الجمعة، يونيو 13، 2008

لو لم اكن مصرياً ... لإرتحت نفسياً





لو لم أكن مصرياً .. لإرتحت نفسياً؟؟؟

لو لم اكن مصرياً لإرتحت نفسياً ::: هكذا قالها وجعلها شعاراً له فى الغربة بعد أن ذااق كميات لابأس بها من السخرية والإستهزاء من أهالى البلد العربى الذى يعمل به.. كطبيب

والسؤال الذى يطرح نفسة طرحاً الآن لماذا تلك السخريات والخفات من الناس او الشعب دة هل لأنة خفيف الظل بفطرتة؟؟ - بالطبع لا- فلم يخلق بعد من الشعوب من فاقة خفة ً ف الدم..(الشعب المصرى)

طب هل لأنهم رأو من هذا الطبيب فى تصرفاتة أو مظهرة ما يميزة بشكل يدعو للسخرية؟؟
بردوو لأ

يبقى أكيد أكيد لأنة كان بيستهزء منهم وبيعاملهم بتعالى وعجرفة متناهية؟؟؟ بااااردو لأ
الله حيرتنا معااك ما تجيب م الآااخر ياعمنا وتقوول لية؟؟
(- إحنا جايين هنا نحل الكلمات المتقاطعة ولا إية هيبقى فى الشغل وهنا كمان أما غريبة-)

أقولك يامعلم الحكاية بقى إن الشعب بتاع الدولة دى من أكتر الشعوب العربية عجرفة وعنجهية وشايفين إن مفيش فى الدنيا غيرهم ولا أحسن منهم – طبعاً البترول يعمل أكتر من كدة –

اللهم طولك يارووح ياعم لخص وجييب م الآاخر...

الحكاية ياسيدى إن فضيحتنا كشعب مصرى (بقت بجلاجل) وسط شعوب المنطقة العربية منها والغربية بعد أزمة- رغيف العيش- والنااس اللى بتموت بعضها علشانة واحنا زى ما انت عارف فى زمن العولمة والفضائيات يعنى متقوليش هما عرفوا إزاى – هناولك على طوول –

يعنى م الااخر زمايلة وكل اللى حوالية بيعايروة بالمجاعة اللى فى بلدة والشحاتة والسلف اللى احنا فيهم دا بعيداً عن المعونة طبعا ً -لأنها حق طبيعى من حقوقنا القومية-

وعلشان كدة – إنت نمت ولا إية – الراجل الطبيب المصرى دة تعب نفسياً جداً فخرجت العبارة(لو لم أكن مصرياً لإرتحت نفسياً ) منة بكل تلقائية وعفوية تااامة .....

سؤال آخر يلوح لى فى الأفق..(حلوة يلوح دى) – معلش إستحملنى –
هل ياترى رد الفعل على قدر الفعل ذاتة ؟؟؟ يعنى هل فعلا ً اللى بيحصل فى بلدة واللى نتج عنة معايرة أصحابة ليية.. يستحق إنة يطلق عبارة زى دى ويجعلها شعاراً لة فى الماسينجر كمان؟؟؟

أجاوبك أنا بقى- أمال انا بعمل إية هنا كيس جوافة مثلاً- ؟؟؟
طبعاً لا وألف لأ لأن كتيير من دول العالم فيها اللى عندنا وزيادة ومبيعملوش كدة خارج بلدهم ياعزيزى التسييح للبلد وانت خارجها – خيانة عظمى- من وجهة نظرى المتواضعة


عندك مثلاً الراجل المسئول الكبير فى مجلس الشيوخ الأمريكى- زى مجلس الشعب عندنا-
كانوا مستضيفينة مرة فى التليفزيون بصفتة الداعم الأول لمصالح المنطقة العربية والمؤيد لحقوق الشعب الفلسطينى واللبنانى – ركزلى بقى فى الحتة اللى جاية دى – (والمعاارض الأول لسياسات الرئيس بتاعة بوش ...)
سامعة واحد بيقوللى وهو الراجل دة بيدعمنا لية ؟؟؟ ...اقولك بخلاف إن لية جذور عربية لبنانية هو واحد ملوش مصلحة مع بوش ولا يهمة رضاة – سامعنى – ولا يهمة رضاة يعنى نقدر نقوول واحد عندة ضمير...

المهم بقى هتقوللى إية العلاقة بين الفيلم التسجيلى دة والفيلم الأولانى بتاع الدكتور المصرى؟؟؟ أقولك.. المذيع المصرى سألة لماذا تعارض سياسات بوش؟؟ أو ما الوجه السئ للأدارة الأمريكية من وجهة نظرك؟؟

الراجل رد قاال إيية؟؟؟
نط وإتنفض والدم غلى ف عروقة؟؟ لااااااا
الحمااس خدة وقالوا انا مش هتكلم عنة لأنة ميستاهلش أجيب سيرتة على لساانى؟؟ لاااااااااااا بردوو
الوطنية خدتة وقعد يعدد فى مساوئ بوش؟؟؟؟؟؟؟؟ لااااااااااااا ابداً

أقولك أنا قاال إية الراجل رد وبكل هدوء : أنا لاأنتقد رئيسى خارج البلاد (اللى هى أمريكا يعنى))

ولا تعليق.........

يبقى بجد عيب علينا أوى نلعن ف البلد واللى جابوها وللى شالوها واللى حطوها وإحنا بعيد عنها
طب إفرض شرقت هتبقى تجيبلها كوباية مية تكفيها منين ياخفيف؟؟؟؟

وبعدين لية اصلاً نحمل مصر الوطن أخطاء ومساوئ مصر الحكومة والحكام ؟؟
سؤال نفسى حد يجاوبلى علية بجد .... وبتغاظ أووووى لما حد يعيب فيها وكأنها هى السبب فى كل المشاكل اللى إحنا فيها والغم والقهر المنيل بزفت أسود على دماغنا دة .....

إشطااااااااط إشطااط إية بس فى اللى احنا فية دة...... جننتونى قصدى أقوول....

زفتاااااااااااااااات...



هناك 138 تعليقًا:

سنووايت يقول...

مهي مصر دي الشماعة اللي بنعلق عليها اي حاجة , لكن احنا بقي عملنا ايه علشانها , فكرنا فيه وعملنا عشانها ايه , وخدي بالك من عملنا ايه , علشان فيه ناس كتير اوي بتفكر ومستنية حد تاني يعمل

رحم الله مصطفي كامل لو يعرف جملتي هتتحرف ازاي كان طق مات

مواجهة جامدة يا دعاء زي ما عودتينا ودعوة حلوة لتحسين صورة البلد اللي اتشوهت

!!! عارفة ... مش عارف ليه يقول...

سبحان الله تخيلي إن نفس التعليق دا بشكل أو بأخر كنت علقته عند مصطفى ريان على كليب معروض عنده
وأقصد إن في قواعد للاختلاف في الرأي والحكاية مش همجية وخلاص
لأن مش مفروض نهين نفسنا بالشكل دا وطبعا صاحبنا هنا اللي بتتكلمي عليه متخيل إنه بيبرأ نفسه من اللي بيحصل ، واضح انه وااااااااهم

==========
وبالنسبة لأغنية "كن صديقي" اللي في التعليق على البوست اللي فات هي مش بتاعة كاظم دي بتاعة ماجدة الرومي


تحياتي

HERO يقول...

مش عارف ممكن يكون قال كده علشان مش قادر يعمل حاجة تانية وبعدين هو ذنبه ايه في انه عايش في بلد ظروفها صعبة يعني يعمل ايه الراجل مش كفاية انه دكتور ؟ يعني هيبقى دكتور وكمان مصري ؟ مش كفاية انه معدش ليه كرامة ولا جوا مصر ولا براها ؟
فاعتقد انه قال كده من ضيقه مش اكتر
وبعدين الاخ بتاع امريكا مش بيهاجم رئيسة بره البلد لأن عنده ديمقراطية يعني ممكن يروحله المكتب ويشتمه لكن هنا محدش يقدر حتى يفكر اصلا انه يعاتب حد

تحياتي

همس الاحباب يقول...

طبعا لا لو لم اكن مصريا لوددت اناكون مصريا قالها زعيم الامة وانا اكرهها الان
مهما يكن حال مصر فمصر ستظل دائما قلب العروبة النابض انا اشبه مصر بقلب الانسان احيانا بتحصله مضاعفات او ذبحة ولكن يتشافى سريعا ويعود لطبيعته وكذلك مصر سوف تظل دائما بعافية مهما فعلنا نحن بها واساءنا لها فمصر ستظل ابد الدهر شامخى بابنائها المخلصين
ولا تعليق ..
تحياتى

رئيس جمهوريه نفسى يقول...

