السبت، نوفمبر 01، 2008

متر الوطن بكام ..؟؟


متر الوطن بكام؟؟



متر الوطن دا بكام
يابايع تعالى قوللى

متر الوطن
غلوه ولا رخيص
تمللى

متر الوطن دا بكام
والناحيه بحريه؟؟

متر الوطن دا بكام
لو شقه قبليه؟؟

متر الوطن
آة بسأل
وبلاش تبحلقلى

متر الوطن
وأنا بسال
مش لاقى ولا سنتى

متر الوطن
جاوبونى
وقولولى أجيبوا منين؟؟

متر الوطن حرقوه
متر الوطن هدوه
متر الوطن سحلوه
متر الوطن نهبوه

كل الوطن أكلوه

ولسه بنفكر
ولسه بنخطط

ولسه أنا بسأل
متر الوطن دا بكام؟؟
دلونى مش عارف

يعنى كفايه شاليه
أبيعو وأتمكن
من متر ف بلادى

ولا هعوز القرض
ولا أتسجن بفلوسه
ياخلق دلونى

متر الوطن دا بكام؟؟

على أده أنا هنهب
على أده أنا هسرق
على أده بس
أعرف

هو بكام اليوم
وبكام هيبقى الغد؟؟

ومن السؤال
مليت
وبردو مش عارف

متر الوطن
يستاهل أبيع فى
أولادى

ولا كفايه عليا
أموت فى
أنقاضه ؟؟

هناك 89 تعليقًا:

Ahmed Al-Sabbagh يقول...

متر الوطن مش لينا
غالى علينا
لكن رخيص للى سرقينا
وكمان اعادينا

Ahmed Al-Sabbagh يقول...

رائع يا دعاء
انت شاعرة جامدة

Ahmed Al-Sabbagh يقول...

ياه ؟
انا اول وتانى تعليق
طب ناخد التالت
الطمع حلو

همس يقول...

متر الوطن عمره ما هيتباع لينا حتى لو غالى



حلوه اوى الخاطرة يا دعاء

ola_barakat يقول...

الوطن وطن مين ؟

مين اللي بيبيع ومين بيشتري؟

واحنا كدا واقفين

نحسبن علي المفتري

واخرتها بقي جايين

قال يعني راح نشتري

كلامك جميل اوي يا دعاء

momken يقول...

متر الوطن حرقوه
متر الوطن هدوه
متر الوطن سحلوه
متر الوطن نهبوه

كل الوطن أكلوه

الله يا دعاء روعه تسلم ايدك
وانتى بتتكلمى عن متر الوطن حسيت انى مش هملك متر فى الوطن الا لما اموت
ماهو برضه القبر متر فمتر
البوست حلو حلو اوى

ومحزن ومصدم اوىاوى

انتى رائعه وفكرتك رهيبه جداً

تحياتى

Mafrousa يقول...

دعاء يا قمرة
مش لما يكون فيه وطن اصلا
نبقى نسأل متر الارض بكام

الوطن اختفى ورا اطماع اللى مش حاسين بقيمة كلمة وطن

االأرض الحاليه بالملاينن للغلابة اللى عارفين قيمة الوطن
و بلاليم للى بيدوية و يسحلوه برجليهم


يعني عليك يا وطني
احببتك.....عندما كرهك غيري
اخلصلتلك....عندما خدعك غيري
جيت اشتريك.....باعوك لغيري
وعجبي

Empress appy يقول...

وطن ما هما باعوه من بدرى
بس تسلم ايديكى يا دودو

romansy يقول...

متر الوطن دا عمرى ولا يوم افرط فيه
اعيش عليه وامرى دايما يكون لله
متر الوطن دا يامه انا بكيت عليه
وبالرغم من دا انا عمرى ما انساه

شمس النهار يقول...

الكلام معبر عن الواقع اللي احنا عايشينه
بس اللي بيموت مابيدفعش ثمن الارض اللي بيدفن فيها
المحصله ارض الوطن ببلاش للي بيدفن نفسه في حضن ارضها
ساعتها الارض من غير ثمن

همس الاحباب يقول...

خاطرة جميلة جدا بس يا ترى
هو لسه فيه وطن ولسه فيه سعر
متر الوطن برخص التراب باعوه
متر الوطن للغزاة اهدوه
متر الوطن المسئولين سرقوه
ومتر الوطن لغيرنا باعوه
ولسه بنسال متر الوطن بكام
يااااااااااه رائع جدا يا دعاء
تسلم ايديكى
تحياتى

ojg يقول...

