الأربعاء، سبتمبر 03، 2008

إخلعى حجابك .. وريحى دماغك


اخلعى حجابك وريحى دماغك...

الكلمه دى لو سمعتيها هتعملى إية؟؟؟؟

ياترى هتدافعى بإستماته؟؟ ولا هتندهشى وتسكتى؟؟ ولا هتردى بردود مقنعه من

القرآن والسنة؟؟ ولا هتتمنى تردى بالقرآن والحديث بس مش هتلاقى اللى تثبتى

بيه بمعنى إنك مش حافظة كويس؟؟

سؤال غريب طببعاً....

من الأساس

دار فى دماغى بعد مناقشه مع صديقه ليا شايفة انها حريه شخصية

ومش من المفروض إن الأهل يجبروا بناتهم عليه

؟؟؟؟؟؟؟؟؟

طب ياترى فعلاً المسأله حرية شخصية

ولا مجرد مظهر ساد فى المجتمع لمنع كلام الناس

ولا تظاهر بالإلتزام

دا لو كان فية إلتزام فى باقى اللبس أصلاً....

بعد تفكير وحوارات لاقيت فعلاً

إن نسبة كبيرة جدا بلاش أخمن وأقول أد إية؟؟

من البنات بيلبسوة بأحد هذة الدوافع لاغير

علشان المجتمع وعلشان الناس تقول دى بنت محترمه

وعلشان عريس المستقبل يكون متطمن إنو أخد بنت محترمه وملتزمه

طب هو العيب على مين أصلا ً على البنات ولا على الأهل

أنا شايفة من وجهة نظرى الغير ملزمه لأى حد

إن الخطأ الأول بيكون على الأهل

لأنهم بيطلبوا من بناتهم لبس الحجاب وبس ومش بيعرفوهم قيمته ولا أهميته

ولا فايدته للبنت ولا قيمته الروحية

مجرد ديكور أمام فاترينات المجتمع

ليخرس ألسنته وبس

ضاعت القيمه الأساسيه للحجاب من عقول كتير مننا

بقى مجرد تقليد او طقس يومى وبس

والدليل النماذج اللى بنشوفها يومياً

ع الكورنيش وفى وسط البلد

وف كل مكان فى مصر

حتى فى المحافظات التانيه الحجاب بقى مجرد مظهر تكميلى

ومش مهم بقى الأخلاق عامله إزاى .....

ولا النفوس عامله إزاى ولا التصرفات عامله إزاى.....

ومن هنا بقول لكل واحدة محجبة ياترى إنتى إتحجبتى إزاى ؟؟

وياترى مقتنعة إن الحجاب وقايه وحمايه ليكى ولا لأ؟؟ طب شيفاة حرية

شخصية؟؟

ولا لأنه أمر من الله سبحانه وتعالى ؟؟

ولا الموضوع مش فارق معاكى أصلا ً

كلمه اتقالتلك وسمعتيها وبس؟؟

السؤال مش للبنات بس طبعاً

الكل يقوول رأيه ويقول هو بيشوف إيه

وإزاى نرجع قيمة الحجاب فى نفوسنا ؟؟؟ زى أيام الرسول

صلى الله عليه وسلم

طب والبنات الغير محجبات ياترى الحجاب إية من وجهة نظرك؟؟

طب فكرتى تتحجبى قبل كدة؟؟ وإية منعك؟؟

الموضوع مطروح للمناقشه

كل واحد وواحدة يقوول ومحدش يسكت ...
==============================================

ملحوظة هامه: الكلام لا يعنى بأى حال من الأحوال الإستهزاء بالأخوات الغير محجبات أو إستنكارهم وأنا شخصياً بشوف كتير غير محجبين على خلق ودين فعلا وقولا ً وليا كتير صديقات غير محجبات . (ذلك للتوضيح)

هناك 103 تعليقات:

حاتم عرفه يقول...

أغراني الصفر فدخلت جري...
جميل إنك تعرضي الموضوع ده .. وفعلا أهم حاجة إن اللى بترتديه تكون مقتنعة بيه..
و اللى مش بترتديه تكون عارفه إنها المفروض ترتديه ويكون عندها سبب حقيقي مانعها.. مش سبب مختلق..

تحياتي..
وبوست جميل حقيقي..
.................

ماتنسيش تزورينا..

مصطفي ريان يقول...

والله يادعاء الموضوع دة كبير قوي
والكلام فيه يطول قوي
بس عموما لازم الأسرة تربي بنتها على اهميةالحجاب وزي ماقولتي قيمة دينية وروحية يعني تكون لابساه عن اقتناع وحب ورغبة
لأن للأسف مانراه من المحجبات ومانراه مما يرتدونه تحت الحجاب ( بدي ضيق جدا وجينزاضيق ) يدل على انهم ولا مقتنعين ولا حابين وانه عندهم ولا فارق
ثم ان الحجاب اللي موجود دلوقتي دة مش حجاب اصلا الحجاب الشرعي هو الخمار زي فضفاض واسع لا يصف ولا يشف لكن المنتشر دلوقتي غير كدة خالص حتي بين المنتقبات كمان عباية ضيقة قوي وتقولك منتقبة
اسف على تطويلي بس زي ماقولتلك الموضوع كبير
تحياتي ليكي وكل سنة وانتي طيبة

enjy يقول...

اممممممممم تصدقى مش عارفة ارد ولا اجاوب على اى سؤال من دول؟؟؟؟
عموما الموضوع كدة غريب على يعنى مثلا لو واحدة طوووووووووول عمرها عايشة الموضوع مش هتفكر اصلا لكن لو واحد فجاة لقت نفسها هتتحجب اكيد هيكون غريب عليها.........
تحياتى يا دودو يا جامدة

حسن حنفى يقول...

السلام عليكم

انا شايف ان حضرتك معاكي حق

النسبه الكبيره فعلا من البنات بيلبسوه من غير دافع

bos bos يقول...

أنا أتحجبت لأنه فرض عليا وكمان لبستة على أقتناع ومش ضغط من أهلى ولا من أى حد

كيكى يقول...

اممممممممممممممممممممممممممم
امممممممممممممممممممممممممممممم
ياترى ميييييييييييييييييييين
الصديقة دى
؟
امممممممممممممممممممممممممممممم
طب والله الانا لمة اشوفك بقى
ههههههههههههههههههههههههههه
بصى
يا دودو...
انا كنت اقصد لمة قولتلك هو حرية شخصية...
كنت اقصد من زواية معينة زى مثلا زى ماقولتلك...
من الناحية الاهل..انهم بيفرضوا علينا غصب مش اقتناع لمة اشوف بابا بيقولى لومش هتلبسى مش هجبلك لبس جديد مش هديكى فلوس..وماما شوفتى علانة لابسة فلانة لبسة ..الخ الخ زى ما قولتلك وشرحتلك..
الطبيعى ان البنت تكره ..
لانها اصلا مش فاهمة السبب..من لبسة
!
!
!
!
ولا فاهمة القصد منة غير ماتلبسة..كرة وغصب وخلاص.....
وهكذا..يعنى..
لكننننننننننننننننننننننننن
بقى لمة تقرا وتتعمق وتفهم اية السبب
تلبسوا..!
او متالبشوس هى حرة
بس هى عارفة مثلا انها هتتحاسب على
وعارفة الحلال من الحرام...
يعنى انا سبت ليها حرية الاختيار..
لان احنا بطبيعتنا مختلفين عن بعض
وانا كنت اقصد بى دى
انة حرية شخصية
انها عارفة ومش عايزة برضة حرة مش احنا الى هنحاسبة...
فهمتى كنت اقصد اية؟
عوووووووووووووووووووووووووووو

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

عـــاوز حــــقــــى يقول...

