الاثنين، يونيو 23، 2008

أستودعكم الله ( تحديث)

تحديث::
السلاام عليكم جميعاً
أنا وصلت مصر من 3 ساعات ونصف أنا بجد كنت مفتقداكم اوى اوى
كل واحد او واحدة قالتلى على دعوة انا دعيتها الحمد لله بنية
صافية...
ومش لاقية كلمة شكر... ولا كلمة حب ... تعبر عن إحساسى ناحية أجمل
ناس ف
الأرض اللى كانوا متابعين المدونة وواخدين بالهم منها وبيسألوا عنى
وكل حد دخل عندى لأول مرة وعجبة كلامى...
وكل حد جميل دعالى بالهداية.. والمغفرة
وكل حد كان نفسة أدعيلة دعوة معينة انا الحمد لله فعلا دعيت بكل الدعوات اللى اتنوا كنتوا عاوزينها لكل شباب المسلمين وخصيت شباب مصر كمان..
وأنا الحمد لله راجعة متغير فيا حاجات كتير
وواخدة قرارات كتيير .. أتمنى ربنا يعينى عليها..
عندى كلاام كتير اوى اوى اوى ورغى ياما عاوزة أرغية معاكوا..
بس أنا تقريباً من يومين منمتش.... وميتة تعب...
هنام وأفوقلكوا وأحكيلكوا على كل حاجة فى الرحلة الجميلة دى..
وهتستحملونى يعنى هتستحملونى.. ما انا مريحاكوا منى من زماان..
لو حد لاحظ : إنى مقولتش كلمة (وحشتونى)
فدة لأنى شايفة إن الكلمة دى متوصفش إحساسى بإفتقادكم وحبى ليكوا كلكم بجد الكلمة دى صغيرة اوى بالنسبة لإحساسى...
ربنا يديم الحب بيننا
ديما ياارب..
سلاام مؤقت
_________________________________________________________





السلاام عليكم

(محدش يتخض من العنوان)

أكتب إليكم بيد واحدة بعد أن عجزت يدى اليسرى تماما عن أداء المهام المساندة لليد اليمنى.... حتعرفوا ف الآاخر لية...

المهم البوست ونظراً لنفس الظروف منقسم لجزئين :



الجزء الأول:

واجب وصلنى من أخين عزيزين الأول الأستاذ (طارق مؤمن) صاحب مدونة (عابر سبيل) والعزيز (فوكس) صاحب مدونة ( الكيت كات) ..

السؤال الأول :

إذكر إسم من طلب منك حل الواجب؟
بصوا فووق وإنتوا تعرفوا

السؤال الثانى:

إذكر القواعد والقوانين الخاصة بهذا الواجب؟
جارى الكتابة والحل بدون تفكير

السؤال الثالث:

تحدث عن ست أشياء قد لايكتشفها من يقابلك للمرة الأولى؟؟؟؟؟؟
جينا بقى للصعب... هحاول أجاوب ع أد ما أقدر

1- لو جوايا حزن كبير بقدر أخبية عن اللى حوليا واتعامل عاادى .
2- طيبة لدرجة الهبل بس بحاول أظهر العكس .
3- عصبية وممكن أدارى عصبيتى عن الأغراب بس أصحابى وقرايبى لأ..
4- مش بعرف أخبى أخبارى عن الناس اللى بحبهم حتى ولو دة مفروض يحصل مش بعرف أسكت ..
5- اللى يشوفنى يفتكرنى ناصحة اوى بس الحكاية مش كدة اوى ..
6- بقدر أفهم الإنسان اللى بيتكلم معايا ولو كذاب بحس ومش بظهر إنى فاهماة كويس..

السؤال الرابع:

حول الواجب لستة مدونين وأخبرهم بة؟


(العرضحالجى- ميوشة - إنجى- إيمو (برميل فاضى) -دكتور بهدووء - عبدالله (واحد إنسان) )



جاارى العمل.......

نيجى للجزء التانى اللى أكيد كلكوا منتظرينة...

قولوا ورايا الأول..

سبحان الله وبحمدة... سبحان الله العظيم
سبحان الله وبحمدة... سبحان الله العظيم
سبحان اللة وبحمدة ... سبحان الله العظيم

يارب لك الحمد كما ينبغى لجلال وجهك وعظيم سلطانك..
يارب لك الحمد كما ينبغى لجلال وجهك وعظيم سلطانك..
يارب لك الحمد كما ينبغى لجلال وجهك وعظيم سلطانك..


ياحى ياقيوم برحمتك نستجير فأجرنا...
اللهم آتنا فى الدنيا حسنة ً وفى الآخرة حسنة ً وقنا عذاب النار.
اللهم آتنا فى الدنيا حسنة ً وفى الآخرة حسنة ً وقنا عذاب النار..

ربنا لاتسلط علينا بذنوبنا من لايخافك ولا يرحمنا...
ربنا لاتسلط علينا بذنوبنا من لايخافك ولا يرحمنا...

ربنا لاتؤاخذنا بما فعل السفهاء منا...
ربنا لاتؤاخذنا بما فعل السفهاء منا...

اللهم لاتجعل الدنيا مبلغ علمنا ولا مطمع همنا....
اللهم آتنا من لدنك رحمة ً وهيئ لنا من أمرنا رشدا...
اللهم إعفوا عنا وإغفر لنا وإرحمنا برحمتك يا أرحم الراحمين...

اللهم إسترنا فوق الأرض وتحت الأرض ويوم العرض عليك......


رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ) ـ صدق الله العظيم ـ


سبحان الله وبحمدة... سبحان الله العظيم
سبحان الله وبحمدة... سبحان الله العظيم
سبحان اللة وبحمدة ... سبحان الله العظيم


وآخر دعوانا أن الحمد لله رب العالمين.. (أحلى كلام علشان تفتكرونى بالخير ديما) ً...

(الخميس القادم ) تقلع بى الطائرة بإذن الله( للمملكة العربية السعودية) ( لأداء العمرة ) رزقكم الله بها ونفعكم بخيرها وأجرها ..

وأحب أشكر كل الناس الى دعولى قبل كدة لما قولت إنى نفسى أسافر فى عمرة وإن شاء الله هدعيلكوا كلكم بظهر الغيب..

أى حد عاوز دعوة معينة يقوللى عليها وان شاء الله أكتبها وأدعيهاله
لو دعوة خاصة إبعتلولى ع الميل وأنا هشوفها وأكتبها بردوو.. وربنا ييسر ويغفرلى ويتقبل منى قولواا ياارب...

يستمر تلقى الدعوات حتى فجر الخميس بعد كدة هكون سافرت بقى ..

تعرفوا نفسى فى إية؟؟

نفسى أموت هناك بعد ماربنا يغفرلى ذنوبى إن شاء سبحانة وتعالى..

هغيب عنكوا بتاع 16 – 17 يوم بالكتير إبتداء ً من الخميس القادم 26/6/2008 إدعولى ربنا يتقبل منى ويغفرلى
قولوا يااارب....