بس مش حاسه ان من حقنا نشتريه
عشان كتير بعناه ومشينا جنب الحيط وقلنا وانا مالي
تسلم الأيادي يا دعاء

blue-wave يقول...

متر الوطن ببلاش
باعوها للهباش
انا ايوة شوفى طشاش
لكن ماليش فى طناش
شايف بلدنا وجراحها قطن وشاش
من فترة ماتت ودوها للإنعاش
وباعوها تركه وتكيه ماتسواش
وسجنوا اللى عندة الشجاعه وقام حاش

الميكروباص يقول...

ولله انا اعرف ان متر الوطن بجنيه
بس ده لطلعت مصطفى وامثاله
عندنا في المعادي نائب الدائره اسمه محمد المرشدي
بعد ما كسب انتخابات مجلس الشعب قبل الاخيره أصبحت زهراء المعادي كلها بتاعته
ودلوقت ما شاء الله بيعمل اعلانات في العدد الاسبوعي للأخبار والاهرام بالملايين
وبدل الشركه بقوا شركتين
دجله للإستثمار العقاري وإعمار المرشدي
حتى البلطجيه والمقاطيع اللي كانوا ماشيين معاه في الانتخابات هما كمان عدوا
وكله بسبب متر الأرض

شفـقــة و إحســــان يقول...

الله عليكى يا دعاء
انا لو منك اسيب الصحافة وابقى شاعرة فظيعة مريعة

son's egypt يقول...

السلام عليكم
متر الوطن بقي مش لينا بقي لغيرنا خلاص
مبقاش لينا حاجة في الوطن

مصــــري يقول...

كالعادة بارعة ياذات الكلمات الرشيقة.

أجمل ما فيها أخرها
"
متر الوطن
يستاهل أبيع فى
أولادى

ولا كفايه عليا
أموت فى
أنقاضه ؟؟"


جميلة جدا
ومبكية اصل العبد لله بيحب مصر.

تحياتي
أسامة

mohamed ghalia يقول...

متر الوطن
يستاهل أبيع فى
أولادى

ولا كفايه عليا
أموت فى
أنقاضه ؟؟
رائعة تلك الكلمات
لا تسرقوا وطنى واتركوه فإن قلبى له سجين
حقيقى كلماتك رائعة وحسيتها قوى
ربنا يزيدك

Geo Amr يقول...

متر الوطن عمرة ما يتقدر بمال شوفوا الى كانوا عايشين قبلنا عملوا ايه علشان خاطر متر الوطن ضحوا بحياتهم علشان متر الوطن متر الوطن عمرة ما يساوى فلوس مهما زادت الفلوس لانى متر الوطن غالى لو باع الانسان نفسه وقتها ممكن يبيع وطنه

Foxology يقول...

الوطن ؟ هو احنا عندنا وطن ؟

kafrawy يقول...

اعتقد

ان المتر فيه غالى اوى

كـــيــــــــارا يقول...

متر الوطن مش بفلوس

متر الوطن مدفوع فيه دم شهداء وروه

متر الوطن مش بفلوس

متر الوطن اغلي من اي كنوز

بس هو غالي للي يحبه ويحن ليه

مش للي يسرقه ويبيع فيه

☼♫♪ عمــاد الدين يــوسف ☼♫♪ يقول...

متهيألي على حسب اللي هيشتري
لو اللي هيشتري الباشا الفلاني عضو المجلس الفلاني صاحب الشركة الفلانيه صديق فلان الفلاني وكيل الشركه الاجنبيه الفلانيه يبقى المتر ببلاش كرمال عيون الباشا ياخدها بتراب الفلوس ويسقع ويبيع ...

أما لو الشاري غلبان طبعا ممنوع بيع اراضي الدوله لانو خطر على الامن العام ولانو معندوش وعي اقتصادي ولانو معندوش اهليه ولانو معندوش واسطه ولانو معندوش حق ملكيه ولانو مصري مش مزدوج الجنسيه ولانو معندوش كرامه ولانو معندوش فلوس ولانو نكره


تحياتي

mohamed ghalia يقول...

