الجمعة، مايو 23، 2008

الحل إييية؟؟؟؟؟



مواجهة؟؟ ولا توسيط؟؟ ولا هروب ؟؟ ولا إستسلام؟؟

لا أعتقد
أن أحداً يخالفنى الرأى فى أن الخلاف المستمرفى الآراء والأفكار بين الآباء والأبناء ليس سببة فقط مستحدثات العصر من موبايل أو إنترنت أو حتى الفضائيات فالخلاف قديم ودائم ومستمر وبالبحث الدقيق نجد أن آبائنا لم يكونوا على وفاق دائم فى الرأى مع آبائهم اللى هما أجدادنا وكأن كل جيل يسلم راية الخلاف للجيل الذى يلية لنبقى نحن الأبناء من وجهة نظرهم دائماً تافهين ومهمشين الفكر والرأى والشخصية ولا يتذكر أحدهم أنة كان كذلك مع أبوية .....


والأمر لايقتصر على ذلك فقط بل يتعداة ليصل لمرحلة التفسير المزاجى المتعمد التجاهلى لما يريدة الآباء من الأبناء فمثلاً سياسة فرض الرأى من الآباء على ابنائهم تسمى خوف على مصلحتهم لأنهم ادرى بها وسياسة التجاهل تسمى أن الكبير يعرف أكتر بحكم الخبرة والتجارب مع أن التجربة اثبتت فى أكثر من موضع أن الكبير مش كبير سن وبس وسياسة الحرمان من المصروف تسمى تأديب وهكذا .....


المهم دلوقتى ياترى إحنا حنفضل كدة على طول ومفيش حل لمشكلة دى لأ طبعا ممكن نلاقيلها أكتر حل بسيط جداً وصعب جداً فى نفس الوقت وهو


أولاً: المواجهة المباشرة بلا وسيط ولا غيرة وبالطبع ليس من المفترض ان ينتهى الأمر لصالح أرائنا نحن الشباب ولكن المحاولة فى حد ذاتها هدف كبير بس ياترى إحنا حنقدر نعمل المواجهة دى أصلاً ولا هنفضل مكبرين الG
ومروقين الD وبعدين فية حالات أصلاً بيستحيل معاها الحوار ولا تعرف عنة شيئاً
ولا يوجد لة معنى فى قامووس حياتها ... أما


الحل التانى :واللى غالباً بنلجأ لية إننا نوسط حد بينا وبين الأب او الأم ليقنعة بإختياراتنا أو آرائنا قد يكون صديق أو قريب وفى هذة الحالة ينقلب الأمر إلى خصومة ثأرية وزعم بأنك بتخرج أسرار البيت وتنشأ مشكلة أخرى أكبر وأجدر بالمناقشة ليتم التعتيم المتعمد على الموضوع الأصلى للمشكلة ويحدث المراد ....


الحل الثالث: بقى واللى كتيير بيعملوو هو أسلوب لوى الدراع أو بمعنى أدق التهديد وبمعنى أكثر دقة التمثيل آآة التمثيل يعنى الواحدة أو الواحد مننا يمثل إنة تعبان أو يمثل إنة إنتحر أو مضرب – بضم الميم -عن الطعام
بهدف تحقيق طلبة أو تنفيذ رغبتة اللى لازم تخالف رغبة الأب والأم بس المشكلة إن الأسلوب دة كمان بقى فلاااش باااك أوى وبقوا قارينة تمام بفضل السينما اللى سمحنالهم يشاهدوها وفتحت عنيهم علينا أكتر م اللازم ....


يبقى إذاً : الخيار الأوحد والوحيد وهوتنفيذ رغباتنا بغض النظر عن آرائهم ورغباتهم بإعتبارها حياتنا ولازم نعيشها بطريقتنا إحنا مش بطريقتهم على أن نكون على أتم إستعداد لإتخاذ مثل هذا القرارالجرئ والذى لايصدر إلا من شخصية مستبيعة ويتمثل هذا الإستعداد فى تحضير شنطة هدومك وإستعدادك التام للرحيل من المنزل فى أى لحظة وياريت لو بالمرة لاقيتلك شغلة تصرف على نفسك منها –فى المشمش يعنى –


وبما إنك مش هتلاقى يبقى خدها من أولها وإرضخ للآراء الأبوية الحكيمة دائماً وأبداً وإبقى سلملى على شخصيتك المستقلة ومعاها بالمرة حرية رأيك ........ يعنى م الآاخر مفيش فايدة وهنا يجدر بك أن تترحم من صميم قلبك على زعيم الأمة السابق الذى توصل لهذة الحقيقة من زماااااااااااااان
الله يرحمك( ياسعد يازغلول)

هناك 139 تعليقًا:

khobayb يقول...

مشكلة التباعد ناجمة عن انعدام الحوار ..

والحل في الحوار ..

طيب ازاي نصل إلى الحوار في ظل أفكار الآباء ؟

أتصور ان المشكلة أن الابن ينظر إلى حقه ، ويتناسى واجباته من حيث طاعة الوالدين وبرهما ..

وأزعم أن كلنا مقصر بشدة في ذلك ..

فنحن نفهم بر الوالدين على أنه تفضل منا لا واجب حقيق علينا ..

وأتصور كذلك أننا إن أخلصنا في الواجب ، كان الطريق ممهدا أمام نيل الحق

محمد إبراهيم محروس يقول...

الحل
اللي قاله سعد زغلول صح
عين العقل
مفيش فايدة
خالص تحياتي

غادة يقول...

ديدى واحشتينى انتى عامله ايه
بس ايه يا بنتى البوست ده كأنت بتقولى اللى فى دماغى
يعنى عندك بابتى حبيبى مثلا يقعد يقول اعملوا كده وكده نقول ليه يقول اصل انا خبره الدينا عجنتنى و انتو لسه بدرى عليكم لما تعرفوا اللى انا اعرفه
هما اكيد خبره بس اخدوا الخبره دى منين اكبد من التجربه هما بقى مش عايزنا نجرب مش عارفه ليه
الحل الصراحه انك تعملى كل الحلول اللى انتى قلتيهم و كل موقف وتختاريله حل منهم مره تواجهى مره تطاطى البصله ومره تختارى سكه تانيه لحد ما يبقى ليكى تجاربك اللى تخليكى خبره زيهم
مبروك يا قمرى على النيولوك عجبنى يا دو
احلى سلام ليك يا جميل

emy يقول...

دودو كلامك بجد ههههههههههههه
زى اللى بيحصلنا بالضبط

تحياتى دعاء

sigon1977 يقول...

اولا مبروك على التغيير الجميل دة ثانيا سعد زغلول لم يقل كلمة مافيش فايدة بل الاحتلال من اشاع الامر من باب الحرب النفسية
اللاف واقع بشرى طبيعى لا بد ان يوجد او نصير كما تمنى الرومانسيين من الشيوعيين نصير نفس الفرد بلا هوية و لا ملامح فيختفى الطموح و الرأى الاخر و الابداع
لكن الخلاف الذى تصفية ليس لة الا حل واح الاصرار على الرأى دون التعنت و سماع الرأى الاخر لحسبان ان نكون نحن المخطئين
الحل فى رحابة الصدر و الاصرار و تذكرى يا دؤدؤة ان الالحاح مفتاح النجاح

2ensan wnsan يقول...

انا الحمد لله ماشي في البيت بنظام ديموقراطيه الوطني اسمع رأي والدتي واخويا بس في النهايه كلامي انا بس اللي يمشي في اموري اللي تخصني

وانتي بقى ماشيه بانهي طريقه في دول

Diyaa' يقول...

الحمد لله حوشت من صغري وأنا 14 سنة و قدرت أعيش لوحدي مش بدخل في المنطقة دي كتير _ الصراع مع الأب والأم
بس ده ما يمنعش..إني حاسس بيها وقلقان منها..الأسر بتتكون مش لأن المذكر والمؤنث عارفين يعني إيه أسرة
لأ لأن البنت غالباً من يوم ما بتتولد وهيا شايفة السعادة في الزفة والفستان الأبيض ورومانسية الأفلام والبص للي حواليها فلانة جابت إيه ولبست إيه وركبت إيه وبتاكل منين وبتسهر فين
والولد كل همه يتبسط هو كمان ومحدش يقوله إنت صح ولا غلط..ولا حد يقوله إنت مسئول..لأ ..أهم حاجة البنت يكون شكلها حلو..وتسمع الكلام أيا كان صح أو غلط..ويا يتحكم هو يا تتحكم هيا
وإن فشل بيهرب من البيت..ويبقي همه التدخين والماتشات وإلخ إلخ
بنوصل لإيه بقي سعادتك
إن الأتنين كبروا الG
وبقت الأسرة هشة..اللي بيلحق يربي أولاده شوية بيتقال إنها أسرة بسم الله ما شاء الله..لكن العادي إن 90% من شخصيات الأبناء بتكون متخرجة من مدرسة الحياة..بما فيها من تعليم فاشل.ومجتمع متناقض..وإعلام كله كدب..وصحافة 99% منها نفاق
فالأصل مش إننا كجيل نعند مع أهلنا وبس..لأننا هنعند وهييجي لينا أولاد غالباً هيعندوا معانا..لأن الأنسان بطبعه كائن بيهوي النسيان..وبالتالي هننسي أهلنا غلطوا معانا ازاي وهنكرر أخطاء بتلففنا في حلقة مفرغة
بس الحل الأسهل هو الهروب :)
عن تجربة شخصية :)
أما بقي من الناحية التانية..فالحل الأسهل هو التأهيل من قبل الجواز..والمتابعة والتفرغ من الوالدين للتربية بعد الجواز الإنجاب
متسوديهاش بقي
مفيش فايدة حالياً..بس الله أعلم مش يمكن يطلع جيل في المستقبل يعمل ييجي 50 ألف أسرة كلهم ماشيين صح ونلاقي المشكلة اتحلت
cheer up
hehehehe

غير معرف يقول...