آة نسيت أقولكوا أنا إدينى وجعانى من (حقنة التطعيم) اللى بياخدوها المسافريين ...

أستودعكم الله..

هناك 137 تعليقًا:

nigro يقول...

ما شاء الله و لا قوة إلا بالله
الله يا دعاء
عمرة .. ربنا يكتبهالنا يا رب
تروحي و ترجعي بألف سلامة مغفور لك برحمة ربنا إن شاء الله
و الله فرحّتيني جامد يا بنت
ربنا يسعد قلبك

ادعيلي يا دعاء
و قولي اللهم اهدهِ و يسّر الهدى إليه

مبروك يا دهاء
بجد فرحانلك أوي

ما تنسيش تدعيلي

هنشتاقلك يا مواجهات

يلا سلام

nigro يقول...

طبعاً دعاء
مش عاوزة مفهومية
(^_^)
(:
يلا سلام

nigro يقول...

معلش يا دعاء

عاوز أقولك ابقي ادعيلي بقلب جامد و النبي

أنا اسمي محمد النجار لو ماتعرفيش يعني

هه بقلب جامد

عمرة مقبولة إن شاء الله

بقلب جامد

يلا سلا....

ما تنسيش .. جاااامد

يلا سلام

Mohamed Dawod يقول...

والله أستغيبت كتاباتك من بعد الموضوع الرائع الأخير اللى عملتيه بس الحمد لله انتى بخير وجت على قد حقنه بس. ربنا تقبل منك العمره ويكتبلك ويكتبلنا الحج انشاء الله....ليا طلب واحد بس تدعيه بأسمى لو أفتكرتى حد فى وسط الجمال اللى هناك....."اللهم أهدى محمد داود وأحسن خاتمته".....دعوه تدعيهالى يارب متكونش كبيره وطويله وربنا يهدينا أجمعين انشاء الله....تيجى بالسلامه

Mafrousa يقول...

تسافري و ترجعي بالسلامه
ربنا يتقبل منك
انا بعتلك ميل

غير معرف يقول...

تقبل الله منك
أعجبتنى مدونتك كثيرا وفى انتظار تشريفك لى فى دخل الشتا .

بث تجريبي يقول...

السلام عليكم
رغم ان دى اول مرة ادخل عشان ادى فيها كومنت هنا الا انى بجد فرحت لك
فرحة الواحد بيفرحها لاى مسلم رايح العمرة
انا مش هطلب منك تدعى ليا او لحد اعرفه او لاى حد من المدونين اللى هنا
انا هحلفك بالله تدعى لمصر
ادعى ان بكرة يكون احسن لمصر
ادعى انك لما ترجعى من العمرة تلاقى مصر احسن واحسن واحسن

تقبل الله عمرتك وتقبل دعوتك
سلام

!!! عارفة ... مش عارف ليه يقول...

عمرة مقبولة إن شاء الله

وربنا يحفظك من كل مكروه

صاحب المضيفة يقول...

تقبل الله طاعتك وردك باذن الله سالمة غانمة

ومش تنسي تدعي لي هناك جدا

احنا بلديات بقى ومنايفة زي بعض


وعمرة مقبولة تاني يارب

الطائر الحزين يقول...

غفر الله لك ما تقدم وما تأخر من الذنوب

سبحان الله
لسه بكلم واحد زميلى حالا وقال لى ان مسافر يوم الخميس

دعواتك

غير معرف يقول...

عزيزتي دعاء

بشكرك علي انك عرفتينا اكتر علي شخصيتك الجميله من خلال ردودك علي التاج

تروحي و ترجعلنا بسلامه يارب و انشاء الله الابره ماتكونش مؤلمه

تحياتي ليكي و انشاء الله نطمن عليكي بعد رجوعك بسلامه

mostafa rayan يقول...

ألف مبروك يا ستي علي العمرة
وابقي ادعيلي ان ربنا يوفقني في الدنيا وفي الأخرة واقدر احقق كل احلامي وانه يرزقتي الشهاة عند الموت واني اقدر احفظ القرآن ويغفرلي ويدخلني الجنة في اعلي منازلها
ودعوة اخيرة
انه يرزقني الحج والعمرة بردة انا وكل انسان مشتاق
ربنا يرجعك لينا بألف سلامة

zOzO يقول...

الجزء الاول :

حلو
علي فكره انا زيك تقريبا

اما الحزء التاني :

ان شاء الله عمره مقبوله
وذنب مغفور ان شاء الله
وتروحي بالسلامه وترجعي بالسلامه
كلنا بنحبك
وادعيلنا كلنا ان ربنا يهدينا وينجحنا كلنا يارب
وخصوصا ينجحنا دي عشان السنه دي كانت بجد افتري من الدكاتره
فرحتكل اوي انك حققتي امنيتك دي


ربنا يعطيكي كل ما تتمنيه يارب
يلا نشوفك علي خير
والف سلامه علي ايديكي
في رعايه الله وحفظه

zOzO يقول...

معلشي لو مش كنت متابعاكي
لان النت كان عندي مفصول
رخامه بقي هنعمل ايه ؟
هههههههههههههههههه


تروحي وترجعي بالسلامه ان شاء الله

lolla يقول...

ازيك يا عسل

اولا ليكى طريقه فى الكتابة رهيبه .. مشفتهاش عند اى حد

حسيت بالمتعة وانا بقرا كلامك

وبالنسبه للواجب واضح عليكى الصراحه والامانة وردود كلها جميلة

وبالنسبة للعمره الف مبروك ويارب يتقبل منك
وهنا هطلب منك طلب
بما انك عملتى دعوه مفتوحه لارسال الدعوات جزاكى الله خيرا .. اتمنى انك تشوفى البوست بتاعى قبل ما تسافرى

من زمان وانا بدعى ربنا دعوه غاليه قوى .. وكلى امل انه يستجيب ويتقبل منى
انا بطلب منك انك تدعيلى ان ربنا يتقبل منى الدعاء ده ويستجيب لى .. وانه يزيل عنى الحيرة والاكتئاب

انا اسمى هاله على فكره .. عشان تدعيلى باسمى
والله اعلم بعباده
واخيرا الف سلامه على مكان الحقنه معلش ده لمصلحتك
انا استمتعت بيكى قوى
واقولك مره تانيه جزاكى الله عنا كل الخير

Empress appy يقول...

تروحى وترجعى بالسلامه يا حبيبى ادعيلى من قلبك
ربنا يبعد عنى الناس الوحشه
ربنا يتقبل منك يا رب وترجعى بالسلامه

فارس بلا جواد يقول...

ربنا يتقبل منك مقدما
ولازم تهيئي نفسك من دلوقتي للحدث ده .. وتستعدي لعالم مليئ بالروحانيات
ربنا يوعدنا زيك
وتروحي وتيجي بالسلامة

Gannah يقول...

