وإوعوا يفوت يوم بدون ما تدخلوها حتى ولو لم يكن بها جديد
فكلنا محتاج للرحمة والمغفرة والدعاء
وأذكركم بنشر اللينك
وخالص الدعاء..
-------------------------------------------------------
الليلة الأولى
كانت تلك هى الليلة الأولى لها فى تاريخها الوجودى التى تقضيها بمفردها بكل ما تحملة الكلمة من معانى
فلا أحد سواها بالشقة الكبيرة التى تتعدد غرفاتها ولا أحد سوف يحادثها الليلة ولن تجد من تتشاجر معة من
إخواتها كعادتها ولن تجد من يضايقها بالنوم جوارها
ولن تجد من يعكر صفو مزاجها بسماع الأفلام الرتيب
أصبح الزمن ملكاً لها وأصبحت هى تملك مفاتيح نفسها ..
يالة من احساس ٍ حين غادر أبواها وإخوتها تاركين إياها بمفردها من أجل فرصة العمل الجديد التى أتيحت لها بالعاصمة فهى حق بكل المقاييس فرصة يتمناها الكثيرون خاصة ً وأنها على علاقة طيبة (برئيس مجلس إدارة)
المؤسسة الصحفية العريقة التى يتمنى الكثيرون المرور من أمام أبوابها بغض النظر عن إنتماءاتها الشخصية ومبادئها فالأمور كلها والظروف تنطق بأمر واحد أنها فرصة لاينبغى لها بأى حال من الأحوال أن تضييعها
كانت تلك هى الليلة الأولى لها فى تاريخها الوجودى التى تقضيها بمفردها بكل ما تحملة الكلمة من معانى
فلا أحد سواها بالشقة الكبيرة التى تتعدد غرفاتها ولا أحد سوف يحادثها الليلة ولن تجد من تتشاجر معة من
إخواتها كعادتها ولن تجد من يضايقها بالنوم جوارها
ولن تجد من يعكر صفو مزاجها بسماع الأفلام الرتيب
أصبح الزمن ملكاً لها وأصبحت هى تملك مفاتيح نفسها ..
يالة من احساس ٍ حين غادر أبواها وإخوتها تاركين إياها بمفردها من أجل فرصة العمل الجديد التى أتيحت لها بالعاصمة فهى حق بكل المقاييس فرصة يتمناها الكثيرون خاصة ً وأنها على علاقة طيبة (برئيس مجلس إدارة)
المؤسسة الصحفية العريقة التى يتمنى الكثيرون المرور من أمام أبوابها بغض النظر عن إنتماءاتها الشخصية ومبادئها فالأمور كلها والظروف تنطق بأمر واحد أنها فرصة لاينبغى لها بأى حال من الأحوال أن تضييعها
وإن فعلت فلا ينبغى أن تلوم إلا نفسها .
ما أبهرها حقاً وجعلها تدرك أهمية تلك الفرصة هى موافقة أبيها على عملها هذا والأكثر إندهاشا موافقتة أن تمكث بمفردها فى أيام العمل على أن تعود فى نهاية الأسبوع وبمجرد ما أغلق الباب تاركاً إياها أمامة
دار بخلدها الكثير من الأفكار و المشاعر والأحاسيس والسيناريوهات المستقبلية لحياتها تلك فى العاصمة
هل هى الحرية تناديها بعد طول حبس فى مدينتها الريفية هل هى نقطة الإنطلاق البداية هل هى المفتاح لنجاحات متوالية ..
هل هى السلمة الأولى فى سلم مجدها التى طالما تنبئ لها بة الكثيرين
أم هل هى مرحلة جديدة من المسئولية ينبغى أن تكون على قدرها ربما تحمل الكثير من الغموض والخوف والقلق مما هو آت فتلك هى طبيعتها التى لاتستطيع أبدا ً تغييرها
القلق والتفكير المستمرين ....
