الأربعاء، نوفمبر 19، 2008

الأكشن الطبيعى.. يكسب


سيبك م الأكشن المصنوع وخليك ف الطبيعى.. الطبيعى يكسب....


إسمحوا لى أعزائى أن اعترف لكم بالأمر الذى طالما حاولت إخفاؤة والتهرب من إظهارة على مسرح حياتى
فأنا ولا أدرى إن كان بكل فخر أم لا

أعرف الكثيرين من رجال الأعمال بعضهم كبير وبعضهم صغير وبعضهم متناهى الصغر وبعضهم لايكاد يُرى بالمجهر ولكل نسبة تأثيرة حسب حجمه وسلطاته وبابا غنوجه .. أسمع أحداً يهمس ويردد دى طلعت منهم فدعونى أقولها لااااا وألف لا فأنا مازلت منكم ولن أسمح لهم يوماً أن يستدرجونى لفئتهم اللى واكلاها والعه ...

دعونى أرددها ثانية ليس إستفزازاً ولكن تأكيداً على المعلومة- أعرف الكثيرين منهم- فهكذا تقتضى طبيعة عملى ولكن ما يدهشنى بل ويذهلنى أحيانا ً
هى إنطباعاتى عنهم التى تتماثل مع شخصياتهم وتتطابق فإنطباعاتى تلك ومع درجة اللا جدواها الكبيرة لهم أجدها فى قمة الأهميه لى تعيننى على فهم شفراتهم الخاصة وأحاديثهم السريه ونظرات أعينهم المتحربأة وحركات أيديهم الملتويه بت ُ أعرف أن هذة الإشارة معناها (صفيه) وتلك معناها (إخرب بيته) وتلك معناها ( شردوا)

هو عالم خاص بكل المقاييس عالم من اللامقاييس ملئ بالأكشن الواقعى الغير مصطنع
وبعيد كل البعد عن السقا وشعبان وخالد صالح ...

تتبدل وتتغير أفكارى عنهم بعدد لحظات أعمارهم وعدد أنفاسهم التى يخرجونها يومياً ففى تلك اللحظة أراة رجل خير وبر وإحسان وتلك الدقيقه التى تليها أراة قاتل ومجرم محترف وشريك فى مافيا الجرائم المنظمه فى إيطاليا وشيكاغو ... وما يزيدنى دهشه رؤيتى له فى الدقيقة التاليه نخاسا ً يعرض أعلى الأسعار من أجل حصوله على المتعه .أشكال وألوان من الشخصيات المتناقضه فى قمة زهوها لا يملك احداً نقدهم ولا حتى التلميح بذلك وإلا كان مكانه محفوراً فى الأذهان
عالمٌ ملوث بكل ألوان الفساد الذى سمعنا عنه والذى لم نسمع بعد عنه شيئاً

مازلت علاقتى بهذا العالم كما هى ومازلت أغوص به ومازال السؤال يلح على عقلى هل بيد الإنسان ان يختار أن يكون هكذا ؟وماذا لو رجع بهم الزمن ترى ماذا سيختارون لأنفسهم؟ وهل هم راضون عنها فى شكلها الحالى؟

ومازلت افكر
ومازالت قطعة الشطرنج
لاتملك سوى أن تتحرك
وتوضع فى المكان الذى أرادة لها
...اللاعب المحترف.

هناك 51 تعليقًا:

همس الاحباب يقول...

اول تعليق
كفاية قوى عليه كده

همس الاحباب يقول...

تلك هى ضريبة الشهرة والثروة عزيزتى
لابد لها من يد فولاذية لتحميها
تلك هى النظرة الطبيعية لرجال الاعمال
وخصوصا من جمع المال من اوجه غير مشروعة
ولكن هناك رجال اعمال ربنا اكرمهم بالمال لانهم يستحقونه
مازالت قطعة الشطرنج
لاتملك سوى أن تتحرك
وتوضع فى المكان الذى أرادة لها
...اللاعب المحترف.
وستظل هكذا ..
تحياتى

شمس النهار يقول...

يعني مش بتشوفي الافلام والمسلسلات بتظهرهم ازاي
ربنا يرحمنا

Unknown يقول...

دي اول زياره ليا بس فعلا مبسوطه اني عرفت المدونه بتاعتك و الفضل للصباغ هو الي قالي انه بلوج جميل اوي

عالم رجال الاعمال دايما مليان احداث و اكشن

Mony يقول...