دؤدؤ بجد مش عارف اقول ايه ولا اعيد ايه ولا عالق ازاي بصراحة بعد الكلمتين اللي فاتوا دول ما فيش كلام يتقال ولافيش اي فايدة من اي حاجة مع انك سودتيها ف وشي اكتر ما هي سودة انما بجد مقال جميل موت وحسيت ف كلامك ف النهاية انك ناقص تقولي من النهاردة مفيش حكومة انااااااااا الحكومة مع الاعتذار للفنان الجميل احمد السقا وفيلمه الااخير الجزيرة

اخوكي وصديقك الانتيخ هيما كووووووووول

غير معرف يقول...

سلااااااااام عليكم

الموضوع ده من ضمن المشاكل الاساسيه فى كل بيت مصرى والسبب فى اى مشكله بتحصل فى اى بيت وداخل الاسر المصريه ومش هنتكلم ايه سبب ده او ايه اللى وصلنا لكده لا هنكون عملييين ....
ونقول الحل فى عدة خطوات متتاليه وبتكمل بعضها ....

اولا نربى اولادنا صح ونخلقلهم جو من الديمقراطيه والحريه

ثانيا نعود ولادنا وهما صغيرين بأنهم يختلفوا معانا ويناقشونا

ثالثا نسمح لأبنائنا بقدر ومساحه من الحريه والخطاء بشرط الرجوع للاسره وقت الخطر واذا لزم الامر ذلك

رابعا ودى اهم حاجه وهتكون نتيجه طبيعيه لو طبقنا الخطوات السابقه
وهيا أننا نبقى اصدقاء وصحاب لأبنائنا قبل ما نكون اباء وامهات ومراقبين ومتصيدين لاخطائهم

وخامسا عشان كل ده يحصل لازم الاباء والامهات فى مصر يفهموا يعنى ايه تربيه

ملحوظه ... لو كنا فى بلد غير مصر كان من الممكن ان يختلف الوضع وان يكون ما قلته شىء طبيعى وليس خيال او حلم يستحيل تحقيقه على ارض الواقع فى مصر

one of the days you will know me

شـمو نشـادر يقول...

حلو الكلام ..
بس انا شايف ان الحل بقى مش التلاته دول خالص ..
الحل هو تنفيذ اللى فى دماغى مهما كانت النتايج ..
طول ما انا مقتنع باللى فى دماغى وعارف ان هو الصح .. اعمله على طول ..
واللى يحصل يحصل بقى ولا فى الدماغ ..
ما هو الواحد لازم يفرض شخصيته فى البيت برده ..
ومتشكرين خالص يا دؤدؤ ع البرنس الكبير دى يا عم احنا غلابه ..
ده البرنس يا برنس ..
اخوكى ..
أسامة أمين

Hypatia يقول...

عزيزتى دعاء

كل كلامك صح طبعا طبعا وبيحصل عند كل الناس
انا يمكن ظروفي مختلفه شويه كتير وباخطط وبارتب للاستقلال التام عن اهلي انشاءلله لكن رغم كل ده انا ضعيفه جدا قدام ماما يعني مقدرش اقولها لأ ولا اقدر ارفضلها طلب وهى الحمدلله مش بتطلب منى ولا بتأمرنى بحاجه تضرني بالعكس دايما بأتأكد قد ايه هى صح

الاب بقي
هههههههههههههههههههه
مش عارفه اقول ايه بس الاب والاخ بالذات ملهومش وجود فى حياتي وبالتالي ملهومش سلطه عليا باسمعلهم وانفض من غير جدال لان حتى الجدال معاهم مالوش لازمه

مدونتك جميله يادودو ربنا يوفقك يارب وتستقللي بحياتك قريب وتحققي اللى انتى عاوزاه
:))

tarek momen يقول...

العزيزة الصغيرة مواجهات
اولا اشكرك علي زيارتك لمدونتي
ثانيا اقول الصغيرة لأنك اكبر من بنتي بشوية صغيرين
ثالثا لاحظت ان كل من علق علي البوست تقريبا في نفس المرحلة العمرية وتقريبا يؤيد وجهة نظرك
رابعا حبيت اعلق لأني امثل جيل الاباء
وعليها انا اوافقك علي الجزء الأول وهو انه كان هناك ايضا خلاف بيننا وبين ابائنا من نفس المنطلقات التي ذكرتيها
وكان الواحد منا يظن انه عندما يكبر ويكون له اولاد لن يحاول ان يفرض افكاره عليهم ابدا
ولكن بطبيعة الحال عندما اصبح لدينا اولاد فهمنا تماما لماذا كان اباءنا يتصرفون هكذا
بدافع الخوف علي الأبناء ومحاولة تجنيبهم الم الفشل في التجارب الحياتية
وهذا شعور غريزي خلقه الله و لا مفر منه
يعني احنا لا نظن ان ابناءنا تافهين و مهمشين
بل علي العكس نحن نعلم ان ثورة الأتصالات وفرت لهم مالم يكن متوفرا لنا
من معرفة و اطلاع
المهم لن اطيل عليكي فقط لا تظلموا الأباء وتذكروا كلامكم هذا عندما تصبحوا انتم اباء ان شاء الله
واحب اسجل اعجابي بمدونتك وبمقالاتك الصغننة بجريدة الدستور
واخيرا اوافق علي الحل الأول بس لو ما وافقناش اسمعوا الكلام

HERO يقول...

والله انا مش عارف بس انا مجربتش لأن في حوار بيني وبين بابا وماما دايما مش بنختلف الا في موضوع العربية بس غير كده بنوصل دايما لنتيجة وغالبا بتبقى لصالحه بس مش بابقى زعلان

تحياتي

دعاء مواجهات يقول...

خبيب

الاكيد ان الصح او الحل الاصح الحوار لكن 90 ف المية ان لم يكم اكثر من الاباء ميعرفووش يعنى اية حوا رمع ابنائهم


تحياتى لييك

دعاء مواجهات يقول...

- محمد ابراهيم محروس

شكلك كدة مجرب يابرنس



تحياتى ليك

نورتنى

دعاء مواجهات يقول...

-نور

بجد انتى وحشانى اكتر

انا سبتلك موبايلى ع الميل سيبى رقمك انتى كمان ياقمر علشاان الكلاام كتير والكومنتات مش كفااية...

انا مبسوطة جدا ان النيو لووك عجبك

بس محدش قاال كدة غيرك ولا كأن فية جديد؟؟؟

دعاء مواجهات يقول...

- emo

ههههههههههههههههههه

وما الدنيا إلا مسرح كبيييييير

تحياتى ليكى ياقمر

نورتينى

دعاء مواجهات يقول...

- sigon

عندك حق يامحمود

كانت غايبة عنى فين حتى الإلحاح دى مهو الدوى ع الوداان .. زى ما بيقولوا

اوكى نجربها دى

كويس انك اخدت بالك من التغييرات

يارب تعجب كل النااس

سلااامى ليك يا عقل كبيير

منورنا طبعا

دعاء مواجهات يقول...

- wa7ed ensan wnsan

سؤال على قدر أهميتة على قدر

إحرااجة

انا بقى مقدرش اقول لأ لبابا ولو حاجة مهمة اوى بلح كتير علشان يوافق

اما ماما عادى مش بترغمنى على حاجة وبتقتنع بتفكيرى

وف الاول والاخر كلو بداافع الخوف بردوو

ولا ايية؟؟

سلاام

دعاء مواجهات يقول...

- diyaa

اولا انا مبشربش اوكى

ثانيا تحليلك موضوعى وربما يكون منطقى خاصة انة نابع من تجربة زى ما قولت

ثالثا انا مش بشجع الهروب ابدا ولا بحب الكلمة دى انا اصلا مدونتى ضد الهرووب تقووم انت تقولها كدة ف وشى خبط


رابعا انا ياابنى مش مسوداها بس بقوول شوية من اللى بشوفة مش ليا بس طبعا لكن لنااس كتير

خامسا تحياتى ليك وبجد بتمتعنى بتعليقاتك

بييس

دعاء مواجهات يقول...

هيما كوووول

هههههههههههههههههههههههههههه

يخرب عقلك ياوااد يادكتوور


انت هتجيبها فيا ف الاخر وتقولى مسوداها مع انك شايف وعارف ومجرب وبلاااش نسيح ونفوق

فرحت اوى لما علقت يابرنس

نورت الدنيا كلها

دعاء مواجهات يقول...

- غير معروف

اولا انت dr_ reporter a.s صح ولا لا؟؟

ثانيا الخطوات صح لكنى مش معاك فى ان وجودنا فى مصر سبب المشكلة

إحنا لية كل حاجة نرميها ع البلد بس هى اية ذنبها الذنب ذنب العقوول والافكار الغبية مش المكان نفسة

ولا انت مش معايا فى دة؟؟؟

نورتنى طبعا

دعاء مواجهات يقول...

- شمو نشادر

ههههههههههههههههههه

ما انا عارفااك وعارفة دماغك

انت حد بيقدر علييك اصلا دا حتى الحاج والحاجة خلااص رموا طوبتك

ربنا يكون ف عونهم بجد

اى خدمة شوفت مصيتيينك إزاااااى

عد الجماايل بقى...

دعاء مواجهات يقول...

- nesren besyony

انابقى عندى العكس

بس قوليلى هتستقلى ازاى ياعفريتة؟؟


ميرسى ع دعواتك ياقمر

نورتينى اوى

دعاء مواجهات يقول...