إستمرت نحو ثلاث ساعات كاملين لاتجد نفسها قادرة على فعل شئ يذكر فقط تذهب وتعود من الحجرة للبلكونة تجد شئ ما بداخلها مازال يقيدها مازال يسألها هل ما يحدث هذا فى مصلحتها هل هو ماكانت تتمناة هل
وألف هل تجوول برأسها الآن وما من إجابات ٍ شافية .
ما أبهرها حقاً وجعلها تدرك أهمية تلك الفرصة هى موافقة أبيها على عملها هذا والأكثر إندهاشا موافقتة أن تمكث بمفردها فى أيام العمل على أن تعود فى نهاية الأسبوع وبمجرد ما أغلق الباب تاركاً إياها أمامة
دار بخلدها الكثير من الأفكار و المشاعر والأحاسيس والسيناريوهات المستقبلية لحياتها تلك فى العاصمة
هل هى الحرية تناديها بعد طول حبس فى مدينتها الريفية هل هى نقطة الإنطلاق البداية هل هى المفتاح لنجاحات متوالية ..
هل هى السلمة الأولى فى سلم مجدها التى طالما تنبئ لها بة الكثيرين
أم هل هى مرحلة جديدة من المسئولية ينبغى أن تكون على قدرها ربما تحمل الكثير من الغموض والخوف والقلق مما هو آت فتلك هى طبيعتها التى لاتستطيع أبدا ً تغييرها
القلق والتفكير المستمرين ....
إستمرت نحو ثلاث ساعات كاملين لاتجد نفسها قادرة على فعل شئ يذكر فقط تذهب وتعود من الحجرة للبلكونة تجد شئ ما بداخلها مازال يقيدها مازال يسألها هل ما يحدث هذا فى مصلحتها هل هو ماكانت تتمناة هل
وألف هل تجوول برأسها الآن وما من إجابات ٍ شافية .
(هالة ٌ من الغموض ) تغلف أيامها القادمة( ألغاز) تحوم حول مستقبلها لم تستطع بعد أن تجد لها إجابات ٍ شافية
أمسكت بهاتفها المحمول وأخذت تحادث أصدقائها المقربين وكأنها تستنجد بهم فى وحدتها تلك تود لو تراهم حولها الآن جميعاً ليشهدوا تلك اللحظة الحاسمة الفاصلة بين تاريخها ومستقبلها .
لكنها فقط أصوات ٌ تصلها عبر الأثير تؤنس وحدتها وتشاركها وجدانيا ً حالتها الفارقة تلك .
تظل ممسكة بهاتفها تقلب فية فتستمع لصوت شرين – مشربتش من نيلها – فتتذكر أن الكورنيش ليس ببعيد ٍ عنها وقبل أن تخوض فى أفكارها المجنونة تعود لصوابها
فتقول ولكن كيف لى أن أخرج دون إذن - ماما أو بابا - . تترك الهاتف لتصيبها حالة من القلق الممزوج بالخوف مزجا ً والشك بداخلها يكاد يقتلة اليقين بأن هناك من يشاركها لحظاتها تلك ويتتبعها وربما يقرر أن يأذيها
أفكار وأفكار لا تدرى لها مصدر ٌ سوى حالة الفراغ تلك التى تغلف واقعها الجديد .
تقرر أن تنحى كل ما سبق من هواجس جانباً وتبدأ التفكير فى شئ آخر فلم تجد سوى صوت التلفاز يؤنس عليها وحدتها تلك ويبعث إليها إحساس توقن بأنة وهمى بأن هناك من يساندها ويدعمها ويشاركها لحظتها الخالدة تلك
رغم غباء الفيلم المعروض المسمى (إنذار بالطاعة ) وغباء فكرتة
إلا أنها أوهمت نفسها بأنة يدعمها
يدعمها فى ماذا أو كيف؟؟
زرعت هذا الإحساس بداخلها
لتخفض من حدة قلقها
..