دودو الجميلة
اللهم اجعلها عمرة ميسرة وتقبلها انك ولى ذلك والقادر عليه
أحلى رحلة لأطهر أماكن...أنا مش هقولك تروحى وترجعى بالسلامة
أنا هقولك توصلى وترجعى بالسلامة ان شاء الله
عندى حاجات كتيرة تدعيلى بيها هقولهالك أكيد
سلام
يا أحلى مواجهات

Unknown يقول...

ما شاء الله ما شاء الله ما شاء الله .... ربنا يغفر لك ويطهرك من ذنوبك كما يطهر الثوب الابيض من الدنس..... الحمد لله ان ربنا نولها لك وعقبال ما كل احلامك تتحقق استمتعى بوقتك و استشعرى عظمة ربنا تستاهليها والله يا دودو ....... تروحى وترجعى بالسلامة .ماتنسيش تدعى لى ..........هتوحشينى جدا جدا

كاميليا بهاء الدين يقول...

تقبل الله منك يا رب

ما شاء الله ولا حول ولا قوة إلا بالله

اللهم تقبل دعائك يارب

غفر الله لك ما تقدم وما تأخر من ذنب

اوصيك الدعاء


تروحى وترجعى بألف سلامة يارب

كل الحب

Mero.. يقول...

يا سلاااااااااااام عمرة مرة واحدة؟؟ما شاء الله تبارك الله
تروحي وتيجي بالسلامة ان شاء الله
وابقي ادعيلي ربنا ينولني اللي في بالي ..

دعاء مواجهات يقول...

بجد مش عارفة أشكركم وأقولكوا إية على كمية الحب دى كلها بجد

دا غير كمية المكالمات اللى عمالة تجينى من اول مانزلت البوست من المدونات حبايبى

انا كل كلمة بتقولوها بشوفها طبعا
واى دعوة بإذن الله هدعيها

بس إعذرونى لأنى مش لاقية وقت أرد على كل الكلام الجميل بتاعكوا دة..

وادعولى بالخير وان ربنا يتقبل منى

سلااام ياأجمل من عرفت فى حيااتى..

بطوط حبوب يقول...

ما شاء الله
عمره
ربنا يتقبل يااااااارب وترجعى بالسلامه

انا عايز دعوه برضه انى اطلع اعمل عمره

دعا جاااااااااااااااامد جدا
طبعا مش هتروحى تدعى لبطوط ادعى لمحمود البطراوى
بس متنسيش بجد

جامد جامد تدعيلى اعمل عمره السنه دى

نشأت العمده يقول...

الف مبروك يا ستى وان شاء الله يتقبل الله منك ومتنسيش تدعيلنا اوك انتى لمال طلبتى مننا ندعيلك علشان تعملى عمره دعينالك
متنسيش تدعيلنا بقى اكيد ((انتى عارف الاسم))

صاحب المضيفة يقول...

بما انك أسعدتيني وافتكرتي

اسمي انس

ياريت تدعي لي بالاسم الله يبارك لك ويعمر حياتك بالطاعة


تحياتي

tarek momen يقول...

اولا برافو عليكي انك عملتي الواجب
ثانيا لاتنسينا من صالح ال دعاء يا دعاء
الله ده انتي اسمك دعاء يعني المساله مش محتاجة توصية
يا ستي عمرة مقبولة ان شاء الله و ربنا يجعلها بالعودة
اما موضوع احساسك بالرغبة في الموت في الأراضي المقدسة فهو احساس يراود كل من يذهب هناك ولكنه غير مستحب لأنه هروب من مواجهة التكليف الألهي بالحياة و انتي مواجهات
ان شاء الله ترجعي بالسلامة علشان لسة وراكي مواجهات كثير
تحياتي وادعي لمصر

الميكروباص يقول...

يا ستي ألف مبروك
ان شاء الله انا رايح
بس منتظر رمضان
ربنا يعطيني العمر وأعملها
الف مبروك

سنووايت يقول...

الله يا دعاء
تسافري وترجعي بالسلامة ان شاء الله
وما تنسيش تدعيلنا كلنا معاكي
وربنا يتقبل وعقبال كل المسلمين ياااارب

كتابنا يقول...

الف مبروك
وعقبالنا كلنا يارب
تحياتى لكى

غير معرف يقول...

ادعى لى انجح ومتنسيش السبحه تروحى وترجعى بالسلام

Unknown يقول...

دعاء هانم كويس اني لحقتك

يارب تقرأي التعليق ده

في الاول تروحي وترجعيلنا بالف سلامه
وعايزك تدعيلي دعوتين

الاولي يارب اجيب امتياز كمان السنه دي واللي جايه

والتانيه ربنا يحقق لي اللي في بالي


وخلي بالك من نفسك هناك وكلي كويس
وترجعيلنا بالسلامه مستنيينك

الف سلامه يا قمر

غير معرف يقول...

دعاء

يارب يتقبل منك ويغفرلك ان شاء الله

جميل جدا البوست ده

الجزء الاخير

خدنا كام حسنة واحنا قاعدين

والجزء الاول

صريح وجميل
بس مظنش ان المجاملة ممكن تنفع فى حاجة

تحياتى

Eno يقول...

اولا الواجب كنتي شطوره فيه :)

ثانيا بأه تروحي وترجعي لينا بالف سلامه وربنا يتقبل منك ويرزقنا العمره

ثالثا الف سلامه عليكي معلش هتخفي بسرعه ان شاء الله لما تشوفي الكعبه والمسجد النبووووووي :)

رابعا ادعي لكل بنات المسلمين ربنا يرزقهم باالازواج الصالحين وادعي اني ربنا يكملي علي خير انا فوكس بأه وبس :$


ربنا يتقبل منك ويرزقنا العمره ااااااااااااامممممممممين:)

Foxology يقول...

ماشاء الله لا قوة الا بالله

الف مبروك يا دعاء وربنا يتقبل منك وترجعى بالسلامة مغفور ذنبك ان شاء الله :)

اسألك ايصال السلام للحبيب نبينا محمد صلى الله عليه وسلم والدعاء عند الكعبة بصلاح الحال لكل المسلمين :)

تحياتى وترجعى بالسلامة ان شاء الله :)

مش هقول حاجة عن الواجب بأة نتكلم عن العمرة بس :)

عمرو عز الدين يقول...

عمرة مباركة يا دعاء و متنسيناش من صالح دعائك..

تروحي و ترجعي بالسلامة و سلامة إيدك الشمال

همس الاحباب يقول...

الحاجة دعاء
عمرة مقبولة ان شاء الله
وتروحى وترجعى بالسلامة
اتوحشنا خفة دمك وشقاوتك
ربنا يسعدك ويوفقك
وجميلة الاجابات على التاج عرفتنا على شخصية دودو اللذيذة
وزة اتفرح قوى بالخبرده
تحياتى ودعواتك

دكتور بهــدوء يقول...