انا عن نفسى ارتحت من زمان وكتبتها على الماسنجر انا مش مصرى انا صعيدى
على فكره انا واحد من الناس حلمى حاليا اسيبها مخضره يشبعو بيها ونار بره ولا جنه البلد دى

محمود حسن العدل يقول...

تعليقك حلو فعلا بس بلاش نايد الكلام اللى يمس المصرين احنا اعظم شعب على وجة الارض وربنا ذكر جنودنا فى القراءن وذكر ارضها واكلها .
تحياتى

iceman يقول...

i think he said that and alot of us said that because we get used of bad things and we never saw another government to say that all these bad situations we are in, is just because of this government....

in my opinion, we grown up on that and all children now are growing up on it....so we must prove to all that we still in love of our great EGYPT and we will never never just say a bad word about it.....
on the other hand, we must say to all that we hate this government and we hate this system _ if we can call it a system!!_ and also we will never never calm down till this system changes with our apply....

Tamer Nabil يقول...

ثريت عن الطيب واللى حصل لية اكتر منة الحل ان كل مسؤل عن المصرين يالخارج واللى يتبع طبعا الخارجية يكون قادر على حماية المصرين ولو غلط ومعرفشى يبع يتشال من المنصب وبجى اللى افضل منة والبلد فيها كتير

انا معاكى ان العيب مش فى مصر بل فى بعض الكبار

ربنا معانا

تحياتى

واحدة مفروسة يقول...

انا جيت
و جايه مستحلفه لمحمود رئيس جمهورية نفسه
معلش يا دعاء حرد عليه الاول
يعنى يا محمود لماكل الشباب الجميله اللى بتتكلم و تنتقد السلوكيات الوحشه ، و المثقفين و اللى كلامهم موزون، يلموا بعضهم و يسيبوها مخضرة...حتسيبها لمين يا محمود...حتسيبها ليا ولا لأختك و لالأهلك ، طيب و احنا مش لينا نفس فى عيشه زي اللى حتروح تدور عليها؟ و لعلمك جيلى و جيل اللي قبلي و اللي قبلي معتمدين على الله ثم عليكم فى التغيير اللى ممكن يحصل...و بعدين هوه مين اللى مغير الصوره العامه و مخليها وحشه
ماهو برضه مننا و فينا
لأ يا محمود احنا تحط ادينا فى ادين بعض و نخلى بلدنا فعلا فعلا احسن بينا
مصر مطمع للي يسوى و اللي ما يسواش و من مصلحتهم انهم ينخوروا جواها علشان ولادها يزهقوا و يسيبوها و تبقى مخوخه من جوه
فكر فى كلامي... و قرب المثال لحاجه اقرب كتير ... لوواحد نفسه فى عربيه و عاوز يشتريها وواحد تاني نفسه فيها و صاحب العربيه اصلا مش عاوز يبيعها ... حتلاقى الاتنين بدأو يطلعوا المشاكل حتى لو مش موجوده حيوجدوها يفكو سلك يبوظوا فى العربيه علشان صاحبها يزهق و يبيعها ....و لو سابها همه اللى كاسبنين بفكوها بقى و يبيعوها قطع غيار و لو حيفضل متمسك بالعربيه..حبفضلوا كل يوم ينخوروا و يبوظوا فيها حاجه عاشان صاحبها يزهق و يسيبها

0000000000
ده مثال صغير و قيس عليه كل حاجه بتحصل و ما تنساش فيه نفووس كتير ضعيفه

انا كده رديت على البوست و على محمود اللى بعنز جدااا جدااا بمخه و تفكيره و غيره كتير من المدونين الجُمال اللى اول ما بدأت التدوين لفتوا نظري بمخهم الجميل...و ساعتها قلت مصر ما يتخفش عليها لو محمود و اللي زيه ولادها
000000
سلام كنت رايحه اعمل نسكافيه اعدل بيه دماغى...دلوقتي حعمله دوبل على حسابك يا دعاء هههههههه

Dr-hema يقول...

اهو احنا مش فالحين غير فى الكلام وبس

د/هيما

samourai 4 ever يقول...

استغفر الله العظيم
اصل الفول بيأثر على عقل المصريين
و الغباء دايما فيهم
و عشان احنا اصلا مش بنحب بعض اوى كعرب
فعادى جدا
انهم يتريقوا علينا
و قدامهم واحد بيسخر من نفسه
عايزين اكتر من كدة ايه عشان يتريقوا

و بعدين العيب مش على بلدنا
العيب على الحكومه
لان مصر متغيرتش طول عمرها
بس اللى بيتغير الحكومهو الباقى
يعنى ايام السادات كا فى كده
او جمال عبد الناصر

معتقدش

و فعلامصطفى كامل زمان لما قالها كان حاسسها بجد
لما كانت مجرد كلمه مصر

بتسخن الدم فى العروق
لكن دلوقتى

خلاص بقه

و دمتـــــــــــــــــــــــم

maiosha يقول...

براحة يا دعاء يا حبيبتى ... أنا عارفة إن الموضوع يضايق جدا .. موقف الراجل الأمريكانى ده لو دل على شيء يدل على أخلاق عالية

بصى يا دودو أنا بصراحة مش بختلف معاكى فى نقطة الفضيحة الخارجية .. إحنا فى بلادنا نعمل اللى إحنا عايزينه إنما بره لأ بلاش فضايح أكتر من كده

كاميليا يقول...

ليس خارج مصر ينكرون انهم مصريون
بل داخل مصر وتحت سمائها ينكرون انهم مصريون
وكأن مصر التى تحتضنهم بين ارضها وسمائها قد اجرمت فى حقهم وهم من يجنون عليها.

فى مصر أنا مصرية، وخارج مصر أنا مصرية
وفى اى مكان فى العالم، أنا مصرية، واعتز بمصريتى، واذا حملت جنسية اخرى ستكون دوما مصر هى جنسيتى التى لا اتنازل عنها ابدا حتى اعود ويوارى جسدى ترابها.

اما عن من يهاجمون مصر من الخارج او يتنكرون لها
فهم نسوا انهم تعلموا فيها وغالبا بالمجان
وشربوا من نيلها، واكلوا من خيراتها
ولفهم الامان تحت سمائها
وصلوا فى جوامعها او كنائسها
ومن ينسون مصر
يستحقون ان تناسهم مصر



تحياتى وحبى

rovy يقول...

انا بجد بأحيكى على البوست ده والله لسه امبارح كنت بتناقش مع ناس اصحابى عن اد ايه فيه مدونين بيسؤا لسمعتنا كمصرين واننا ممكن نختلف لكن اللى مش قادره افهمه ليه الشتيمه وازاى المدون ده عايزنى احترمه وهو بيشتم فى رئيسه او دولته ده لو كان مجرد شخص عادى اكبر منه سنا وجب عليه احترامه ..
نفسى نعبر عن رأينا بأحترام و تحضر
يمكن يكون ده نتيجة غياب الدور الرئيسى للتعليم و هو غرس الوطنيه والاخلاق من الصغر.. يارت نرجع نعلم ولادنا ازاى لازم نحترم الكبير وازاى نحترم بعض ..
دمتى بخير ودام قلمك مسطرا للحق .

تحياتى
rovy

nigro يقول...

في حديث له في برنامج خليك بالبيت على قناة المستقبل الفضائية و في اجابته على سؤال المذيع له " لماذا لا تتعاون مع الحكومة المصرية و تفتح للشعب المصري بعض القنوات المشفرة مثل الرياضية التي تذيع مبارايات البطولات الكبرى ؟ ".
أجاب الشيخ صالح كامل صاحب شبكة راديو و تليفزيون العرب "ART" و قال " هو أنا فاتحها جمعية خيرية؟ و بعدين الشعب المصري محتاج رغيف العيش قبل ما يكون محتاج لقنوات فضائية ".

يعني إحنا و الحمد لله متسيّحلنا جامد جامد جامد الصراحة

السيناتور الأمريكي اللي قال الكلام ده راجل شبعان و عايش في بلاد تكفل لكل فرد فيها حرية الكلمة و الرأي و احترام مواطينيها يأتي في المرتبة الأولى من حيث الإهتمامات و الأولويات

انما الدكتور اللي قال الكلام ده ساب بلده و هج علشان كان طافح فيها الكوتة و مش عارف يعيش زي البني آدمين .. تقوم لعنة بلده تطارده في المكان اللي راحة و بقى بيُنظر ليه نظرة دونية و كل ده علشان بلده أساساً ماحترمتهوش .. يبقى من حقه يقول أي حاجة

الوطن هو المكان الذي يقيم به الإنسان في جو من الأمان و الطمأنينة و الحرية
الوطن مش هو المكان اللي اتولدت فيه

خلق الله الأرض وطناً للبشر

الظروف الوحشة بتعمل أي حاجة

و اللي ايده في المية مش زي اللي ايده في النار

يلا سلام

enjy يقول...