ينتهى الفيلم وتنتهى معة قدرتها على التركيز والتفكير
الساعة الآن تقترب من الرابعة والنصف فجراً
تستلقى بظهرها على السرير
ولا تشعر بنفسها إلا فى التاسعة صباحاً
تفتح عينيها متسائلة
أين الضجيج ؟؟ أين صوت أمى ؟؟؟
أين التأنيب على النوم الكثير؟؟؟؟
ولا تنقضى لحظات إلا وهى مدركة الأمر
متذكرة تفاصيل الليلة الماضية
فتعلو دقات قلبها ويعاودها الخوف من المجهول
ثم تنهض مسرعة باحثة عن عمل تاورية قلقها...
ومازال يتردد فى عقلها سؤال واحد .....
هل القادم حتماً سيكون أجمل؟؟ وهل هناك جدوى من وحدتها تلك؟؟؟؟
هناك 65 تعليقًا:
كــــــــــان هــــذا موجز
لسر إختفائى الفترة الماضية
وبطلة القصة إن أسميناها مجازاً كذلك
هى أنا .....
مستنية آرائكم فى الموضوع كلو...
_________________________--
بشكر كل حد دخل وسأل عنى وبجد إفتقدتكم بشكل مش عااادى فعلا..
___________________
بإذن الله هرد ع التعليقات للبوست
الماضى غداً بمشيئة الله تعالى
امممممممممم
حمد الله على السلامة
يعنى نفهم من كدة خوفك من المجهول بعدك عننا
طيب احنا نخليها على الله افضل
حمدلله على السلامة
بمناسبة الليلة الأولى فالنسكافيه عندي جميل البوست من بدون مواجهات!!! أكيد القادم أجمل ولو مش أجمل نخليه أجمل عشان مافيش أجمل من إن الواحد يخلي الحاجة جميلة!!!
تحياتي بالزهور البنفسجية
حمدا لله على السلامه يا جميلة المواجهات...
أتركي أمرك لله ..وصلي دايماصلاة إستخاره..وربنا هيكرمك لما فيه خيرك..وإذا كان على الوحده يا ست كلن مجربينها متخافيش زي شكة الدبوس
وألف مبروك على المدونه الجديده نفع الله بها المسلمين
تحياتي
ليس الغريب غريب الشام واليمن
إن الغريب غريب اللحد والكفن
إن الغريب له حق في غربته
على المقيمين في الأوطان والسكن
دي كلمات سيدنا على ابن ابي طالب رضي الله عنه
والإمام الشافعي يقول:
تغرب عن الاوطان في طلب العلا
وسافر ففي الاسفار خمس فوائد
تفريج هم واكتساب معيشة
وعلم وآداب وصحبة ماجد
فإن قيل في الاسفار ذل وغربة
وقطع فيافٍ وارتكاب الشدائد
فموت الفتى خير له من حياته
بدار هوان بين واش وحاسد
متقلقيش واستعيني بالله دايما ومتنسيش اذكار الصباح والمساء علشان تبعد عنك شياطين الجن والإنس
وطبعا كوباية اللبن وغسيل السنان والرجلين قبل النوم :)
ربنا يعينك
بصى يا بنتى( بما انك دعاء عمرو)
توكلى على الله
البدايات دايما صعبه
لكن دايما خلى هدفك قدامك
ونجاحك قدام عنيكى
وهاتوصلى باذن الله للى بتتمنيه
وهاتلاقينا دايما معاكى
تحياتى وتمنياتى لكى دائما بالخير
دودو الجميلة
أولا وحشتينا جدااااا وربنا يوفقك وان شاء الله تكون أول سلمة ونشوفك صحفيه مشهورة جدااااااااا
ثانيا: أنا جربت الشعور اللى بتتكلمى عليه الوحدة صعبة جدا لكن لما يكون الانسان عنده هدف كله بيهون
طبعا لما هيكون فيه كمبيوتر الامور هتفرق لكن فى الوقت الحالى متخافيش انت قد المسؤوليه وان شاء الله هتتعودى والقادم ان شاء الله أحلى
وطبعا هدعيلك ربنا يرزقك بزوج صالح يشاركك مشوار الكفاح
تحياتى
بإذن الله سيكون القادم أجمل ...