أختى العزيزة ليكى تاج عندى ياريت تشرفينى بإ‘نك تجاوبى على التاج وتمرريه على أصدقائك
وصدقينى التاج ده مختلف جداااااااا
تحياتى

راعى الناقه يقول...

السلام عليكم
برغم انى مليش فى الاشعار دى بس هرد على اللى فهمته من كلامك ان المواطن في بلده متهان ومش لاقى حتة ارض يبنيها او يزرعاه ودا كلام صحيح لو نظرنا لحال المواطن المصري فى المدن لكن الغريب ان الجوجل ارث بيقول لى كلام غير كدى خالص الارض كتيره وواسعه اوى اوى بس مين يعمر فعلا احنا محتاجين ناس تفكر صح مش كل حاجه على الحكومه هديكو مثال بسيط واحد مدرس ساكن فى المطريه حته زحمه اوى واوضه وصاله طيب يعمل ايه العيال كترت والعيال كبرت
الحل بسيط جدا يروح العريش يشترى حتة ارض ب ثلاث الاف جنيه مائى متر مربع يبنى فيها بيت مش هيكلفه عشرين الف جنيه ويسبي المطريه واللى فيها ويعيش حياته ؟ ناس كتير عملتها وناس لسى بتشكى من الزحمه ومش عارف كلامى يعجبكو ولا ايه
المهم انا حرجع اتكلم تانى عن الاغانى
معلش انا تأخرت فى الرد على النقطه دى
تحياتى للجميع
بفكركم انا عامل بوست مفيد جدا حيفيد كتير منكم

Unknown يقول...

ازيك يا دعاء
عاملة اية وحشانى
يارب تكونى بخير


يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
وياريت تعرفونى الرد 
اعتذر لكنه ليس اعلان لكنها دعوه للخير

Diyaa' يقول...

لك الله يا وطن
ملعوبة :)

دعاء مواجهات يقول...

صباغ باشا

الشرف الكبير لينا يابرنس

دا مكانك طبعا


بيس

دعاء مواجهات يقول...

همس


دا انتى فاقدة الامل

خالص بقى يابنتى

نورتى

دعاء مواجهات يقول...

علا بركات

يااااااااااه

فينك من زمان ياقمر

بجد وحشانى اوى

....

واحنا كدا واقفين

نحسبن علي المفتري

جامدين اوى الكلمتين دوول

نورتى

دعاء مواجهات يقول...

ممكن

دايما الحقيقه والواقع بيكون صادم

بس نعمل ايه لازم نواجه ...

نورتنى

دعاء مواجهات يقول...

مفروسة

كلامك حكم بجد

بس مين قال ان مفيش وطن

لا انا مش معاكى فى دى

نورتى ياقمرة ..

دعاء مواجهات يقول...

آبــــى

باعوة وكلوة وشربوة


وكمان هضموة

بس مين اداهم فرصه؟؟

دعاء مواجهات يقول...

رومانسى

يااه على الرومانسيه الجميله

فى حب الوطن

كلماتك راقيه

دعاء مواجهات يقول...

شمس النهار

المحصله ارض الوطن ببلاش للي بيدفن نفسه في حضن ارضها
ساعتها الارض من غير ثمن


مش فاهمه الجمله دى؟؟

...

دعاء مواجهات يقول...

همس الحباب

كلماتك اكتر من رائع

اخى العزيز

بجد جاامدة وكمان تنفع تنضاف للكلام الاساسى



بيس

دعاء مواجهات يقول...

أوجى

معاكى جدا فى كلامك

اننا ولو بقدر بسيط

لينا دور فى اللى بيحصل

نورتى

دعاء مواجهات يقول...

بلوويف

متر الوطن ببلاش
باعوها للهباش
انا ايوة شوفى طشاش
لكن ماليش فى طناش
شايف بلدنا وجراحها قطن وشاش
من فترة ماتت ودوها للإنعاش
وباعوها تركه وتكيه ماتسواش
وسجنوا اللى عندة الشجاعه وقام حاش



كلامك مش محتاج من تعليق بجد..

دعاء مواجهات يقول...

لورنس العرب

صح ببلاش ليهم

وبالألوف لينا

..

دعاء مواجهات يقول...

شفقه واحسان هانم وبيه

ههههههههههههه

ما كلها كتابه ياقمر

لو عندكفرصه انا مستعده

هههههههههههههههههههههههه

نورتوا ..