التسييح للبلد فى الخارج خيانة عظمى صح الصح المفروض اصلا بدل التسييح نحاول نصلح بلدنا لان اسوء النقض هو الذى لا يعطى حلول يعنى لما انقدك نقد من عينة ايه القرف دة ابقى انا مش عايزاك تصلح اخطائك المفروض اقولك فى كذا وكذا والمفروض عشان تبقى الدنيا فل نعمل كذا وكذا....... الموضوع جامد يا دودو تحياتى يا مواجهات

drpharma يقول...

لازم يكون عندنا امل تحياتي

شـمو نشـادر يقول...

بصى يا دودو ..
هو لما واحد زى حمدى قنديل مثلا كان بيقدم برنامج جوا التليفزيون المصرى وبينتقد وبيشوط ..
و بيقول اللى يرضة ضميره ..
ده يبقى فى نيته مثلا يشوه مصر ؟
اكيد لأ ..
انما بقى المسئولين ربنا يديهم الصحه معجبهومش الكلام ده وسوحوه ..
معنى ده انه يسكت مثلا ..
ميقولش رأيه ..
ما هو كان بيقوله جوا وقلتو لأ ..
دلوقتى مش عاجبكم بقى لما يقولو وهو برا بدل ما يفرقع ..
بس انا معاكى طبعا انه مينفعش حد يغلط فى البلد نفسها سواء جوا ولا برا ..
بلاش نخلط بين الحكومه او الرئيس وبين الوطن ..
مبارك مش رمز لمصر عشان لو انتقدته يبقى بنتقد مصر ..
ده رأيي ..
تحياتى ..
أسامة أمين

محمد فوزي يقول...

معلش الدكتور ده أصله مذاكرش كويس عشان كده مكتب التنسيق طلعه مصري

أو هو إنضحك عليه وهو بيختار وطنه فأختار مصر

لا لا لا

هي البلد اللي غلطانه فعلا كان لازم تتشطر كده وتتلحلح ويبقى عندها شوية بترول عشان نتغتنغ كده ونعيش والواحد مننا ينزل من بطن والدته وفي بقه معلقه دهب , واحنا أصلا مخلوقين ليه مش عشان نعيش ونفرفش ؟!!!!!!!!!!!

مصري وأفتخر
مصري وأفتخر
مصري وأفتخر

وكفايه للدكتور ده يقول للإخوه العرب اللي عنده أو على الأقل يحط في باله إن الثروه اللي عندهم دي من حاجه مبزلوش فيها أي مجهود , انما صحيوا الصبح لقوها تحتهم , وكمان مش هما اللي حفروا وجابوها !!!

يعني لا صناعه ولا إختراع ولا مجهود منظم كان السبب في الثروه عشان يتكبروا بيها ده إذا كان التكبر يصح أصلا بنعم الله , ولولا اني حريص إني لا انزلق الى اسلوب المعايره بين الأشقاء
و أترفع عن ان اكون من مثيري الفتن كان زماني قلت كلام تاني

يا أخوانا احنا السبب في اللي احنا فيه, مش حكوماتنا بس , إحنا السبب
لازم نتعلم صح ونشتغل صح ونتعب بضمير ونؤدي واجباتنا ونلتف حول قيادتنا طالما إننا مش قادرين نغيرها لأن الكلام والإعتراض بس واحنا حاطين إيدينا على خدنا دي جريمه

وأخيرا بالرغم من إني خارج مصر ومرتاح في شغلي والحمد لله , لكن بدعي ربنا كل يوم انه يقصر مدة بعدي عن (بلدي)

وأخيرا بشكرك يا دعاء على هذا الطرح
وآسف جدا للإطاله

بطوط حبوب يقول...

لا انتقد بلادى وانا مش فيها

احنا عايزين اتنين تلاته من الراجل ده فى بلدنا لو سمحتى

enjy يقول...

دودو انا بعت لك موضوع على الايميل اللى بعتيه لى بس مش عارفة وصل وللا لا؟؟ ردى عندى فى المدونة واغفرى غلاستى عشان هاتعبك بااااى

مروة جمعة يقول...

مصر دي غلباااانة قوي يا دعاء
مصر مالهاش ذنب
نحاسب اللي كانوا السبب وبعدين نشتم في البلد

على فكرة حلو العصير
هههههههه
وصباح الفل يا جميل

سومه...مجنونه فى بلد عاقل يقول...

ايه يا بنتى دا ههههه دا انتى كلكعتى اكتر منى تعالى وشوفى عندى النيل اتباع
تحياتى ليكى سومه_87

نوره الخشن يقول...

طب إفرض شرقت هتبقى تجيبلها كوباية مية تكفيها منين ياخفيف؟؟؟؟

يانهااااااااااااااري عليكي ده انت بلوى وزي العسل
اصلا من اول العنوان وانا موت على نفسي من الضحك
بس تعرفي والله انا عمري مااسب والعن فالبلد اودام اي اجنبي بحس برضو اني مايصحش ننشر غسيلنا اللي مش ولابد برا
وبعدين هنعمل ايه ما حكامها هما اللي نيلة .. ومن اعمالكم فلازم نستحمل ونحط فوبئنا قالب طوووب احمر

تحياتي ياحلى مواجهات وطمنيني على الامتحان

صاحب المضيفة يقول...

على رأي المثل

لا تعايرني ولا اعايرك .. ده الهم طايلني وطايلك

همه يعني عايشين في جنة يعني


بدون دخول في مهاترات ومواجهات


كل واحد يلزم حدوده احسن ويخليه في همه اللي مالوش اخر

ولا ايه يا منوفية


تحياتي يا بلدينا

tarek momen يقول...

مصري و افتخر بمصريتي جوه البلد او بره البلد
العيب في اللي وصلوا الشباب انه يتهرب من اصوله ومن انتمائه
هما دول اللي يجب سحب الجنسية المصرية منهم

نور يقول...

ازيك يا دو عامله ايه ؟
و اخبار مزاجك ايه ؟
بصى فى الأول طريقة كتابتك للموضوع شيقه جدا و زى العسل
نخش بقى ع الموضوع هوا فعلا مصر مش ذنبها حاجه بس هيا البد ايه غير ناس يا دو هوا طبعا ما ينفعش يقول كده لأنى رغم الذل و القرف اللى الواحد عايش فيهم الا انى بعشق مصر بجد ورغم انى برده نفسى اسيبها و اهج الا انى مش عارفه لو سافرت هعيش براها ازاى انا متأكده انى هتخنق
و تعرفى انى لما بقعد مع صحابى باقعد اهزأ و اتريق على البلد بس اول ما باسمع حد مش مصرى يتكلم ببقى هاين عليا اقوم اضربه و بقفل التليفزيون علطول
بس الراجل الأمريكى دا محترم اوى
بكره اكيد احسن من النهارده
زفتااات اه قصدى اشطاط يا جميل

د/أبويحيى وادم يقول...

لغتى هويتى الى كل عربى يتحدث بحرف الضاد، الى كل مسلم غيور على لغته وهويته الاسلامية ،الى كل من يريد العز والفخر لأمته وهويته ،الى من يبتغون النصرة ان شاء الله، الى من يسعون الى الصلاح والاصلاح .....ندعوكم جميعا اخوانى وأخواتى الافاضل الى المشاركة معنا فى هذه الحملة والتى شعارها (لغتى هويتى ) وندعوا فيها الى أحياء اللغة العربية فى كل كتابتنا بجميع المدونات والمواقع والمنتديات هذا الاسبوع بأسلوب سهل بسيط لا ندعوا الى أستخدام غريب الالفاظ  أوالالفاظ الفخمه الصعبة وفى نفس الوقت ندعوا الى تجنب الالفاظ البذيئة والعامية.. ندعوكم  لنثبت لانفسنا اننا أمة مسلمة عربية ،نثبت لانفسنا اننا نحب لغتنا ونعتز بها اكثر من اى لغة اخرى ،..هذا هو هدفنا يدك بيدنا ننشر الامر بكل المواقع والمنتديات والمدونات والايميلات ..،لله عز وجل فقط نفعلها، لحفظ ماء وجوهنا أما أنفسنا نفعلها، ليذكر فى التاريخ اننا ما زلنا عرب نفعلها، لتاتى يوم القيامة امام الله وتقول يارب عملت على نشر لغة كتابك وأحياءها لا إندثارها... هذه الحملة هى حملتك انت، ليست ملك لاحد، انت المسؤل عنها امام الله فأنظر ماذا ستفعل!!!!!!! لمزيد من التفاصيل بمدونة (ادم ويحيى) www.sunlightatnight.blogspot.com التصميمات الخاصة بالحملة موجوده بالمدونة  فلنرى الله من انفسنا خيرا ونتوكل على الله ونبدأ الان بسم الله

د/أبويحيى وادم يقول...