شكلك كدة هتروحي تشتغلي في الدستور
ربنا يوفقك .. بس لو كدة خلي بالك ابراهيم عيسي مش هو الملاك اللي نازل من السما
في مجال الصحافة والإعلام كل يبحث عن مصلحته وفقط.. سواء مع الحكومة او الأخون وامريكا او حتي العفاريت الزرقاء
ربنا يوفقك
ممممم
الحمد لله علي سلامه حضرتك
يارب تنوري المدنه دايما
حمد الله ع السلامة
عود أحمد..وربنا يحفظك في وحدتك..
أكيد صليتي استخارة قبل الموضوع كله ;)
يبقى متقلقش من حاجة ان شاء الله ولا تحس بتوجس من المستقبل...
دمتي بخير
اذيييييييك
يا دودو
اسفة على التاخير جداااااااااا
لازم نشوف الحياة بببساطة علشان نعرف نكمل
حمد الله ع السلامة
احساسك وصلنى وحسيته اوى يمكن لتشابه الظروف
حمد لله على سلامتك
اناعرفت ان البوست عنك قبل مااجى اعلق معرفش ليه او معرفش ازاى ؟
اتمنى تكون البداية اللى قلقاكى دى مبشرة بالخير
ايمى
سلااااام
دودو رجعت يا رجاااااااااااااالة
لوووووووووووووووووولى
ألف ألف ألف حمد لله على سلامتك يا دودو
ان شاء الله تكون دى أول سلمة فى لسلم مشوارك الجميل اللى فيه هتثبتى لنفسك وللدنيا كلها إنك تقدرى تعملى أى حاجة إنتى مؤمنة بيها
وإن شاء الله قريب جدا نشوفكلك مقالات مكسرة الدنيا .. قولى امين
ملحوظة مهمة أوى:
بقى زعلانة علشان صحيتى لاقيتى نفسك لوحدك .. مش أحسن ما تصحينى زى حالاتى على شبشب ماما الصاروخى .. ولا على قلم من إيد الأستاذ بيسو اذية
ياختى يا بختك..ههههههههههههه
البوست عن دعاء مواجهات
مواجهات ..... مواجهات
يعنى مهما كان هتواجهى...
بس اهم حاجه الامل لان لو الامل ضاع مننا مش هنقدر نعيش الدنيا هتسود فى وشنا ... حاولى دايما تبصى للخطوه الجايه وتفائلى خير
وعلى فكره مش مهم ابدا ان احنا يكون لينا هدف بس الاهم اننا نسعى لتحقيق الهدف ده
تحياتى
علاء
السلام عليكم
مش عارفة ليه وانا بقرا حسيت ان اللى بتتكلم هى انتى
وصدقت الاحساس دا لما قريت اول كومنت اللى انتى حاطاه.
اوقات كتير لما بنوصل لحاجة احنا كنا بنتمناها او على الاقل بنكون على اول سلمة فيها بنحس هل سعادتنا هتكون فى الشيئ دا طب لو طلع ان سعادتنا مش فى الشيئ دا هل هنقدر نرجع .
اتمنى ليكى التوفيق فى حياتك القادمة
سلاموز.
اولا حمد لله ع السلامة
افتقدناكى كثيرا بجد
ثانيا بقى ان شاء الله القادم احسن واجمل والف الف مبروك على اول خطوات تحقيقك لحلمك ولاسطورتك الذاتية وبجد انا فرحان لك جدا لانك بنت موهوبة بجد
عيش حلاوى
تمسكى بدعاء ولن تضلى الطريق، وصدقينى كلما ازددت تمسكاً بقيمك ومبادئك كلما كنت على الطريق الصحيح ولن تفقديه أبداً ولا تقلقلى فوحدتك هنا سيعوضها كل أصدقائك المدونين وكلها أيام قليلة وستجدى نفسك محاطة بأصدقاء فى قمة الجدعنة (لأنهم مصريين).