دعاء مواجهات يقول...

ابن مصر

وتفتكر ايه الحل؟؟


؟؟؟

دعاء مواجهات يقول...

مصرى

وتفتكر دا عيب ولا ايه ؟؟

دا انا اكتر حاجه بحبها فيك اصلا

حبك ليها واعتزازك بيها

منور

دعاء مواجهات يقول...

محمد غاليه

ويزيك معانا
ويدينا كلنا

البوست بتاعك فعلا مختلف

اوعدك بالرد قريبا



نورت

دعاء مواجهات يقول...

جيو عمرو

صح الاستعداد نفسه

لتضحية زى دى مبقتش موجودة

نورت

دعاء مواجهات يقول...

فوكس

ايه ياعمنا

انت هتنكر ولا ايه.

اهدى كدة اوومال..

متبقاش ناكر ياعم

بيس

دعاء مواجهات يقول...

كفراوى

ومن اين نبع هذا الاعتقاد؟؟؟

دعاء مواجهات يقول...

كيارا

بس هو غالي للي يحبه ويحن ليه

مش للي يسرقه ويبيع فيه


جبتى م الآاخر ياقمر..

دعاء مواجهات يقول...

عماد الدين يوسف

ههههههههههههههههههههههههههههههه

عجبنى اوى تحليلك

بيس

دعاء مواجهات يقول...

راعى الناقه


كلام حضرتك اكيد عملى جدا

وحل للمشكله بشكل واقعى

الحكايه ان كتير ميقدروش يعملوا دة

اوبمعنى تانى ميقدروش يبعدوا عن المدنيه اوى كدة

انما اى حد ظروفه تسمح اكيد دا حل مثالى ليه

اشكرك على الاقتراح المفيد والفعال

نورتنى

دعاء مواجهات يقول...

نهر الحب


بووووور سعييييد

لااا بعيده اوى عليا

كنت اتمنى اكون موجودة بجد

اتمنى ليكو يوم رائع

نورتى

دعاء مواجهات يقول...

ديوو

لا اوجزت فأنجزت فعلا

ربنا معاك يارب يابرنس

........

مـجـنـووون يقول...

متر الوطن غالي .. بس يا تري في غالي يغلي عليه ؟؟


تقبلي مروري
مجنووون

princess يقول...

متر الوطنقلى شبر يا دعاء
ما علينا قلبتى المواجع:((((((
تحياتى

كلام على بلاطة يقول...

الوطن يا بنيتي ببلاش متروه
وعلي الحراميه والمحاسيب وزعوه
وصاحب الحق عمدا نسيوه

حسن حنفى يقول...

للاسف متر الوطن بقي ببلاش

SemSem يقول...

اول زيارة على مااعتقد للمدونة

متر الوطن بقى بتمن كيلو ملوخية
متر الوطن بقى لغيرى مبقاش لى

كلامك جميل اوى وشاعرة من طراز فريد

تحياتى

ahmed_k يقول...

أيه ده هو انا معلقتش
أنا كنت فاكر اني علقت
وجاي أشوف ردك أيه
الظاهر غلطت في الشماعه
أما اروح أقرأ الموضوع تاني وارجع


سلااااااام

ahmed_k يقول...

متر الوطن تعالي وشوفي عندنا السرقه
والنهب على أصوله
عزبه للمحافظين بيسرحوا ويمرحوا فيها كيفما يشائوا,
محافظينا السابقين خلوها خل
أرض البلد ياخدوها الأجانب وولاد البلد متلطعين عالمكاتب بدون أي إهتمام بيهم
ده هنا ولكن في كل مكان البلد بتتنهب وتتسرق بملاليم وتتباع بملايين

وحسبنا الله ونعم الوكيل

جميله يا دعاء
دمتي مبدعه

فشكووول يقول...

ازيك يا مواجهات .. كل ما ازور مدونه الاقى دعاء مواجهات .. قلت اما اروح اواجه .. وبعدين لقيتك من المنوفيه .. قلت بصره .. منوفى على منوفى ما يفتلش تحياتى لك وأنا بقى اقوللك متر الوطن بكام .. لوتعرفى تدفعى !
متر الوطن بنفاقايه .. متر الوطن بتسقيفايه .. متر الوطن بهتافايه متر الوطن تقدرى تاخديه ببلاش لو رحت وترددت على المبنى اللى جنب النيابه الاداريه فى امام مستشفى الرمد اللى اسمه المجلس البلدى للفتيات والسيدات والبنات .. لو قدرت على الهتاف والتصفيق والنفاق .. ممكن تاخدى متر الوطن ببلاش

اعضاء مدونة رابطه مدونى المنوفية يقول...