بيان رقم 3
وبدأت مسيرة الحملة ولن تتوقف بأذن الله حتى نرى ثمارها
(لغتي هويتي)
إلى كل الايجابيين المشاركين معنا ،إلى كل من تعاطف ورحب بحملتنا ولا يعلم ماذا يفعل حان وقت العمل
الواجبات العملية
أنظر فى مدونتك التي تكتب بها جيدا وحاول ان تجعلها خالية من الألفاظ الأجنبية الغير مطلوبة ولها بدائل عربية جميلة وكذلك المنتديات وتعليقاتك وردودك على المعلقين لديك
موضوعك القادم بالمدونة أو المنتدى يكون باللغة العربية قدر المستطاع ولمزيد من نشر الحملة يا حبذا لو كان عن اللغة العربية وهذه بعض المواضيع التي اخترناها لك


0 تاريخ اللغة العربية 0 أثر تحول اللغة العربية إلى العامية على الثقافة الهوية 0 بلاغة اللغة العربية 0 هذه مصطلحات غريب عربية يجب الاستغناء عنها
0 مدى تأثير العربية في اللغات الأخرى 0 طرائف ونوادر في اللغة العربية
خواطر وأشعار حول اللغة العربية سواء من مكتوبك أو منقولك

3- هذه المواضيع المطروحة ما هي إلا مجرد أفكار لفتح باب التفكير و لك مطلق الحرية في اختيار مواضيع أخرى متعلقة بالأمر نفسه
4- إن قمت بكتابة موضوع بالفعل في الإطار الخاص بالحملة نرجوا إعلامنا به حتى نضع جميعا الرابط الخاص بالموضوع على المدونات ونجمع روابط كل المواضيع المتصلة بالحملة هنا بالمدونة

www.sunlightatnight.blogspot.com
5- قم بتفعيل الحملة بنشر الرسالة المتفق عليها لدى كل المدونات التي تعرفها وادعوهم للتفاعل معها وأشرح لهم الأسباب والهدف من الحملة

وفقنا الله جميعا وتقبل الله منا ومنكم صالح الأعمال

Mero يقول...

والله اختلف معاكي بصراحة مع احترامي لرايك
بس اللي يطفش الواحد ويخليه مش طايق نفسه مش الرئيس لان الرئيس والحكومة مجرد سامبل من الشعب..
اللي مخليني كرهت كلمة مصري كم الفساد والتفنن في فيه من الشعب
اللي كرهني في بلدي ان معظم الصفات السيئة بقت مرتبطة بينا تلقائيا..
الفقر والكدب والغش والجهل والسرقة والرشوة والمصالح
كل دا ملوش دعوة بالحكومة الشعب هو اللي بايظ
وبصراحة انا نفسي اصلا كلمة مصر وبلدي مدلولها ايه ككلمة ليه متمسكين بهيبتها قوي مع اننا ممكن ببساطة نفيدها باي حاجة كويسة من غير تقديس المصطلح نفسه ..

تحياتي

ahmed_k_73 يقول...

الشعوب العربيه لديهم اعتقاد ان الشعب المصري كلللله يمكن شراؤه بالمال وفعلا في نماذج كده لكن مش هما دول المصريين المصريين الذين علموا العالم معني الحضاره واحنا اللي علي اكتافنا بدات النهضه في العالم العربي ومصر هي التي دافعت علي العرب وساعدتهم لكي ينالوا استقلالهم ومصر التي نزف ابناؤها الدم لكي يدافعوا عن امتهم وبعد كده بالتاكيد لازم يحقدوا علينا ويكرهونا وشوفي المصريين كيف يعاملوا في كل دول العرب , ومن وجهة نظري ان السبب في تلك الحاله هي السفارات المصريه التي لا تدافع عن مواطنيها ولا تاخذ لهم حقوقهم وان دخلتي اي سفاره مصريه في العالم العربي ستري كيف يعاملون مواطنيهم مع ان وظيفتهم خدمة المواطن المصري في تلك البلد , والمشكله الكبري فينا نحن فنحن لا نحترم بعض ونحترم الغريب فلذلك لن نجد ابدا من يحترمنا الا اذا تغيرت نظرة المصري للمصري في البدايه, وتقبلي تحياتي والسلام ختام

دعاء مواجهات يقول...

- سنو وايت

فعلا ما احنا بقت شماعاتنا كتير اوى

انا بفكر اعمل بوست

عن الشماعااات

نورتينى

دعاء مواجهات يقول...

- عارفة مش عارف لية

المشكلة ان وهمة دة

تحول لاقتناع فعلى

تحياتى لردك

نورتنى

دعاء مواجهات يقول...

- هيرو

بتلتمس لية الاعذار

ودة حقك ورايك وانا مقدرش انكرة

بس مهما كان لازم يكون جوانا شئ من حب الوطن

ولا دى كمان بقت موضة قديمة؟؟


شرفتنى

دعاء مواجهات يقول...

- همس الأحباب

معاك فى كل كلمة

إلا انك بقيت تكرة لو ام اكن مصريا لوددت ان اكون مصريا)

لية بقى؟؟

نورت ياخالد

دعاء مواجهات يقول...

- رئيس جمهورية نفسة

معقول ياحضرة المحامى

تكون دى وجهة نظرك

يعنى اية تسيبهالهم وهى كانت بتاعتهم ولا من حقهم؟؟؟؟

اكتفى برد مفروسة عليك

تحيااتى

دعاء مواجهات يقول...

- محمود حسن العدل

نورتنا لاول مرة

وياريت الكل يفهم كلمتينك دوول


تحيااتى

دعاء مواجهات يقول...

- ice man

im with u in dirfrrent points of view but we will must start with our selves


thx alot

دعاء مواجهات يقول...

- tamer nabil

انت بتقوول يتشاال؟؟

ههههههههههههههههههههههههه

قول يارب

تحيااتى ليك

دعاء مواجهات يقول...

- واحدة مفروسة

ياخبر يامفروسة داانتى بعد البؤين دوول تستاهلى جردل نسكافية بحاالو ع حساابى كمااان

انا مرديتش ارد ع محمود واكتفيت بردك انتى ياقمر

سلااام

دعاء مواجهات يقول...

- د/ هيما

احنا بما فيهم انت طبعا؟؟؟؟


نورت

دعاء مواجهات يقول...

- samourai 4 ever

ودمتم.......



نورتى ياساامو

دعاء مواجهات يقول...

- ميوشة

صح كدة ياميوشة بس تقولى ايى بقى

لنااس شغلتها اصلا انها تتكلم عن بلدها برااها

انا لا اقصد هذا الطبيب

تحيااتى ياقمر

المدونة فتحت

http://3la7orytna.blogspot.com/


ورينا شطاراتك واعلاناتك عنها بقى

بييس

دعاء مواجهات يقول...

- كاميليا

فعلا اجمد كلمه يستحقوا ان تنساهم مصر

بصفتك مغتربة احب اعرف المصريين عندك عاملين ازاى وبيتصرفوا ازااى؟؟

نورتينى كعادتك

دعاء مواجهات يقول...

- rovy

عزيزتى الآن لم تعد هناك اماكن

للقيم والاخلااق المهم بكام ومنين

وازاى نجيب الفلوس هو دا اللى بقى بيتعلموة اولادنا دلوقتى للاسف....

تقبلى تحيااتى

دعاء مواجهات يقول...

- نيجرو

معاك ان اللى ايدةف المية مش زى اللى ايدةف النار ومعاك انة هج علشان يلاقى فرصة احسن ومعاك انة اتصدم بالواقع هناك..

لكنى مش معاك ابدا ان الواحد يتنكر لبلدة لمجرد ان مفيهاش امان او احترام لحقوق الانسان

ياعزيزى: اذا طبقنا كلامك على كل الشعوب العربية
يبقى الفلسطينين والعراقيين واللبنانين يهجوا ويسيبوا بلدهم للأغراب مادامت مافيهاش حرية ولا احترام لحقوق الانسان ولا آمان ولا اية؟؟

صدقنى لايمكن تشعر بدة الا لما تغيب عن بلدك وتجرب وساعتها انت اللى هتقوول مش انا...

تحيااتى

دعاء مواجهات يقول...

- إنجى

ياريت بجد نبدأ ونكون بنفسنا

ناخد قرار عدم سب البلد او اظهار مساؤها امام اى غريب على الاقل حتى لايطعن فى انتمائنا

وواحدة واحدة مش هنجيب سيرتها بشئ وحش او سئ ابدا لا فيها ولا برااها

تحيااتى يامنوراانى ديما...

دعاء مواجهات يقول...

- د/ فارما

اية يادكتور

انت خارج من اوضة العمليات طازة ولا اية؟؟؟

ناقص تقوول عملنا اللى علينا والباقى على ربونا...


نورتنى

دعاء مواجهات يقول...