- tarek momen

(( لو ماوافقنااش اسمعوا الكلااام))

قمة الديكتاتورية

ههههههههههههههههههههههههه

لالا بهزر طبعا

بجد زيارتك ضافت ليا كتيير

وسعيدة انك متابعتى من خلاال الدستور

طب عاوزة اعرف راى حضرتك فى الدمااغ اللى فوق عندى دى؟؟ تنفع يعنى ولا لا؟؟

منتظرااااك كتييير

دعاء مواجهات يقول...

- hero

طيب دا كويس جدا ان فية توصل لحلول


وكمان مش بتكون زعلاان كدة تماام اوى


نورتنى

سنووايت يقول...

ايه المواضيع الجامدة دي يا دعاء
بس اقولك انا رأيي بقي
احنا نعمل خلطة من كل دا علي بعضه ونطلع بحل يرضي جميع الاطراف
يعني مفيش مانع تسمع ارائهم وتفكر فيها لكن في الاخر تعمل اللي انت مقتنع بيه بس بطريقة ما تضايقهمش يعني تبقي دبلوماسي شوية في تعاملك معاهم
ساعات لما بافكر اني في يوم من الايام ممكن ابقي مكان ماما مثلا ومش عارفة بعد 20 سنة كمان هيكونوا اخترعوا ايه غير الانترنت اكيد ساعتها مش هيبقي بسهولة اقبل الحاجات الجديدة والافكار الجديدة وهابقي خايفة وشايفة ان انا اصح واعرف اكتر بس اكيد اكيد مش همارس سسياسات القهر

انا قلت دعاء مواجهات اكيد هتقول ان الحل هو المواجهه ههههههههه
بجد موضوع جميل تسلم ايدك

دكتور بهــدوء يقول...

فيه حل؟؟؟!!!!!
اكيد فيه مرّه محايله مرّه ضغط واهي بتتقضي
لحد مانلاقي حل صريح
حياتنا اه
بس والله كلام الكبار ممكن تفكري فيه مره زياده ممكن تلاقيه صح لو مش صح م وجهه نظرك خلاص اعملي اللي انتي عايزاه
ويرضيهم ازاي بقي
ماعرفش
مشكله عويييييييييييصه

Diyaa' يقول...

متشكر..بس مبتشربيش إيه ؟ مين جاب سيرة الشرب حاشا لله !!
تحياتشي

Diyaa' يقول...

والهروب لأن معلش رضا أهلي ممكن من الحاجات النادرة اللي متاحة بسهولة عشان اضمن رضا ربنا..فبالتالي..هما صح أو غلط..أهرب من المواجهة معاهم خصوصاً إني خلاص تعاملاتي اليومية بقت محدودة مع بابا وماما..فبدل ما أواجه..وتفلت مني كلمة تخلي حد فيهم نايم غضبان عليا بجد..ويكون اليوم ده أخر يوم في عمري مثلاً..لأ في المضمون أحسن..أنا مهما كبرت ..لسه بتعلم..ومعلش..لو هتعلم المواجهة فمتبقاش في وشهم إلا لما أضمن إني مش هغلط ..مش جبن..بس احترام لناس تعبوا في إنهم يعملوا ضياء..في حدود فطرتهم وفي الحدود اللي سمحلهم بيها الجري ورا لقمة العيش
فعادي بقي
هروب أحسن من مواجهة أخسر بيها كل حاجة ..أواجه في شغل..في جامعة..في صداقة لكن مواجهش أهلي في كل حاجة..القرارات المصيرية بس ممكن
والسلام ختام

Diyaa' يقول...

one of the days you will know me
الولد معتقدش إنه يقصد مصر المكان..مصر المجتمع..الحكومة..البيئة الأسرية والتعليمية
وصلت ؟
متظلميش الولد بقي

Mero.. يقول...

الحل إن الواحد يقتل أبوه وأمه ويهرب بره مصر..
لا فعلا الحل الفعلي انك تعمل اللي انت عايزة ونفض لهم بقى بجد ومتخليهمش ياخدوا على انهم يسيطروا عليك
يعني نازل رايح فين؟؟ خارج..
لو اول مرة قلت انت رايح فين يبقى مش هتسلم بعد كدا
لكن لو من الاول قلت خارج وخلاص والكلام دا يبقى اساس تمشوا عليه من الاول

ربنا يعين
تحياتي :)

Foxology يقول...

اتفق معاكى فى مشكلة عدم الحوار ومشكلة عدم المواجهة مع ان المواجهة افيد بكتير لو حصلت ونتج عنها اتفاق ولو بنسبة صغيرة

انا مش معاكى فى موضوع الأستقلالية دى ونظام الأستقلال التام او الموت الذؤام محدش فى الزمن ده ولا البلد دى هيعرف يجهز شنطة هدومه ويستعد للرحيل فى اى وقت هيروح فين ويصرف على نفسه منين ؟؟ الكلام مش منطقى معلش :)

2ensan wnsan يقول...

معلش يا دعاء هانم ممكن ارد على ميرو

ايه يا عم دخلة ذئاب الجبل دي

اول مره دي بتكون امى يعني لما يسألأوك انت خارج على فين وترد خارج دي بتكون في اعدادي او ابتدائي كمان يعني انت لو قلتلهم كده هتشوف ايه اللي بيحصل يا معلم وعقاب وشغل اولياء امور ابتدائي بقى انت تبتدي تفرض شخصصيتك وانت في ثانوي

بيس يا مان

خواطر رئيس شاب يقول...

حلوة محاولات التمرد اللى كلها باءت بالفشل دى

المهم فى الاخر الابناء يسمعوا كلام الاباء اريح

همس الاحباب يقول...

بجد فكرة البوست رائعة وجميلة
واسلوبك شيق ومتوازن
بس الحوار مطلوب والاقناع كمان امر حتمى للابناء او الاباء
ودائما الاباءوالامهات اراءهم مش غلط
لانها فى الواقع تصدر من باب الخوف وحب للابناء والخوف على حاضرهم ومستقبلهم
ولكن لو فتحت قنوات الحوار الشرعية
كل الازمات والخلافات سوف تزول
تحياتى وتقديرى لارائك الجريئة والمميزة
خالد

اسكندراني اوي يقول...

انه صراع الاجيال كما يقولون
ولو اني ضد التعبير ده ولكن ظروف تنشاه الاب تفرق عن ظروف تنشاه الابن
وده على كل الاصعده وكافه العصور

.....................................
فين يا ستي العصير التلاجه اللي بره فاضيه

رئـــــيسـة حزب الأحلام يقول...

هذا مايسمى صراع الاجيال
موضوعك دة شغال معايا اليومين دول
انا وماما متخاصمين كل دة لاختلاف لاوجهات النظر فى موضوع ما هى مقتنعة بحاجة وانا مقتنعة بضدة
وعينك ماتشوف اللى النور
تحياتى

واحد من البلد دى يقول...

والله يا أخت دعاء أنا أب ديموقراطى على الآخر
المهم عندى إن أولادى يحبو بعض و يحترمو بعض و الكبير يعرف إنه لازم يبقى حنين و مسؤل عن الصغير و الصغير لازم يعرف إنه لازم يبقى عارف حدوده مع الكبير و يسمع كلامه..
وقمة السعادة عندى لما أحس إن المبدأ ده بيتنفذ حتى لو معايا أنا شخصيا..
بمعنى ..إن الأخ الكبير لما يلاقينى ممكن أعاقب أخوه الصغير بسببه..ممكن ساعتها يتنازل عن حقه..
ساعتها باحس قد إيه أنا عرفت أزرع فيهم الترابط و الحنان..
لكن أنا مع حضرتك إن المشكلة أزلية..
رحم الله سعد زغلول ومصطفى كامل و محمد فريد و طلعت حرب...
و أبقى لنا ..؟؟؟؟؟؟؟؟؟؟؟؟؟؟
أسامة بن لادن

غير معرف يقول...

سلااااااااااااام عليكم

استاذ ضياء كل الشكر والتحيه
لشخصكم ولحضرتكم لحسن ظنكم الجميل ولرفضك الظلم وقدرتك على فهم التعليق جيدا ...

ثانيا هناك سؤال لا أعلم ان كان من حقى أن اسئله ام لا لاكن فليقال

وهو (العادي إن 90% من شخصيات الأبناء بتكون متخرجة من مدرسة الحياة..بما فيها من تعليم فاشل.ومجتمع متناقض..وإعلام كله كدب..وصحافة 99% منها نفاق ) فتعليقك موضوعى ومنطقى كما قالت صاحبه المدونه لاكن هذه الجمله
فلنقف عندها قليلا لماذا لا تكون مدرسه الحياه تقوم بدورها وتخرج جيل يفهم الحياه ويحفظ حساباتها وقوانينها وتعطيه خبره لماذا مفترض من مدرسه الحياه ان تقوم بدور غير ايجابى...وشكرا

ما قلته عن المواجه اوافقك عليه تماما طالما نحن فى مجتمع كذلك


ثالثا صاحبه المدونه ما قلته فى الخطوات والحلول كان صحيحا جدا وما قصدته من جمله لو كنا فى بلد غير مصر كان من الممكن ان يختلف الوضع وان يكون ما قلته شىء طبيعى وليس خيال او حلم يستحيل تحقيقه على ارض الواقع فى مصر هو ان هذه الحلول مستحيله التحقيق وصعب ان يسير عليها الأباء لأننا كما قلت فى مصر والعقول مختلفه


رابعا ... واحد اسكندرانى اوى لا دخل باسامه بن لادن فهدا ليس من الانصاف ذكره فى هذا الموضوع
وان كان لك رأي معين فى اسامه بن لادن فبما أنك خارج الدبلوماسيه والقياده فليس لك الحق فى شر راى والتروييج له وخصوصا ونحن على مدونه وليس منتدى او حوار سياسى .... وشكرا


عوده لصاحبه المدونه ... نرجو الملاحظه للمره الثانيه لا يوجد شىء فى البوفيه
وأنا لست dr_ reporter a.s


one of the days you will know me

غير معرف يقول...

