعك

كيــــــــــــارا يقول...

آآآآآآآآآآآآآآآآآة بشرط ألا تصل لأذن بشر يفكر فى الشفقة على حالى

***********

ياه يادودو قلتي حالي

fashkool يقول...

يا بنيتى لا تسقلى على نفسك كثيرا .. فانت هو انت سواء هذا او زالك .. ولكن قليل من التوازن يجعل الانسان افضل .. فالانسان فيه كثير من المتناقضات ولا يوجد انسان كامل .. هونى على نفسك
تحياتى

آه وكفى يقول...

اه فاكرة موضوع الكتاب .. قال يعني انا ناقصاه ومزنوقة في مطبعجي .. شوفتي الوكسة .. انا كمان نفسي اشوفك جدا ونرتبخروجة منظمة كده مش العبط بتاع المرة اللي فاتت بس بمتحن اليومين دوول ادعيلي يادودو

ـــــــــــــــــــــ

نيجي للبوست
حلو الانفجار جميل بيطلع كتير احسن ما الواحد يفضل شايل في نفسة ويطقله عرق بس زي ماقولت بلاش يكون الانفجار في حد عزيز عليكي يعني من الافضل تروحي في اي مكان غير مأهول بالسكان واديها براحتك منها محدش يتعور ومنها محدش يسمعك وتباني ضعيفة .. انا كمان كده .. منا لو بنكسر من جوايا مش عيزة فنظر الناس أتهد
كمان كلنا فينا كل النواقض والبلاوي السودة مش انتي لوحدك ولا تضايقي نفسك.

تحياتي .. ولومضايقة وعيزة تفضفضي تليفوني معاكي .. هسمعك :-))

ولو زعلانة وعيزة تعملي اكتاب اعملهولك ولا يهمك

همس يقول...

مش مهم تعبرى عن راى حد فى نفسك

المهم انتى رايك فى نفسك ايه؟


ياما هتلاقى كلام يضايق

ارمى كلو ورا ضهرك

وخليه يقويك مش يتوهك ويضايقك


اشوفك على خير يا دودو ديما

دعاء مواجهات يقول...

كراكيب نهى محمود

كلامك بجد يانهى من ساعة ما قريتوا وهو مطبطب عليا

بجد ميرسى اوى..

دعاء مواجهات يقول...

محمد

استاذى العزيز

اشكرك على الكلمات المقوية فعلا
تحيااتى لك

نورتنى واتشرفت بمقابلتك..

دعاء مواجهات يقول...

احوال الهوى

الرومانسية إنسانية

اجمل ما قيل عن الرومانسية ورأتة عينى حقا

تحياتى لشخصكم الكريم ..

دعاء مواجهات يقول...

وومن

حبيبة قلبى

انا اجيد فن الفصل بين ما هو داخل واشعر بة

وبين ما يجب ان اشعر بة .. ويراة الاخرون فى عينى

تحيااتى ليك يارق قلب ..

دعاء مواجهات يقول...

نعكشة

كل دا وفاشلة فالكلام

لا بجد كلماتة مريحة جدا والظاهر انى مش انا بس كدة ودا عزائى لاوحيد ..

تحياتى ومودتى

دعاء مواجهات يقول...

عارفة مش عارف لية

كلو بيعدى

دا شئ اكيد

....

دعاء مواجهات يقول...

برنسيس

ميرسى ع رايك

بس دا كان اعتقاد الغير وليس اعقادى

تحياتى ليكى..

دعاء مواجهات يقول...

محمد عبدالقوى

انا مقدرة كل ظروفك

وربنا معاك ولا يهمك
انا مقدرش ازعل منك

بيس

دعاء مواجهات يقول...

رئيسة حزب الاحلام

كلنا يتمر علينا الحالات دى

لا تقلقى

منورة..

دعاء مواجهات يقول...

حد مش فاهم حاجة

هى رغبة للتنفيس فق

اشكرك ع كلماتك

دعاء مواجهات يقول...

دكتور بهدوء

ترانى قوية فى اكثر وقت اشعر فية بالعكس

الكلمة نقلتنى لما يجب ان اكون علية

تحياتى ليك

دعاء مواجهات يقول...

جنة

كلمتك اثارت شجونى

شعرت ان قلبا احبة وارغبة معى بالفعل

بقلبى اراكى واستشعرك معى

بحبببببباااااك ..

دعاء مواجهات يقول...

موناليزا

صعب جدا اسمح لحد يأثر ع ثقتى ف نفسى والا اكون حد ضعيف فعلا وقولا

اشكرك

دعاء مواجهات يقول...

رومانسى

الحيرة والتقلب من سمات الانسان الطبيعى

لحظات ومواقف علينا ان نعبرها..

دعاء مواجهات يقول...

حسن حنفى

مفيش حد خالى من المتناقضات

كلامك صح

دعاء مواجهات يقول...

محاسن صابر

ياارب يتقبل الدعاء الجميل منك

وميرسى بجد ع الزيارة الجميلة

نورتى

دعاء مواجهات يقول...

نونا

دخلتى جوايا وقريتى وطلعتى وقولتى

تسلميلى ياحبى ..

دعاء مواجهات يقول...

عاشقة وغلبانه

اعملى ولا يهمك

انفجررررى

دعاء مواجهات يقول...

هانى فؤاد

اشكرك لكلماتك

منورنى

دعاء مواجهات يقول...

فارس القمر

مش حكاية حد يشوفوا بقدر ان الحد دة يكون فاهم اصلا

نورتنى

Che يقول...

بصى يا ستى .. انتى الصادقه و الكاذبه .. الساذجه و الخبيثه .. الطيبه و الشريره .. اللطيفه و الكئيبه .. عشان ماطولش عليكى انتى الحاجه و ضدها و مش انتى بس كلنا كده .. عشان احنا اعقد مما نتصور و مفيش حد ليه جانب واحد بس والا تكونى بتبصى لضخص بروفيل مش شخص كامل
بخصوص الرغبه فى الانفجار انفجرى زى ما انتى عايزة لانه حاجه صحيه .. بس خلى جنبك شويه مناديل لان قرار الانفجار بيكون متبوع بنشاط للغدد الدمعيه

دعاء مواجهات يقول...

كيارا

يبدو فعلا ان هناك الكثييرن

نورتى

دعاء مواجهات يقول...

فشكول

كلامك صح خلاص متقلقش

انا اترتبت خلاص

حالة وتنتهى

دعاء مواجهات يقول...

نورة

ههههههههههههههههههههههه
هههههههههههههههههههههههههههه

والله يابنتى انتى زى العثل بجد

خلصى بقى الامتحانات علشان نعييش شوية

اشوفك ف خير ديما يارب ..

دعاء مواجهات يقول...

همس

جيبتى م الاااخر

وهو دا اللى هيحصل

بيس ياقمر

دعاء مواجهات يقول...

تشى

اشكرك على الفلسفه الواقعية

وحكاية المناديل حصلت طبعا

ميرسى كتيير ليك

نورتنى

Foxology يقول...

قبل الأنفجار لازم السؤال : انا مين ؟ يتجاوب عليه والسؤال الأهم منه ... هل دى حالة تمرد على الذات ولا حاجة تانية ؟؟

تحياتى وامنياتى بحياة متزنة هادئة :)

واحد من الناس يقول...

كلنا عايزين ننفجر
بس مش في نفسنا ولا في بعض
لكن في الخونه قبل الاعداء
________________

في انتظار جديدك

will يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情