- أسامة أمين

ياابنى افهمنى

انا مقولتش برامج ولا هتافات ولا شعاراات

كل الحكاية بقوول نعمل فصل بين الوطن اللى بيضمنا وبين رموز سيئة وجدت ف الوطن

ما ناخدش عاطل بباطل

تحيااتى

دعاء مواجهات يقول...

- محمد فوزى

تحيااتى الجامدة جدا لفخرك بمصريتك

وتحليلك الموضوعى للموضوع

وانت تطوول زى ما تحب دى مدونتك

علشان نتكلم مش نسكت وبس

نورتنى

wa7ed 2ensan wnsan يقول...

معلش بقى يا مواجهات هانم


مش لاحق اقرا حاجه بس اكيد موضوع جامد على عادتك

انا حطيت رد اثبات حضور بس هبقى اقرا بعد يوم 18

لما اخلص من الثانويه العامه اللعينه

دعاء مواجهات يقول...

- بطوط حبوب

وعندك اتنين تلاتة من الراااجل دا

وصلحووواااااااااا

ع حسااب بطووط باشااااااا



هههههههههههههههههه

وما نيل المطالب بالتمنى..

نورتنى

دعاء مواجهات يقول...

- مروة جمعة

دا انتى اللى غلبانة ياقمر انتى

ماداام العصير عجبك

تعاالى كل يوم وخدى برااحتك

المكان مكانك والتلاجة تلاجتك

وابقى سيحيلى كدة عند الاعلام زى لماضة

ههههههههههههههههههه

نورتى

دعاء مواجهات يقول...

- سمومة . مجنونة فى بلد عاقل


ياخبر ابيض

بعتى النيل ياسومة

انا جاية اوريلك حااالا


بيس

دعاء مواجهات يقول...

- نورة الخشن

امتحان اية بس ياعمنا؟؟

انت مش معانا خاالص

ما خلصنا العام الماضى وطلعنا معااش مبكر خلاااص

نورتى و وحشانى موت

دعاء مواجهات يقول...

- صاحب المضيفة

تماام الكلاام يامنوفى باشا

محدش بلدة مثالية

الفسااد فى كل مكااان

بس هى عقدة الخوااجة

نورتنى يابرنس

دعاء مواجهات يقول...

- tareq momen


ياترى تقصد ميييييين؟؟؟؟



تحيااتى

دعاء مواجهات يقول...

نور

ازيك يارووح قلبى

هههههههههههههههههه

انا تمام ومزاجى إشطة بالعسل

نورتى وانا معاك فى رايك طبعا

بيس

دعاء مواجهات يقول...

د/ ابو يحيى وادم

تحياتى لجهودك

ونتمنى ان يكون لنا بصمة

تحياتى

دعاء مواجهات يقول...

- ميرو

ياخساارتك ياميرو

ياللى كنت بقوول عليك عااقل ياميروو

ياللى كنت همسكك الوزارة ياميروو

ياليلتك زفت ياميروو

اية ياابنى دة

يعنى اية ما قيمة وتقديس كلمة مصرى؟؟

بص بقى انا مش هرد عليك لانى معنديش اجابة فلسفية بس هقولك كلمة واحدة

دى بلدنا

لو قدرت تشتريلك وطن غيرها اوكى إشطة

...................................

دعاء مواجهات يقول...

- ahmed_k

كلام حضرتك مظبوط طبعا

تعرف اية اللى وصل الفكرة دى للشعوب العربية

إحنا)

تعرف ازاى)

بالميديا والاعلاام بتاعنا)

شوفت بقى)

الموضووع وسع اوى واى اوى

تحيااتى لمرورك الكريم

دعاء مواجهات يقول...

- عبدالله

اوكى مان ربنا معااك

مش عاوزة اشوفك تانى غير لما تخلص بقى

بييييس

(احمد سكر ) يقول...

السلام عليكم

تقريبا اول مره زياره لحضرتك

اسمحيلى الاول وبعد اذنك

احىى واحده مفروسه على ردها الرائع

اللى بحق يستحق يكون بوست لوحده

وانا بناديها من هنا

انها تنزله بوست

كلامك حلو اوى يامفروسه

اثر فيا جدا اما الاستاذ محمود

هقلك تجربه سريعه

انا كنت زيك واكتر

بس لما سافرت وشفت وعرفت تفكير الناس

رجعت قلت عمار يامصر

لو تفتكر البوست دا انت رديت عليه


اما المنوفيايه بلدياتى

ازيك يا دعاء

الناس دى رغم عنجهتها وتناكتها

بس مش يقدرو ابدا يستغنو عن عقولنا

صدقينى

الدكتور

المهندس
المدرس

الصيدلى
العامل

كله مصرى

مش هقلك لما بنروح فى اى بلد ععلشان يستافادو من خبرتنا

بيبقو عاملين ازى لما يكون ليهم شىء

عاوزا تعرفيهم على حقيقتهم

احضرى اى كورس هما بيجو يتدربو فيه
على ايدى اى مصرى

تحياتى لبوستك الجميل

احمد

مدونه من اجل الحب يقول...

مش عاقول غير حسبى الله ونعم الوكيل

وعلى الرغم من كل ده انا واثقه ومتاكده انى هايجى اليوم وهاتطلع الشمس فى البلد دى وهاتبقى احسن بلد فى الدنيا وهابقى افكركوا

šσяšαяαα يقول...

ياسلاااااااااام لو الواحد فتح عينه كدا فيوم لقى نفسه قدام برج ايفل واللا اتقلب على جنبه اليمين لقى نفسه قدام سور الصين واللا راح على جنبه الشمال لقى نفسه قدام بيج بن
هى دى الحاجات اللى الواحد يفتخر بيها صحيح مش تقولولى شوية اهرامات من كام الف سنة
عنده حق هذا التعبان نفسياً.. ماحنا لامؤاخذة بقينا ملطشة للى رايح واللى جاى وشكوتنا مسمعة المريخ مع اننا فعلا المفروض نتكلم عن البلاوى اللى احنا طهقانين منها بينا وبين بعض كدا اخوات فى المصراوية مش تلاقى اساسا مفيش غير مصر اللى متصدرة الاخبار مصر راحت مصر جت مصر ولعت مصر اتخنقت
مفروسين مننا ليه مش عارفه
بس احنا لما نخرج بره حدودنا يبقى يجب ان نصون هذه الحدود وبالتالى اى بنى ادم هينطق بحرف يبقى مصيره قطع لسانه وعمله بفتيك بالمكرونة
وبالهنا والشفا

emo يقول...

بصراحة زعلت اوى يا دعاء هما عايزين كدة
عايزين يخلونا نسيب البلد ونكرها كمان

لاكن احنا مش هنسي مصر وعلى رائ اللى قال اللى ملهوش خير فى مصر ملهوش خير فى حد

Mohamed Dawod يقول...

مش عارف ليه حاسس ان الكلام ده عليا...يمكن اللى على راسه بطحه يحسس عليها....بس عموما وبعد ال66 وتعليق اللى شفتهم قبلى هنا انا مش مقتنع بالكلام ده وغسيلنا قذر ولو فضلنا خايفين اننا ننشره يبقى عمره ما حينضف لازم نعترف بالحقيقه اللى احنا عارفينها والناس كلها عارفينها لازم نعترف ان البلد دى فيها عيووووب كتير ولازم نعترف ان المصريين اخلاقهم اتغيرت كتييييير للأسوأ الراجل بتاع امريكا اللى بتقولى عليه ده عمل كده لان هو عنده فرصه يتكلم جوه ويغير جوه فمش محتاج يتكلم بره وحيتكلم بره ليه اساسا؟ ماهو يقدر يطلع عينين ريسه وحزب ريسه واللى خلفوا ريسه جوه. لما ده يحصل عندنا يبقى منتكلمش بره ونبقى نعمل بلوجات لا يدخلها الا المصريين ونتكلم فيها....خالص تحياتى وشكرا

appy يقول...

مصر مصر مصر
اممممممممم احنا السبب يا دودو فى كل البلاوى اللى فيها بس انا بحبها والله مش عارفه اعيش فى مكان تانى اقولك انا هعمل مشروع الشجرة علشان نجمل شكلها وبدأتها عن العمارة اللى انا فيها بجد

Mero يقول...

ههههههههههههههه
انتي قولتي ان مفيش رد فلسفي ..بس كدا
المعاني والمصطلحات احنا اللي بنديها قيمتها ..واحنا اللي بنقع نفسنا معاني ممكن هيا اصلا مستحملهاش..
بس يا سيتي..
انا مش قصدي مصر ملهاش لازمة بس انا عندي رايي اظن ان اكتر عمقا ..بس عارف اني لو قلته هترميني من الشباك بقى

Dr-hema يقول...
أزال أحد مشرفي المدونة هذا التعليق.
محمد عبد القوى يقول...