لحقتك الحمد لله
بجد يصح كده تسافري من غير ماتقولي
لا والله كنت هقلق عليكي جدااااااااا

ربنا يتقبل منك يااااااااارب
ويغفرلك ولكل المسلمين
========
إدعيلي ماتنسيش
بالهدايه
والتوفيق ف الامتحانات
=========
ستاشريوم كتيييير
بس خير اهو يكون باقيلي
تقريبا خمستاشر يوم واخلص
وافوق بأه لعالم البلوجرز تاني
=========
هنعمل شغل عالي عالي عالي
بس افضي وترجعي بالسلامه
=======
بالتوفيق يادودو ودعواتك
دكتور بهدوء

nigro يقول...

إزيك يا دؤدؤ
أنا جاي بس أسلم
هتسافري بكره إن شاء الله
تروحي و ترجعي بالسلامة إن شاء الله
عمرة مقبولة و ذنوب مغفورة إن شاء الله

ما تنسيش بقى
جاااااااامد
هه
جاااااامد

يلا سلام

Unknown يقول...

ياه قلقتينا عليكى يا دعاء ليه كده
طب الحمد لله يهون وجع الحقنة وربنا يكتبها لنا كلنا ونعتمر ونحج بيت الله
متنسيش تدعي للمسلمين وانا عاوز دعاء واحد بس- مش دعاء مواجهات-
ادعيلى ربنا يثبتنى عند السؤال
شكرا على الواجب وربنا يرجعك مغفور لك بألف سلامة
تحياتى

Noha El-arabi يقول...

ترجع بالسلامة يا جميل
ادعي لينا كلنا حالنا يتصلح

spower يقول...

لبيك اللهم لبيك
لبيك لا شريك لك لبيك

الف مبروك علي العمرة
وعقبالي ان شاء الله

وادعيلي ان ربنا يوفقني
ويثبت قلبي علي الايمان

وان شاء ترجعي بالسلامه

تحياتي
sayed

فاتيما يقول...

دعاء
ممكن تدعى ليوسف
ربنا يكتبله اللى فيه الخير
و يا ريت الخير دا يكون معايا مش بعيد عن حضنى ...
أنا طماعة بس ممكن ؟؟
ترجعى بألف سلامة
و ربنا يكرمك فى كل خطوة تخطيها هناك
و هنا

rovy يقول...

اولا الف الف مبروك ويارب تكون ان شاء الله عمره مقبوله يااارب و ترجعى بالف سلامه ..
امانه بجد تدعيلى ربنا يكتبها لى قريب جدا يااارب ..
وامانه تدعى لياسمين وهدير ينجحوا السنه دى .. يااارب
وطبعا مش حتنسى تدعى لكل المسلمين بالوحده و النصر .. اللهم امين
ربنا ييسر لكى الامور
و ترجعى بالف سلامه انتى وكل اللى معاكى ربنا يكرمكم جميعا ..
والحمد لله رب العالمين
فى حفظ الله و رعايته وعلى بركته

rovy

rovy يقول...

دعاء من فضلك ادعى لمحمد ابن اخت زوجى شاب مهندس شاء الرحمن ان يحدث له حادث ارقده الفراش فى حالة شلل رباعى و لا يبقى له بعد ان عجز الاطباء فى مصر والخارج عن شفاءه سوى رحمة الله القدير ودعوات الصالحين .. ارجوكى ادعيلوا يمكن تكون دعوتك هى الامل و يتقبلها الرحمن يااارب .. عفا الله عنكى و حماكى من كل شر و حفظكى و اكرمكى ..

حتوحشيناااا
ترجعى ان شاء الله بالف سلامه


rovy

دعاء مواجهات يقول...

بااقى من الزمن 17 سااعة فقط..

ازيكوا ايها الأقمار التدوينية
المتحركة على الارض

كل الدعوات اتكتب خلااص محدش يقلق

وانتوا كمان ادعولى ربنا يتقبل منى

بس فية حاجة غيظانى ازاى غير معروف وعاوز سبحة هجيبها واحطها ع باب المدونة مثلا وانت تيجى تاخدها؟؟؟؟

مااشى ياعم انا هدعى لكل شباب المسلمين ان شاءالله.. وانت اكيد اوانتى منهم..

سلمولى على فرنسا والنبى وعبدة ملحقتش ازورهم..

بجد هتوحشونى اوى

محدش يقلق خاالص كل الدعوات بإذن الله هتوصل

وانا هدخل تانى بمشيئة الرحمن..

سلااام

د. محمد الدسوقي يقول...

شوفي يا دعاء ....

اللهم اكتب لنا حج وعمرة بيتك المشرف يارب العالمين ...
مش عارف اقول ايه والله ... كان عندي كلام كتيييييييير فجأة لقيت لساني وقف ... شعور فوق بشري ... أنا بس يادعاء عايز أقولك .... اللهم تقبل منك نيتك ... واغفر اللهم لك ذنوبك وطهرك من الآثام والذنوب كما يطهر الثوب الأبيض بالماء ...

منتظرين عودتك إن شاء الله ...
والله نفسي أقولك ادعيلي هنالك ... بس هتفتكري مين ولا مين ... مهو لو قلت لك عيني دمعت مش هتصدقي ... يمكن تفتكري ... مين عارف ... اللهم اكتبها لنا يارب العالمين ...
باقي بس أقولك عيشي اللحظات دي بكل جوارحك .... اللهم أجرك خير الأجر يارب العالمين ...

بالنسبة للعمل ... أنا قريت ردك يا دعاء والله بس معرفتش أجيب إيميلك ازي ... !!!
معلش عموما إيميلي هو ...
mohamedaldesouki@hotmail.com
متشكر جدا لإحترامك لكلمتك ...
يارب تروحي وترجعي بمليون سلامة يارب والأهم ... مطهرة من كل ذنب كيوم ولادتك اللهم آمين يارب العالمين

د. محمد الدسوقي يقول...

صدقي والله عرفت حالا أجيب إيميلك وبعت لك القصة .... معلش بقى (الجهل وحش)
في انتظار عملك ....

كل تحياتي يا دعاء

Maha Shahen يقول...

تروحى وترجعيلنا بالسلامه يا رب
ويتغفرلك كل ذنوبك ونقدر نكون هناك معاكى في وقت من الاوقات يا رب
ولو محصلش يا رب نتقابل علي باب الجنه يا رب
ربنا يوفقك لما يحبه ويرضاه

أحمد منتصر يقول...

ربنا يشفيكي يا دودو :)

Unknown يقول...

ادعيلنا يا دعاااااااااااااااااااء
واوعي تنسيني بالدعاء
تروحي وترجعي بالف سلامة يا جميل وسلامة اديكي

قوس قزح يقول...

عمرة مقبولة ان شاء الله
و ادعى لنا بالرحمة و المغفرة

و ان شاء الله ترجعى بالسلامة و تحفظى على عمرتك بقوة ايمانك

جزاكى الله كل خير على الدعاء اللى رددته وراكى

تحياتى

دعاء مواجهات يقول...

ازيكو ياحبايبى

انا نازلة حاللااا
ع المطار

متقلقيش ياقوس قزح ومتقلقش يادكتور محمد الدسوقى

وانتى يالماضة ان شاء الله هدعى ليكوا كلكوا ولكا المسلمين

ان شاء الله
هتوحشوونى كلكوا

لا اله الا الله
.........................