السلام عليكم فعلا الموضوع كبير فلو استقامت المرءه فى هذا الوطن لاستقامت احوال الوطن كافه ففعلا الانثى هى مصدر الفتنه فكم شخص خرج من توبته لانه نظر الى فلانه وفلانه واستدرجه النظر وفعلا كما يقولون (( مش هتقدر تغمض عينيك ))
فعلا اتخذوها شعارا
فموضوع الحجاب كثيرات جدا يلبسونه من اجل العيب والعادات اذا هو عاده واحب اقوال المشايخ بتحويل العاده الى عباده
اذا تكون البنت لبساه وهى عارفه انها كدا بتخدم دينها وتطيع ربها
وفعلا بتكون عامله نهضه فى بلدها فكام شاب نظر اليها واستهوته نفسه بالنظر الى هذه وهذه وهذه وسهر الليالى يفكر فيهن وامتلكه الشيطان فبدل من ان يذاكر او يشغل باله بمستقبله شغل بالبه بهذه وهذه ولا يفيق الا بارتكابه المحرمات وووووووو والباقى معروف انسان انهى مشورا بناء نفسه وبناء مستقبله فاشل كليا
ارايته ياتى الموضوع واحده واحده
ارايتى اختى كيف انتى لكى دور كبير
ولاكن منهن من تركب دماغها عناد
او اقتناع براى احدهم وخلافه وخلافه
لاكن فى النهايه ايضا الحجاب لا يكتمل الا بخلقطيب فلا نجدها مستهتره بحجابه وتلبس الضيق حتى نقول نحن ليتها سترت جسدها وكشفت شعرها اذا الموضوع لابد من الاكتمال واذا بحثنا نرى ان كل شخص ينبع من خلال تربيته فنادرا ما نرى احد مخالفا لاهله لانهم هم من شكلوه اساسا . ♥♥♥♥ اما من تقول ان اهلها غصبوا عليها فهم قد قصوا اساسا فى تربيتها حتى لو كانت مخالفتها صحيحه واهلها هم الخطا فلو اتفنوا تربيتها فعلا ما خالفتهم قيد انمله
اسف على الاطاله لاكن الموضوع يطيل شرحه
اطلب منك يا استاذه انىانقل الموضوع للمنتديات

ميرو انتكة يقول...

دعاء ازيك يا جميل اخبارك ايه

بيرافو عليكى بجد البوست ده جاء فى وقته فعلا

بصى يا دعاء انا فى راى ان للاسف الاهل بيجبروا البنات على لبس الحجاب من غير ما يفهموا اصلا لبسوه ليه علشان كده سهل انهم يتنازلوا عنه

زى المثل المشهورeasy come easy go
بس لو اقنعوهم بحكمة وبعقل وان ربنا طالب مننا كده ويتناقشوا معاهم بالراحة اكيد هما بنفسهم هيقتنعوه بيه

يلا خير ربنا يهدى الناس كلها يا رب وكل سنة وانتى طيبة

رمضان كريم

سلامة سلامة

جمعاوي يقول...

السلام عليكم دعاء

وتسلم ايديكى ودماغك فعلا انك تعرضى الموضوع ده بالشكل الظريف جداااااااا اللى معروض بيه ده

وبصى بقى انا متفق معاكى جدا ....هو آه انا فى الاخر هاخلى اختى او بنتى تلبس الحجاب بس لازم تكون مقتنعة بيه وعارفة معناه ايه انها محجبة

اذكر ان كان فيه واحدة كانت فى جامعة القاهرة وكانت مغتربة وكانت لابسة حجاب كامل-فى جامعة القاهرة الحجاب الاشهر هو الحجاب الاندونيسى -المهم الاخت دى كانت كل يوم مع شتب وكانت والله بتعمل حاجات بنت لذينة غفر الله لنا ولها المهم الاخت دى كانت بتسيء للحجاب اكتر ما بتجذب الناس ليه

دمتى لنا بخير ورمضان كريم ويلا سلام

غير معرف يقول...

للاسف الي وصلنا للي احنا فيه القمع والديكتاتوريه عارفين المحجبين في اوربا بجد بيتمتعوا بحريه امتر من هنا كمان الي بشعرهم لن هناك في قيمه للانسان والدليل علي ان لاسف كل الامور اتخلطت ببعضها ان فيه حوادث كتير بطلاتها محجبات واحيانا كمان الشباب الغبي نفسه الي بيتحرش بحد مش بيميز بين محجبه او غيره المفرض علينا كلنا كمجتمع اننا نحترم المراءه لشخصها لانسانيتها مش عشان مظهرها كمان لو بنت لبست الحجاب وهي مقتنعه بيه افضل من مليون بنت لابسين النقاب عشان المجتمع لان في الحاله دي يبقي رياء والعياذ بالله لكمانبعدين البنت الي بتقول اني لازم ابقي بشعري عشان ربنا يكرمني واتجوز زيها زي البنت المحجبه الي بتتحجب عشان تتجوز بس مش عشان هي مقتنعه بان الحجاب دا فرض ولازم تصون نفسها مش بيه بس لا بكل ما تملك من قوه كمان في بعض المتنطعين الي بيحاولوا يصطادو ف المياه العكره باراء غبيه غرضها الشهره هما دول السبب في الي احنا فيه كمان احنا لازم نتعامل مع بعض بانسانيه المهم الانسان بغض النظر عن جنسيته او مانه او ميلاده او نوعه او حتي دينه علي العموم لازم كل واحد يعمل الي مقتنع بيه وهوا الي هايتحاسب انما يعمل عشان الناس لالالا والف لاورمضان كريم يا دعاء شاذلي دنقل

غير معرف يقول...

««((¯`·«AhMed•3LaM»·´¯))»»

الحريه الشخصيه والثقافه الدينيه

المشكله في الحجاب وان كل بنت بتقول دي حريه شخصيه البسه اقلعه ملكش فيه

هيه مشكلة ثقافه دينيه بمعني ان البنت دي لو عرفت ان ده فرض وامر والله العظيم امر من ربنا فرضه عليكي هوه بعد كده
ترجعي بقي وتقولي الناس ملهاش دعوه بيه ومش انتم الي هتحسبوني ربنا الي هيحاسبني طب دلوقتي افتكرتي ربنا انه هوه الي بيحاسب ونستيه انه هوه الي امر بالحجاب مش حد تاني فرضه
....دي حاجه....
حاجه تانيه ايوه الناس تحاسبك علي حجابك
هحاول اوضحلك :هل يحاسب الناس علي ترك الصلاه بمعني يحاسبهم ولي الامر
دي الشريعه وا الاسلام ومتقوليش ان ده كان زمان
نعم يجب علي ولي الامر محاسبة تارك الصلاة عمدا لانها فرض عليه من الي خلقه
يبقي تتحاسبي عشان تركتي فرض ربنا امر بيه

قال عز وجل :وأقم الصلاة لذكري.
قال عز وجل :قل لأزواجك وبناتك ونساء المؤمنين يدنين عليهن من جلابيبهن.

هذا امر وهذا امر هذا فرض وهذا فرض
قد تكون المشكله في الثقافه الدينيه لدي البنت ولدي الاهل ايضا.
...عذرا للأطاله

مهيج الجماهير يقول...

بحييكى على البوست الجامد ده
و بصراحة انا شايف ان مع الحاجات اللى بنشوفها كل يوم فى التليفزيون او فى غيره
أصبح لازم ان موضوع لبس الحجاب ده ييجى من الأب و الأم فى الأول لأنهم لو سكتوا عنه البنت مش هتلبسه بالمرة
بس ده مش معناه انهم يلبسوها الحجاب بالعافية
لأ
هم لازم يكونوا أذكياء
انهم يعرفوها قيمة الحجاب
و يعرفوها ان عدم لبسه حرام
و يفهموها كل حاجة
و يسيبوها تقلب الكلام فى دماغها
و يساعدوها على انها تقرر صح
لكن برضه دا ميمنعش ان عدم لبسها للحجاب حرام
و الأب أو الأم هيكونوا معذورين لما يعملوا معاها أى حاجة علشان متقعش فى الغلطة دى
تحياتى

Amgad يقول...