لو قضينا عمرنا كله نحاول نحلل النفس الانسانية
مش ممكن نعرف ابدا
حتي لو خدنا فوق عمرنا عمر تاني


و احب اقولك
لو رجع بيهم الزمن هيختاروا نفس الحياة و العيشة و التصرفات
سواء هم كانوا راضون عنها ولا لاء

محمد فاروق الشاذلى يقول...

لا يمكن الانسان فى حالات عدة فربما إذا كنتى مكانهم لكنتى مثلهم أو أشد، مثلما كان عنوان أحد المسلسلات الرمضانية (للثروة حسابات أخرى).
فقط حافظى على نقائك بعيداً عن عالمهم.

AhMeD RaDy يقول...

اهلا اهلا بدعاء مواجهات .. كيفك كدا وعامل ايه

عاتى بقى .. انا عرفتك من ضربة شمس

المهم يا معلمة .. ومن غير كلام كتير ولا تفاصيل ...

هى دى الحياة .. الطبيعى يكسب ..كل ما هو طبيعى

ختى ولو كان ... كدب ونفاق

بس طبيعى

مصــــري يقول...

مواجهات

كيف حال رئيسة التحرير.
أيون
أقصد سيادة سعادة جناب معاليكِ.

كفاية نفاق بقي ونخش في الموضوع.

في ناس بتحترف كل الأعمال الاجرامية وبتحترف تحويل اسمها لرجال أعمال والأمثلة كتير.

بس هم لو فكروا انهم يرجعوا زي الفل مش هايعرفوا.
النفوذ والسلطان بيعموا الانسان.

وانتي ياستي مش منهم.

تحياتي
أسامة

غير معرف يقول...

ايه الاسئلة الصعبة دى يا دودو

اعتقد انهم لو مش راضين عن حياتهم دى وجتلهم الفرصة انهم يرجعوا زى الاول هيرجعوا


بس برضه البنى ادم طماع
وعالم رجال الاعمال مليان بالمغريات الشهرة والفلوس والنفوذ

الحل انهم يتقوا ربنا
اعتقد ده الحل الوحيد لاى فساد
فى المجتمع

نشأت العمده يقول...

فعلا المشكله فى الموضوع الطمع من البدايه لو هو راضى فعلا برزقه وعارف ان الفلوس دى مكتوبه له راح يمين شمال هى جايه جايه بس الطرييق الى هى جايه بيه والطريق الى هى رايحه فيه احنا اوقات نسمع عن واحد فلس وواحد مش عارف جراله ايه ونسمع عن واحد ملياردير وبيكسب كويس ويتصادر فلوسه لانه فقط معارض اخون مثلا فلفلوس لو مكتوب لها تيجى هتيجى باى شكل لو هتروح برده هتروح باى شكل المهم ان الواحد يكون عارف فلوسه دى جاياله جاياله باى شكل يمين او شمال فوق تحت حلال حرام جايه جايه يبقى هو يتقى ربنا فيها

شفـقــة و إحســــان يقول...

يا بنتى على راى خالد هى دى ضريبة الشهرة امال انتى عايزاهم يبقوا طيبين ومتواضعين وبيساعدوا الناس ؟؟
ده انتى طيبة اوى يا دعاء ولما هما يعملوا كده امال امثالنا احنا يعملوا ايه
مشكورة بجد على البوست

Foxology يقول...

والله مش عارف اقولك ايه يا دعاء

لكن متأكد من شعورك ناحيتهم بالنفور

تحياتى :)

صاحب المضيفة يقول...

كلمات قوية تدل على وعي صادق


أعاذك الله من كل مكروه وحصنك بكل الخير

Unknown يقول...

السلام عليكم

ازيك يا دعاء

يارب تكوني بخير وكل اخبارك سعيده

بصراحه الموضوع جميل رغم اني قليل الاهتمام بالموضوع ده

عجبتني اوي سلطاته وبابا غنوجه


تحياتي

mohamed ghalia يقول...

لا بد من أنهم راضيين عن ماهم عليه لأنهم لو عاد بهم الزمن سيحلمون نفس الحلم
وسيحاولون تحقيقة بكافة الطرق
تحياتى
دمتى بكل الود

أبو العريف يقول...

معاكي حق وهو دا اللي مخليني مش راضي ابقي رجل اعمال اصلي ماليش في الاكشن ليه في الكوميدي

غير معرف يقول...

على فكرة يا دودو انا كنت كاتبة واحد

وانا كان قصدى 100000000000000000000سنة
بعد الشر عليكى يا دودو ربنا يخليكى لكل اللى بيحيوكى

rovy يقول...