السلام عليكم
حمدىالله على سلامتك
اجمد يا جميل وتوكل على الله
وقولي يارب
ربنا يهونها عليكي يارب ويثبتك على طاعته
كل عام وانتي الى الله اقرب
مبارك للذاكرين والذاكرات
تحياتي
دعاء مواجهات
مش عارفه بس راى هيكون مختلف شويه
انتى مش ينفع تعيشى لوحدك بدون محرم معاكى اخ او اب او زوج
يا ريت تستخيرى ربنا تانى فى امر شغلك دا
وبعدين مش لازم المظاهر تخدعنا ممكن زى انتى ما قولتلى المكان بتاع شغلك قيم وله مكانه كبيره بس لو دا هيخلينا نعمل حاجه نبعد بيها عن ديننا فالاحسن بلاش
وربنا ان شاء الله ييسرلك الخير
وعسى ان تكرهوا شيئا وهو خير لكم وعسى ان تحبوا شيئا وهو شرا لكم
دودى ازيك والله وحشاااانى جدا جدا
حمد الله على السلامة يا قمر واسفة على التاخير بس انتى عارفه الكلية والتدريب معطلنى معلشى
وبعدين ازاى تحسى بالوحدة واحنا جانبك خليها على ربنا بس وخلى هدفك قدامك وربنا هيوفقك مش تخافى
سلام يا قمر وربنا يوفقك يا رب وتبقى صحفية اد الدنيا
بييييييس
اول مرة اعرف انى ذكية ولماحة......تشجعى كدة وماتخافيش وعيشى التجربة بقلبك وعقلك واستمتعى انا واثقة فى قدراتك يا دودو
مدحت محمد
ونعم بالله
كلمتك بعثت فيا ثقة كبيرة اوى
اشكرك عليها
نورتنى
هلا دعاء
أخبارك إيه ؟؟
يارب تكوني بخير
==============
هل القادم حتماً سيكون أجمل؟؟ وهل هناك جدوى من وحدتها تلك؟؟؟؟
حبيبتي
إن شاء الله الجاي يكون أجمل
بس لازم حلمنا بيه برضه يكون جميل
أتمني لك كل الخير
تحياتي
lyssandra
lovlyghost 14
فين النسكافية دة؟؟
الله يسلمك ياعم نورتنى
وميرسى ع الزهور البنفسجية والكلام الجميل
بيس
إيما
الله يسلمك ياجميل
ويطمنك زى ما بتطمنينى
نورتينى
والله يبارك فيكى ياقمر
سلاااااااااام
ولد مصرى
الابيات اول مرة اقرئها
وفعلا جميلة اوى
بتطمن وتريح كدة
بشكرك بجد
منورنى
بلوو وويف
ربنا يخليكو ليا ياارب
بجد كان يهمنى جدا اعرف رايكم ف الموضوع
وكنت متوقعة ان ناس كتير هتعارض وتقوللى بلاااش
بس لاقيتكوا بتشجعونى وتعينونى
ربنا مايحرمنى منكم بجد
اد اية انتوا دعمتونى نفسيا بشكل مش عادى فعلا
جميلة اوى(هتلاقينا ديما معاكى)
تحيااتى ليك
جنة
حبيبة قلبى
ربنا يخليكى ليا يارق قلب شوفتو ف الدنيا بجد
وخدى بالك انتى كنتى م الناس اللى حبيت اتطمن بيهم فى ساعاتى الاولى
بحبك ياقمر
استمرى ف الدعوات وكثفيها
هههههههههههههههههههه
سلام ياحبيبتى
محمد هشام
اللهم آمين
اشكرك
- مصطفى ريان
كنت فكرااك لماح اكتر من كدة
هو طبعا انا لو عاوزة اروح الدستور هرووح
بس اللى عليها العين مش الدستور ومش معارضة م الاخر واحدة من التلاتة الكباار...