مممممممممممم
كنت قريت مرة مقال لعمر طاهر
عن انواع الحجاب وعملت عليه البوست ده
http://amdoga.blogspot.com/2008/07/blog-post_25.html
بس افتكر ردك وقتها قولتي انو جريء
لأننا لم نعتد لاحوار فى المسلمات اوع الاقل الاشياء التى ترتبط من قريب او بعيد بالدين والتدين
كويس انك انتي اللي تحاورتي
اللي كنت طلعت بيه من البوست ده
ان في ناس نضيفة من جوة وبتغير نفسها من جوة وبتنتظر تتغير من بره
في اللبس وغيره
وان في ناس بتلبس الحجاب
وهي من جوه ملتزمتش باللي المفروض بتعمله
وكان الحوار بانهي نبدا
عموما انا اعرف
بنات مش محجبات ومن جوه عارفين ان الحجاب فرض ونفسهم ييجي اليوم
اللي يتحجبوا فيه بس الظروف هي اللي منعاهم دول ناس مسير ربنا يهديهم
في ناس مش محجبة
وتقولك انا ليا وجهة نزر خاسه
في المودوع ده
دي طبعا بتبقي بتستهبل
اما اللي لابساه ومش بتعمل بيه
فده اضعف الايمان
لعل ربنا يهديها في يوم من الايام
علي فكرة انا لو فضلت اتكلم هرغي نص ساعة شوية كده وابقي اجي اكمل
تحياتي

دعاء يقول...

أنا مؤمنه تمامًا إنه فرض من الله ولابساه عن أقتناع شخصي تام من جهتي، ولكن الحقيقة إني شايفة إننا لازم نتعامل معاه باعتباره حرية شخصية..

لماذا الحجاب خاصة هو ما نمسك به؟ بمعنى إذا كان الدين ذاته حرية شخصية اتحاهها لنا المولى عز وجل ، والله البنت ألي مش محجبه عندها دماغ وبتفكر وبتعرف تفرأ القرأن و بتعرف كل الأدله على كون الحجاب فرض.. أقتنعت كان بها ماقتنعتش معتقدش حد غيرها هيتحاسب هي مسئوله عن تصرفاتها تمامًا، أشمعنى مبنعملش كده في الصلاة في الصوم هل لانهم بين العبد وربه ومنقدرش نتدخل فيهم لكن الحجاب ظاهر.. هل الصلاة فرض ؟ طبعًا لا احد يستطيع أنكار ذلك ،طيب هناك من لا يصلي ..هو حر لن نحاسب عنه..

لذا أنا أتفق تمامًا مع موضوع الحرية الشخصية ، بل أحيانًا عندما انظر حولي أفضل أن تخلع الحجاب من ترتديه غصب أو مجرد مظهر أجتماعي فحسب ..

من ترتديه غصب غير مقتنعه به ولا تعرف قيمته لذا يحدث ما نراه من تشوية، أزياء لا يصح مطلقًا أن تُرتدى مع الحجاب، وكأن الحجاب هو مجرد قطعة قماش صحيح نغطي بها الشعر وكفى وماذا عن الباقي؟!!

وكأن هؤلاء الفتيات يقولوا ..أليس هذا ما تريدوه فليكن لقد وضعته وستروا؟؟

هذا أمر غير طبيعي بالفعل .. لماذا لا تسمى الامور بأسمائها ولا تكون الأشياء واضحة؟؟

الفتاة المحجبه عن أقتناع بأن هذا أمر ديني واجب التنفيذ.. تتحجب وستكون ملتزمه تمامًا بهذا الحجاب لانها تعرف قيمته وتعرف لماذا ترتديه.

الفتاة التي لا تقتنع بذلك هي من ستحاسب بما في ضميرها الذي لن يدخله البشر أبدًا ليعرفوا ما به، ووقتها ستكون غير محجبه و واضحه مع المجتمع ومع نفسها.

يا فرحتنا وأحنا عاملين نقول الصحوة الدينيه وأنظروا لكم المحجبات ،ثم نكتشف هذا الكم من المحجبات بالبديهات والبنطلونات الضيقه ،ومن تخلع الحجاب في كل مناسبة تقابلها، ومن ترتدي الحجاب في الشارع فقط ولكن أمام الاغراب في المنزل لا بأس من خلعه!!!!!!


هل هذا حجاب حقًا..أم مجرد مظهر أجتماعي ؟ مجرد كماليات تفعلها الفتاة لترضي المجتمع وتريح دماغها..

أفضل أن نكون واضحين هذه محجبه وهذه لا ، فتكون هذه وتلك معبرين عن أفكارهم بوضوح بدل من اللخبطيته ألي عايشين فيها دي.

أما عن الاهل فإن رأيت الفتاة ترتدي الحجاب بضغط من أهلها وبصورة غير لائقة بالحجاب فأنا اعتقد ان اهلها أنفسهم لا يرون هذه القيمة الدينه هم يعتبرونه مظهر أجتماعي محتشم يحسن من فرص فوز أبنتهم بعريس جيد، ويكف ألسنة الجميع عنها وكفى..

حقيق أحيانًا أنظر لفتاة محجبه بزي غير لائق تمامًا وفتاة غير محجبة فأحترم الثانية أكثر من الأولى بمراحل.. على الأقل الثانية متسقة مع ذاتها ولا تنافق، هناك أمل يومًا أن تفكر وتقتنع وترتديه عن أقتناع أما الاولى فهي تنافق المجتمع وتخدع نفسها.

ana ga3an يقول...

هو اغلب اللي علقو رجالة لية
امال فين اراء البنات

appy يقول...

بصى يا دعاء حتى اللى لابسه على الموضه ولا مش متناسب اه بتنرفز العين وبضايق بس بنقول يمكن يجى يوم وربنا يهديها وتلبسه افضل وبشكل لائق وتقتنع بيه فمش وحش يا حبيبتى

afew good men يقول...

استحالة

ان يكون هذا العنوان صريح

صحيح

الحجاب فرض من الله


من حكمة الله انه يستر عباده

ولا اجد في اي شخصية غير محجبة الا نقص لها
مهما كانت

فانه ينقصها اهم شيء

الحجاب
شكرا

صباح الصباح يقول...

فى رايى المتواضع جدا ان الحجاب للبنت لازم يكون من جواها قبل ما يكون فى الشكل الخارجى
الشكل الخارجى مافيش اسها منة انما الاساس هو تحجب التصرفات والافكار للانسان من جواة وبعد كدة من برة..

عاليا حليم يقول...

كل سنة و أنتي طيبة و يارب يعود عليكي بخير

أنا أتحطيت فعلا في الموقف دع قبل كده و الحقيقة حتي بعد ما ذكرتها آيه الحجاب برده فضلت مش مقتنعة

عاليا حليم يقول...

لكل أحبائي المدونين أرجوا زيارتي للتعرف علي تفاصيل ترتيبات أفطار جماعي

صاحب المضيفة يقول...

وقت الشرع والدين مش نافع نقول دي حرية شخصية


ربنا قال يبقى لا كلام بعد كده


انا مش عارف اللي بيفكر كده بيفكر ازاي بالمنظر ده

ربنا يرحمنا ويحفظنا

قلب مصرى يقول...

