الجمعة، أبريل 11، 2008

رئيسة جمهورية نفسى

رئيس جمهورية نفسى

ورأست جمهورية نفسى
أبداً .......................
لن أتنازل عن الحكم ِ
ولن أسير سوى على
دستورى أنا

لا.......
بل سأمزق الدستور
والقانون
والأشرعة

سأمحو حتى الأزمنة
سألغى التقاويم
والأترخة....

ولن أتنازل عن الحكم
لا لن أتنحى
مهما حدث....
لا نكسة تنحينى
ولا جوع شعبٍ يعنينى

فأنا ملكى أنا ...
لن أدعهم يخصخصونى ...
أويقسمونى أسهماً....

فأنا الرئيس...
أنا رئيسى أنا
فهل يتركوا لى الحكم
بعد طول إستعبادٍ

بعدما فااض المكيل وأكثرُ
لا لن أطالب بالإعانة
لن أدعهم يصفوننى
بالإستكانة....

وكل ما أبغية
أن أحكمنى أنا.....
ولو ليومٍ واحدٍ
أن أحكم ماتبقى
لى من لحظاتٍ فانية

آآةٍ لو حدث......
لغيرتُ
تاريخ الكرة
وبنيت ملعباً
ولعبتُ فية بمفردى

وأتيت أهدافاً
لم يأتها ماهرُ
آآآةِ لو حدث

لبعتُ هذا الشعب
عند أول منعطف
وأكون قد ربحتُ
بمفردى

آآآآآآة ٍ لو حدث
لأعدتُ رسم الخارطة
ومحوت شطئااناً
وأتيت ببادية

آآآآآآآآآآة لو حدث
لأعدت عمراً وصلاح وخالداً
من موتهم
فيقيموا هنا
بداخلى

آآآآآة لو حدث
لقتلت ضعفى
وصرخت بوجهة( )
ولقلت لة كفى
يكفيك حكماً
وإترك لى فرصة ً واحدة

آآآآآآة لو....
لم أفق من نومتى هذى
لكنت سويت أهوالاً هائلة






هناك 73 تعليقًا:

محمد صبحى يقول...

إهدى والنبى كده يا أبو دومة

مش عايزين أحلام اليقظة دى
أخرتها وحشة صدقينى

بإذن الله النور راجع والنهار جاى قريب قوى

تحياتى ليكى يادعاء

غير معرف يقول...

حقيقة وبدون اي مجاملة القصيدة عجبتني جدا بما فيها من ايحاءات واسقاطات والتعبير عن احباطات الواقع والرغبة في الحرية القصيدة يا دعاء بتعبر عننا كلنا
تحياتي وتقديري هاني فؤاد

غير معرف يقول...

اهم حاجه اوعى حد يسرقك او يخصخصك اوعى تجيبى رئيس وزراء ينظفك وكلى تفاح كتير علشان فى حديد قبل ما حد يحتكره

ayman badr يقول...

اهم حاجة عشان تبقى فى التمام تمسكينى وزارة المالية وأنا هخليهالك زى الفل وأسدد الديون- اللى عليّا طبعا- وبعد كده يسهلها ربنا
مش هتزورينى فى المدونة تانى ولا ايه فيه بوست جديد أخيرا
تحياتى

أحلام عمرنا يقول...

حامده يا دودي وجريئه
عجبتني اووووي
حنتظرك في مدونتي

رئيس جمهوريه نفسى يقول...

انا بعترض وبشجب وبستنكر
المفروض انى انا الملهم وجيت على ميعاد نزول القصيده مش لقيتها ده ضحك على الذقون
بس بجد والله عبرتى عن مضمون ومعنون الاسم الى انا اخترته بجد روعه قوى
ياريت تفكرى تشيلى البتاع بتاع الحروف ده الى فى التعليقات

واحد من البلد دى يقول...

مع إن حضرتك ما عبرتنيش.ونازلة فيا تطنيش .لكن برضه حاعلق...الحمد لله إنك فوقتى من النوم..بدل ما كنتى تتبتى فى الكرسى وما ترضيش تسيبيه ولا بالطبل التركى حتى.وفى الآخر من خنقتك من نفسك ......؟؟؟؟؟؟؟؟؟؟تغتالى نفسك..وتحرمينا من المواضيع الجميلة دى......تحياتى البالغة

أسير الجراح يقول...

مش عارف اعلق بس يكفى انى اقولك ابدعتى فى كلامك تحياتى ليكى (اسير الجراح)

moood يقول...