عاوزة اقولك انا بواجه بابا وماما باللى انا عاوزاه بس مينفعش فى مواضيع معينة انى اقول رايى واعمل اللى انا عاوزاه بس فى اغلب الاحيان بنتكلم بالعقل وبيسمعوا ويقتنعوا واوقات تانية بتيجى على دماغى وانا بحطى نفسى مكانهم واعديلهم زى ما هما بيعدوا ما هو مش هيفضلوا يسمعوا الكلام كتير حبة عليا وحبة عليهم

Unknown يقول...

مفيش اسرة فى مصر الا وفيها صراع بين الوالدين والأبناء كبار او صغار وده راجع لاختلاف الزمن وطريقة التفكير وحاجات تاينة تخلى الصراع ده ينشأ من أقل كلمة
موشوع جميل واسلوب اجمل
ملحوظة: كان نفسى تبقى موجود فى حفلة توقيع مدونات مصرية للجيب ولا انتى جيتى وانا مشفتكيش لانى مشفتش ناس كتير؟
تحياتى

Unknown يقول...

مش عارفة ليه الاباء دايما بتعاملوا مع ابناءهم على انهم غلط على طول الخط كان كل اب من يوم ما بقى اب خلاص افتكر نفسه علامة و ربما نبى لا يخطئ

معلش كلامة جامد انا عارفة بس لازن نواجه بقى
:))

ما هو كل اب كان فى يوم ن الايام فى نفس السن و مرة يخطئ ومرة يصيب عادى
و لما تلوميهم يجيبوها من نحية الحنية و الخوف علينا و كده مع انى شايفة ان ده خلط

تحياتى

Mafrousa يقول...

انا جيت و شربت الليمون و اتعمل معايا احلى واجب
ممكن اجاوب على البوست ده بعد ما تتجوزى و تخلفى و يبقى عندك اطفال و اشوف تعليقك...و ساعتها حقولك نعليقى
ههههههههههه
بصى همه دايما الاهل من كتر ما شافو من الدنيا الفظيعه ديه بيبقوا خايفين على اولادهم ...وبيحاولوا انهم يجنبوهم الحاجات الوحشه سواء احاسيس و خلافه
بس المشكله فى الانسان ذات نفسه
لازم يتلسع علشان يعرف انها سخنه
استنى على نفسك شوية و حتلاقى نفسك لا شعوريا شخصيتك بتقلب على باباكى او مامتك...دون ان تدرى مع بعض الاختلافات التى تواكب العصر

Diyaa' يقول...

العفو..لا شكر علي واجب يا صديقي :)
بس إنت غلطت غلطة
مش واحد اسكندراني أوي
ده واحد من البلد دي
هو اللي جاب سيرة بن لادن
وفعلاً هيا ملهاش دخل بس متهيألي
إنه يقصد إن ملناش رموز كمسلمين أو عرب غيره
وأرد عليه أقوله
بن لادن صناعة أمريكية
لعبة شكلها جامد لكن في الحقيقة
شغالة بريموت ..ممكن يكوت اتمرد عليهم
لكن اللي حصل في 11 سبتمبر مستحيل يتعمل من بن لادن لوحده..وده مش كلام مصريين بس ده رأي ناس من الغرب ومن أمريكا نفسها وموجود في أفلام تسجيلية كتيرة .فعادي بقي..طالما إحنا مش شايفين الصورة واضحة.يبقي أحسن حل نتجاهلها ..لحد ما نقدر نمسح بإيدنا الضباب اللي علي المراية..وإيدنا مش طايلاه حالياً
للأسف


بالنسبة لسؤال الأخ الغير معروف :)
مدرسة الحياة ليها عناصر وشروط مش متوفرة بالشكل المطلوب أو الشكل اللي يسمح بتخريج ناس يعتمد عليها
بمعني..لما المتناقضات في مجتمعك تبقي قوية زي قطبي المغناطيس..كل متناقض فيهم تأثيره في نفس قوة التاني تقريباً
يبقي متتوقعش إن مدرسة الحياة هتخرجك انسان منطقي وفاهم وواعي..لأن بكل بساطة..اللي بتتعلمه بتتعلم عكسه تاني يوم
مثال سهل
البعض بيحكم علي الشخصية من خلال الشكل والحكم بيكون الآتي..لو لبسك شكله متحفظ ومربي دقن أو لابسة حجاب بجد ..يبقي البني ادم متدين
لو الأندر وير باين من ورا أو لابسة بادي استريتش ومبينة جسمها ضمن مجموعة الكاسيات العاريات..يبقي البني ادم ده داعر
بغض النظر عن عدم أحترامي للشكل التاني..بس بدي للي أدامي فرصة لو أمكن الكلام معاه عشان أحكم
هل هو فعلاً واحد بيدعو للعهر وللقبلات المسروقة وللعلاقات الجنسية الصريحة بداعي الحب ؟ ولا مجرد حد عنده فراغ عقلي بيعوضه بمحاولة تقليد شكل معين ؟
أو اظهار التميز في الجانب الغلط
نيجي للطرف التاني..مش كل حد بزبيبة صلاة أو بنت بعباية واسعة يبقوا ملايكة ماشيين علي الأرض
بمعني..برضه لازم أتعامل بحذر ومديش مطلق الثقة باعتبار إنه حد فاهم دينه
لأن زي ما الشابة اللي لابسة من غير هدوم بتحاول تتميز بإظهار جمالها بشكل مستفز..فالشاب اللي لابس الجلباب ومربي دقنه قد يكون علمه بدينه محدود لدرجة إنه أغلب حياته ماشية باستسهال التزمت باعتباره تجنب شبهات
الأتنين بيستخبوا ورا شكل ..شكل البنت مستفز وكريه
وشكل المتدين يخدعك ويطمنك وممكن علاقة زواج تتبني علي كده وفي الآخر
لا شئ
فمدرسة الحياة ..مليانة بالمتناقضات..محتاج إن ربنا ينورلك طريقة بعلامات ترشدك للطريق اللي ميشدكش فيه قطبي المغناطيس
أتمني تكون وصلت يا صديقي :)
وأسف للإطالة

tarek momen يقول...

معلهش لم افهم قصدك
انهي دماغ اللي بتسالي عن رايي فيها
استدراك للتعليق الأول
لو ماوافقناش مش مهم اعملوا اللي انتو عايزينه بس هانبقي زعلانين شوية علشان مانقدرش نزعل من اولادنا فترة طويلة

Hossam Nasr يقول...

موعدنا غداً لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

26.05.2008

PrInCeSS BeRy يقول...

هاى دودو اخبارك اية

بصى يا جميل بالنسبة لايلى كتبتية انا معاكى انو كلو صح وبشكل كبير بس عن تجربة شخصية بالنسبة لى مفيش حاجة ماما قالتلهالى الا وفعلا كانت صح انا اقعد اقول لا يا ماما وانا عاوزة اعمل دة مش هقلك طول الوقت بعمل زى ماما ما بتقول كدة هكون مثالية بس حجات كتيرة بتكون فعلا رايها صح وسيبالى حرية كبيرة اوى انى اقرر وتقللى الراى وانا اعمل بية او لا اتحمل نتيجتة لانى تخطيت مرحلة العصيان يمكن كل ما بنكبر سنة بنفهم فعلا ان الاب والام همة بس اللى فعلا بيعرفوا مصلحتنا

اشكرك يا دودو

دعاء مواجهات يقول...

- سنو وايت

أشكرك اوى ياقمر على رايك ف البوست

وتصدقى فعلا إن السياسة هى الحل المجدى فى حالات كتييرة جدا

هههههههه تعرفى انا ساعات بعمل كدة اقوول اوكى بس اعمل اللى انا عوزااة

تحياتى ليكى

بجد نورتينى

دعاء مواجهات يقول...

- دكتور بهدوء

هى دى بقى السياسة الى بنقوول عليها

انك تنفذ رغبتك مع الحرص على عدم الصدام او المخالفة

تحيااتى لهدووءك

دعاء مواجهات يقول...

- diyaa

عاجبنى اوى بجد الحوار الدائر فى مدونتى والتفاعل الجامد ع الآخر دة اة بجد والله

واحب اشييد اولا بعقليتك وتعليقااتك المتميزة اللى بتدل عن عقل شغاال بجد مش اى كلاام

ع فكرة انا مش بجامل

وبالنسبة لإنك شايف الهروب حل اوكى بس كلمة يمك وجعتنى اوى

(مش بتعامل مع بابا وماما كتير )

على إعتبار انهم اى حد

نورتنا طبعا

دعاء مواجهات يقول...

- mero

صباحوو أكشن ياعم ميروو

اية ياعم الحوارات والاكشناات دى

انت نااقص تقول نعمل عليهم اضراب

هو انت متاكد انك ابنهم ابنهم يعنى؟؟

ههههههههههههه
بهزر طبعا

تحياااتى لجناانك

نورتنى

دعاء مواجهات يقول...

- foxology

ع فكرة انا كمان مش مع فكرة الإستقلال دى لأن مينفعش نستقل عن أهلنا بمجرد إننا كبرنا

ولا كمان بدعو ليها

أنا مهما كبرت صغير


نورتنى

دعاء مواجهات يقول...