اختى الحبيبه دعاء
اولا باعتذر جدا لانى اتأخرت عليكى خصوصا انى اهنيكى بعيد ميلادك اللى اكتشفته صدفه من مدونه الحبيبه جنه
معلش و الله مريم كانت تعبانه جدا و كانت مصابه بحمى و ما كنتش قادره ادخل الفتره اللى فاتت خالص .. فسامحينى و كل سنه ياارب و انتى بالف خير و طيبه دايما زى ما عرفناكى و حسناكى ..

بوست مميز كالعاده و اجابه سؤالك من وجهه نظرى ان من يحيا هذه الحياه لا يستغنى عنها مهما كلفته .. لذلك نعم سيختارون نفس الحياه .. على الاقل معظمهم ..

دمتى بكل خير

خالص تحياتى

DR.HAMAS يقول...

هذا واقع حقيقى

لمن كانت الدنيا كل همه

فهو يلهث وراءها و يطلبها من أى جهة

حتى و إن كان فى سبيلها سيقتل أو ينهب أو أو

نحن مطلوب منا أن نصل لأعلى الغايات فى الدنيا

هكذا يريدنا الله

و لكن لنصل إلى العلياء ... بالرحمة و الرفق

جزاكم الله خيرا أختنا



د.حماس

إيمان قنديل يقول...

أحيانا تفرض علينا الظروف اشياء لانتقبلها


لكن بإماكاننا أن نختار الطريق الذي نفضله في بعض الأحيان



بصراحة المسأله صعبه

فشكووول يقول...

سلامو عليكم يا دعاء مواجهات .. هم المنايفه كدا مشكلتهم انهم صرحاء مع نفسهم ومع الاخرين .. هذا العالم ربنا يهديه ولا ربنا يعفرته .. مش حتفرق .. كان مفروض انك تحضرى فى الاستاد فى شبين النهارده .. يا ترى ايه اللى حصل وما خلكيش تييجى .. تحياتى

دعاء مواجهات يقول...

همس الأحباب

اكيد النوعيات كلها موجود

لكن المؤسف ان الجيد اصبح قليل

تحياتى ليك

دعاء مواجهات يقول...

شمس النهار

للأسف الواقع

أكثر ظلمه .. من التمثيل

نورتى

دعاء مواجهات يقول...

ايمى

اهلا بيكى وبريحة الحبايب

نورتينى

التواصل يسعدنى

دعاء مواجهات يقول...

مونى

يعنى انتى شايفه ان دوول فئة مخلوقه

لهذة الافعال وهذا الدور ومينفعش يعملوا غيرة؟؟

نورتى

دعاء مواجهات يقول...

قلب مصرى

التفكير اكيد مطلوب

واحنا كمان لو ماكوناش كدة كان ممكن نكون زيهم مثلا ؟؟

نورت

دعاء مواجهات يقول...

احمد راضى

اهلا بكل ما هو ضربشمساوى اصيل

نورت يامعلم

بس قوللى بقى ايه حكاية الكذب الطبيعى دة

زى الجوافه كدة والمانجه؟؟

نورت

دعاء مواجهات يقول...

مصرى

تصدق ياعم اسامه ان النفاق دة حلو اوى

ههههههههههههههههههههه

دى كلمه شهيرة عندنا

المهم انا فعلا مش منهم الحمد لله

نورتنا يابرنس

دعاء مواجهات يقول...

نونا

تقصدى يعنى انهم يكسبوا ويشتغلوا وف نفس الوقت يتقوا ربنا

قوللى يااارب

ربنا يهدى الجميع

..

دعاء مواجهات يقول...

نشأت

معنى كدة انك متفق مع نونا

بس دى مثاليه للأسف مش موجودة ف الواقع

تحياتى ليك

دعاء مواجهات يقول...

شفقه واحسان هانم وبيه

هههههههههههههههههههههههههههه

حلوة دى امثالنا يعملوا ايه

دا ايه كمية التواضع المغمش بنكران الذات دة بس

دعاء مواجهات يقول...

فوكس

تقدر تقول شعور

التلميذ ف اول يوم مدرسة

ودة طبعا كل يوم

بيس يابرنس

منورنا

دعاء مواجهات يقول...

صاحب المضيفه

تقبل الله دعائك

آمييييييييين

...

نورتنى

دعاء مواجهات يقول...