صباحه تسيح دولى يامعلمة
عندك حق فى كل كلمة قولتيها
واللى يجيب سيرة مصر براها يبقى بيديها فى دهرها
الكلام ع المدونة حاجة
وفى قناة فضائية حاجة تانية
وفى مؤتمر فى بلد تانية حاجة تالتة
ياجماعة الحكومة حاجة ..والبلد حاجة تانية خالص
ورغم كل شيء البوست ده
إشطاط
----------------
شكراً على سؤالك على مدونتى
انا مش مانعنى غير الأمتحانات اللى خلصت النهاردة
فى بوست جديد عنها على قلم الحرية ياريت تقرية
وفى بوست قريب على مدونة من غير شعارات
أحب أشوفك هناك

ayman badr يقول...

حاجة تضايق فعلا يا دعاء اذا كنا احنا بنتبرى من مصر يبقى مستنيين ايه من الغريب
والله مصر كمان زهقت مننا
تحياتى

فارس بلا جواد يقول...

سعيد بمروري الاول بمدونتك .. عشان ندخل في الموضوع علي طول .. انا اتفق معاكي في نقطة واختلف في نقطة .. الاتفاق ان فعلا مصر أكبر من انها تكون خاضعة لمجموعه اشخاص ..نحبها او نكرها علي حسب الاشخاص دول .. لازم نبقي متاكدين ان مصر رمز كبير وكلنا بنفخر بمصريتنا .. ونفصل ما بين حبنا لمصر واختلافنا مع سياسة الحكومة
أما نقطة الخلاف فهي انك بتقصدي انه فيه بعض المصريين بيشوهو صورة مصر في الخارج ومنهم الاعلام .. انا باختلف معاكي لان امريكا اللي انتي ضربتي بيها مثال يعتبر رئيسها اكتر رئيس بيتعرض للمهاجمه من الصحفيين بدون تقييد لحرية الصحافة .. ولما نسمع هجوم من قنوات مصرية فضائية علي مواضيع كتير زي رغيف العيش أحسن ما نسمع القناة الاولي أو الفضائية اللي بيحسسونا إن الحياة وردية .. يعني أول خطوة في علاج المشاكل اننا نواجه نفسنا بيها .. وبلاش نهتم بكلام بعض العرب اللي بيدفعهم الحقد أو عقد النقص للسخرية مننا

رحاله يقول...

بسم الله
السلام عليكم
ماشاء الله
مدونه جميله
ومواضيع جميله جدا
ربنا يجعلها في ميزان حسناتك يارب
تحياتى ياجميل وشاكرة مرورك ع مدونتى ياقمر
جيلان

مدحت محمد يقول...

هههههههههههههههههه

زفتات زفتات بقى

انتى اسلوبك ساخر فظيع

بس عندك حق احنا المفروض نتعلم الادب

من النايب ده
قصدى النائب المحترم ده

ومنبقاش بنسوء سمعة وطنا برة وطنا

بس تعرفى انا لما اجى اتحاور مع حد سعودى او خليجى بوجه عام
سواء واقعى او شاتينج

فعلا بيكرهونا بغباء وحاقدين علينا بطريقة مملة ومقززة
اول مااقول مصرى احس كأنى قلت اسرائيلى مش عارف ليه

غير معرف يقول...

استغفر الله العظيم
وأتوب اليه
ايه يابنتي ده
تصدقي ان مصطفي كامل دلوقتي بيندم أشد الندم علي التشويه اللي عملتيه في كلمته اللي حصل بيها علي براءه اختراع
مصر دي جنه ربنا في أرضه
تجري من تحتها الانهار
اللهم اني ابرأ اليك من كل هؤلاء
اللهم اعف عنهم فانهم لايعلمون

لو سمحتي بلاش تجيبي سيره أمي تاني
علشان متعصبنيش
أما انا .. فعن نفسي
لو لم أكن مصريا لوددت أن أكون صوماليا .. طب والله الصومال أرحم
ومساء الورد ياجميل


آه .. مقلتليش رأيك في الموضوع اللي بعتهولك .. ياريت تقوليلي علي الايميل وبلاش هنا .. مش عايزين فضايح أدام الخلق

أحمد سلامه

ريحانة يقول...

خارج مصر ولا داخلها

ليه اصلا اقعد اعدد فى مساوىء البلد عمال على بطال وكأن هى المذنب الوحيد
مصر بارضها وسماها وترابها هى اللى غلطت فى حقنا

مش احنا بضعفنا وسكوتنا وصكمتنا وكسلنا وسلبيتنا ويووووووووه بكتير اووووووى






تسلم ايدك ع البوست واقبلى مرورى

دعاء مواجهات يقول...

- أحمد سكر

وكلامك سكر

وكفاية انك منوفى أصيل وجاامد طبعا

زى حالاااتى

نورتنى واحييك على كل كلمة جامدة قولتها

بيس

دعاء مواجهات يقول...

- مدونة من اجل الحب

طبعا مهو احنا مش هنقضيها ليل كتير يعنى

لاااازم ولا بد وحتما يجى نهاار

تحيااتى ياقمر

دعاء مواجهات يقول...

- صرصارة

صباحووا تهييش بالباشاميل ياقمرنا المنور

اية يابت انتى خلاااص رميتيةف الزبالة ولا ايية؟؟؟

لا بس تهييس عميق ومعمق

تحيااتى ياقمرى

ايوى كدة اظهرى واتكلمى وبعبى

مستنياكى كتير

بيس

دعاء مواجهات يقول...

- emo

بعيدا عن خالد صالح

هو دا عين العقل

اللى مالووش خير فى بلدة

ملوش خير فى غيرها

انا الحكومااااااااااااا

هههههههههههههههههههه

نورتى ياعسولة

دعاء مواجهات يقول...

- محمود داوود

عذرا عزيزى

احنا ماقولناش انها مافيهاش عيووب

ما قولنااش ان اليوتوبيا بقت سمات افراد الشعب

ما قولناش اننا ملايكة


لو لاقيت الشعب المثالى دة على وجه الارض بليز

شاورلى علية؟؟؟

على فكرة شكلك مابتقراش الجرايد المعارضة ولا بتشووف اللى بينزل فيها

كلو بقى بيتكلم خلاااص مبقااش فيه احكام عرفية من بتاعت زماان

اتلغت خلااص ياريس..

شكل من زماان بعيد عن البلد

ع فكرة ممكن الغسيل اللى مش نضيييف ينضف بردو
بالدراى كليين.. مووش لازم مية وهوا ع فكرة

سمعت عنوو؟؟؟

نورتى واتمنى عدم الزعل

دعاء مواجهات يقول...

- appy

يااما انتى فية كناية فى كلامك

او ماقرأتيش البوست صح؟؟

مش عارفة لية الكلاام مش مااشى ع البوست بتااعى؟؟

الشكل الخارجى مش هو المقصود ياقمر ؟؟


تحياتى

دعاء مواجهات يقول...

- ميروو

لا قووول ومش هرميك م الشبااك صدقنى

انا بييس خاالص

يللا قوول؟؟

دعاء مواجهات يقول...

- محمد عبدالقوى

كفااارة ياراااجل

كلامك صح

وعندك كمان 3 إشطااط جرى على مدونتك يابرنس

بيس

نورت الدنيا كلها

دعاء مواجهات يقول...

- أيمن بدر

اة زهقت بس للاسف

معندهااش لسان زيينا

تتكلم وتقوول آآآآآآة


بيس

نورت الحياااة

دعاء مواجهات يقول...

- فارس بلا جواد

انا مضربتش المثل بأمريكا كرمز للحرية

لانها مش كدة طبعا

وبعدين فية قنوات كتير غير قنوات العدو ممكن نتكلم فيها

تحيااتى

دعاء مواجهات يقول...

- رحالة

ميرسى ياجميل

بس شكلك مركزتيش ف المواضيع

نورتى

سلاام

دعاء مواجهات يقول...

- مدحت محمد


ميرسى ماان .. دا اقل حاجة عندنا


نورتنى كعادتك

بيس

دعاء مواجهات يقول...

- أحمد سلامة

عليا النعمة شكلك ماقرييت الموضوع اصلا

ولا عرفت الحكااية يابرنس

اقرا وابقى علق

هو انا اللى قولت كدة ولا جبت سيرتها

الميل ابعتة تانى بليز جاى بحرووف مش مقرؤة

بيس

دعاء مواجهات يقول...

- ريحانة

ريحانة انتى اسما وفعلا وكلا

والله جبتى م الاااخر

تسلميلى ياقمر

بيس

لست أدرى يقول...

لو مصر مكنش فيها مصريين كانت هتبقى اجمل بكتييييييييييييير

كيكى يقول...

احنا الى عملنا فيها كدة

shayma يقول...