نسبة كبيرة من المحجبات لبسوا الحجاب لرغبة الأهل أو لمخاطبة عقليات الناس.
لا أنكر أبداً أن الحجاب فرض على المرأة لكن أنكر طريقة الكثيرات فى لبسه، هو فرض وأنا شخصياً سأجعل رقية ابنتى ترتديه مبكراً حتى تعتاد على إحترام الفكرة من الحجاب وأن تفهم جيداً ما هو الهدف فى الدين من فرض الحجاب حتى ترتديه وهى على يقين بأنه ملزم لها وأنها لن تخرج من غيره أبداً.

Mustafa Şenalp يقول...

çok güzel site. :)

عاقلة علي ارض الجنون يقول...

أولا .. عنوان البوست في الريدر إداني انطباع .. كان مخليني آجي أتكلم بقي .. معلش العتب علي التسرع بقي ..

كنت جايه أديكي انتي علي دماغك مع احترامي طبعا .. بس بشكل مقنع .. محترم .. و بأدله و براهين .. و برضه مينفعش تلبس الحجاب الا عن اقتناع و اللي لبسته عن غير اقتناع مبقولش تقلعه بس بقول تفكر تجدد النيه .. عشان تكسب ثواب .. و انا الحمد لله لبستع عن اقتناع ..

و للعلم الاحترام ملوش زي معين .. يعني مش شرط تبقي محجبه عشان تبقي محترمه ..

و ف نفس الوقت الاهل ليهم دور ..

الاصحاب ليهم دور

الشخصيه نفسها و تكوينها الذاتي و الاستقلالي و رايها و مدي تعلقها بالدين

تحياتي للتدوينه الرائعه ..

sigon1977 يقول...

الحجاب من وجهة نظرى فريضة دينية و لكن ارتداء الحجاب لا يكون بالاجبار من الدولة أو أحد و لكن بارادة صاحبتة و رغبتها 0
الحجاب ملبس و سلوك و ضمير 0

سنووايت يقول...

الحجاب فرض وتركه اثم ومعصية البنت هي اللي هتتحاسب عليها
زي اللي مش بيصلي ومش بيصوم واللي بيكدب واللي بيعمل اي ذنب

لكنه اصبح مظهر اجتماعي اكتر منه فرض ديني
حرية شخصية لانك انتي اللي هتتحاسبي عليه دور الاهل في التوجيه ومش لازم يكون باسلوب مباشر الطفل بيتعلم الصلاة لما بيشوف والده بيصلي وبيحبها لانه بيحس باهميتها في حياة اهله , مفيش حد هيجبر حد علي طاعه ربنا لان دي حاجة بتبقي من داخل الانسان نفسه ومش مجرد طقوس بيعملها لارضاء الناس

عايش ولكن يقول...

خلينا نتفق الاول انه فرض وطبعا لازم كل بنت تلبس الحجاب الشرعى مش الاسبونش ومش عارف ايه وحاجات كتير كده
المهم يعنى بعيدا عن فرضيه الحجاب
اقدر اقولك يا دعاء ان ده بالزات لازم البنت تلبسه عن اقتناع تام وزى ما قولتى فى بنات مش محجابت خالص بس بتصلى وكويسه بس اللى يفرق هنا انها نشأت على كده فعايزه وقت علشان تتغير وعاوزه حد يساعدها ومحدش يقدر يقولها غير ربنا يهديكى
" وادع الى سبيل ربك بالحكمة والموعظة الحسنه "
وقيسى بقا على ده كل التقليعات الجديده فى الحجاب
بس الموضوع ده بالزات بقا فى ناس كتير اوى بتتكلم فيه وناس بتقلف وتفتى بحاجات وطبعا لا انا ولا غيرى يقدر يقول اى فتوى الا واحد من علماء الدين علشان يكون قدر مسئوليه الفتوى دى
انا شوفت مدونه بتاعة شخص اسمه المنافق وهو منافق فعلا كان رد عندى ع المدونه الاسلاميه فدخلت عنده المدونه لقيته عامل المدونه مخصوص علشان يسخر من الحاجاب وعليها قزارات وصور "عريانه " منه لله
يعنى من الاخر الموضوع بقا فيه بلبله وربنا يقينا الشبهات
متأسف للاطاله
علاء

Diyaa' يقول...

عنوانك استفز الناس :)
بصي يا ستي
أنا نفسي اللي تفكر في الحجاب
مش تتعامل معاه علي أساس إنه قضية
وهيا القاضية ولازم وكيل نيابة
وأدلة إثبات قوية ومقنعة
تتعامل معاه بشكل أبسط
انا عايشة بشكل مؤقت ..ولو لبست قطعة القماش دي عشان أرضي ربنا أكيد اللي عملته ده مش هيروح هدر..فليه مش أطمع في حاجة بسيطة زي دي وأحاول أحققها لأنها سهلة مش صعبة ..وطظ في كلام الناس

لا طاعة لمخلوق في معصية الخالق

والناس مش هتدخلني الجنة..وحجاب اليومين دول حجاب علي ما تفرج ومش محسوب حجاب وأهو كلها موضة وضحك علي الدقون..تغطي شعرها بس تفضل برضه البنت اللي لابسة بادي وجينز وبتنجان


متفق جداً إن لازم اقتناع
اقتناع إني بحب اللي خلقني وبتقربله
بكده كشكل بسيط بيحمل معني الشكر علي النعمة والجمال اللي ربنا بيديه للبنت مش عشان الرجالة يبصوا عليه ولا عشان تكتسب ثقتها في نفسها منه
ولكن عشان تبتلي بجمالها
وتقاوم سيطرته عليها
زي الفلوس..لو سيطرت علي المبتلي بيها بتكون نقمة ..لو سيطر عليها
واستغلها في الخير وفي اللي بيعيش
بتكون نعمة..زي القوة زي العلم


لو الكلام ده مش وصل للبنت
حقها تخلق وتكابر وتقول لأ مش مفروض
ولأ مش ركن ولأ مش سقف ولأ مش شباك
لأننا كبشر موهوبين في التهرب من الواجبات المفروضة علينا والإلتزامات طالما مش مقتنعين بيها وحاسين فيها بمتعة أو بفايدة..ولأننا عندنا قصر نظر..فمش بنشوف المصلحة في رضا ربنا عننا إلا ساعة الزنقة

عكس الإلتزامات بتاعة الإتيكيت ولبس الشغل وكده..محدش بيقدر يخالفها :(


بحييكي يا بنتي علي الموضوع
سوري طولت

غير معرف يقول...

انا كنت عايز اوضح من كلامي ان لبس الحجاب مش حريه شخصيه
تبقي الصلاه بقي حريه شخصيه والذكاه حريه شخصيه وفعل الفاحشه حريه شخصيه
ما احنا لو فتحنا الباب لكلمة حريه شخصيه هنلاقي مصايب بتنزل علي الاسلام من المسلمين
يعني لو قلنا ان الي مش بيصلي هوه حر ربنا الي هيحاسبه
يبقي بنفتح الباب لكل الي مش عايز يصلي وتبقي فتنه
سلام ومتابع
««((¯`·«AhMed•3LaM»·´¯))»»

Abu Shahin يقول...

مواجهه قوية كالعادة يا دعاء

رايى طبعا ان الحجاب حرية شخصية

واللى عايزة تتحجب اهلا وسهلا

واللى مش عايزة اهلا وسهلا

انما يتفرض على حد يلبس حاجة معينة هو مش مقتنع بيها ف ده قمة القهر

وفعلا فى كتير من البنات لبسوا الحجاب اما قهر من العيلة او قهر من المجتمع بنظرته الغير سويه للغير محجبة

تستاهلى تحية كبيرة على مواجهتك الجديدة

Foxology يقول...