وكلامك صح عن عيسى
نورتنى
حسن حنفى
الله يسلمك
اشكرك ع سؤالك عنى
واتمنى تكون تنحيت عن قرار اعتزال التدوين نهائيا
نورتنى
ميرو
اللهم آمين ياميرو ياابنى
ادعيلى بقى ع طوووووول
بيس
نونو
انا مش بعقد حجاة صدقينى
بس هو القلق بس سمة اساسية عندى
ادعيلى انتى بس
نورتى
قررت أكون عانس
الله يسلمك ياقمر
هكذا تتواصل المشاعر بلا مواصلااات
نورتينى
اتمنى دوام التواصل
رصيف نمرة خمسة
دا معناة انك حساانى اوى
او اسلوبى هو اللى بيقوول كدة
اسألك الدعاء لى
نورتى
ميشو
حبيب قلبى يانااس
بقى بيسو اذية وشبشب كمان
لاياعم احنا معندناش الكلام دة مش كل الناس زيك ياعمنا
ههههههههههههههههههههه
بجد انا فرحانة بيكى اوى
منورة مكانك ياقلبى.
ابقى رنيلى كدة وهونى عليا الوحدة
هههههههههههههههه
سلاام ياجميل
عايش ولكن
حاجة لفتت نظرى مش فهماها
يعنى اية نسعى لتحقبق هدف مش موجود اصلا
ارجو التوضيح
واشكرك ع كلااامك التحميسى الجميل بجد
منورنى
- دونت
لانك حد شفاف حسيتى بيا
وكمان اسلوبى فاضحنى معرفتش اخبى
كمان القصة مش ادبية اوى بالمعنى
عندك حق انة القلق من المجهول زى ما قولتلك
سلاام ياقمر
حاسة انا هنبقى اصدقاء جامدين
بيس
- أبو شاهين
حلوة أسطورتك الذاتية دى
عجبتنى
وكيفتنى اوى
لكل منا اسطورة مختفية داخلة
بشكرك ع كلامك الجميل
نورت
قلب مصرى
بجد كلامك لما قريتو
حسيت بإطمئان جميل اوى
وامل كبير اوى اوى
بجد بحبكووا كلكواا
بشكرك على دعمك.
عاشقة النقاب
الله يسلمك ياجميل
والله يبارك فيكى
وانتظرك ف المدونة الاخرى كثيراااااااا
نورتى
هايدى
اشكرك على التوضيح
بس يعنى اي هيبعدنى عن دينى ؟؟؟
انا مش بعمل حاجة غلط ولا شغلى خلااانى اقصر فى اى فرض او طاعة ابدا
نورتى.
ميرو انتكة
ربنا يعينك ع كليتك دى بجد
وميرسى ياقمر على الوقفة الجميلة دى
ابقى شقرى كل ما تفضى
سلاام ياقمر
إنجى
اووكى ياجميل
بدات فعلا اتشجع
واتحمس واتطمن اكتر بجد وانا حاسة ان معايا ناس بتشاركنى تجربتى دى وبيعينونى ويدعمونى نفسيا ودة مهم جدا
ربنا يفرج همك ياارب وتقومى بالف مليون سلااامة
عاوزة اتطمن عليكى
بيس
ليساندرا
والله طوول عمرى بحلم يكون جميل
بس زى ما تقوللى كدة الفجأة وعدم التحضير النفسى
لية عامل بردوو
انا تمام وكلو بيس ياقمر
نورتينى
حمد الله علي السلامة يا دعاء
ربنا يوفقك الي مايحبه ويرضاه
كنت عايز اعرف رايك في البوست بتاع جيفارا
سلام
عزيزتى
بزظتى الدنيا باول تعليق ليكى اللى قولتى فيه انه انتى كده الواحد مش هياخد رحته فى الكلام عن الشخصية
اكيد لو انها اول ليلة تقضيها بمفردها اظن ده شئ مش سهل ومجهد وكويس انها نامت على 4 مفضلتش صاحيه للصبح
بس مفهمتش حاجه
غادر ابواها واخوتها تاركيين اياها بمفردها من اجل خدى بالك من اجل فرصة العمل
هى فرصة العمل مرتبطه ليه بتركهم ليكى مش واضحه بالنسبالى الجملة دى
ولماذا تندهش من موافقه ابيها على المكوث بمفردها
فهو اكيد يثق فيها ويثق فى قدرتها
والمجتمع بيتغير بسرعة رهيبه
واكيد هناك بعض الفرص التى تمر علينا منا من يستغلها ومنا من يتركها
لاكن اهم شئ ان تكون هذه الفرص حق لينا ولا تكون حق يأخذ من الغير
السلمة الاولى من سلم مجدها