انتى قلتى كلمه حكمه
مصر الارض والناس غير مصر الحكومه والحكام

هيا دى المشكله لو بس نحط ايدينا فى ايدين بعض
مكنش ده بقى حالنا

سلامى
:))

moood يقول...

الحكومة والنظام الحاكم مخلوش انتماء
للشعب غير انتمائه للكورة بس
محدش هينتمى لمكان مبيدلوش اى حاجة حتى رغيف العيش




على فكرة انا moood هو واحد من الناس برده يعنى مفيش داعى تردي على الاتنين

محظوظة يقول...

على كل حال

المصرى يكسب على طول

سلاموززززززززز

واحد من البلد دى يقول...

السلام عليكم
يا أخت دعاء
اللى بيلعن سلسفيل أبو اللى جاب و حط البلد
ما بيلعنش الأرض و التراب و الأهرامات و أبو الهول وبرج الجزيرة
لالالالالا
ده بيلعن الحكومة و الحكام و السلب و النهب و القروض و الإحتكار و المحسوبية و الذل و المهانة و البيروقراطية و الديكتاتورية
وبعدين اللى وصله لكده التناقض فى طريقة الحكم
بين بلده و بين البلد اللى هوه فيها
ولا يخفى على أحد حالنا
وزمان فى المثل القديم قالوا أن(القرد فى عين أمه غزال)
وليس العكس..
ربنا يرحمنا بقى
تحياتى ليكى

dido يقول...

السلام عليكم بوست جامد جدا مشاء الله
وتعليقات اجمد وفعلا والله المشكله مش في مصرالمشكله في المصريين
احنا قبل السلطه الحاكمه هل احنا بجد بنحافظ علي مصر هل سالنا نفسنا احنا كويسين كشعب ولا لا
بنحافظ علي الطابور، عندنا ضمير ،اهو كل ده ملوش علاقه بالسلطه الحاكمه وغيره وغيره
يعني المشكله فينااحنا اهو مش في مصر
وتحياتي للجميع

فضايح المدونين يقول...

اتفضلوا بزيارة مدونتى
http://scandal-blogger.blogspot.com
واتمنا اشوف ردودكم
تحية لكم

blue-wave يقول...

دانتى طلعتى مواجهات بجد بس مواجهات شكلها هاتودى فى داهيه:)
انتى فى البيت ولا فى السجن بس الأول؟ :)

Soooo يقول...

يبقى بجد عيب علينا أوى نلعن ف البلد واللى جابوها وللى شالوها واللى حطوها وإحنا بعيد عنها
طب إفرض شرقت هتبقى تجيبلها كوباية مية تكفيها منين ياخفيف؟؟؟؟

ههههههههههههههههههههههه

----

هعلق عالموضوع بعدين



سلامووووووووووووز

zOzO يقول...
أزال المؤلف هذا التعليق.
zOzO يقول...

العنوان نفسه عجبني
وخلاني اضحك والله
هنعمل ايه
نصيبنا بقي
تحياتي للبوست وتالقك

موجة يقول...

حقيقي القصة روعة
رغم ان البداية صادمة و العنوان صادم
لكن للاسف هي دي الحقيقة
احنا عايزين مصر تبقى احسن بلد في الدنيا لكن يا دعاء للاسف مصر مش كده

خالص تحياتي
أخوكي
مجرد موجة

nona يقول...

ياااااااااااااااااه انا اتاخرت قووى انا شايقة بقى ان بدل ما نحاسب مصر نحاسب المصريين اللى فيهم كتير معندهمش ضمير المصريين اللى مبقوش طايقين بعض المصريين اللى بيرموا الزباله فى شوارع مصر المصرين اللى مش قادرين يحافظوا على بلدهم اللى مش قادرين ياكلوا نفسهم علشان كده بقت المعونة حق مكتسب نحاسب المصريين حكومة وشعب بدل ما نعقد نشتم فى البلد اللى كل ذنبها انها سمحتلنا اننا نبقى مصريين

نوره الخشن يقول...

مش امتحانات امال كنتي فين من ورايا انطقي لادبحك طاااااااااااااااااااخ

دعاء مواجهات يقول...

- لست أدرى

هههههههههههههههههههه

حلوة ماكانش فيها مصريين دى

كانت مثلا يبقى فيها صوماليين..

ههههههههههههههههه

نورتى

دعاء مواجهات يقول...

- كيكى

تقصدى يعنى (نعيب زماننا والعيب فينا وما لزماننا عيب سوانا)

بييس ياقمرنا


البوست الجديد ناازل بمشيئة الرحمن بكرة كلو يستعد..

دعاء مواجهات يقول...

- shyma
صح ياشوو بس المشكلة اننا بقينا فى زمان

الأنا______________________________

وليس زمان _______النحن_____________

تحياتى ليكى ياقمرى

دعاء مواجهات يقول...

- moood
مش معاك يامحمود

لان معنى كلامك انك بتنكر انك

عيشت واتربيت فيها واكلت من خيرها

وحسيت بالأمان فيها

الاختلاف للراى ابدا لايفسد للود قضية

تحياتى لييك
بيس

دعاء مواجهات يقول...

- محظوظة

ربنا يحظك أكتر ما انتى يامحظوظة

بجد ضحكتينى

طب كنتى كلفى خاطرك واقرى سطرين حتى

نورتى ياقمر

ومدونة تحفة

بيس

دعاء مواجهات يقول...

- واحد من البلد دى

اة طبعا لااازم يكون غزاال ونص كماان

دى مصر ياعاالم (مصررررررر)

نورت بعد غيااب

سلاام

دعاء مواجهات يقول...

- dido

عزيزتى الجميلة

الامر ليس محاكمة ولا الصاق تهم بشعب ولا حكومة هما اللى خلوونا كدة

كلٌ بنفسة اولاً

دة رايي المتوااضع

نورتينى بجد

دعاء مواجهات يقول...

- فضايح المدونين

هنا مكان محترم لايروج لأمثالك

ولا يشرفنى دخولك عندى

ربنا امر بالستر..

(ربنا لا تؤاخذنا بما فعل السفهاء منا)

دعاء مواجهات يقول...

- blue- wave

ازيك عامل اية؟؟

نورتنى

انا ف البيت عاوز العنوان؟؟؟

هههههههههههههههههههه نورتنى بجد

دعاء مواجهات يقول...

- soooo

اوكى ولو لاقيت البوست الجديد نزل

هتعلق ع الاتنين مااشى

والا انت حر بقى؟؟؟


نورتنا

بيس

دعاء مواجهات يقول...

- zozo

يساورنى شك داخلى

انك قريتى العنوان اللى عجبك بس دة

مش عارفة ليية

بس كفاية زيارتك لينا بجد

نورتى

دعاء مواجهات يقول...

- موجة

مصر حلوة واحلى بلد ف المنيا بينا

يابرنس

نورتنى بجد

ع فكرة دى مش قصة دى حاجة حصلت ف الواقع

بييس

دعاء مواجهات يقول...

- nonaa

القمر يجى فى اى وقت واى زمان

بحبك يابنت الاية انتى وبحب كلااامك

حلوة سمحتلنا نبقى مصريين دى بجد حلوة


نورتى

دعاء مواجهات يقول...

- نورة الخشن

آآآآآآآآآآآآة

كفاية

كفاية خلاااص حقوول

كنت بعمل المدونة دى ولااازم كلكواا تدخلووها

هتبقى جامدة ااخر حااجة فعلا..
http://3la7orytna.blogspot.com/

Foxology يقول...

قلب الوطن مجروح لا يحتمل اكتر


صعبانة عليا البلد كرهتنا اكتر ما احنا كرهناها

تحياتى :)

نوره الخشن ــ آي و كفاية يقول...

ايوه كده عالم مبتجيش غير بالعين الفوشيا

دعاء يقول...

بصي يا دعاء أنا متفقة معاكِ في جزء ومختلفة معاكِ في جزء تاني..

أولاً متفقة معاكِ في موضوع تحميل كل مصيبة على دماغ مصر وكأن مصر دي كائن حي ماسكة السيخ المحمي وبتحطه في صرصور ودن المصريين ..

مع إن مصر والله هي ألي بتعاني مما يحدث بها.. والأخر يقولوا مصر وحشة .. علشان كده أنا معاكِ وأبصم بالعشرة في موضوع وضع فرق بين مصر وبين الحكومة..

أما المثال فأنا مختلفة معاك ِتماماً

الأخ محدش طالبه علشان يشتم أمريكا في البرنامج.. هو ليه وجهة نظر في بوش .. واعتقد طالما هو شخص شريف فهو مش بيكره بوش علشان شكله مش عاجبه.. هو بيكره بوش علشان بيحب أمريكا.. لأنه شايف إن رئيسه بيسيء لبلده ..

علشان كده مش مقتنعة أبدًا بموقفه انه مبيتكلمش على رئيسة بره البلد؟؟!!