اولا احب احييكى على البوست دى لأنها فعلا بتتكلم عن موضوع مهم اوى

ثانيا فى رأيى انه فريضة اسلامية والأدلة موجودة من القرءان والسنة لكن المهم فعلا ان الأهل لما يقولو للبنت اتحجبى يقنعوها علشان تعمل الحاجة باقتناع ميبقاش لمجرد زى ما قولتى الشكل من برة ومن جوة الدنيا بايظة

انا برضه من رأيى ان البنت لو طلعت متربية فى بيت بيحترم الدين وفاهم الدين كويس اكيد هتبقى مقتنعة باللى بتعمله سواء الحجاب او طريقة اللبس

وبس :)

MaGn0liA... يقول...

انا بعتقد ان الموضوع حريه شخصيه زائد انه حاجه بنعملها لربنا

يعنى ممكن اكون مش مقتنعه

بس عاشان بحب ربنا و هو قال هقتنع و هعمل

و دى حاجه انا اخترتها من بدرى اوىىىىى


فحريتى قالتلى اعمل كده

لكن اننا نبقى مش متصالحين مع نفسنا و احنا بنعمل كده

هيخلى اعتقد الموضوع مش صح اوى

و خصوصا لو كان دافع من اللى انتى قلتيهم

عاشان المجتمع يشوفها محترمه :S:S:S:S

غلط جداااا

شكرا يا دودو

سلامات :)

عالم حبيب يقول...

السلام عليكم

اولا رمضان كريم وكل عام وانتي بخير وعافية

دي اول زيارة لي لمدونتك واسأل الله لكِ التوفيق

فعلا .. كتير من الحاجات بنعملها في حياتنا من غير استشعار قيمتها المعنوية والروحية .. أهالينا علمونا الصلاة وده شئ كويس .. بس مش كتير منهم علمنا معنى الصلاة وانها مش مجرد حركات .. ومثل الصلاة الحجاب .. كما ذكرتي ترتديه البنات لأنه لازم يرتدوه .. والنتيجة ان مجرد حتة قماش على راس البنت .. لكن الاخلاق اللي بيفرضها عليها الحجاب ممكن تكون مش موجودة لأنها مش عارفة قيمة اللي لبساه

نصيحة لكل أب وأم وأخ وأخت .. اننا نحاول ننشر الثقافة دي بين الناس كلهم .. ثقافة اننا نتعمق في اسرار الاشياء وليس فقط الوقوف على الظاهر

جزاكم الله خير
تقبلي تحياتي

ريم جهاد يقول...

سألتي في بداية الكلام لو سمعت الجملة دي هتعملي ايه.. انا قريتها و ذهلت بصراحة.. و طبعاً هادافع بإستماتة.. زي ما عملت دايماً.. أو يا رب اكون قدرت اعمل حاجة يعني..
قصتي مع الحجاب ببساطة هي اني بنت عايشة في بلد أوروبي.. و قررت البس الحجاب في عز ما الدنيا كانت مقلوبة عليه.. ناس كتير جداً بما فيهم بابا و ماما نصحوني اني ماعملش كده لأن ده بيعرض البنت بره لمشاكل كتير هي في غنى عنها.. المهم عشان ماطولش عليكي، كنت بأقول في بالي انه لو الرسول عليه الصلاة و السلام اللي هو نزل برسالة الإسلام اتعرض لحاجات اكتر من كده و قدر يستحمل يبقى اكيد انا و اللي زيي هنقدر نستحمل..
المهم، اللي حصل انه فعلاً كان فيه مشاكل كتير.. و ضررها النفسي كان وحش جداً.. و فكرت اقلع الحجاب.. و فعلاً نويت.. على اساس مبدأ ان الضرورات تبيح المحظورات.. بس عايزة اقولك اني ماقدرتش اعمل ده.. ده و انا لسه على باب بيتنا و خارجة من غيره حسيت اني .. مش عارفة.. حسيت اني بردانة قوي.. و عايزة حاجة زي ما تقولي كده تحميني.. فرجعت و لبسته تاني (سيناريو زي الأفلام بالضبط، آخر لحظة و كده) و بس يا ستي، اديني لسه عايشة بره و لسه لابسة الحجاب.. و فرحانة قوي بده..
الحجاب هو اللي بيحسسني بكياني.. لما بأحقق نجاح في حاجة، لما يعني، و بالذات و انا بره، بأحس اني مش بمثل نفسي بس.. لا بمثل ديني و بلدي.. و يا رب اكون بمثلهم كويس.. و كمان اني قدرت ماركزش كتير مع المضايقات و اركز اكتر على دراستي و طموحاتي.. بأحس انه هو اللي بيخلي للبنت قيمة.. بس لما يكون صح و لما تكون هي مؤمنة بده و مقتنعة به..
و بالنسبة للبنات اللي مش محجبات فأنا مش شايفة انه عدم ارتدائها للحجاب ممكن يقلل من احترام الناس لها.. لأنه حرية شخصية.. حرية شخصية من ناحية انه دي حاجة بينها و بين ربنا -لكن في كونه فريضة فهو فريضة-.. ربنا اللي هيحاسبها مش احنا.. احنا علينا ننصحها و نوجهها مش اكتر من كده..و في الآخر هو اختيارها اذا كانت تلبسه ولا لأ.. و على فكرة في بنات مش محجبات و في بيبقوا في منتهى الذوق و الأخلاق و الإحتشام.. يمكن اكتر من بنات محجبات كتير لابسين الطرحة كحاجة تكميلية زي ما قلتي.. فالحجاب مابقاش مقياس اليومين دول..

انا اسفة اني طولت عليكي..
بس موضوعك شدني جداً..

مدحت محمد يقول...

عادى


انا لو سمعت كدة هقول اية الحجاب


ومن شاء فليؤمن ومن شاء فليكفر

kochia يقول...

والله الحجاب من وجهة نظري فرض
ولو حد قاللي اخلعي حجابك هقوله انا حاسة برفعة وشرف وانا لابساه
وللي بيقول كدة هقوله شوف نفسك انت
وابكي علي حالك

ومش بحب الكلام كتير في الموضوع ده عشان متكرر اوي
بس كدة
تحياتي

ليكوريكا يقول...

دودي كل سنه وانتي طيبه

الموضوع ده يرد عليكي فيه البنات بقي

لان دي وجهة نظرهم هما

لكن انا شايف انه فريضه مفيهاش جدال فيها واي مسلمه من الواجب انها ترتديه

تحياتي ليكي

ليكوريكا

blue-wave يقول...

موضوعك بجد بجد حساس جدا ويمس شريحه كبيرة اليومين دول شايفين انه حريه شخصيه
معلش بقى
وليضربن بخمرهن على جيوبهن
الموضوع مش اختيارى وغير قابل للنقاش
وما كان لمؤمن ولا مؤمنة اذا قضى الله ورسوله امرا ان يكون لهم الخيرة من امرهم
صدق الله العظيم
كفايانا مهاترات وتطاول على الدين
الحجاب فرض فرض فرض
وبجد جزاكى الله خيرا على طرح الموضوع

دعاء مواجهات يقول...

حاتم عرفه

اووكى ياعم

انت تتغرى براحتك طبعا

ونورت مدونتك

وبيس

دعاء مواجهات يقول...

مصطفى ريان

صح زى ما قولت الموضوع كبير

والحكاية بقت فيها شبهات كتير

لكن التربيه الصح اكيد بتساعد كتيير

نورتنى

دعاء مواجهات يقول...

انجى

ليةي اترى مش عارفة تردى

على اى سؤال من دوول؟؟

سؤال يطرح نفسه

مش انا اللى بطرحه

هو فعلا ممكن ساعات يكون زى ما قولتى

اللى بيواجه الموضوع كمشله فجأة هو الىب يفكر اكتر فية

وبيفرق معاة

نورتى ياقمر

دعاء مواجهات يقول...