-wa7ed ensan wnsan


وانا هنا من مقعدى احب اقولك انى مبسوطة جدا بالتفاعل دة بين اصدقائى وقراء مدونتى دة اولا

ثانيا انا معااك فى رايك بس متهيالى ميرو بيهزر

صح ياميرو؟؟ بتهزر صح؟

دعاء مواجهات يقول...

- خواطر رئيس شاب

بس بردو بشوية ديمقراطية ولا انت اية رايك

مدونتك جد متميزة جدا وعجبتنى

نورتنى بالزياارة

بييييييس...

دعاء مواجهات يقول...

- همس الأحباب

أولا أحب أشكرك ياخالد باشا على رأيك فى كلاامى المتواضع

ثانيا ياترى تقصد اية بقنوات الاتصال الشرعية؟؟ موبايل - نت - تليفون-إية بالظبط

نورتنى كالعادة اكييد

سلملى على همووسة

دعاء مواجهات يقول...

- اسكندرانى اوى

إية بس يابرنس انت اكيد جيت متاخر

بس ع العموم انا مليتها تاانى انت تؤمر

نورتنا

دعاء مواجهات يقول...

- رئيسة حزب الأحلاام

وهو فى الحالاات دى بيبقى فية نور بردو؟؟

كلنا هذا الرجل

اجمد ياريس

نورتنا ياقمرنا

دعاء مواجهات يقول...

- واحد من البلد دى

أحترم تربيتك لولادك بشدة

وبارك الله لك فيهم جميعا

بس المشكلة انهم بيفضلوا كدة واول ما يدخلوا الجامعة مبيبقووش اولادنا اللى عرفناهم

تحياتى لكلماتك اللى ف الجوون

دعاء مواجهات يقول...

- غير معروف


أعتقد العزيز ضياء رد بما فية الكفااية.......


نسيت ان الكلااام دة ميطلعش غير من الفيلسوف اللى زيك.....

دعاء مواجهات يقول...

- nona

والله يانونا شكلك عسوولة خالص ومطيعة

وهما كمان شكلهم مش بيطولوا ف الحوارات دى

يابختك بيهم

مش بحقد ع فكرة

نورتينى ياقمر

دعاء مواجهات يقول...

- ayman badr

وتشعليقك اجمل يابرنس

انا مش كنت موجودة بس كان نفسى اوى اكوون موجودة

بس خفت ما الاقيش حد يعرفنى مثلا وكمان قولت لما اثبت نفسى تدوينيا الاول

ولا انت اية رايك؟؟

بيييس

دعاء مواجهات يقول...

- عاليا حليم

ههههههههههههههههههههه

حلوة( من يوم ما بقى اب )دى ياقمر والله حلوة

مهى الشماعة المستديمة الخووف والحب

نورتييينى ااخر نووور ياقمر

دعاء مواجهات يقول...

- واحدة مفروسة

سيبك انتى اهم حاجة انك شربتى الليمون وروقتى

دة عندى بالدنيا بوست مين وبتاع ميين

نورتى الدنيا كلها

سلاااااموز

دعاء مواجهات يقول...

- diyaa

انت تقوول وتكلم بكل حرية وراحة

وانا قولتلوا ان ردك كفاية فعلاً

ومش محتاج منى تعليق

تحياتى

دعاء مواجهات يقول...

- tareq momen

كنت اقصد تفكيرى يعنى ودمااغى

ع فكرة حضرتك اب جمييل اوى كفاية انك متتحملش اولااادك يزعلوا منك

ربنا يخليكوا لبعض

تقبل تحياتى

دعاء مواجهات يقول...

-prencess peery

انا تمام ياقمر

ههههههههههههههه

تعرفى انى انا كمان برغم انى بآوح ف الاخر ماما تطلع صح

بس تقوللى اية بقى جيل اخر زمن

نورتينى

سمية يقول...

تنهدت تنهيدة خرجت من العمق قبل ان اكتب التعليق

بصى يا ستى انا تقريبا اعتبر مرحلة وسطية بين الابناء و الآباء

يعنى انا اكبر منك بكام سنة كدة

فلسة سايبة جانب الابناء و انتقلت حديثا الى جانب الآباء

مكدبش عليكى انا كان رأيى زى رأيك كده تمام قبل ما اتجوز و اخلف

المشكلة فى فرق الفكر بين الابناء و الآباء ليست بسبب التكنولوجيا وانما بسبب اختلاف المشاعر بينهم و الدليل على كده زى ما انت قولتى انها مشكلة قديمة من زمان قبل ما يكون فى التكنولوجيا اللى موجودة دلوقتى اصلا

شعور الاب و لام تجاه الاولاد لا يقدره الابناء الا بعد ان يصبحوا آباء

اول كلمة بيقولها اى حد لسة حديث العهد فى الابوه :"والله يا ابويه كان عندك حق .. و الله يا امى استحملتى منى كتير من نشوفية دماغى"

وكأن الاب و الام ربنا خلقهم كدة بيفرضوا رأيهم عشان يحموا كائن ضعيف لا حول له ولا قوة لحد ما يكبر و يبقى زيهم و يقدر كل اللى عملوه عشانه

وارجع واقولك هتقدرى كلامى اوى و تفهمية اما ربنا يرزقك و تبقى ام

تحياتى لك

كاميليا بهاء الدين يقول...

الحوار .. وبكل ود
هو الحل
بمعنى لما تناقشى والدك او والدتك لابد ان يبدأ الحوار بتوضيح منزلته عندك وانك بتحبيه جدا وكل أملك انك تسمعى كلامه ولكن عن اقتناع, واذكرى له انه لا يرضيه ان تكون شخصيتك ضعيفة وانك تتعلمين مرية الرأى والاستقلاليه فى بيته الآن حتى تستطيعى مواجهة الحياه فيما بعد.

الحوار المطعم بالحب والود
وعدم الوقوف فى خانة الضد

هو الحل

والدى ووالدتى الله يرحمهم علمونى كده

تحياتى واحترامى
واشكرك على زيارتى وكلماتك التى تحمل لى احساس احببته من اول حرف, واحببتك ايضا.

كل الود

شادي أصلان يقول...

اولا الامششكلة الي انتي بتتكلمي فيها دي مشكلتنا كلنا
بس خلي بالك في حاجات كتير للأسف - انا بقول للأسف - بيكون كلامهم فيها صح بس مش معني كده اننا نسيبلهم نفسنا
صحيح هيا حياتنا ونعيشها زي ما احنا عايزين ولازم نقفش فييها ونعيشها زي ما احنا عايزنها
المهم ان زي ما انتي قلتي هيا اشكالية الحياه مشكلة متعاقبه بين الاجيال كلهم يعني اعتقد انك انتي كمان لما يكون ليكي اولاد هتعملي معاهم كدا مع اختلاف الظروف الحياتيه
احنا نقفش ونواجه ونعمل الي احنا عايزينه بس نحاول علي قد ما نقدر اننا منقفش قدامهم بتحدي جامد
بوست مميز
تحياتي

حاول تفتكرنى يقول...

عارفة ايه المشكلة
المشكلة ان كل الأراء دي تتبدل على النقيض تماما ، أذا تبادلت الأدوار
وبالفعل الأدوار تتبادل آجلا ام عاجلا

نسطيع وصف هذه الفترة التي عبرتي عنها بمفيش فايدة ، أنها المحاولات المتبادلة بين الطرفين للسيطرة
الأول بالتخلص من كل أنواع السلطات بما فيها السلطة الأبوية ، والثاني بتاكيد هذه السيطرة بدافع الأبوة
والابوة والأمومة دوافع صادقة لا تتغير ولا تتبدل كدوافع أخري مثل دوافع الحب والكرة والمصالح
فالامومة والأبوة دوافع غير قابلة للتزييف أو التقليد
عموما
هناك مقولة شائعة عند علماء النفس تقول
(لا تعلم بدون نضج ) فأذا أدركنا ما تحمل كلمة النضج من معان ، والذي يشتمل على نضج أجتماعي ، ونفسي ، وجسمي ، وعاطفي ، وفسيولوجي

فمن يصل إلى مرحلة النضج ( يبقى هو الصح )
ولقد اثبت العلم الحديث أن الإنسان يصل لقمه نضجه فى جميع النواحي السالفة الذكر فى سن الاربعين

يعني معظمنا بلا استثناء لم نصل بعد لهذه المرحلة من العقلانية

تحياتي

غير معرف يقول...

ده اقل واجب والله يادودو بعد الجرعة المدونية دي كلها ده انا حاسس انه فيه حد عايش معايا وحاسس باللي بيجرالي وبيجري جوة كل بيت مصري
بجد كلام جميل من بني ادمة اجمل ولو عاوزة رايي بصراحة التنفيض هوا الحل فعلا يعني نسمع من هنا ونجرخ الكلام ف وقتها من هناك -الناحية التانية يعني- ومش مهم بقي العواقب المهم عندي اني اجرب وافهم واغلط عشان اتعلم هما يعني الاباء والامهات اتولدوا لقوا نفسيتهم عارفين كل حاجة ولا ايه؟؟؟؟؟؟؟؟ده حتي مفيش كده ابدا والغلط كل الغلط ف رايي المتواضع ياكبيرة اننا نمشي ورا كلام الغير من غير مناقشة ولا تفكير ولا حتي نقول بم والا هنبقي زي الناس الوحشين دول بتوع النشرات الحكومية من نوعية بالروح بالدم نفديك ياكبير وربنا يخليك لينا ويجعله عامر بحسك يازعيم والكلام اللي مالوش معني ده وتحياتي وبلاش قبلاتي ليكي يااحلي مواجهات ف الدنيا وخليكي فاكرة دايما انه التنفيض هوا الحل مش حاجة تانية
اخوكي وصديقك الانتيخ:هيما كوووووول

Desert cat يقول...