لو اتبع الجميع وجهة نظرة لم تكوني تجدي أي إنسان حول العالم يقول أن هناك تيار معتدل في أمريكا يرفض سياسات بوش مثلاً.. لو لم يخرج مايكل مور ب11 / 9 فهرنهايت و برجال بيض أغبياء لما نظر البعض لأمريكا على أن هناك داخلها من له وجهات نظر مختلفة عن الرؤية العنصرية الدموية لبوش..

لذا قد يكون كلامك عن الحاكم أو مساوئه أو مشاكل البلد يحمل من معاني الحب والتقدير للبلد ذاتها أكثر من الصمت..

المشكلة ليست فيمن يتكلم عن مشاكل أو عن عيوب أشخاص موجودة بالفعل
المشكلة في أمرين ..

أولا:ً الرؤية الضيقة للأخر وخاصة من هم مفترض إنهم إخوة لنا ، فيجدوا في أمور طبيعيه ولا تشين أمور ليعايروا بها المصري.. فلقد تعلمنا منذ صغرنا أن الفقر لا يعيب ولكن الذي يعيب المرء هو العيب ذاته.. لذا فطوابير العيش لا تعيب المصريين كشعب .. والأموال لديهم لا تعطيهم درجة على البشر فقد كانوا لا يملكوها منذ أكثر من 50 عامًا بقليل و سيفقدونها بعد اقل من 100 أيضًا طبقًا لكل الإحصائات العالمية التي ترصد احتياطي البترول.. لذا فلو كانوا يملكوا قليلاً من العقل لم يكونوا ليقولوا ذلك ولو وجب على احد أن يعاير الأخر-وهو أمر حقير مذموم أساسًا- لعيرناهم في هذه الحالة بقلة العقل والمنطق.

ثانيًا: مشكلة بنا كمصريين أصبحنا غير واثقين من أنفسنا ونكرة أنفسنا..

غالبًا صديقك الطبيب هذا هولا يرى العيوب المتواجدة في البد بغرض إصلاحها بل يراها من وجهة نظر القرف والطهقان منها ..ولذلك هو أساسًا مستعر من بلده .. فلم يتمكن من الرد على من يسيء لها

كلنا لنا معارف من نوعية معارف هذا الطبيب وبعضهم يلمح بمثل ما يلمحوا بيه..

ولكن البراعة أن تخسري من أمامك بالحقيقة .. بأننا لسنا النعاج التي تساق لنسكت عن أخطاء في بلدنا نبغي أصلاحها لأن بعض أغنياء البترول تعودوا على أن يضربوا ويهانوا أو يساقوا كالنعاج من أمرائهم وملوكهم دون أن يتكلموا -وأقول البعض لأنني أكره التعميم ولان هناك نوعيات مختلفة جدًا في كل بلد- عندما يفكر شخص في الحوار معي بهذه الطريقة فهو يعرف انه سيلاقي ما لا تحمد عقباه و أن ما لدي عن غنى بلاده الذي يتكبر به علينا ما يجعله يخرس فيخرس..

هذه هي أساس المشكلة أن نؤمن نحن أولاً ببلدنا ثم ننتقد العيوب بعد ذلك كما نريد من منطلق إيماننا بالإصلاح وليس بالذم في بلادنا..

إبـراهيم ... معـايــا يقول...

قلبتي عليا المواجع يا مواجهااات !!!

.
.
أول مرور عندك، ومجـرد سلام وحتة

عـــاوز حــــقــــى يقول...

والله كلام صح لا منبطلش نسب فى بلدنا
ونرمى عليها اللوم شويه البتوع الى اتحكموا فيها بكره يتزاحوا ويجى غيرهم ان شاء الله
انا باستاذنك انى اخد البوسط ده واحطه فى المننتديات الى انا مشارك فيها مع التنويه انه منقول منمدونه حضرتك بعد ازن حضرتك
سلام

دعاء مواجهات يقول...

- نورة الخشن

ههههههههههههههههههههههه

انت تؤمر ياقمر أمرك مااشى


يخرب عقلك

دعاء مواجهات يقول...

- دعاء

أحييكى بشدة على التحليل الموضوعى

للمشكلة من نواحى كتير مننا بيغفلها

لان فعلا لو إحنا مؤمنين بيها صح هنقدر ندافع عنها

ومش هنسمح لحد يقول عنها كلمة

تحياتى ليكى مرة تانية

اتمنى التواصل..

دعاء مواجهات يقول...

- إبراهيم .. معايا

نورتنا..

مهو مينفعش ننيم المواجع..

بيس وحتتين..

دعاء مواجهات يقول...

- foxology

لا انا مش معااك

احنا ماكرهناهاااش

احنا بس زهقانين وطهقانين يابرنس

شوية وهنفك..

نورت

دعاء مواجهات يقول...

- عاوز حقى

إزيك يانشأت؟؟؟

ورينى المنتديات دى الاول

وطبعا لينك المدونة واسمى ينزل بدون تغيير حرف ف كلاامى

بيس...

عـــاوز حــــقــــى يقول...

ماشى ياا ستاذه اوامرك

صراحه اصل البوست جميل

واليينك والاسم واسم المونه ان شاء الله

http://www.sonaahayat.com/Sh/forum/showthread.php?p=57061#post57061


والتانى
http://sharkawyonline.net/vb/showthread.php?p=137571#post137571

والباقى جاى

دعاء مواجهات يقول...

- عاوز حقى

اووكى بس اطلب منك تأجيل المومضوع دة لما ارجع ان شاء الله

تحيااتى

Diyaa' يقول...

مساوئ حكام ومساوئ محكومين للأسف
معلش بس مش هيركب ويدلدل رجليه وياخد جيمي علي حجره إلا لو كان المحكومين في قمة الخنوع والخوف والجهل والسطحية والتفاهة إلا من رحم ربي ودول المعتقلات بتكفيهم
المبدأ صح إني مش أشرد لبلدي بره
بس بلدي بوضعها الحالة فعلاً لا تستحق أنتسبلها إلا لما أقدر أغير فيها غير كده هبقي مصري علي الهامش
ودمتم
سلام

دعاء مواجهات يقول...

ضياء

قولت وفسرت
ف الآاخر جبت المفيد

مينفعش أنتسب لها

الا لو كنت قادر اغير فيها

كلمتك صح

(بس مين يسمع)

نورت

mohamed 7mam يقول...



شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر
شركة المثالية للتنظيف بالقطيف
شركة المثالية للتنظيف بالجبيل
شركة المثالية للتنظيف بالاحساء

المثالية للتنظيف سيهات
المثالية للتنظيف الاحساء
شركة المثالية للتنظيف الاحساء

mohamed 7mam يقول...


شركة تنظيف منازل بالخبر تعد افضل شركة تنظيف بالخبر حيث تقدم جميع خدمات تنظيف المنازل والشقق والفلل والمجالس والكنب والسجاد والموكيت بافضل جودة وارخص الاسعار بالاعتماد علي كافة الادوات والامكانيات الجديثة والمتطورة فتعد افضل شركة تنظيف مجالس بالخبر بالاضافة الي تقديم العديد من خدمات التنظيف الاخري التي يحتاجها اهالي محافظة الجبر والدمام من تنظيف وصيانة مسابح وتنظيف مطابخ وتنظيف وصيانة المكيفات اي ان شركة المثالي جروب تعد افضل شركة تنظيف بالخبر
فلدينا

شركة تنظيف منازل بالقطيف
شركة تنظيف بالقطيف

شركة تنظيف مسابح بالخبر
شركة صيانة مسابح بالخبر
شركة تنظيف كنب بالخبر
شركة تنظيف مطابخ بالخبر
شركة تنظيف مكيفات بالخبر

شركة تنظيف مسابح بالدمام
شركة تنظيف مسابح بالقطيف
شركة صيانة مسابح بالقطيف

mohamed 7mam يقول...


شركة تنظيف منازل بالجبيل
شركة تنظيف بالجبيل

شركة تنظيف مسابح بالجبيل
شركة صيانة مسابح بالجبيل
شركة كشف تسربات المياه بالجبيل
شركة تسليك مجاري بالجبيل
شركة شفط بيارات بالجبيل

شركة مكافحة حشرات بالجبيل
شركة رش مبيدات بالجبيل
شركة نقل عفش بالجبيل
شركة نقل اثاث بالجبيل

mohamed 7mam يقول...




شركة تنظيف منازل بالاحساء
شركة تنظيف شقق بالاحساء
شركة المثالية للتنظيف بالاحساء
شركة تنظيف خزانات بالاحساء
شركة تنظيف مسابح بالاحساء
شركة صيانة مسابح بالاحساء

شركة كشف تسربات المياه بالاحساء
شركة تسليك مجاري بالاحساء
شركة شفط بيارات بالاحساء

شركة نقل عفش بالاحساء
شركة نقل اثاث بالاحساء