!!! عارفة ... مش عارف ليه يقول...

محمد رسول الله

Unknown يقول...

بوست جميل عرفنا عليك اكثر
ويارب يتقبل منك العمرة
ترجعى بالسلامة ان شاء الله
ذنب مفغور ان شاء الله

Desert cat يقول...

تروحى وترجعى بالسلامة يا دعاء
وسلامة ايدك يا جميل

مجداوية يقول...

السلام عليكم
ترجعى بالف سلامة وعمرة مقبولة ان شاء الله
لم الحقك لأوصيك أن تدعو لى أن أزور الرسول الكريم قريبا وأن تقرئيه السلام منى وصاحبيه أبو بكر الصديق وعمر بن الخطاب رضى الله عنهما

ان شاء لما ترحعى بالسلامة انضمى معانا للحملة ,,حبا فى رسول الله

مجداوية يقول...

حبا فى رسول الله

نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن باذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية

هل نثبت حبنا لرسول الله فعلا لا قولا ؟؟

فالحب أفعال لا أقوال

هلموا معا نجتمع ونتفاعل ونصلح من شأننا كله

حباُ فى رسول الله

http://www.7obnferasolallah.blogspot.com

http://www.facebook.com/group.php?gid=18625528460




http://la3lahakhier-2.blogspot.com/

forbidden zone يقول...

سلام،هذه زيارتي الأولى لمدونتك،عجبتني جدا جدا، وقرأت البوست:لست ملاكاً،كلام جميل جداً.
أرجو منك زيلرة مدونتي، وغبداء رأيك.:)
زميلتك المدونة إسراء.
سلام

arsenalwy يقول...

دعاء

ربنا يرجعك لينا بالسلامة

وأول ما ترجعى تبقى تطمينينا عليكى


فى حفظ الله

المستنصر بالله يقول...

عارف انى جاى متاخر
تقبل الله وترجعى بالسلامه
دعواتك لما ترجعى بقى لان هاتكو مستجابه برضه ان شاء الله

مع خالص تحياتى

حمادة زيدان يقول...

دعاء

ربنا يجعلهالك عمرة مقبولة ومتنسيناش بالدعاء ربنا يكرمك عنا خير يارب

ربنا يرجعك بالسلامة وعمرة مقبولة ان شاء الله

momken يقول...

تولا ياستى لو كانت عمره يبقى الف مبروك مقدما
والحقنه بتخف بعد تلت ايام

الجزىء الاول من البوست جميل واجاباتك حلوة
بتدل على شخصيه حلوة
الجزىء التانى بقى جزاكى الله خيرا عليه


تحياتى

Gannah يقول...

يا كل اصدقاء ومحبى دعاء

دودو وصلت أمس بالسلامة الى المدينة المنورة وهى بخير والحمد لله

تحياتى
من المدينة المنورة

blue-wave يقول...

تروحى وترجعى بألف سلامه وربنا يتقبل منك

PrInCeSS BeRy يقول...

الله عليكى يا دعاء ربنا يحميكى وترجعلنا ان شاء الله وادعى لى وانتى هناك وهتوحشينى اوى مع السلامة يا حببيتى

غير معرف يقول...

الف مبرووووووووووووووووووووك يا دودو وربنا يتقبل منك انا صحيح مش لحقتك وزمانك سافرتى بس مش مهم ربنا يوفقك وترجعىى بالسلامة والف سلامة على ايديك يا عسل

2ensan wnsan يقول...

دعاء هانم


التعليق دلوقتي بيتكتب وانتي في الاراضي الحجازيه


تقبل الله منك صالح الاعمال بأذن الله

Gannah يقول...

الى كل أصدقاء دعاء
السلام عليكم ورحمة الله وبركاته

التقيت أمس مع دعاء و هى بخير والحمد لله وتبلغكم جميعا السلام وبأنها ستوفى بوعدها بخصوص الدعاء

وقد تركتها وهى تستعد لدخول الروضة الشريفة

دعاء انسانة تلقائية بسيطة جميلة تستحق منكم كل الحب والاحترام ولا أستطيع أن أصف لكم سعادتى لمقابلتها

أنتم أيضا ادعو الله أن ييسر لها العمرة ويتقبلها

تحياتى
من المدينة المنورة

أسير الجراح يقول...

اختى الجميلة


دعاء عمرة مباركة عليكى ان شاء الله


انا جيت متاخر اوى

كان نفسى اعلق قبل ما تسافرى

لكن الحمد لله

الف الف مبروك

انتى تستحقى كل حاجة حلوة


وان شاء الله عمرة مباركة عليكى

وترجعيلنا بالف سلامة


اشتقنالك كتير


بس شوقتك لربك وللعمرة افضل من اى


اشتياق

تيجى بالف سلامة


اسير الجراح

فاتيما يقول...

أنا جاية أطمن على المدونة و أرش مية
كله تمام أهو و الكل بيدعيلك بالتيسيير
طب الحمدلله
ربنا يسعد أيامك كلها
سلام مؤقتا

bota يقول...

السلام عليكم

تروحي وترجعي بالسلامه

وربنا يتقبل منك
وربنا يرزقنا بيها ان شاء الله

محمد عبد القوى يقول...

ربنا يرجعك لينا بالسلامة والف سلامة على أيدك
فى كام بوست مستنيك لما ترجعى لنا ان شاء الله
ربنا يتقبل منك ويرزقنا زيك
وده مش حسد

me يقول...

دة اول مرور ليا و اجاباتك عجبانى و فيها كتير كت هجاوب زية

مبروك العمرة و ربنا يتقبل منك انشالله
على فكرة بابا و ماما و اختى هناك من 28-6 يمكن تقفوا جنب بعض و انو مش عارفين ان فيه بنكوا حاجة مشتركة

دية عظمة الموضوع ان ربنا بيجمع الناس كلها و بمقدرته بيفرقهم كمان و كله لية حكمة

تقبل الله يا عزيزتى

سلامى

جنّي يقول...

ربنا يتقبل

وتعودي إلينا كما ولدتك أمك ( بدون ذنوب )

لو فتحتي النت هناك ادع لي وقولي اللهم اغفر لجني ..

--------------------------------
وخلي الحملة دي في ذهنك وتذكريها وأنت في الروضة الشريفة

حبا فى رسول الله

نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن بإذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية

هل نثبت حبنا لرسول الله فعلا لا قولا ؟؟

فالحب أفعال لا أقوال

هلموا معا نجتمع ونتفاعل ونصلح من شأننا كله

حباُ فى رسول الله

http://www.7obnferasolallah.blogspot.com

http://www.facebook.com/group.php?gid=18625528460


http://la3lahakhier-2.blogspot.com/


ساهم معنا ولو بوضع إعلان الحملة فى مدونتك

nigro يقول...