حسن حنفى

ادعيلهم ربنا يثبتهم

منور

دعاء مواجهات يقول...

bos bos

انك تكونى فاهمة ومقتنعة عن فهم

دة احسن شئ طبعا

تحياتى ليكى ياقمر

======================

كيكى

يعنى انا قولت صديقة انتى بقى جاية

تسيحى لنفسك ماشى ياستى انتى حرة

بس انا اولله فاهمه قصدك بالعكس انا كمان بشكرك انك نبهتينى لموضوع مهم كدة

بيس ياقمر

دعاء مواجهات يقول...

عاوز حقى

فلو استقامت المرءه

تحياتى للجمله دى بجد

لو بقى

نبقى نناقش موضوع المنتديات دى يامحمود

اوكى

نورت

دعاء مواجهات يقول...

ميرو انتكه

easy come easy go

عليكى نوووور


نورت ياقمر

دعاء مواجهات يقول...

جمعاوى

انا بتحسر بجد

لما بشوف المناظر دى

ربنا يعافينا

ويارب ديما تعجبك مواضيعنا

ودمت بخير

دعاء مواجهات يقول...

شاذلى منقل

تحياتى لكلماتك

اخى العزيز


ولا اجد ما يوفيك حقك من الرد

دمت بود

نورت المدونة بجد

بتحليلك ورايك

دعاء مواجهات يقول...

احمد علام

اصبت بالتوضيح وبالتفسير

المشكله ان فيه نسبة شايفه ومقتنعة اوى فعلا انو حرية مش اكتر

دمت بخير

وتطول براحتك

منور مدونتى بآرائك المتميزة

دعاء مواجهات يقول...

مهيج الجماهير

عليييييييييييييك

نووووووووووووووور

نورت بجد

دعاء مواجهات يقول...

امجد

اة فاكرة اوى البوست دة فعلا

وبعدين انت تتكلم براحتك

انت مش ضيف

انت صاحب مدونه

سلام

دعاء مواجهات يقول...

دعاء

منكرش انى معاكى ف كتير من كلامك وتحليلك لحكاية

لانك بتحكى واقع فعلا

بس بااردو مش قادرة اقتنع بحتة انو حرية شخصة دى ابدا

ممكن نقوول فرض والى تتركه وتعند وعندها استعداد لتحمل الوز

هى بقى اللى حرة ساعتها

دمتى بخير

دعاء مواجهات يقول...

انا جعان

ياة دى لاحاجة الوحيدة اللى لفتت نظر حضرتك

ملفتش نظرك

انك مقولتش رايك؟؟

==========================

آبى

ممكن دا يكون راى جدير بالفهم بردو

بس اللى مفروض نحطة ف الاعتبار ان المحجبة المفروض قدوة مش مجرد شكل

نورتى حبيبتى

دعاء مواجهات يقول...

فيو جود مين

طبعا مش صريح

ولا دعوة لكدة حاشا لله

نورتنى

=================

صباح الصباح

مش فاكرة سمعت الجمله دى

فى فيلم إيييية؟؟

نورتنا

دعاء مواجهات يقول...

عاليا حليم

انك لا تهدى من احببت

=======================

صاحب المضيفة

كلام حضرتك صح

بس مش معناة اننا منفهمش البنات اهميتة ولازمتة ولية هو فرض

ودة اللى انا عاوزة اوصلو م البوست كلو

دمت يخير

دعاء مواجهات يقول...

قلب مصرى

اكيد التعود مهم

والتعلم ايضا والمعرفه مهمين

نحياتىل لك اخى الكريم

=====================

عاقله فى ارض الجنون

ههههههههههههههههههههههههه

طب ولا قيتى اية

كتى فكرانى بدعى للفكرة دى صح؟؟

أعوذ بالله

احنا مش كدة الحمدلله

نورتى

====================

محمود

مين جاب سيرةالدوله ياعمنا الوفتى بس

ولا هو انت متعرفش تتكلم بعيد عن السياسه

هههههههههههههههه

شكلو مرض

اوعى تسكت عليك بجد

منور

دعاء مواجهات يقول...

سنو وايت - عايش ولكن

اكيد مفيش اى اعتراض على كونة فريضة

وزى ما قولنا الاهل والبيئة نقطة البداية

اتمنى كل منا يبدا بمن يعرفهم

تحياتى ليكم

دعاء مواجهات يقول...

ضياء


والناس مش هتدخلني الجنة


مين يفهم دى بس


ياديوو


بارك اله فيك ياابنى

بالرغم من اعتراضى على حتة

((حتة القماش دى)))

مالاقيتش تعبير تانى

=====================

احمد علام

صح فعلا

عندك حق

مهو الكلمة مطاطة وغير محددة

فعلا فعلا

منورنى

ويسعدنى المتابعه

بيس

دعاء مواجهات يقول...

ابو شاهين

محدش يقدر ينكر انو فرض
وبالتالى اللى يقدر يتحمل الوزر

يشييل

اتمنى ديما كلامنا يعجبك

=====================

فوكس

اكيد طبعا البيئة والتربيه اهم عامل

تحيااتى ليك

نورت

دعاء مواجهات يقول...

ماجنوليا

يعنى اية حاجة لربنا

صدقينى دى حاجة لينا احنا
لكل بنت

لحمايتها

مش بس علشان الثواب

تحياتى ليكى

========================

عالم حبيب

الوقوف على الاسباب مهم

فى كل حاجة
وهنا اهم اوى كمان

وانا معاك فى دعوتك

نورتنى

اتمنى دوام التواصل

دعاء مواجهات يقول...

ريم جهاد

اعانك الله وثبتك على الحق دائما

وبجد انتى مثال جميل اوى

اتمنى كلنا نكون مثلك

نورتينى

اتمنى دوام التواصل

=====================

مدحت محمد

كلمتك دى مش هقول صدمتنى بس غريبة شويتين عليا يمكن

بس اللى ارتضى بالدين يبقى يلتزم بتعاليمه

ولا اية؟؟

دعاء مواجهات يقول...

كوكيا

هههههههههههههههههههه

اووكى

اول حد يقول كدة

بس عادى

وبجد موقفك من حجابك مشرف

يارب كل البنات كدة

نورتى

دعاء مواجهات يقول...

ليكو ريكا

بجد بجد مفتقدااك بشكل مش عادى

فييييييييييين؟

وانت طيب ياعم

وبعد ردك مفيش رد طبعا

نورت مكانك

دعاء مواجهات يقول...

بلو وويف

وما كان لمؤمن ولا مؤمنة اذا قضى الله ورسوله امرا ان يكون لهم الخيرة من امرهم)

صدق الله العظيم

لست أدرى يقول...

انا سمعت اخلعى نقابك
لان فى ناس كتير اوى اعرفهم منتقبين بس علشان يشتغلو لازم يقلعو النقاب
وهما فعلا محتاجين الشغل
لغايه لما الناس بقت تقولهم اقلعو النقاب وربنا هيسامحكم
بالرغم من احتياجهم للشغل
الا ان احساس الانسان انه مجبر على حاجه مش عاوزها بجد احساس وحش
ربنا يرحما يارب

وومن يقول...

دودو

كل سنة وانتي طيبة الموضوع ده كبير كبير بس لو عاوزة تعرفي رأي اقري الموضوع بتاعي

( هكذا حدثتني نفسي )
لأني بتعرض فية لتجربتي الشخصية مع الحجاب

خالص مودتي وتحياتي

PrInCeSS BeRy يقول...

ازيك يا دودو وحشتينى كتير رمضان كريم يا حببيتى

الموضوع ثرى جدا ومحتاج فعلا كلام كتير بس بجد انتى قلتية منة نقاط كتيرة جدا ورديتى عنا بالخير وربنا يثبتنا ويحفظنا جميعا ويبعد عنا الشيطان ويكرمك بينا ويكرمنا بيكى

نهر الحب يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

محمد محمود يوسف يقول...