هايل يا ريسة
في انتظار مواجه جديدة

أسامة أمين يقول...

ايه الحلاوه دى .. الفكره جميله اوى وطريقة التعبير عنها اجمل .. اشطه عليك يا دؤدؤ .. من حلو لأحلى

دعاء مواجهات يقول...

أبو دومة مين؟؟ فية حد هناإسمة كدة؟

يا جماعة الى إسمة أبو دومة هنا يرد ويعترف ..........

إشطاااااااااااااااط

وهحلم بردوو

دعاء مواجهات يقول...

هانى فؤاد

رأيك بجد بيهمنى وبيفرق معايا جداً وبجد بشكرك على دعمك وآرائك الجامدة دى فعلا

وبجد إنتوا اللى بتعملوونى

دعاء مواجهات يقول...

غير معرووف

ياباشا الحديد كلو عندنا آة واللهى والنايب بتاعى كمااان

عندك اى إعترااااض؟؟؟؟؟؟؟؟؟؟؟؟

دعاء مواجهات يقول...

ayman badr

دا إنت جنابك تؤمر وتأشر بس عاوز وزارة واحدة بس؟؟؟؟

لأأنا فى حكومتى همسك كل واحد وزارتين علشان التوفير ماااشى........

دعاء مواجهات يقول...

احلام عمرنا

دا أقل حاجة عندنا

لالا بهزر طبعا بجد ميرسى على رايك وانا جاية حالا ف السكة .......

دعاء مواجهات يقول...

رئيس جمهورية نفسى

البرنس الكبير أنا عارفة إنى منزلتهاش وقت ما قولتلك بس صدقنى ظرووف عائلية وكنت مسافرة

- وانا هنا من مقعدى أحب أعترف وأقوول لكل الناس

(ياجماعة الملهم الأول للقصيدة دى هو الباشا اللى أودامكم دة صاحب مدونة رئيس جمهورية نفسى وكمان هو اللى شجعنى وصرحلى بالإسم وبجد بشكرة لأنى بمجرد ما قرأت إسم مدونتة جاتلى فكرة القصيدة )

وتانى بشكرك ياباشا...

دعاء مواجهات يقول...

واحد من البلد دى

يابرنس أنا أصلا ولا أقدر أطنشك

بس كل الحكاية انى مكونتش بدخل اليومين اللى فاتوا بس

سامحنى بجد وشكرا اوى ع رايك..

دعاء مواجهات يقول...

- أسير الجراح

وصلنى إحساسك بالظببط
بس

بصراحة زعلانة ليك بلاااش تأسر نفسك ف جراحك وتتعب نفسك

تحياتى لييك

دعاء مواجهات يقول...

mood-

حلوة ريسة دى

لالالا انا كدة هتغر وافكر ف الموضوع بجد بقى بس انتوا اللى تتحملوا تمن غرورى بقى .

دعاء مواجهات يقول...

- أسامة أمين

ميرسيهات يا أوسى باشا

انت فينك بس اموت واعرف مشغوول ف إية؟؟

عموما ربنا معااك

مدحت محمد يقول...

عارفة يادعاء
هى الحرية
حرية اتخاذ القرار
والحرية فى كل شىء
مما سوى الله طبعا يعنى
هتبقى رئيسة جمهورية نفسك بجد
لما تقدرى تقولى اه ولا
بحريتك
تحياتى

محمد عبد القوى يقول...

فكرتني بنشيد كان علينا فى الأبتدائي كنت بحبه جدا كان اول بيت فيه بيقول
ٌُآه لو كنت أطير .. مثل عصفور صغير
جميل قوي اننا نحلم ، بس مش دي الوسيلة المثلى لمواجهة موقفنا
وبمناسبة الموقف ياريت توقفى بسرعة من حلمك ده قبل حبايبنا الحلوين مايخدوا هما موقف وتروحى فى خبر كان
-----------
بوست جديد على قلم الحرية..يارب يعجبكم

محمد صبحى يقول...

ربنا يخلى لنا ثلاثى منوف

أحمد عز باشا
ودعاء عمرو بتاعة المواجهات اللى هيا
و
قهاوى منوف

تحياتى ليكى يادودة

د/اجدع بنوته يقول...

ايه يادودووووو ده

ايه الرعب ده

لا بس جامدددددددددده فعلا

nona يقول...