مشاكل الحياة جعلت كل واحد فى وادى الاباء يشتغلوا ليل نهار لتوفير مستلزمات اودلاهم والاولاد مفتقدين للحوار المتبادل وبالتالى يحدث التباعد
يمكن المشكلة قديمة زى ما قولتى يا دعاء لكن زادت عن حدها فى الفترة دى
عموما محتاجين نقرب من بعض شوية يعنى الاباء والاولاد
تحياتى

الـجـدة فـصـيـحـة يقول...

السلام عليكم ورحمة الله وبركاته

أوافقك تماما ان الأختلاف بين الأجيال مشكلة قديمة قدم الحياة ذاتها وليست مرتبط لا بتكنولوجيا ولا خلافه وإن كانت التكنولوجيا ساعدت على توسيع الفجوة بين الأهل والابناء لبعد الأباء عن التكنولوجيا ومحاولة إستيعابها وقرب الأولاد منها بلا وحصر حياتهم فيها ..
ونقطة أخرى توسع الفجوة بين الطرفين في السابق كان هناك خلاف ولكن في نفس الوقت كان هناك احترام من كلا الطرفين للأخر
كان هناك مساحة من التفاهم والمحاورة لم تعد متوفرة الآن ..

الحل إذًا في ان يعود الحوار والأحترام ومحاولة احتواء كل طرف للأخر ومعرفة ما له حقا وماعليه
فدور الأهل ليس في الحكم والسيطرة في المطلق
والابناء ليس عليهم التمرد والإنفراد بالرأي في المطلق


تحياتي

هيما كووووووووووول يقول...

اخيراااااااااا ابراهيم ابن المعلم-اسف قصدي المهندس محمد- عمل حساب علي جوجل يامينز ايه ده ده ولا كاني كنت بفتح عكا !!!!!!!!!! المهم انا عملت حساب خلاص وفوقتلكم يامدونين ياواكلين قوت الغلابة هههههههههههه اشطاط كده يادودو بس عاوز اشارك بموضوع في مدونتك ممكن ولا ده موس ممكن خبيبي لو ممكن ياريت تردي علبيا وتقوليلي اصله موضوع حراق اوي ونفسي اطرشه ف مدونتك انتي وبس وعلي فكرة مدونات كتير بتجري ورايا عشان الموضوع ده لكن انا قلت ابدا لا ينكن دودو عاملة مدونة وانا اروح انشر بره عند الغربا شلت يداي قبل ان اضغط pasteف مدونة الغير
ردي عليا بقي يامعلمة قريب وان شاء الله الموضوع يعجبك ويعجب كل اصحابك اللطاف الظراف الخفاف الجامدين اوي دول يارب سلامنجة ياحبوبة بقي

سندباد يقول...

زيارة اولي
للمدونة حق الاحترام والتقدير
الاختلاف دائم ومستمر وسيستمر فهذه طبيعة البشر كل منا يصمم علي الانه الاصح والافضل والاحق بالاتباع خلق الانسان غرورا دي سنة اليحياة وطبع البشر
احييكي علي البوست وعلي المدونة
تحياتي

غير معرف يقول...

سلااااااااااااااام عليكم
الصديق العزيز رد فعلا بس مش عشان احنا اختلفنا او ان كلامه مش عاجبنى بالعكس لاكن كان هناك اختلاف حول دور والمعنى الراسخ لدى الكثير وهو ان مدرسه الحياه لا تقوم سوى بالدور السلبى يعنى اقصد انا لا اختلف مع الصديق ضياء وقريبا جدا ستكون هناك علاقه صداقه واحترام بينا فبلاش تحاولى توقعى بينا انا وضياء
وطبعا كل الشكر للصديق ضياء لتصحيحه الخطاء الذى وقعت فيه سهوا ودون قصد
وهناك شىء اخر الا تتفقى ان الحياه قد تقوم فى بعض الاحيان تعطينا الجيد وما يفيدنا......
والشى الاخطر والاهم والذى لم تنتبهى له هو اننا على مدونه وليس منتدى او حوار سياسى حتى نروج لأرارئنا السياسيه وهذا مع وقع فيه اولا واحد من البلد دى ثم انتى بسكوتك وثالثا وليس اخيرا الصديق ضياء ايضا عندما استطرد فى الحديث عن الرؤيه الخاصه لاسامه بن لادن من وجهة النظر الغربيه
هههههههههههههههههه مين الفيلسوف ده
هو كل واحد يقول كلام مش عاجبك يبقى فيلسوف ههههههه زى ما كنتى بتقولى ديما على الواد نور الصباح الغلبان هههه مع انى احيانا كنت بتفق معاه وسعات بختلف معاه لاكن رايه كان يحترم القصد بقى دى مش فلسفه وهقول تانى
لثالث مره البوفيه فاااااااااااااضى
لو ركزتى شويه ممكن توصلى وتعرفى انا ؟
one of the day you will me

غير معرف يقول...

الآن فقط
سأنحني احتراما واخفض رأس تواضعا وأرفع قبعتي اجلالا وتعظيما لهذا الرجل الواعي جدا المستنير جدا جدا الذي قال هذا الكلمات
والذي اختصر لي كثيرا من الوقت الذي كنت خصصته لهم بعض مما يدور حولي

أنا لا أبث فيك شحنات الاحباط .. ولا أدفعك لليأس .. ولا أوسوس لك في أذنيك بأنك تنفض لكل حاجه
لكنه الواقع المرير والحقيقه القاسيه كعادتها تخرج لسانها لك .. وتقولك .. مفيش فايده .. مفيش حل

آسف جدا
نسيت أقول السلام عليكم
سلامي وتحياتي
مبروك علي النيولوك الجميل ده
والبوسن اللي زي العسل ده
فعلا .. فعلا
مواجهاااااات شرسه




أحمد سلامه

رئيس جمهوريه نفسى يقول...

اولا الحمد لله رب العالمين لم اعانى من تلك المشكلة كان كل قرارتى من ارده حره مستقله طبعا
ثانيا: المشكله انى اعلم ابنى اساسيات لحد سبع سنين اتابعه لحد 16 سنه واكون لصيق بيه بعد كده اراقبه من بعيد واتدخل بالنصح والارشاد مش القهر

Diyaa' يقول...

في سوء فهم يا بنت الحلال
صعب أشرح في تعليق تاني :(
هبقي أشوف ميلك في الدستور اللي عندي وأفهمك علي رواقة
بس أخلص امتحانات
سلام

نشأت العمده يقول...

المهم يكون فى تفاهم مش سيتره من جانب الطرف الكبير بسبب انه معتقد انه الاكبر وهو صاحب التجارب الكتيره

الإتربي اللولبي يقول...

أواجهك و اقول لك إنك نسيتي حل مهم

" اللولبيه "

نظرية تلولب تنجح .. على غرار فرق تسد .. م الآخر إدي لابوك أو ولي أمرك على دماغه بالحداقه و ده أسلوب تمت تجربته و نجحت بنسبة 40 % .. و الحمد لله إن فيه نسبه أساسا .. يعني بتنجح في حاجات و حاجات .. بس و الله نجحت في حاجات قااااااااااااتله

جربوها و مش هاتندموا

دعاء مواجهات يقول...

-سمية

أنا فاهمة وجهة نظرك اوى

ولو ربنا ادانى العمر

وكنت ساعتها لسة فى وسط التدوين لااااازم اتكلم عن تجربتى وقتها

سلااااااام ياقمر

نورتينى

دعاء مواجهات يقول...

- كاميليا

(الحوار المطعم بالود والحب )

تعبير جميل اوى بجد ولية معانى كتير اوى بجد لو اتحققت هيبقى دة الحل الأمثل


بجد انتى طلعت اجمل ما انا كنت متخيلة بكتير

واكتر ما سمعت كلااام كتيير عنك

بحبك اوى

نورتينى

rovy يقول...

حبيبتى دعاء لا تظلمى ابواك
كنت زيك كده و كان ابى الحبيب رحمه الله دايما يقولى مش حتفهمى ولا تحسى ان اى حاجه بنقولها او نعملها معاكى اكيد لأننا بنحبك قوى وخايفين عليكى قوى قوى الا لما ربنا يكرمك و تبقى ام .
بصراحه عمرى ما حسيت بمعنى كلامه غير لما فعلا بقيت ام وحسيت اد ايه كان هو وماما ربنا يخليها خايفين عليا انا واخواتى جدا واى حاجه قالوها او عملوها كانت لأنهم بيحبونا ولاننا اغلى حاجه فى حياتهم .
احيانا بنبالغ فى خوفنا انا معاكى بس لو فهمتى ان ده علشان بيحبوكى حتقدرى برضه تقنعيهم برأيك لو صح وده برضه لانهم بيحبوكى .
دمت بخير ..
تحياتى
rovy

دعاء مواجهات يقول...

- شادى أصلااان

حلوة للأسف بيطلعوا صح دى

ولما الأسف ياكبيير....

وصح فعلا اننا مندخلش معاهم فى ندية

وانا مقولتش كدة بس اقصد ان كل واحد مننا ميهربش من التانى او انة يتكلم معاة حتى

اصلى شوفت النماذج دى..

نورتنى اوى اوى ياكبيير

دعاء مواجهات يقول...

- حاول تفتكرنى

ههههههههههههههههههههه

الأربعين تمااااام كدة

يبقى هو دة السبب بقى

تمام كدة

انا كدة إرتحت

نورتى

دعاء مواجهات يقول...