دعاء
انا واخد وردية الحراسة الليلية
يمكن يكون في حد كده ولا كده
بس الحمد لله المدونة أمان

هااااا
مين هناك

ترجعي بالسلامة يا مواجهات
و إن شاء ماتكونيش نسيتي

جاااامد

يلا سلام

اهو ده عيبه يقول...

تروحى وترجعى بالسلامه ان شاء الله
وربنا يتقبل منك
وابقى ادعيلنا هناك
ربنا معاكى

نعكشة يقول...

إن شاء الله تبقي عمرة مقبولة يا رب
و تتغفرلك كل ذنوبك
وترجعي افضل مما كنتي

و يكرمك يا رب و يفتح عليكي هناك

ادعيلي ربنا يهديني لما يحب و يرضى و يحميني من النفاق و الرياء و سوء الاخلاق و يرزقني و إياكي الفردوس الأعلي
و يشفي أمي و أبي و كل المسلمين

دمتي سالمة
و حفظك الله يا رب

و عمرة مقبولة بإذن الله

سلام عليكي

خواطر رئيس شاب يقول...

اللهم تقبل قليل عملنا بعظيم اجرك يا رب العالمين


ان شاء الله عمرة مقبولة

فاتيما يقول...

دودو
أنا جاية أستلم النوبتشية من الواد نيجرو أخويا
كله تمام و الجميع يقرؤك السلام و بيدعيلك
الدور عليك يا جميل تدعيلنا
ربنا يردك بألف سلامة لحضن مصر
و لحضننا
سلام مؤقتاً

alwani يقول...

دعوات رائعة تصفي قلب كل من قرأها

أتمنى بروعتك هذه إنك تشاركيني في أخر مواضيعي عن إساءة بعض المدونين وكيف ترد على هذه الإساءة لو زادت يوم ورا الثاني
وأتمنى ما تنسى تدعي لمن أساء بالهداية
ولزوجته بالشفاء يارب
أنتظرك في مدونة alwani

Diyaa' يقول...

سلامة إيدك..توصلي بالسلامة وتقبل الله :)

كيكى عوووووو يقول...

عووووووووووووووووووووو انا جيت اتخديت
................................
ترجعى بالف سلامة ياقمر.....
تقبل الله منك
ومتنسيش با لدعاء يا دعاء
اوك
...........................
وحشتينى
واول ما ترجعى ابقى بليز قوليلى
.............................
ربنا يسعدك ويهنيكى ويرضيكى
الهم ما امين

العسكري عتريس يقول...

دعوة لحضور المناقشة المفتوحة للمدونين عبر غرفة شرقاوي اون لاين علي البالتوك ، سيدير حلقة النقاش الاستاذ الدكتور إيهاب إبراهيم استاذ المسالك بكلية الطب وصاحب مدونة فليعد للدين مجده ، وذلك في تمام العاشرة مساء اليوم الجمعة 4 يوليو والدعوة لمناقشة موضوعات المدونين المختلفة .
اقرأ المزيد علي شرقاوي أون لاين موقع طلاب جامعة الزقازيق
http://www.sharkawyonline.com/Articalshow.asp?NewsID=2223&Categories_ID=17

nigro يقول...

دعاء
الحنفية اللي في مظبخ المدونة كانت مفوّتة
بس ما تقلقيش غيرتها خلاص
و الخمستاشر لمبة اللي في الصالة في تسعة منهم اتحرقهم
بس ما تقلقيش غيرتهم خلاص
و النمل كان ملموم على كوبايات العصير و التفاحات اللي في العداد و فاتيما كانت بتلعب معاهم و بتديهم سكر يحلّوا بيه .. أصلها بتحب النمل
:)
:)
بس ما تقلقيش و لعت في النمل بجاز
يعني و شوية حركات كده
بس ما تقلقيش ظبّتهم خلاص

سيبك انت
المهم انت عاملة إيه دلوقت كده
مبسوطة
ماشي يا عم .. ربنا يبسطك أكتر و أكتر
ترجعي بالسلامة يا دؤدؤ

يلا سلام

Herr Esharif يقول...

عمره مباركه ان شاء الله دودو وان شاء الله يتقبل منكى الخالق البارىء وتكونى من عباده الصالحين وما تنسيش الدعاء لاخوانك فى فلسطين والعراق وربنا يرجعك سالمه غانمه ان شاء الله ..

ahmed_k يقول...

حمدالله عالسلامه يا دعاء
جيتي امتي
مش كنتي تقولي علشان نستناكي في المطار

عموما نيجرو وفاطيما كانوا واخدين بالهم من المدونه طول غيابك
وانا كنت متابعهم من بعيد لبعيد
لحسن حد تاخده نومه وهو في المناوبه بتاعته

بس هما مكنوش عارفين اني مراقبهم

متقلقيش المور كلها مستقره
والأمن مستتب


سلااااااااااااااااااااااااام

غير معرف يقول...

ان شاء الله عمرة مقبولة و ياريت تدعيلي ربنا يوفقني الى مافيه الخير و يرحم أبي و أموات المسلمين

Unknown يقول...

ربنا يكتبلك كل اللى بتتمنيه وعمرة مقبولة ان شاء الله

PrInCeSS BeRy يقول...

دودو وحشتينى اوىىىىىىىىىىىى انا مستنياكى علشان اديكى التاج بتاعك لوف يوووووووووو

فاتيما يقول...

دعاااااء
الواد نيجرو دا بيضحك عليكى
أنا بقفل الحنفية كويس قبل من أخرج من هنا ...
دى حركات عشان أل يعنى بيشتغل و بيعمل حاجة
طب دا قاعد طول نوبة الحراسة يالعب فى الشريط الجانبى و أنا أقوله
عيييييب يا نيجرو
الحاجات دى مش بتاعتنا يا بابا
مفيش فايدة
و النمل جه ورايا
آه معترفة
بس يعنى عشان عارف إن المدونة دى صاحبتها عسل و سكر
أعمله إيه يعنى ؟؟!!!
ترجعى بألف سلامة يا رب

موناليزا يقول...

ياريتنى كنت جيت بدرى كنت قلتلك على كام دعاء انا فى امس الحاجة لهم
عموما قدر الله وماشاء فعل
تروحى وتيجى بالسلامة ان شاء الله

حمامة يقول...

ماشاء الله
الف مبروك
وان شاء الله ترجعيلنا بالسلامة:)

المهم تدعيلنا جميعاً بظهر الغيب
ربنا يتقبل منك صالح الأعمال
وعقبالنا جميعاً :)

Ahmed Al-Sabbagh يقول...

ياااااااارب يكرمك

والله احنا فى انتظار عودتك بالسلامة على احر من الجمر

وبدعيلك من كل قلبى

انا مش فاهم البوست ده اوى

بس لما تيجى هبقى اخليكى تفهمينى حاجات

منتظرينك بشششششششدة

ربنا يكرمك

وترجعى بالسلامة

احمد

مسلم يقول...