ليه بتحلم بالمجد اظن النجاح شئ جميل هو اقل من المجد بس شئ جميل ولما نوصله نحلم بالمجد لان قليلين الذين يتاح لهم فرصة الوصول للمجد وليس قدرة الانسان فقط هى اللتى تأهله للوصول للمجد هناك اشياء اخرى وعوامل كثيرة تأثر
معلش القلق من الايام الجيه والمستقبل بيمر بينا بالذات لما بنكون داخلين على مرحلة من حياتنا جديدة مهمه
معلش طولت فى الكلام بس اخر شئ
القادم لا نعلمة ومهما حدث لنا فيه من حلو او وحش فكل تضحيه حصلت من اجله هى درس نتعلم منه
تحياتى ومودتى
سلام
الخوف والقلق على المستقبل ومنه حاجة زى متلازمة كدة مع اى انسان مصرى خصوصا لو بنت بتسيب اهلها وتقعد فى مكان تانى بسبب الدراسة او الشغل لكن الشخصية بتفرق اكيد
تحياتى :)
أزيك يا دعاء
أسف لغيابي عن مدونتك .. مش عارف ليه من بداية القصة حسيت انك بتكتبي عن نفسك .. عشان انتي قلتي قبل كده انك بتكتبي في الدستور .. حسيت انها قصتك فعلا
المهم مفيش داعي لهذة الحالة من الحيرة والقلق .. وازاي تبقي في وحدة وحولك هذا الكم الهائل من المدونين اللي بيشاركوكي الرأي دايما
اتمنالك التوفيق دايما
تحياتي
ازيك يا دعاء
توضيحا لكلامى اللى انتى شكلك مش فاهماه
انا قولت
مش مهم ابدا ان احنا يكون لينا هدف بس الاهم اننا نسعى لتحقيق الهدف ده
قصدى ان كل واحد مننا ممكن يكون ليه هدف بس مش بيسعى انه يحققه ... كده يبقى الهدف ملوش لازمه
علشان كده قولت اننا نسعى ورا هدفنا اهم من اننا يكون عندنا هدف ومش بنسعى اليه
يعنى من الاخر فى الحالتين فى جوووووووون ههه قصدى هدف
ويارب تكونى بقا فهمتى قصدى والا هعتبر حد فينا مش بيفهم بقا وطبعا مش هطلع نفسى غلطان ههههههههه
يلا ربنا يوفقك
تحياتى
علاء
إزيك ياست دعاء حمدالله على السلامه
دعاء مواجهات
وتخافين من مواجهة الغد , على العموم دي طبيعة الإنسان عندما يكون في مواجهة جديد في حياته وياسلام لوكان هو من أتخذ قراراً ما
بالتأكيد سيكون الخوف الداخلي من النجاح أو الفشل وما سيبنى على أي منهم
لذلك فلنعد قليلاً إلى ديننا
هناك شئ يسمى صلاء الإستخارة حاجه جميله قوى بنستخير ربنا فيها قبل مانبدأ أي حاجه جديده
لذلك أستخيري الله وتأكدي أننا لومع الله لن نخسر أبداً وإن حدث
فلنقل
لعله خير
لعله خير يادعاء ربنا يوفقك
امجد
الله يسلمك
ويتقبل منك
انا رديت ع التعليقات كلها خلاااص
نورتنى
بيس
احساس لسة حى
انا قولت علشان يعرفوا انى بشاركهم وان الراى مهم ومفيش داعى للمثالية
يتركوها علشان هما مش م القاهرة اصلا بس ليهم شقة فيها
تامجد حلم وطموح وحق لاى حد وعادى يعنى
عديها دى
نورتنى
فوكس
اكيد بتفرق
وبصراحة كلامكو دعمنى كتير وقوانى وادانى ثقة اكتر
بشكركم كلكوا اوى بجد
بيس
فارس بلا جواد
نورت مدونتك ومكانك يادكتور
بس ع فكرة انا مش ف الدستور
واصلا اسلوبى ف الكتابة فاضحنى مش ادبى بالمعنى يعنى
نورتنى
عايش ولكن
(مش مهم ابدا ان احنا يكون لينا هدف بس الاهم اننا نسعى لتحقيق الهدف ده)
انا راضية ضميرك
بقى هى واضحة اوى كدة
متحسسنيش بالغباء بليز
ياابنى الفكرةوصلت بس التعبير عنها خانك ومش واضح فعلا
وخلى الناس تحكم
اية رايــــكم يـــاجماعة الجمـــلة واضحة اوى لوحـــدها كــدة؟؟؟
قبل ما يفسرها........
رودووووووا علــــــــــــيـا؟؟
هيومان
اشكرك ع كلامك الجميل دة بجد
بجد حاسة انى مش لوحدى وكلكوا معايا وحاسة بقلوبكم بجد
مفيش احلى م الاحساس دة ابدا
اكيد عارفة صلاة الاستخارة
ادعيلى بالخير..
نورت
حمدا لله على السلامة
الموضوع فى الأول بس صعب وبعد كده هتتعاملى كويس مع الوضع
كل سنة وإنتى طيبة
دمتى بود
تحياتى وإعجابى
MOHAMED GHALIA
الله يسلمك
ميرسى ع دعمك ورايك
نورتنى
بعد السلام عليكم
كل ما انتابك من خوف وقلق أمر طبيعى
لجدية التجربة
فلم تعتادى على الوحدة
وها أنتى بين نارى ألم الوحدة وتحقيق الطموح الذى طالما انتظرتيه كثيرا
استعينى باستخارة الله عزوجل
وتوكلى على الله وحققى حلمك
غدا ستنسيكى الصحافة وعالمها أى معنى للوحدة
اقتنصى النجاح بمشيئة الرحمن ليكون تتويجا لتضحيتك بجو عائلتك
أن الأمر جديد عليكى فحسب
ولكن أن شاء الله غدا أجمل وأجمل وأجمل
استمرى يا دعاء
رغم أنى اعرفك من فترة قصيرة جدا من خلال التدوين الا انى استشفيت أن لديك أدوات وإمكانيات الصحفى الناجح
استنى بس بكره لما تدخلى اجواء الصحافة والمعمعة على حق استحالة تفكرى فى الوحدة دى خالص
ههههههههههههههههه
على فكرة سردك القصصى لفت انتباهى ولا يمكننى التغاضى عن التعليق عليه والتعليق على المضمون فقط
سردك بالفعل مميز
نجحتى فى توصيل إحساسك وشعورك بالكامل
أتمنى ليكى التوفيق والنجاح فى كل خطواتك أن شاء الله
طبعا لم يفوتنى ان الاحظ ان هذه المؤسسة احدى المؤسسات القومية الثلاث وليست الدستور
شدى حيلك وانفضى غبار الضعف والشعور بالألم أو الوحدة
فأنتى يجب أن تكونى أسم على مسمى
مش اسمك دعاء مواجهات برضه
ههههههههههههههههههههه
ربنا يوفقك
تحياتى
وأسف على الإطالة
abo sala7
ربنا يكرمك ياارب
بجد كلماتك بتشجعنى كدة وتحمسنى
بس بردو مقولتليش انت بتتدرب فين؟
اشكرك ع رايك ف السرد اللى محدش خد بالو منو
انا موهبة مدوفوونة عاارفة..هههههههههه
نورتنى
نورتى العاصمه وان شاء تكونى اعظم كاتبه فى القرن دا وتتشهرى كدا لاكن متنسيناش بس خليكىفاكرانا
سلام
وربنا يكرمك ويوفقك
عاوز حقى
ياعم بس يحصل بس
وف لحظتها
هسيب التدوين وانسى الىب يدونوا اصلا
هههههههههههههههه
لا طبعا مقدرش
كنت امووت
نورت
إرسال تعليق