- هيما كوووووووووووول

إية ياعمنا دا انت فااضل تقوول هعمل حزب هيما وشعاارة (التنفيض هو الحل)


تعرف لو عملتوا انا معااك ياريس
وكلنا وراك بالرووح والدم

ههههههههههههههه

وبعدين انت بتستاذن تكتب فى مدونتك ولا اية دا بيتك ياكبيير ومفتوحلك ف اى وقت بس خدلى بالك وبلااش تنااطح اوى لااقع انا فيها ف الاااخر

ابعتلى الموضوع ع الميل وكلو يبقى تمام

اى خدمة

سلاااااااااموز

دعاء مواجهات يقول...

-desert cat

اكيد قديمة واكيد محتاجين نقرب

وفعلا المادة عامل مهم جدا

للأزمة كلها

تحيااتى لكلااامك

نورتينى فعلا

دعاء مواجهات يقول...

- الجدة فصيحة

وعليكم السلام ورحمة الله وبركاتة

تشريفك ليا بجد اسعدنى جدا

ورايك فى منتهى الحكمة والعقلانية

اتمنى ان نحاول تنفيذة فى واقعنا

تحيااتى ليكى اوى

نورتينى بآرائك

دعاء مواجهات يقول...

- sendbad

واتمنى متكونش الزيارة الاخيرة

واشكرك جدا على رايك

واتمنى اكون على قدرة

شرفتنى زيارتك

دعاء مواجهات يقول...

- هيما كووووول

ردينا علييك بقى هى شغلاااانة


الف مبروك يابرنس ع الحسااااااب

وورينا بقى مشاركااتك

بييس

دعاء مواجهات يقول...

- غير معرووف


مش قولت فيلسوف ..........


ممكن متجييش هنا تاانى

دعاء مواجهات يقول...

- أحمد سلامة

ديما منورنا وراافع من معناوياتنا كدة يا أبو حميد

انت فينك اختفيت فجأة

ميرسى ع رايك بجد دا

دا أقل حاجة عندنا

هههههههههههههههههههههه

كويس انك اخدت بالك من النيو لوك

تحيااتى

دعاء مواجهات يقول...

- رئيس جمهورية نفسى

بعد غياب عننا بوستين

نورت الدنيا كلها طبعا


( وليس القهر)


والنبى تقولهم بقى وتشدد عليها اوى وتكررها كتييير

تحيااتى ليك بجد

دعاء مواجهات يقول...

- diyaa

ههههههههههههههههههههه

اوكى

وانا مستنية توضيحك

بس ركز ف المزاكرة اهم حاجة الوقتى

(ربنا معااك وينجحك ياااارب ويعينك ويعين كل اخوااتى اللى بيزاكروا ويمتحنوا سواء ثانوية او كلية)

تحياااتى لييييك

دعاء مواجهات يقول...

- ابن الإسلام

السيطرة

هى دى

هما مسيطرين من منطلق اننا بدونهم منقدرش نعيش صح يعنى السيطرة المادية اكتر منها معنوية صح؟؟؟


نورتنى بجد فينك من زماان؟؟؟

دعاء مواجهات يقول...

- الإتربى اللولبى

(اللولبية هى الحل- ادي لولى امرك ع دماغة- تلولب تسد )

اية ياعمنا هى مش دى بردو مدونة ولا انا دخلت باار كيداهم غلط

لولبية مين بس وبتاع مين

دا انت نااقص تنافس الواد الدكتور هيما كوووووول وتعمل حزب منافس يرفع شعاار اللولبية هى الحل

وعموما لو دة حصل

سورى يعنى

انا مع اخويا الكبير مقدرش اسيبو......

تحياتى للولبيتك....

وطبعا نورتنى

دعاء مواجهات يقول...

- rovy

ياحبيبة قلبى انا والله مش بظلمهم وعارفة ان كل حاجة بدافع الخووف والحب بس بردو من حقنا نجرب ويبقى عندنا خبرات زيهم

للأسف مش بيتيحوا لنا الفرصة لإكتسابها

صدقينى انا مش ضدهم ولا ضد حبهم بالعكس

بس لااازم يكون لينا مواقف واراء فى الاشياء اللى تخصنا ليس فقط اداة لتنفيذ الأواامر

ولا اييية ياقمر؟؟؟؟؟

شرفتيينى للغاااااااية

بييييييييس

إبـراهيم ... يقول...

في البداية إحساس حلو لما يكون الواحد تعليقه رقم 100 ، عيني عليكي باردة يا دعاء مواجهات طبعًا ........

إزيك، وعاملة إيه الأول ؟؟؟
طبعًا إنتي بتتكلمي ف قضية ومشكلة من أخطر ما يواجه الشباب في الوقت الحالي والراهن، والموضوع اللي كل واحد فيه له تجربة خاصة، وطريقة في التعامل والحرية والديمقراطية، أو التسلط والديكتاتورية وفرض الرأي ، وفكرة إن اللي بيسمع الكلام هوا المحترم والكويس، في حين أعتقد إن الزمن القادم زمن ولادك وولادهم كده هيكون مختلف جذريًا والبركة في كل ما حولنـا
..............
مممممممممممممممم
أكيد هيكون فيه "فايدة" ..لولو نسبية ف الآخـــر ....

وربنا المستعان، وشكرًا على موضوعك الهام جدًا ده

غير معرف يقول...

هااااى دعاء ....ازيك ؟؟.....موضوعك بجد جميل , ومشكلة كل بيت ,ومشكلة كل الشباب فى التعامل مع الاهل ....بس تعرفى ؟؟ لا كده عاجب ولا كده عاجب ؟!.....بمعنى لا الحرية فى الحوار نافعة ولا التسلط وفرض الراءى نافع.....عن تجربة شخصية الكل بيقولك احنا واثقين فيك و فى تفكيرك و قراراتك و سايبنك تجربى , بس مع المراقبة عن بعد .....تعرفى ان ده بيرهق جدا , وباحس انه لوود عليك فعلا , لانك لازم تكونى قد الثقة دى , ويكون ذهنك حاضر باستمرار , و تفكيرك واعى .....تعرفى ان بيجلى اوقات عاوزة انه يتقالى اعملى كذا وخلاص .....تعبت من المسئولية دى و حاسة انها كبرتنى عن سنى .....شفتى ازاى ؟؟!! مش بقولك ما فيش حاجة بتعجب !!.....سورى طولت عليكى .....مع ارق تحياتى ليك .....سلام ( د/ داليا).....سلام

Hosam Yahia حسام يحيى يقول...

مبروك على التصميم الجديد الاول


طبعا اظن ان الاختلاف ده لابد منه

Diyaa' يقول...

متشكر لدعوتك الجميلة
يسمع منك ربنا :)
مش ذاكرت النهاردة :(
صبرت كتير وجيت أخر سنة هيست
يلا ربنا يستر
سلام

غير معرف يقول...
أزال أحد مشرفي المدونة هذا التعليق.
صيدلانيه طالعه نازله يقول...

الحل انه شيل ده من ده يرتاح ده عن ده
لانه مفيش فايده لانه مهما حصل كل واحد بيصر على رأيه للاخر و خصوصا الكبار اللى بيعرفوا يتحكموا بوسائل كتيره
زمان كنت دايما اتخانق مع ماما و بابا و كنت انشف دماغى معاهم
بعد الجواز ربنا خلص تار اهلى عن طريق ولادى و لقيت نفسى بعمل معاهم اللى اتعمل معايا علما ان ولادى 5,8 سنوات يبدو ان دى عقده متوارثه عند كل البهبهات
سؤال:انتى دعاء مواجهات بتاعه ضربه شمس
انا بتعجبنى كتاباتك لخالد جدااا

.:.-=- ELGaZaLy-=-.:. يقول...

هههههههههههههههههه

الله يرحمك يا سعد...عارفة المقال جميل بس هى دى سنة الحياة وفى بدال الحيل الى ذكرتيها دى الاف ,,,المهم ان فى الاخر مش هايعجب اى حد غير بنفسة

اتفقنا على الا نتفق

.:.-=- ELGaZaLy-=-.:. يقول...

هههههههههههههههههه

الله يرحمك يا سعد...عارفة المقال جميل بس هى دى سنة الحياة وفى بدال الحيل الى ذكرتيها دى الاف ,,,المهم ان فى الاخر مش هايعجب اى حد غير بنفسة

اتفقنا على الا نتفق

دعاء مواجهات يقول...

- إبراهيم معايا

انا تمام ياكبيير

وانا اللى بشكرك على تشريفك ليا بجد

ورايك وكلاامك صح فى حالة الفهم الصحيح من كلا الطرفين

نورتنى

دعاء مواجهات يقول...

- إبراهيم معايا

آىة نسيت أقولك انى عاملة هدية للمعلق رقم 100

اتفضل خدلك 2 زجاجة عصير مانجة من التلاجة برة

مبروك عليك التعليق رقم 100 ياكبييير

بيييييس

دعاء مواجهات يقول...

د\ دليا

حبيبة قلبى انتى تطولى زى ما تحبى

ثانياً فعلاً كلامك ممكن فى حالات كتير اوى يكون صح بس فى نفس الوقت بيعودك انك تكونى مسئولة ودى مش بتتاح لأى حد يعنى نحمد ربنا بقى ونقول الحمد لله ع الحرية

نورتينى ياقمر

دعاء مواجهات يقول...

- حسام يحيى

الله يبارك فييك المهم يكون عاجبك

صح الكلام لااازم يكون فية اختلاف بس المهم انة ميكونش اختلاف لمجرد الإختلااف ولا إية؟؟؟

نورتنا ياكبير

دعاء مواجهات يقول...

- diyaa

يااااة فكرتنى بايام المزاكرة مع انى لسة سيباها السنة الى فاتت بس

بس كأنى سبتها من سنين تصدق وحشتنى

تحب آجى أذاكر بدالك شوية؟؟؟


انت تؤمر

ربنا معااك

دعاء مواجهات يقول...