أنا فريت بوستك متأخر شويه... لأ شويتين بس والله والله عجبني جداااااااااااااااااا
ربنا يتقبل منك العمره ويرزقك بالحج ان شاء الله

كيكى عوووووو يقول...

عوووووووووووووووووووووووووووو
............................
هترجعى امتى تقبل الله منك
ابقى طمنينى مش تنسى
وحشتينىىىىىىىىىىىىىىىىىى
عووووووووووووووووووووووووو

maiosha يقول...

حبيبة قلبى
أنا عارفة إنى أندل خلق الله وإنى إتأخرت فى الرد لدرجة مقرفة .. بس بجد ملحقتكيش

أنا خلصت إمتحانات من هنا وعبد الله قالى إنك سافرتى من هنا

هترجعى إمتى بقى وحشتينى وحشتينى
والله وحشتينى .. أنا كل يوم أستنى أى بوست جديد ولا حاجة بقول إنك رجعتى

بالله عليكى أول ما ترجعى تطمنينى عليكى

ربنا يرجعلك بالسلامة إن شاء الله
أمووووووووووووه

maiosha يقول...

أه صحيح

شكرا على الواجب يا قلبى .. تسلميلى

وأنا اللى كنت فاكرة إنى خلاص أخدت الأجازة طلعلى واجب من تحت الأرض

دعوة محمد الكومى إتحققت .. طيب لما أشوفك يا كومى

ليكوريكا يقول...

ترجعي بالسلامه باذن الله

كان نفسي اقولك دعوه تدعيهالي

بس خلاص ملناش نصيب بقي

يارب ترجعيلنا بالسلامه

وكل ذنوبك تتغفر باذن الله

محمد فرج على يقول...

للاسف انا عرف بعد ما سافرتي
لكن الحمد لله
ربنا يتقبل منك ومن كل المسلمين انتى تستاهلي كل خير يا دعاء يا بنت المنوفيه
ممكن تدعيلي في العمره الجايه ان شاء الله
ان ربنا يوفقني لما يحبه ويرضاه

انين الحزن يقول...

دعااااااااااء

في الول كدا يابختك بجد انا كمان نفسي فيها اوي يارتني عرفت قبل ما تسافري علشان اقولك تدعيلي يارب تفتكريني هناك

تاني حاجه انا عارفه انك زعلانه بس معلش والله غصبن عني بجد الموضوع جه فجئتن كدا والتليفون في البيت كان فاصل حراره سرقوا الكاببل يادعاء انا قلت اني اكيد عرفتي يعني الموضوع كان معروف اوي

المهم ترجعي بالسلامه ولما تيجي هاصلحك
متزعليش حقك عليا

سلاموووووووز
وزة

غير معرف يقول...

انا بقى اخر واحد فى مصر عرفت الخبر وجيت متاخر اوى وحتى لو جيت من بدرى فكانت رسالتى هيا هيا ومش هغيرها وكانت هتكون كده
ياااااااااااااااااااااارب ترجعى بالف سلامه وتكون عمره موفقه
ويارب يكرمك بيها وتخدى جزائها كامل
ثانيا انا مش هقلك ادعيلى ربنا يكون فى عونك وتفتكرى بس الدعوات بتاعت الاصدقاء اللى معاكى
انا مش عاوز ولا طالب شىء غير حاجه واحده وبس ترجعى وقلبك ابيض وصافى لكل الناس وتبداى صفحه جديديه مع كل البشر اللى زعلوكى واللى ضيقوكى واى حد وافتحى قلبك للدنيا كلها واضحكى وتقولى ديما يارب ادى طلباتى وده اللى عاوزه منك
وفى النهايه يريت لو كرمك يشملنى واكون واحد من الناس اللى يبقى قلبك ابيض وياهم وهتنسيلهم كل حاجه عملوها فى حقك واحشه
سلمان salman_2010_2010@yahoo.com

zOzO يقول...

أنتي فين ؟
ياتري جيتي ولا لسه ؟
وحشاني والله
طمنين عليكي

فاتيما يقول...

دعاااااااء
لسه مرجعتيش يا قمر ؟؟
كان نفسى تيجى يوم الجمعة دى نشوفك و نتبرك بيكى يا بنتى دنتى جاية من أطهر بقعة فى الأرض ...
طب لحد ما ترجعى كله تمام و لا ينقصنا سولى عودتك بألف سلامة
و عمرة مقبولة بأذن الله يا حبيبتى
سلام مؤقت عشان الواد نيجرو ييجى يستلم الوردية منى
و إنا قافلة الحنفية كويس أهو
لو خرت بقى يبقى هوه اللى لعب فيها

دعاء يقول...

تروحي وترجعي بالسلامة يا دعاء وعمرة مقبولة بإذن الله وذنوب مغفوره إن شاء الله وترجعي قلبك وعقلك هادين وسعيدين..

يالا مليش حظ في عرض الدعاء يا بنتي مع أني كنت محتاجاه اليومين دول قوي .. ربنا يرزقنا الحج والعمرة إن شاء الله ويجعلك متقطعيش الذهاب لهم أبدًا.

دكتور بهــدوء يقول...

دعااااااااااااااااااااااااء
حمد الله ع سلااااااامتك
وحشتينااااااا
أول واحد هيه هييييييه
دعيتيلي؟؟؟؟؟
انا عندي امتحان بعد بعد بكره
وكده يبأه باقيلي تقريبا عشر تيااام
واخلص
المهم ازييييييك

انين الحزن يقول...

الف مليون سلامه علي وصولك

منورة الدنيا كلها

وخصوصاً المنوفيه حببتك

وحشاني بجد اوي

سلاموووووووووز

كيكى عوووووو يقول...

عووووووووووووووووووووووووووووووووووو
..................................
حبيبة قلبىىىىىىىىىىىىىىىىىىىىىىى
والله العظيم وحشتينىىىىىىىىىىىىىىىى
اوووووووووووووووووووووووووى
..............................
حمد الله على السلامة ياقمرررررررررر
وايدك خلا ص خفت من الحقنة.....
..............................
الحمد الله انك رجعتى بالسلامة الحمد الله
...........................
والله العظيم مبسووووووووووووووطة مووووووووووت
انك افتكرتنى وقولتيلى انك وصلتى
ربنا يديم بينا المحبة
الهم ما امين
..........................
جبتيلى جلباية وطاقية ولا ايييييييييييية
............................
عووووووووووووووووووووووو

Ehab يقول...

يا بنتي انا جيت اطمنت عليكي من بدري وعرفت انك مسافره بس مش عارف ازاي انا مش سايب تعليق مع اني فاكر اني علقت لك ودعتلك ترجعي بالسلامه
المهم يعني حمد لله على سلامتك تقبل الله منك وبارك لكي ورزقكي اعادتها

نورتينا من تاني
ربنا يفرح قلبك ويتقبل منك ويثبتك على الطاعه
سلااااااااااااااااااااام
اخوكي ايهاب

حبيبة الروح يقول...

الف حمدا لله علي سلامتك
يا بختك ويارتني كنت دخلت قبل متسفري اكيد جواكي احساس محدش يقدر يوصفه كل المسلمين بتمنوه ياتنا كلنا كنا معاكي حمد لله علي سلامتك يا اجمل دعاء

مي

غير معرف يقول...

حمد الله على سلامتك يرب تكونى بخير
وتكون رحله سعيده وموفقه يارب
وبعد اذنك يريت تبقى تنفذى طلبى الوحيد اللى طلبته وتوفى بوعدك وانا لا طلبت دعوه ولا هديه شىء واحد بس اللى طلبته ويارب رسالتى ما تزعلك ولا تضايقك وتكون حاجه كويسه وتتفائلى منها مش تزعلى او تضايقى وحمد الله على سلامتك وعودتك لارض الوطن
وياريت بجد تفتحى قلبك لكل الدنيا وتبتدى صفحه جديده مع كل البشر والناس كلها وتبقى ديما بتسامحى.
حمد الله على سلامتك مره تانيه
سلام عليكم ورحمة الله وبركاته
سلمان

غير معرف يقول...

ربنا يتقبل منك ويوفقك لما يحب ويرضى

عايش... ولكن !!!! يقول...

الحمد لله على رجوعك بالسلامه يا دعاء
وربنا يتقبل منك
وان شاء الله عمره مقبوله
عقبالى يارب
انا بس كان نفسى فى شربه من ماء زمزم
فماء زمزم لما شرب له
يلا معليش خيرها فى غيرها

فاتيما يقول...

ألف حمدلله ع السلامة يا دعاء
خدى وقتك و نامى براحتك و روقى كمان و كمان
و بعدين مستنيين بوست جامع شامل تقولى فيه حاجات كتير عن الرحلة دى
و عمرة مقبووووووووولة
بأذن الله
و عقبال الحج يا رب
سلام مؤقت يا جميلة

blue-wave يقول...

الف الف الف حمدالله على السلامه وعمرة مقبوله يارب

همس الاحباب يقول...

الف مليون حمدلله على السلامة
عمرة مقبولة انشاء الله
بجد وحشتين قوى
كنا مفتقدينك قوى قوى
يلا منتظرينك على احر من الجمر
تحياتى

د. إيمان مكاوي يقول...

حمدا لله على السلامه ياقمر .
لو كنت أعرف إنك جايه عندنا أكيد كنت شرفتيني
تقبل الله منك ..ويارب تمسكي في التغيير إللي حصل لك بإديك وسنانك ..أنا مجربه الإحساس ده ربنا يديمه عليك
تحياتي

tarek momen يقول...

حما لله علي سلامة الوصول وتقبل الله منك ان شاء الله
تحياتي

شـمو نشـادر يقول...

ازيك يا دعاء ..

حمد الله ع السلامه ..

نورتى مصر بجد ..

يا رب تكونى دعتيلنا و منستيناش ..

Unknown يقول...

اخييييييييييييييييرا
ازيك يادعاء من فضلك قبل اي تدوينه عايزك تطمنيني عليكي

مليون مليون حمد الله ع لسلامه
المدونات كانت مفتقداكي اوي

شرفتي بيتك ومطرحك يا قمر
ويارب يعينك ع الحجات اللي اتغيرت

تحياتي

برقش

Diyaa' يقول...

welcome back ya bent
takbal allah
3o2bal el7eg
in sha2 allah

غير معرف يقول...

حمدلله علي سلامتك دعاء
نورتي البلوج و مصر كلها,وحشتينا
مستنيين تحكيلنا عن الرحله الجميله و يجعله في ميزان حسناتك انشاء الله
تحياتي ليكي

Heart Beat يقول...

حمدلله على سلامتك و مصر نورت بعودتك اكيد

عمرة مقبولة ان شاء الله

و مستجابة الدعاء يارب

موناليزا يقول...

حمدالله ع السلامة وعمرة مقبولة باذن الله

دعاء مواجهات يقول...

ازيكو ياجماعة

انا ان شاء الله هرد ع التعليقات اللى محتاجة رد بكرة

وانا الحمد لله ايدى خفت من زمان من تالت يوم للحقنة وانا تمام والحمد لله

سلااام

دعاء مواجهات يقول...

- مجداوية

اوكى انا موافقة طبعاً بس قوليلى اعمل اية علشان اكون معاكوا..؟؟؟

نورتينى

دعاء مواجهات يقول...

- نيجرو

يارااجل مش لاقية

كلمة شكر تقولك حاجة بجد

دا انت مخلى المدونة بتبرق يارااجل

...............

دعاء مواجهات يقول...

البت قباحة

اة والله بجد ممكن اوى زى مابتقوللى انا نفسى بفكر ف حاجات زى كدة كتيير فعلا واقوول ممكن الى جمبى دى تكون ام واحدة صحبتى او حد اعرفة وكدة يعنى


فية كلمة محشورة ف زورى

بصراحة مش عاجبنى اسم قباحة دى بيدل للوهلة الاولى عن حاجات مش كويسة

حاولى تغيرية

بيس ياقمر...

دعاء مواجهات يقول...

- اجندا حمرا

ياارب كلامى عن الرحلة يكون عجبك

منوراانى ديما

سلااام

دعاء مواجهات يقول...

- شمو نشادر

بردو لسة واخدة ع خاطرى منك

سلاام

دعاء مواجهات يقول...

إيما

ادعيلى بالثبات بجد محتاجااة اوى

ربنا يخليكى ويكرمك

سلااام

دعاء مواجهات يقول...

- الشنكوتى الكبير

منورنى كعادتك

طبعا

كويس انا كنت فكرااك ماجيتش خالص ولا سألت عنى

سلاام

دعاء مواجهات يقول...

- غير معروف

ياارب يتقبل منى ياارب

ومنك انت كمان

بس انت a s

صح؟؟

دعاء مواجهات يقول...

- ضياء

ربا يكرمك يارب

ويعينك ع الى انت فية بجد

عرفت ان اجتماع الضربشمساوية قريب

انت هتروح؟؟

بييس

دعاء مواجهات يقول...

المستنصر بالله

اشكرك على حسن ظنك بيا
وانا الحمد لله دعيت لكل شباب المسلمين

وياارب يتقبل منى

نورتنى

دعاء مواجهات يقول...

نسيت بجد كذا مرة اقولكوا ان ايدى خفت من زمااان

يعنى يوم السفر كانت تمام ع الآااخر

وميرسى بجد لكل حد سأل عنى

سلااام مؤقت

انا جاية تانى اكمل الردود

فارس بلا جواد يقول...

السلام عليكم ورحمة الله وبركاته
الحقيقه اول زياره للمدوه
وحظى حلو
عمره
جزاكى الله خيرا
تحياتى

دعاء مواجهات يقول...

فارس بلا جواد

انا اول ما شوفت الكومنت بصراحة

استغربت لأنى عارفة فارس بلا جواد تانى وانت اكيد تعرفوا كمان

لأنى اتأكدت من دة لما لاقيتك عندة

بس الموضوع عامل لخبطة شوية

نورتنى...