علشان كل واحد يبقى رئيس جمهورية نفسه لازم يكون عنده استقلال وعلشان يتحقق الاستقلال لازم نحقق الاستقلا الاقتصادى الاول لما نعرف ناكل روحنا من غير معونات هنحقق استقلال على كل النواحى وانا لما اشتغل واستقل اقتصاديا عن بابا هبقى رئيسه جمهورية نفسى مع انه حلم صعب تحقيقه لانى مفيش حد بيستغنى عن ابوه والقصيدة جامدة يا دعاء والى الامام

إبن الإسلام يقول...

ايه الجمال ده والله ولا اجمل شعر ده ولا حلم ولا عيا مش عارف بس فى الاخر ميه ميه والله الله ينور بتفكرينى بنفسى ايام الشباب

غير معرف يقول...

انا اسلام من منوف بصراحه انتى دمك خفيف مووووووووت و دماغ كمان
ممكن اتعرف عليكي بمنتهى الادب و الاحترام المتبادل
انا 25 سنه حاصل علي بكالوريوس تجاره
islam0105725193@yahoo.com
قشطه يا معلمه دعاء

shahin يقول...

اننا رؤساء جمهورية انفسنا حقا ولكن عندما نكون بانفسنا بمفردنا دون وصاية او تحكم اننا حينها نقهر الخوف و الضعف نقهر الرعب الذى ياتى الينا بلا سبب الا اننا اعتدنا ان نخاف حتى نخاف انها المنطقة الرمادية التى نعجز عن تجاوزها الا 00000 فى احلامنا و يا ايتها العزيزة دؤدؤة اعتذر عن التاخر الكبير فى التعليق لانشغالى القاتل بالتدريب الذى لا فائدة لة عند محامى استسلم لتعريف الدولة عن القانون

غير معرف يقول...

اه عندى اعتراض هو نايب من اى نوع من اللى جمعه نوايب او اللى جمعه نواب نادر بك

semsema يقول...

اولا ديه زيارتى الاولى ليكى
بلوج جميل
بوست حلو اوى

بشكرك لزيارتك مدونتى ويارب تكون عجبتك

تحياتى

صالح سعيد يقول...

دؤدؤ
صباح الفل والورد والياسمين
اسف لهذه الغيبه الطويله
وبعدين ازاى بقى عايزه تمزقى الدستور
انتى مش عارفه ان الدستور ده بيتنا الكبير يا دؤدؤد
ولا اشكيكى للريس اشطاط
فاهمانى طبعا
الفكره حلوه يا دعاء وكويس انها طلعت حلم
ربنا يجعل كل احلام اللى بالى بالك كوابيس
قولى امين بسرعه
تحياتى

حنة يقول...

احكمي نفسك يا ستي
بس حكم دستوري ديموقراطي
وكفاية مدتين والنبي
بلاش تقعدي ع العرش رب قرن ويزيد
بس حلوة القصيدة
تستاهلي مدة تالتة يلا

Noha El-arabi يقول...

هي المفروض يتركوا ليكوا الحكم بعد طول استعباط مش استعباد بأ
انا شخصيا ناوية آجي الجمهورية ده بعد اذنك

دعاء مواجهات يقول...

- مدحت محمد

كلامكط صح بس للأسف مش فى كل الأوقات بنقدر نقول آة ولأ بمزاجنا لأن فية قوى كتيييير اوى بتتحكم فينا تحت مسمى الخوف علينا

واولهم الأهل طبعاً

ولا إية رأيك ؟ دوول بقى نغيرهم إزاى؟؟؟

دعاء مواجهات يقول...

-محمد عبدالقوى

مهو المشكلة ف الحلم فعلا إنة لازم يخلص وينتهى ويبدأ غيرة وهكذااا

دعاء مواجهات يقول...

- محمد صبحى

خلية رباعى

(بمحمد صبحى) كمان ولا انت مش منها؟؟

دعاء مواجهات يقول...

د/ أجدع بنوتة

أولا أحب ارحب بيكى واقولك نورتينى

ثانيا فين الرعب دة وهو احنا لسة عملنا حاجة

دا انا لسة بقول ياهادى

وسانكس ع رايك...

دعاء مواجهات يقول...

-nona

يمكن عندك حق فى حتة الإستقلال الإقتصادى بس أكيد مش سهلة تحصل لنا كلنا

طب تعرفى اننا نفسنا اصلا بنخااف من الإستقلال ونتمنى يدوم علشان منشيلش الهم؟؟؟

دعاء مواجهات يقول...

-ابن الإسلام

ألا ليت الشباب يعود يوماً

ههههههههههههه

قوول ياارب..

دعاء مواجهات يقول...