رابطة مدونى المنوفية
تدعوكم للكتابة فى مدونتها
وحضور الاجتماع التاسيسى


واذا اردتم الكتابه فى المدونة او المشاركة فى الأجتماع التاسيسى يرجى ارسال البيانات الاتيه على ايميل الرابطة monofia2008@gmail.com
الأسم : او المستعار
اسم المدونة والرابط
الهاتف : ليتم اعلامك بميعاد ومكان اجتماع الرابطة
البلد

وجزاكم اللة كل خير

ابو على يقول...

هههههههههههههه
انتى عايزه تشترى شقه ولا ايه
ههههههههههه

على فكره لو عايزه تبنى الحديد نزل سعره

هههههههههههه
هههههههههههههههههههههه
الحقى خوديلك سيخين
هههههههههههههههههههههههههههههههههههههههههههههههههههههههه

Unknown يقول...

والله يا دعاء انت بتقولى المفيد دايما

غير معرف يقول...

كلامك كالعادة مؤثر وجميل يا دعاء انا لما لقيتك هنا اسمك دعاء مواجهات قلت اسألك انتى اللي بتبعتي لخالد كساب في صفحة ضربة شمس ؟ لو انتي فتحياتي ليكي عشان انا بحب كلامك جدا وكتير ببقى عايزة اقول لخالد يسلملى عليكى انا ببعتله برده وبينشر لي كلام متتصوريش انا بحب ضربة شمس اد ايه .. PEACE

اعضاء مدونة رابطه مدونى المنوفية يقول...

أعضاء رابطة مدوني المنوفية يتشرفون بدعوة سيادتكم للمشاركة في رابطة المنوفية
ويرجى إرسال الآتي :-
الاسم - الاسم المستعار -
2 رقم الهاتف :- للاتصال بكم لتحديد ميعاد ومكان الاجتماع
E-mail تواظب علي فتحه
البلد
مع تحيات رابطة مدوني المنوفية
http://monofia2008.blogspot.com/
ولحضرتكم جزيل الشكر
أرسل كل هذه المعلومات علي البريد الآتي
monofia2008@gmail.com

أبو العريف يقول...

دعاء جميل قوي كلامك والاجمل تعليقاتك في ضربة شمس اللي اتحرمت منها من ساعة ما جيت السعوديه وبمناسة الوطن
خدي الحته دي ( دي مجرد فكره ولما اكملها هحطها في المدونه بتاعتي بس دي جر رجل علشان تزوريني)

مشربتش من نيلها 0000000 لا دانا شارب من كيعاني
جربت تغنيلها 0000000 دانا بيغني علي زماني
جربت في عز ما تحزن تمشي في شوارعها وتحكيلها 000000000
جربت لكني لقيته بميت صرمه قديمه رزعاني
ما مشتش في ضواحيها 0000 م المشي انا تعبو كعابي
طاب مكبرتش فيها 00000 دانا عجزت في عز شبابي
ولا ليك صوره ع الرمله ومليون زكري القلب شايلها 0000000
لا دانا ليه صور وانا في طابور عيش والناس زنقاني

زوريني

Gannah يقول...

دودو
رائعة جدااااااا
متر الوطن أصبح رخيصا لمن يقدر على الثمن
بيع نفسك اولا تصبح الارض ملكك
اما اذا تمسكت بمبادئك فلن تحصل الا على متر تحت الانقاض لان هذا ما يشتريه الشرف فى هذا الوطن
تحياتى

غير معرف يقول...

السلام عليكم استاذة دعاء

هو بصى لسه البلد لم يتم فيها الانتهاء والاستقرار على السعر بس هو كل الموضوع يتوقف على المشترى
فهو لو اجمبى ممكن يوصل المتر لبببلاش لاننا بلد كريمة بتكرم الضيف اما بقى لو ابن البلد فده حاجة تامية لاننا هنا بنتوقف ونسأل هو المشترى ده ابن البلد وهما ده ممكن ما ينفعش يشترى اصلا لان هخارج المعادلة او ممكن يكون ابن ك... والل ابلاش المهم ابن حاجة تانية وهنا البيع بيمشى برده زى الفل

ويلا ربنا يسترها على البلد دى وينصلح حالها
يلا سلام

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي ِمدونتك
البنر موجود علي مدونتي

PrInCeSS BeRy يقول...