طيب كده فل أوي


أنتي عارفة رأيي

:)

manmona يقول...

بصى هاقولك انا اتحجبت عن اقتناع..
يعنى محدش فرض عليا حاجة و دى قليل اوى لما بشوفها...
على فكرة انا حجابى مش طويل ولا حاجة بس على الاقل انا عامله اللى انا اقدر عليه..
انا اتحجبت علشان ربنا بس اما موضوع الوقايا فالمحجبة زى اللى مش محجبه..
مش وقايه و لا حاجة..
على فكرة انا فكرت فى الموضوع ده كتير
..البوست بجد حلو اوى

manmona يقول...

نسيت اقولك كل سنة و انتى طيبة:)

المحارب المتيم يقول...

أولا

كل عام وأنت الى الله أقرب


ومنه أخوف

وبه اعرف

والى دار كرامته اسبق

لا تفوتى الواجب الرمضانى

وقفة محاسبة قبل رمضان


ثانيا

أتمنى الناس تنظر لموضوع الحجاب نظرة متعمقة أكثر يعنى مش مجرد مظهر تكميلى زى ما بتقولى

وكمان الاعلام ليه دور كبير فى ترك الحجاب للاسف نتيجة النماذج اللى بيقرفونا بيها فى رمضان أعتذر على اللفظ
وكمان شوفى مسلسل زى حق مشروع فيه هجوم على الحجاب بغباء واللاغلام بين للناس ان كل اللى يلتحى ويلبس جلباب أبيض وكل اللى بتتحجب متطرفين ودة غلط
والكوضوع طويل

وكلب سنة وانتى طيبة

زرابيح أبو الليل يقول...

هو الموضوع محسوم بأيات عدة في القرآن....بس خلصت لكن انا شايف ان صحبتك فعلا عندها حق في قصدها بس خانها التعبير "حرية شخصية"هو مش حرية شخصية...ولكن واجب على الداع للحجاب ان يعرِّف الحكمة منه ,خاصة مع الحرب الشهوانية عليه من الوزير سعاد حسنس"أقصد فاروق حسنس"وما هو بفاروق ولا حتى حسني "دا حسني اسود"والتاني المؤيد حسين فهمي"وبرده لاهو حسين ولا بيفهم من اصله"

زرزور يقول...

اللهم يامثبّت ثبّت.....الحجاب دا فعلا عفة وانا عن نفسي اكتر حاجة تعجبني في الفتاة الحجاب وانا ناوي لما اجي اخطب اول حاجة الحجاب لإن الإناء ينضح بما فيه...وربنا يرحمنا من بنات الشق الآخر تلاقيهم ماشيين مع اولاد ومع ذلك تلاقي الولاد لابسين لبس اطول واوسع وساتر الجسم اكتر من اللي لابسينه البنات

بنت سيناء..سويركية وافتخر يقول...

الحجاب هوية المرأة المسلمة..يعنى اللى تقولك دى حرية او مش مقتنعة قوليلها انتى تقدرى تسافرى او تدخلى اى مكان رسمى بدون بطاقتك؟؟اهو دة هويتك كمسلمة..بصرف النظر عن اى شئ اخر

مـجـنـووون يقول...

السلام عليكم ورحمة الله وبركاته

كل تسألتك مهمه جدا ، بس الي أعرفه أن الحجاب مظهر من مظاهر الالتزام والانصياع لما أمره الله عزوجل

وبعدين لازم علشان يبقي الحاجب عمل الغرض منه أن الإنسانه الي لبساه تكون مقتنعه بيه وتكون ملتزمه دينيا وخلقياً
علشان لو حد شاف واحده لبسه حجاب وبتعمل سلوك مش مهذب أو بتلبس لبس مش مهذب ، حتكون سمعه سيئة للحجاب وللإسلام

والأهل لهم دور كبير في موضوع الحجاب
وبرده العادات والتقاليد ، وكل بلد وله عاداته وتقاليده

تقبلي مروري
مجنووون

Soooo يقول...

يخرب بيت دماغك يا دودو
عليكي مواضيع يابنت انتي
في المواجهات يعني

بصي ياستي

هو ليه احنا لما بنصلي بنبقى في قمة الخشوع والأدب .. ولو ولد بيلبس مش عارف ايه بتلاقيه نازل يصلي وهو محترم قوي .. ولو بنت مش بتلبس حجاب بتغطي شعرها وبتشيل اي مكياج

طب ماهو ربنا اللي بنقف قدامه واحنا بنصلي .. هو برضه ربنا اللي شايفنا كل يوم وكل ساعه وكل ثانيه وعالم باللي جوانا

لو حطينا في دماغنا ان ربنا شايفنا على طول .. يبقى هنبقى احسن ناس بجد

فهمتي قصدي؟؟؟

بقولك ايه .. انا علقت وقلت انك رغاية عند كيكي .. ولو حدفتي علي طوب ولا حاجه انا هاصوت والم الناس

اه حاجه تانيه .. شيلي صورة العصير اللي انتي حاطاه عشان انا دخلت هنا قبل الفطار وشفت منظر العصير كنت خلاص




سلاموووووووووووز

Mohamed Dawod يقول...

هو الموضوع ده ممكن يعلق فيه رجال ولا موضوع حريمى وبس؟ عموما اسمحيلى اغلس واعلق لانى عاوز اقول حاجه محشوره فى زورى. مع الأسف بقيت ظاهره واضحه جدا ان الحجاب فى مصر بقى حاجه كده تلقائيه البت تكبر وتدخل المدرسه الاعداديه تقوم متحجبه. مش مهم بقى اخلاقها ايه ولا بتعمل ايه المهم البت اتحجبت. طبعا الحجاب فريضه وكلنا متفقين على كده. بس انا بتخنق وبتجنن لما بشوف بنت محجبه وبتعمل حاجه غلط بحس انها اهانت حجابها. بالظبط زى ما بشوف واحد ملتحى وبيعمل حاجه غلط. بس الذ حاجه فى الموضوع صاحبتك اللى سيحت لنفسها.....طيبه قوووووى.....تحياتى وشكرا

أميمة كامل يقول...

كل عام و انت بكل الخير و السعادة

كل عام و انت الى الله اقرب و على

طاعته ادوم و لجنته اقرب

ayman badr يقول...

ازيك يا دعاء كل اما اغيب وادخل الاقى مصيبة كبيرة وموضوع شائك
طبعا انا مش هفتى واقول فرض ولا سنة ولا كلام من هذا القبيل
بس لازم اللى ترتديه فعلا تكون مقتنعة بيه ومش يبقى نص حجاب ونص بودى وجينز وخلافه ماهو يا ابيض يا اسود
تحياتى على الموضوع الجميل

احساس لسه حى يقول...

عزيزتى

اكيد مفيش اختلاف ان الحجاب فريضة

ومهما كانت الاسباب الاخرى اللى بسببه البنت بتتحجب فده مش هيضيع عليها ثوابة بدل مؤمنه بيه

وعارفه انه فرض عليها

وانا عن نفسى مش بحكم على بنت بحجبها بس اكيد لبسها بيدينى انطباع على طبعها وتفكيرها مش اخلاقها يعنى

والسؤال اللى دايمن بيدور فى دماغى هو البنت لما بتعرف ان الحجاب ده فرض عليها وان بغيره بتاخد سيئات طول الوقت

ليه مش بتخاف وبتقلق من عذاب ربنا وغضبه

هتقوليلى ما انت بتعمل ساعات سيئات وغلبط كتير

بس غلطى مش دائم دايمن بيكون حالة وتعدى

ومفيش فى دنيتى اظن كده

شئ بيغضب ربنا وانا متاكد منه اقدر اعمله ويكون ملازم ليه طول الوقت

تحياتى

وكل سنة ورمضان كريم عليكى وعلى الامة كلها

سلام

دعاء مواجهات يقول...