-shahen
إية يامحمود الكلام الجامد دة

انت عاوز تودينة ف داهية ولا إية

ياعم احنا ماشيين جوا الحيط بالعافية

ربنا يعينك ع التدريب اللى ملووش لازمة..

دعاء مواجهات يقول...

-نادر بك

نواايب طبعاً

هههههههههههههههههههه

دعاء مواجهات يقول...

-semsema

نورتينى طبعا ياقمر ولازم الزيارة تتكرر كتيير

وفعلا مدونتك عجبتنى وكمان متميزة اوى

...

دعاء مواجهات يقول...

- صالح سعيد

لالالا إوعى تقولو لا يزعل منى

وبعدين بلاش سوء الفهم المتعمد دة ياصاصا باشا

انت فاهم قصدى ماشى

وبلاش تصطادف المية العكرة

وفعلا كنت زعلانة منك علشان مش بتزورنى.........

دعاء مواجهات يقول...

-حنة

مقبولة منك ياقمر
ع فكرة كنت ناوية احكم مدة واحدة بس ما دام الشعب عاوز اكتر يبقى احنا تحت امرة واحلامة اوامر طبعاً

نورتينى

دعاء مواجهات يقول...

-noha el arabi

ياخبر إذن مين بس ياجماعة انتوا مش محتاجين اى اذن إحنا جمهوريتنا مفتوحة على مصراعيها للراغبين والمحبين والمخنوقين والزهقانين والمطحونين والمأشفرين

وأى حاجة فيها إين إين ........

محمد صبحى يقول...

دعاء
للأسف أنا مش من منوف
أنا من شبين أو بالأحرى قرية من قرى شبين

ثانيا منوف كفاية عليها تلاتة
تلاتة على واحد حلال
أربعة على واحد حرام


إشطاط يادودة

طلب ياريت يتحقق
شيلى حوار الحروف اللى ف الكومنتات ده
أنا إتخنقت منه بجد

نوره الخشن يقول...

نفسي ثم نفسي هى الحاكمة
ان غرقت في مستنقعات الا انا فبذلك اكون قد انتهيت
خلقت لأكون انا فتباً لدستوركم

أظن ده اللي عيزة تقوليه

تحياتي ليكي


وابوس ايدك شيلي التدقيق الاملائي (الحروف المشفرة دي) عشان انا نظري ضعيف منغير حاجة

نوره الخشن يقول...

اه نسيت اقولك انك مبدعة بجد وليكي زيارات جاية فذمتي

وبرضو تشيلي التدقيق الاملائي

اجندا حمرا يقول...

عزيزتي دعاء

كلمات بسيطه و لكن ليها معاني كتيره و طبعا السيد رئيس جمهوريه نفسي صديق عزيز علي قلوبنا كلنا و بحب احييه عشان مصدر الالهام في القصيده الحلوه دي
اول زياره ليا و اكيد مش اخر واحده
استمتعت بقراءه القصيده و بتمني ليكي كل التوفيق

تحياتي

مدينه الملائكه يقول...

رائع بجد هايله في الاول مكنتش اعرف انك بنوته بس الكلام الجامد دة من بنوته زينا بجد رفعتي راس كل البنات واتمني كما يتمني الجميع ان نعيش ولو ليوم واحد رؤساء جمهوريه انفوسنا تحياتي لكي واتمني تشرفيني بزيارتك لمدوناتي

Rania يقول...

كلمات رائعة عزيزتى قد جعلتنيى اكرهك ايها الرئيس

تحياتى لابداعك

عبد من عباد الله يقول...

تلخيص ::

الفرد في بلادنا .. مواطن او .. سلطان ..

ليس لدينا انسان !!

فرنسا هانم يقول...

واه لو حدث !!!!!!!!!!
بجد رائعه
وممتازه
وكل حاجه
بس حكايه بيع الشعب دى انا مش موافقه عليها
معلشى
كل واحد يا خد حقه
اصل
الشعب اصلا متباع

رصيف نمرة خمسة يقول...

ايون هتعملى زيهم وتبعينا مع اول منعطف
طيب ابقى شوفى مين هينتخبك بقة ههههه
احنا عندنا الانتخابات نزيه يعنى مش هنتخبك

ماشى ياستى طيب خودينى ضمن الحاشية بتاعتك وكلنا نستفيد ونبيع اوك
تحياتى

Desert cat يقول...

انا شوفت العنوان افتكرت رئيس جمهورية نفسى المدون صديقى
قولت يمكن زعلك فى حاجه لكن لما كملت التدوينة لاقيتك عايزة تغيرى القوانين والدستور
طب ياريت كل واحد يقدر يبقى رئيس نفسه على الاقل كان بقى عندنا اكتفاء ذاتى ولا حد يسرقنا باسم القوانين
تحياتى

محمد فوزي يقول...