ازيك يا دودو اية الكلام الجامد دة تسلم ايدك بجد يا متميزة تسلم ايدك ربنا يكرمك

دعاء مواجهات يقول...

اكيد لا طبعا

انتى ياابنى لايمكن

تكون مجنون ابدا

منور

دعاء مواجهات يقول...

برنسيس

ع اساس ان المواجع

دى نايمه ولا ايه بقى؟؟


بيس ياقمر

دعاء مواجهات يقول...

كلام على بلاطه


هههههههههههههههههههههههه

اسم على مسمى حضرتك

منورنى بجد

دعاء مواجهات يقول...

حسن حنفى


فين ولمين

واااااااااااازى


هو المهم


بيس

دعاء مواجهات يقول...

sem sem

بعيدا عن الزهايمر المبكر

انا بحب الملوخيه جدا ع فكرة

نورت

دعاء مواجهات يقول...

أحمد_ك


ربنا يقوينا بجد


دمت بود

دعاء مواجهات يقول...

فشكوول

صباح جمدان طحن المنايفه المنورين

اهلا بيك يابرنس

وديما منورنا

بيس

دعاء مواجهات يقول...

مدونى المنوفيه


الف الف مليون مبروك

اتمنى لكو رابطه ناجحه

تحياتى ومودتى

دعاء مواجهات يقول...

ابو على

ههههههههههههههههههههههههه

هههههههههههههههههههههههه

نفسى اعرف بتضحك على ايه ؟؟

دعاء مواجهات يقول...

انجى
ووالله يابنتى

انتى بتوحشينى ديما

==========================

غير معروف

اهلا بيك

شئ يشرفنى ان كلامى يعجبك

بس مقولتش انت مين من الضربشمساويه؟؟

نورتنى

دعاء مواجهات يقول...

حد مش فاهم حاجه

ههههههههههههههههههههههههههههه

ايه ياعم شكلك فاهم

كل حاجه ومدكن

لا بجد كلمتين تحفه

هو الدستور مبيوصلش السعوديه ولا ايه

لاااااااااا

انا هعمل اتصالاتى وابعتهولك

بيس

نورتنى

دعاء مواجهات يقول...

جنه


روحى

لا يوجد تعليق لدى

انتى


دائما بتجيبى م الاخر

بحبك

دعاء مواجهات يقول...

جمعاوى صاحب العيادة

الف مبرووك

ع العيادة ياعم


نورت

دعاء مواجهات يقول...

بيرى

دا بس مكن ذوقك
ياقمر

منوراانى

بيس

محمود البدري يقول...

اه اه والف اه

ليه بتقلبي المواجع

دا اتباع بالمتر وبالكيلو وبالحته
واحنا اتبعنا معاه
وملناش ولامتر

دعاء مواجهات يقول...

واحد من الناس


وتفيد بإيه

الآااااااااااة

نورت يامحمود

...

غير معرف يقول...

باعو الوطن هدوه
دبحوه وكمان سلخوه
ولا مره حسم بيه
باعو الوطن بجنيه
باعو وقبضوا التمن
و لبسوه الكفن
يمكن كمان يرموه
في البحر او في النهر
مات الوطن من القهر
مات الوطن من القهر


تسلم ايدك يا دؤدؤ
شاذلي دنقل

اعضاء مدونة رابطه مدونى المنوفية يقول...

يسر رابطة مدوني المنوفية
إن تدعوكم لحضور اجتماع الرابطة الأول
يوم الجمعة القادم 21/11/2008
باستاد شبين الرياضي
الساعة الثالثة عصرا
يسعدنا حضوركم
للاعتذار :- 0125585949
أو
monofia2008@gmail.com
مع تحيات الرابطة

دعاء مواجهات يقول...

شاذلى دنقل

كلامك اد ايه جميل ومعبر

بجد زياراتك بتسعدنى

نورتنى جداااا

soltanastore يقول...

هههههههههههه انتي سافرتي عبر الزمن