وأخيرا برقش

كل دى غيبه

دى المدونه كانت هريانى أسئلة عنك

يارب تكون تمام كدة

انا الحمد لله تمام بردو

منور مكانك ..

دعاء مواجهات يقول...

محمد غاليه

فلسفه جديرة بالتفكير فيها

نورت

دعاء مواجهات يقول...

حد مش فاهم حاجه

ههههههههههههههههههههههههههه

الكوميدى يكسب طبعا

نورت

دعاء مواجهات يقول...

نونا

انا عارفه ياقمر

بس بهزر معاكى

صحفية بقى وبتاع وبتقف ع الواحدة
هههههههههههههههههه

بيس ياجميل

دعاء مواجهات يقول...

رووفى

ولا يهمك ياحبيبتى

والف مليون سلامة على مريم

والمهم انها بخير الوقتى

نورتى

دعاء مواجهات يقول...

د. حماس

كلام مريح وصادق

اتمنى ان نصل جميعا لهذة الدرجة

نورتنى بكلماتك الجميله ..

دعاء مواجهات يقول...

مكسوفه

الاختار يكون دائما صعب

عندما تتجاور المصالح والاخلاق ودنيا المال

تحياتى ليكى عزيزتى

نورتينى

دعاء مواجهات يقول...

فشكول

انا اعتذرت عن الحضور

نظرا لصعوبة الخروج ف الجمعه

لانه اليوم الوحيد عندى اجازة

لو ممكن الاربع مرة تانيه

يكون كويس جدا او حتى خميس

اجى مخصوص كمان

دا يشرفنى

دمت بود

اشكرك ع الاهتمام والسؤال

تحياتى ..

حاجات جوايا يقول...

والله الواحد بقى عنده حصانة طبيعية من الصدمات فى البشر من كتر اللى بنشوفه فى برامج التوك شو وعلى صفحات الحوادث
ناهيكى عن المسلسلات اللى بتكرهنا فى رجال الاعمال زى قلب ميت ودموع القمر وغيرهم كتير

ربنا يرحمنا

دمتى فى حفظ الله أختى الحبيبة
سالى

romansy يقول...

عزيزتى
قد تكون تلك الشخصيات جميله من ظاهرها
وهى فى الاصل لا تعلم ما بداخلها

قد يكونوا يتمنوا الغنى
وهم بالفعل فيه
ولكنهم يزدادوا طمعا فى المزيد

kafrawy يقول...

يا خوفى يا بدران
لمتطلعش لاعيب محترف

ربنا يعينك

دعاء مواجهات يقول...

حاجات جوايا

اهلا بيكى سالى الجميله

كلامك صح طبعا اساسا كلمة رجل اعمال ارتبطت بالسرقه وافلام الاكشن ف تفكيرنا

وصعب اوى نغير الفكرة دى

تحياتى ليكى

نورتى

دعاء مواجهات يقول...

رومانسى

حتى مع الاشرار لا تستطيع
ان تتخلص من رومانسيتك الجميله

دمت بود

دعاء مواجهات يقول...

كفراوى

هههههههههههههههههههههههه

محترف مين بس وبتاع مين

وانا قولت كدة
دا انا لساانى مبتدئ

منور يابرنس

!!! عارفة ... مش عارف ليه يقول...

اعتقد إنهم مش شايفين نفسهم هكذا

وافتكر لو رجع الزمن بيهم لورا ممكن يعملوا ما هو أسوء من اجل المزيد من الثراء

وزي ما احنا شايفينيهم بالصورة القبيحة دي

هما كمان شايفنا بالصورة الساذجة دي

فنحن بالنسبة لهم وقود المحرقة التي تدفعهم للأمام

ودمتم
وليد

Diyaa' يقول...

مش أكشن ومش رجال أعمال
دي غابة في حدود المسموح عشان يتخلق حماية طبيعية من المنتفعين اللي قدروا فعلاً ياكلوا أي حاجة والعة ويبلعوا بدم اللي نايمين في العسل
ومحدش كسبان
للأسف إبليس بس اللي يكسب :(

تحياتي

دعاء مواجهات يقول...

عارفه مش عارف

وقود المحرقة التي تدفعهم للأمام

كلمة جامدة اوى

بجد كنت مفتقدة كلماتك الراقيه دى

نورت

دعاء مواجهات يقول...

ديوو باشا

منين غابه بقى ومنين ليها حدود

ع ما اظن ان الغابات مفوحة للأقوى والاقدر

نورت ياجميل