ازيكوا يااحلى مخلوقات فى المجرة واحشيننى اوى

بعون الله ارد ع التعليقات غدا

بحبكوا اوى

بيس

دعاء مواجهات يقول...

لست ادرى

كلامك صح اوى طبعا

وكمان الحجاب بيقولوا عنو كدة

ربنا يعافينا من ذل الحاجه

نورت

دعاء مواجهات يقول...

وومن

وانتى طيبة وبخير يارب ديما

اوكى هشوفوا واقول رايى بإذن الله


برنسيس بيرى

ربنا يكرمك بجد على الدعوة الحلوة اوى دى

ربنا يعيننا جميعا

نورتى مكانك

دعاء مواجهات يقول...

نهر الحب

اللهم آمين

ولكى المثل

================

محمد محمود يوسف

رايك ؟؟؟؟

لا ياعم معرفووش

وهعرفوا منين يعنى؟؟؟؟

بالإستشعار عن بعد؟؟؟؟؟؟؟؟

نورت

دعاء مواجهات يقول...

منمونه

بصراحة مش معاكى فى حتة

انك شيفاة مش وقايه

وان المحجبة زى الغير

انتى عارفة دة ممكن يكون امتى بس

لو المحجبه اصلا مش محترمه حجابها وزيها زى الغير محجبه فى الشكل والتفاصيل والتعاملات


تقبلى تحياتى

دعاء مواجهات يقول...

المحارب المتيم

اللهم تقبل منا جميعا

انت تطرقت لنقطة مهمه جدا

فعلا وهى صورة الحجاب فى الاعلام

اشكرك على اثارتها

نورت

دعاء مواجهات يقول...

زرابيح ابو الليل

بعيدا عن الاسم الغريب

ومعناة الاغرب اللى انا معرفوش اساسا

انتى نورتى

دعاء مواجهات يقول...

زرزوور

اهم حاجة هى الثبات فعلا

نورتنى

اتمنى دوام التواصل

========================

بنت سيناء

تعبير جميل اوى بجد

هويتنا كمسلمات

دمتى بخير

وجودك عندى يسعدنى

نورتى

دعاء مواجهات يقول...

مجنوون

طب منين مجنون ومنين بتقول كلام موزون اوى كدة

ولا انت بترسم علينا الجنون

عموما ايا كان نوع جنونك فأنا احترمة بشدةواقدرة

نورتنى

دعاء مواجهات يقول...

سووووووووو

صح الكلام يابرنس

الحكاية اننا نفهم دة

انا رغاية مااشى
انا هوريلك
موعدنا السبت

بيس

دعاء مواجهات يقول...

محمد داوود

هههههههههههههههه

اة اصل صحبتى دى مبتعرفش تسكت

عندك حق وقوة ملاحظة
نورت

دعاء مواجهات يقول...

اميمة كامل

وانتى بخير

نورتى

==================

ايمن بدر

انا فين دة المصايب دى

رايك صح اما الكل او لا

نورتنى

دعاء مواجهات يقول...

احساس لسة حى

بصراحة انا مقدرش اتكلم ف حتة الثواب دى

لانها مش فى ايدنا ولا نقدر نقيسها

تحياتى ليك

نورتنى بعد غياب

انا ودماغي يقول...

أنا لبست الحجاب لأن ربنا قال ألبسوه..أينعم كان المفروض ألبسه من سبع سنين بس أنا لبسته من سنتين لكن بعد ما حسيت أنه لا..ده أمر و لازم يتنفذ وبعيدن شوفت أهميته و قيمته...و يمكن أكون لبسته كعقاب ليا لأن مرة واحدة صحبتى قالتلى ألبسيه قلتلها مش مقتنعة و سبتها و لما رجعت لقيت نفسى بقول إيه الكلمة الغريبة دى و لا أنا بقلد أى حد و خلاص يقول الكلمة دى...مدام أنا رضيت أكون مسلمة يبقى لازم آخد اللوكشة على بعضها أشمعنى فى الصلاة و قول الصدق و الظكاة ..ألخ مش بنقول عايزة أقتنع أشمعنى فى الحجاب بنسمع الكلمة الغريبة دى لو هى كدة بقى يبقى أنا مش حصلى إلا لما أقتنع....أشمعنى أقتنع بالصلاة أو أنفذها عميانى و الحجاب لا...هو مش اللى آمر بيهم واحد و لا أتنين ..أنا مش عارفة وجهة نظرى وصلتك و لا لأ بس أنا كتبت اللى حاسة بيه

دعاء مواجهات يقول...

أنا ودماغى

هههههههههههههههههههههههه

سيبك احلى حاجة اللوكشه

كلامك واصلنى فعلا

بس فيه حاجة عاوزة توضيح

ياترى انتى تقصدى انك أتحجبتى علشان اشمعنى دى يعنى اللى هسيبها وبس؟؟؟

وضحيلى بليز

نورتينى

اتمنى دوام التواصل

ojg يقول...

بصي يا دودو
انا والدي الله يرحمه ووالدتي ربنا يخليهالي
عمرهم ما قالولي البسي ولا اقلعي
بس ربوني حلو اوي
ربنا يكرمهم يارب
يعني انا لوحدي وبدون اي ضغوط
طلبت من امي اني البسه
وهي فرحت بيا
وبس
وحتى لما بزود احتشامي في لبسي يوم عن يوم بتفرح بيا
بس بدون اي ضغط من جانبها
انا مبسوطة جدا ان محدش غصبني
ومبسوطة اكتر اني مقتنعه جدااا
وده بيخليني حتى في الأفراح أو كده
أو حتى في البيت لو جالنا ضيوف
بلبسه
مش زي ناس كتير مغصوين علي الموضوع
بتلاقيهم ما بيصدقوا ييجي فرح او يجيلهم قرايبهم يقوموا يسيبهم خالص من الحجاب
وكأن الحجاب للشارع بس
انما في البلكونة والجيران الشباب واقفين حلال
موضوعك حلو أوي
كان لازم أدلي بدلوي فيه :))

دعاء مواجهات يقول...

ojg

شئ جميل جدا ان الإلتزامك يكون نابع مننا ومنستناش حد يدلنا عليعه

بس للأسف حبيبتى كتير مش بينفع معاهم الطريقه اللى انتى اتربيتى بيها

ومعاكى جدا فى حتة اللى عاملين الحجاب للشارع وبس

تحياتى ليكى

نورتى

احمد نور الدين يقول...

اتفضلي ياستي
شوفي الصورة دي :D


http://img222.imageshack.us/img222/2504/whyhejabge2.gif

مومو يقول...

طب ياجماعة انا فيه حاجة محيرانى

ان لو مكنش فيه حجاب
والبنات كلها مش محجبة
كان الموضوع هيبقى عادى
يبقى انا كبرت واتربيت ع كده
لان الحجاب الغرض منه الحفاظ ع البنت وانه يصونها
فلما انا اتربى من صغرى ومعرفش حاجة اسمها حجاب يبقى مش هتفرق معايا
زى مثلا لو واحدة محجبة سافرت اوروبا .. وخلعت الحجاب هناك .. مفيش اثارة هتحصل لاى حد هناك من شعرها والمجتمع مش هيلتفت ليها لانها معملتش حاجة جديدة ..فبالتالى مش حرام
ده رايي وياريت حد يناقنى فيه

دعاء مواجهات يقول...

احمد نور الدين

اووكى

نورت ياعم

دعاء مواجهات يقول...

مومو

صراحه منطقك جدير بالتفكير بردو

بس اللى حصل هو ان ده ديننا وهى دى قيمنا والمفروض اننا نتبعها مش ننقى منها

تحياتى ليكى ياقمر

نورتينى

almthalia يقول...


شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر