الجمعة، يونيو 20، 2008

صفر يمين... وصفر شماال

صفر يمين وصفرشمال.....
صفر فووق وصفر تحت ياترى انت مين فيهم


رغم عدم الوفاق بينى وبين الحسابات والرياضيات بشكل عام إلا أنى أقدر وبشدة رقم واحد فقط .......................
ويمكن كمان ميكونش رقم لأنة مش محسووب أصلا من ضمن الأرقام والرقم اللى ماهووش رقم أصلا دة هو ( الصفر) وبالرغم من الإستهانة بة إلا أنة يعطى قيمة كبرى لما يلية من أرقام


ولاقيت إن فية علاقة قوية أوى بيننا كمصريين بسطاء( وهذا بإستثناء طبقة علية القوم)وبين الرقم اللى مهووش رقم آآة الصفر اللى بيمثلة شريحة عريضة من المجتمع المصرى أى الأفراد الغير مؤثرين فى القررات العليوى اللى بتخص الأرقاام اللى بجد بس تفتكر هما بقوا أصفار كدة برغبتهم أم بالقدر أم بفعل مباشر من السلطة .......

وبالتامل الفاحص لوجوة وأشخاص الشعب المصرى تجد أن عددهم فى الليمون أنا مش بحسد ولا حاجة طبعا لان شعبنا دا ما يجوزش علية حسد بس لاقيتنى بتخيل كل هذة الاشخاص والوجوة وكانها أصفار نعم أصفار أى شئ ملووش أى قيمة بس ياترى فعلا الصفر مالووش اى قيمة ؟؟؟

لاطبعا الصفر زية زى اى حاجة فى حياتنا لو اتحطت فى المكان الصح بيبقى ليها معنى صح يعنى الصفر على اليمين لا يمكن ان يتساوى باى حال من الاحوال بالصفر على الشماال فذلك يعطى قيمة كبرى وتلك لا قيمة لة وبالمثل تطبيقا على كل الاصفار المصرية الشخص الصح اللى فى المكان الصح بيكون لية قيمة وتأثير حتى وان كان محدودا فالمهم أن لة تأثير فى حياة من حولة وليس صفراً يساريا لاقيمة لة
مش بس كدة لا دا كمان الاصفار أنواع منها من يملك ومنها من يحكم ومنها من جمع بين الاثنين ولكل تأثير حسب موقعة وسلطاتة ولكن....

التأثير هنا يكون جبرى وليس إختيارى رغما عن أنووف الأصفار جميعاً يمينها ويسارها ولكل صفر كبير الصفر الأكبر الذى يتحكم فى لعبة الأصفار من لايقال لة (لا) أو( كيف) أو ( لماذا ) لكن النتيجة فى النهاية أننا جميعا أصفار أمام اليد الكبرى المتحكمة ولكن بما أننا جميعا أصفار

لما لانحول أنفسنا من أصفار يسارية لاقيمة لها إلى أصفار يمينية تعطى قيمة للرقم الذى يسبقها بس يا ترى دا مسموح ولا أصول اللعبة إن صفر الشمال يفضل شمال وصفر اليمين يفضل يمييين؟؟؟

___________________________________
أدعوكم لزيارة مدونة (على حريتنا)
مدونة كل إنسان إختار أن يحيا على حريتة
http://3la7orytna.blogspot.com

هناك 127 تعليقًا:

just me يقول...

تصدقى انك بالبوست ده حسستينى انى صغيره اوى
بجد وصفنا بأننا اصفار صعب اوى
بس تفتكرى ممكن فى يوم من الايام نخرج بره الصفر ونبقى اى رقم تانى؟؟؟؟؟؟

Mohamed Dawod يقول...

الأصفار كلها مش محتاجه غير رقم واحد بس يبقى معاهم ويقودهم وساعتها كل الاصفار يبقى ليها قيمه واى صفر جديد يبقى اضافه.....المشكله كلها ان صفر واحد بس يترقى ويتقدم وياخد مكانه الصحيح علشان يبقى الرقم قوى وساعتها محدش لما يشوف الرقم يقول اصفار انما يقول الرقم الحقيقى.....ولحد ما يحصل ده تفضل الاصفار مجرد اصفار صغار.....تحياتى على فكرة البوست

ولد مصري يقول...

فعلا أهم حاجة موقع الصفر على اليمين ولا على الشمال لو على الشمال يبقى معطلكش يستاهل إنه يتمسح بأستيكة وإن العالم كله مايبصولوش أما بقى لو كان على اليمين فالوضع هيبقى مختلف تماما حتى لو كان اسمه صفر وبعدين لو أكتر من صفر بقى وقفوا مع بعض على اليمين هيكون ايه الوضع؟ ملايين ويمكن مليارات بس أهم حاجة الأصفار تجتمع وتقف مع بعض في المكان الصح .. متهيألي كلامي واضح

مش ناوية تشرفيني بزيارتك
هكون سعيد

تحياتي

نعكشة يقول...

عجبني قوي تعليق - محمد داوود-

ان الاصفار دية كلها محتاجة رقم واحد عشان يقودهم

إحنا فعلا محتاجيين حد يقودنا دة مش نوم و كسل في انتظار اللي هيقودنا
لأ

علي كل ام و كل اب انهم يربوا عيالهم إنهم ممكن يبقوا واحد

كل واحد يفكر في المستقبل
ويفكر في باقي الاصفار

موضوعك رائع

دمتي سالمة

سلامون عليكي

.:.-=- ELGaZaLy-=-.:. يقول...

لما لانحول أنفسنا من أصفار يسارية لاقيمة لها إلى أصفار يمينية تعطى قيمة للرقم الذى يسبقها بس يا ترى دا مسموح ولا أصول اللعبة إن صفر الشمال يفضل شمال وصفر اليمين يفضل يمييين؟؟؟
----------------------------------
صعب اوى يا دعاء صعب بجد احنا شعوب بقت على الشمال اصلا..فى العالم كلة..

احنا اتنهينا اصلا...تعالو يالى بعدينا

sigon1977 يقول...

اقوى الارقام هى الصفر و لكن ان جعلت نفسها على اليمين اما ان تكتفى باليسار فذلك هو الصفر الميت0

Foxology يقول...

طول عمرى بحلم باليوم اللى ابقى فيه صفر على اليمين املك على الأقل ولا احكم الحكم ليه ناسه وفتنته

تحياتى :)

Ehab يقول...

تصدقي ان فكرة الصفار دي عجيبه قوي
لو بس تتنقل شويه صغنين من شمال لليمين تفرق في قيمتك كتير لو اخدت قرار صغير قوي وخركت نفسك حته صغيره قوي تفرق معاك كتير قوي

ممكن تبقى بطل بحركه واحده صغيره
ممكن تبقى قذر بحركة غدر صغيره

ممكن وممكن انت المهم تعرف انت عايز تتحرك لأنهي اتجاه

بجد سعيد بدخول مدونتك
تحياتي

سلاااااااااااااااااااااااام

Tamer Nabil Moussa يقول...

بوست مميز

وفكرتة عجبتنى

ممكن الصفر على الشمال يبقى على اليمين ويكون لة وجود لو وجد الجو الصالح والارض الخصبة والمكان المناسب والناس التى تساعد ولاتهدم.

غير كدة قليل قليل وصول الصفر الى اليمين الا عن طريق الكوسة والواسطة ونفع واستنفع

وكمان اى حاجة عندنا ممكن يكون ليها قيمة بس مش يكون ضد الحكومة او الحزب الحاكم ويفضل يكون منهم
تحياتى

Unknown يقول...

هو قصد اللعبة ان يبقى الوضع كما هو عليه والصفر الشمال يفضل شمال على طول ولكن -خللى بالك من لكن دى- اى حد عايز يغير موضعه هيغيره غصب عن عين اتخن تخين بس المهم انه هو اللى يحاول يغير عشان ما حدش ابدا بيغير حد...سلااااااااااام يا دودو

بطوط حبوب يقول...

نخاف اذا صرنا على اليمين ان يضعوا علامه عشريه فتتحول الاصفار التى ع اليمين الى اصفار ليست ذات قيمه
والاصفار التى على اليسار الى قيمه لكنها تقسم قيمه باقى الاررقام على عشره

!!! عارفة ... مش عارف ليه يقول...

إيه الجمال دا والعبقرية دي

دا أنت كده شكلك اللي حطيتي امتحان الفيزيا اللي عقد العيال بتوع العانوية السامة وجاب لهم شلل رباعي

فعلا احنا معندناش مانع نبقى اصفار بس نبقى اصفار في مكانها الصح والاصفار دوول طيبين والله وعندهم استعداد وبيسمعوا الكلام بس حد يقول لهم فين وهم يروحوا يقفوا علشان ياخدوا مكانهم الصح بين الاصفار

تحياتي للعبقرية الرياضية إلى أبدعت نظرية الصفر دي

سؤال اخير قبل ما أمشي أنت تقربي لفيثاغورس ؟؟؟

تحياتي

Unknown يقول...

أغلب المصريين دلوقتى يا دعاء أصفار على الشمال وحتى الأصفار اللى على اليمين ليه قيمة آه لكن مالوش أهمية بالنسبة لنفسه وحاسس إنه فى المكان الغلط حتى لو على اليمين
قوليلى بقى أنتى أى صفر فيهم؟
تحياتى

فاتيما يقول...

دودو
أقولك الأول على البوست دا
إنتى بتلخصى حياة البنى آدم كلها فى كلمة من تلت حروف
ص ف ر
كلنا أصفار
بس المهم موقعنا فين شمال و لا يمين
أنا معاكى فى فلسفتك بس الواحد بيقضى عمره يحاول يتنقل من الشمال لليمين
المهم بس يلحق يوصل قبل السر الألهى ما يطلع ...
بالنوسية بقى للبوست اللى فات و سؤالك اللى كله شقاوة عنه
فيا ستى أختك الكبيرة مرت بمواقف و قصص كتير إنتهت أغلبها نهاية غير سعيدة
يمكن لأنى متاكدة إن العيب فيا
مش عيب اكتر ما هو طبع
أنا يمكن أكون متطلبة اكتر من اللازم
و فى نفس الوقت بخاف أدى كتير و أتصدم
بتهور كتير
و بتحفظ ساعات
يعنى من الآخر صديق عزيز وصفنى زمان و قالى إنتى سيدة التناقضات اللى فى الدنيا و محدش عارفلك حال ...
بس خلاص يا دودو أنا تكيفت مع نفسى
و دلوقتى بقيت بشيل القناع
و اللى عاوز يفضل
و يبصلى زى ما أنا
اهلاً و سهلاً
اللى مش عاوز لأى سبب كان
مع السلامة و هحزن عليه كما يستحق
تحياتى يا حبيبتى و طولت عليكى
أنا كمان حبيتك قوى

اسلام الحضرى يقول...

تسلمى دعاء على البوست ده بس احب اقول احنا اصفار فعلا وللاسف كمان على اليمين بس بنعطى قيمه لمن لايستحق

Smr يقول...

احنا شعب زى الصفر يادعاء
لازم يتحط قدام واحد علشان يبانله قيمة
واحد صحيح مش اى كلام
لكن لو اتحط وراه..زى ماهو معمول فينا دلوقتى
اكيد هيبقي من غير قيمة
صفر على الشمال يعنى
:)
تحياتى للمقال الجميل
واديني جيت اهو
:)

Mero.. يقول...

الفكرة والمثال جمال جدا أختي دعاء ..
وكل صفر فينا له القدرة انه يحط نفسه في مكان بحيث يكون له قيمة ولا لأ
مفيش حد بيمنع حد عنده طموح او نفسه يبقى له لازمة في الحياة ولو حاول وحد منعه دا في حد ذاته بيخليه صفر يمين على رأيك
تحياتي
أعجبني المقال جدا

غير معرف يقول...

عارفة احنا فعلاً زي الاصفار اللي بتدي قيمة للعتاولة الكبار وبنفضل زي مهما عيزين يحطونا عشان كده هنفضل على طول اصفار

هتمسك بسببك

أسير الجراح يقول...

دعاء

البوست جميل اوى


بتمنىالك التوفيق


تحياتى



اسير الجراح

nigro يقول...

أنا يا إما أبقى صفر على الشمال
يا إما أبقى القيمة بحالها
أصلي أنا لو بقيت صفر على اليمين فأنا في الأول و في الآخر برده صفر مليش قيمة و أهمية كوني صفر على اليمين مش أخدتها أنا
و الإنجاز مش اتنسب ليا .. أنا مش شمعة تحترق من أجل الآخرين
مش أفضل زي ما أنا صفر و غيري ياخد الأهمية
و اللي عاوز يفضل صفر على الشمال بيفضل
و اللي عاوز يبقى القيمة كلها بيبقى بالذوق بالعافية بيبقى
و لكل مجتهد نصيب

في الحالة دي المجتمع كله هيبقى كله قيم و كل واحد فيه له أهمية و له تأثير و له "قيمة" و هيخلو من الأصفار

يلا سلام

نشأت العمده يقول...

ربنا يسامحك يا ست دعاء قلبتيلى دماغى وطيرتى البرجين الى فاضلن
اصفار ايه يا ستى ده احنا لسه ماشيين بالسالب لسه موصلناش للصفر اساسا
بالمهم
بوست حلو خلتينا نعرف احنا فين

نشأت العمده يقول...

ربنا يسامحك يا ست دعاء قلبتيلى دماغى وطيرتى البرجين الى فاضلن
اصفار ايه يا ستى ده احنا لسه ماشيين بالسالب لسه موصلناش للصفر اساسا
بالمهم
بوست حلو خلتينا نعرف احنا فين

فارس بلا جواد يقول...

موضوع جميل
بس أنا شايف أن أنتي كنتي متفائلة زيادة عن اللزوم
لان دلوقتي الناس بقت تحت خط الصفر
يعني الصفر نفسه بقي أمله ما حدش طايلها
دمتي مبدعة

غير معرف يقول...

نا اعرف واحد صفر صحبى بس مش صفر عادى ده صفر اس ثمانين مليون واسمه ملوش لازمه

اوعى تفكر يقول...

انتى لخصتنى حياتنا كلها فى صفرين
بس ان شاء الله نكون على اليمين

NIDAAL .R يقول...

حد قالك انك فظيعة قبل كدة يا دعاء
بجد ايه الاسلوب الجامد ده و تخيلنا فى هيئة اصفار و الاصفار الكبيرة و الاصفار الصغيرة
بس الواحد من غير صفر على يمينه هيفضل واحد وعمره ما هيكون عشرة .. واحنا الى مديين للناس دول قيمة لان من غيرنا هيبقوا من غير قيمة
كنت عايز اقولك على حاجة .. ان الصفر الى على الشمال ممكن فى يوم من الايام يخلوه ذا قيمة ولكن الانسان هو الذى سوف يظل فى نظر الحكومة بلا اى قيمة
تحياتى
نضال
ممكن تدخلى تقولى رايك فى العقليات الى فى البوست عندى
شكراً

دعاء مواجهات يقول...

- لست ادرى

لية لأ..

ممكن لو إحنا عاوزين ومصممين

تحياتى ليكى

منوراانى

دعاء مواجهات يقول...

- محمود داوود

اشكرك بشدة

على التشبية الجميل

واحب اقولك ان الصفر الى هياخد مكانة دى هيجى منين؟
م الهوا لا طبعا

يعنى كل واحد فينا لازم يعتبر نفسة الصفر دة ويحااول...

نورتنى

دعاء مواجهات يقول...

- ولد مصرى

وياترى اية اللى بيمنع تجمع الأصفاار؟؟

اسفة على تاخر الزيارة

بجد مدونتك تحفة

تحيااتى

دعاء مواجهات يقول...

- نعكشة

زيارتك الاولى بجد شرفتى

واشكرك على رايك فى الموضوع

اتمنى دوام التوااصل..

دعاء مواجهات يقول...

- الغزالى

بصراحة انا مش من رايك

اية انتهينا دى؟؟

انت عاوز تحبطنا ولا اية؟؟

لا طبعا ياأستاذنا احنا لسة بنبتدى

نورتنى يابرنس

دعاء مواجهات يقول...

- sigon

حلوة حكاية الصفر الميت

زى البحر الميت دى؟؟

نورتنى كعادتك

بيس

دعاء مواجهات يقول...

- foxology

(الحكم لية ناسة وفتنتة)

انا معاك ف فتنتة بس نااسة

ممكن يكونوا اى حد ولو حتى صدفة صدقنى

بيس يامنورنى ديما

دعاء مواجهات يقول...

- الشنكوتى الكبير

انا مش فى حاجة لإنى اقولك انى اسعد بمرااحل عديدة

بزيارتك دى بجد

كلامى مفيهوش ادنى كمية مجاملة

بجد اسعدتنى زيارتك وادمنتها

ولن اتنازل عن المزيد منها

تحيااتى..

دعاء مواجهات يقول...

- تامر نبيل

هى دى مشكلتنا الازلية

كلو مستخسر يتعب لانة عارف انة ف الاخر الواسطة هى اللى هتمشى

وعلية فكلو نايم ف الخط

بس دة مش صح من وجهة نظرى لازم احنا اللى نعافر ومنسكتش لحد ما نبقى يمين ويمين جامدين كماان

منورنى ياتموور

دعاء مواجهات يقول...

- إنجى

ازيك ياقلبى؟؟

صح اللعبة اصولها كدة بس الاصول دى مش من الثوابت طبعاً

وبييس على رايك انا كمان شايفة ان الارادة اهم شئ

نورتنى ياقمر..

دعاء مواجهات يقول...

- بطوط حبوب

(اللى يخاف ميقولش)


نورتنى كعادتك يادكتور...

دعاء مواجهات يقول...

- عارفة مش عارف لية

هههههههههههههههههه

انت هتلبسنى تهمة

ثانوية مين وبتاع مين وفيثاغورس مين

ولا شوفتوا ياريس

نورتنا...

دعاء مواجهات يقول...

- أيمن بدر

جينا بقى لأسئلة اللى هتفضحنا

بصراحة انا شايفاانى الصفر الى واقف بعيد بيحاول مرة يكون يمين واول ما اللعبة تتقلب علية بيرجع للشمال وهكذا

فهمت حاجة..؟؟

نورتنى

دعاء مواجهات يقول...

- فاتيما

صح الكلام اللى مش عاجبة نشيل القناع يطق وميلزمناش

بس اللى يبيعنا ميستحقش نبكى او نحزن علية لازم يكون فية شوية استبياع كدة علشان الواحد يعرف يعيش ولا ايية؟؟

بجد ليكى مكان فى قلبى محدش يقدر يقرب منة

ونفسى اكتشفك اكتر

بالنسبة لحكاية التناقضات فدة شئ عاادى

انا ليا مقولة لسة مخترعاها حالا بتقوول

(الإنسان ما هو إلا شوية تناقضاات فوق بعض)


نوتينى وادمنت زيارتك اوعى تقطعيها

بجد بتفرقى معايا..

بيس

دعاء مواجهات يقول...

- اسلام الحضرى

ولية نديلو قيمة

حد بيرغمنا ولا اية؟؟

نورتنى جدا

بس واخدة ع خاطرى منك

بيس

دعاء مواجهات يقول...

- summar

نورتنى طبعا البلوج والبلوجات المجاورة كلها

ومنتظرااكى اكتر

بيس

دعاء مواجهات يقول...

- mero

ربنا يكرمك ياميرو ياابنى

انت جبت م الآااخر احنا نقدر نغير ونصمم ونحااول

صح كلامك يابرنس

ويارب ديما افكارى وكلامى يعجبك

بيس

دعاء مواجهات يقول...

- نورة الخشن

اية يابنت

انتى هتتلككى

هو انتى قولتى حاجة ولا انا لسة قولت حاجة

رووحى العبى لوحدك لو مش عاجبك..

ههههههههههههههههه

ميهمكيش وميهزكيش طول ما انتى مع مواجهات يابنتى

بيس ياقمرى..

دعاء مواجهات يقول...

- أسير الجراح

اشكرك

انا كمان بتمنالك التوفيق

نورتنى

بيس

دعاء مواجهات يقول...

- نيجرو

هههههههههههههههههههههه

عجباانى موت نبرة الطمع الى ف كلامك دى يابرنس

ومعاك فيها وعاملة ثورجى ورافض كلمة الصفر اصلا

بس تصدق بردو صح

اما شئ او لاشئ

نوتنى

دعاء مواجهات يقول...

- عاوز حقى

اية ياعمنا

انت هتلبسنى قضية؟؟

نورتنى

دعاء مواجهات يقول...

- فارس بلا جواد

هههههههههههههههههههههه

معلومة واضافة

اشكرك عليها

بلااش كآاابة مش بحبها بجد

منورنى كالعادة

بيس

دعاء مواجهات يقول...

- غير معرووف

ياترى مين صاحبك دة

احنا طبعا منعرفووش

نورتنى

انت جاى تعمل فتنة هنا؟؟؟

دعاء مواجهات يقول...

- اوعى تفكر

قوول ياارب

بس لية الارهاب دا؟؟

ولية منفكرش

هو اتمنع هو كمان


نورتنى
انتظرك مزيدا

دعاء مواجهات يقول...

- nidaal

ياااااااااة انت فين من زماان

اختفيت

اولا نورتنى

ثانيا ميرسى على الوصف الجميل واللى اتمنى اكون استاهلة

ثالثا متبقااش تغيب كدة

رابعا
احنا كلنا كأصفار عارفين الحقيقة دى بس مش مصدقينها


نورتنى

emy يقول...

ياااااااااه يا دعاء
سا عات انا نفسى بحس انى صفر على الشمال
بس بحاول معاه يمكن تفلت وتضرب معايا وبقى يمين
تحياتى دودو بوس تحفة

شمس يقول...

هو اليومين دول بقى فى صفر خالص دة انقرض وجارى البحث عنة

لايمين ولاشمال ولاحتى وسط

تحياتى

غير معرف يقول...

وهكذا .. أيها المواطنين
الضربشمساويين المجانين الأحرار
فقد أسفرت المواجهات الشرسه التي تمت علي مدار عده شهور مضت .. عن أشياء جديده ، وأحداث كبيره ، ومتغيرات جذريه في هذا العالم العباسي الذي تسكنون


هذا .. ونحيط سيادتكم علما
أنكم من الآن وصاعدا ولأجل غير محدود
ونتيجه كل العوامل الهباب والظروف المتنيله بتسعين نيلا والتي تحيط بكم من كل جانب
قررنا نحن -المتحدثين باسم الجمهوريه الضربشمساويه الحره- أن نخرج قليلا من جو المواجهات .. في محاولات -نرجو ألا تكون عبثيه- لفهم طبيعه الصفر

وبصفتي واحد من هذه الأصفار .. اللي علي الشمال طبعا -وهذا شرف لا أدعيه لنفسي-
فيسعدني جدا ويسرني أن أبشركم .. بأننا جميعا ستظل دائما علي الشمال مهما حاولنا الانتقال الي الشاطئ الآخر .. حتي الذي يصلح فيها لأن يكون علي اليمين .. فانه لن يفارقنا أبدا طالما بقي الذي أقسم لنا أنه باق علي نفسنا طالما كان في الصدر قلب ينبض ونفس يتردد
اشطاط .. اشطاط .. اشطاط
دمتم خييييير


أحمد سلامه

Gannah يقول...

دودو الجميلة
ايه الحكم دى يا دودو
انت مش بس اتكلمتى عن اختيار الفرد انه يكون صفر على الشمال او على اليمين
انت كمان بتتكلمى عن اللى حولوا شعب عدده اكتر من 70 مليون لصفر كبير على شمال الامم ومش عارفين امتى ولا ازاى هنرجع تانى على اليمين
انت يا دودو من وجهة نظرى امامك عدة اصفار على اليمين لانك انسانه تحاول ان تقول شيئا برغم اليد الكبرى التى لا ترى ولا تسمع
وفى يوم من الايام ان شاء الله هتكونى من اللى فوق بس ساعتها ابقى افتكرى اخواتك الاصفار الغلابة اللى تحت
سلام
يا أحلى مواجهات

مدحت محمد يقول...

فيلسوفة كبيرة انتى

المـــفـــــــقــــــــوعـــــة مــرارتـهــا يقول...

اهو ده التصنيف التمام للمصرييين
اصفار شمال مالهاش قيمة
يارب انقلنا لليمين واجعلنا من اصحاب الملايين

سنووايت يقول...

يعني احنا سبعين مليون صفر..
لو نصنا بس علي اليمين يبقي فيه توازن والله

بجد الموضوع جميل اوي يا دعاء , بتعجبني المواضيع اللي فيها فكرة

الميكروباص يقول...

مجرد ذكر الصفر وحده إذن هو صفر
يعني لا شيء
فكرتيني بصفر كأس العالم
كان لا عندنا ملاعب ولا شبكة طرق ولا شبكة مواصلات وعاوزين نعمل كاس عالم
لا والناس استغربت ليه اخدنا صفر !!

Noha El-arabi يقول...

صفر يمين صفر شمال
ساعات بتبقي عاوزة اي مكان
حتي لو صفر

Ahmed Al-Sabbagh يقول...

انا فى الاول افتكرت لما ببقى ماشى مع بنت اختى المخلولة الصغنونة سمية .. وبعدين اختى تقولى انتو بتفكرونى برقم عشرة

انا واحد طويل وهى نقطة صغنونة

وساعات تمشى هى على شمالى

فأختى تقولى لا هاتها يمين عشان تبقوا عشرة

لكن بعد كدة افتكرت دور الاصفار فى حياة المصريين

افتكرت صفر كاس العالم الكبير

وغيرها من عشرات الاصفار اللى لوحدها بدون ارقام

تحياتى ليكى يا احلى مواجهات

احمد

محمود البدري يقول...

70مليون صفر على اليمين و واحد
يا تري الرقم ده يبقى كام
70 مليون نسمة مستحيل يبقوا على اليمين ابدا


moood

"النجم القادم" يقول...

انتى نسيتينى ليه

انا الصفر اللى فى النصف

ههههههههههههههههههههههه

ربنا يعزك يارب

على فكرة انتى لييكى تاج عندى تعالى بسرعة خدية

تاج الشباب والصيف من تاليفى

ahmed_k يقول...

يا دعاء احنا في العالم العربي لنا مع الصفر صولات وجولات فاكره صفر لجنة اختيار كأس عالم 2010 , فالصفر رقم عزيز علي قلبنا وتقبلي تحياتي والسلام ختام

دكتور بهــدوء يقول...

واااااااااااااااااو
عليكي شويه افكار
فل جدا
انا ان شاء الله ف الاجازه هتنقل م الشمال لليمين
بس ربنا يسهل والخطط ماتبوظش

صيدلانيه طالعه نازله يقول...

الصفر ممكن يبقى له قيمه طالما مشى على القواعد و النظم المقرره له بس لو خرج عن فلك دورانه فى دائره الاصفار المحيطه حيلاقى الف رقم يسحقه و يقضى عليه
كل صفر فى الحياه له دور محدد مطلوب منه حيتمرد و يشكل خطر على غيره ساعتها مش حيلحق و حيلاقى المتطوعيييين كتييييير و التهم جاهزه و الادله ثابته

نبضات يقول...

فى ناس بتفضل عايشه طول عمرها ..صفر على الشمال وناس لاتستطيع ان تعيش الا وان تكون صفر على اليمين لان هذه طبيعتها ...بمعنى ان يكون لها دور فى الحياه وتاثير وليس مجرد انها عايشه فقط

وكل انسان يقدر يكون صفر على اليمين او صفر على الشمال بس المهم هو عاوز ايه؟وعشان يكون صفر على اليمين اكيد حيكون الامر مش بسيط لان اى انسان له دور ومؤثر بيحتاج بذل مجهود واراده وايمان بالله اولا وبالافكار والاهداف المؤمن بيها فى الحياه وبيحاول يحققها مهما كانت المعوقات بدون ان يتمكن منه الياس او يهزمه....الموضوع فى ايدينا

اتمنى ...ان اكون من ذوات الصفر على اليمين ولو حتى فى عالم التدوين

على فكره انا فهمت المعنى اللى بين سطورك ايضا بس مش حعرف اعلق عليه عشان لو علقتلك حيقفولك المدونه بالشمع الاحمر

تحياتى

S H A H يقول...

بجد يا دودو التشبيه و الفكرة عجبتني جداااا
و النقلة من اليسار الى اليمين برده

و في انتظار الرقم الذي لا يساوي صفر ليتولى النقل

تقبلي مروري

سلام مؤقت

صالح سعيد يقول...

مساء الورد
ازيك يا دعاء
ومش هقوللك دؤدؤ تانى
وانتى اكيد فاهمانى
ههههههههههههه
من هنا ورايح انتى دعاء
كما احب ان اناديكى
ماشى يا دؤدؤ
هههههههههههههههه
بهزر طبعا
معلش انا عارف انى مقصر فى مدونتك
لكن وعد منى لن يكون هناك تقصيرا بعد اليوم
البوست حلو يا دعاء بجد
وواضح انه فى جهد مبذول منك بجد
ربنا يزيدك ويوفقك
تقبلى تحياتى

دعاء مواجهات يقول...

- إيمو

حبيب قلبى

المحاولة فى حد ذاتها شرف كبير

لاينبغى التنازل عنة مهما حدث

منورانى كعادتك

دعاء مواجهات يقول...

- شمس

لية ياشمس وديتوا فين؟؟

انطق إعترف؟؟

انا هوريلك

ومش حسيبك لحد ما اعرف وديتوا فييين؟؟؟

منورنى

دعاء مواجهات يقول...

- أحمد سلاامة

هههههههههههههههههههه

ازيك ياابنى

اية انت مالك قلبت على جيفارا كدة وعماال تدى ف خطب ولا هامك حد اية ياعمنا

فووووق انت هنا عندى مااشى

الاهو مين دة الى كاتم على صدرك دة؟؟

مقدرش اقلل من زيارتك واقوول انك نورتنى بس...

اشطاط . اشطاط.. اشطااط

دعاء مواجهات يقول...

- جنة

حبيبة قلبى انا بس انولها

وانتى تشووفى..

هههههههههههههههههههههههه

ياعم قوول ياارب..

بيس ياجميل..

awake يقول...

كالعادة يا دودى........
توبيك رووووووووووووووووعة.....
انا متفق معاكى فى كل اللى بتقوليه
ويشرفنى انى امر على مدونتك
منورانى بزياراتك

دعاء مواجهات يقول...

كاتب مصرى

ولا يهمك علق براحتك

مواجهات متردش طلب حد ابدا

بيس

دعاء مواجهات يقول...

- مدحت محمد

مش عارفة لية كلمتك

فكرتنى

ب

(خلبوص كبير انت)

هههههههههههههههه

نورتنى

دعاء مواجهات يقول...

- المفقوعة مرارتها

ههههههههههههههههههههه

اللهم آآمين

نورتى ياقمر..

دعاء مواجهات يقول...

- سنو وايت

مهو ياريت كان بإيدينا ياقمر

ماكانش حد غلب

ميرسى على رايك ياجميل

نورتى الحياة

بيس

دعاء مواجهات يقول...

- لورنس العرب

نورت لامدونة بعد غياب

اديك عرفتهم وخليتهم يبطلوا استغرااب

منورنى كالعادة

سلااام

دعاء مواجهات يقول...

- نهى العربى

اللى هى مين دى؟؟؟

منورة ياقمر

دعاء مواجهات يقول...

- أحمد باشا الصباغ

بس متهيألى مش كل الأصفار تبقى وحشة

او بتعنى الهزيمة..

بس باااردو محتاجة الرقم جمبها

تحياتى الجامدة جدا لييك

ولتشريفك الكريم ليا

بيس

دعاء مواجهات يقول...

- واحد من الناس

يمكن صعب بس مش مستحيل

ومفيهاش حجاجة لما نبدا بكام مليوم ولا ميت الف

مش طمع هو أصلو يعنى..

بييس

دعاء مواجهات يقول...

- النجم القادم

اية دة

يخرب عقلك

بدووور عليك من امباارح

اونتى مختفى هنا ف النصف

ماشى ياعم جااين..

بيس

دعاء مواجهات يقول...

- ahmed_k

اية بس الكآاابة دى

النااس مالها كدة كلها افتكروا

اوى صفر المونديال دلوقتى

مع انى ماجبتش سيرتوا

ولا الشئ بالشئ يذكر ولاايية؟؟

نورت ياعمنا..

مستنيااك كتير

دعاء مواجهات يقول...

- دكتور بهدوء

يااارب متبوظش

المهم الهمة والارادة

ما دمت انت عاوز ان شاء الله ربنا هيكرمك

مش محتاجة اقول انى بفرح اكتر وااخر فرح لما بشوف زيارتك الغالية دى

اوعى تقطعها ابدا

بيس

دعاء مواجهات يقول...

- صيدلانية طالعة نازلة

ههههههههههههههههههههههههه

لو خرجت عن إرادتى (هسحقك)

فكرتينى بيها

ربنا يعينا بجد

نورتى

دعاء مواجهات يقول...

- نبضات

كلمات جاامدة وعميقة قلما تتواجد على الساحة

وانا معاكى فى كل كلمة اللى عاوز فعلا بيكون..

بس انا مش بخاف ع فكرة ولا يهمنى شمع احمر ولا اسود حتى

نورتى..

دعاء مواجهات يقول...

- shah

نورت مدونتى

ومنتظرااك اكتر


بيييس...

دعاء مواجهات يقول...

- صالح سعيد

انا تمام ازيك انت ياابنى..

ههههههههههههههههههههههه

طبعا فهمااك

وانا منتظراك اكتر عندى

دا بيتك ياابنى

انت بتتكلم ازااى؟؟

اية اخبار على؟؟؟؟

طمنى..

نفسى انتقم؟؟؟؟؟

نورت

دعاء مواجهات يقول...

- ايمن صديق

دا الشرف ليا انا بجد

بس شكلك مركزتش اوى ف التوبيك


احساس

مش عارفة جالى منين..

وطبعا منورنى

r يقول...

جميله جدا مدونتك
زيارتى الاولى وان شاء الله متابعاكى
وبالنسبه للواحد انا بردوا شيفاه رقم مؤثر جدا وان كان الصفر اقوى فى نظرى لانه قدام اى رقم بيديله قيمه كبيره جدا
-----------------
سؤال بس انتى دعاء اللى بتكتب فى الدستور
لو هى احب اقولك ان اراءك بتعجبنى اوى

حاجات جوايا يقول...

زى ما انتى قلتى بالضبط

" الصفر زية زى اى حاجة فى حياتنا لو اتحطت فى المكان الصح بيبقى ليها معنى صح "

ومش المفروض اننا نفضل مكاننا ومنطورش من نفسنا على اعتبار اننا اصفار يسارية
لأننا لو استسلمنا لهذا الوضع وهذه الفكرة هنفضل على اليسار طوووووووووول العمر

لم يخلقنا الله مسيرين بل خلقنا مخيرين
ومن المنطقى أن نختار طريقنا ومكانتنا

موضوع مهم أختى الجميلة

دمتى بخير حبيبتى
أتمنى دوام التواصل

سالى

arsenalwy يقول...

دعاء

ازيك عاملة اية؟؟؟؟

بوست جميل والتشبيهات اللى فيه اجمل واجمل فعلا فبمقدور كل انسان ان يغير المجتمع اللى حوله


كلامك غاية فى الجمال

تحياتى

princess يقول...

الصفلر زيه زى اى حاجة فى الدنيا لو اتحط صح فى مكانه هيبقى ليه لازمة لو اتحط فى غير مكانه يبقى قلته احسن بكتير
والاصفار كتيرة اوى فى حياتنا لدرجة ان احنا نسينا قيمة الارقام التانية:)
تحياتى دى اول زيارة

غير معرف يقول...

لا بقي
بقولك ايه
الكلام ده مش هينفع معايا خالص
الحقيقه اللي انتي مش واخده بالك منها
اني مش أنا اللي عندك
انتي اللي عندي .. أيون .. انتي ضيفه عندي لحين يقضي الله أمرا كان مفعولا
لان البيت بيتي
وبما انه بيتي .. فمن حقي اني اعمل فيه اللي أنا عايزه
ونتيجه لكل ذلك .. وانطلاقا من اننا نعيش أزهي عصور الكنافه اللي من غير شعر .. فمن حقي اني اتكلم .. وأخطب .. وأحمس الجماهير المجانين
صحصح .. المجانين في نعيم



أحمد سلامه

تامر حسين يقول...

بس انا من رأيي ان من غير الصفر ميبقاش الرقم صحيح يعني الالف جنيه من غير صفر هتبقي ميت جنيه يعني لولا الصفر كان حصل حاجات كتيره يبقي الصفر بردو له قيمه مش ملوش يعني
تحياتي

Empress appy يقول...

صفر هو نقطه سوداء فى عقولنا عندما نقف عن التفكير فى حياتنا للامام

كيكى عوووووو يقول...

عووووووووووووووووو
انا جيت اتخديت
........................
ازيك يابت ياوحشة انتى بت..عاملة ايييييييييييييييييية
...........................
نخش فى الاصفارررررررررررررررر
.................................
لو فى اصفار كتيرررررررررررررررر
اتجمعوا يمكن فى يوم يبقوا واحد
..........................
فهمتى حاجة
.......................
خدى بقى واحدة عوووووووووووووووووووو
علشان اخدك ياوحشة

rovy يقول...

اتمنى يا دعاء اننا نكون صفر يمينى وليست يسارى ..
وربنا يأخذ بأيد الاصفار الصغيره
دمت بخير فى حفظ الرحمن
تحياتى
rovy

دعاء يقول...

والله يا دعاء تفكير منطقي .. بس المشكلة إننا نلاقي الرقم ألي يستحق نكون صفر على اليمين قصاده..

المشكلة أن طالما الرقم لا يستحق أن يأخذ قيمة فأفضل شيء اننا نكون اصفار يساريه ..فنحن في كل الحالات اصفار ..سواء يساريه أم يمينيه ، و اعتقد إنه يمكن بقليل من الجهد أن يكون الأختيار اختيارنا في موقعنا بالضبط..

وطول ما الرقم الصحيح لا يستحق أن ياخذ قيمه فسنبقى أصفار يساريه كي لا يستفيد..

فقط يجب ان نتحول لأصفار على اليمين عندما يوجد الرقم الذي يستحق أن يأخذ قيمته ..

المهم وقت أن يظهر أن تظل الأصفار ذاتها موجوده من الأساس..

ليكوريكا يقول...

مش حل اننا نتحول من الشمال الي اليمين

محتاجين نثور علي كوننا اصفار اساسا

مش هتفرق لما تبقي حمار في زريبه او فقصر

انت كده كده حمار

زي برضو مش هتفرق ان كنت عاليمين او الشمال

انت كده كده صفر

بالعكس انت مش بتدي قيمه لنفسك
انت بتدي قيمه للرقم اللي جنبك
وجاي ميكونش يستحقها

جميل موضوعك يا دعاء

بالتوفيق :))

غير معرف يقول...

صفر يمين وصفر شمال.... حادى يا بادى يا صفر فى حياتى ....يا ترى يا صفرى هتكون فى اليمين ولا شمال فى حياتى ؟؟
موضوع جميل

زى الهوا يقول...

بوست جميل , فعلا احنا اصفااااااااااااار على الشمال مش محتاجيين بس غير اننا نيجيى يمين الرقم اللى ادامنا علشان نبقى لينا قيمة , ورغم سهولة اننا نروح فى يمينه إلا اننا واقفين مكانا ومش عايزين نتحرك من مكانا

spower يقول...

حقا كلنا اصفار تتلاعب بها الاقدار
ولكن سيأتي اليوم الذي نخرج فيه من خانة الاصفار
هل تعلمين متي ؟!
عندما نجمع ارادتنا ونصبح احرار

0+ارادة واصرار= انسان

تحياتي sayed

دعاء مواجهات يقول...

- بسنت

اهلا بيكى

نورتى البلوج والبلوجات المجاورة لينا

ايوا انا اللى بكتب ف الدستور

تحياتى ليكى

وميرسى ع رايك ف كتاباتى

سلااام

دعاء مواجهات يقول...

حاجات جوايا

زى ماقولتى بالظبط

بس المهم الى مستعد يتغير ويتقدم ويتعب

تحياتى ليكى

نورتينى

منتظراكى كتيير..

دعاء مواجهات يقول...

- آرسنلااوى

نورتنى انت فينك من زماان

صح كلامك طبعا

نورت بعد غيااب

بيس..

دعاء مواجهات يقول...

- برنسيس

شرفتنى زيارنك الاولى

انتظرك مزيدا

سلااام

دعاء مواجهات يقول...

- أحمد سلامة

طبعا يابرنس

البيت بيتك

حد يقدر يتكلم

هو الواحد

ميعرفش يهزر معاك

بكلمتين ولا اية بس؟؟

بيس

واشطاط..

دعاء مواجهات يقول...

- تامر حسين

صح الكلام بس الناس بقى

بتكرة الصفر وكانة عدو ليهم


وميعرفووش قيمتة

نورتنى

منتظراك اكتر..

دعاء مواجهات يقول...

- appy

ازيك يابنتى

نورتى بعد غيبة بجد

حلو اوى تفسيرك للكلمة

دماغ عالية على حق

سلااام ياقمر

دعاء مواجهات يقول...

- rovy

قوللى ياارب


نورتينى ياقمر

تحياتى ليكى

دعاء مواجهات يقول...

- كيكى

ياماااااامى

اية يابنتى جاية تخضينى لية بس

انا عملت فيكى حاجة

وكمان وحشة؟؟

لية بس

اة فهمت قصدك

وجايالك اشوف حكايتك

بيس ياقمر

دعاء مواجهات يقول...

- دعاء

مهو بردو ياجميل

مش مفرووض نقعد ونستنى لااازم احنا الى

ندور ونلاقى الرقم اللى يستاهل دة

نورتى كعادتك

سلااام

دعاء مواجهات يقول...

- ليكوريكا

طبعا من منطلق تفسيرك

يبقى الكلام صح

بس الللى انا بقصدة

انها ممكن تيجى خطوة خطوة

تحيااتى لتشريفك..

ايوا كدة عاوزين نشوفك كتيير..

دعاء مواجهات يقول...

- تشى غازى


هههههههههههههههههههههه

نورتنى ياأحمد


مستنياك اكتر..

بيس

دعاء مواجهات يقول...

- زى الهوا

ودا بقى اللى بيسمووة التواكل

مستكلفين يعنى

نورتينى

بحب اشوف اوى اسمك..

سلاام ياقمر

دعاء مواجهات يقول...

-spower

اهلا اهلا بالكلام الجامد

شعر دا ولا اية بس

لاا احنا منقدرش على كدة

نورتنى..

Amgad يقول...

يخرب بيت الفلسفة رغم انو صفر واحد بس بيختلف هنا او هنا اسمحيلي اسرق الموضوع واحطة ف مدونتي اوكي

كاشف الاوهام يقول...
أزال أحد مشرفي المدونة هذا التعليق.
Diyaa' يقول...

لو تعرفي قصة الجاسوس السوفييتي اللي فضلت مخابرات بريطانيا تراقبه سنين وسنين ..عارفين إنه جاسوس بس مش شايفينه بيعمل أي تصرف فيه شبهة نقل معلومات أو تسريب أو أي حاجة
في الآخر ملوا منه فقبضوا عليه وواجهوه باللي بيأكد إنه جاسوس من جوه المخابرات السوفيتية..سألوه إنت جاسوس نايم يعني ولا إيه اللي المفروض بتعمله ..فقام واجههم بالمهمة بتاعته
إنه بيختار الصفر الغير مناسب في المكان الغير مناسب..عفواً الشخص
كانت كل مهمته يبعد الكفاءات عن دايرة الأختيارات ويعلي معدومي الكفاءة أو معدومي الضمير وبكده يخرب المخابرات من أساسها

أعتقد إن هي دي نظرية الصفر الكبير..سايبلنا كلنا الحارة الشمال ..وواخد هو وعصابته الحارة اليمين..يلا معلش..مسيرها تتعدل :(
سلام

mostafa rayan يقول...

حمدلله علي السلامة وان شاء الله زيارة مقبولة ودعوات مستجابة وذنب مغفور وعقبال الحج وعقبالنا احنا كمان
نورتي يا دعاء

دعاء مواجهات يقول...

أمجد

طب اسرق بدون ماتقوول؟؟

ههههههههههههههههههههه

لابجد شئ يشرفنى بجد

بس هو انت امجد القهوجى؟؟

نورت

دعاء مواجهات يقول...

ضياء

سورى الرد جاء متأخر شويتين

بس كان لاازم ارد

واقولك هو كدا بالظبط

بس كل واحد وشطارتة بقى.......

تحياتى للدماغ العالية طحن


سلااااام

دعاء مواجهات يقول...

مصطفى رياان

دا نورك بجد يامصطفى

ربنا يكرمك

ويرزقك بيها


منورنى كعادتك

Amgad يقول...

ههههههههههههههههههههه
مواجهات هانم زي مالناس كلها حطه اللينك عندهم وانا هبقي منهم ومسمينك كده

انا مش امجد قهوجي
متهيالي امجد معاكي في مدونة علي حريتنا
وطبعا هو كاتب كبير بتشابه معاه في الاسم والمدينة بس يعني بلديات
اما بمناسبة اني ضربشمساوي فانا كده فعلا رغم تحفظي علي خالد كساب
طبعا موضوع اسرقة واحطة عندي ده مجرد زي مبنسميها كده في لغتنا(لفت نظر)
يعني موضوع في اللذاذة يعني ويبقي كومنت يلفت الانتباه وخلاص لشخص لفت انتباهي كثيرا في الدستور
طبعا كتاباتك مش محتاجه تتاخد مكان تاني لانها هنا بتاخد حقها وزياده من التعليقات(اللهم لا حسد)
زيارتك اسعدتني ولفت الانتباه عمل شغله
تقبلي مروري وخالص تقديري

دعاء مواجهات يقول...

امجد

نورتنى بجد
وكلامك بيزود من ثقتى

وتشرفنى زياراتك

بيس