- صيدلانية طالعة نازلة

ههههههههههههههههههههه

حلوة شيل دا من يرتاح دا عن دا

بس تقصدى اية ياترى اننا نبعد عن الحوار معاهم ولا نسيب لهم البيت؟؟؟

أيوى ياجميل انا دعاء مواجهات بتاعت (ضربة شمس الدستور)
شرفتينى

دعاء مواجهات يقول...

- elgazaly

تعرف المشكلة ف النقطة دى اية بقى ان كل طرف معندووش استعداد يسمع اصلا للتانى لانة شايف نفسة اكتر حد صح فى الدنيا

نورتنى

GOLDEN B0Y يقول...

انا رأيى الحل
هو الاسلام

لو اتبعنا دينا صح

هنلاقى الحل

تقبل تحياتى :
ROONEY

أبو خالد يقول...

أبنتى الفاضلة/ دعاء مواجهات
مبروك أتنشر لك رسالة فى الدستور العدد
الأسبوعى صفحة خالد كساب
دمتى إنسانة راقية التفكير

غير معرف يقول...

بصي الواحد ليه معرفش بحس انو شايف ابوه وامه لى طول اعداءه وهما على طول حاطين فدماغتهم ان ابنهم ولا بنتهم مش عايز يعرفهم

حاجة تخنق انا خلاص هقدم شكوى لهيئة الامم لمناصرة العيال :0))

تحياتي

drpharma يقول...

لازم يكون فيه نظره شموليه في الحوار

Tamer Nabil Moussa يقول...

مشكلة كل وقت

بين الاجيال

ولا اعتقد انها تنتهى لو عملنا ليها مئات الابحاث

دة راى

على فكرة شوفت ليكى فى اخر كلمتين لخالد كساب

تحياتى

Diyaa' يقول...

بصي ..أنا كان المفروض أسيب المذاكرة من سنتين :))
فمعلش مش هتفتقديها كتير لما تلاقي حاجة تعمليها بتحبيها
وبالنسبة للعرض الكريم ده
هزنقك بشياكة
بصي
الصورة الأولي لأسلوب فض تنازع القوانين ذات الطابع الدولي في ..إلخ
انفراد بلد القاضي بالأختصاص التشريعي في مرحلة نشوء الحق
" لحد دلوقتي كلام يتفهم "
إن ما يشخص هذه الطريقة من طرق توزيع الأختصاص التشريعي بين مختلف الدول أولاً...


بس خلاص بقي كفاية عليكي كده
لو إنتي مش حد قارح في العربي
صحفية قديمة..أو محامية بقالك 20 سنة خدمة
أو قاضي أو حتي كاتب جلسة في المحكمة
أو خريجة أزهر فهم مش حفظ
أو بالميت أوي أداب لغة عربية حب مش شهادة بتتعلق علي حيطة
يبقي مش هتفهمي معني " يشخص " في الجملة دي واللي مبني عليها 10 صفحات في الكتاب واللي هديلك جايزة لو عرفتيه :))

أصل بعيد عنك الدكتور جاي من اليمن وقافشة معاه أوي يتكلم عربية فصحي من اللي تثبت إنه مش قزعة ولا معقد ..لأ إنه متميز وعالم وخبير واللي جاب لمصر اللي مجابهوش أحمد زويل لأمريكا
جاتها نيلة اللي عايزة شهادات :))
سلام بقي..ذاكري لأخواتك شكراً :))

Diyaa' يقول...

الدكتور ده بيفكرني بالعربي اللي كنت شاطر فيه..فاللي بيحصل إني بفضل أترجم وأجمع كلامه عشان يبقي كلام بسيط أكتبه بسرعة في اللجنة..يعني مش امتحان قانون..ده امتحان لغويات..كتابه كله كده ..نصيحة لما يبقي ليكي أولاد..ابعديهم عن سكة حقوق
مالها سياحة وفنادق :))

Eno يقول...

دعاء اول مره اجيلك :)
موضوع في الصميم
بس هتصدقيني اني مش حسيت اوي اللي بتتكلمي عنه عن تجربتي الشخصيه طبعا

لاني اهلي من النوع اللي مش بيحبو يفرضو عليه حاجه
ولو حصل وفرضو عليه حاجه عشان مصلحتي بيدوني مساحه اني اقول رئي ولو مقنع بيخدو بيه
تحياتي ليكي :)

.:.-=- ELGaZaLy-=-.:. يقول...

دعاء ربنا يكرمك يارب

عارفة انا استقليت عنهم من زمان اوى اوى ...
من وانا فى اعدادى وانا بشتغل وبعمل مشاريع صغيرة كدة
ورغم حبى لامى الشديد بس هي احترمت رغبنتى فى ان استقل بحياتى ..

ربنا يرحم والدى ...

ربنا يكرمك يارب ...تحياتى
والمدونة جميلة اوى

الدرعمي يقول...

السلام عليكم

في أول زيارة

اسمحي لي احييك على تدويناتك الجيدة


والحل في المصاحبة

يعني منخلهاش محكمة الأب قاض والأم مستشاره

والأخ الكبير حاجب

والصغير عسكري

واحنا المتهمين اللي بندخل معاهم في مداولات

لإثبات براءتنا مما هو منسوب إلينا من تهم

كعدم معرفة مصلحتنا

بل الحل أن نصاحب آباءنا وأمهاتنا

فنشاورهم ويشاوروننا

ونجعل الثقة المتبادلة بديلا لعدم الثقة في إمكانياتنا أو في حكمتهم ودرايتهم بأمور عصرنا من جهة

تحياتي


آدم

الطائر الحزين يقول...

ربوهم لسبع وادبوهم سبع وصاحبوهم سبع

ثم اتركوا لهم الحبل

غير معرف يقول...

الحل من وجهة نظري اني اتحاور معاهم ولو ماقتنعوش بكلامي اسمع كلامهم للاخر وبرضه اعمل الي انا مقتنع بيه سهله جدا

دعاء مواجهات يقول...

- golden boy

انا معاك اوى على فكرة

بس بمعنى الرجوع للقيم والمعانى الفاضلة وليس بمعنى الإخواان

نورتنى

دعاء مواجهات يقول...

- والدى العزيز أبو خالد

ياخبر بجد انا فى قمة سعادتى ان حضرتك تزورنى وكمان تعلقلى ياخبر دا انا كنت اتمنى دة من زماان

سمعت عن حضرتك كتير وبجد كنت ناوية ازورك بس دائما انت سبااق

لو قولت ان حضرتك نورتنى بجد تبقى كلمة قليلة للغاية ولم توفى ما اشعر بة من سعاادة غامرة بجد

نورت انوار مدونتى المتواضعة

دعاء مواجهات يقول...

- نورة الخشن

حبييب قلبى

انتى فين يابنتى من زمان بجد مفتقداكى اوى اوى وى

بحبك ياوحشة وانتى ولا بتسالى

نورتينى كعادتك

بييس

دعاء مواجهات يقول...

-dr pharma

بمعنى ايه نظرة شمولية لحوار؟؟؟


شرفتنى

دعاء مواجهات يقول...

- tamer nabil

كدة بقى تبقى ركزت

خليك ع كدة بقى يامعلمى


اشطاط

دعاء مواجهات يقول...

- diyaa

لالالالا

ياعمنا


احنا بس بنعزم من زوقنا انت هتدبسنا ولا ايية؟؟؟

انا فعلا بزاكر لإخوااتى بس مزاكرتى ليهم مش بتعجبهم

عندك مثلا ميرو فى الثانوية

زاكرتلها مرة عربى فلاقيت نص مش مهم قولتلها الغية اتضايقت وانزعجت منى ومن يوميها وهى خايفة على مستقبلها منى

معرفش ليية

ربنا معاااك

منورنى ديما

دعاء مواجهات يقول...

- eno

انت بتقوول كدة عاوزنا نحقد يعنى ولا اية؟؟

عموما ربنا ييسرلك الامور ديما معاهم

وتفضل كدة ديما

ميرسى اوى ع رايك ف المدونة

اشطااط

دعاء مواجهات يقول...

- elgazaly

اهم حاجة انهم يكونوا راضيين عنك وبيدعولك

وميكونش فية اى مشااكل

تحياتى لييك

وميرسى ع رايك ف مدونتى

نورتنى اوى اوى

دعاء مواجهات يقول...

- adam

تعرف بقى حكاية المصاحبة دى فعلا مهمة جدا بس مش كل الآباء بيفهموا انها لمصلحتهم بعضهم بيعتقدها مضيعة للهيبة والوقار

معرفش ليية

نورتنى

دعاء مواجهات يقول...

- الطائر الحزين

اتركوا لهم الحبل...؟؟؟

بمعنى انعدام الرقابة ياترى ولا الثقة المحكومة؟؟؟


تحيااتى لييك

دعاء مواجهات يقول...

- المثقف

اة يعنى انت شايف نسمع وننفض صح؟؟؟

لا بصراحة انا مش معااك لأن المفروض قبل مرحلة التنفيض نحاول نقنعهم بردو ولا إيية؟؟

نورتنا

المـــفـــــــقــــــــوعـــــة مــرارتـهــا يقول...

للأسف انا فوجئت بنفسي مع ابني الكبير في الحالة دي اللي فيها بأمره جايز عشان لسة صغير وخايفة عليه من قراراته الغلط
ابني في كي جي تو علي فكرة
بس احيانا بيحكم رأيه في حاجات ممكن تأذيه احاول اقنعه مابيقتنعش فابأضطر اقهره واغصب عليه وانا زعلانة من نفسي

دعاء مواجهات يقول...

-المفقوعة مرارتها

بكرة يكبر ومتدريش تقهرية

العكس هو اللى هيحصل اكييد

نوتينى ياقمر

تحياتى