بصي يا دعاء انا اخدت جوله عندك في المدونه وعجبتني جدا الصراحه وناوي اتابع كتاباتك دايما ان شاء الله
لكن !
البوست ده بيتهيألي انه غير متسق يعني , واضح ان عندك رغبتين متضادتين وانتي بتكتبي , انك تنتقدي القيود والأسر اللي بتحسي بيه وفي نفس الوقت كما لو كان بتقولي هاكون نفس الصوره لو جاتني الفرصه( زي سعيد صالح في العيال كبرت لما قال انا بس اشوف ولادي دول وديني لأقطع عنهم المصروف)
فلازم تقوليلنا انتي ناويه على ايه عشان نعرف نديكي صوتنا ولا الطيب احسن

جيمس يقول...

ركزى علشان الكرسى ميروحش
ولاد الحرام مخلوش للرؤساء حاجة
وانا نصحتك وخلاص

دعاء مواجهات يقول...

-محمد صبحى

هههههههههههه اوكى ومالو كلها المنوفية

على فكرة مش عارفة التدقيق دة يتشاال ازاى لو تعرف قوللى

اوكى.

دعاء مواجهات يقول...

- نورة الخشن

نورتينى واشكرك ع رايك

قوليلى اشيلها ازاى؟؟؟

دعاء مواجهات يقول...

- اجندة حمرا

تعرف انك ممكن تكون مصدر الهام لقصيدة تانية اسميها اجندا حمرا إية رايك؟؟؟؟؟؟؟؟

دعاء مواجهات يقول...

- مدينة الملائكة

على فكرة فية بنات كتيير دماغهم جامدة اوى بس مش بيعرفوا يعبروا ورايك بجد بيزود منى كتييير

وعوزاكى تتابعينى بقى

دعاء مواجهات يقول...

-rania

شكرا لمرورك

وشكرا لكراهيتك كمان لان دة معناة التاثر الحقيقى

دعاء مواجهات يقول...

- عبد من عباد الله


جبت م الآخر

دعاء مواجهات يقول...

- فرنسا هانم

ياباشا كل اللى تقوول علية مااشى

لو عاوز نلغى القصيدة كلها بردو ماشى

دا انتى متعرفيش غلاوتك عندى ياقمر انتى

دعاء مواجهات يقول...

- رصيف نمرة خمسة

دا انا هبيع من غير منعطف كمان هى الحكاية طالبة شعب وزهق وبتااع كفاية عليا نفسى

وحكاية انى اضمك للحاشية دى هفكر فيهااا...

دعاء مواجهات يقول...

- desert cat

شكلى كدة همسكك وزارتين من بتوعى

بس تبقى ادمهم بقى

...........................

دعاء مواجهات يقول...

-محمد فوزى

طبعا بشكرك ع رايك ف المدونة

واحب اقولك ان القصد من القصيدة او الفكرة ان مفيش حد ديمقراطى حتى لو حكم نفسة لان زهوة الحكم هى اللى بتتحكم ف كل شء حتى فينا


دى وجهة نظرى الغير ملزمة لاى حد بالطبع...........

دعاء مواجهات يقول...

-جيمس

مركزين ياباشا ولا يهمك ولا تقلق عليناااا

نورتنى...........

م. سامح ابراهيم مصطفي يقول...

جيده جدا و فكرتها جميلة و اسقاطاتها في اتجاه معلوم-عجبتني

SAMEH IBRAHIM MOHAMED MOSTAFA يقول...

جيده جدا و فكرتها جميلة و اسقاطاتها في اتجاه معلوم-عجبتني

أسير حبيبتي يقول...

السلام عليكم
قصيدة رائعة و معبرة
فكلنا يعشق الحرية و يسعى لتحقيقها
و لكن
هل نتمكن من تحقيقها فعلا
ام نحققها فقط من خلال كلامنا و اشعارنا؟
دي بصراحة اول زيارة لمدونتك لكن اعدك انها مش هتكون الاخيرة ان شاء الله
دمتي بخير
عدنان

دعاء مواجهات يقول...

- م سامح ابراهيم مصطفى

اشكرك ع رايك

واتمنى المتابعة

سلااام

دعاء مواجهات يقول...

- أسير حبيبتى

شئ يشرفنى انها

متكونش الاخيرة

شكرا لذوقك